Yahweh mai rundunai, Allah mai rundunai, rundunar sama, rundunar sammai, Ubangiji mai rundunai

Ma'ana

Kalmomin "Yahweh mai runduna" da "Allah mai runduna" laƙabai ne dake bayyana ikon Allah bisa dubban mala'ikun dake masa biyayya.

Kalmar "runduna" ko "rundunai" kalma ce dake bayyana abu mai yawa, kamar rundunar mutane ko taruwar taurari masu yawan gaske. Yana iya zama kuma dukkan hallitun ruhohi, har ma da mugayen ruhohi. Nassin na iya bayyana wane irin ruhu ake nufi.
Kalmomi dai-dai da "rundunar sammai" na bayyana dukkan taurari, duniyoyi da wasu hallitun samaniya.
A Sabon Alƙawari, kalmar, "Ubangiji mai rundunai" duk ma'anarsu ɗaya ne da "Yahweh mai rundunai" amma ba za a iya fassara su haka ba domin kalmar Ibraniyanci ta "Yahweh" ba a yi amfani da ita ba a Sabon Alƙawari.

Shawarwarin Fassara:

Hanyoyin fassara "Yahweh mai rundunai" zasu haɗa da, Yahweh, wanda ke mulkin dukkan mala'iku" ko "Yahweh, mai mulki bisa mayaƙan mala'iku" ko "Yahweh, mai mulki bisa dukkan halitta."
Faɗar "rundunai" a cikin kalmomin "Allah mai rundunai" da "Ubangiji mai rundunai" za a fassara su dai-dai yadda aka fassara faɗar "Yahweh mai rundunai" a sama.
Wasu ikilisiyoyi basu karɓi ainihin kalmar "Yahweh" ba kai tsaye amma sun fi so suyi amfani manyan haruffan kalmar, "UBANGIJI" a maimako, bin al'adar juyin Litattafai Masu Tsarki da yawa. Game da waɗannan ikilisiyoyi, fassarar kalmar "UBANGIJI mai rundunai" za a yi amfani da ita a Tsohon Alƙawari domin "Yahweh mai rundunai."

(Hakanan duba: mala'ika, iko, Allah, ubangiji, Ubangiji, Ubangiji Yahweh, Yahweh)

Wuraren da ake samunsa a Littafi Mai Tsarki: