annabi, annabawa, annabci, yin annabci, mai gani, annabiya

Ma'ana

"Annabi" mutum ne wanda yake faɗin saƙonnin Allah ga mutane. Mace mai yin haka ana kiranta "annabiya."

Yawancin lokaci annabawa sukan faɗakar da mutane su juyo daga zunubansu su yi biyayya ga Allah.
"Annabci" shi ne saƙon da annabi ke faɗi. "Yin annabci" shi ne faɗin saƙonnin Allah.
Yawancin lokaci saƙon annabci na haɗe da abin da zai faru a wani lokaci mai zuwa.
Annabci da yawa a cikin Tsohon Alƙawari sun rigaya sun cika.
A cikin Littafi Mai Tsarki, litattafan da annabawa suka rubuta, wasu lokuta ana kiransu "annabawa."
Misalin wannan furci, "littafin shari'a da annabawa" hanya ce ta ambaton dukkan nassin Yahudawa, waɗanda aka sansu a matsayin "Tsohon Alƙawari."
Wata tsohuwar magana game da annabi shi ne "mai gani" ko "mutumin dake gani."
Wani lokaci "mai gani" na nufin maƙaryacin annabi ko wani dake aikata sihiri.

Shawarwarin Fassara:

Wannan magana "annabi" za a iya fassarawa haka "mai magana ga Allah" ko "mutumin da yake magana domin Allah" ko "mutumin dake faɗar saƙonnin Allah."
Za a iya fassara "mai gani" haka, "mutumin dake ganin wahayi" ko "mutumin dake hangen lokaci mai zuwa daga Allah."
Wannan magana "annabiya" za a iya fassarawa haka "mace mai faɗi domin Allah" ko "mace mai magana domin Allah" ko "mace wadda take faɗin saƙonnin Allah."
Wasu hanyoyin fassara "annabci" za su zama kamar haka, "saƙo daga Allah" ko "saƙon annabi."
Wannan magana "yin annabci" za a iya fassarawa haka, "faɗin maganganu daga Allah" ko " a faɗi saƙon Allah."
Wannan misali a cikin furci, "shari'a da annabawa" za a iya fassarawa haka, "litattafan shari'a dana annabawa" ko "dukkan abin da aka rubuta game da Allah da mutanensa, har da shari'ar Allah, da abin da annabawansa suka yi wa'azi a kai."
Idan ana ambaton annabi (mai gani) na gunki, zai zamana dole a fassara wannan haka "maƙaryacin annabi (mai gani) ko "annabi (mai gani) na gunki" ko "annabin Ba'al," a misali.

(Hakanan duba: Ba'al, sihiri, gunki, maƙaryacin annabi, cika, shari'a, wahayi)

Wuraren da ake samunsa a Littafi Mai Tsarki: