Yahweh

Ma'ana

Kalmar "Yahweh" sunan Allah ne na musamman da ya bayyana sa'ad da ya yi magana da Musa a kurmi mai ci da wuta.

Sunan "Yahweh" ya samu ne daga kalmar dake nufin "kasancewa" ko "wanzuwa."
Wasu ma'anonin "Yahweh" sun haɗa da, "shi ne" ko "Ni ne" ko "wanda ke sanyawa a kasance."
Wannan suna na bayyana cewa Allah ya kasance tun fil'azar kuma zai ci gaba da kasancewa har abada. Tana kuma nuna cewa yana nan koyaushe.
Bisa ga al'ada, juyin Littafi Mai Tsarki masu yawa sun yi amfani da kalmar "UBANGIJI" ko "UBANGIJIN" a madadin "Yahweh." Wannan al'adar ta zo ta dalilin yadda a tarihi, Yahudawa suka ji tsoron yin kuskure wajen furta sunan Yahweh sai suka fara kira "Ubangiji" a duk sa'ad da kalmar "Yahweh" ya bayyana a karatu. Litattafai na zamani sun rubuta "UBANGIJI" dukkan kalmomi manyan domin su nuna bangirmansu ga sunan Allah da kuma domin su banbanta shi daga "Ubangiji" wanda ita ma wata kalma ce daban a Ibraniyanci.
Juyin ULB ta yi amfani da sunan "Yahweh" kamar yadda aka rubuta shi cikin Tsohon Alƙawari.
Kalmar "Yahweh" babu ita sam a Sabon Alƙawari na asali; sai dai kalmar a yadda take a Girik "Ubangiji" aka yi amfani da ita, har ma wasu kalmomi daga Tsohon Alƙawari haka suke.
A Tsohon Alƙawari, idan Allah ya yi magana game da kansa, yakan kira sunansa ne.
Idan ya yi amfani da "Na" ko "Ni," ULB na nuna wa mai karatu da cewa Allah ke magana.

Shawarwarin Fassara:

"Yahweh" za a iya fassarawa da kalma ko faɗar dake da ma'ana "Ni ne" ko "mai ran nan" ko "wanda yake" ko "wanda ke da rai."
Wannan kalmar kuma za a iya rubutawa ta hanya da ta yi kama da yadda ake rubuta "Yahweh."
Wasu ɗarikun ikilisiyoyi basu so suyi amfani da kalmar "Yahweh" a maimako suna amfani da sunan al'ada, "UBANGIJI." Wani abin la'akari mai muhimmanci shi ne wannan zai zama da ruɗami sa'ad da ake karatu da ƙarfi domin sautin furci zai yi dai-dai da yadda ake kiran "ubangiji." Wasu yarurrukan suna iya kasancewa da harufi ko wani alamar jimal da za a haɗa domin su banbanta "UBANGIJI" a matsayin sunan "Yahweh" daban da "ubangiji" a matsayin laƙabi.
Zai fi kyau idan mai yiwuwa ne abar sunan Yahweh yadda yake a duk inda ya wanzu a cikin nassi, amma wasu fassarorin zasu gwammace suyi amfani da laƙabin suna a wasu wurare, domin a sa nassin ya zama da saukin fahimta.
A gabatar da faɗar da qani abu kamar haka, "Wannan ne abin da Yahweh ta faɗa."

(Hakanan duba: Allah, ubangiji, Ubangiji, Musa, bayyanawa)

Wuraren da ake samunsa a Littafi Mai Tsarki: