See in Reader
1.4 KiB
fiangonana, Fiangonana
Ao amin'ny Testamenta vaovao, ny teny hoe: "fiangonana" dia maneho ireo vondron'ny mpino an'i Jesosy izay mivory matetika mba hivavaka sy handre ny fitoriana ny tenin'Andriamanitra. Ny teny hoe: "Fiangonana" dia matetika maneho an'ireo Kristiana rehetra.
Asia
Tamin'ny andron'ny Baiboly, "Asia" dia anaran'ny faritanin'ny Fanjakana Romana. Any andrefan'ny firenena izay efa antsoina hoe Torkia ankehitriny.
Akila
Akila dia ilay Jiosy Kristiana avy amin'ny faritanin'i Ponto, ilay faritra any amin'ny morontsiraka atsimon'ny Ranomasina Mainty.
Pritsila
Pritsila sy Akila vadiny dia Jiosy Kristiana izay niasa niaraka tamin'i Paoly Apostoly tamin'ny asa misionera nataony.
Tompo
Ny teny hoe: "Tompo" dia hilazana ny olona izay manana ny fananana na fahefana amin'ny olona. Rehefa atao sora-baventy izany, dia fiantsoana hilazana an'Andriamanitra. (Marihina nefa fa rehefa ampiasaina toy ny endrika hiresahana olona na any amin'ny fanombohana fehezanteny dia afaka atao sora-baventy izany ary midika hoe: "tompo" na "andriamatoa."
masina, fahamasinana
Ny teny hoe: "masina" sy "fahamasinana" dia maneho ny toetran'Andriamanitra izay voatokana tanteraka ary misaraka amin'ny zavatra rehetra izay feno fahotana sy tsy tonga lafatra.
oroka
Ny oroka dia fihetsika iray izay hametrahan'ny olona iray ny molony amin'ny molotra na tarehin'olona iray hafa. Izany teny izany ihany koa dia afaka ampiasaina tsy ara-bakiteny.