km_tw/bible/kt/elect.md

អ្នកដែលបានជ្រើសរើស ជ្រើសរើស មនុស្សដែលបានជ្រើសរើស ម្នាក់ដែលបានតែងតាំង, អ្នករើសតាំង

ពាក្យថា «អ្នករើសតាំង» នៅក្នុងន័យត្រង់មានន័យថា «អ្នកដែលបានជ្រើសរើស» ឬ «មនុស្សដែលបានជ្រើសរើស» និងសំដៅលើអ្នកដែលព្រះបានតែងតាំង ឬជ្រើសរើសធ្វើជារាស្ដ្ររបស់ព្រះអង្គ។ «អ្នករើសតាំង» ឬ «អ្នករើសតាំងរបស់ព្រះជាម្ចាស់» គឺជាងារដែលសំដៅលើព្រះយេស៊ូដែលព្រះជាម្ចាស់បានតែងតាំងជាព្រះមេស្ស៊ី។

• ពាក្យ «ជ្រើសរើស» មានន័យថាជ្រើសរើសអ្វី ឬនរណាម្នាក់ ឬសម្រេចចិត្តអ្វីមួយ។ ជារឿយៗគឺសំដៅលើព្រះតែងតាំងមនុស្សជារបស់ព្រះអង្គ និងបម្រើព្រះអង្គ។
• អ្នកដែលបាន «រើសតាំង» មានន័យថាត្រូវបាន «ជ្រើសរើស» ឬ «តែងតាំង» ជាអ្វីមួយ ឬដើម្បីធ្វើអ្វីខ្លះៗ។
• ព្រះជាម្ចាស់បានជ្រើសរើសមនុស្សឲ្យបានបរិសុទ្ធ បានញែកគេដាច់ដោយឡែក សម្រាប់ឲ្យពួកគេបានបង្កើតផលផ្លែដ៏ល្អខាងវិញ្ញាណ។ នោះគឺជាមូលហេតុដែលពួកគេត្រូវបានហៅថា «អ្នកដែលបានជ្រើសរើស» ឬ «អ្នកដែលបានរើសតាំង»។
• ពាក្យថា «ម្នាក់ដែលបានតែងតាំង» ជួនកាលត្រូវបានប្រើនៅក្នុងព្រះគម្ពីរ ដើម្បីសំដៅទៅលើមនុស្សមួយចំនួនដូចជាលោកម៉ូសេ និងស្ដេចដាវីឌ ដែលព្រះបានតែងតាំងឲ្យធ្វើជាមេដឹកនាំលើរាស្ដ្ររបស់ព្រះអង្គ។ ពាក្យនេះ ត្រូវបានប្រើដើម្បីសំដៅទៅលើប្រជាជាតិអ៊ីស្រាអែលជាមនុស្សដែលព្រះជាម្ចាស់បានជ្រើសរើសផងដែរ។
• ឃ្លាថា «អ្នកដែលបានរើសតាំង» គឺជាពាក្យដែលគេប្រើយូណាស់មកហើយ ន័យត្រង់ពាក្យនេះមានន័យថា «អ្នកដែលបានតែងតាំង» ឬ «មនុស្សដែលបានជ្រើសរើស»។ ឃ្លានៅក្នុងភាសាដើមនេះគឺជាពហុវចនៈ ពេលដែលប្រើសំដៅទៅអ្នកជឿលើព្រះគ្រិស្ដ។
• គម្ពីរសម្ពន្ធមេត្រីចាស់ និងគម្ពីរសម្ពន្ធមេត្រីថ្មីភាសាអង់គ្លេសយូរមកហើយ គេប្រើពាក្យ «អ្នករើសតាំង» ជា «អ្នកដែលតែងតាំង»។ នៅក្នុងគម្ពីរកំណែថ្មីគេប្រើពាក្យ «អ្នករើសតាំង» ដើម្បីសំដៅទៅលើមនុស្សដែលបានសង្រ្គោះ ដោយសារព្រះក្នុងជំនឿលើព្រះយេស៊ូ។ នៅកន្លែងផ្សេងទៀតនៅក្នុងអត្ថបទគម្ពីរពួកគេបកប្រែពាក្យនេះជាពាក្យថា «អ្នកដែលបានជ្រើសរើស»។

សេចក្តីណែនាំនៃការបកប្រែ

• ការបកប្រែដែលល្អបំផុតសម្រាប់ពាក្យ «ជ្រើសរើស» ជាមួយនឹងពាក្យដែលមានន័យថា «អ្នកដែលបានជ្រើសរើស» ឬ «មនុស្សដែលបានជ្រើសរើស»។ ពាក្យទាំងនេះ គួរបកប្រែថា «មនុស្សដែលព្រះជាម្ចាស់ជ្រើសរើស» ឬ «មនុស្សដែលព្រះជាម្ចាស់បានរើសតាំងឲ្យធ្វើជារាស្រ្តរបស់ព្រះអង្គ»។
• ឃ្លាថា «អ្នកដែលបានជ្រើសរើស» អាចប្រែផងដែរថា «អ្នកដែលបានរើសតាំង» ឬ «អ្នកដែលបានរើសយក» ឬ «អ្នកដែលព្រះបានរើស»។
• «ខ្ញុំបានរើសអ្នក» អាចបកប្រែបានផងដែរថា​ «ខ្ញុំបានរើសតាំងអ្នក» ឬ «ខ្ញុំបានរើសយកអ្នក»។
• ទាក់ទងជាមួយព្រះយេស៊ូ «អ្នកដែលបានជ្រើសរើស» អាចបកប្រែបានផងដែរថា «អ្នកដែលព្រះជាម្ចាស់បានជ្រើសរើស» ឬ «ព្រះជាម្ចាស់បានរើសតាំងព្រះមេស្ស៊ីជាពិសេស» ឬ «អ្នកដែលព្រះជាម្ចាស់បានរើសតាំង»។