gami, yisti, tsimi, mai gami, marar gami

Ma'ana

"Gami" kalma ce da ake morarta wurin bayyana wani abu dake sa ƙullin fulawa ya faɗaɗa ya kuma tashi. "Yisti" wani irin gami ne na musamman.

A wasu fassarorin turanci, kalmar gami ana fassara ta a matsayin "yisti" wanda kayan gami ne na zamani wanda ke cika curin ƙullin filawa da kunfan iska, wanda ke sanya ƙullin ya faɗaɗa kafin a gasa shi. Ana markaɗe yistin cikin curin ƙullin filawar domin ya bazu ya game dukkan curin ƙullin.
Zamanin Tsohon Alƙawari, yadda ake yin gamin ko abin sa kumburi shi ne ana ajiye ƙullin da aka cura na ɗan lokaci kaɗan. Ana ajiye kaɗan daga cikin ƙullin da aka yi amfani da su a baya domin yin amfani da su cikin wani ƙullin da za ayi a gaba.
Lokacin da Isra'ilawa suka kuɓuta daga Masar, basu sami lokacin da har zasu jira ƙullin ya tashi ba, saboda haka sai suka yi gurasa marar gami da zasu yi guzuri a kan hanya. Domin tunasshewa kan wannan, Yahudawa kowacce shekara suna yin Bikin ƙetarewa ta wurin cin gurasa marar gami.
Kalmar "gami" ko "yisti" ana moriyarta ne a bayyana cikin Littafi Mai Tsarki yadda zunubi ke bazuwa ko'ina cikin dukkan rayuwar mutum ko kuma yadda zunubi ke rinjayar wasu mutane.
Yana iya zama kuma koyarwar ƙarya wadda ke bazuwa ga mutane dayawa har ya rinjayesu.
Kalmar "gami" ana kuma yin amfani da ita a bayyana yadda mulkin Allah ke bazuwa bisa mutane daga mutum ɗaya zuwa ga wani.

Shawarwarin Fassara:

Za a iya fassara wannan a matsayin "gami" ko "abin da ke sanya curin ƙulli ya tashi" ko "abin sanya faɗaɗa." Kalmar "tashi" za a iya bayyana ta a matsayin "faɗaɗa" ko "ya yi girma" ko "ya kumbura."
Idan aka yi amfani da kayan gami na gargajiya domin asa curin ƙullin yin gurasa ya tashi, za a iya amfani da wannan kalmar. Idan yaren yana da sanannar kalmar da aka fi amfani da ita, wadda ke ma'anar, "gami," zai fi kyau ayi amfani da kalmar.

(Hakanan duba: Masar, Ƙetarewa, gurasa marar gami)

Wuraren da ake samunsa a Littafi Mai Tsarki: