See in Reader
1.2 KiB
1.2 KiB
Rahab
Sesuatu yang benar-benar ada ato terjadi:
Rahab itu perempuan yang tinggal di Yerikho pas Israel serang kota itu. De itu perempuan lonte.
- Rahab kasih sembunyi orang Israel dua yang datang lur-lur di Yerikho sebelum Israel serang dorang. De bantu orang-orang yang suka mata-mata ini untuk lari kembali ke dong pu tempat di Israel lagi.
- Rahab jadi percaya sama Tuhan, jadi de deng de pu keluarga dapa kasih slamat pas Yerikho hancur. Dong datang untuk tinggal deng orang Israel. (Saran-saran Arti: Bagimana kasih arti Nama-nama) (Lihat Juga: Yerikho, Israel, orang Israel, bangsa Israel)
Petunjuk Alkitab:
- Yakobus 2: 25-26
- Matius 1: 4-6
Contoh-contoh dari crita-crita Alkitab:
- [15-1] Di kota itu ada perempuan lonte satu yang tinggal de nama Rahab yang kasih sembunyi tukang-tukang lur dan bantu dorang untuk melarikan diri. De bikin itu karna de percaya sama Allah. Dong janji untuk jaga Rahab deng de pu keluarga kalo nanti Yerikho dapa kasih hancur.
- [15-5] Bangsa Israel kasih hancur apapun yang ada di kota itu sesuai deng yang Allah su printahkan. Rahab deng de pu keluarga itu satu-satunya orang di kota itu yang tra dapa bunuh dari dorang. Dorang jadi bagian dari orang Israel.