ɗan'uwa, 'yan'uwa maza

Ma'ana

Wannan kalma "ɗan'uwa" yawancin lokaci ana nufin namijin mutum wanda ya haɗa mahaifi ko mahaifiya ɗaya da wani mutum.

A cikin Tsohon Alƙawari, wannan kalma "ɗan'uwa" ana amfani da ita wajen ambaton dangi, kamar kabila, iyali, ko jinsin mutane.
A cikin Sabon Alƙawari, manzanni yawancin lokaci sukan yi amfani da kalmar nan "ɗan'uwa" idan suna magana akan 'yan'uwansu Kirista, ko maza ko mata, tunda duk mai bada gaskiya cikin Almasihu ɗan ƙungiya ne na iyalin ruhaniya, Allah kuma shi ne Uban mu wanda ke cikin sama.
Ba safai ne a cikin Sabon Alƙawari, manzanni suka yi amfani da kalmar nan "'yar'uwa" ba sa'ad da suke magana masamman akan Kirista mata, ko su nanata cewa dukka maza da mata ake nufi. Ga misali, Yakubu ya nanata cewa yana magana akan dukkan masu bada gaskiya sa'ad da ya ambaci "ɗan'uwa ko 'yar'uwa wadda take buƙatar abinci ko sutura."

Shawarwarin Fassara:

Zai fi kyau a fassara wannan kalmar yadda da take a harshen masu karɓar juyi wato a yi amfani da ɗan'uwa na jiki, sai ko in zai bada ma'ana marar daɗi.
A cikin Tsohon Alƙawari musamman, lokacin da ake amfani da "ɗan'uwa" domin yin magana akan wani daga cikin iyali, dangi, yare, yakamata a yi amfani da waɗannan kalmomi cikin fassara, "'yan'uwa" ko "ɗaya daga iyali" ko "ɗan'uwa Ba'isra'ile."
Idan ana magana ne akan ɗan'uwa mai bada gaskiya cikin Almasihu, a iya fassara wannan magana zuwa, "ɗan'uwa Kirista" ko "ɗan'uwa cikin ruhaniya."
Idan ana magana ne akan dukka biyu maza da mata kuma kalmar ɗan'uwa zai bada ma'anar da bai dace ba, to sai a samo wata kalmar da ta nuna 'yan u'wancin jiki wanda zai haɗa maza da mata.
Wasu hanyoyi kuma na fassara wannan kalma domin haɗa maza da mata masu gaskatawa shi ne a ce haka, "'yan'uwa masu gaskatawa" ko "Kiristoci 'yan'uwa maza da 'yan'uwa mata."
A tabbata an duba yadda yake a cikin nassi domin aga ko maza kaɗai ake magana akai, ko kuma dukka biyu maza da mata aka haɗa.

(Hakanan duba: manzo, Allah Uba, 'yar'uwa, ruhu)

Wuraren da ake samunsa a Littafi Mai Tsarki: