\id ACT
\ide UTF-8
\h Tomo
\toc1 Tomo
\toc2 Tomo
\toc3 act
\mt Tomo
\c 1
\cl ESUKI 1
\p
\v 1 Teopile, la litanda la mbai e poo, iyasi djinge kpaa Yesu apotali okeli la otiesakoli koto,
\v 2 tee lisiyo linge etelali inde la likolo, mbuse e inde ohi tomani la mboka e elimo satu atie tutiani wango awaonali.
\v 3 Mbuse e oeni odjidji, ayaeneseli la mokalo atie iwo la wilembeli ngbii e omeemene. Aeneneli la iwo masiyo tuku ineyi, adjakali koto owaaseli sambo djinge edhendji okumu wo Mwengei.
\p
\v 4 Nda ndenge edjalikali inde la iwo, awahali tomani ate: “Otilongwe la Yelusalema, ase lambelani ema enge Wawa awunali, enge iyoaselalini ino.”
\v 5 Yoani adjakali opatesi la malia, ase ino, la masiyo makeke, okopatisanani la molimo satu.
\p
\v 6 Ango wayutiani wabolianali wamohuelia ate: “Likumu, ndji la ehele engele nde ekowongoselaka owe Isalayele okumu?”
\v 7 Awawongoselali ate: etiodhendeni ino la oyewi engele la masiyo mango Wawa abati sese e okumu wonde amene.
\v 8 Ase okototani okulu engele molimo satu ekodja likolo lanu, okodjani watotoli wa mbai la Yelusalema, la Yudea kpaa, la Samalia, tee la gboo e moki.
\v 9 Mbuse e oasi ndjongo, Likumu Yesu adjambanali likolo ndji wakomodhendaka, lipata limodhihia la maiso mawu.
\p
\v 10 Ango edjaki iwo ndji odhendji likolo, engele edjakali inde oki, dhenda, wato waale wakpali wisindje bubake wawapumbelali.
\v 11 Waasali ate: “Pele dja Galilea, ndjoni eyamalini ino okodhendakani likolo? Yesu ongo, odjakali la ino akpalania koto likolo, akodja koto ndji ndjongo ndenge emoenini ino akotelaka likolo.”
\p
\v 12 Wawongwali la Yelusalama, walongwali la mokoli mungo moweli iwo mokoli mo Oliba, enge edjei ahue e Yelusalema, la lihele e okendo e lisio liesi.
\v 13 Ango elingelali iwo, watelia la mwange e likolo ongo ehahanali iwo odjei, wadjakali Petelo, Yoani, Yakobo, Andele, Pilipo, Toma, Batelemi, Matia, Yakobo mana o Alope, Simoni moto o mogalia, la Yudasi mana o Yakobo.
\v 14 Wayabondali, iwo kpaa wananganali la oyakongi, mongindji la wadji wali la Malia nango Yesu, la wamanango wa pele.
\p
\v 15 La mango masio, Petelo ayamalali liwoso la wamanango, iwo kpa wadjali kama esi la iwale, aasali,
\v 16 wamanima, eongoni madhingo maengane, enge elimo satu eyasali liwoso la monoko mo Davidi la loyi e Yudasi, ongo osombesali wango wamohelali Yesu.
\v 17 Adjali la iso, atotali lisango e wu otomo.
\p
\v 18 Oholo moto, asombali elanga e liputi e logo, akwali liwoso, aatanali, solo djande kpaa ipumbali.
\v 19 Ehele loyi eyewani la wato kpaa wango wayabati la Yelusalema, eho lenge la monoko mowu, wakowelaka elanga eho “Akeledama” epoti oasi “Elanga e makila.
\p
\v 20 “Laate edhingani la litanda e lembo ate, 'ebete ende eyabatake etikale ohola, moto koto atiyabate ongo'; moto odji koto atote mokpali monde.'
\p
\v 21 Ewongi, la wango wasombali la iso masio kpaa ango edjakali Likumu Yesu la iso,
\v 22 opoti la patisa etotali inde la Yoani tee lisio linge litotanali inde ndondo esu, mwesi la pele djaho awume mototoli e obasi wo Yesu mongindji la iso.
\p
\v 23 Wahia wato waale: Edjepu ongo owelani Balasabasa, wamosingiali Yusitusi, la Matiasi.
\v 24 Wakelali ehele oyakongi: Likumu, owe nde oyewi mitema ma wato kpaa, inya iwo waale omooni ndai,
\v 25 laate atote wu otomo koto wotutiani, enge Yudasi adheeli koto atutiali mboka ende amene.
\v 26 Wabingia djege, djege emokwelia Matiasi, ase aboleyanali ebete esi la watutiani lomi la esi.
\c 2
\cl ESUKI 2
\p
\v 1 Ango lisio la patekote e potali oumi; wadjakali iwo kpaa ebete kikima.
\v 2 Mbala kikima moli epumbali likolo nda ehoho enge edjei la lihohela, etumali la monguta ongo oyabatali iwo.
\v 3 Ndemo nda e misa eeneneli atie iwo koto eyakawanali, koto mwesi la mwesi eyabatali likolo la moto e moto ndondo ewu.
\v 4 Iwokpaa watumali la elimo satu koto wapotali oasi la minoko madji nda elimo edjali owahekeli iwo mboka la oasi.
\p
\v 5 Kaikwase, Wayuda weeti, la pele djinge wakowangaka Mwengei, wadjaali oyabati la Yelusalema walongwali la mikii kpaa minge midjei sese.
\v 6 Ndjongo, ango modudu muho mopumbali, ebiba e wango wato wayaboleali koto wakamwali ngbii, te pamba moto la moto adjaali owaoki iwo wakoasaka la monoko monde mo saa.
\v 7 Iwo kpaa watikalali mono ohola koto watumali la okamwi, waasali koto ate: “Dengayo, wango kpaa wakoasaka wadjei wato wa Galilea?
\v 8 Nda ndenge tokookaka, moto la moto ndondo esu, la monoko monde enge ewotamali iso la eho.
\v 9 Wapalate la Wamede la Waelama, la wato wango wakoyabataka la Mesopotamia, la Yudea, la Kapadosi, Poti la liwange e Azia,
\v 10 la Piligia la Pamipilia, Ezipito la wisuki wa Libia winge widjei ngambo e Silene, la wato wango wadjei ahala, wango wadjaali la Loma, Wayuda la wa Pozelita,
\v 11 wato wa Keleta la Walabe, tokowaokaka wakoasaka sambu sungu e Mwengei la minoko masu.
\v 12 Iwo kpaa watumali la okamwi la osombesi koto mamungene; wadjakali oyaaseli iwo la iwo, lu loyi eengi oasi woni?
\v 13 Kaikwase weeti wadjakali owaseki, wadjali koto oasi ate: wagbeti bino elelake.
\p
\v 14 Ase Petele ayamalali mongindji la watutiani liomo la esi, adjambali moli monde, aasali la wango wato ndjo: “Pele djaa Yudea koto ino kpaa wato wayabati la Yelusalema, yewani wu loyi koto tambani litoyi la wingbundu wa mbai.
\v 15 Meemene, wa wato walangoyiti maana nda ndenge ekomungwaka ino, laate ehele edjei engele esato e wuse.
\v 16 Ase ehele edjei sambo djinge eyasanali la mboka e motiesakoli Yoele ate:
\v 17 Mwengei aasi ndjo: La masio ma gboo, ikoswela wato wa ndenge kpaa ndambo e elimo e mbai, koto wana wanu wa pele la wana wanu wa wali wakotiesakala koto wilenge wanu wakoene wieneseli koto mbange djanu wakolota saki.
\v 18 Edje te tuke dja mbai dja pele koto la tuke dja mbai dja wali ikowaswela iwo ndambo e elimo e mbai la mango masio, iwo koto wakotiesakola.
\v 19 Ase ikohekele makamwesi la oyinyei sambo djinge ekodja ongo likolo koto wilembo la mbume ahala sese, makila koto misa la ligite e milungu.
\v 20 Wuse ekoyakukola koto la likolo, ndebo koto ekoyakukola la makila liwoso ate eume lisio lisungu koto e otwa e Likumu ekodja.
\v 21 Ase moto kpaa ango okodhumbeya kombo e Likumu akokala.
\p
\v 22 Pele dja Yisalayele, okani ehele wingbundu: Yesu o Nazaleta oholo moto Mwengei aaselali liwoso lanu la tomo e tetelake koto la makamwesi eenesake sambo djinge igeleli koto la wilembo winge Mwengei akelali la mboka ende ndondo enu, nda ndenge eyewini ino amene.
\v 23 Oholo moto, nda moto ongo okawani la otutei mwano mungo mwananate koto la oyewi wungo Mwengei adjei la eho eyewake sambo liwoso, ino omobakali la ekulusu la mawo e wato wango wakobukaka pui koto omoolalini.
\v 24 Ase Mwengei amobasisali, la ndenge alongosali ehelani e logo, laate etiengali okelani ate ahelane ndji la eho.
\p
\v 25 Laate Davidi aasi la loyi londe ate: Ikoeneke engele kpaa Likumu liwoso la maiso ma mbai, la ebili ate adjei la ewo e mbai e lilome, laate itiyabande te ma keke.
\v 26 Eho lenge motema mo mbai modjei la mwemu, lolemu lo mbai etume la iyelo, aleeti wenge wa mbai ekohoma la liwuna.
\v 27 Laate otitika molimo mo mbai ndondo e mbila, otiha koto mboka ate moto o owe molamu ahole.
\v 28 Oyewesi mbai mboka e mokalo, okotumesa mbai la mwemu e mbanda e owe.
\p
\v 29 Wamanima, ehani la mbai iyoaseleni te la mbangi, la loyi enge emodhendji tata osu Davidi, ongo ogwali, wamoombali koto mbila ende edjei ndondo e iso tee la masio makeke.
\v 30 Ndenge edjakali inde motiesakoli aleeti ayewali ate Mwengei amolapelali ndai ate akomobata moto mwesi la litoto lande likolo e ngbelengo e inde.
\v 31 Aenali liwoso koto aasali la loyi e obasi wo Kilisito ate atidheeneli ndondo e mbila, koto wenge wande witihololi.
\p
\v 32 Edjei Yesu nde Mwengei amobasisali, todjei iso kpaa watotoli e loyi loho.
\v 33 Adjambanali la ewo e lilome e Mwengei, atotali koto atie Wawa elimo satu enge ewunanali, aswia enge ekoeneke ino koto ekookaka ino.
\v 34 Laate Davidi atitelali la likolo, ase aasi inde amene ate: Likumu aasali la Likumu la mbai ate: “Abata la ewo e mbai e lilome
\v 35 tee ekobata mbai mitone ma owe nda esuleli e makolo ma owe.”
\p
\v 36 Monguta kpaa mo Yisalayele moyewe la omeemene ate Mwengei amowumesi Likumu koto Kilisito, Yesu oho ongo omobakani ino la ekolusu.
\p
\v 37 Mbuse e ooki ndjongo, mitema mawu mikondjuali, waasali la Petele koto la watutiani wadji ate: “Wamangbasu tokele woni?”
\p
\v 38 Petele awaaselali ate: “Kukolani ekaleli enu alidji mwesi la mwesi onu apatisane la kombo e Yesu Kilisito, la ototi wolimbesi e masumu manu, aleeti okototani likawo e elimo satu.
\v 39 Laate liwuna lidjei etie ino, la wana wanu koto la wango kpaa wadjei lihele, la wango kpaa Likumu Mwengei osu akowawela atie inde.”
\v 40 Aleeti, la wingbundu ngbii ahali litotoli koto adjakali owahekeli mogalia, aasia ate: Yakalesani la ehele oliye ehinani.
\p
\v 41 Wango wagemeiyali engbundu ende la motema kpaa wa patisanali, koto la lisio laho milimo inga mbuka isato ikalali.
\v 42 Wadjakali oyahekeli la matiesakoli e watutiani, koto oboliani iwo la iwo, olaki la oyakongi.
\p
\v 43 Bhoo edjakali okueli molimo kpaa, koto la makamuesi eenesake sambo djinge igeleli, la wilembo wipotali okelani la mboka e watutiani.
\v 44 Wango kpaa wagemeiyali wadjali ebete eikima,
\v 45 wadjakali otambi wihoo wau koto la ogumake wau, koto okawoli la moto kpaa wambele etotali iwo, ndenge moto la moto adjakali la ewongoli.
\v 46 Wadjakali masiyo kpa oboleani la Tepelo, wadjakali olaki okoke ewu ndondo e milako, aleeti wadjali ototi ilaka wawu la mwemu koto la oyahohisi motema,
\v 47 wadjakali o mogani Mwengei, koto wato kpaa wadjakali owaenesi logoo. Aleeti Likumu adjakali olingesi masio kpaa la losambo wango wadjakali okali.
\c 3
\cl ESUKI 3
\p
\v 1 Petele la Yoani watelali mongindji, la engele e oyakongi, edjali engele e libwa.
\v 2 Edjali la molome mwesi motengwaka e wotamake, wadjali omokpali, koto omobati masio kpaa la moluhe mo tepelo, linge liweli iwo Olamu, laate aongake makao ma osikana atie wango wakolingelaka la tepelo.
\p
\v 3 Moto oho, amwenia Petele la Yoani waokeke olingeli la tepelo, apotali oongi laate atote makao ma osikana.
\v 4 Pitele, mongindji la Yoani walumbali ehoi ya inde, ase Petele aasia ate: “Todhenda iso.”
\v 5 Ase awadhengia la mwano kpaa, la odhendeli ate akotota ema te esi ya iwo.
\v 6 Sikandjo Petele asia la inde: “Iti la palata la wolo, ndjongo djinge edjei mbai la eho eho nde ikoha la owe: La kombo e Yesu Kilisito o Nazaleta, yamala koto somba.
\v 7 La eho, Petele amohelali la ewo e lilome, amwaamalesia, ndji la enge engele, mangbanda e makaolo mande la mouli mande matetelali.
\v 8 Ahumbwali ayamalia, ase apotali osombi, alingelali mongindji la iwo ndondo e tepelo, adjali osombi ohumboi la omogani Mwengei.
\p
\v 9 Wato kpaa wa mweneli akosombaka koto akomoganaka Mwengei.
\v 10 Wamwewali ate edjakali inde ongo odjali oyabati la oongi makao ma osikana la moluhe Molamu e tepelo, watumali la oyahueli koto la owangi la loi wungo emowumelali.
\v 11 Nda etiwadheli inde Petele la Yoani, wato kpaa watilali obangu ya iwo, la ebete edjakali iwo oweli etombo e salomona.
\p
\v 12 Ango eenali Petele ndjongo, aasali la wato waho ate: “Pele dja Isalayele, lande ekoyahuelakani ino la wu loi ndjo? Lande ekotodhendakani ino, nda edjei la otetelaki wosu amene te inga la mboka esu nde ekeli ata tomosombese oholo moto?
\v 13 Mwengei o Abalayama, la Isaka, la Yakobo, Mwengei o watata wasu, ahekeli otwa atie motuke monde, Yesu ongo omokawalini ino koto omowungani liwoso la Pilato, ongo olukali omodhei.
\v 14 Omowunganyani moto mosatu koto moto molamu, ase oongalini molome mwesi, mooli mo wato, ate waoeneseleni ino magba e omodhei.
\v 15 Omooliani Likumu o mokalo, ase Mwengei amosusolali tee ongo la wagwi, iso todjei watotoli e loyi laho.
\v 16 Eho lenge, kombo ende, la mboka e ogemei osu la kombo ende, etetelesia moto ongo okomodhendakani ino koto ongo omoyewini, koto ogemei wungo wodjei la mboka ende emoumesia oholo moto la mokalo la maiso manu kpaa.
\p
\v 17 Ase sikandjo, wamanima, iyewi ate okelalini la odjangi oyewi, ndji ndenge makumu manu koto wakelali.
\v 18 Ase Mwengei aengesi wungo ounali inde atie watiesakoli wande, ate Kilisito onde akoene odjidji.
\v 19 La ndjongo, kukolani esombeli enu, koto yakukolani laate masumu manu malimane
\v 20 laate gboo e limbile edje atie Likumu inde amene koto laate amotome Kilisito ongo obatani la kole enu, Yesu.
\v 21 Ongo likolo eengi omobanye tee wiengele winge Mwengei akowongosa sambo kpaa poli ndenge eyasali inde la monoko mo watiesakoli wande wasatu la engele e gala.
\v 22 Moize aasali ate: Likumu Mwengei akowumeselani ino ndondo e wamangbanu motiesakoli mwesi nda mbai. Mookani la otutei sambo kpaa enge ekoasani inde la ino.
\v 23 Molimo kpaa ongo otimooka motiesakoli moho, akoolana ndondo e wato kpaa.
\v 24 Edjei ndjongo, watiesakoli kpaa opoti la Samuele, la wango wamotuteali mbuse, wango kpaa waasali, watiesakolali koto ma masio la hoho.
\v 25 Odjeini wana wa watiesakoli koto la ogemeiyani wungo Mwengei akelali mongindji la watata wanu, ango eyasali inde la Abalayama ate: La mogono mo owe maliye kpaa e mbume ekopambwana.
\v 26 Edjei atie ino yo nde Mwengei amwamalesali motuke monde, amotomali laate aopambweni koto la olongosi mwesi la mwesi onu la tomo djande mbe.
\c 4
\cl ESUKI 4
\p
\v 1 Kaiko nde ango Petele la Yoani wadjakali oasi la wato, wanganga Mwengei makumu la wasindjili wa tepelo koto la wasadukai wawapumbelali.
\v 2 Wayatungesali nda edjakali iwo otiesakoli wato, koto la otiesakoli la hoho obasi e wagwi la enge emodhendji Yesu.
\v 3 Wawabatali mawo, wawabatali koto la woyogo tee lisio linge libilei.
\v 4 Ndji ango ngbii e wango waokali engbundu eho wagemeiyali; motio mo pele ewumali inga koto itano.
\p
\v 5 Wuse wungo wobilei, makumu wagbotonoli la Yelusalema.
\v 6 La Anasi nganga Mwengei likumu la Kaipa la Yoani la Alezandele la wango kpaa wadjakali wato wa oliye e wanganga Mwengei likumu.
\v 7 Wabatali Petele la Yoani la odja ewu, wadjakali ohueli ate: “La nda okulu inga la kombo e ndai ekelini ino lu loyi?”
\p
\v 8 La eho Petele, nda etumesalanali inde la elimo satu, aasali la iwo ate: Makumu ma wato koto la wagbolo,
\v 9 inga tosambesana keke, la loyi e sambo ndamu enge ekelani atie moto o ekoni, la oyewi inga la mboka e ndai oholo moto akali,
\v 10 Eewane la ino kpaa, koto la wato kpaa wa Yisalayele, ate la kombo e Yesu Kilisito o Nazaleta, ongo omobakalini ino la ekulusu, ase Mwengei amobasesia tee ongo la wagwi, la mboka ende nde oholo moto opele ayamali liwoso lanu la wenge tetelake.
\p
\v 11 Yesu Kilisito adjei libukeli linge lilumbali ino wamai monguta, eho nde ewumali moika e monguta.
\v 12 Mokalo eti la oeti moto; laate kombo eeti eti ala sese enge ehani ndondo e wato, enge eongi la iso okali la mboka eho.
\p
\v 13 Ango eenali iwo oasi wo hoho e Petele la Yoani, ndjongo wakamwali, laate waewali ate wadjei wato wango watitange kelasi. Wadjali oewi olamu ate wadjakali mongindji la Yesu.
\v 14 Ango edjakali iwo odhendji ohongo moto okalali ayamali mongindji la iwo, watidjakali la loyi loasake.
\p
\v 15 Ase wawahali mboka ate wapumbe la Sanedelina, wapotali oyahueli iwo la iwo,
\v 16 waasali ate: Tokokela woni la wa wato? Laate la omeemene pendja elembo esi esungu ekelani la mboka ewu, enge eeneni la hoho la wato kpaa wango wayabati la Yelusalema, toengiti koto owungani eho.
\v 17 Ase, laate loyi luho litiandjane alidji la oeteli ndondo e wato, towayewese la oani ate, watiase la kombo eho alidji la moto te moikima.
\v 18 Wawawelali iwo, wawatekisali ate waase te watiesakole la kombo e Yesu.
\p
\v 19 Ase Petele la Yoani wawaongoselali ate: Inga edja sambo ndamu la maiso ma Mwengei ate tookeni ino la ebete ete tomooke Mwengei, ino amene tenani loyi.
\v 20 Iso toengiti odhei oaseli djii sambo eeni iso koto eoki iso.
\p
\v 21 Ango esisali iwo owaaseli la oani, wawapumbesali, laate watieneli loyi te luesi la owahi etumbu koto la loyi e wato, la ebili ate iwo kpaa wadjakali omohi Mwengei otwa la loyi wungo wokelanali.
\v 22 Laate oholo moto atie inde elembo eho e mokalo ekelanali adjakali la wilanga oyeti tuku inei.
\p
\v 23 Mbuse e opumbi, Petele la Yoani wakeeli atie wato wau amene, wawaaselali sambo kpaa djinge wanganga Mwengei la wagbolo waasali la iwo.
\v 24 Ango eokali iwo ndjongo, wadjambali mili mau la oboliani pendja atie Mwengei, waasali koto: “Motiesakoli, odjei Mwengei ongo okeli likolo, mbume, ewale la wihoo kpaa winge widjei ndondo eho.
\v 25 Koto ongo la mboka e elimo satu oasali la monoko mo tata osu Davidi, motuke mo owe ate: ndjoni minga miumia la miki koto wato wa miki wakobundwaka ndji sambo djinge idjangi kole?
\q
\v 26 Makumu ma mbume wayamalia la makumu wayaboliali nda moto moikima la omoyamaleli Likumu, koto la omoyamaleli moto onde okpulani maita.
\p
\v 27 Kaikoase, Elode la Pose Pilato la wato wa miki, mongindji la wato wa Yisalayele, wayaboliali ndondo e ehele gbata, la omwamaleli motuke mo owe mosatu Yesu, ongo owe omokpulali maita.
\v 28 Laate ikokelaka sambo djinge ewo e owe koto mwano mo owe eyanali liwoso ate ekopumba.
\p
\v 29 Ase sikandjo, Likumu, ene ndjangi djau, ndjongo ehekele mituke ma owe maengi eyaselake engbundu e owe la mohandja.
\v 30 Ango okonanolaka ewo e owe la okalesi koto ango wilembo koto makamwesi eenesake sambo djinge wikodja, ekokelanaka la kombo e motuke mo owe mosatu Yesu.
\p
\v 31 Ango esisali iwo oyakongi, ebete enge eyaboliali iwo edudumali, iwo kpaa koto watumali la elimo satu wadjali oaseli engbundu e Mwengei la mohandja.
\p
\v 32 Ebiba e wango wagemeiyali wadjakali la motema sa mwesi koto la molimo sa mwesi, koto moto tueti adjakali oasi ate enge ema edjei e inde amene la wihoo winge widjakali inde la eho. Ase wawanesali wihoo kpaa mongindji.
\v 33 La okulu wosungu watutiani wadjakali ohekeli litotoli la kole e obasi e Likumu Yesu, koto magba masungu edjakali ngbii atie iwo kpaa.
\v 34 Moto tueti ndondo ewu adjakali la odjangi, laate wango kpaa wadjakali la wilanga inga minguta, wadjakali otambi eho koto okpali makuta ma wihoo winge witambani
\v 35 wadjakali otiki eho la mawo ma watutiani. Mbuse eho wadjakali okawoli eho moto la moto la ndenge eengani la posa ende.
\p
\v 36 Edjepu, ongo watutiani wamohali kombo Balanabasi, ongo inga wakukola einei Mana o mohandja, inde Molebi, mana o moki mo Sipelelusi,
\v 37 atambali mobele monde akpalali wadjenge abatali eho la makolo ma watutiani.
\c 5
\cl ESUKI 5
\p
\v 1 Kaikoase, molome mwesi kombo ende Ananiasi la Safila moli onde, atambi ema ende,
\v 2 ase aisali esuki e wadjenge, moli onde koto ayewali eho, akpalali sa esuki abatali eho koto la makolo ma watutiani.
\p
\v 3 Ase Petele aasali ate: “Ananiasi ndjoni Etota aohi mogalia la omokosi elimo satu koto oisi esuki e wadjenge e elanga?
\v 4 Engele kpaa enge edjakali atie owe, koto mbuse e otambi, etidjakali ndji la mawo ma owe? Woni eyanali owe loyi e ehele ndenge la motema mo owe? Otikose wato, ase omokosi Mwengei.
\v 5 Ango Ananiasi aokali enge engbundu, akwali sese atenali motema, owangi wotetelake ehelali wango kpaa waokali eho.
\v 6 Wapalanga wa pele wayamalali, wamolingali la wisindje, wamokpalali saa, koto wamoombali.
\p
\v 7 Mbuse e wiengele inga isato, moli onde alingelali, atiewali loyi wungo wokelanali.
\v 8 Petele aasali la inde ate: “Ndjasela mbai, ino waale otambalini elanga la mu motio?” Inde aasali ate: “Ndjongo, la mu motio.”
\v 9 Ndjongo Petele aasali la inde: “Ndjoni ookanini ino waale laate omomekeni elimo e Likumu? Dhenga! Makolo ma wango wamoombali molome o owe idjei la monoko mo moluhe.”
\v 10 La mbala kikima akwali la makolo mande atenali koto motema. Engele elingelali djinge palanga dja pele, wamogbotoli agwi, wamokpalali koto saa, wamoombali inde koto ahue e molome onde.
\p
\v 11 Owangi etumisanali la lingomba kpaa la wango kpaa waokali sambo djaho.
\p
\v 12 La mawo ma watutiani wilembo ngbii koto la sambo kamwake e eenesi sambo ndjinge ikodja edjakali ndji okelani ndondo e wato. Wadjakali oyabolei la etombo e Salomona.
\v 13 Te mwesi ndondo e wato wadji adjakali la mogalia e oboliani mongindji la iwo. Kaikoase wato wadjakali owagani.
\v 14 Motango mo wango wamogemeiyali Likumu, modjakali oteli, pele la wali,
\v 15 wapumbesali wato wa wikoni te la wamboka wisungu, la owalangesi ongo la wipe wikeke koto la matoko, laate ango ekoeta Petele, inga te elima ende pamba ekomogaa te mwesi la iwo.
\v 16 Ebiba e wato wango walongwali la wagbata winge wisukiani la Yelusalema, wadjakali oyabondji, wadjakali okpali wato wa wikoni, wango koto wahelani la milimo mbee, iwo koto kpaa wakalali.
\p
\v 17 Ase nganga Mwengei mosungu la wango kpaa koto wadjakali mongindji la inde, ma lingomba e Wasadukai enge edjakali la enge engele, wayamalali, koto watumalali la zua
\v 18 wawahelali watutiani, wawabatali la woyogo e wato kpaa.
\v 19 Ase la likolo ahumbwa o Likumu adhukolali miluhe ma woyogo, awapumbesali saa, aasali koto,
\v 20 Kekeni, ango ekoyamalani ino la tepelo, asakani la wato wingbundu kpaa widhengi mokalo.
\v 21 Ango eokiya iwo ndjongo, walingelali boo la tepelo, ase wapotali otiesakoli. Kaikoase ango nganga Mwengei mosungu la wango koto wadjakali mongindji la inde wadjali, waboliali Sanedelina koto limbutukele e wiloko kpaa e wana wa Yisalayele, watomali wato wake owatoti la woyogo.
\v 22 Ase ango eumali wapulusu ongo, watiwagbotali kine ndondo e woyogo, ndjongo wawongwali, la okasumbi mboli,
\v 23 “iso togboti woyogo edhihani olamu, wasindjili wayamali koto olamu la miluhe, ase ango edhukolia iso, totimogbote moto te moikima.
\v 24 Ango likumu e tepelo la wanganga Mwengei makumu waokia engbundu eho wasilali lokenge la loyi e sambo eho, wadjakali oyahueli inga ekosuka woni.
\p
\v 25 Ase moto mwesi adjali o waaseli: denga! Pele djinge owabatalini la woyogo, wadjei la tepelo, wayamali, wakotiesakolaka wato.
\v 26 Ase likumu e tepelo akeeli mongindji la wapulusu wande, wadjali la iwo, te la minga, laate wadjakali owawangi wato ate watiwabinge mabhukeli.
\p
\v 27 Ndjongo wadjakali la iwo wawamalesali la monguta mo Sanedelina. Nganga Mwengei mosungu awahuelali,
\v 28 wawongosali ate: Tootekisalini la hoho ate otitiesakoleni kine la ehenge kombo, ase, denga! Otumesiani Yelusalema la matiesakoli manu, okoanakani odjeesi makila e moto oho likolo lasu.
\v 29 Petele la watutiani wadji waongosali ate: “Toengi omotemei Mwengei laate adjei Likumu la ebete e otemei wato.
\v 30 Mwengei e wasangbasu amobasisali Yesu, ongo omoolali ino, la omobaki la ekulusu.
\v 31 Mwengei amoyamalesali moto oho adje Likumu koto Mokalesi la ewo ende e lilome, la ohekeli Isalayele nano ekukolake motema koto e olimbesani masumu.
\v 32 Todjei watotoli e sambo djaho, ndenge kikima koto elimo satu, enge Mwengei ahekeli la wango wakomotemeiyaka.”
\v 33 Ango eokali iwo ndjongo, wamemelali, wapakali koto owaoli.
\p
\v 34 Ase Mopalizeyo mwesi kombo ende Gamaliela, motiesakoli mo pui ongo wato kpaa wakomotemeiyaka nee, ayamalali la Sanedelina, atomali ate wapumbese makeke watutiani.
\v 35 Ase aasali la iwo ate: “Pele dja Isalayele, huakani la wungo obali ino okeli wa wato.
\v 36 Laate liwoso e masio mango Tedasi ayamalali, adjakali oasi ate inde pendja adjei moto, ase ebiba e pele inga kama inei, walingelali la lingomba lande. Ase aolanali, koto wango kpaa wadjakali omotemei wayandjanali, wasilala koto iwo kpaa.
\v 37 La mbuse ende, Yudasi mo Galileya, ayamalali la masio madhingesake kombo, agulali koto wato mbuse ende. Ase moto oho aguali, wango kpaa wadjakali omotemei wayandjanali.
\v 38 La sambo djinge ikoetaka sikalandjo, ikoasaka la ino ate: Otilingeleni la sambo e wa wato, ase wadheeni, la ebili ate inga mungo mwano, te inga wungo otomo elongoyi la wato, ekokwa.
\v 39 Ase inga elongoi atie Mwengei, otiengani okwesi. Okahuakeni laate okodjani osanesi Mwengei.
\v 40 Wamookelali, wawawelali watutiani, wawabingali pimbo, wawaaselali koto ate wadhe oasi la kombo e Yesu, wawadheeli.
\p
\v 41 Walongwali liwoso e Sanedelina, waemelali laate watoloni wato wango waongi la osambo la loyi e kombo e Yesu.
\v 42 Masio kpaa, la tepelo koto la monguta mwesi la mwesi wadjakali oaseli la otiesakoli mboli ndamu enge edhendji Yesu Kilisito.
\c 6
\cl ESUKI 6
\p
\v 1 La masio maho, ango motio mo watutiani modjakali otaleyani, ondunguani epumbali atie Wayuda wa monoko mo Geleki la loyi e Wayuda wa monoko mo Ebele, la ebili ate wadjakali owosani la engele ekawolake wilaka e masio kpaa wali wau wango wagueli pele.
\p
\v 2 Ndjongo, watutiani liomo la iwale wawawelali wango watutiani kpaa atie iwo, koto waasali ate: “Eti olamu ate iso todhe engbundu e Mwengei laate tokawole wilaka wilakake la wamesa.”
\v 3 Ndjongo, wamanima, lukani ndondo enu pele sambo e mogano molamu, wango watumi la elimo koto la lokenge, laate towabate la mokpali mungo mo kole.
\v 4 Ase iso toyahe kpaa la oyangongi la otomo e engbundu.
\p
\v 5 Loyi wungo woasali iwo, e emeseli ngbii e enge wato kpaa. Wamoonoli Setepano, moto ongo otumi la ogemei koto la elimo satu, Pilipo, la Polokolo, Nikanola la Timona, la Palamenasi, Nikolasi, moto o moki mo Atiokia ongo oyakukolali mo Yuda.
\v 6 Wawabatali la odja e watutiani, mbuse e oyakongi, wawabatelali mawo.
\p
\v 7 Engbundu e Mwengei edjakali obeki, koto motango mo watuytiani modjakali oteli ngbii ndondo e Yelusalema, koto ngbii e wanganga Mwengei wapotali otemei ogemei.
\p
\v 8 Kaikoase Setepano, ongo otumali la ngolu koto la okulu, adjakali okeli makamwisi masungu eenesake sambo djinge wikodja koto wilembo wisungu ndondo e wato.
\v 9 Ase wato wadji ndondo e wango wadjakali o welani Sinagoga e wakpolani, la wato wa Silena, la wato wa Alesandelia, la wango walongwali la Silisia la Azia, wayamalali la omokokeyi Setepano.
\v 10 Ase watiengali oyamali liwoso e lokenge koto e elimo enge inde adjakali oasi la eho.
\p
\v 11 Wandongbali wato laate waase ate: “Tomooki akoasaka wingbundu e omotangi Moize la Mwengei.”
\v 12 Wamemeleseli wato, wiloko la wagbolo, wamohelali, wamokpalali la Sanedelina.
\v 13 Wapumbesali watotoli wa moleho, wango waasali ate: “Oholo moto atidheeke oasi sambo mbe la ehele ebete mosatu koto la loyi e pui.
\v 14 Tomooki akoasaka ate, Yesu o Nazaleta oho akobitesa ehele ebete koto akokalamba ekaleli enge etohali Moize.
\p
\v 15 Wango kpaa wayabatali la sanedilina wadjakali omodhendji, waeneli ate mbanda ende edjakali nda mbanda e ahumbwa.
\c 7
\cl ESUKI 7
\p
\v 1 Nganga Mwengei mosungu aasali ate: “Djinge sambo widjei ndjongo?”
\p
\v 2 Setepano assali ate: “Pele, wamanima koto wawawa, ookani mbai: Mwengei o otwa apumbelali tata osu Abalayama ango edjakali inde la Mesopotamia, liwoso ate apote oyabati la Halana;
\v 3 aasali la inde ate: pumba la moki mo owe, koto wamangua, keke la moki mungo mokooinya mbai.
\p
\v 4 “Apumbali la moki moho mo Wakalideya, apotali oyabati la Halana. Ongo mbuse ango sango akuali, Mwengei amolongosali la enge ebete eyabatali inde laate ake la moki mungo ino oyabati sikalandjo.
\v 5 Atimohali lisango te liikima, te mbume enge eengani la osungu e ligilili e lokolo, ase omowunelali nde omohi eho laate edje ema ende, koto e litoto lande mbuse ende, inga te ate la enge engele atidjakaliyo la mana.
\v 6 Mwengei aasali la loyi laho ate, lisango lande likodja wato wango wakoyabata wadjidji la moki mo wadjidji, koto wato waho wakoawumesa tuke, wakoaenese koto odjidji wilanga kama inei.
\v 7 Ase moki muho mungo iwo wakokelela nda tuke, mbai okosambesa eho, mbuse e sambo djaho, wakopumba, wakokelela mbai koto otomo mosatu la ehele ebete.
\v 8 Mwengei amohali koto Abalayama ogemeyani etenanake kombeni, la eho amootali Isaka, amotenali kombeni la lisio la mwambi, Isaka amootali Yakobo, Yakobo awotali makumu liomo la maale e watata.
\p
\v 9 Watata waumali la zua atie Edjepu, wamotambali la Ezipito; ase Mwengei adjakali mongindji la inde
\v 10 amobanyali la odjidji wonde kpaa, amohali koto ngolu koto lokenge la maiso ma Palao likumu o Ezipito. Amobatali la osombesi Ezipito la monguta monde koto kpaa.
\p
\v 11 Ndjala ekwali Ezipito kpaa la Kanana, wodjidji weesi wosungu, watata wasu watidjaakali kine la ilaka.
\v 12 Ase Yakobo aokali ate wilaka ilakake widjei la Ezipito, atomali wasangbasu mbala e poo.
\v 13 Koto la mbala e wale Edjepu ayainyali atie wamanango, koto oliye wo Edjepu eyewanali atie Palao.
\v 14 Edjepu awatomali wamanango wake omoweli Yakobo sango la wato kpaa e oliye wonde, iwo kpaa wadjakali wato tuku sambo la itano.
\v 15 Yakobo ayadjimbali la Ezipito, aguali, watata wasu koto waguali.
\v 16 Wenge wau wikpalanali la Sekema koto wawalangeyali la mbila enge Abalayama asombali la motio e wadjenge e palata atie wana wa Hamola la sekema.
\p
\v 17 “Ango engele edjakali owomi la hue laate liwona wungo Mwengei atiesakolali la hoho atie Abalayama eengesane, wato waotanali ngbii, waumali ngbii la Ezipito,
\v 18 Tee engele enge odji likumu apumbali la Ezipito, ongo otimoyewali Edjepu.
\v 19 Akelelali moki mosu lokenge lobe, agugali wasangbasu laate wapumbese wana wau wakeke, la ebili ate watiwadhee la mokalo.
\p
\v 20 La engele eho, Moize awotamali, awongali koto te la maiso ma Mwengei; wamobanyali ndembo isato la monguta mo sango.
\v 21 Ango emolumbali iwo, mana o moli o Palao amoliali koto amowokololi nda mana onde amene.
\v 22 Moize atiesanali la lokenge kpaa e Waezipito, aumali la otetelake la ogbomeli koto la tomo djande.
\p
\v 23 Ango elanga ende e tuku enei edjakali oyeti, amungolali la motema ate ake awadhendji wamaanago, wana wa Isalayele.
\v 24 Ango eeneli inde mwesi ongo wadjakali omokeli obe, amolingelali, awongosali obe la loyi e moto ongo wadjakali omoenesi odjidji la ooli ongo Moezipito.
\v 25 Inde adjaali omungoyi ate wamanango wakoewa ate Mwengei moto obali owakalesi la ligamesi e ewo ende, ase watiewali ndjongo.
\v 26 La lisio linge libileyi awapumbelali ango edjakali iwo osani, amekali owongosi logoo ndondo ewu, aasia: “Pele, odjeini wana wauma. Woni ekokelanakani ino obe?”
\v 27 Ase ongo odjakali omokeli manango obe, amohilali, aasali ate: “Ndai aobati owe likumu koto djodji osu?”
\v 28 Otilukaaka ate ondjole mbai nda emoolali owe Moezipito kolokolaka?
\v 29 Ango eokia Moize enge engbundu, atilali, awumali oyabati modjidji la moki mo Midiana, ongo ewotali inde wana wa pele waale.
\p
\v 30 Ango eengali wilanga toku inei, ahumbwa mwesi amopumbelali la esobe e mokoli mo Sinai ndodno e lolemu wo misa e ma mote e keke.
\v 31 Ango eenali Moize ndjongo, ayahuelali la loyi enge eenali inde; ango edjakali inde oyandongbi la odhendji olamu, moli mo Likumu mokpomali,
\v 32 Idjei Mwengei e watata wa owe, Mwengei o Abalayama, koto o Isaka koto o Yakobo, nda ongilimi e moetelali Moize atimekali alidji odhendji ongo.
\v 33 Ndjongo Likumu aasali la inde: tuba wikpokpo e makolo ma owe, laate ebete eyamali owe, edjei mbume mosatu.
\v 34 Eeni wodjidji e wato wa mbai ongo la moki mo Ezipito, ioki oyatati wou, koto iyadjimbi laate iwakalese. Djaka sikandjo, ibali ate iyotome ongo la Ezipito.
\p
\v 35 Moize oho, ongo omowunganali iwo, waasali ate, ndai aobati owe likumu koto djodji? Inde moto oho nde Mwengei amotomali nda likumu koto nda mokalesi la ligamesi e ewo e ahumbwa ongo omopumbelali inde la ma mote enge e keke.
\v 36 Edjaali Moize nde awapumbesali mbuse e okeli sambo kamwake e eenesake sambo djinge wikodja koto wilembo la Ezipito koto la ewale etanake koto la esobe wilanga tuku inei.
\v 37 Inde nde Moize ongo oasali la wana wa Isalayele ate: 'Mwengei akomalesela ino ndondo e wamangbanu, motiesakoli mwesi nda mbai.
\v 38 Inde nde odjakali ndondo e liboliani la esobe mongindji la ahumbwa ongo odjaakali oasi la inde la mokoli mo Sinai koto mongindji la watata wasu, atotali koto wingbundu mosatu e mokalo la ohekeli ino.
\p
\v 39 Ase watata wasu watibalali omotemei, wadjaakali omotoni, la mitema mawu wawongwali la Ezipito.
\v 40 Waasia la Alona ate: Totulela iso wamwengei wango wakosomba liwoso lasu. Laate Moize oho, moto ongo otopumbesali la moki mo Ezipito, toewiti nda ema emoumeli.
\v 41 Ndjongo watulaali mana ongombe, watelesali mbeka atie elima eho, wapotali oemeli la tomo e mawo mau.
\v 42 Ase Mwengei ayakukolali, awakawali laate wakelele miyoto ma likolo, ndenge edhingani la ahala e watiesakoli, etidjakali atie mbai nde ohalini nama enge eolani koto wambeka la oumoyi e wilanga tuku inei la esobe, monguta mo Isalayele?
\v 43 Ase edjakali nde hema e Moloke koto wenge e mwengei Lepana enge ekpalalini ino, wilima winge wikelalini ino la oyakongi la eho: ndjongo ikookpalani lihele oyeti Babilona.
\p
\v 44 Watata wasu wadjakali la hema e litotoli ndondo e esobe, ndji ndenge Mwenge ahekeleli pui ango edjakali inde oasi la Moize akele eho la otuteyi enge eeneli inde.
\v 45 Watata wasu wango watotali lisango laho, walingesali koto eho mboka esi la Yosuwa la moki mo wapagano, enge Mwengei aumbali la iwo liwoso la watata wasu. Hema eho eumuali ongo tee masio ma Davidi.
\v 46 Davidi atotali ngolu la maiso ma Mwengei, aongoli koto nano ndamu e omototeli Mwengei o Yakobo ebete eyabatake.
\v 47 Ase Salomo moto omomayelali Mwengei monguta.
\p
\v 48 “Inga te ndjongo, ongo oeti likolo atiyabataka, la minguta minge mikelani la mawo. Ndji ndenge motiesakoli akoasaka,
\v 49 Likolo lidjei ngbelengo e okumu o mbai, mbume edjei ebete ebatelake makolo ma mbai. Monguta e nda ndenge ekomaalelani ino mbai? Likumu aasi ndjongo, koto eni ebete e mbai ehomake?
\v 50 Eti ewo e mbai nde ekelali dji sambo kpa?
\p
\v 51 Ino wato wa mito mangbongi koto wango wadjangi otenani kombeni la mitema koto la ma matoyi, odjeini engele kpaa oyameleli elimo satu; ndenge watata wanu wakelali, ino koto okokelakani ndji ndjongo.
\v 52 Ndai watata wanu watimodjebeleli ndondo e watiesakoli? Waolali wango watiesakolali poo la kole e djaake e Moto molamu, ongo ino oumiani sikala ndjo watambi koto waoli wande,
\v 53 ino wato watotali pui enge ehanali la mboka e waahumwa ase otitemeiyalini eho.
\p
\v 54 Ango eokali iwo djinge sambo, wakondjoli la mitema mau, wapotali koto omolakeli Setepano maino.
\p
\v 55 Ase inde, nda etumali inde la elimo satu, adhendali likolo, aenali otwa wo Mwengei koto Yesu ayamali la ewo e lilome e Mwengei.
\v 56 Setepano aasali: “Dhenda, ieni likolo lidhukwani koto mana o moto ayamali la ewo e lilome e Mwengei.”
\p
\v 57 Wahumbali pui esungu la oyadhiki matoyi, iwo kpaa wakwali likolo lande.
\v 58 Mbuse e omolumbi saa e gbata, wapotali omobingi mabukeli. Watotoli walangesali wisindje wau e likolo la makolo e mwenga mwesi omoweli iwo Saulo.
\v 59 Wadjakali ndji omobingi Setepano mabukeli, ango edhumbiali inde, aasali ate: “Likumu Yesu, yamba molimo mo mbai.”
\p
\v 60 Mbuse e inde okpii la mauli, ahumbali pui etetelake ate: “Likumu, otiwatangele ehele lisumu.” Mbuse e oasi ndjongo alangalali ndondo e logo.
\c 8
\cl ESUKI 8
\p
\v 1 Saulo agemyali logo e Esetepano. La lisio laho, odjidji ewumelali lingomba la Yelusalema; iwo kpaa longosa ndji watutiani, wayaandjali la miki mikeke e Yudea koto la Samalia.
\v 2 Ase pele djinge wakomowangaka Mwengei, wamokpalali Setepano la oki o moombi, wamolelali koto nee.
\v 3 Saulo, apotali oenesi lingomba odjidji la ndenge mbe. Adjakali olingeli la monguta mwesi la mwesi opumbesi pele la wali, adjakali owalumbi la woyogo.
\p
\v 4 Wango wayandjali, wakeli ebete la ebete la otiesakoli mboli ndamu e engbundu.
\v 5 Pilipo ayadjimbali la gbata e Samalia, apotali otiesakoli Kilisito atie iwo.
\v 6 Ebiba e iwo kpaa, wadjakali oyangatali la sambo djinge Pilipo adjakali oasi, ango edjakali iwo ooki la odhendji wilembo winge widjakali inde okeli.
\v 7 Laate woto ngbii wadjakali la milimo mibe, milimo miho midjakali ohumbi pui la otili. Wato wagui makolo la wango wakotenguaka wakondjali mokalo.
\v 8 Mwemu esungu edjakali la gbata eho.
\p
\v 9 Ase la gbata eho molome mwesi adjakali, kombo ende Simoni, ongo, liwoso e djinge sambo, adjakali okeli tomo dja lilando, adjakali okamwesi moki mo Samalia, adjakali oasi inde adjei moto mwesi mosungu.
\v 10 Iwo kpaa opoti la wana wakeke tee la wiloko wadjakali omogemei la oasi ate: “Oholo moto adjei okulu wo Mwengei, enge eengi owelani osungu.
\v 11 Wadjakali omogani, laate apotali owakamwesi tee la gala la tomo djande dja lilando.
\v 12 Ase ango emogemeiyali iwo Pilipo, ongo odjakali otiesakoli mboli ndamu e wokumu wo Mwengei koto e kombo e Yesu Kilisito, wapotali opatisani, pele la wali.
\v 13 Simoni inde amene koto aumali mogemei, ase, mbuse e opatisani, ahelanali engele kpaa la Pilipo, adjakali okamwi la oeni ndenge wilembo koto tomo sungu e okulu edjakali okelani.
\p
\v 14 Ango watutiani wa Yelusalema waokali ate Samalia eyambia engbundu e Mwengei, wawatomelali Petele la Yoani.
\v 15 Iwo wayadjimbali, wakongali la loyi e iwo laate watote elimo satu.
\v 16 La ebili ate elimo satu etimodjimbelaliyo moto te moikima ndondo ewu, ase wapatali sa la kombo e Likumu Yesu.
\v 17 Ndjongo Petele la Yoani wawabatelali mawo, wapotali ototi elimo satu.
\p
\v 18 Ango eenia Simoni ate elimo satu edjakali ohekelani engele watutiani wabatelali wato mawo, alukali owahi wadjenge.
\v 19 Aasia ate, “Hekele mbai koto ehele okulu, laate moto kpaa ongo okomobatela mbai mawo atote elimo satu.”
\p
\v 20 Ase Petele amwaselali ate: “Dhee ate palata dja owe ebitane mongindji la owe amene, laate omungoi ototi likao e pamba e Mwengei la wambele.
\v 21 Oti la likao koto la lisango la lu loyi, laate motema mo owe monanolaniti la maiso ma Mwengei.
\v 22 Ndjongo, kukola motema la obe e owe, koto yakonga la Likumu, laate inga liengi likodja, oani e motema mo owe elimbesane.
\v 23 Ikoeneke ate otumi la ngenge koto moliki monangake e odjangi sambo ndamu.
\p
\v 24 Simoni awongwesali ate: “Pele ino nde yakongani la Likumu la loyi wo mbai ate te esi e sambo djinge easi ino etiwumele mbai.”
\p
\v 25 Ango esisali iwo ohekeli litotoli lilamu koto la oaseli engbundu e Likumu, wawongwali la Yelusalema, wadjakali koto otiesakoli mboli ndamu la miki ngbii ma Samalia.
\p
\v 26 Kaikoase ahumbwa mwesi o Mwengei, amoumelali Pilipo, amwaselia: “Yamala, keke la sidi, la magalasano enge eyadjimbi la Yelusalema tee la Gaza.” (Edjei mboka e esobe.)
\v 27 Ndjongo ayamalali, ase akeeli, dhenga, mokube mwesi moto o Etiopia, moto mosungu ongo odjakali omokeleli kandasa likumu moli e wato wa Etiopia, inde koto nde adjakali odhendeli ogumake wonde kpaa. Akeeli la Yelusalema la oyakongi.
\v 28 Adjakali owongoi ayabati la likalo lande adjakali otangi la moli mopamake motiesakoli Isaya.
\p
\v 29 Elimo eyasali la Pilipo ate: “Yandongba, yahelela la ehele likalo.”
\p
\v 30 Pilipo akeli obangu la lisuka e likalo, amookali inde akotangaka la moli mopamake motiesakoli Isaya, aasali la inde ate: “Okoewaka pendja sambo djinge ekotangaka owe?”
\p
\v 31 Inde amowongoselali ate: Iengi oewi eho nda ndenge, inga moto atitiesakole mbai? Ayakongali la Pilipo atele ayabate koto mongindji la inde.
\p
\v 32 Kaikoase esuki e madhingo enge edjakali inde otangi la moli mopamake edjaki ehele ndjo: “Nda meme, akpalanali la ebete eolanake, koto nda mana o meme ongo otilelaka liwoso e moteni swe djande, inde koto atidhukolali monoko monde.”
\q
\v 33 La owumoi wo ayadjimbesi wonde, osambesi emolongwesanali. Ndai okoasela sambo e oliye wonde? Laate mokalo monde elongosani ahala la mbume.
\p
\v 34 Mokube amowongoselali Pilipo ate: “Iyatati la owe, motiesakoli akoasaka lu loyi la kole e ndai?” La kole ende amene inga la kole e moto odji?
\v 35 Pilipo, adhuholali monoko, nda epotali inde la madhingo maho, amotiesakololi mboli ndamu enge emodhendji Yesu.
\p
\v 36 Ango edjakali iwo osombi la mboka, waumali la ebete enge edjakali malia, mokube aasali ate: “Denga, malia maama, nde ekotekesa mbaa ate ipate?
\v 37 Pilipo aasali: “Inga ogemei la motema mo owe kpaa, eho eengi okelani.” Mokube awongosia: “Igemei ate Yesu Kilisito adjei mana o Mwengei.
\v 38 Mokube amalesali likalo, iwo kpaa waale wayadjimbali la malia, Pilipo la mokube, Pilipo amopatisali.
\v 39 Ango epumbia iwo la malia, elimo e Likumu emokpalali Pilipo, mokube atimweneli kine. Mokube awongwanelia okendo wonde la mwemu.
\p
\v 40 Ase Pilipo adjaali oyaeni ate adjei la Asedoda, akpandali koto moki muho kpaa, adjakali koto ndji otiesakoli mboli ndamu la wagbata kpaa tee eumali inde la Kaisalia.
\c 9
\cl ESUKI 9
\p
\v 1 Ase Saulo, nda edjakali inde oani koto oluki owaoli watutiani wa Likumu, akeeli atie nganga Mwengei mosungu
\v 2 amoongoli wikpata la loyi e wasinagoga winge widjei la Damasi, laate ahele koto akpale la Yelusalema, moto kpaa ongo okomogboto inde, ongo ogemei mango matiesakoli, edje pele inga wali.
\p
\v 3 Ndjongo nda edjakali inde la okendo, aumali ahue la Damasi, la gbutugbu, ngbai esi elongwali likolo, engalali la lisukasuka lande;
\v 4 akwali la mbume, aokali moli mwesi eyasia la inde ate: “Saulo, Saulo lande okoeneseke mbai odjidji?
\v 5 Saulo awongosali: “Owe ndai, Likumu?” Likumu awongosali: “Edjei mbai Yesu ongo okomoeneseke owe odjidji.
\v 6 Ase yamala, lingela la moki wakoasela enge ewongi la owe okeli.
\v 7 Pele djinge wadjakali oki la inde mongindji, wayamalali bii, waokali, la omeemene, modudu mo moli mwesi, ase watimoeneli moto.
\v 8 Saulo ayamalali, inga te ate maiso mande maduhuanali matidjakali oeni ema. Wamohelali ewo, wamokpalali la Damasi.
\v 9 Ayabatali masio masato odjangi oeni, olaki, la okengi
\v 10 Ongo la Damasi motutiani mwesi adjakali ongo, kombo ende Ananiasi. Likumu aasali la inde la mboka e saki ate: “Ananiasi!” Ananiasi awongosia: «Mbai ndolo Likumu.”
\v 11 Likumu aasali la inde: «Yamala, keke la mboka enge ewelani Alima, koto la monguta mo Yudasi, moluka moto mwesi kombo ende Saulo, moto o Talasisi. Laate denga, akoyakongaka.
\v 12 Aenia la saki moto opele mwesi kombo ende Ananiasi alingelia, amobatelali koto mawo laate awongwanele oeni.»
\p
\v 13 Ase Ananiasi awongosali: “Likumu, ioki atie wato ngbii mboli e ohongo moto pele, sambo ngbii mbembe djinge awakelali wasatu wa owe la Yelusalema.
\v 14 Koto ango edjei inde la okumu wungo wanganga Mwengei makumu wamohekeli inde ehelake la miliki wango kpaa wakodhumbeyaka kombo e owe.”
\p
\v 15 Ase Likumu aasali la inde ate: keke, laate ohongo moto opele adjei teni enge ewoni mbai la okpali kombo e mbai atie wapagano koto atie makumu, koto atie wana wa Isalayele;
\v 16 Ikomoinya la hoho ngbii e sanbo djinge ekoenele inde odjidji la loyi e kombo e mbai.
\p
\v 17 Ananiasi akeeli, alingelali la monguta muho, amobatelali mawo, aasali koto ate: “Saulo, manima, Likumu, Yesu ongo o opumbelali la mboka enge edjaki owe odji, atomi mbai ate owe oene alidji, koto otume la elimo satu.”
\v 18 La mbala kikima, wihoo wiesi nda poso dja su elongwali la maiso mande ekwali, apotali koto oeni, ayamalali, apatali koto;
\v 19 alakali wilaka, oteteli ewongwali la wenge. Saulo aetesali ma masio la watutiani wango wadjakali la Damasi.
\p
\v 20 La mbala kikima inde apotali otiesakoli la wasinagoga ate Yesu adjei mana o Mwengei.
\v 21 Wango kpaa wadjakali o mooki, wadjaakali oyahueli, la oasi ate: “Oholo eti moto opele ongo odjakali oandji wato wango wakodhumbeyaka ehenge kombo la Yelusalema, koto ongo odjaki ahala la kole ehele pendja, awakpale iwo la miliki atie wanganga Mwengei makumu?
\v 22 Ase, Saulo adjakali alidji ndji ototi okulu ngbii, adjakali koto owasukesi Wayuda wango wadjakali oyabati la Damasi ango edjakali inde oenesi ate Yesu adjei Kilisito.
\p
\v 23 Mbuse e masio ngbii Wayuda walingeli likita laate wamoole.
\v 24 Mwano mowu modjali oewani atie Saulo. Wadjakali olambeyanali la moluhe use la likolo, laate wamoole.
\v 25 Watutiani wande wamototali, wamodjimbali la likolo la mboka e ngungu esi enge edjaakali la etutu, wamodjimbali ndondo e modjangi.
\p
\v 26 Ango ewumali inde la Yelusalema, Saulo akeli oyakokei la watutiani, ase iwo kpaa wadjakali omowangi, laate watigemeiyali ate adjei motutiani.
\v 27 Aseko Balanabasi adjaali omogamesi, akeli la inde atie watoma, Saulo awasumbelali mboli ndenge emoenali inde Likumu la mboka koto ate inde asololali la inde, koto ndenge eyaselali inde la mogalia la kombo e Yesu ndondo e Damasi.
\v 28 Ayabatali mongindji la iwo, adjakali olingeli koto opumbi la Yelusalema. Adjakali oasi la mogalia la kombo e Likumu Yesu
\v 29 adjakali osololi la obatelani kokia la Wayuda wa monoko mo Geleki. Ase iwo wadjakali olukani wa moole.
\v 30 Ango wamanima wayewali loyi luho, wamodjimbali la Kaisalia, wamotomali la Talasisi.
\p
\v 31 Lingomba e Yudea kpaa, e Galilea la e Samalia elingelali la engele esi e logoo, edjakali omaani; koto nda edjakali eho osombi la omowangi Likumu la ligamesi e elimo satu edjakali obeki.
\p
\v 32 Petele abengeyali la meki maho kpaa, ayadjimbali koto atie wasatu wango wadjakali oyabati la Lida.
\v 33 Ongo amogbotoli moto mwesi kombo ende Eneasi, ongo olangalali la epee wilanga mwambi laate aguali makolo.
\v 34 Petele aasia la inde: Eneasi, Yesu Kilisito akookalesaka. Yamala, wongela koto epee e owe. Ayamalali la mbala kikima.
\v 35 Wato kpaa wa Lida la wango wa Salona, wamweneli inde, wayakukolali atie Likumu.
\p
\v 36 Ase la Yope edjakali la motutiani mwesi kombo ende Tabita, ongo, inga wakukola einyei ate Dolokasi. Inde atumali la sambo ndamu koto la makao e motema magba enge edjakali inde ohekeli.
\v 37 La masio maho akwali la ekoni, agwali. Wamokpololi, wamolangeyali la mwange mo likolo.
\p
\v 38 Nda Lida esukiani la Yopa, ango eokali watutiani ate Petele adjei la moki moho, wamotomelali pele iwale la oyakongi la inde ate: “Toongi la owe, otiene minga odji atie iso.”
\v 39 Petele ayamalali, akeli mongindji la iwo. Ango eumali inde ongo, wakeeli la inde la mwange mo likolo, wali kpaa wango wagweli pele wadjali atie inde, wadjakali oleli la oinyei wisindji wa sese koto wa likolo winge Dolokasi awasonelali ango edjakali inde mongindji la iwo.
\v 40 Petele apumbesali moto kpaa saa, amaali mawuli, ayakongali, ayakukolali ongo edjaaki wenge, aasia: “Tabita, amala! Adhuholali maiso, ango emwenia inde Petele, ayabatali.
\v 41 Petele amohali ewo, amoyamalesali, awelali wasatu la wali wango wagueli pele, awainyali iwo inde la mokalo.
\v 42 Loyi luho, eyewanali la Yopa kpaa, wato ngbii waumali wagemei wa Likumu.
\v 43 Petele aumwali la moki mo Yopa masio ngbii, ayabatali la monguta mo Simoni mowongeli mo ekombaka e nama.
\c 10
\cl ESUKI 10
\p
\v 1 Kaikoase moto pele mwesi adjakali la Kaisalia, kombo ende Koloneli, likumu e liboleani e wasoda wa Italia.
\v 2 Inde adjakali moto ongo oyahi la oyakongi koto ongo okomowangaka Mwengei mongindji la wato kpaa wa monguta monde, adjakali ohekeli wato makao e motema magba koto engele kpaa okeli iyongolo atie Mwengei.
\p
\v 3 Ahue e engele e libwa e wuse, aeneli ngbai la saki, ahumbwa mwesi o Mwengei alingelia atie inde, aasia la inde ate: “Koloneli!”
\p
\v 4 Koloneli amodhendali ahumbwa, ndenge eumali inde owangi, aasali ate: “Nda loyi, Likumu?” Ahumbwa amwaselali ate: “Oyakongi wo owe koto makao ma owe e motema magba eteli liwoso la Mwengei, koto aosumboyi owe.
\v 5 Sikandjo watoma wato ongo la Yopa koto mowela Simoni, ongo omoweli iwo Petele.
\v 6 Moto oho ayabati modjidji atie Simoni mwesi ndjo, mowongeli ekombaka e nama, monguta monde mosukiani la ewale.
\v 7 Ango ahumbwa ongo odjakali oasi alongoiya, Koloneli awelali pele e wato wande wa otomo e monguta la soda mwesi ongo oyahali la oyakongi ndondo e wato wango wakomokelelaka engele kpaa.
\v 8 Koloneli awasumbelali mboli kpaa, awatomali la Yopa.
\p
\v 9 Ekundu eho, ango edjakali iwo la okendo owu, wadjakali koto oyandongbi la gbata, Petele atelali likolo la monguta ahue e engele e motoba laata ayakonge.
\v 10 Aokali ndjala, alukali olaki, ndji wakomowongelekeyo ema ndakake, akwali la ehei,
\v 11 aenali likolo lidhuhania, ema esi eyadjimbia nda esindje esungu ekandani songo kpaa inei, edjali oyadjimbi la mbume.
\v 12 Ndondo eho nama ndenge kpaa e makolo manei, nama djinge ikogulumaka la mbume la mbulu dja likolo.
\v 13 Moli mwesi emodjeleli ate: “Yamala, Petele, wola koto laka.”
\p
\v 14 Ase Petele aasai ate: “Te ndjongo Likumu, laate ilakakiyo ema te esi e osoto inga koto e gbomoko.”
\p
\v 15 Moli muho mwasali la inde alidji, la mbala e wale ate: “Owe dhee oweli osoto wihoo winge wilangesi Mwengei.”
\v 16 Ekelanali ndjongo mbala esato, la mbuse eho enge esindje ewongwali likolo.
\p
\v 17 Kaikoase, ango adjaakali oyahueli inga ungo oeni inde la saki edjei la nda kole, dhenga! Pele wango wawatomali Koloneli wadjakali ohueli monguta mungo moyabati Petele, wayamalali la moluhe.
\v 18 Wahuelali poopo inga Simoni ongo omoweli iwo Petele akoabataka ango.
\p
\v 19 Ango edjaaki Petele oyahueli la loyi e saki eho, elimo easali la inde ate: Dhenga! Pele isato wakoolukanaka.”
\v 20 Yamala koto yadjimba sese, keke mongindji la iwo, otikokeye, laate mbai moto iwatomi.
\p
\v 21 Petele ayadjimbali sese atie pele djaho, aasali ate: “Dhenge! Mbai nde moto okomolukakani ino. Odjini ahala la nda kole?
\p
\v 22 Waasali ate: Koloneli Likumu mwesi o wasoda, moto o sambo ndamu koto moto ongo okomowangaka Mwengei, moto ongo moki kpaa mo Wayuda ekoaselaka la ndenge ndamu, inde ainyani la ahumbwa mwesi mosatu, la oowelesi owe ongo la monguta laate aoke sambo djinge widjei owe la eho la omoaseli.
\v 23 La ndjongo, Petele awalingesali koto awabatesali. La ekundu eho, ayamalali, akeeli la iwo mongindji, koto wamanima wadji wango walongwali la Yopa wakeeli mongindji la inde.
\p
\v 24 La ekundu eho, walingelali la Kaisalia. Koloneli adjakali owalambeli, agbotonesali wato wa oliye wonde, koto wiino wande wa otomo.
\v 25 Ango elingelali Petele, Koloneli adjaali ondongbani la inde, akwali sese e makolo mande, ayaimbali.
\v 26 Ase Petele amwamalesali, aasia: “Yamala! Mbai koto idjei ndji moto.”
\p
\v 27 Ango edjaalii Petele okpomesani la inde, alingelali, agbotoli wato ngbii wayakokeyi.
\v 28 Aasali la iwo ate, “Ino oewini ate ewongiti la Moyuda aboleyane inga te oyandongbi ahue e moto e moki modji. Ase Mwengei aenesi mbai ate iengiti omoweli moto te mwesi osoto inga te gbomoko.
\v 29 Eho lenge idji, odjangi obati kokeya ango ewelali ino mbai. Eho lenge ikohuelakani kole enge ewelini ino mbai.”
\p
\v 30 Koloneli amuaselali ate: “Ekeliga masio manei, ango edjaki mbai oyakongi ndondo e monguta mo mbai la engele e libwa, dhenga, moto opele mwesi awumalali liwoso la mbai la wisindje wingalake.
\v 31 Aasali ate, Koloneli! Oyakongi e owe eokani alidji egemeiyani koto, makao ma owe e motema magba emungwani la maiso ma Mwengei.
\v 32 La ndjongo, toma wato la Yopa, mowela Simoni, ongo omohi iwo kombo Petele. Moto oho akoyabataka la monguta mo Simoni, mowongeli ekombaka e nama, ahue e ewale.
\v 33 La ndjongo, iwatomi wato atie owe, okeli olamu la ndenge edji owe ahala. Ndjongo sikala iso kpaa todjei liwoso la maiso ma Mwengeila la ooki sambo kpaa Mwengei akoumesa atie owe.
\p
\v 34 Petele adhuholali monoko monde, aasali ate: “Meemene ieni ate Mwengei atiwonoko mbanda.
\v 35 Ase ndondo e maliye kpaa, ongo okomowanga koto okokela sambo ndamu agemeiyani la inde.
\v 36 Awatomelali wana wa Isalayele engbundu la owatiesakoli mboli ndamu e logoo la mboka e Likumu Yesu Kilisito, inde adjei Likumu e wato kpaa.
\v 37 Ino oewini wungo wokoasanaka wiati kpaa ndondo e Yudea, opoti la Galileya mbuse e lipatisa linge litiesakolate Yoani;
\v 38 linge limodhendji Yesu o Nazaleta, ndenge Mwengei amomunolali maita e elimo satu koto la okulu. Akpandali moki moho kpaa, adjakali okeli olamu koto okalesi wango kpaa waeni odjidji la etota, laate Mwengei adjakali mongindji la inde.
\p
\v 39 Iso todjei watatoli e sambo kpaa djinge wikeli inde la moki mo Wayuda koto la Yelusalema. Wamobakali la ekulusu, wamoolali koto.
\v 40 Mwengei amobasisali moto oho lisio la misato, amodhendesali la hoho,
\v 41 te atie wato kpaa, ase atie watotoli wango waonanate la Mwengei liwoso, atie iso, wato wango tolakali koto tokengali mongindji la inde mbuse e obasi wonde ndondo e wagui.
\v 42 Atomali totiesakoli wato koto la ohekeli litotoli lilamu ate inde adjei Moto ongo obatani la Mwengei la odjei mosambesi e wato wa mokalo la wango wagui.
\v 43 Watiesakoli kpaa wakohekeleke li litotoli la kole ende, ate moto kpaa akomogemeiya inde, akolimbesana masumu la kombo ende.
\p
\v 44 Ndji ango edjaaki Petele oaseli sambo djaho, elimo satu ewadjimbelali wango kpaa wadjakali ooki engbundu eho.
\v 45 Wagemei wango wadjaali la Petele mongindji, wango wadjakali weesi la wango watenani kombeni, wakamwali, laate likao e elimo esatu ekosuanaka likolo e wapagano.
\v 46 Laate wawaokali wakokpamaka la madji minoko koto wakomogemeiyaka Mwengei. Ndjongo Petele awongosali ate,
\v 47 “Moto aengi nde otonesi malia laate wa wato watienge opatisani iwo wato wakondji elimo satu ndji ndenge iso koto tokondji?”
\v 48 Atomali ate wapatesane la kombo e Yesu Kilisito. Wamoongoli ate ayabate ma masio mongindji la iwo.
\c 11
\cl ESUKI 11
\p
\v 1 Watutiani la wa maanango wango wadjali la Yudea waokali ate wapagano koto wayambali engbundu e Mwengei.
\v 2 Ango etelali Petele la Yelusalema, wagemei wango watenani kombeni wapotali okokeyani la inde;
\v 3 Wadjaali oasi ate: “Akeeli la monguta e wato wango watenaniti kombeni, alakali koto mongindji la iwo!”
\p
\v 4 Ase Petele apotali oasi koto owalumboleli loyi leesi liesi, aasia,
\v 5 idjakali oyakongi ongo la gbata e Yopa, ndondo e ehei, ieneli saki, ema esi eengemeni la esindje ebubake enangani la wisuki waho ineii, edjali oyandjimbi likolo, epotali odji atie mbai.
\v 6 Ango edjakali mbai odhendji olamu, ieneli nama djinge ikosombaka la makolo manei, la nama e motulu, la wandjoo, la wambulu wa likolo.
\v 7 Iokali koto moli mwesi mokoaselaka mbai ate: Amala, Petele, ola koto laka!
\p
\v 8 Ase iyaasali: Te lisio, Likumu; laate ema e osoto te enge egbomoko etilingela la monoko mo mbai.
\p
\v 9 La mbala e wale enge moli eokanali alidji likolo easali ate, enge Mwengei alangesi, owe otidhende ate edjei osoto.
\v 10 Moli moho mowongosali mbala esato, Mbuse eho wihoo waho kpaa wiwongwali likolo.
\p
\v 11 Denga, ndji la enge engele, pele isato wayamalali liwoso la monguta mungo modjaakali iso, walongwali la Kaisalia, wawatomali atie mbai.
\v 12 Elimo easali la mbai ate keke mongindji la iwo, itikokeye te okeke. Ase wa wamanima koto motoba wakeeli mongindji la mbai, tolingelali la monguta e moto opele oho.
\v 13 Atoaselali ndenge emoeneli inde ahumbwa ayamali la monguta monde koto ndenge emoaselali inde ate, toma wato la Yopa, mowela Simoni, ongo okomowelaka iwo Petele.
\v 14 Akoasela sambo djiinge ekokalesa owe la wato kpaa wa monguta mo owe.
\v 15 Ango adjali mbai oasi, elimo satu ewadjimbelali, nda ndenge etoyadjimbelali la lipotele.
\v 16 Eho lenge imungolali alidji engbundu e Likumu, ndenge edjaaki inde oasi ate: Yoani apatesali la malia, ase ino okopatesanani la elimo satu.
\v 17 Eho lenge, inga Mwengei awahekeli likao ndenge ahali koto iso wango tomogemeiyali Likumu Yesu Kilisito, mbai ndai laate ienge omotekesi Mwengei?
\p
\v 18 Mbuse e iwo ooki ndjongo, wagemeiyali, wamohali koto Mwengei otwa, waasia: “Meemene, Mwengei ahekeli koto wapagano nano e okukoli motema la loyi e mokalo.
\p
\v 19 Wango wayandjali la odjidji wungu epumbali likolo e Setepano, wakpandali tee la Penisia koto la Sipele, koto la Antiokia, ase watidjakali oasi loyi atie moto te moikima, ndji atie Wayuda.
\v 20 Ase ndondo ewu edjaakali la wato wadji wa Sipele koto wa Silena wango walongwali la Antiokia, wapotali osololi la wato wango wakoasaka monoko mo Geleki, wadjaakali otiesakoli mboli ndamu e Likumu Yesu
\v 21 Ewo e Likumu edjali la iwo, aleeti wato ngbii wango waumali wagemei, wayakukolali ngambo e Likumu.
\p
\v 22 Mboli enge ewadhengi eumali la matoyi e lingomba linge lidjaakali la Yelusalema, wamotomali Balanabasi tee ongo la Atiokia.
\v 23 Ango ewumali inde, aleeti aeneli magba ma Mwengei, aemelali, apotali owahekeli iwo kpaa mogalia ate, wanangane la Likumu la motema moikima.
\v 24 Laate adjali moto molamu, atumi la elimo satu koto la oyambi. Ngbii e wato wadjaali atie Likumu.
\p
\v 25 Balanabasi akeeli la Talasisi, la omoluki Saulo wiholo kpaa.
\v 26 Ango emobgotoli inde, adjaali la inde la Atiokia. Eho lenge ekelanali ate elanga kpaa wadjakali oboleyani mongidji la iwo la lingomba koto watiesakolali ngbii e wato, koto edjaali la Atiokia nde watutiani wawelanali mbala e poo wakilisito.
\p
\v 27 La masio maho watiesakoli walongwali la Yelusalema, wayadjimbia la Atiokia.
\v 28 Mwesi la iwo, kombo ende Agabusu, ayamalali, apotali otiesakoli la mboka e elimo ate ndjala esungu ekokwele mbume kpaa enge eyabati wato. Ehele ndjala ekwali la engele e Kolode.
\v 29 Watutiani watotali mwano, moto la moto la oengemeni la enge edjei inde la eho, la owatomeli wamangbawu wango wayabati la Yudea.
\v 30 Wakelali ndjongo; watomali eho atie wikolo la ewo e Balanabasi la Saulo.
\c 12
\cl ESUKI 12
\p
\v 1 Ndji la enge engele, likumu Elode atotali mwano e oenesi odjidji wadji ndondo e wato wa lingomba.
\v 2 Amoolesali la kpoka Yakobo, manango o Yoani.
\v 3 Nda eeneli inde ate edjaali olamu la maiso ma WaYuda, omohelesali koto Petele. Edjaali lisio e okoke edjangi maana.
\v 4 Mbuse e omoheli la omolingesi la woyogo, abanyamali la miduhe manei, modhuhe la modhuhe modjaali la wasoda wanei, laate aanali omopumbesi liwoso la wato mbuse e pasika.
\p
\v 5 Petele ayisanali ndondo e woyogo, lingomba edjakali ndji oyakongi la Mwengei la kole ende.
\v 6 Ango Elode abalali omopumbesi Petele liwoso la wato, la likolo laho Petele alangalali ilo ndondo e wasoda waale ahelani la miliki miale, wasindjili liwoso la modhuhe wadjakali obanyei woyogo.
\v 7 Denda, ahumbwa o Mwengei ayamalali ahue ende, ngbai esi engalali la monguta mo woyogo. Amobingali Petele la mopandji, aasia: Amala galagala! Mikulu mikwali la mawo mande.
\v 8 Ahumbwa oho amoaselali ate: hela mokaba mo owe koto miliki ma wikpokpo ma owe, akelali ndjongo. Gboo ahumbwa amoaselali: kpala mokoto mo owe, koto bilia mbai.
\v 9 Petele apumbia, amobiliali koto. Atiewali ate enge edjakali okelani la mboka e ahumbwa edjali meemene, adjakali oeni ate edjei saki.
\v 10 Mbuse e oyeti ebiba e wasindjili wa liwoso la wawale, waumali la modhuhe mo libende epumbelake la gbata, eyadhuholali liwoso lawu eho amene. Wapumbali, wayandongbali la mboka, ahumbwa amodheeli.
\v 11 Ango eyawongolia Petele inde amene, aasali: ieni sikandjo ate Likumu amotomali ahumbwa onde, akalesi mbai la mawo ma Elode koto la enge Wayuda wadjali olambeli.
\p
\v 12 Mbuse e omungoli, akeeli la monguta mo Malia, nango Yoani, ongo omohali iwo kombo Malako, ongo wato wabolianali wadjakali oyakongi.
\v 13 Ango ebingia inde modhuhe mo monguta, mana o moli mwesi o otomo, kombo ende Loda, adjaali odhendji inga edjei ndai.
\v 14 Ango eokali inde moli mo Petele, la mwemu atidhuholali modhuhe, ase alingelali obanu ndondo, ahali mboli ate Petele ayamali liwoso la monoko mo modhuhe.
\v 15 Waasali la inde: okondji boli. Ase inde agemeiyesali la okulu ate edjei ndjongo. Wapotali oasi ate: Edjei ahumbwa onde.
\v 16 Ase Petele atikalali ndji ango akobingaka modhuhe, ango odhuholali iwo, wamoenali, wakamwali.
\v 17 Petele, adjambali ewo laate wayabate logoo, awaaselali ndenge Likumu amopumbesali la woyogo, aasali alidji ate: Moaselani Yakobo la wamangbasu dji sambo. Mbuse eho apumbali, akiya la eeti eholo.
\p
\v 18 Ango ewumia boo, ewedje edjakali ndondo e wasoda la oewi nde emoumeli Petele.
\v 19 Elode, amolukali wiholo kpaa, nda etimoenali inde, asambesali sindjili, atomali ate wawahekele etumbu. Alongwali la Yudea ayadjimbali la Kaisalia ayetesali ma masio ongo.
\p
\v 20 Elode adjali la limemu la loyi e wato wa Tila la Sidonia. Wadjali oluki ookani la inde, mbuse e omolongi Balasitusu, ongo odjakali obanei mwange mo likumu, waongoli logoo, laate moki mowu modjali ototi ilaki ongo la moki mo likumu.
\v 21 La kolokolo eho, Elode akpalali wisindje e okumu, ayabateli la ngbelengo ende e okumu, adjakali owaaseli sambo.
\v 22 Wato wadhumbeyali: “Moli mo mwengei, eti e moto!”
\v 23 Ndji la enge engele, ahumbwa o Likumu amobingali, la ebili ate atimohali Mwengei otwa. Agwali, kusu emolingelali mbala kikima.
\p
\v 24 Ase engbundu e Mwengei edjakali oteli, koto oyandjani.
\p
\v 25 Balanabasi la Saulo, mbuse e osilisi tomo djawu, wawongwali la Yelusalema, wadjali la Yoani, ongo wamoweli Malako.
\c 13
\cl ESUKI 13
\p
\v 1 Ndondo e lingomba linge la atiokia edjakali la watiekoli la wayinei. Iwo waawa, Balanabasi la Simeona ongo edjaakali iwo o moweli Nigela, koto Manaena ongo otangali kelasi mongindji la Elode likumu o moki, la Saulo.
\v 2 Ango edjaaki iwo oyakongi la Likumu la okili wilaka, elimo satu aasali ate, “Batelani mbai Balanabasi la Saulo la otomo wungo ewaweli mbai la kole eho.
\v 3 La mbuse wakilali wilaka, wayakongali koto wawabatelali mawo, wawadheeli ate wake.
\p
\v 4 Balanabasi la Saulo, watomanali la elimo satu, wayadjimbali la Selukia, walongwali koto ongo wasombali la andondoli la oki ongo la Sipele.
\v 5 Ango eumali iwo la Salamisi, wapotali otiesakoli engbundu e Mwengei la wasinagoga e Wayuda. Yoani adjaakali la iwo nda mogamesi.
\p
\v 6 Ango esisali iwo okpandji esii eho kpaa tee la Paposi, wagbotonoli la moto opele mwesi, ongo odjaakali lilando, motiesakoli mo moleho, Moyuda mwesi la kombo Bala-Yesu.
\v 7 Adjaakali mwesi e wato wa memene esii, selegisi Paulosi, moto opele mwesi o lokenge. Amowelali Balanabasi la Saulo atie inde, adjaakali koto la ehoha eokake engbundu e Mwengei.
\v 8 ASe lilando Elimasi (kombo ende ekukolani ndjongo) awamalelali iwo, apotali oluki omowungesi memene esi la ogemei.
\v 9 Ase Saulo ongo odjei koto Polo nda etumali inde la elimo satu, amodhengali olamu
\v 10 aasali ate, moto otumi la moleho e ndenge kpaa koto ekaleli mbe e ndenge kpaa, owe mana o etota, owe motone mo sambo ndamu, otidhee obitesi mboka dja Likumu djinge inanolani?
\v 11 Sikandjo dhenga, ewo e Mwengei edjei likolo la owe, maiso ma owe koto makogba, otiene kine ngbai e wuse la ma engele. Ndji la enge engele ligite la molili momokwelali, apotali otatelitateli la oluki wato wamohele ewo.
\v 12 Memene esii, ango eeneli inde wungo loyi wokelania, aumali mogemei laate akamwali la matiesakoli ma Lkumu.
\p
\v 13 Wato waho mongindji la Polo watotali okendo o ewale opoti la Paposi waumali la Pelega ndondo e Pamipulia. Ase Yoani awadheeli, awongwali la Yelusalema.
\v 14 Iwo walongwali ongo la Pelega, waumali la Atiokia e Pisidia. Walingelali la sinagoga la lisio la Sabata, wayabatali.
\v 15 Mbuse eotangi pui, watiesakolali liwoso la wato kpaa, makumu ma sinagoga wawatomeleli wato, waasia: “Wamangbasu, inga odjeini la loyi wungo woengi ogamesi wato asani eho.
\p
\v 16 Polo ayamalali, awahahelia ewo; aasali, “Pele dja Isalayele la ino wato kpaa wango wakomowangaka Mwengei, okani.
\v 17 Mwengei e wa wato Isalayele, aonoli watata wasu, abekisali wato waho ango eyabatali iwo wadjidji la moki mo Ezipeto, awapumbesali koto ongo la ewo etetelake.
\v 18 Koto la engele e wilanga tuku inei ahelali motema la esombeli ewu la esobe.
\v 19 Mbuse e inde ooli miki sambo la moki mo Kanana, akawolali moki la iwo la olumbi djege.
\v 20 Kpaa enge la owumoyi e wilanga kama inei la tuku itano. Mbuse e sambo djaho awahali wasambesi tee la motiesakoli Samuele.
\v 21 Opoti la enge engele wamoongoli likumu, Mwengei awahali Saulo mana o Kisi, moto opele e oliye e Benyamina, wilanga tuku inei.
\v 22 Mbuse e omolongosi, awamaleselali Davidi nda likumu. Ongo inde ahali litotoli la loyi londe, aasali koto ate: Imooni Davidi mana o Yesa, moto opele ongo nda motema mo mbai, ongo okokela sambo kpaa djinge widjei mbai la posa eho.
\p
\v 23 Tee la wana e moto oho la otutei liwuna lande, Mwengei adjeleli Isalayele mokalesi, Yesu.
\v 24 Liwoso ate Yesu aume, Yoani atiesakolali la hoho atie wato kpaa wa Isalayele patisa enge edjei elembo ekukolake motema.
\v 25 Ango eumali Yoani ahue e gboo e mboka ende, adjakali oasi ate, “Ino omongoini ate mbai idjei ndai? Mbai iti inde.” Ase, denga, moto mwesi ageleli mbuse e mbai, ongo iengiti otokoli miliki e wikpokpo djande.
\p
\v 26 Wamanima, wana wa oliye wa Abalayama, la wadji wango wadjei ndondo enu wango wakomowangaka Mwengei, engbundu e mokalo etodjeeli iso.
\v 27 Laate wato wango wayabati la Yelusalema la makumu mau, watimwewali Moto oho, ase, ango edjakali iwo okeli nda wasambesi, waengesali sambo djinge iyasanali la watiesakoli, sambo djinge ikotanganaka la moli mopamake sabata kpaa.
\v 28 Inga te watieneli loyi te loikima ehekelake etumbu e logoo, waongali la la Pilato ate aolane.
\v 29 Ango eseselali iwo oengesi sambo kpaa djinge idhingani la kole ende, wamodjimbali la ekulusu, wamolangeyali la mbila.
\v 30 Ase Mwengei amobasesali ndondo e wagwi.
\v 31 Inde aeneni masio ngbii la iwo wango walongwali mongindji la inde tee ongo la Galilea oteli la Yelusalema. Iwo wango wadjei sikandjo watotoli wande atie wato.
\v 32 Iso koto tokoosumbelakani mboli ndamu la liuna enge ehani atie watata wasu,
\v 33 ate Mwengei aengesi eho atie iso wana, la ndenge amobasesali Yesu, nda edhinganate eho la lembo e wale ate, owe odjei mana o mbai, mbai koto iumiga sangwa.
\p
\v 34 Loyi linge ate amobasesalii ndondo e wagwi laate atiwongo kine ndondo e oholi, aaseli eho ate: ikoohani sambo e motema magba, enge edjei meemene, enge eunali mbai la Davidi.
\v 35 Eho lenge aasi koto la lembo edji ate, 'Otidhee mosatu mo owe ahole.'
\v 36 Laate Davidi akelali mwano mo Mwengei enge eyewanali la engele inde, alangalali ndondo e logoo, wamolangeyali mongindji la watata wande, aholali koto.
\v 37 Kaikoase, moto ongo omobasesi Mwengei inde atihole.
\p
\v 38 Eho lenge, dheeni eyewane la ino, wamanima, ate la mboka e moto oho, olimbesani e masumu etiesakolani atie ino.
\v 39 Ndji la kole ende moto kpaa ongo ogemei alongesani la sambo kpaa, djinge litiengake ino olongi la mboka e pui.
\v 40 Eho lenge, okakebeni ate wungo oasani la watiesakoli etikwele ino.
\q
\v 41 Dengani, ino wadhendeyi, yahuelani koto salamatani! Laate mbai ikokelaka otomo oesi la masio manu, otomo ungo otigemyani ino te inga moto akoolumbwelakani ino la hoho.
\p
\v 42 Ango edjakali Polo la Balanabasi opumbi, wato wayatatia la iwo laate wawaasele djinge sambo la Sabata e mbuse.
\v 43 Ango eyaandjia liboleyani e sinagoga, ngbii e Wayuda, la wato wa esii wango wadjakali omosambeli Mwengei wamobiliali Polo la Balanabasi, wango wakpomesanali la iwo, wawahali mogalia ate watikale la logoo e Mwengei.
\p
\v 44 La Sabata e mbuse, ahue e wato kpaa wa moki wayaboleyali la ooki engbundu e Likumu.
\v 45 Ango eenia Wayuda wato ngbii, watumali la zuwa, wapotali oyamaleli, la wiliko, sambo djinge Polo adjakali oasi.
\v 46 Ase Polo la Balanabasi waasali la mohandja ate, edjaki olamu ate engbundu e Mwengei etiesakolane liwoso atie ino. Nda ekolumbaka ino eho, okoenekeni koto ate owongitini la mokalo mo libela, denga, toyakukolia atie wapagano.
\v 47 Laate Likumu atotomi la ehele engbundu: “Iyobati nda ngbai e wapagano, laate odjee mokalo tee la gboo e mbume.”
\p
\v 48 Ango eokia wapagano ndjongo, waemelali, la ogani koto engbundu e Likumu. Wango kpaa wadjakali la ekaleli enge ewongi la mokalo mo libela, waumali wagemei.
\v 49 Engbundu e Likumu edjaki ndji oyandjani la moki muho kpaa.
\p
\v 50 Ase Wayuda wawamemelisali wali wamogano wango wadjakali omosambeli Mwengei la wato wasungu wa gbata, wapumbeselali Polo la Balanabasi minga, wawalumbali saa e milelo e moki mowu.
\v 51 Ase Polo la Balanabasi wawahuholelali limungele e makolo mawu, wakeeli la moki mo Ikoniumu.
\v 52 Watutiani wadjakali otumi la mwemu koto la elimo satu.
\c 14
\cl ESUKI 14
\p
\v 1 La Ikoniumu, Polo la Balanabasi walingelia mongindji la Wayuda la sinagoga, wadjaki oasi olamu, ngbii e Wayuda la Wageleki waumali wagemei.
\v 2 Ase Wayuda wango watigemeiyali wawamemelisali, walolisali koto limemu e milimo e wapagano laate wawatone wango wamangbasu.
\v 3 Wayetesali engele ngbii ango, wadjakali oasi la mogalia la okumu wungo wolongoyi atie Likumu, ongo ohali litotoli la loyi e engbundu e magba mande la ndenge ahali mboka ate wilembo la makamwesi eenesake sambo djinge igeleli ekelane la mawo ma Polo la Balanabasi.
\p
\v 4 Wato ngbii wa gbata eho wakamwali, ndambo wadjakali ngambo e Wayuda, ase wadji ngambo e watutiani.
\v 5 Kaikoase, ango wapagano, la Wayuda, la makumu mawu koto walukali owasambwesi, la owabingi mabukeli,
\v 6 ango ewayewisali iwo loyi luho, watilali la wagbata wa Likaonia, Lisitela, la Deleba, koto la miki minge mihuani la djaho,
\v 7 ongo wadjakali ndji otiesakoli mboli ndamu.
\p
\v 8 La Lisitela, moto opele mwesi ayabatali ongo, ongo ogua makolo, moto okotengulaka tee la solo dja nango, atisombate te ma keke.
\v 9 Moto opele oho adjakali ooki ndenge Polo adjakali oasi, Polo amodhengali, aenali ate adjei la ogemei laate aume olamu.
\v 10 Amoaselali la moli mompamake ate, “Amala ngbi la makolo ma owe.” Ahumbwali apotali osombi.
\p
\v 11 Ango eenali ebiba e wato loyi wungo wokeli Polo, wadjambali mili mawu, waasia la monoko mo Likaonia ate: “wamwengei waumia nda wato, koto wayadjimbeli iso.”
\v 12 Wamowelia Balanabas, “Djeusu,” ase Polo “Helemesi,” laate inde adjakali moto o poo la oasi.
\v 13 Koto nganga mwengei o djeusu, ongo tepelo ende edjakali liwoso la gbata eho, akpalali wangombe wa pele la mawoke ma pulele ongo la midhuhe, abalali ohekeli mbeka, inde la ebiba eho e wato.
\p
\v 14 Ase ango watutiani Balanabasi la Polo, waokia djongo wasalakolali wisindje wau walikolo, wahumbwali ndondo e enge ebiba e wato, wahumbali pui,
\v 15 waasali ate: “Pele, la nde ekokelekani ino ndjongo? Iso koto todjei wato wango wadjei la mageni ndenge kikima la ino, koto tokotiesakolaka mboli ndamu atie ino, laate odheeni sambo djinge dja pamba, odjeeni atie Mwengei o mokalo, ongo okelali likolo la mbume, la ewale koto la wihoo kpaa winge widjei ndondo eho.
\v 16 La maliye mango mayeti, ahali mboka ate miki kpaa mitutie mboka djau amene.
\v 17 Ase te nda etiyadheeleli inde odjangi ohekeli litotoli, ndenge aokelelalini ino olamu, ndenge aohekelalini ino wiwongo tee la likolo, koto wiengele ewotake pukapuka, ndenge atumesali mitema manu la wilaka wilakake koto la mwemu.
\v 18 Te easali iwo djinge sambo, Polo la Balanabasi walongali la minga otekesi ebiba e wato waho laate watiwahe mbeka.
\p
\v 19 Ase Wayuda weesi ndjo wadjaali walongwali la Atiokia la Ikoniumu wawagemeiyesali ebiba e wato waho. Wamobingali Polo mabukeli, wamogulakolali saa e gbata, wamungolali ate agui.
\v 20 Ango watutiani wamolingali, ayamalali, alingelali la gbata. Ekundu eho alongwali mongindji la Balanabasi la oki la Deleba.
\v 21 Mbuse e otiesakoli mboli ndamu la gbata eho koto la owumesi wato ngbii watutiani, wawongwali la Lisitela, la Ikoniumu koto la Atiokia.
\v 22 Wadjakali ohekeli milimo ma watutiani okulu, wadjakali owahekeli mogalia ate, wahelane ndondo e ogemei, la wi wingbundu, “Ewongi la iso olingeli la okumu wo Mwengei la mboka e odjidji ngbii.”
\v 23 Wawabatelali wiloko la lingomba liesi liesi, wayakongali mbuse e okili wilaka, wawakawali la mawo ma Likumu ongo omogemei iwo.
\p
\v 24 Wakpandali Pisidia, wakeeli la Pamipilia.
\v 25 Mbuse e osisi oasi engbundu e Pelega, wayadjimbali la Atalia.
\v 26 Walongwali ongo, watotia andondoli wakia la Atiokia, ongo wabatanali la mawo e magba masungu ma Mwengei la loyi e otomo wungo woengesali iwo.
\v 27 Ango eumali iwo wakokiali lingomba, wapotali oasi sambo kpaa djinge ikeli Mwengei la mboka ewu, koto ndenge adhuhuelali wapagano modhuhe mogemeiyake.
\v 28 Wayetesali engele ngbii mongindji la watutiani waho.
\c 15
\cl ESUKI 15
\p
\v 1 Pele djeesi walongwali la Yudea, wapotali otiesakoli la wamangbasu la Atiokia, la oasi ate: “Inga otitenaneni kombeni la obileyi pui dja Moize, oengitini la mokalo.”
\v 2 Ango okawani la kokia esi e minga epumbali ndondo ewu, wamangbasu watotali mwano ate Polo la Balanabasi la weeti ndondo ewu watele atie watutiani la wiloko ongo la Yelusalema la osisi enge kokia.
\p
\v 3 Watomanali la lingomba, wakpandali Penisia la Samalia, wadjakali oaseli loyi liesi liesi linge lidhendji okukwani e wapagano, wadjakali ohekeli wamangbasu kpaa mwemu.
\v 4 Ango eumia iwo la Yelusalema, wayambanali la mwemu esungu la lingomba, la watutiani, la wiloko e mangomba, wawayewisali ngbii e sambo djinge Mwengei akelali la ewo ewu.
\p
\v 5 Ase wato wadji e ma lingomba liesi e Wapalizeo wango wagemeiyali, wayamalali la wangbelengo djawu, waasali ate: “Eengi owatenesi kombeni, koto owainei ate watemeiye pui dja Moize.
\p
\v 6 Watoma, la wiloko wa lingomba, wayakokeiyali la obundoyi loyi loho.
\v 7 Ango eumia la kokia etetelake, Petele ayamalali, aasia la iwo ate, wamanima, ino oewini ate opoti lisio la poo Mwengei aonali ndondo enu ate la monoko mo mbai wapagano waoke engbundu e mboli ndamu koto wagemeiye.
\v 8 Mwengei ongo okoyewaka atotolali la ndenge awahali iwo elimo satu, ndji ndenge akelali eho koto atie iso.
\v 9 Atisombosanali koto iso la iwo, ase alangesali mitema mau la mboka e ogemei.
\v 10 La ndjongo, lande edjei ino sikandjo omomeki Mwengei la ndenge ekoatomakani ino la otetelake watutiani waengese sambo djinge te watata wasu te iso totiengali oengesi?
\v 11 Ase tokobataka nde motema ate tokokala la mboka e magba masungu e Likumu Yesu, ndenge kikima la iwo.
\p
\v 12 Wango wato kpaa wadakali bii, wapotali omooki Balanabasi la Polo ango edjakali iwo oyewisi wilembo ngbii la sambo kamwake enge eenesake sambo djinge igeleli djinge Mwengei akeli la mboka ewu ndondo e wapagano.
\p
\v 13 Mbuse eho wadheeli okpomi, Yakobo awongosali ate, “Wamanima, ookani mbai.”
\v 14 Simeona aseseli olumboli olamu ndenge ndji liwoso Mwengei adji la ooni ndondo e wapagano wato wango wakpali kombo ende.
\v 15 Wingbundu e watiesakoli eokani la djaho, ndji ndenge edhingana ate,
\v 16 “Mbuse e sambo djaho, ikowongwa, ikoma koto monguta mo isoki mp Davidi enge ekwate; ikoma alidji wiholo winge wibitani, ikomalesa eho alidji.
\v 17 Laate wango watikali ndondo e wato wamoluke Likumu, mongindji la wapagano kpaa, wato wango wawelani la kombo e mbai, Likumu aasi ndjongo, inde ongo okokelaka sambo djaho.
\v 18 Likumu ayewisali dji sambo tee la gala.
\p
\v 19 Eho lenge, imungoi ate, eti olamu obati minga atie wapagano wango wakoyakukolaka atie Mwengei.
\v 20 Ase towadhingele ekpata ate watone wihoo winge wiumesani onalili la wilima, la pite, la nama djinge wipotani koto la makila.
\v 21 Laate tee la masio ma gala Moize adjei la wato wango wakomotiesakolaka gbata la gbata, laate akotanganaka la moli mopamake la wasinagoga sabata kpaa.
\p
\v 22 Watoma la wiloko wa lingomba, mongindji la lingomba kpaa waenali olamu watome pele wango waononi ndondo ewu wake la Atiokia mboka kikima la Polo la Balanabasi. Ndjongo wamoonali Yudasi, ongo omoweli iwo Balasabasi la Sila, wato wango wakosombesaka sambo ndondo e wamangbasu.
\v 23 Watomali ekpata la ewo ewu ate, “Watoma la wiloko wa lingomba, wamaangbanu, atie wamangbasu wango wadjei la Atiokia koto la Silia, la Silisia wango wadjei wapagano: Mobale!
\v 24 Nda eoki iso ate wadji wango walongwali atie iso wabatini ino la ewedje la wingbundu wau, walukali obulungi milimo manu, inga te ate iso totiwainyali ndjongo,
\v 25 iso kpaa tookani, toeni koto olamu ooni pele laate totomeleni ino mongindji la wamangbasu wa libalano, Balanabasi la Polo,
\v 26 wato waho wakawi milimo mawu la loyi e Likumu lasu Yesu Kilisito.
\v 27 Towatomi Yudasi la Sila, laate iwo koto waasele sambo djaho la monoko.
\v 28 Laate elimo satu la iso koto amene toeni olamu ate totiotalieleni alidji edji mokpali, ndji sambo djinge dja kole:
\v 29 djaakani ndji otoni wihoo winge wihekelani mbeka la wilima koto la makila, koto la nama djinge ipotani, la pite koto. Inga oyabanyani olamu la sambo djaho, okodjani olamu. Tikalani olamu.
\p
\v 30 La ndjongo, ango edheeli iwo wato waho wake, wayadjimbali la Atiokia, wakokiali ngbii e wango wato, wawahali okpengbeite eho.
\v 31 Ango esiselali iwo otangi, waemelali la mogalia moho.
\v 32 Yudasi la Sila nda edjakali iwo amene koto watiesakoli, wahali mogalia la wamangbasu waho la sambo ngbii, wawahali koto okulu.
\p
\v 33 Mbuse e oetesi ma engele, wamangbasu wawadheeli wake la logoo atie wango wawatomali.
\v 34 Sila aeneli olamu otikali.
\v 35 Polo la Balanabasi waumwali la Atiokia, wadjakali oteyi la otiesakoli, mongindji la wadji ngbii, mboli ndamu e engbundu e Likumu.
\p
\v 36 Mbuse e masio Polo aasali la Balanabsi ate, towongweyo la wagbata kpaa etiesakolali iso engbundu e Likumu, la odhengi inga wamangbasu wadjei nda ndenge.
\v 37 Balanabasi abalaki omototi Yoani, ongo owelani Malako.
\v 38 Ase Polo atieneli olamu omokpali inde mongindji la iwo, laate awadheeli la Pamipilia, atikeeli mongindji la iwo la otomo.
\v 39 Mosio moumali ndondo ewu, wakawanali, moto la moto la mboka ende; Balanabasi amototali Malako atelali andondoli akia la Sipele.
\v 40 Ase Polo amoonoli Sila, akeeli koto, wamangbasu wamodheeli ate ake la logoo e Likumu.
\v 41 Akpandali Silia la Silisia, adjakali ohekeli mogalia la mangomba.
\c 16
\cl ESUKI 16
\p
\v 1 Polo aumali la Deleba alidji la Lisitela, denga motutiani mwesi adjaki ongo kombo ende Timoteo, mana o moli mwesi Moyuda ongo odjakali mogemei, ase sango Mogeleki.
\v 2 Wamanima wa Lisitela la wango wa Ikoniumu wadjakali oasi olamu la loyi londe.
\v 3 Polo abalali ate moto oho atinge la inde, amotenali kombeni la loyi e Wayuda wango wadjakali la winge wiholo, laate iwo kpaa wayewali ate sango adjei Mogeleki.
\p
\v 4 Ango edjakali iwo oeti la wagbata, wadjakali owahi wango wadjakali ongo tomani djinge watoma la wiloko wa lingomba wango wadjakali la Yelusalema watotali laate watemeeiye djaho.
\p
\v 5 Mangomba maumali la oteteli e ogemei, wato wadjakali otaleyani masio la masio.
\p
\v 6 Polo la wato wande wakpandali Piligia koto la moki mo Galatia, laate elimo awatekisali watiase engbundu la gbata e Azia.
\v 7 Ango eumali iwo ahue e Misia wayawongelali laate walingele ongo la Bitinia, aseko elimo e Yesu etiwahali mboka.
\v 8 Waetali ahue e Misia wayadjimbali la Tolase.
\v 9 Aseko la likolo, polo aeneli saki: Moto mwesi o Masedonia ayamalia, adjaki oyakongi la inde la oasi ate, “Etani la Masedonia otogamesi iso.”
\v 10 Ango eeneli Polo enge saki, tolukali mboka e oki la Masedonia, tohelali gbondo ate Mwengei atoweli iso la owatiesakoli iwo mboli ndamu.
\p
\v 11 Mbuse e owumi la Toloasi, tototali okendo wo ewale, tosombali mbala kikima tee la Samotalasi, ase la lisio linge libileyi, towumali la Napolisi.
\v 12 Tolongwali ongo, towumali la Pilipi, gbata enge esombesani la Loma, enge eyeti kole la gbata e Masedonia. Towumwali la gbata eho, toetesali ma masio.
\p
\v 13 Wuse o sabata topumbali saa e modhuhe enge esukiani la ewale, ebete enge emungwali iso ate edjei ebete e oyakongi. Toyabatali topotali oasi la wali wango wayakokiali.
\v 14 Moli mwesi kombo ende Lidia, motambi wisindje wa ngbaa-boloo, moto o gbata e Tuatila, moyakongi o Mwengei, adjaakali ooki. Likumu adhuholali motema monde laate abata mamungwene mande la sambo djinge idjakali oasi Polo.
\v 15 Ango inde la wato wa oliye wonde watotali patisa, ayakongali la iwo ate: “Inga oeneni ate idjei moto omeemene la maiso ma Likumu, lingelani la monguta mo mbai, yabatani.” Atogemeisali la mohandja.
\p
\v 16 Ango edjakali iso oki la ebete e oyakongi, mana o moli mwesi e otomo ongo odjakali la elimo eesi, etota mwesi etiesakolake sambo djinge iyaisi, agbotonoli la iso. Adjakali olingeseli wamemene wande wambele ngbii la otomo wotiesakolake sombo djinge igeleli.
\v 17 Mana o moli oho adjakali omotutei Polo la iso, opami koto la dji wingbundu: “Wa wato wadjei tuke dja Mwengei Ongo-Oyeti-Likolo, wango wakotiesakolakni ino mboka e mokalo.”
\p
\v 18 Akeli djinge sambo la oumoyi e masio ngbii. Polo alembali, ayakukolali, aasali la elimo eho ate: “Iyowaseli la kombo e Yesu Kilisito ate opumbe la wenge wande.” Apumbali ndji la enge engele.
\v 19 Ango wamemene wande waeneli ate mwano mowu mototake wambele ekia, wamohelali Polo la Sila, wawagulali la liho atie makumu.
\v 20 Wakeeli la iwo atie makumu ma moki, waasia: “Wa wato wakolingesaka ewedje la gbata esu, wadjei Wayuda.
\v 21 Wakotiesakolaka wikaleli winge witekisani la iso Waloma togemeiye, te tokelele.
\v 22 Ebiba e wato waendjelali Polo la Sila; la makumu ma moki, mbuse e wabamboli, watomali wato wawabinge makobo.
\v 23 Mbuse e owabingi wakobo, wawalumbali la woyogo, wamoaselali sindjili o woyogo ate awabanye olamu.
\v 24 Ndenge emotomali owo ndjongo, awalumbali la woyogo e ndondo, ahelali koto mokolo mawu la winangeli makolo.
\p
\v 25 La etete, Polo la sila wadjakali oyakongi la omogani Mwengei la lembo, wato wa woyogo wadjakali owaoki.
\v 26 La gbamuka, mbume edudumali la oteteli, makule ma woyogo koto madudumali. Miluhe midhuhuanali ndji la enge engele. Miliki minge minanganali wato kpaa mitokwanali.
\v 27 Ango esuswali sindjili e woyogo la ilo, aenali ate miluhe ma woyogo midhukwani, agulali kpoka ende alukali owaoli, amungwali ate wato wa woyogo watili.
\v 28 Ase Polo adhumbiali la moli mopamake ate: “Otiakele obe, iso kpaa todjei ahala.
\v 29 Sindjili e woyogo aongoli matambe, ahumboiya ndondo, nda owangi emohelali, akwali liwoso la Polo la Sila la mwemu,
\v 30 awaumesali saa, aasali ate: “Wawawa, ikele woni laate ikale?”
\v 31 Polo la Sila, waongolali ate: Mogemeiya Likumu Yesu okokala, owe la wato wa monguta mo owe.”
\p
\v 32 Wamoaselali la wato kpaa wa monguta monde engbundu e Likumu.
\v 33 Awakpalali ndji la enge engele e likolo, akpololi wa pota wau, iwo kpaa, inde la wato wande wapatali odjangi oumoyi.
\v 34 Awalingesali la monguta monde, aandali pesa liwoso lau, aemelali ngbii inde la wato wamonguta monde laate sikandjo amogemeli Mwengei.
\p
\v 35 Ango etania wuse, makumu ma moki wawatomali wapolisi wake oasi ate: “Wapumbesa wango wato.”
\p
\v 36 Sindjili e woyogo amoaselali Polo wingbundu wau ate: “Makumu ma moki wawatomi wato laate ino waale opumbeni. Sikandjo pumbani, kekeni logoo.”
\p
\v 37 Ase Polo aasali la iwo ate: “Watobingali pimbo liwoso la wato kpaa odjangi tokwesane la loyi, iso Waloma, watolumbia koto la woyogo, wakotyolumbaka sikandjo saa la oyaisi? Te ndjongo! Iwo amene wadje opumbesi iso saa.”
\v 38 Wapolisi wasumbelali makumu ma moki enge mboli, iwo wawangali ango eokali iwo ate Polo la Sila wadjei Waloma.
\v 39 Wadjaali, wayakongali la iwo, mbuse e owapumbesi, wawaongoli ate walongwe la gbata eho.
\v 40 Polo la Sila wapumbali la woyogo, wakeeli la monguta mo Lidia. Ango eeneli iwo wangbasu, wawahali mogalia, mbuse wakeeli.
\c 17
\cl ESUKI 17
\p
\v 1 Polo la Sila waetali la Amipipolisi koto la Apolonia, waumali la Tesaloniki, ebete sinsgoga esi e Wayuda edjakali.
\v 2 Polo alingelali ongo atie iwo, ndenge ehahanali inde okeli, la oumoyi e sabata isato adjakali okeleli madhingo la osololi la iwo.
\v 3 Adjakali olimboli la ohekeli elembeteli la madhingo ate ewongoli Kilisito aene odjidji, koto abase la wagwi, adjaki koto oasi ate: “Inde adjei Kilisito, Yesu, ongo ekotiesakolaka mbai ino.”
\v 4 Wadji ndondo ewu, waumali wagemei wayakokiali mongindji la Polo la Sila, koto ngbii e Wageleki wango wadjakali oyakongi la Mwengei koto wali ngbii wamogano wakelali koto ndjongo.
\p
\v 5 Ase nda eokali Wayuda zua, watotali mongindji la iwo wato wabe ndondo e wato wango wakobengiaka la liho, wakelali limbutukele liesi, walingesali ewedje la gbata. Wadjeleli monguta mo Yosona, wapotali oluki opumbesi Polo la Sila atie wango wato.
\v 6 Nda etiwagbotoli iwo, wamokpalia Yasona la wamangbasu wadji atie makumu ma gbata, wapamali ate, “Wa wato wakukoli mbume djinge eyabati wato, waumi koto ahala.
\v 7 Yosona awayambi olamu. Wato waho kpaa wakokelaka sambo dja oyamaleli Kaisala, waasi ate likumu odji adjei, inde Yesu.”
\v 8 La djinge wingbundu wabatali ewodje la mito ma wato la makumu ma gbata.
\v 9 Ase mbuse e ototi ndanga enge eengi atie Yosona la wadji nde wawadheeli ate wake.
\p
\v 10 Ndjiango la likolo, wamangbasu watomali Polo la Sila la Belona, ango eumali iwo ongo, walingelali la Sinagoga e Wayuda.
\v 11 Kaikonde wa Wayuda wadjaakali la mamungwene malamu owaeti wango wa Tesaloniki, la ebili ate wayambali engbundu la ehoha etetelake oyeti, wadjaakali odhendeli madhingo olamu masio la masio la oyewi inga sambo djaho idjei ndjongo.
\v 12 Ngbii djau waumali wagemei, ndenge kikima wali ngbii Wageleki wa mogano la pele koto ngbii.
\p
\v 13 Ase ango eokali Wayuda wa Tesaloniki ate Polo atiesakoli koto engbundu e Mwengei ongo la Beloya, wadjali koto ongo la owahili la omemelesi ngbii e wato.
\v 14 La mbala kikima wamangbasu wamotomali Polo ake tee la ewale, ase Sila la Timoteo watikalali ango.
\v 15 Wango watingali la Polo wamokpalali tee la Atene, la ewongo, mbuse e ototi ndendji ate inga eengi Timoteo la Sila wadje obangu atie inde.
\p
\v 16 Ango edjakali Polo owalambeli la Atene, molimo monde eokali limemu ndondo ende la ndenge eeneli inde ate gbata eho etumi la wilima.
\v 17 La sinagoga apotali osololi la Wayuda la wapagano koto wango wadjakali omowangi Mwengei, masio la masio, la maho, mongindji la wango wadjakali ango.
\p
\v 18 Ase wato wadji Wapilodjope, Waepikila la Wasetoa, wapotali osololi la inde la obatani kokia, wadji wadjakali koto oasi ate, “Nda ema ehele esopa abali oasi?” Wadji: “Eeneni nda ate adjei motiesakoli e wamwengei o wadjidji.” Waasali ndjongo la ebili ate adjakali otiesakoli mboli ndamu e Yesu koto libasi.
\p
\v 19 Wamohelali Polo wamokpalali la Aleopadja, waasali ate, “Toengi toewe inga matiesakoli maholi mango makoaselaka owe madjei nde?”
\v 20 La ebili ate okolingesaka djeeti sambo djinge eokakiyo iso la matoyi masu. Eho lenge, tobali toyewe inga sambo djaho epoti oasi wani.”
\v 21 (Wato kpaa wa Atene la wadjidji wango wadjakali oyabati ongo wadjakali oyetesi engele ewu e ototi ehoho te la eeti ema ndji la oyewisi inga ooki ma loyi esi e poli.)
\p
\v 22 Polo ayamalali la wodja e Aleopadja, aasali ate, “Pele dja Atene, la ndenge edhendji mbai, la sambo kpaa, oenenini ate ayahekelini la owangi wamwengei oyeti wato wadji kpaa.
\v 23 Laate, ango edjakali mbai oyeti la odhendji olamu wihoo wanu wa oyakongi, ieneli koto la etombeli esi enge likolo laho edhingani ate: “Atie Mwengei ongo otiewane.” Ndjongo, inde ongo ino ohelanini la inde inga te ate otimoyeweni, inde ongo ekotiesakalakani mbai ino.
\p
\v 24 Mwengei ongo okeli moki la wihoo kpaa winge widjei ndondo eho, nda edjei inde Likumu e likolo la mbume, atiabataka la watepelo winge wikelani la mawo.
\v 25 Atikelanaka wotomo e mawo ma wato, nda nde akodjangaka ema, laate inde amene moto okohaka wato kpaa mokalo, ohatiani koto wihoo kpaa.
\p
\v 26 La loyi e moto mwesi akelali wihoo kpaa e wato, la oyabati la etando kpaa e mbume, abatali koto wiengele winge wibatana la milelo minge mibatani holi winge wato wayabati,
\v 27 laate wamoluke Mwengei, inga eonga wamoluke la omekimeki wiati la wiati wamotote koto, inga te ndjongo, ati lihele la mwesi la mwisi osu.
\v 28 La ebili ate la mboka ende nde edjei iso la mokalo, tokosombaka koto todjei, ndenge wadji ndondo e wapueti wanu waasa, 'Laate todjei koto oliye wonde.”
\p
\v 29 Eho lenge, ndenge edjei iso oliye wo Mwengei, eengiti ate tomungwe ate Mwengei adjei nda wolo inga palata inga libukeli, nda elima enge eemani la akili koto la otomo wo moto.
\v 30 Meemene, Mwengei anangi maiso la wiengele winge widjangi oyewi, ase sikandjo akoewisaka la wato e wiholo kpaa ate ewongi la iwo kpaa wakukole mitema.
\v 31 La ebili ate abati wuse woesi wungo wokosambesa inde la womeemene mbume djinge wato wayabati la mboka e moto mwesi ongo omooni inde, koto awahekeli wato kpaa ndanga ndenge emobasesi inde tee la wato waguake.
\p
\v 32 Ango eokali iwo loyi e obasi e wato waguake, wadji wamodendjiali Polo; ase wadji waasali ate, “Tokooka owe la wongu loyi te mbala edji.”
\v 33 Eho lenge Polo alongwali ndondo ewu.
\v 34 Ase wato wadji waaboleyali mongindji la inde waumali wagemei, enge ndondo ewu Deonisiusi mosambesi e tilibinalo e Aleopage, la moli mwesi kombo ende Damalisi la wadji wato mongindji la iwo.
\c 18
\cl ESUKI 18
\p
\v 1 Mbuse e sambo djaho, Polo alongwali la Atene, akeeli la Koliti.
\v 2 Amogbotoli Moyuda mwesi kombo ende Akila, moto o Poti ongo olongwali sikandjo la Italia, la moli onde Pisila, la ebili ate Kolode aasali la Wayuda kpaa walongwe la Loma. Inde akeeli atie iwo,
\v 3 nda edjaakali iwo okeli otomo woikima, ayabatali la monguta mowu, wadjaakali koto okeli otomo, laate otomo wowu wodjakali omai wahema.
\v 4 Polo adjakali oasi la oyatii la Sinagoga sabata kpaa, adjakali owagemeisi Wayuda la Wageleki.
\p
\v 5 Kaikoase ango elongwali Timoteo la Sila la Masedonia wayadjimbia, Polo ayahali kpaa la otomo wodhendji engbundu, adjakali ohekeli Wayuda litotoli la oenesi ate Yesu adjei Kilisito.
\v 6 Ase mbuse, nda edjakali Wayuda oyamaleli la oasi obe, ahuholali wisindje wande, aasali koto la iwo ate, “Makila manu madjei la mito manu amene; mbai ilangi. Opoti sikandjo okokeeke atie Wapaganogano.”
\v 7 Ase apumbali ongo, akeeli olingeli la monguta e moto mwesi kombo ende Titiusi Yusutusi, moyakongi mwesi o Mwengei; ongo monguta monde mohelani la sinagoga.
\v 8 La engele eho Kilisipusi, kumu o sinagoga amogemeiyelali Likumu, ndenge kikima koto wato kpaa wa monguta monde. Ngbii ndondo e Wakoliti wango waokali wapotali ogemei la opatisani.
\p
\v 9 Likumu amwaselali Polo la saki la likolo ate, “Otiwange, djaaka ndji oasi, otidhikake monoko.
\v 10 Laate idjei mongindji la owe, moto tueti okoodjele owe la o okeli obe, la ebili ate edjei la wato ngbii la ehele gbata.”
\v 11 Polo ayabatali ongo elanga esi la ndebo motoba, owapundesi engbundu e Mwengei ndondo ewu.
\p
\v 12 Ase ango edjakali Galio likumu o gbata e Akaya, Wayuda kpaa wamomemelelia Polo, wakia la inde la ngbelengo e lisambi;
\v 13 waasia ate: “Oholo moto akogemeiyesaka wato wayakonge la Mwengei ndenge eeti, enge esomboni la pui.
\p
\v 14 Ango Polo alukali odhuholi monoko, Galio aasali la Wayuda ate, “Ino Wayuda, inga edjaki la ekpeli esi te la loi wesi wobe, ikelaki ate inange motema la ookini ino engele ndai.
\v 15 Ase, inga edjaa kokia e wingbundu la wakombo koto la pui ndondo enu, enge eodhendjini ino amene. Ibaliti odjei mosambesi e sambo djinge.”
\v 16 Galio aumbali la iwo la ngbelengo e lisambi.
\v 17 Ndjongo iwo kpaa wamohelali Sositenesi, kumu o sinagoga, wapotali omobingi liwoso la ngbelengo e lisambi. Ase Galio atiasumbwali te wokeke la sambo djinge kpaa.
\p
\v 18 Kaikoase, Polo atikalali masio masungu la Kolito. Mbuse eho ayaambia la wamananango ase alingelia la andondoli, akia la Sili, iwo la Pilisila la Akila. Ango edjengeli inde sue la Kekelea, la ebili ate adjakali la elako.
\v 19 Waumali la Epeso, Polo amotikali Pilisila la Akila ongo, ase inde amana alingelali la sinagoga la osololi la Wayuda.
\v 20 Inga te ate wamoongoli ate aumwe la iwo ma engele ndai, atigemeiyali.
\v 21 Ase ahali mobale, aasali la iwo ate, “Ikowongwa alidji atie ino inga Likumu abala.” Atotali mboka e ewale la Epeso.
\p
\v 22 Ango eyadjimbia inde la Kaisalia, atelia la Yelusalema la ohekeli lingomba mobale, mbuse ayadjimbali la Atiokia.
\p
\v 23 Mbuse e oetesi ma engele ongo, Polo ahelia mboka, aetali la ebete esi tee la edji ebete la moki muho mo Galatia koto la Piligia, adjakali ohekeli mogalia la watutiani kpaa.
\p
\v 24 Moyuda mwesi kombo ende Apolo mana o moki mo Alezandelia, mwaasi sambo ndamu, aumali la Epeso, ayewali koto madhingo olamu.
\v 25 Apolo ayinyesanali la monoko, la mboka e Likumu, nda edjakali inde ololi la elimo, apotali otiesakoli la oyinyei la ndege ndamu sambo djinge imodhendji Yesu, ase ayewali ndji patisa e Yoani.
\v 26 Apolo apotali otiesakoli la mogalia ndondo e sinagoga. Ase ango Akila la Pilisila wamookali, wamototali mongindji la iwo, wamwenesia la hoho mboka e Mwengei la ndenge ndamu alidji oeti.
\p
\v 27 Ango edjakali inde la ehoha e kpanake la Akaya, wamangbasu awawadhingelali watutiani ekpata, wawahali mogalia ate wamoyambe olamu. Ango eumali inde ongo, awagamesali wango wagemeiyali la loyi e magba masungu.
\v 28 Apolo adjakali oenesi wato la hoho ate Wayuda wausi mboka, ango edjakali inde oenesi la mboka e madhingo ate Yesu adjei Kilisito.
\c 19
\cl ESUKI 19
\p
\v 1 Ango edjakali yo Apolo la Kolito, Polo aumali la Epeso mbuse e okpandji la mboka enge eyeti miki, agbotonoli la wadji watutiani ongo.
\v 2 Polo aasali la iwo ate, “ototalini elimo satu ango egemeiyalini ino?” Iwo wamowongweselali ate, “Tookaki yo ate elimo satu ekodjaaka.”
\p
\v 3 Polo aasia la iwo ate, “Ototini nda patisa?” Wamoongweselia, “Patisa e Yoani.”
\p
\v 4 Polo aasali ate, “Yoani apatisali la patisa enge edjei elembo ekukolake motema, adjakali oaseli wato ate, wamogemeiyele moto ongo ogeleli mbuse ende, iyenyei ate omogemei Yesu.”
\v 5 Ango eokali iwo ndjongo wapatali la kombo e Likumu Yesu.
\v 6 Ango Polo awatambelia iwo mawo, elimo satu edjimbelali iwo, wapotali okpomi la minoko madji koto la otiesakoli.
\v 7 Iwo kpaa wadjakali pele inga liomu la iwale.
\p
\v 8 Ango elingelali Polo la sinagoga, aasali la mohandja la oumoyi e ndebo isato, adjakali oasani la wato la djinge idhendji wokumu wo Mwengei la owagemeiyesi wango wadjakali omooki.
\v 9 Ase weeti wadjaaki ndji otetelesi mitema mau, watidjakali koto ogemei, la ndenge wadjakali oaseli obe la loyi e mboka liwoso la wato ngbii, Polo alongwali atie iwo awakatolali la watutiani. Apotali otisakoli la kalasi e Tilanusi.
\v 10 Akelali ndjongo wilanga wiale, ndjongo wato kpaa wango wadjaki oyabati la moki mo Azia waokali engbundu e Likumu, Wayuda la Geleki.
\p
\v 11 Mwengei koto adjakali okeli tomo sungu e okulu la mawo ma Polo,
\v 12 wadjakali ototi mambusu la wisindji wa otomo e wenge wande, la owakpaleli wato wa wikoni, wikoni wau widjakali osili, milimo mibe koto idjakali opumbi.
\p
\v 13 Ase Wayuda wadji wango wadjakali osombasombi, wango wadjakali opumbesi milimo mibe, wamekali koto otoli komnbo e Likumu Yesu atie wango wadjakali la milimo mibe, waasia, “Ikootomakani la kombo e Yesu ongo okomotiesakolaka Polo.”
\v 14 Kaikoase, ndjenga sambo e moto mwesi kombo ende Sekeba nganga Mwengei likumu Moyuda, wadjakali okeli ndjongo.
\p
\v 15 Ase elimo mbe ewongoselali iwo ate, “Imoyewi Yesu, imoyewi koto Polo; ase ino wandai?”
\v 16 Moto ongo odjaaki la elimo mbe awahumbwelelali iwo kpaa, ahotokolali wesi la wesi la iwo, awaetali la okulu, ndjongo watilali la monguta muho lingbengbele, wakondjokonoli.
\v 17 Loyi luho loewanali la wato kpaa, Wayuda la Wageleki wango wadjakali oyabati la Epeso; mbangi ewalingelali iwo kpaa, kombo e Likumu Yesu edjakali ndji ototi mogano.
\p
\v 18 Ngbii ndondo e wango waumali wagemei wadjakali odji olumboli la oyewesi tomo djau la hoho.
\v 19 Ngbii e wango wadjakali okeli tomo dja malando, wakokeyali wahala wau ebete eikima, watumbali eho la maiso ma wato kpaa. Watangali motio moho kpaa waenali ate eengali la motio e wadjenge wa palata koto tuku itano.
\p
\v 20 La ndenge esi e okulu, engbundu e Mwengei edjakali obeki la olongi.
\p
\v 21 Mbuse e djinge sambo, Polo aanali la motema monde ate, mbuse e okpandji Masedonia la AKaya, akoke Yelusalema, aasali, “Mbuse e oumi ongo iengi koto oeni Loma.”
\v 22 Polo atomali wato waale ndondo e wango wadjakali omokeleli la masedonia, Timoteo la Elasita, ase inde amene atikalali ma engele ekeke la moki mo Azia.
\p
\v 23 La enge engele minga misungu mipumbali ongo la Epeso la loyi e mboka.
\v 24 Laate moto mwesi kombo ende Demetiliusi, motuli mo Palata, la otomo wonde emaake minguta mikeke e oyakongi e Alatemisi, adjakali olingeseli wato wa tomo wa otata wadjenge ngbii.
\p
\v 25 Awaboleyali koto la wango wadjakali okeli la wihoo e ndenge eho, aasali ate, “Pele, oyewini olamu ate ogumake wosu ekolongwaka la wu otomo.
\v 26 Okoenekeni koto okookakani ndenge Polo oho, te ndji la Epeso ase wiholo pene e kpaa la moki mo Azia, agemeiyesi wato ngbii. Awatomia wagemeiye eeti mamungo, aasia, “Wamwengei wango watulani la mawo wati wamwengei.
\v 27 Wuko etisuke ndji la wungo loyi ate otomo wungo wosu wokosila mogano, ase alidji ate tepelo e mwengei-moli mosungu Alatemisi ekotolono ema pamba, te wosungu wonde wungo moki kpaa mo Azia la mbume djinge wato wayabati ekoyakongaka, etikali ma keke eume pamba.”
\p
\v 28 Ango eokia iwo ndjongo, nda etumali iwo koto la limemu, wato waho wapotali opami, waasia, “Alatemesi o Waepeso adjei mosungu.”
\v 29 Gbata kpaa etumali la minga, iwo kpaa wayasuali la ebete e wiyoka, wakpalali la oteteli mongindji la iwo Gayusi la Alisitalakisi, Wamasedonia, wiino wa Polo la okendo.
\v 30 Polo abalali olingeli ndondo atie wato waho, ase watutiani watimohali mboka.
\v 31 Wadji wiloko wa Azia, wango wadjaaki wiino wande, wamotomelali mwendji la omwaseli ate atilingese mokalo monde la huko la ebete e iyoka.
\p
\v 32 Wadji wadjakali opami la loyi eeti, koto wadji loyi eeti, laate liboliani lidjakali la minga, ngbii ndondo e wu watiewali nda ema eyaboleyi iwo.
\v 33 Iwo kpaa wamototali Alezandela ndondo e ngbii e wango wato, Wayuda wamohilali liwoso. Alezandela akelali elembo la ewo ende, abalali osambi la loyi e inde amene liwoso la wato waho.
\v 34 Ase ango eyewia iwo ate inde adjei Moyuda, iwo kpaa wapamali moli sa mwesi ahue e wiengele wiale ate, “Alatemisi e Waepeso adjei mosungu.”
\p
\v 35 Ango modhingi sambo e gbata adakisali ngbii e wango wato bii, aasali ate, “Pele dja Epeso, ndai ndondo e wato atiewe ate gbata e Waepeso edjei mobanyei e tepelo e Alatemisi mosungu koto la elima enge ekwali tee ongo likolo?
\v 36 Ndjongo, nda sambo djaho eengiti obatani kokia, ewongi ate ogbuteseni mitema, otikeleni koto sambo la obangu.
\v 37 Laate okpalitini wato wango wadjei wato wayiwa la watepelo, wati koto wato wango wakomotangakolaka mwengei osu o moli.
\v 38 Eho lenge, inga Demetiliusi la wato wa tomo dja mawo wango wadjei mongindji la inde wadjei la loyi e moto mwesi ndjo, masio masambake madjei, makumu koto wadjei. Wadje opundani.
\v 39 Ase inga okolukakani ema eeti oyeti wungo, eho ewongi otenani la liboleyani nda ehahani iso.
\v 40 Laate todjei la huko e opundani ate todjei wato wa ewedje la loyi e keke, nda eti la ema teeti enge eengi otohekeli iso mboka e oenesi kole e ehele liboleyani e ewedje. Ango esisali inde oasi djinge sambo, aongoli liboleyani liandjane.
\c 20
\cl ESUKI 20
\p
\v 1 Ango etitimali ewedje, Polo awelali watutiani, mbuse e owahekeli mogalia la owahekeli mobale e okawani, apumbali la oki la Masedonia.
\v 2 Mbuse e okpandji winge gbata la ohekeli mogalia la wango wadjakali ongo la sambo ngbii, adjaali la Geleki.
\v 3 Mbuse oetesi ndebo isato ongo, nda Wayuda wamokelelali likita ango edjakali inde ahue e oki la andondoli la Sili, atotali mwano e wongwake la Masedonia.
\v 4 Wango wadjakali osombi mongindji la inde edjakali, Sopatela mana o Pilusi mo Yabeloya, Alisitalaka la Sekundusi wato wa Tesaloniki, Gayusi mo Yadeleba, la Timoteo, koto la Tisiki, la Tolopimi, wato wa Azia.
\v 5 Iwo wakeeli liwoso, wadjakali otolambeli iso la Toloasi.
\v 6 Ase iso tolongwali la Pilipi, tototali mboka e ewale mbuse e masio e makoke mango matikundaka, todjaali atie iwo la Toloasi mbuse e masio inga matano. Ongo toetesali masio sambo
\v 7 La lisio la yenga, ango egbotonoli iso la olaki okoke, Polo apotali owatiesakoli, laate abalali oki ekundu eho, agulali matiesakoli mande tee la etete.
\v 8 Matambe ngbii madjakali la mwange e likolo ongo eyaboleyali iso.
\v 9 Mana opele mwesi, kombo ende Etisi, ayabatali la lininisa, adjakali la ilo. Ango Polo adjakali oguli matiesakoli mande, ilo emogulali, akwali olongoyi ngbalando esato e monguta tee la mbume, wamolongosia ndji aguiga.
\v 10 Polo ayadjimbali la mbume, ayalumbali likolo lande, amolingali koto la mawo, aasali ate, “Otiyasumbweni, laate molimo monde modjei ndondo ende.”
\v 11 Atelali alidji likolo, abukia okoke, alakia. Mbuse e okpomi engele ndai tee otani o wuse, ase akeeli.
\v 12 Wamototali palanga oho la mokalo, wabondesanali koto.
\p
\v 13 Toetali sikala liwoso ongo edjakali andondoli, tokeeli la andondoli tee la Asosi. Toanali omototi Polo, la oengani la tomani djande, laate abalali okeli okendo la makolo.
\v 14 Ango andongbanali la iso la Asosi, tomolingesali la andondoli, ase tokeeli la Mitilena.
\v 15 Ango elongwali iso ongo ekundu eho, towumali ngambo enge edhendani la Kiosi. Ase ekundu eho toyamalali ma keke la Samosi, mbuse e lisio laho, toumali la Mileta.
\v 16 Laate Polo atibalali oyamali la Epeso, la ebili ate atienge oetesi engele ndai la Azia; laate adjakali okeli galagala la oumi la Yelusalema lisio e yenga e Patekote inga akodja la nano.
\p
\v 17 Ongo la Mileta atomali wato la Epeso, la oweli wiloko wa lingomba.
\p
\v 18 Ango eumali iwo atie inde, aasali la iwo ate, “Oyewini olamu ndenge, opoti lisio la poo enge ehotoli mbai mbume e moki mo Azia, idjakali mongindji la ino engele kpaa.
\v 19 Imokelelali Likumu nda motuke la elimo eyatitimesake, la po, la omekani enge eumelali mbai la loyi e makita mbe e Wayuda.
\v 20 Itiyatekisali oyinyei ino sambo kpaa djinge idjakali la kole inga otiesakoli ino la wibete e wato kpaa koto la munguta la monguta,
\v 21 itotololi Wayuda la Wageleki olamu olamu sambo djinge idhendji okukoli motema atie Mwengei koto omogemeiyeli Likumu lasu Yesu.
\p
\v 22 Dhenga sikandjo, ihelani la elimo, ikokeeke la Yelusalema, inga te ate iyewiti nda sambo djinge ikoumela mbai ongo,
\v 23 longosa ndji ehele, moki la moki elimo satu edjei mbala la mbala ototoleli mbai ango ekoasaka eho ate, miliki la wodjidji ekolambelaka mbai.
\v 24 Ase itidhendelaka molimo mo mbai ate edjei la kole ngbii atie mbai, ema e kole nde iengese la mwemu obangu wo mbai la otomo wungo itotali atie Likumu Yesu, la ohekeli litotoli olamu la loyi e mboli ndamu e magba masungu ma Mwengei.
\v 25 Dhenga sikandjo, iyewi ate ino kpaa wango itiesakolalini okumu, otieneni kine mbanda e mbai.
\v 26 Iototini ino watotoli la lisio la keke ate ilangi la makila ma wato kpaa.
\v 27 Laate itiatekisali oyewisini ino mwano kpaa mo Mwengei.
\v 28 Okakebeni la kole e ino amene, koto la kole e lingomba kpaa enge elimo satu e obatini ino wabanyei la ndondo eho. Laate obanyeni liboleyani e Mwengei enge inde asombali la makila ma mana onde moikima.
\v 29 Iyewi ate mbuse e oki wo mbai, mbwa mbe dja mitulu wakolingela ndondo enu, watikelela koto lingomba sambo ndamu.
\v 30 Ndondo enu pele wakoyamala, wakotiesakola sambo dja moleho la oguli watutiani wabileye iwo.
\v 31 Eho lenge otilangaleni ilo. Otiosaneni ate wilanga wisato likolo la wuse idjakali oaseli mwesi la mwesi la po.
\p
\v 32 Sikandjo ikoodhekeni la mawo ma Mwengei koto la engbundu e magba masungu mande, engbundu enge eengi omayi ino koto ohekeli ino lisango ndondo e wango wasatisani.
\p
\v 33 Itinonali palata e moto, te wolo, te wisindje koto.
\v 34 Ino amene oewini ate ma mawo maengesali wihoha wa mbai koto e wango wadjaki mongindji la mbai.
\v 35 Ienesini ino la sambo kpaa ate la okeli otomo otetelake ndenge eho nde oongini ogamesi wango wadjei wato wamageni, koto otiosaneni wingbundu wa Likumu Yesu, ango inde amene aasali ate, “Mwemu mokawake moeti mototake.”
\p
\v 36 Mbuse e oseseli oasi djinge sambo, amaali mauli mongindji la iwo kpaa, ayakongali.
\v 37 Iwo kpaa watobiali la wilelo nee, wamokweleli Polo la kingo, wamombomboli la magba.
\v 38 Waokali magba masungu la engbundu enge aasali inde ate watiene kine mbanda ende alidji. Ndjongo wakeeli omotiki la andondoli.
\c 21
\cl ESUKI 21
\p
\v 1 Ango ekawania iso la iwo la magba, tototali mboka e ewale, la obangu tosombali toumali la gbata e Kosi, ase ekundu eho la Lode, koto olongoyi ongo tee la Patala.
\v 2 Ango egbotoli iso andondoli eesi enge ekokpandaka la Penesia, totelali eho, tokeeli.
\v 3 Mbuse e oeni esi e Sipele, todheeli eho la ewo e liali, tobiliali Sili, toamalali la Tila laate ongo nde andondoli eongoli odjikesi wihoo waho.
\p
\v 4 La oluki luki toeneli watutiani, toyabatali ango masio sambo. Ase la mboka e elimo wadjakali omoaseli Polo mbala la mbala ate atike la Yelusalema.
\v 5 Ango eseselia iso oengesi masio maho, topumbali koto tokeeli, iwo kpaa la wali la wana wadjaali otiki iso tee la saa e gbata. Tomaali mauli la kondolo, toyakongoli,
\v 6 tohanali mobale, iso totelali andondoli, ase iwo wawongwali atie iwo.
\p
\v 7 Ango eseselali iso okpandji la Tila, toumali la potolemaisi. Tohekeleli wamangbasu mobale, toyabatali mongindji la iwo lisio liikima.
\v 8 Ekundu eho, tokeeli toumali la Kaisalia, tolingelali la monguta mo Pilipo moenesi mboli ndamu, ongo odjakali mwesi e pele sambo e mogano molamu, toyabatali mongindji la inde.
\v 9 Moto opele oho adjakali la wana wawali wanei, waseka, wango wadjakali otiesakoli.
\p
\v 10 Ango edjaaki iso oumoi masio ngbii, motiesakoli mwesi kombo ende Agabusi, alongwali la Yudea.
\v 11 Adjia atie iso, atotali mokaba mo Polo, ayanangali makolo la mawo, aasali ate, “Elimo satu easi ndjo, 'Moto ongo odjei meemene mu mokaba, Wayuda wakomohela ndjo la Yelusalema, wakomokawa la mawo ma wapagano.”'
\p
\v 12 Ango eokali iso ndjongo, iso la wato e eholo eho topotali oyatati la inde ate atitele la Yelusalema.
\p
\v 13 Polo awongosali ate, “Okokelakani nde la ilelo koto la ogenesakoli mbai motema? Iyawongeli te saa la loyi ehelanake, ase laate ikogwa la Yelusalema la loyi e kombo e Likumu Yesu.”
\p
\v 14 Nda etidjakali inde ogemei, iso togemeiyali eho la dji wingbundu, “Mwano mo Likumu ekelane.”
\p
\v 15 La mbuse e masio maho tohelali wihoo wasu koto totelali la Yelusalema.
\v 16 Wadji ndondo e watutiani wa Kaisalia wakeeli koto mongindji la iso, la okpali iso atie moto ongo toengali oyabati atie inde Manasona mwesi ndjo, moto o Sipele, mwesi e watutiani wa poo.
\p
\v 17 Ango eumali iso la Yelusalema, wamangbasu watoyambali la mwemu.
\v 18 Ekundu eho, Polo alingelali mongindji la iso atie Yakobo, koto wiloko kpaa wadjakali ongo.
\v 19 Polo awahali mobale, apotali owaewisi ema esi la esi la sambo kpaa djinge Mwengei akelali atie wapagano la mboka ende.
\v 20 Mbuse e owaoki iwo, wapotali omohekeli Mwengei otwa, wamoaselali koto ate, “Okoeneke, manima, ndenge wato ngbii e wagamei wadjei la ndondo e Wayuda. Iwo kpaa wadjei la mogalia la loyi e pui.
\v 21 Waokali ondungwani la loyi e owe ate okotiesakolaka Wayuda wango wayabati ndondo e wapagano ate wamotone Moize, okoaselaka iwo ate watitene wana wau kombeni koto watisombe la otutei wikaleli winge wiyewani.
\v 22 Tokele woni? La omeeemene wakoewa ndji ate odiga.
\v 23 La ndjongo kela nda ekotiesakola iso owe. Pele inei wadjei la iso ala, wango wadjei la ndai ewu.
\v 24 Tota wango pele, keke oyalangesi mongindji la iwo, putela iwo sambo kpaa, laate wadjengene sue. La ndenge eho, moto kpaa akoewa ate ondunguani wungu waewisali iwo la loyi e owe edjei e moleho, ase ate owe okosombaka alima, owe amene koto okobanyaka pui.
\v 25 Ase la loyi e wapagano wango wagemei, totomi eteneli enge etoti iso ate ewongi watone wihoo winge wihekelani mbeka la wilima, la otoni makila, la wihoo winge wipotoni la pite.
\v 26 Polo akpalali pele djaho ekundu eho, ayalangesali mongindji la iwo. Alingelali la tepelo, la oyewesi masio woni eongoli oeti la loyi e olangesani wuho, tee ango likao e ongoli ehekelani la loyi e moto la moto.
\p
\v 27 Ango epakali masio maho sambo weengi, Wayuda weeti wango walongwali la Azia, ango e moenia iwo Polo ndondo e tepelo, wangalesia wato ngbii, wamobatali mawo.
\v 28 Wadjakali opami, “Pele dja Isalayele, togamesani iso. Dengani moto oholo akoinyaka wato kpaa wiati la wiati ate wadendeye wato wasu, pui la ehele ebete. Aleeti awalingesi Wageleki ndondo e teplo, awumesia ehele ebete esatu onalili.
\v 29 Laate liwoso wamoeneli Tolopimi moto o Epeso la gbata mongindji la inde, eho lenge wadjakali omungoyi ate Polo amolingesi la tepelo.
\v 30 Moki kpaa momemelia, wato kpaa waboleyanali, wamohelali Polo, wamogulia saa e tepelo, wadhihia moluhe mo tepelo la loga.
