ha_tw/bible/other/lawful.md

bisa ga doka, a shar'ance, bisa ga shari'a, rashin doka

Ma'ana

Kalmar "bisa ga doka" na nufin abin da aka yadda ayi bisa ga shari'a ko abin da aka buƙata. Akasin wannan shi ne "rashin doka," wanda a taƙaice yake nufin "rashin shari'a."

• A cikin Littafi Mai tsarki, wani abu "bisa ga doka" ne idan abin da shari'ar Allah mai tsarki ta yadda da shi ne, ko bisa ga shari'ar Musa da sauran dokokin Yahudawa. A bin da yake na "rashin doka" shi ne wanda "ba a yadda da shi ba" bisa ga shari'a.
• Ayi wani abu "bisa ga doka" na nufin ayi shi "da kyau" ko "ta hanya mai kyau."
• Abubuwa da yawa da shari'ar Yahudawa ta nuna su a matsayin marar doka ko rashin shari'a ko abubuwan da basu yadda da shari'ar Allah ba game da ƙaunar mutane.
• Ya danganta da nassin, hanyoyin fassara "bisa ga doka" zasu haɗa da "bada dama" ko "bisa ga shari'ar Allah" ko "bin shari'unmu" ko "dai-dai" ko "dacewa."
• Furcin "bisa ga shari'a ne?" ana iya fassarawa a matsayin "shari'armu ta yadda da haka?" ko "wannan wani abin da shari'armu ta bada dama ne?"

Kalmar "rashin shari'a" ko "rashin doka" ana amfani da su a bayyana ayyukan da aka yi na karya doka.

• A cikin Sabon alƙawari, kalmar "rashin doka" ba ana amfani da ita kawai bane a bayyana karya shari'ar Allah, amma kuma yawanci na ma'anar karya shari'un Yahudawa da mutune suka kafa.
• Cikin shekaru Yahudawa sunyi ƙari akan shari'un da Allah ya basu. Shugabannin Yahudawa zasu kira wani abu "rashin shari'a" idan bai yi dai-dai da shari'un da mutane suka kafa ba.
• Sa'ad da Yesu da almajiransa suke zagar hatsi a ranar Asabaci, Farisiyawa sunyi zargin su da yin "abin da bai halarta ba" domin yana karya dokar Yahudawa na barin yin aiki a wannan ranar.
• Sa'ad da Bitrus yace cin abinci marar tsabta "ba bisa ga shari'a ba ne" a gare shi, yana nufin cewa idan yaci waɗannan abinci zai karya shari'un da Allah yaba Isra'ilawa game da kada su ci wasu ire-iren abinci.

Kalmar "marar doka" na bayyana mutum wanda baya biyayya da dokoki. Sa'ad da wata ƙasa ko ƙungiyar mutane na cikin halin "rashin doka," akawi bazuwar rashin biyayya, tawaye, da ayyukan fasikanci.

• Taliki marar doka na cike da rashin biyayyya kuma baya biyayya da shari'un Allah.
• Manzo Bulus ya rubuta cewa a kwanakin ƙarshe za a yi "mutumin rashin shari'a," ko "marar doka," wanda shaiɗan zai zuga shi ya aikata miyagun abubuwa.

Shawarwarin Fassara:

• Wannan kalma "rashin doka" a fassara ta da yin amfani da kalmar ko bayani dake nuna "babu doka" ko "karya doka."
• Wasu hanyoyin fassara "rashin doka" zasu iya zama "ba a bada dama ba" ko "ba bisa ga dokar Allah ba" ko "bai yadda da shari'unmu ba."
• Furci "gãba da shari'a" ma'ana ɗaya ce da "rashin doka."
• Kalmar "marar doka" ana iya fassarawa a matsayin "ta'addanci" ko "rashin biyayya" ko "kaucewa shari'a."
• Kalmar "rashin shari'a" ana iya fassarawa a matsayin "rashin biyayya da wata shari'a" ko "ta'addanci (gãba da shari'un Allah)."
• Furcin "mutumin rashin shari'a" ana iya fassarawa a matsayin "mutumin da baya biyayya da kowacce irin doka" ko "mutumin da ya yi tawaye gãba da shari'un Allah."
• Yana da muhimmanci ayi amfani da "shari'a" a wannan kalmar, idan mai yiwuwa ne.
• Ayi la'akari da cewa "rashin doka" yana da wata ma'ana daban da wannan kalmar.

(Hakanan duba: shari'a, Musa, Asabaci)

Wuraren da ake samunsa a Littafi Mai Tsarki:

• Matiyu 07:21-23
• Matiyu 12:02
• Matiyu 12:10
• Markus 03:04
• Luka 06:02
• Ayyukan manzanni 02:23
• Ayyukan manzanni 10:28
• Ayyukan manzanni 02:03
• Titus 02:14
• 1 Yahaya 03:4-6