bbm_reg/58-PHM.usfm

\id PHM
\ide UTF-8
\h Pilemo
\toc1 Pilemo
\toc2 Pilemo
\toc3 phm
\mt Pilemo
\c 1
\cl ESUKI 1
\p
\v 1 Polo mohelani mo Yesu kilisito, la maangbasu Timote, atie Pilemo maangbasu olibalano ongo mongindji mosu la huu otomo,
\v 2 la maangbasu o moli Afiya, pe atie Alisipa, mongindji mosu ewiita pe la losambo linge lidjei la molako moowe,
\v 3 dhe ate magba la logoo e sungu e Mwengei wawa osu pe la Likumu osu Yesu Kilisito edje la ino.
\p
\v 4 Ikowongoselaka Mwengei ombai matondi, ango ekootoloko mbai la maongi ma mbai,
\v 5 laate ikookaka sa mboli e libalano e owe pe ogemei enge edjei owe la eho atie Likumu Yesu alidji atie wasatu kpaa.
\v 6 Laate ogemei enge owe la weeti odjeini la eho ekele otomu la ndenge oyewi ate ema ndamu kpaa ndondo esu ehelami la Kilisito?
\v 7 Laate iyokali mwemu ngbii pe ligamesi ngbii e libalano e owe, laate libalano e motema e wasatu ewumi la egalela la loyi e owe, manaima.
\p
\v 8 Eho enge, inga te la kombo e Kilisito ikoki oasi ohola pe la o meemene la oohekeli litomani okele enge ewongi,
\v 9 ikoaselaka la egalela e libalano, laate idjei ndenge idjei, Polo mowange, sikala pe mohelami la loyi e Kilisito Yesu.
\v 10 Ikoongoko la owe la tina e monga mombai Onesima, ongo ewumi mbai sango ahala edjei mbai ndondo e boloko.
\v 11 Ongo otidjakali la kole liwoso atie owe, ase sika ndjo aumiga la kole atie owe pe atie mbai.
\p
\v 12 Ikomowongwesaka atie owe, owe moyamba, inde adjei motema mo mbai.
\v 13 Idjaki la posa ate itikale la inde mbai amene laate, la ebete e owe adjake okeleli mbai ango ehelami mbai la mikulu enge ekokpalaka mbai la loyi e mboli ndamu.
\v 14 Kasi ikokiti okeli eme teeti inga owe otindime, laate olamu wo owe etidje egugake, kasi elongwe la motema mo owe amene.
\v 15 Eti mbala edjakali la loyi eho nde atilali la ma engele eesi, laate omotote alidji libela.
\v 16 Te aleeti nda motuke, kasi oyeti motuke, nda manima o libalano. Ngbiiyo atie mbai, kasi la oeteli la owe edje la wenge e mweni pe ndondo e Likumu.
\p
\v 17 Inga otota mbai nda miino owe, moyamba nda inga edjaaki mbai.
\v 18 Pe inga aokelelali obe, te inga adja la nongo e owe, bata eho la moto mo mbai.
\v 19 Mbai polo, mbai idhingi la mawo ma mbai amene, - ikowongosa eho, kole eti e owaseli ate odjei la mopulu mo mbai, edjei owe amene.
\p
\v 20 Ndjongo manaima, dhe ate itote litomba atie owe la loyi ungo edhendji Likumu: Titimesa motema mo mbai ndondo e Kilisito.
\p
\v 21 Nda ibateli motema ate okogemiya, ikoodhingelaka ma masia laate iyewi ate okokela oeti te sambo djinge eyasi mbai.
\p
\v 22 Alidji, wongelela mbai pe ebete eyabatake, laate idjei la mondimo wakodhee mbai la maongi ma ino.
\p
\v 23 Epafalasi mohelani nda mbai ndondo e Kilisito Yesu aotomeli mobale.
\v 24 La Malako, Alisitalaka, Demasi la Luka wiino wa mbai wa otomo.
\v 25 Logoo osungu e Likumu Yesu Kilisito edje la elimo e owe.