bbm_reg/54-2TH.usfm

\id 2TH
\ide UTF-8
\h 2 Watesaloniki
\toc1 2 Watesaloniki
\toc2 2 Watesaloniki
\toc3 2th
\mt 2 Watesaloniki
\c 1
\cl ESUKI 1
\p
\v 1 Polo la silivano mpe la Timoteo, atie lingomba e Watesaloniko enge edjei la liboliani mongindji la Mwengei Sangbasu pe la Likumu Yesu Kilisito.
\v 2 Ate magba masungu la logoo e Mwengei Wawa pe e Likumu Yesu Kilisito edjeni la ino.
\p
\v 3 Tokoki omowongoseli Mwengei dombwa engele kpaa la kole enu, wamangbasu, laate ewongi ndjongo ate ogemei wonu ekobekaka pe libalano e mwesi la mwesi la ino kpaa atie weeti ekotalianaka.
\v 4 Iso tokoyaganaka la loyi enu ndondo e mangomba ma Mwengei la egalela enu pe ogemei wonu la mamekani manu kpaa la wodjidji wungo wokonangelaka ino motema.
\p
\v 5 Eho edjei elembeteli e osambesami omeemene e Mwengei, enge ekookpalakani ino otangeme wato wawongi la okumu wo Mwengei, enge la kole eho okoenekeni odjidji.
\v 6 Eho, edjei olamu la maiso ma Mwngei owongosi odjidji la wango wakoenesekeni ino odjidji,
\v 7 kasi atie ino wango wakoeneke odjidji, homani mongindji la iso la engele e eeneseli e Likumu Yesu tee ongo likolo mongindji la wahumbua wande wa okulu
\v 8 ndondo e misa milolake, engele ekowongosa inde obe atie wango wamoyewiti Mwengei pe la wango watitosaka mboli ndamu enge edhendji Likumu lasu Yesu.
\v 9 Wakotota etumbu ebitake e libela lihele e Likumu pe la okulu wonde,
\v 10 Ango ekodja inde ototi otwa la loyi e wasatu wande pe laate wamoene la lisio laho, la loyi e wango kpaa waenesali ogemei, laate litatoli linge tohekeleli eyambamali la ogemei ndondo e ino.
\p
\v 11 La loyi eho nde tokoyangogaka engele kpaa la kole e ino, laate Mwengei osu aotangeni wato wawongi la owelami la inde pe la okulu, aengese olamu enge ebali inde okeli pe otomo e gemeyake.
\v 12 Laate kombo e Likumu lasu Yesu edje la otwa atie ino, pe otwa wonu atie inde, la ookokani e magba masungu ma Mwengei osu pe e Likumu Yesu kilisito.
\c 2
\cl ESUKI 2
\p
\v 1 La enge edhendi owongoi e likumu lasu Yesu kilisito, la obondani wosu atie inde, tokoyangongaka la ino, wamangbasu,
\v 2 otiadheleni galagala la ekeleli elamu e ino pe otidjeni motema likolo la liloba liesi linge lieneni, te la mboli esi enge esumbani la monoko, te la okpengbeite esi nda elongoyi atie iso la oasi ate lisio e Likumu edjiga.
\v 3 Moto tweti atiokoseni te nda ndenge. Laate ekokiti odji inga owungi edjakiyo alidji mobuki pui aenenekiyo, inde mana obitani.
\v 4 Akoamalelaka pe oyamalesi likolo o moto kpaa ongo owelami mwengei inga ema e oyakongi, tee oyabati la tepelo e Mwengei, pe oyaenesi la hoho ate adjei mwengei.
\v 5 Owosanya ate, ango edjaakiyo mbai mongindji la ino idjaaki owaseli ino djinge sambo?
\p
\v 6 Pe sikalandjo oyewini ema enge ekohelaka mboka, laate inde aenesame engele eengi la inde.
\v 7 La eho liisani ebukake pui enge epotiga okeli otomo.
\v 8 La engele eho mobuki pui akoenene, inde ongo Likumu Yesu akola la elimo e monoko monde alidji akowumisa ema pamba la oenesi owongo e inde.
\p
\v 9 Kasi odjei e mobuki pui eokani la otomo dja mondjili mongindji la tomo kpaa e okulu pe wihaleli dja moleho pe la sambo kamwake mango makoeneseke sambo djinge makodjaka,
\v 10 Pe la ekosako enge elongoyi la sambo kpaa enge edjangi omeemene la loyi e wango wakobitanaka libela, nda liputi la ndenge watieneseli ate wabali omeemene laate wakale.
\v 11 Eho lenge Mwengei adheyi tomo ewusisanake ekelame atie iwo, laate wagemeye moleho
\v 12 laate iwo kpaa wasambesame la loyi ate watindjimali omeemene, kasi wayemelali la sambo edjangi omeemene.
\p
\v 13 Kasi iso, tokoki omohekeli Mwengei dombwa engele kpaa la loyi enu, wamangbasu wango Mwengei awabali, laate Mwengei owonali ino tee la lipoteli la kole e mokalo la ndenge esati ino la elimo pe la mboka e ogemei wonu ndondo e meemene.
\v 14 La ngbondo eho nde inde aowelali ino la mboka e mboli ndamu enge ekotiesakolaka iso, la ototi otwa e Likumu lasu Yesu Kilisito.
\p
\v 15 La eho, wamanima, amalani ngbi pe helanani la ekaleli enge totiesakolali ino, la monoko pe la madhingo.
\p
\v 16 Alidji, Likumu lasu Yesu Kilisito inde amene pe Mwengei sangbasu, ongo otobalali iso pe ahekeleli libondjisi e libela la oani e olamu la mboka e magba masungu,
\v 17 wabondese mitema manu pe wahekele ino otetelake la otomo kpaa ndamu pe la liloba kpaa ndamu.
\c 3
\cl ESUKI 3
\p
\v 1 La osukesi, wamanima, akongani la kole esu, laate liloba e likumu lasu esombe galagala pe liganane ndenge edjei atie ino,
\v 2 la loyi ate tokawane la wato wakookesaka odjidji pe la wato wabe, laate iwo kpaa wati la ogemei.
\p
\v 3 Kasi Likumu adjei olamu, pe akohekeleni otetelake pe akoobanyani la wato wabe.
\v 4 Toobatelini ino motema ndondo e Likumu, laate okokelakani pe kelakani sambo djinge tokootiesakolakani ino.
\v 5 Likumu asombese mitema manu olamu la libalano e Mwengei mpe odjei la egalela la loyi e Kilisito.
\p
\v 6 Toowongi la ino wamanima, la kombo e Likumu Yesu kilisito ate odjeeni lihele e moto kpaa ongo okosombaka la ewedje, kasi te la obileyi ekaleli enge etotali ino atie iso.
\v 7 Oyewini ino amene ndenge okokini otokongoli, laate totiasombesali la ewedje atie ino.
\v 8 Totilakali makoke ma moto tueti la gesele. Kasi la otomo otetelake mpe la oameli likolo la wuse todjakali okeli otomu laate totikpalese moto tueti ndondo enu mokpali mosungu pe molitake.
\v 9 Eti ate toti la okumu, kasi laate toyahekeleli iso amene nda egbangele atie ino laate otutieni iso.
\v 10 Ango edjakali iso ongo tie enu, todjakali oasi la ino: inga moto atibale okeli otomo atilake.
\v 11 Laate Tokookaka ate weeti wato ndondo enu wakosombaka la ewedje, watikelaka otomo teeti, kasi wakoyalingesaka la sambo djinge ewadhendjiti.
\p
\v 12 Toweli wango wato pe towatomi la kombo e Likumu lasu Yesu kilisito, ate wakele otomo la logoo, walake makoke mango iwo amene watoti.
\p
\v 13 La ino wamanima oti dheekeni okeli sambo ndamu.
\p
\v 14 Kasi inga moto abaliti enge eyasani la ma madhingo, molongoseni mpe otisombekeneni la lainde laate aoke soni.
\v 15 Inga te ndjongo otimodhendeni nda monguna monu, mokebesani nda mangbanu.
\p
\v 16 Kaikonde, Likumu o logoo inde amene aohekeleni engele kpaa logoo e ndenge kpaa. Likumu adjee la ino kpaa.
\v 17 Ihohini mbaa, mbai polo, la mawo ma mbai, ehele edjei elembo e madhingo kpaa; ndjongonde ekodhingaka mbai.
\v 18 Magba masungu e Likumu lasu Yesu kilisito edjee la ino kpa. Amina.