ha_tw/bible/other/bow.md

sunkuya, sunkuyawa ƙasa, rusunawa, durƙusawa, rusunar da gwiwa

Ma'ana

Sunkuyawa shi ne a sunkuya ƙasa domin nuna bangirma da girmamawa ga wani mutum. "Sunkuyawa ƙasa" shi ne a tafi ƙasa sosai ko a durƙusa kan gwiwa ko rusunawa ƙasa yawancin lokaci da fuska da hannu suna nufa ƙasa.

• Wasu furcin sun haɗa da "rusuna gwiwa" (wato a durƙusa) da "sunkuyar da kai" ( ma'ana a sunkuyar da kai ƙasa cikin tawali'u da bangirma ko cikin baƙinciki).
• Sunkuyawa ƙasa zai iya zama alamar damuwa da makoki. Mutumin da yake a "sunkuye" an ƙasƙantar da shi zuwa matsayin tawali'u.
• Yawancin lokaci mutum zai sunkuya a gaban wani da ya fi shi girma a matsayi ko muhimmanci, kamar sarakai da wasu masu mulki.
• Sunkuyawa a gaban Allah yin sujada ne a gare shi.
• A cikin Littafi Mai Tsarki, mutane sun durƙusa wa Yesu da suka gane ta wurin al'ajibansa da koyarwarsa ya zo daga Allah.
• Littafi Mai Tsarki ya ce lokacin da Yesu zai sake dawowa wata rana, kowa da kowa zai durƙusa gwiwarsa ya yi masa sujada.

Shawarwarin Fassara:

• Ya danganta ga nassin, wannan kalma za a iya fasarata da kalma ko faɗa da wannan ma'ana, "a sunkuya gaba" ko "a sunkuyar da kai" ko "a durƙusa."
• Wannan kalmar "sunkuyawa ƙasa" za a iya fasara ta haka "durƙusawa ƙasa" ko "kwantar da jiki dukka a ƙasa."
• Wasu yarurruka suna da hanyoyi fiye da ɗaya da za su fassara wannan kalma, ya danganta ga yadda yake cikin rubutu.

(Hakanan duba: tawali'u, sujada)

Wuraren da ake samunsa a Littafi Mai Tsarki:

• 2 Sarakuna 05:18
• Fitowa 20:05
• Farawa 24:26
• Farawa 44:14
• Ishaya 44:19
• Luka 24:05
• Matiyu 02:11
• Wahayin Yahaya 03:09