See in Reader
1.6 KiB
1.6 KiB
kerub, kerubim, kerubobi
Ma'ana
Wannan kalma "kerub" idan kuma suna da yawa "kerubobi" ana nufin wasu rayayyun sammai ne musamman da Allah ya hallita. Littafi Mai Tsarki ya faɗi cewa kerubobi suna da fukafukai da harshen wuta.
- Kerubobi suna bayyana ɗaukakar Allah da kuma ikonsa kuma su matsaran keɓaɓɓun abubuwa masu tsarki ne.
- Bayan su Adamu da Hauwa'u suka yi zunubi, Allah ya aje kerubobi da takkuban wuta a gabashin lambun Aidan saboda kada mutane su isa wurin itacen rai.
- Allah ya umarci Isra'ilawa su ƙera kerubobi biyu suke fuskantar juna, da fukafukai masu taɓa juna, bisa marufin kafara na akwatin alƙawari.
- Ya kuma gaya masu su saƙa hotunan kerubobi a cikin labulen haikali.
- A wasu nassoshin, waɗannan hallitun an ce suna da fuskoki huɗu: dana mutum, da zaki, da bijimi, da kuma gaggafa.
- Wani lokaci ana tunanin kerubobi mala'iku ne, amma Littafi Mai Tsarki bai faɗi haka a sarari ba.
Shawarwarin Fassara
- Wannan kalma "kerubibi" za a iya fassara shi ya zama "hallitu masu fukafukai" ko "matsara masu fukafukai" ko "matsara cikin ruhaniya masu fukafukai" ko tsarkakakkun matsara masu fukafukai."
- "Kerub" guda ɗaya kenan daga cikin kerubobi haka kuma a fassara sai a fassara shi a matsayin ɗaya misali "hallita mai fukafukai" ko "mai tsaro mai fukafukai."
- A tabbatar fassarar wannan kalma "kerub" ta bambanta dana "mala'ika."
- Kuma a yi lura yadda aka fassara wannan suna ko aka rubuta shi cikin Littafi Mai Tsarki na wani yare ko yaren ƙasar.
(Hakanan duba: mala'ika)
Wuraren da ake samunsa a Littafi Mai Tsarki:
- 1 Tarihi 13:06
- 1 Sarakuna 06:23-26
- Fitowa 25:15-18
- Ezekiyel 09:03
- Farawa 03:22-24