tsarki, tsarkakakke, marar tsarki, keɓaɓɓe

Ma'ana

Kalmar nan "tsarki" da "tsarkakakke" na nufin halaiyar Allah wadda aka ware ta aka kuma keɓe ta daga duk wani abu na zunubi da kuma kasawa.

Allah ne kaɗai yake da cikakken tsarki. Ya kan mayar da mutane da abubuwa su zama da tsarki.
Mutumin da ke da tsarki mallakar Allah ne kuma an keɓe shi sabo da yiwa Allah hidima da kuma kawo masa ɗaukaka.
Wani abu da Allah ya aiyana shi mai tsarki si ne wanda ya keɓe shi domin ɗaukakarsa da kuma amfaninsa, kamar su bagadi wanda yake domin miƙa hadaya gare shi.
Mutane baza su iya kusantarsa ba har sai ya yardar masu su kusance shi, domin shi mai tsarki ne su kuma mutane ne masu zunubi kasassu kuma.
A cikin Tsohon Alƙawari, Allah ya keɓe firistoci su zama tsarkaka domin hidima ta musamman a gare shi. Suna bukatar wata sujada ta keɓewa domin tsarkake su daga zunubi domin su iya samun damar kusantar Allah.
Allah ya keɓe waɗansu wurare na musamman da kuma abubuwa da ke nasa ko a cikin abin da ya baiyana kansa, kamar haikalinsa.

Bisa ga ma'anar wannan kalma "marar tsarki" ko "ƙazantacce" tana baiyana abu wanda ba ya girmama Allah.

Ana amfani da wanan domin a nuna wani wanda ba ya girmama Allah ta wurin tayar masa.
Abin da aka kira "marar tsarki" akan dube shi a matsayin abu da ya ƙazantu. Kuma ba na Allah ba ne.

Kalmar nan wuri mai tsarki tana baiyana wani abu ne da ke da nasaba da bautar Allah ko ga bautar arna ta allohlin ƙarya.

A cikin Tsohon Alƙawari, kalmar nan "keɓewa" akan fi moron ta ne wajen baiyana dutse da kuma waɗansu abubuwa da ake mora cikin sujada ga allohlin ƙarya. Za a kuma iya fassara wannan a matsayin "abu na addini."
"Waƙoƙi masu tsarki" da "kaɗe-kaɗe masu tsarki" suna nufin waƙoƙi da kaɗe da muke yi domin ɗaukakar Yahweh" ko "waƙoƙi na yabon Allah."
Batun nan "aiki mai tsarki" na nufin "aikin addini" ko "hidimar sujada" da firist ke yi a jagorantar mutane cikin yin sujada ga Allah. haka nan zata iya nufin aikin sujada da firistocin arna ke yi domin bautar allohlin ƙarya.

Shawarwarin Fassara:

Hanyoyin fassara "tsarki" sun haɗa da "keɓewa domin Allah" ko "mallakar Allah" ko "mai cikin tsarki" ko "cikakke marar zunubi" ko "rababbe daga zunubi."
A "tsarkake" har kullum ana fassara shi da "tsarkakewa" a hausa zamu ƙara da cewa "keɓe (wani) domin ɗaukakar Allah."
Hanyoyin da za a fassara "marar tsarki" sun haɗa "rashin tsarki" ko "zama ba na Allah ba" ko "rashin girmama Allah" ko "rashin jin tsoron Allah."
A waɗansu wuraren, "rashin tsarki" za a fassara shi a "matsayin ƙazantacce."

(Hakanan duba: Ruhu Mai Tsarki, keɓewa, tsarkakewa, warewa)

Wuraren da ake samunsa a Littafi Mai Tsarki: