See in Reader
5.7 KiB
5.7 KiB
လောက၊ လောကနဲ့ဆိုင်သော
အသုံးအနှုန်းများ၏အဓိပ္ပါယ်
"လောက" ဟူသောအသုံးအနှုန်းသည် စကြဝဠာ၏ အစိတ်အပိုင်းဖြစ်သော လူသားမာျးနေထိုင်ရာ ကမ္ဘာကြီးကို ရံဖန်ရံခါ ရည်ညွှန်းသည်။ "လောကနဲ့ဆိုင်သော" ဟူသော အသုံးအနှုန်းသည် ဤကမ္ဘာ၌ အသက်ရှင်သောလူတို့၏ ဆိုးဝါးသောအပြုအမူနှင့် တန်ဖိုးထားမှုများကို ဖော်ပြသည်။
- အများအားဖြင့် "လောက" ဟူသောအသုံးအနှုန်းသည် ကောင်းကင်များနှင့်ကမ္ဘာမြေကြီး အပါအဝင် သူတို့အထဲ၌ရှိသောအရာအားလုံးကို ရည်ညွှန်းဖော်ပြသည်။
- အများစုသောစကားဆက်စပ်မှုများတွင် "လောက" ဟူသောစကား၏ အဓိပ္ပယ်မှာ ကမ္ဘာပေါ်ရှိ လူသားများကို ဆိုလိုသည်။
- တခါတရံတွင် ဘုရားသခင်၏စကားနာခံလိုက်လျှောက်ခြင်းမရှိသော၊ အပြစ်ရှိလူသားများကို ရည်ညွှန်းသည်။
- တမန်တော်များကလည်း "လောက" ဟူသောအသုံးအနှုန်းကို ကမ္ဘာပေါ်ရှိ လူသားများ၏ပျက်စီးယိုယွင်း၊ တစ်ကိုယ်ကောင်းဆန်မှုတို့ကို ရည်ညွှန်းရာတွင် အသုံးပြုကြသည်။ ဤအရာထဲတွင် လူသားတို့၏ ကိုယ်ပိုင်အားထုတ်မှု၊ ဘာသာရေးကိုယ်ကျင့်တရားများ ပါဝင်သည်။
- လူသားများနှင့် အရာဝတ္ထုတို့ တန်ဖိုးထားသောအရာကို "လောကနဲ့ဆိုင်သော" ဟုသုံးနှုန်းသည်။
ဘာသာပြန်အကြံပြချက်
- စကားစုနှင့်သက်ဆိုင် ဆက်စပ်သည့်အပေါ် မူတည်၍ "လောက' ကို "စကြာဝဠာ၊ လောကလူသားများ၊ လောကရှိပျက်စီးသောအရာများ သို့မဟုတ် လောကလူသားများ၏ဆိုးသွမ်းသောစိတ်" ဟူ၍ ဘာသာပြန်နိုင်သည်။
- တခါတရံ "လောကအားလုံး" ဟူသောစကားစုသည် ဒေသတစ်ခုတွင် နေထိုင်ကြသောလူများနှင့် "လူအမြောက်အမြား" ကို ဆိုလိုသည်။ ဥပမာ- "လောကအားလုံး အဲဂုတ္တုပြည်သို့ လာကြသည်" ဟူသောအရာသည် "အဲဂုတ္တုပြည်သို့လူအမြောက်အမြားလာကြသည်" သို့မဟုတ် "အဲဂုတ္တုပြည်အနီးအနားရှိနိုင်ငံများမှ လူများ အဲဂုတ္တုပြည်သို့ လာကြသည်" ဟူ၍ ဘာသာပြန်နိုင်သည်။
- "ရောမသန်ခေါင်စာရင်းသွင်းရန် လောကအားလုံး သူတို့အိမ်မှ ထွက်လာကြသည်" ဟူသော စကားစုကို "ရောမအင်ပါယာအုပ်စိုးသောတိုင်းပြည်ရှိ လူများ အားလုံးလာကြသည်" ဟူ၍ ဘာသာပြန်နိုင်သည်။
- စကားစုနှင့် သက်ဆိုင် ဆက်စပ်သည့်အပေါ်မူတည်၍ "လောကနဲ့ဆိုင်သော" ကို "ဆိုးသွမ်းသော၊ အပြစ်ရှိသော၊ သို့မဟုတ် ဤလောကရှိ လူများတန်ဖိုးထား၍ပျက်စီးခြင်းလွှမ်းမိုးသော" ဟူ၍ ဘာသာပြန်နိုင်သည်။
- "လောက၌ရှိသောအရာများကို ပြောခြင်း" ဟူသောစကားစုကိုလည်း "လောကလူသားများဆီ ဤအရာများကို ပြောခြင်း" ဟူ၍လည်း ဘာသာပြန်နိုင်သည်။
- စကားစုနှင့်သက်ဆိုင် ဆက်စပ်သည့်အပေါ်မူတည်၍ "လောကထဲ၌" ဟူသောစကားကို "လောကလူသားများထဲတွင် အသက်ရှင်ခြင်း" သို့မဟုတ် "မဖြောင့်မတ်သောလူသားများကြား အသက်ရှင်ခြင်း"ဟူ၍ ဘာသာပြန်နိုင်သည်။