\p
\v 31 Ango edjaaki iwo oluki mboka la omooli Polo, mboli emoumelia likumu o ebiba e wasoda ate Yelusalama kpaa edjei la minga.
\v 32 Mbala kikima atotali wasoda la makumu wamu, ayadjimbali obangu atie iwo. Ango emoenia iwo likumu o wasoda la wasoda wadheeli omobingi Polo.
\p
\v 33 Likumu o wasoda ayandongbali ahue amopotoli Polo, awatomali ate wamohele la miliki miale. Apotali oluki oewi inga edjei ndai koto nda loyi ekeli inde.
\v 34 Ase wadji e wango wato ngbii wapotali opami la edji loyi, waadji koto la edji loyi. Nda inde amene atiengali oyewi te loyi eesi la omeemene la ehele ewedje, atomali ate wamokpale Polo la monguta e wasoda.
\v 35 Ango eumia inde la eteleli, sambo ebitanali la oeteli, ndjongo wasoda wamokpalali Polo la loyi e ongali o wato ngbii.
\v 36 Laate ngbii e wato waho wadjakali ndji otutei, wadjaki opami, “Moolani!”
\p
\v 37 Ango epaki Polo olingeli la monguta mo wasoda, amoaselali likumu oho o wasoda ate, “iengi ototi mboka la oasi loyi liesi?” Likumu o wasoda amoaselali ate, “Okoasaka monoko mo Geleki?
\v 38 Eti owe Moezipito ongo, la masio mayeti apumbesali minga, akpalali la esobe pele koto inei wango wadjakali la wiwuni?”
\p
\v 39 Polo aasali ate, “Idjei Moyuda, o Talasi ndondo e Silisia. Idjei mana o moki e gbata enge eyewani olamu. Ndjongo iyakongi la owe pa mbai mboka iase la wato.”
\v 40 Ango likumu o wasoda amohia mboka, Polo ayamalali la witeleli, akelelali wato elembo la ewo ende. Ango elingelali logoo, aasali la iwo la monoko mo Ebele. Aasia ate,
\c 22
\cl ESUKI 22
\p
\v 1 “Wamanima la wa wawa, okani osambi wo mbai liwoso lanu sikandjo.”
\v 2 Ango eokia iwo ate akoasaka la iwo la monoko mo Ebele, wadakali alidji bii la oeteli, waasali koto ate,
\v 3 Idjei Moyuda, iwotami la Talasi e Silisia, ase itangi kalasi la mu moki la makolo ma Gamaliela. Itiesanate la otutei okulu e pui e wa tata. Idjakali moto o mogalia la loyi e Mwengei, ndenge ino koto kpaa odjeini la eho la masio ma keke.
\v 4 Ibheteleli ehele mboka tee la logo. Idjakali oheli pele la wali la miliki koto owatomi la woyogo,
\v 5 nganga-Mwengei mosungu la liboleyani kpaa e wiloko waengi ototoli la loyi e mbai. Itotali koto matanda atie iwo la loyi e wamangbasu wango wadjei la Damasi, ikeeli koto okpali wango wadjakali ongo wahelani la miliki la odji la iwo la Yelusalema laate watote etumbu.
\p
\v 6 Idjaaki okii ndjongo, ango eyandongbia mbai ahue e Damasi, ahue e mbile, ngbai esi engalelali mbai.
\v 7 Ikuali la mbume, iokali mooli mwesi moasali la mbai ate, 'Saulo, Saulo, ndjoni okoeneseke mbai odjidji?
\p
\v 8 Mbai iwongwesali ate, 'owe ndai, Likumu?' Aasali koto la mbai ate, 'Mbai Yesu, o Nazaleta, ongo owe okomoeneseke odjidji.'
\p
\v 9 Kaikoase, wato wango wadjaki mongindji la mbai waeneli ngbai eho ase watiokali mooli mungu modjaki oaseli mbai.
\v 10 Iyasali ate, 'Ikele nde, Likumu?' Likumu aasali la mbai ate, 'Yamala, keke la Damasi, ongo wakoewesa owe sambo kpaa djinge ewongi la owe okeli.'
\v 11 Nda etidjakali mbai oeni ema la loyi e otwa e enge ngbai, iwumali la Damasi, idjaki ogulani la ewo e wango wadjaki mongindji la mbai.
\v 12 Ongo Ananiasi, moto opele ongo okomowangaka Mwengei la obileyi pui, koto adjaki la matotoli malamu atie Wayuda kpaa wango wayabatali ongo.
\v 13 Adjali atie mbai, ayamalali ahue e mbai, aasali la mbai ate, “Saulo, manima, ene alidji.” Idjambali maiso la omodhendji ndji la enge engele.
\v 14 Aasali koto ate, Mwengei o watata wasu awoni owe laate oyewe mwano monde, koto omoene Moto molamu, koto ooke mooli mooli monde.
\v 15 Laate okodjaa mototoli monde la wato kpaa la sambo kpaa ieni owe la wioki owe.
\v 16 Sikandjo okolambelaka nde? Yamala, tota patisa, dhumbeya kombo ende laate okpole masumu ma owe.
\p
\v 17 Mbuse iwongwali la Yelusalema, idjaaki oyakongi ndondo e tepelo, ilengelali la saki.
\v 18 Imoenia inde akoasaka la mbai ate, “Kela obangu, pumba galagala la Yelusalema, laate watigemeiya litotoli la owe la loyi e mbai.”
\v 19 Iyasali ate, 'Likumu, iwo amene wayewi ate idjaaki olingesi la woyogo wango wakogemeiyaka owa, la owabingi pimbo la wasinagoga djiesi kpaa.
\v 20 Koto ango eswani makila ma Setepano mototoli mo owe, mbai pendja iyamalali ango, idjakali ogemei, la obanyei wisindji wa mokpoto e wango wadjaki omooli.
\v 21 Ase aasali la mbai ate, “Keke, ikootoma lihele atie wapagano.”
\p
\v 22 Wamookali tee la wungo loyi ndjongo. Wadjambali miili mawu, waasia ate, “Molongosa moto e ehele ndenge la mbume, laate ationgoli odjei la mokalo.”
\p
\v 23 Nda edjaaki iwo ohumbi la olumbi wisindje wau wa mikpoto likolo, la oyandji limungele likolo,
\v 24 kumu o wasoda atomali wasoda ate wamolingese Polo la monguta mo wasoda, aasali koto wamobinge pimbo laate aase, ndjongo akoewa olamu nda kole enge iwo wakopamaka la loyi ende.
\p
\v 25 Ango emolangeya iwo laate wamobinge pimbo, Polo aasali la kumu o wasoda ongo odjaaki ango mine ate, “Pui ehekeli ino mboka ate obingeni pimbo la moto ongo odjei Moloma ongo okwiti te la loyi loikima?”
\p
\v 26 Ango eokia likumu o wasoda ndjongo, akeeli atie kumu o wasoda, amoaselali ate, “Obali okeli nde? Denga ongo moto adjei Moloma.”
\p
\v 27 Kumu o wasoda ayandongbia ahue, amoaselali ate, “Yewesa mbai, odjei Moloma?” Polo aasali ate, “Eiye.”
\p
\v 28 Kumu o wasoda awongwesia ate, “mbai isombi ehele osomi e mana o moki la wambele ngbii.” Ase Polo aasia ate, “Ase mbai iwotani nde la eho.
\v 29 Ndji la enge engele, wato wango wabalali omobingi pimbo laate aase, walongwali ahue ende, koto kumu o wasoda apotali owangi ango eyewali inde ate adjei Moloma la ndenge emonangali inde la miliki.
\p
\v 30 Ekundu eho, ango ebalali likumu oewi la omeemene kole enge Wayuda wakomopundaka, amotokolali Polo, atomali ate wanganga-Mwengei wayakokeye la likita lisungu. Amodimbali Polo, amoamalesali ndondo ewu.
\c 23
\cl ESUKI 23
\p
\v 1 Polo adengali makumu ma likita lisungu, aasali ate, “Wamanima, isombi liwoso la Mwengei la oewi wolangi tee la lisio la keke.
\v 2 Nganga-Mwengei mosungu Ananiasi ahali mboka la wango wadjaki ahue ende ate wamobinge la monoko.
\p
\v 3 Eho Polo aasia la inde ate, “Mwengei akoobinga, owe etutu enge emunolani mondo, oyabati la osambesi mbai la ookani e pui, la ndenge ekotomaka owe wato ate wabinge mbai?
\p
\v 4 Wango wayamalali ango waasali ate, “Okomotangakolaka nganga-Mwengei mosungu o Mwengei?”
\p
\v 5 Polo aasali ate, “Wamanima, itiewake ate adjei nganga-Mwengei mosungu. Laate edhingani ate, “Oengiti oasi obe la kumu e wato wa owe.”'
\p
\v 6 Ango eyewali Polo ate ndondo ewu edjakali la Wasadukai koto la Wapalisai, apotali ohumbi pwi ndondo e likita lisungu ate, “Wamanima, idjei Mopalisai, mana o Wapalisai. Ikosambesamaka la loyi e mwano e libasi e wato waguake.”
\v 7 Ango easia inde ndjongo, likaka eumali ndondo e Wapalisai la Wasadukai, mongindji mokawanali.
\v 8 Laate Wasadukai wakoasaka ate libasi liti, ahumbwa koto ati, elimo koto ati, ase Wapalisai wakogemeiyaka sambo djaho kpaa la hoho.
\p
\v 9 Ndjongo ondungbiani wotetelake epumbali, wiloko wadji e mongindji e Wapalisai wayamalali, wapotali oasi la mosio mosungu ate, “Toeniti obe teeti atie oholo moto. Ase inga elimo eesi, te ahumbwa mwesi asololali la inde?” Totisane la Mwengei.
\v 10 Ase ango eumia likaka lisungu ndondo ewu, kumu o wasoda awangali ate wakomotenakola Polo wisuki, ndjongo aasali la wasoda ate wayadimbe omolongosi Polo ndondo ewu, wamolingese la monguta mou.
\p
\v 11 La likolo linge libileyi Likumu ayamalali ahue ende, aasali ate, “Dja la mogalia, laate nda ehekeli owe litotoli lilamu la Yelusalema la sambo djinge idhengi mbai, ndenge kikima koto oengi ohekeli litotoli la Loma.”
\p
\v 12 Ango otania wuse, Wayuda wakelia likita libe, walapali koto ate obe ewakwele, inga walaka te wakenga liwoso ate wamoole Polo.
\v 13 Edjakali wato oyeti tuku inei nde wakelali linge likita libe la olapi enge enangani la mwano mbe.
\v 14 Wakeeli atie wanganga-Mwengei makumu la wiloko, waasali ate, “Toteniga ndai ate totilaka, totikenga koto tee ekomoola iso Polo.
\v 15 Ndjongo ndi sikandjo, ino la likita lisungu moewisani kumu o wasoda la hoho kole enge inde awongi odjimbeseli ino inde nda odjeini nde la posa e odhendeli loyi londe la ndenge ndamu. Ase liwoso ate aume ahue, iso tokoyawongela laate tomoole.”
\p
\v 16 Ase mana o manango o Polo o moli aokali mboli e lisala linge limobatelali iwo Polo, adjaali olingeli la monguta e wasoda la omoewesi Polo.
\v 17 Polo amowelali mwesi e makumu o wasoda atie inde aasali ate, “Mokpala oholo mana opele atie likumu o wasoda, la ebili ate adjei la ma loyi e moaselake.”
\v 18 La ndjongo, akeeli la inde okamotiki atie likumu o wasoda, aasali ate, “Polo moto o woyogo aweli mbai atie inde, aongia mbai ate imokpale oholo mana opele atie owe, la ebili ate adjei la ma loyi e oaselake.”
\v 19 Kumu o wasoda amohelali ewo, akia kelekele, apotali omohueli iwo waale ate, “Nde ebali owe oaseli mbai?”
\v 20 Mana opele oho aasali ate, “Wayuda waokani ate waonge owe omodjimbe Polo la likita lisunu e ekundu nda wadjei nde la posa e oewi olamu enge emodhendji.”
\v 21 Ase loyi lo kole edjei, owe otibale ate waogemeiyese, laate pele djau oyeti tuku inei wamobateli lisala, walapi koto ate watilaka watikenga koto inga watimooleyo. Wayawongeli sikandjo, wakolambelaka ate liwuna lilongwe atie owe.”
\v 22 Kumu o wasoda amodheeli ongo mana opele ate ake mbuse e omoaseli ate, “Otimoewese moto toeti ate ondjaseli mbai.”
\p
\v 23 Awawelali waale ndondo e makumu ma wasoda, aasali ate, “Wongeleni wasoda kama iwale la osombi tee la Kaisalia, la wasoda koto tuku sambo wango wakosombaka la punda, la wasoda koto kama iwale e makonga, la engele e isato e likolo.”
\v 24 Wongeleni koto wa nama wango wakokpalaka mikpali laate emokpale Polo, emoumese koto Polo olamu atie likumu o moki Peliki.
\v 25 Adhingali ekpata la ehele ndenge:
\v 26 “Mbai Kolode Lisiasi, atie moto o mogano likumu o moki Peliki, mobale.
\v 27 Wayuda wamoheli oholo moto opele, walukaki ate wamoole, ase mbai idjaali obangu la ebiba e wasoda, imokalesali, laate ioki ate inde adjei Moloma.
\v 28 Nda elukali mbai oewi olamu kole enge edjaakali iwo omopundi, imodjimbali la likita lisungu ewu.
\v 29 Idjaali oewi ate wadjaki omopundi la loyi e pui djau, ase te la loyi enge ewongi la logo inga te la woyogo.
\v 30 Nda endjaseli iwo mbai ate likita liesi libe ekowongelanaka la omokeli moto opele oho obe, imotomi inde atie owe la loga, ihii engbundu atie wapundi wande ate waase mbe djande liwoso la owe.”
\p
\v 31 Wasoda waho wamototali Polo la otutei engbundu enge etotali iwo, wamokpalali la likolo la Atipatilisi.
\v 32 Ekundu eho, wahekeleli mboka la wasoda wango wakosombaka la punda ate wahele mboka mongindji la inde, ase iwo waongwali la monguta e wasoda.
\v 33 Wasoda wango wakosombaka la punda walingelali la Kaisalia, wamohali likumu o moki ekpata eho, wamoinyali koto Polo.
\p
\v 34 Ango etangali likumu o moki ekpata eho, amohuelali Polo inga adjei moto e nda moki. Ango edjaali inde oewi ate adjei moto o Silisia,
\v 35 Aasali ate, “Ikooka owe olamu ango ekodja wapundi wa owe. Atomali ate wamobanye la monguta e likumu Elode.”
\c 24
\cl ESUKI 24
\p
\v 1 La mbuse e masio matano Ananiasi nganga-Mwengei mosungu, ayadimbali la Kaisalia la ndambo e wiloko wa moki, la moaseli mwesi la kombo Teletulusi, wamopundali Polo liwoso e likumu o moki.
\v 2 Ango emowelia iwo Polo, Teletulusi apotali omopundi atie likumu o moki, aasia, “Nda edjei iso la logoo wosungu la owe, koto nda okalambi ekokelanaka la mu moki la kole e mamungwene ma owe ma wongesake sambo liwoso;
\v 3 la wiengele kpaa koto alidji la wiholo kpaa, tokoyambaka eho, Moto o mogano Peliki, la dombwa ehele eyeti osungu.
\v 4 Ase ibaliti wohelesi engele ndai la ogani owe, ndjongo iyakongi la owe ate la magba masungu ma owe otooke la ma sambo keke.
\v 5 Laate tomoeni oholo moto opele ate adjai huko esungu, akopumbesaka koto minga atie Wayuda kpaa wango wayabati la meki kpaa. Adjei mosombesi e ma lingomba liesi e Wanazaleta.
\v 6 Amekali koto obitesi tepelo nde emoheli iso, tolukali omosambesi la obilei pui djasau.
\v 7 Ase Lusiasi kumu o wasoda aumali. Amolongosia la mawo masu la otetelake.
\v 8 Ase ahia modeko atie wapundi wande laate wadje atie owe. Ango owe amana okomohuela, okoewa womeemene e sambo kpaa djinge ekomopundaka iso.
\v 9 Wayuda koto wagemeiyali, waasali ate sambo djaho idjei ndji ndjongo.
\p
\v 10 Ase ango likumu o moki abandali moto la ohekeli Polo mboka easake, Polo awongosali ate, “Nda eyewi mbai ate owe odjei mosambesi molamu e mu moki wilanga ngbii, igemei la motema mwesi osambi sambo dja mbai.
\v 11 Oengi oewi owe amene ate opoti lisio liteli mbai la Yelusalema la oyakongi, eyetakiyo masio liomu la maale.
\v 12 Ango egbotoli iwo mbai la tepelo, itidjaakali obati kokia la moto inga te oboleyi ebiba eesi e wato, la wasinagoga te la gbata.
\v 13 Waengiti oenesi omeemene e sambo djinge wakopundaka mbai la eho sikandjo.
\v 14 Ase ikoyambolaka wu loyi liwoso la owe ate, la odhendeli mboka enge ekowelaka iwo ma lingomba, la ndenge eho nde mbai ikomokelelaka Mwengei o watata wa mbai otomo wosatu, laate ikogemeiyaka sambo kpaa djinge iyaselani la pui, djinge idhingani koto la watiesakoli.
\v 15 Ibati motema atie Mwengei, motemu mungu wa wato koto wakodjaaka la eho, ate libasi likodja, e wato walamu la wato wabe.
\v 16 Mbai ikobata motema mo mbai la loyi wuho ate engele kpaa idje la oewi enge ekoenesaka ate ikeliti obe teeti liwoso la Mwengei la liwoso la wato koto.
\v 17 La mbuse e wilanga ngbii iwongwali ndondo e moki mo mbai okawi makao e motema magba la ohii mbeka.
\v 18 Ango edjaaki mbai okeli sambo djaho, wagbotoli mbai iyalangesi ndondo e tepelo la ndenge ewongoni, te mongindji la wato ngbii te koto la ewedje. Ase Wayuda wadji e moki mo Azia wadjaakali ango.
\v 19 Ewongoki la iwo koto odjei ala liwoso la owe la ohelesi mbai, inga waeneli mbai la loyi liesi libe.
\v 20 Inga te ndjongo, pele djinge idjei ala waase iwo amene obe wungo waeneli mbai la eho ango eyamalali mbai liwoso la likita lisungu,
\v 21 longosa ndji loyi loesi wungo wodhumbeyali mbai ango eyamalali mbai ndondo ewu ate, “Ikosambesamaka ndondo enu la loyi e libasi e wato waguake.”
\p
\v 22 Ase Peliki, ongo oewaali olamu sambo djinge idhengi mboka, aandjali wato ate wadje nbuse. Aasali ate, “Ango Lusiasi kumu o wasoda akoyadjimba ikotena sambo djanu.”
\v 23 Amotomali likumu o wasoda ate wamobanye Polo, ase watimohele miliki ongo la woyogo, atimotekese koto moto tueti e wato wande omogamesi.
\p
\v 24 Mbuse e ma masio, Peliki adjali iwo la moli onde Dulusila, ongo odjaakali Moyuda, amotomi moto okamoweli Polo, amookali koto la loyi lodhendji omogemeiyeli Kilisito Yesu.
\v 25 Ase ango einyali inde sambo dja omeemene, la oyatekesi, la lisambesi wungo wogeleli, Peliki aokali boo, awongwesalii ate, “Sikandjo kekeyo, ase inga engele eesi ndamu eenane ikoowela alidji.”
\v 26 Adjaaki koto la molambe ate Polo akomoha wambele, eho lenge adjaakali omoweli mbala la mbala la osololi la inde.
\p
\v 27 Ase la mbuse e mbula iwale Polokisi Pesitusi ayadjimbali la ebete e Peliki, ase nda Peliki abalali ate Wayuda waemele la inde, amotikali Polo anangani la woyogo.
\c 25
\cl ESUKI 25
\p
\v 1 Masio masato mbuse e olingeli e Pesitusi la okumu wonde, alongwoali la Kaisalia, atelia la Yelusalema.
\v 2 Wanganga-Mwengei makumu la iloko wa Wayuda, wamopundali Polo liwoso lande, wapotali oyatati la inde,
\v 3 wadjaaki omoongi ate awaokele magba, la omokoesi Polo, atome wamowele la Yelusalema, kaikoase wadjaakali omoaleli lisala la omooli la mboka.
\v 4 Pesitusi awongosali ate Polo adjei la woyogo e Kaisalia, inde amene koto akobalaka okii ongo la loga.
\v 5 Aasali alidji ate, “Wango wadjei la okumu ndondo enu, wayadjimbe mongindji la mbai wamopunde, inga loyi lopundake wodjei atie moto oho.”
\p
\v 6 Pesitusi aetesali masio mwambi inga liomu ndondo ewu, ayadjimbali la Kaisalia, ekundu eho, ayabatali la ngbelengo e masambi, atomali ate wadje la Polo atie inde.
\v 7 Ango oumali inde, Wayuda wango wayadjimbali tee la Yelusalema wayamalia ango omolingi, wadjaali omopundi la sambo ngbii koto e sungu sungu djinge etiengali iwo oenesi womeemene woho.
\p
\v 8 Polo awongosali la osambi ate, “Ikeliti obe te oikima la loyi e pui e Wayuda, inga te la tepelo, inga te la kole e Kaisalia.”
\p
\v 9 Ase Pesitusi nda ebalali inde ate Wayuda wamoemele, amowongoeselali Polo ate, “Ogemei oteli la Yelusalema la osambesani liwoso la mbai la loyi e dji sambo ndjo?”
\p
\v 10 Ase Polo aasali ate, “Ikoyamalaka liwoso la ngbelengo e masambi e Kaisalia, enge owongi la mbai osambesani. Iwakeliti Wayuda obe te woikima nda ndenge owe amene okoeneke eho.
\v 11 La ndjongo inga idjaa moto mobe, inga koto ikeli loyi liesi wungo woengi la logo, itoniti logo. Aseko inga sambo djinge ikohelesaka iwo mbai idjangi kole moto te moikima aengiti okawi mbai atie ewu saa ate awaemelese. Ibali oki osambi atie Kaisala.”
\p
\v 12 Mbuse e Pesitusi osoyi ndungu la wato wande, awongosali ate, “Nda eongi owe oki osambi atie Kaisala; okoke atie Kaisala!”
\p
\v 13 Ambuse e masio, likumu Agilipa mongindi la Belenisa waumali la Kaisalia la omodhendji Pesitusi.
\v 14 Edjaki iwo oetesi masio ngbii ongo, Pesitusi amosumbelali likumu mboli e Polo ate, “Molome mwesi adjei ala, ongo omotiki Peliki la woyogo.”
\v 15 Ango edjaaki mbai la Yelusalema, wanganga-Mwengei makumu la iloko wato wa Wayuda wadjaali oasi sambo djinge imodhengi, waongoli la mbai ate imokwese.
\v 16 Iwawongweselali ate Waloma watidjaaka la ehahaneli ekawake moto la loyi eokeli wato magba, liwoso ate moto oho ongo opundani aenane la wapundi wande atote nano esambake loyi wungo wopundani inde la eho.
\v 17 Eho lenge ango edjaali iwo ala, itiumwali, ekundu eho iyabatali la ngbelengo e masambi, itomali ate wamowele moto opele oho.
\v 18 Ango eyamalali wango wamohelesali, watimopundali te la eesi e sambo mbe djinge idjaaki mbai omomungweli.
\v 19 Aseko wadjaaki ndji obatani la inde kokia la ndenge ewu eyakongake la Mwengei, la loyi koto e Yesu mwesi ndjo ongo ogwa, ase ongo Polo adjaaki ndji oasi ate adjei la mokalo.
\v 20 Mbai iyawedjaali la kole e kokia eho likolo e djinge sambo, imohuelali inga akogemia oki la Yelusalema osambesani ongo la sambo djaho.
\v 21 Aseko Polo aongoli ate wamobanye laate loyi lotenane la okumu wosungu, ndjongo itomaali ate wamobanye tee ango ekomotoma mbai atie kaisala.
\v 22 Agalipa aasia la Pesitusi ate, “Ibali ate imooke koto moto oho mbai amene.” Pesitusi aasali ate, “ekundu okomooka.”
\p
\v 23 Ekundu eho, Agilipa la Belenisa wadjaali la ndenge e otwa, walingelali la monguta e masambi mongindji la makumu e wasoda koto la wato ngbii e gbata. Pesitusi atomali, wadjaali la Polo.
\v 24 Pesitusi aasali ate, “Likumu Agilipa la ino kpaa wango wadjei mongindji la iso aha, omwenini oholo moto ongo Wayuda kpaa waongoli mbai la Yelusalema koto ahala, wadjakali opami ate ewongiti kine la inde odjei la mokalo.
\v 25 Mbai ieneli ate akeliti loyi lungo liengi la logo. Ase ango inde amene aongoli ate ake okasambi atie Moto o mogano mosungu, itotali eteneli e omotomi.
\v 26 Ase la loyi lande, iti pendja la loyi e modhingelake Likumu la mbai. Eho lenge imopumbesi liwoso lanu, la oeteli liwoso la owe, Likumnu Agilipa. La ebili ate, mbuse eho lisambesi likokelana, ienge ototi ma loyi limodhingake.
\v 27 Laate iyewi ate omotomi mohelani la woyogo odjangi oasi obe wonde edjei loi lo ekete.
\c 26
\cl ESUKI 26
\p
\v 1 Agilipa aasali la Polo ate, “Ehekemeli la owe mboka la oasi la loyi e owe amene.” Ndjongo Polo ananolali ewo ende ase apotali oasi la osambi ate.
\v 2 “La sambo kpaa djinge Wayuda wakambi mbai la eho, Likumu Agilipa, ikoyatangaka moto o mwemu nda edjei liwoso la owe nde iengi osambi la lisio la keke,
\v 3 la ebili ate, owe oewi olamu ehahaneli kpaa koto wakokia kpaa ndondo e Wayuda. Eho lenge iyakongi la owe ate ooke mbai la motema ndayi.
\p
\v 4 La enge edhengi mokalo mo mbai opoti olenge wungo wobeki mbai la eho tee lipotele e moki mo mbai koto la Yelusalema.
\v 5 Wayuda kpaa waewi mbai liwoso tee la lipotele waewi, inga wabala ototoli, ate la otutei ma lingomba linge lieti sambo tetelake la losambo lasu, idjaali Mopalisayo.
\p
\v 6 Sikandjo ikosambesanaka la loyi e liwuna linge Mwengei ahali watata wasu.
\v 7 Liwuna linge maliye liomu la maale masu wakolambelaka ototi liengesi laho, la okeleli Mwengei otomo likolo la wuse, edjei la lu loyi nde Wayuda wapundi mbai la eho, Likumu.
\v 8 Lande, egemeitiaka ino ate Mwengei akosusolaka wato waguake?”
\p
\v 9 Mbai ikobundwali la motema mo mbai ate, ewongi la mbai okeli sambo ngbii la owamaleli kombo e Yesu moto o Nazaleta.
\v 10 Ikelelali eho la Yelusalema. Ibatali la woyogo wasatu ngbii, laate itotali wotomo wuho atie nganga-Mwengei likumu, engele eengali oolani, idjaakali ooni oolani.
\v 11 Idjaaki owahekeli iwo etumbu mbala la mbala la wasinagoga kpaa, idjaakali owahili la otetelake ate waungane ogemei. Nda edjaakali mbai la limemu lawu, ikeeli lihele tee la oenesi iwo odjidji te ongo la djieti gbata.
\p
\v 12 Ndji la mogalia muho, ango edjaakali mbai oki la Damasi, la otomo e wanganga-Mwengei makumu;
\v 13 la mbile, ieneli la mboka, likumu, ngbai eesi wungo woeti ongali wo wuse ebingia tee ongo likolo la lisuka suka la mbai la wango koto wadjaaki oki la mbai mongindji.
\v 14 Ango ekwiya iso kpaa la mbume, iyokia moli mwesi moasia la mbai la monoko mo Ebele ate, 'Saulo, Saulo nda ndenge okoeneseke owe mbai odjidji? Ekodja la owe minga oyamaleli misete.'
\p
\v 15 Ase mbai iwongolali ate 'Owe ndai, Likumu?' ase Likumu oasali ate, 'Mbai Yesu ongo okomoeneseke owe odjidji.
\v 16 Longwa la mbume, yamala la makolo ma owe, la ebili ate edjei la loyi e ehele kole nde iyaenesi atie owe, la ooni owe nda mokeleli la mototoli e sambo djinge ieni owe koto la sambo djinge ekoenese mbai owe la enge edhengi mbai;
\v 17 iwooni ndondo e wa wato koto e wapagano, wango ekotomaka mbai owe atie iwo,
\v 18 la owadhuholi maiso, la olongosi iwo la likolo laate waume la hoho koto owalongosi la okulu e mondjili laate wadje atie Mwengei, laate watote olimbesi e masumu koto lisango ndondo e wango wasatisani la mboka e ogemei wou atie mbai.'
\p
\v 19 Eho lenge, Likumu Agilipa, itiengali okokeyi saki eho e likolo;
\v 20 ase atie wango wadjaakali poo la Damasi koto atie wango wadjei la Yelusalema, la moki kpaa mo Yudea, koto atie wapagano, ikpalali mboli ehele ate, “Ewongi la iwo okukoli motema koto oyakalambi atie Mwengei koto la okeli tomo djinge ienesi ate wakukoli motema.
\p
\v 21 Edjei la loyi e sambo djaho nde Wayuda wahelali mbai la tepelo, walukali ondjoli mbai.
\v 22 Kaikonde, nda ndenge etoti mbai ligamesi linge lilongoyi atie Mwengei ikohaka tee lisio la keke litotoli atie wato wakeke koto la wato wasungu, ase itidjaali oasi loyi lodji, ndji enge Watiesakoli la Moize waasali ate ewongi okeleni-
\v 23 ate kilisito awongi oeni odjidji, nda moto o poo ongo obasi longwa la wagwi, awongoli otiesakoli ngbai atie wa wato koto la wapagano.”
\p
\v 24 Ango edjaakali Polo oasi sambo djaho ndondo e osambi wonde, Pesitusi aasali la moli mopamake ate, “Polo oyekoli ngbii e owumesia boli.”
\v 25 Ase Polo aasali ate, “Ikoniti boli, Pesitusi Moto o Mogano, ikopumbesaka nde wingbundu wimeemene koto la mamungwene malamu.
\v 26 Likumu ongo ikoasaka liwoso lande, la eyaseli wo hoho ayewi sambo djaho olamu; laate mbai igemei pendja ate la dji sambo ndjo edjeiti te la eesi enge inde adjangi oewi; laate loyi luho etikelenali la ebete eisanake.
\v 27 Likumu Agilipa akowagemeiyaka Watiesakoli? Iyewi ate okowagemeiyaka.”
\v 28 Ase Agilipa aasali la Polo ate, “La ma engele keke okogemeiyesa mbai iume Mokilisito?”
\p
\v 29 Aseko Polo aasia ate “Edjei la ma engele keke, inga koto mbuse e engele ndai, ikoemele nee liwoso la Mwengei ate te ndji owe moikima ase koto wango kpaa wakookaka mbai keke, oumeni ndenge edjei mbai, longosa ndji djii miliki.”
\v 30 Ase likumu ayamalali, ndenge kikima koto la likumu o moki, la Belenisa, la wato koto wango wayabatali mongindji la iwo;
\v 31 ase ango edjaakali iwo opumbi, wadjaakali oasi iwo la iwo, “Oholo moto ndjo akeliti loyi te lokeke linge liengi la logo te woyogo.”
\p
\v 32 Alidji, Agilipa aasali la Pesitusi ate “Waongoki omodhei oholo moto inga ationgake oki osambi atie Kaisala.”
\c 27
\cl ESUKI 27
\p
\v 1 Ango eteneli etotanali la loyi esu ate toke la andondoli ongo la Italia, wahali Polo la wato wadji wa woyogo la mawo ma likumu mwesi o wasoda, kombo ende Yuliesu, e ebiba e Ogisito.
\v 2 Tolingelali la andondoli enge elongoyi la Adelamitiumu, enge edjaakali oki la wibete winge wisukani la malia ma moki mo Azia. Topotali oki, Alisitalaka adjaakali mongindji la iso, inde moto o Masedonia e Tesaloniki.
\v 3 Ekundu eho, toyamalali la Sidonia, ongo Yuliusi adjakali la motema mo wouma atie Polo, ahali koto Polo mboka e oki okawadhengi wino wande la okatoti ligamesi atie iwo.
\v 4 Mbuse e olongoi ongo, tolekia kelekele e esii e Sipele, la ebili ate ehoho edjakali obingi liwoso.
\v 5 Tosombali ndondo e ewale, kelekele e Silisia la Pamipilia, toyamalali la Mila e Lisia.
\v 6 Ongo likumu o wasoda agbotoli andondoli eesi e Alezandelia enge edjaakali oki la Italia, atotelesali iso ndondo eho.
\v 7 Ndondo e masio masungu tosombakali petee, la monga ngbii toumali la Kinidi, nda etotekesali ehoho ate totikee lihiele la mboka eho, tosombali kelekele e Keleta e Salomoni.
\v 8 Mbuse e osombi la monga kelekele eho, toumali la ebete eesi enge ewelani, makitikolo malamu, enge edjaaki ahue e gbata Lasea.
\p
\v 9 Toetesali engele ngbii, eumali sikandjo huko osombi la andondoli laate otoni wilaka e lisio lidhihake masumu lietali. Polo ahaali limungoli,
\v 10 aasali la iwo ate, “Pele ieni ate ehele okendo e andondoli ekopumbesa huko, te sa e wihoo winge widjei la andondoli, ase koto la loyi e milimo masu.”
\v 11 Ase likumu o waSoda amookelali nde mosombesi andondoli la meemene andondoli la ebete e obilei sambo djinge iyasali Polo.
\v 12 Nda etidjaakali likitikolo laho olamu la oetesi engele e pio ongo, ndjongo wato ngbii wango wadjakali ndondo e andondoli waonoli ate tolongwe ango, la oluki inga wakoenga oumi te la Penesia la oetesi engele eho. Ango nde likitikolo e Keleta enge edhukwani la nolodi-esiti koto la sudi-esiti.
\v 13 Ango epotali ohohi ehoho e sudi maa keke, wabundoali ate mwano mowu moengesani. Watelesali longo, andondoli epotali osombi kelekele e Keleta.
\v 14 Ase mbuse ehoho esungu enge eweli iwo ate hilikana eyadjimbia olongoi likolo la mokoli mo esii.
\v 15 Ango andondoli ebinganali la oteteli, etiengali koto omalesi moto la ehoho, toyadheeleli, tokpalanali.
\v 16 Toetali la Sudi e esii ekeke enge eweli iwo ate Koda, inga te ndjongo edjaakali minga laate totote te ma waato enge edjaaki mbuse e andondoli.
\v 17 Mbuse e otelesi eho la andondoli, wapotali okeleli miliki misungu la oamalesi andondoli, nda edjaakali iwo owangi okanangani la ngene e Silitisi, wadjimbali wihoo winge wikosombesaka andondoli, la ndenge eho wayadheelia ehoho ewasombese.
\v 18 Kaikoase, nda edjaakali iso obingani la ehoho eho la ndenge mbe, ekundu eho wapotali olongosi wihoo wilitake ndondo e andondoli.
\v 19 La lisio esato, la mawo mau amene walumbakolali wihoo wa andondoli la malia.
\v 20 Ango ekelali masio ngbii wuse la minoto mitidjaakali oeneni, koto nda ehoho enge edjaakali otobingi iso etidjaakali ekeke, lomungo wosu wokalake wosilali.
\p
\v 21 Ango ekelali iwo engele ndai odjangi olaki ilaka, Polo oyamalali awodja ewu, aasali ate, “Pele, ewongoli ondjokini mbai, inga totihelali mboka e ewale tee la Keleta, nda totiene ehele huko.
\v 22 Sikandjo ikoongoko la ino odjeeni la motema e mogalia, laate molimo teeti ndondo enu ekosalamata, ndji andondoli muho amene nde mokobitana.
\v 23 Laate la likolo la keke, ahumbwa mwesi o Mwengei ongo odjei mbai moto onde koto ongo mbai ikokelelaka otomo wosatu, ayamalali ahue e mbai
\v 24 aasia, 'Otiwange, Polo. Ewongi la owe oyamali liwoso la Kaisala, koto, dhenga! Mwengei aohiga la magba pendja wango kpaa wakokelaka okendo mongindji la owe la andondoli.'
\v 25 Eho lenge, pele, djaani la motema e mogalia! La ebili ate ikomogemeiyaka Mwengei ate ekokelana ndji ndenge endjaseli inde mbai.
\v 26 Ase malia makotolumba kelekele e esii eesi.”
\p
\v 27 Ango likolo e liomu la inei liliali, iso todjaakali ndji okpalani wiati la wiati likolo e ewale e Adelia, awodja e ewale, wato wa otomo e andondoli wapotali oeni nda wakoyandongbaka ahue e ma mbume.
\v 28 Wanangia longo elitake ongo gboo la moliki moesi, ase walumbia la malia Waengeya, waenia ate malia malindi metele tuku isato la sambo, wakia ma lihiele walumbia alidji moliki moho, waenia ate malia malindji ango metele tuku iwale la mwambi.
\v 29 Nda edjaakali iwo owangi ate totinangane la mabukeli la ebete eesi ndjo, walumbali longo inei mbuse e andondoli, wamalesa eho, wadjakali olambeli la motema mohelake ate wuse wotane.
\v 30 Wato wa otomu e andondoli wadjakali oluki ate watile, wadjimbia andondoli mokeke ndondo e malia la okosi ate wapotia olumbi longo edji liwoso la andondoli.
\v 31 Polo asia la likumu o wasoda koto la wasoda ate, “Inga wa wato watiabate ndondo e andondoli, watikala.
\v 32 Wasoda watenali moliki mungo mohelali andondoli mokeke, wadheeli eho eke.
\p
\v 33 Ango eumia ahue e otani wo wuse, Polo apotali ohekeli wato kpaa mogalia ate walake wilaka, aasali ate, “Denda keke edjéi masio liomu la manei okolambelakani, otilakaka kotoni te ema teeti.
\v 34 Eho lenge, iwongini ino olakeni ilaka laate edjei libanyeli lanu, la ebili ate te swe eesi e moto monu motibitana.”
\v 35 Mbuse e oasi djongo, atotali koto wokoke, amohali Mwengei pambo liwoso la iwo kpaa. Abukali eho, apotali olaki.
\v 36 Iwo kpaa waumali la otetelake, wapotali iwo amene olaki ilaka.
\v 37 Iso kpaa todjaakali wato kama iwale la tuku sambo la motoba.
\v 38 Ango egbetali iwo ilaka, wapotali olumbi ndongo la malia la okokoli woliti wo andondoli.
\p
\v 39 Ango etanali wuse, wato wa otomu e andondoli watiewali moki muho, ase waeneli ebete eesi malia malingeli la mbume la likitikolo e ngene, watotali mwano inga ekoenga, onangi andondoli la likitikolo laho.
\v 40 Mbuse e oteni walongo wadheeli eho ekwe la ewale, ndji la enge engele watokolali miliki e wakai, mbuse e otelesi esindje e liwoso e andondoli la ehoho, watutiali likitikolo.
\v 41 Ase waumia la mokoli mwese mongene enge ewale ekolumbelaka eho malia wiati kpaa wiale, waamalesali andondoli ango, mbanda e andondoli enanganali la oteteli, etidjaakali koto obandani, ase esuki enge mbuse epotali obitani la ndenge e bo.
\p
\v 42 Wasoda watotali mwano ate waole wato wa woyogo weesi kpaa, laate moto tueti aenge obingi malia la otili.
\v 43 Ase likumu o wasoda abalali omokalesi Polo, atekesali koto iwo oengesi mwano mou. Atomali wango waewi obingi malia ate wayalumbe la ewale, wasawe kondolo.
\v 44 Wango wadji wakowatutia mbuse, woyahelele la mite, wango wadji woyahelele la wisuki wa andondoli. La ndenge eho ekelanali ate wato kpaa wasawe kondolo odjangi huko.
\c 28
\cl ESUKI 28
\p
\v 1 Mbuse e okali wosu, tookali ate kombo e esii eho edjaali Malita.
\v 2 Wato wa moki muho watoeneselali magba, watoyambali la mwemu ngbii, walolesali misa la loyi e ewongo enge edjaaki oloyi koto la loyi e pio.
\v 3 Ase Polo andukaali kula laate alumbe la misa. Ndjoo mwesi epumbali la djinge kula otili ehela, eyahelelali la ewo e Polo.
\v 4 Ango eenia wato wadjaaki ango la esii nama eho e ngenge eyaheleli la ewo e Polo, wayaasania iwo iwo ate, “Oholo moto meemene adjei mooli mo wato, inga te ate alongwali la huko e malia, womeemene wungo ekoongoko ohekeli etumbu etimodhee ate adje la mokalo.”
\v 5 Ase Polo abandali ewo ende, ndjoo eho ekpia la misa, ndjongo Polo aokiti te oembi.
\v 6 Wadjaakali omolambeli inga ewo ekomokunda te ogwi mbala kikima. Ase mbuse e olambeli engele ndai, odjangai oeni loyi te kikima emoumeli, wakukolali mamungo mau, wapotali oasi ate adjei mwengei mwesi.
\p
\v 7 Ahue e ebete eho, moto mosungu e esii eho, kombo ende Pubiliusi. Adjaakali la mbume djande, atoyambali olamu, atobatali koto atie inde masio masato la logoo.
\v 8 Eumaali, sango pubiliusi aembaali ekoni e oteli misa la osolo e makila. Polo akeeli okamodhengi, ayakongali, abatali mawo likolo lande, akalali.
\v 9 Mbuse eho, wato wadji wa esii eho wango wadjaakali la wikoni, wadjaaaki koto odji atie inde, wadjaakali ototi mokalo.
\v 10 Watotemeiyali nee. Ango epotali iso ototi okende e andondoli, watohali ilaka kpaa winge wiengi la okendo wosu.
\p
\v 11 La gboo e ndebo esato, tototali andondoli eesi enge elongwali la Alezandelia, enge eetesali engele e pio la esii eho, moto mo andondoli eho edjaali la elembo, “Wana wa Djeusu.”
\v 12 Towumali la Sulakusa, toyabatali ongo masio masato.
\v 13 Tolongwali ongo, tosombali kelekele, toumali la Legiuma. Mbuse e lisio liesi, ehoho eesi e sudi ehohali, toumali la Puteoli ekundu eho.
\v 14 Togbotoli wamaangbasu la moki muho, watoongoli ate toyabate mongindji la iwo poso eesi. Edjaakali la ndenge eho nde eumali iso la Loma.
\p
\v 15 Ango eokaali wamaangbasu mboli esu wadjaali tee la likitikolo e Apiusi ebete elangalake edjaali ndi minguta isato, laate wandongbane la iso. Ango Polo awaeneli, amohali Mwengei pambo, atetelali koto wenge.
\v 16 Ango eumali iso la Loma, wamohia Polo mboka e oyabati inde amene mongindji la soda ongo odjaali olambiani la inde.
\p
\v 17 Mbuse e masio masato Polo awelali wiloko wa Wayuda. Ango eyaboleyali iwo, apotali oasi la iwo ate, “Pele, inga te ate itikelali ema eesi ebe atie wato, te la wihahaneli e watata wasu, ikawanali nda moto o woyogo tee ongo la Yelusalema la mawo ma Waloma.”
\v 18 Mbuse e Waloma osambesi mbai, wabalali odhei mbai, la ebili ate itidjaali te la loyi loikima atie mbai enge ewongoki la logo.
\v 19 Ase nda Wayuda watonali loyi luho, ihilanali la oongi ate ike osambi liwoso la Kaisala, ase etidje nda nde idjei la loyi loesi epundake moki mo mbai.
\v 20 Eho lenge, iongoli la oyakongi ate isolole la ino, la ebili ate edjei la loyi e mokalo mo Isalayele nde inangani la mi miliki.
\p
\v 21 Iwo waasali la inde ate, “Tototakiyo ekpata teeti enge elongoyi la Yudea la loyi e owe, moto tueti ndondo e wamangbasu wango wadji atohi iso mboli inga te otoaseli iso loyi loesi lobe la kole e owe.
\v 22 Ase tomungoyi ate edjei olamu tooke atie owe amene wungo wokomungwaka owe, laate la omeemene, la wungo wodhendji ma enge lingomba, toewi ate wiati kpaa wato wakoaselaka eho obe.”
\p
\v 23 Wiloko waho ebete eikima la Polo waonoli wuse woesi, wuse woho wadjaali wato ngbii ogbotoni la inde la ebete enge edjaakali inde ayabati. Awalumbwelelali loyi luho la ohekeli litotoli lilamu la loyi e okumu wo Mwengei, la olukani owagemeiyesi la enge emodhengi Yesu, la owainyei pui dja Moize koto e watiesakoli, opoti boo tee la pokwa.
\v 24 Wadji wagemeiyali sambo djinge iyasanali, ase wadji watigemeiyali.
\v 25 Nda edjangali ookani ndondo ewu, wapotali oki, Polo aasali la iwo ate, “Elimo satu aasali olamu ango edjaali oasi la watata wasu la mboka e motiesakoli Isaya.
\q
\v 26 Inde aasali ndjo, 'keke atie wa wato, aasa koto ate, “Okookani, ase otihelani kole; odhengi, okodhengani ase otieneni.
\v 27 Laate motema e wa wato eteteliga, koto la matoyi mawu, waoki odjangi okeli te ema, walimi koto maiso mawu, laate watiene la maiso mawu koto watioke la matoyi mawu, koto watihele kole la motema mowu, watiyakukole, laate itiwakalese”'
\v 28 Paulo aasali a leeti, ate, “Yewani ate, mokalo mo Mwengei etomani atie wapagano, iwo wakooka eho pendja.”
\v 29 Ango easia Polo ndjongo, Wayuda wakeeli la mosio iwo la iwo.
\p
\v 30 Polo ayabatali wilanga wiale kpaa la monguta monde amene eputelake, adjali owayambi wato kpaa wango wadjaakali oki omodendji.
\v 31 Inde adjaali oinei iwo okumu wo Mwengei la otiesakoli sambo idhendji Likumu Yesu Kilisito la hoho, koto la womeemene odjangi litekesi.