mr_tw/bible/kt/priest.md

याजक, याजकांच्या (याजक लोक), याजकीय (याजकपण)

व्याख्या:

पवित्र शास्त्रामध्ये, याजक हा असा व्यक्ती होता, ज्याला देवाच्या लोकांच्या वतीने, देवाला बलिदाने अर्पण करण्यासाठी नियुक्त केलेले होते. "याजकपण" हे याजक असण्याच्या पदाचे किंवा स्थितीचे नाव होते.

• जुन्या करारामध्ये, देवाने अहरोनाला आणि त्याच्या संततीला, इस्राएल लोकांसाठी त्याचे याजक म्हणून नेमले होते.
• "याजकपण" हा एक अधिकार आणि जबाबदारी होती, जी लेवीय वंशामध्ये बापाकडून मुलाकडे खाली सुपूर्त करण्यात येत असे.
• इस्राएली याजाकांवर लोकांची बलिदाने देवाला अर्पण करण्याबरोबर मंदिरातील इतर कामेही करण्याची जबाबदारी होती.
• याजक लोक त्यांच्या लोकांच्या वतीने नियमित प्रार्थना आणि इतर धार्मिक विधी सुद्धा करत असत.
• याजकांनी लोकांना उल्लेखनिय औपचारिक आशीर्वाद दिले आणि त्यांना देवाचे नियम शिकवले.
• येशूच्या काळात, मुख्य याजक आणि महायाजक यांच्यासह, याजकांचे वेगवेगळे स्तर होते.
• येशू आपला "महान महायाजक" आहे, जो देवाच्या सानिध्यात राहून आपल्यासाठी मध्यस्थी करत असतो. त्याने स्वतःला पापांसाठी अंतिम बलिदान म्हणून अर्पण केले. याचा अर्थ मानवी याजाकांनी चढवलेल्या बलिदानाची आता गरज नाही.
• नवीन करारामध्ये, ख्रिस्तावर विश्वास ठेवणाऱ्या प्रत्येकाला "याजक" म्हणून संबोधण्यात आले आहे, जो स्वतःसाठी आणि इतरांसाठी मध्यस्थी करण्यासाठी थेट देवाच्या समोर येऊ शकतो.
• प्राचीन काळी, मूर्तिपूजक याजक देखील होते, ज्यांनी बालसारख्या खोट्या देवांना बलिदान अर्पण केले.

भाषांतर सूचना

• संदर्भाच्या आधारावर, "याजक" या शब्दाचे भाषांतर "समर्पित केलेला मनुष्य" किंवा "देवाचा मध्यस्थी" किंवा "समर्पित केलेला मध्यस्थी" किंवा "देवाने त्याचे प्रतिनिधित्व करण्यासाठी नेमलेला मनुष्य" असे केले जाऊ शकते.
• "याजक" या शब्दाचे भाषांतर "मध्यस्थी" या शब्दाच्या भाषांतरापेक्षा वेगळे असायला हवे.
• काही भाषांतरे, ते आताच्या युगातील याजकाला संदर्भित करत नाहीत, हे स्पष्ट करण्यासाठी, त्याचा उच्चार "इस्रायली याजक" किंवा "यहुदी याजक" किंवा "यहोवाचा याजक" किंवा "बालचा याजक" असे करण्यास प्राधान्य देतात.
• "याजक" या शब्दाचे भाषांतर करण्यासाठी वापरलेला शब्द, "मुख्य याजक" आणि "महायाजक" आणि "लेवीय" आणि "संदेष्टा" या शब्दांपासून वेगळा असायला हवा.

(हे सुद्धा पाहा: अहरोन, मुख्य याजक, महायाजक, मध्यस्थ, बलिदान)

पवित्र शास्त्रातील संदर्भ:

• 2 इतिहास 06:40-42
• उत्पत्ति 14:17-18
• उत्पत्ति 47:20-22
• योहान 01:19-21
• लुक 10:31-32
• मार्क 01:43-44
• मार्क 02:25-26
• मत्तय 08:4
• मत्तय 12:3-4
• मीखा 03:9-11
• नहेम्या 10:28-29
• नहेम्या 10:34-36
• प्रकटीकरण 01:4-6

पवित्र शास्त्राच्या कथेतील उदाहरणे:

• 04:07 "मलकीसदेकास परात्पर देवाचा याजक"

• 13:09 देवाच्या आज्ञेचे उल्लंघन करणारा प्रत्येक जण निवासमंडपा समोर असणा-या वेदीवर देवाला होमार्पण करण्यासाठी पशू आणू शकत असे. याजक त्या पशूस मारून त्याचे वेदीवर होमार्पण करत असे. त्या पशूच्या रक्ताद्वारे त्या व्यक्तीचे पाप झाकले जाऊन ती व्यक्ति देवाच्या दृष्टीने शुद्ध ठरत असे. मोशेचा भाऊ अहरोन व अहरोनाचे संतान यांना देवाने आपले याजक म्हणून निवडले.

• 19:07 अशा प्रकारे बालदेवतेच्या याजकांनी होमार्पण तयार केले पण त्यास आग लावली नाही.

• 21:07 इस्राएली याजक लोकांनी केलेल्या पापाच्या शिक्षेचे प्रायश्चित म्हणून देवाला होमार्पणे करत असत. याजक लोकांसाठी देवाला प्रार्थनाही करत असत.

• Strong's: H3547, H3548, H3549, H3550, G748, G749, G2405, G2406, G2407, G2409, G2420