bbm_reg/49-GAL.usfm

\id GAL
\ide UTF-8
\h Bagalatia
\toc1 Bagalatia
\toc2 Bagalatia
\toc3 gal
\mt Bagalatia
\c 1
\cl ESUKI 1
\p
\v 1 Polo, motomami, atibatane la wato, koto te la mboka e wato, ase itomani la Yesu Kilisito koto la Mwengei Wawa, ongo omobasisali yesu ndondo e wato wagbake.
\v 2 Koto wamanima wango wadjei la mbai ongo la mangomba ma Wagalatia:
\v 3 Magba ma sungu la logoo e Mwengei Wawa osu koto la Likumu Yesu kilisito edjeni la ino.
\v 4 Ongo oyahekeleli inde amene la kole e masumu masu, laate atolongose la dji sambo mbembe dja moki mo ehele engele, la ookani e mwano mo Mwengei osu koto Wawa.
\v 5 Inde odjei la otwa libela la libela. Amena!
\p
\v 6 Ikokamwaka ndenge ekolongwaka ino galagala pendja atie moto awowelalini ino la logoo esu e Kilisito, koto okobiliakani eeti mboli ndamu.
\v 7 Kaikonde, eti eeti mboli ndamu; edjei nde la weeti wato wango wakoobatakani la ewedje koto wakolukaka obitesi mboli ndamu e Kilisito.
\v 8 Kaikonde, inga mwesi la iso, te ahumbwa mwesi ongo olongoyi likolo, adja ootiesakoli ino mboli ndamu enge eengiti la enge tootiesakolini, abumakolame.
\v 9 Ndenge elongoi iso oasi, mbai pe iyaseli eho alidji sikala ate: moto ongo okootiesakolani mboli ndamu enge eengiti la enge eyambalini ino, abumakolane.
\v 10 Sikala, ikolukaka ogemeisi wato Mwengei? Inga ikolukaka oyemelesi wato? Inga idjei yo oyemelesi wato, iti motuke mo Kilisito.
\p
\v 11 Ikowaaselakani, wamanima, ate mboli ndamu enge etiesakoli mbai etidje la wato.
\v 12 Ititotali eho atie wato, moto toeti koto atitiesakolali mbai eho, ase Kilisito nde ayinyali mbai eho.
\p
\v 13 Ookalini mboli e esombeli e mbai e gala la losambo e Wayuda, ate idjali oenesi odjidji liboliani wo Mwengei pe idjali oluki owandjakoli.
\v 14 Pe idjali oki liwoso ndondo e losambo e Wayuda, oyeti wato ngbi wango wadjei mimbati ma mbai ala la moki mo mbai, laate idjalikali la egalela pendja la loyi e ekaleli e watata wa mbai.
\v 15 Kasi esi engele Mwengei, ongo opumesi mbia la solo dja ima pe ongo owelali mbai la logoo ende.
\v 16 Ango aenali olamu omwenesi mana onde la mboka e mbai, la otiesakoli wiondo mboli ndamu ende, itikeli omohueli moto tueti.
\v 17 Mpe mbai ititelali la yelusalema, etie wango wadjakali watoma liwoso la mbai, kasi ikeli liwoso la Alabia mpe iwongwali alidji la Damasi.
\v 18 Mbuse e mbula isato, itelali la Yelusalema la yewesani la Kepasi, mpe ikelali masio liomu la matano etie inde.
\v 19 Kasi itieneneli la weeti Watoma, omolongosi Yakobo manango e Likumu.
\v 20 Itibubukaka lokuta ladji sambo ikokodhingaka mbai, liwoso la maiso ma Mwengei.
\v 21 Mbuse ikeli la miki ma Sulia mpe la Silisia.
\v 22 Kasi mangomba ma Yudea mango madjakali la ookani la Kilisito etiyewali elongi e mbai.
\v 23 Waokakali sa wato wakoasaka: Moto ongo odjakali otonyokoli liwoso, adje sikala otiesakali mboli ndamu e ondjimi enge inde adjakali liwoso owandjakoli.
\v 24 Wadjakali omotemei Mwengei la loyi e mbai.
\c 2
\cl ESUKI 2
\p
\v 1 Mbuse e mbula liomo la inei itelali alidji la Yelusalema mongindji la Balanabasi mpe la Tito.
\v 2 Itelali ongo la tina e saki eeneli mbai, pe iwayinyali mboli ndamu enge edjei mbai otiesakoli ndondo e witondo; itiwayewesali eho la maiso ma wato kpaa, kasi liwoso la wango wadjakali wato wasungu, laate etidje ate adjaki otili obangu te itilali obangu saa pamba.
\v 3 Kaiko, Tito ongo odjakali la mbai, atieneli obe otanani kombeni te ndenge edjakali inde mo Geleki.
\v 4 Kasi la wa maangbasu wa moleho wango walingelali la mayele, wango wayalingesali la oyewi lipanda laa su enge edjaki iso la eho la odjei mongindji la Kilisito Yesu, la otowumesi mituke pendja.
\v 5 Totiwaokali wango wato, te ma mokeke, laate odjeni la meene e mboli ndamu engele kpaa.
\v 6 Kasi wango wayenali ate wadjei wato wa tina edje wadjakali wato wa nda ndenge gala, eho edhenditi mbai, Mwengei atidhendaka elongi e moto, wango wato wasungu atihali te ema ekikima enge eholi.
\v 7 Kaiko ango waenali ate itoti mboli ndamu la otiesakoli wango watitenane kombeni, ndenge Petele atotali eho la wato wango watenani kombeni.
\v 8 Mwenge, ongo omokeleli Petele toma o watenani kombeni, akeli mbai pe toma e wato wa witondo.
\v 9 Ango wadjali oyewi logoo esungu enge Mwengei aeneseleli mbai, Yakobo la Kepa la Yoani, wango wadjakali makule, wahali mbai la Balanabasi ewo e lilome la oenesi ate wandjimi iso toke etie witondo, kasi iwo etie wato wango watenani kombeni.
\v 10 Watoaselali tosumbwake wato watundake. Pe ikelali ndenge kpaa ate ikele ndenge eho.
\p
\v 11 Kaikonde ango edjia Kepa la Atiokia, omoyamalelali makasi laate aenganakali la okwisami.
\v 12 Liwoso ate wato wango walongwali atie Yakobo wadje, adjakali olaki mongindji la wato wa witondo; kasi ango edjali iwo, apatali otili pe oguli wenge la owangi wato wango watenani kombeni.
\v 13 Weeti Wayuda pe la wango watikalali wamobiliali la ekosako eho. Te Balanabasi pe awabiliali la ekosako ewu.
\v 14 Ango eeneli mbai watidjakali osombi alima la ookani wo meemene e mboli ndamu, iyasali la Kepa liwoso la wato kpaa ate: Inga owe, Moyuda, odjei la mokalo nda wato wa witotondo, kasi te nda Wayuda, nda ndenge okondjimaka ate wato wa witondo wabiliyi ekaleli e Wayuda la mokalo mo wu?
\v 15 Iso todjei Wayuda e wotamake, kasi te wakeli mbe e witondo.
\v 16 Nda eyewi iso ate moto aktangamaka moto molamu, te la tomo dja pui, kasi saa la ondjimi enge amondjimeli Kilisito Yesu, iso pe tomondjimeli Kilisito Yesu, laate totangemate wato walamu la ondjimi enge tomondjimeli Kilisito, kasi te la tomo dja pui, laate moto tueti atitangema moto molamu la tomo dja pui.
\v 17 Sikala iso, ango edjei iso oluki otangemi wato walamu la mboka e Kilisito, kasi tueneni iso amene pe nda wato wabe, Kilisito akoki okeleli obe? Te, te maa keke.
\p
\v 18 Laate inga sambo enge saa ebukali mbai imayia eho alidji, ikoenesaka ate mbai amene ekobukaka pui.
\v 19 Kasi mbai, la mboka e pui iguali la sambo dja pui laate iwume moto o mokalo la sambo dja Mwengei.
\v 20 Iyakiamali la ekulusu ebete ekikima la Kilisito. Eti mbai aleeti moto odjei la mokalo, kasi edjei nde Kilisito moto odjei la mokalo la mongidji la mbai. Meemene, mokalo mungo modjei mbai la eho sika la wenge idjei la eho la ondjimi enge emondjimeli mbai mana o Mwengei, ongo obalali mbai pe ayahekelali la loyi e mbai.
\v 21 Itilumbaka logoo e sungu e Mwenei; laate inga omeemene ekodjaka la mboka e pui, Kilisito agwali saa pamba.
\c 3
\cl ESUKI 3
\p
\v 1 Ino wagalatia wato wadjangi lokenge, ndai aokpalini la mboka mbe? Ino waa wato, la maiso manu, Yesu Kilisito aasame ohola ate aakamali la ekulusu.
\v 2 Dengayo dji sambo idjui mbai etie ino: Ototalini elimo nde la tomo dja pui inga la ndenge endjimali ino sambo djinge eokali ino?
\v 3 Odjeini nde wikete ndjo? Opotini yo obateli sambo dja elimo motema, sikala osukiani obateli motema sambo dja wenge?
\v 4 Oenelini odjidji ngbii saa pamba? Inga ekodjaka saa pamba.
\v 5 Moto ongo akohakani ino elimo pe akokelaka sambo dja okulu ndondo enu, akokelaka eho nde la smbo dja pui inga laate ondimalini sambo djinge eokalini ino?
\p
\v 6 Saa ndenge Abalayama amondjimali Mwengei, wamowelali moto molamu.
\v 7 Oyewini ate wango wakonanganaka la ondjimi nde wadjei wana wa Abalayama.
\v 8 Kaikonde edhingo, nda ndenge eenanali liwoso ate Mwengei atanga wato wa weeti witondo wato walamu la loyi e ondjimi, etiesamakolali mboli ndamu etie Abalayama ate: La mboka e owe witondo kpaa wikopambwama.
\v 9 Eho nde, wakonanganaka la ondjimi wakopambwamaka mongindji la Abalayama moto molamu.
\v 10 Wango kpaa wakobataka motema la sambo dja pui, walakelami obe; laate edhingama ate: moto kpaa ongo odjei okeli sambo djinge kpaa etidhingame la buku dja pui alakelame obe.
\v 11 Alidji toeni la hoho ate Mwengei atitangaka moto toeti moto molamu la loyi e pui, laate moto molamu akodja la mokalo la ondjimi.
\v 12 Kaikonde pui etioongoko odjei la ondjimi, kasi moto ongo okotosaka eho akodja la mokalo la mboka eho.
\p
\v 13 Kilisito atosombali pe atolongosali la elakeli mbe e pui la ndenge aumali elakeli mbe la eholo esu, laate edhingama ate: moto kpaa ongo aakami la ekulusu alakelame obe.
\v 14 Gbondo eho edjei ate lipamboli la Abalayama edje la mboka e Yesu Kilisito la loyi e witondo, po la mboka e ondjimi esu, totote elimo enge ewunanate.
\p
\v 15 Wamana ima wa pele pe wa wali, ikwasaka ahala nda ndenge e wato. Ondjimani enge endjimani, ingate edjei e moto, moto tueti atilumba eho te ate asumbeliye djeeti sambo likolo laho.
\v 16 Kaiko nde mawuna mango, wamoyewisali eho Abalayama pe liwota lande. Etiase ate: Etie moto, nda ndenge edjakali ngbi, kasi nde etie moto saa mwesi ate: Etie wana wa owe, enge edjei Kilisito.
\v 17 Ikwasaka ndjo: Ondjimani enge Mwengei andjimaate gala, pui enge edjate mbula kama inei la ntuku isato mbuse etidje olongosi eho pe liwuna laho etiolame.
\v 18 Inga libula ekototama la pui, etikine la tina e liwuna, kaikonde Mwengei ahali eho Abalayama la logoo la mboka e liwuna.
\p
\v 19 Gbondo e pui edjei nde? Eho eboliamate la oenesi la hoho sambo e obuki pui, tee ango liwota eho wamohali liwuna akodja, pe ahamali la mboka e waahumbwa la ewo e moto ongo odjei nda polongo.
\v 20 Kaikonde moto ongo odjei nda polongo atidjaka la ebete enge moto adjei saa inde amene, kasi Mwengei adjei saa inde amene.
\p
\v 21 Pui edjeinde owamaleli mawuna ma Mwengei? Te te ma okeke! Inga wakohaka pui eesi ndjo enge eengi ohi mokalo, nda moto atangami moto molamu la gbondo e pui.
\v 22 Kasi edhingo enangali wiho kpaa la boloko e lisumu, laate liwuna enge elongoyi la omondjimeli Yesu Kilisito ehekelame la wango wandjimate.
