See in Reader
4.9 KiB
4.9 KiB
သင်္ချိုင်း, လောင်းတော် ထားရာ
"သင်္ချိုင်းဂူ" နှင့် "အုတ်ဂူ" ဟူသော အဓိပ္ပာယ်မှာ "သေဆုံးပြီးသောသူများ၏ အလောင်းထားရာနေရာ" ဖြစ်သည်။ "မြေမြှုပ် သင်္ဂြိုလ်ခြင်း" သည် ယေဘုယျအသုံး ဖြစ်သည်။ ဤစာကြောင်း၏ ညွှန်းဆိုသည်မှာ *ယုဒလူမျိုးများသည် တစ်ခါတစ်ရံ သဘာဝဂူကို လည်းကောင်း၊ တောင်ကုန်းပေါ်ရှိ ကျောက်တုံးကြီးများအတွင်း ဂူအဖြစ်တူးဖော်၍ သော်လည်းကောင်း သင်္ချိုင်းဂူအဖြစ် အသုံးပြုကြသည်။
- ဓမ္မသစ်ခေတ်တွင်၊ သင်္ချိုင်းဂူအဝကို ကြီးမားလေးလံသော ကျောက်တုံးကြီးဖြင့် လိမ့်၍ ပိတ်ကြသည်။
- "သင်္ချိုင်းဂူ" (သို့မဟုတ်) "အုတ်ဂူ" သည် သေဆုံးပြီးသော ခန္ဓာကိုယ်ထားသော အပေါက်ကိုသာ ရည်ညွှန်းလျှင်၊ ဘာသာပြန်ရာတွင် "ဂူ" (သို့မဟုတ်) "တောင်ကုန်းပေါ်တွင် ရှိသော အခေါင်းပေါက်" ဟူ၍ ထပ်ရေးသင့်သည်။
- "အုတ်ဂူ" ကို အများအားဖြင့် သေဆုံးပြီးခြင်း၏ အခြေအနေ (သို့မဟုတ်) လူသေတို့၏ ဝိညာဉ်များ ရှိသောနေရာ အဖြစ် တင်စားပြောဆိုကြသည်။
တုန်လှုပ် မိန်းမော တွေဝေ ကြောက်လန့်
"တုန်လှုပ် မိန်းမော တွေဝေ ကြောက်လန့် " ဤစကားလုံးတို့သည် သဘာဝလွန်ဖြစ်ရပ်များကြုံတွေ့ရသည့် အခြေအနေတွင် အလွန်အံ့အားသင့်သည်ကို ဆိုလိုသည်။
- အချို့သော ဤစကားလုံးများကို ဂရိဘာသာတွင် "မယုံကြည်နိုင်စရာဖြစ်ရပ်များကြုံတွေ့"ခြင်းအဖြစ် ဖော်ပြသည်။ ဤစကားအသုံးအနှုန်းသည် အဘယ်မျှလောက်ကြီးမားသောအံ့ဩဖွယ်ရာ အဖြစ်ခံစားရသည်ကို ဖော်ပြနေသည်။ ထို့ကြောင့် တခြားသော ဘာသာစကားတွင် ဤအခြေအနေအတွက် စကားလုံးရှိလျှင် အသုံးပြုသင့်သည်။
- အများအားဖြင့် ထိုမယုံကြည်နိုင်စရာများ နှင့် အံ့ဩစရာ ဖြစ်ရပ်များသည် ဘုရားသခင်တစ်ပါးတည်းသာ ပြုလုပ်နိုင်သည်။
- ဤစကားလုံး၏ အဓိပ္ပာယ်တွင် ရှုပ်ထွေးသော ခံစားချက်များလည်းပါဝင်သည်။ အဘယ်ကြောင့်ဆိုသော် ထိုအဖြစ်အပျက်များသည် မမျှော်လင့်ထားသောကြောင့်ဖြစ်သည်။
- ဤစကားလုံးများကို အခြားနည်းလမ်းများဖြင့် ဘာသာပြန်ရလျှင် "အလွန်အမင်း အံ့ဩမှု" (သို့မဟုတ်) "အလွန်စိတ်ချောက်ချားမှု"
- ဆက်စပ်စကားလုံးများမှာ- "အံ့ဩတွေဝေမှု"၊ "အံ့အားသင့်ခြင်း"နှင့် မိန်းမောတွေဝေခြင်း"
- ယေဘူယအားဖြင့် ဤစကားလုံးတို့သည် အကောင်းဘက်ကို ဆောင်သော၊ အဖြစ်အပျက်များသည် လူတို့အတွက် ပျော်ရွှင်စရာ များဖြစ်သောအခါတွင် အသုံးပြုရသည်။