rumfa, rumfuna, masu yin rumfa

Ma'ana

Rumfa madaidaicin mahalli ne wanda ake yi da tufafi mai ƙarfi wanda ake ɗaurawa jikin turaku a manne da su.

Rumfuna zasu iya zama ƙanana, da ɗan sararin da zai ishi mutane kaɗan su kwanta a ciki, ko kuma suna iya zama manya sosai, da sarari da zai ishi iyali bakiɗaya su kwana a ciki, suyi girki, su kuma zauna ciki.
Ga mutane da yawa, rumfuna ana amfani dasu a matsayin wuraren zama na din-dindin. A misali, yawancin lokutan da Ibrahim da iyalinsa suka zauna a ƙasar Kan'ana, sun zauna a manyan rumfuna a aka yi da tufafi masu ƙarfi da aka yi da gashin akuya.
Isra'ilawa suma sunyi zama a rumfuna a lokacin yawonsu na shekaru arba'in cikin jejin Sinai.
Ginin rumfar sujada wani irin babbar rumfa ne, da bangaye masu kauri da aka yi da tufafin labulai.
Sa'ad da manzo Bulus ya yi ta tafiya zuwa birane yana watsa bishara, ya yi ta taimaka wa kansa ta wurin sana'ar yin rumfuna.
Kalmar "rumfuna" wasu lokuta ana amfani da ita a misali da nufin inda mutane suke zama. Za a iya kuma fassara wannan haka "gidajen iyalai" ko "mahallai" ko "gidaje" ko kuma "rukunai."

(Hakanan duba: Ibrahim, Kan'ana, labule, Bulus, Sinai, rumfar sujada, rumfar taruwa)