\v 23 Kaikonde liwoso ate ondjimi edje, pui edjakali otobanei, etonangali iso la boloko, todjakali olambeli ondjimi enge e ongoli oeneni.
\v 24 Eho enge, pui ewumali moinei mosu ongo odjakali ototiesakoli etie Kilisito, laate totangeme wato walamu la ondjimi.
\v 25 Kasi sikalandjo nda ndenge ondjimi edji, totitiesamaka kine la moinei.
\p
\v 26 Meemene, odjeini ino kpaa wana wa Mwengei la mboka e ondjimi enge e mondjimelalini ino Kilisito Yesu.
\v 27 Wato wango kpaa wapatali la malia la tina e kilisito wamokpaliga kilisito.
\v 28 Moyuda ati kine te Mogeleki, motuke atikine, moto ootwa pe te, molome atikine, moli pe te; laate odjeini ino kpaa moto mokikima ndondo e Kilisito Yesu.
\v 29 Inga odjani wato wa Kilisito, odjeini pendja litoto la Abalayama, watoti wa libola owunanake.
\c 4
\cl ESUKI 4
\p
\v 1 Ikoasaka ate ango mototi o libola adjei yo mana mokeke atikesene la motuke, te ndenge edjei inde memene wiho kpaa.
\v 2 Adjei la mawo ma wakapita pe la wato wa otomu, tee lisio linge sango awonate gala ate apote.
\v 3 Ndenge kikima pe la iso ahala, ango edjaki iso wana wakeke, tonanganali la wotuke jda sambo keke dja moki.
\v 4 Kasi ango angele eho eengali, Mwengei amotomali mana onde, ongo moli mwesi amowotali, pe ongo odjakali sese e pui
\v 5 laate awalongose wango wadjakali sese e pui, pe awakalese, ndjongo iso pe Mwengei atotote pe atowumese wana wande.
\v 6 Kaiko nde nda edjei ino wana, Mwengei atomi elimo e mana onde la mitema masu pe ekopamaka ate: Abba, Wawa.
\v 7 Eho enge, oti alidji motuke kasi mana; pe inga odja mana, odjei pe mototi e libula la ligamesi e Mwengei.
\p
\v 8 Kaiko nde, ango etimoyewalini ino Mwengei, la engele eho odjakalini watuke la wango wati pendja wamweingei.
\v 9 Kasi sikalandjo nda emoyewi ino Mwengei, te sikala nda Mwengei owoyewini, nda ndenge alidji okowongwelakani sambo keke keke dja pamba pe enge edjangi gbondo pe obalini alidji edjei watuke waho?
\v 10 Okotemeiyaka masio la ndebo pe wiengele pe la wilanga!
\v 11 Ikoyangelaka ino, laate edjei nda iyowenelini odjidji saa pamba.
\v 12 Wamanaima, iyakongini la ino, owume ndenge edjei mbai pe mbai idjakali nda ndenge edjei ino.
\p
\v 13 Oyewini ate edjei ndenge edjakali mbai la ekoni la wenge nde oyotiesakolalini mbala e liwoso mboli ndamu.
\v 14 Te ekoni enge edjakali la wenge wa mbai, eomekalini, otitonani eho, otilumbalini te soi pe otiwokalini mbai ndowu, kasi oyambalini mbai nda ahumbwa e Mwengei, nda Kilisito Yesu inde amene.
\v 15 Ndjongo eni olamu enge edjei ino la eho? Laate ikoohekelekeni eyaseli ate, inga eho ekoki odjei olamu, okokini olongosi maiso manu ohekeleni mbai.
\v 16 Pe sikalandjo, iwumi monguna monu la ndenge ikoowaselakani ino meemene?
\v 17 Wakoolukakani la egalela, eti ndenge elemu, kasi wabali ate wakawole mbai la ino, laate owalukeni la egalela.
\v 18 Kaikonde, eti olamu engele kpaa waolukeni la egalela la gbondo eesi elamu, kasi te ndji engele enge edjei mbai la ino.
\v 19 Wana wa mbai, wango idjei alidji la ekoni e wotake tee engele Kilisito akokelama ndondo e ino.
\v 20 Kasi idjaki la posa ate edje la ino mongindji sikala pe osololi la ino ndenge eeti, laate mayele masili mbai la tina enu.
\p
\v 21 Ndjaselani mbai, ino wango obali odjei sese e pui, otiokakani pui?
\v 22 La eho, edhingamate ate, Abalayama adjakali la wana wapele waale, mwesi la mana o moli motuke pe mwesi la moli moikake.
\v 23 Kasi mana o moli motuke awotamate ndenge wato wakowotamaka, ongo o moli moikake la mboka e liwuna.
\v 24 Sambo djaho edjei nda elima, laate wali waho wainei libalano liwale, eesi e mokoli mo Siona, eho edjei owoti wana wadje watuke, pe eho nde Agai.
\v 25 Kaikonde Agai oho einei Siona, mokoli mwesi mo Alabia, pe aengi la Yelusalema maamasio, laate adjei motuke mongidji la wana wande.
\v 26 Kasi Yelusalema mboka e likolo edjei la lipanda, pe adjei ngbasu.
\v 27 Laate edhingama ate: Yemele, owe moli ekomba ongo otiwotaka, pama pe humba pui, owe moli ongo otiokaka ekoni e wotake, laate wana wa moli ongo omotonali iwo wadjei ngbii oleki wana wa ongo odjei la molome.
\p
\v 28 Kaikonde iso, wamanaima, todjei wana wa liwuna ndenge edjakali Yisaka.
\v 29 Kasi edjei saa ndenge eho, ongo awotamali ndenge wato wakowotamaka, apotali oenesi odjidji ongo owotamali la ndenge e elimo la engele eho, sikala ndjo pe ndenge kikima.
\v 30 Kaikonde lidhingeli liasi wono? Umba la moli motuke la mana onde laate mana o moli motuke atitota te maa keke libula mongindji la mana o moli odjei la liwala.
\v 31 Eho enge, wamanaima, iso totidje wana wa moli motuke, kasi o moli ongo odjei la liwala.
\c 5
\cl ESUKI 5
\p
\v 1 La lipanda e ndenge eho nde Kilisito atokalesali. Eho nde, amalani la otetelake, pe otidheeni ate waobateni alidji la ohianesi la enanganeli enge e otuke.
\v 2 Dhenda! Mbai Polo, ikoasaka la ino ate inga otenanani kombeni, Kilisito atidja la tina atie inu.
\v 3 Alidji, ikoaselaka moto kpaa ongo okotenaka kombeni ate akoki oengesi pui kpaa.
\v 4 Okawani la Kilisito ino kpaa wango wakolukaka otangemi wato walamu la sambo dja pui; olongoini la logoo e sungu e inde.
\v 5 Nde iso, la mboka e elimo tokolambelaka la motema mo misa olamu wungu tokobatelaka motema enge elongoyi la kondjima.
\v 6 Laate, la sambo e Kilisito Yesu, otenani kombeni eti la tina, edje te inga otitenane kombeni, kasi ondjimi enge ekokelamaka la mboka e libalano ehonde edjei la tina.
\p
\v 7 Odjakali otili obangu. Ndai ootekesalini otosi meemene?
\v 8 Mamunguene e ndenge eho elongoyiti atie moto ongo aowelalini ino.
\v 9 Ma levile ekokundjisaka mogbuku mo moteke.
\v 10 Indjimi pendja ate ino wango waboliani la likumu otibunduaka ndenge eeti. Kasi moto ongo akoobatakani la ewedje akosambisama, edje te ndai.
\v 11 Kasi mbai, wamanaima, inga idjeiyo otiesakoli otenani kombeni, nda ndenge idjeiyo oeni odjidji?
\v 12 Ikoki oemeli ate wato wango wakolukaka oolingeseli ewedje, wayawumese te mituke.
\p
\v 13 Wamanaima wa pele la wango wa wali owelanini la lipanda. Kasi otikelelakani lipanda laho nda mboko o oyengesi posa dja wenge, kasi la mwemu kelanani nda watuke.
\v 14 Laate pui kpaa eengeisani la liloba li liloba: Okoki omobali miino owe nda owe amene.
\v 15 Kaikonde, inga odjeiniyo ndji otuani maino la olakani, huakani ate otisilisaneni.
\p
\v 16 Kasi ikoasaka ate: Sombani la elimo pe otikokeseni posa te esi e wenge.
\v 17 Laate wenge, la posa eho, ekoaamalelaka elimo, elimo pe ekoaamalelaka wenge; laate eho iale etiokanaka, eho enge sambo djinge ekobalakani ino okeli, otikelakani eho.
\v 18 Alidji, inga okosombisamakani la elimo, otini sese e pui.
\p
\v 19 Sambo dja wenge ekoeneneke ohola: Eteba, pite, osoto, esombeli e soni.
\v 20 Mangomba ma wikeko, lilando, mohela, oswi, zua, limemu, oswameli, okawani, maa masambo.
\v 21 Oluli, olangoi maana, maigo ma litema, pe la sambo djinge eengani la djidji. La sambo djaho, ikookebisakani nda ndenge iyokebisalini liwoso, ate wango wakokelaka sambo dja ndenge eho watitota libula e okumu e Mwengei.
\v 22 Kaikonde, pukapuka dja elimo edjei libalano, mwemu, logoo, motema molai, olamu, ondjimi,
\v 23 motema molamu, owatekesi. Eti la pui eesi enge ekwamalelaka sambo djaho.
\v 24 Alidji, wango wadjei wato wa Kilisito Yesu omoakia la ekulusu wenge la ononi eho pe la posa eho.
\p
\v 25 Inga todja amokalo la elimo, todjake pe osombi mongindji la elimo.
\v 26 Totilukake oaenesi ate toayeti wadji.
\c 6
\cl ESUKI 6
\p
\v 1 Wamanima, inga te moto asakela liwoso ate ayewe eho, ino wango wadjei la makoki ma elimo, mekani omonanoli la elimo e logoo. La engele eho owe amene pe awadhende, gala te owe omekame.
\v 2 Kpalanani migbali ino la ino, la eho nde eengiani pui e Kilisito.
\v 3 Inga moto abundua ate adjei moto o otwa engele edjei inde moto pamba, akokosaka mamungwene mande amene.
\v 4 Moto la moto ameke tomo djande ndjongo nde akotota loyi eyakumisake la eho la inde amene, laate atiaengesaka la oeti moto.
\v 5 Laate moto la moto akomeka mogbali monde amene.
\p
\v 6 Ewongi moto kpaa okotiesamaka liloba ahakale ndambo e iho djande kpaa la moto ongo okomotiesakolaka.
\v 7 Otiakoseni: Mwengei ati moto modendiake. Laate enge moto akoonaka eho nde akobuka.
\v 8 Laate moto ongo okoonaka la wenge ende akobuka bumakolo enge elongoyi la wenge wande, kasi moto ongo okoonaka la elimo akobuka mokalo mo libela enge elongoyi la elimo.
\v 9 Eho enge, totidhe okeli enge edjei olamu, laate tokobuka la engele enge eengi, inga totilembe.
\v 10 Inga todja ngonga enge ewongi la eho, towakelele wato kpaa enge edejei olamu, kasi oetesi wango wadjei wamaangasu ndondo e ondjimi.
\p
\v 11 Dhendani ndene edhingi mbai la madhingo masungu masungu la mawo ma mbai amene.
\v 12 Wango kpaa wakolukaka oeneni olamu la wenge iwo nde wakootomakani otenane kombeni, laatewatiene odjidji la loyi e ekulusu e Kilisito.
\v 13 Laate te iwo wango watenani kombeni watitosaka pui, kasi wabali ino otenane kombeni laate watote ema eyakumisake la eho la wenge wanu.
\v 14 La ngambo e mbai, itiakumesa la ema teeti, olongwesi ndji ekulusu e likumu lasu Yesu Kilisito. La mboka ende moki mwaakiani la ekulusu la gbondo e mbai pe mbai la gbondo ewu.
\v 15 Laate otenani kombeni eti la tina, ndenge kikima inga otitenane kombeni, kasi odjei mowotami moohola la Yesu eho nde edjei la tina.
\v 16 Wato kpaa wango wakobilia maa matiesakoli, logoo la motema magba edjei la iwo, la Isalayele e Mwengei
\v 17 Opoti keke moto tueti atibate mbai la ewedje, laate ekogbalaka la wenge wa mbai wihaleli wa LIkumu Yesu.
\p
\v 18 Wamanaima, logoo e sungu e Likumu lasu Yesu Kilisito edjei la elimo enge ekoeneseke ino. Amina.