ha_tw/bible/other/breath.md

numfashi, yin numfashi

Ma'ana

A cikin Littafi Mai Tsarki "yin numfashi" da "numfashi" ana kamanta su da bada rai ko yana da rai.

• Littafi Mai Tsarki ya koyar cewa Allah ya "hura a cikin" Adamu numfashin rai. A wannan lokacin ne Adamu ya zama rayayyen taliki.
• Lokacin da Yesu ya busawa almajiransa numfashinsa ya ce su "karɓi Ruhu Mai Tsarki," watakila ya busa masu iska ne kawai a bisansu ya kwatanta zuwan Ruhu Mai Tsarki gare su.
• Wani lokaci "shaƙar numfashi ciki" da "shaƙar numfashi waje" ana nufin yin magana ne.
• Wannan misalin furci "numfashin Allah" ko "numfashin Yahweh" na nufin zubowar fushin Allah akan kangararru da mugayen al'ummai. Yana nuna ikonsa.

Shawarwarin Fassara:

• Wannan furci "ya yi numfashinsa na ƙarshe" na cewa "ya mutu." Za a iya cewa kuma, "ya ja numfashinsa na ƙarshe" ko "ya dena numfashi ya mutu" ko "ya shaƙi iska sau ɗaya tak."
• Fassara Nassi cewa "Allah ne ya hura" ana nufin Allah ya yi magana ko ya iza maganganun Nassi wanda mutane marubuta suka rubuta. Watakila yafi kyau, in ya yiwu a fassara "Allah ya hura" a sauƙaƙe tun da yana da wuyar a fassara ma'anar dai-dai.
• Idan fassarar "Allah ya hura" bata karɓu ba, wasu hanyoyin fassarawa zai haɗa har da waɗannan "izawar Allah" "Allah marubuci" ko "Allah ya faɗi." Za a kuma iya cewa "Allah ne ya hura maganganunsa na Nassi."
• Wannan furci "a sa numfashi a ciki" ko "a hura rai a ciki" ko "a bada numfashi ga" za a iya juya shi zuwa "a sa ya yi numfashi"' ko "a sa ya rayu kuma" ko "ya sa su rayu su yi numfashi" ko "bada rai ga."
• Idan ya yiwu, zaifi kyau a fassara "numfashin Allah" da kalmar da aka yi amfani don "numfashi" a cikin yaren. Idan ba za a iya cewa Allah nada "numfashi," ba, za a iya fassarashi haka "ikon Allah" ko "furcin Allah."
• Wannan magana "cafke numfashi na" ko karɓi numfashina" za a iya fassara shi haka "ka natsu domin kayi numfashi a hankali." ko "dena gudu domin ka yi numfashi yadda ya kamata."
• Wannan furci "ɗan numfashin kaɗan ne" ma'anar shi ne "daɗewa na ɗan lokaci."
• Haka kuma wannan furcin "mutum numfashinsa ɗaya ne kacal" ma'ana "rayuwar mutane na gajeren lokaci ne" ko "ran mutum na gajeren lokaci ne, kamar numfashi ɗaya ne" ko "idan an auna da Allah, ran mutum gajere ne kamar lokacin da ake ɗauka a shaƙi iska sau ɗaya."

(Hakanan duba: Adamu, Bulus, maganar Allah, rai)

Wuraren da ake samunsa a Littafi Mai Tsarki:

• 1 Sarakuna 17:17
• Littafin Mai Wa'azi 08:08
• Ayuba 04:09
• Wahayin Yahaya 11:11
• Wahayin Yahaya 13:15