ha_tw/bible/kt/righteous.md

mai adalci, adalci, marar adalci, rashin adalci, sahihi, sahihanci

Ma'ana

kalmar "adalci" na nuna yadda cikakkiyen alherin Allah, amincinsa, gaskiyarsa, da ƙauna. Yadda waɗannan ɗabi'un sun sa Allah ya zama "mai adalci." Domin Allah mai adalci ne, dole ya kayar da zunubi.

• Kalmomin nan na bayyana mutum wanda ke biyayya da Allah kuma yana aikata abu mai dai-dai. Amma saboda dukkan mutane sun yi zunubi, babu wani sai Allah kaɗai cikakken mai adalci.
• Ga misalai cikin Littafi Mai Tsarki na mutanen da aka ce da su masu "adalci" Nuhu, Ayuba, Ibrahim, Zakariya, da kuma Elizabet.
• Yayin da mutane suka dogara ga Yesu don ya cece su, Allah na tsarkake su daga zunubansu sai ya kuma furta su masu adalci saboda adalcin Yesu.

Kalmar "marar adalci" na manufar rayuwar zunubi da gurɓatacciyar rayuwa. "Rashin adalci" zunubi ne ko yanayin zaman rayuwa ta zunubi.

• Waɗannan kalmomi na nuna rayuwa dake ta rashin biyayya ga koyarwar Allah da dokokinsa.
• Mutane marasa adalci tunaninsu da ayyukansu gurɓatattu ne.
• Wani lokacin "marasa adalci" na nuna mutane ne waɗanda basu gaskanta da Yesu ba.

Kalmar "mai gaskiya" da "aikin gaskiya" na bayyana ayyuka ne da ya yi dai-dai da dokokin Allah.

• Wasu ma'anar kalmar kuwa kamar a ce mutum ya tashi ya miƙe tsaye yana fuskantar gaba.
• Mutumin dake "mai gaskiya" wannan baya aikata wani abin da ya saɓa wa dokoki da ka'idojin Allah ko ya yi abin dake gãba da nufinsa.
• Kalmomi kamar "mutunci" da "adalci" na da ma'ana kusan ɗaya kuma wani lokacin ana amfani da su a faɗi abu ɗaya.

Shawarwarin Fassara:

• Sa'ad da ake kwatanta Allah, kalmar "adali" za a iya fassarawa haka "cikakken nagarta da barata" ko "aikata abin da ke dai-dai koyaushe."
• "Adalcin" Allah za a iya fassarawa haka "cikakken aminci da nagarta."
• Sa'ad da ake kwatanta mutanen dake biyayya da Allah, kalmar "adali" za a iya fassarawa "nagarrtaccen hali" ko "kamili" ko "zaman rayuwar gamsar Allah."
• Faɗar "adali" za a iya fassarawa haka "adalan mutane" ko "mutane masu tsoron Allah."
• Ya danganta da nassin, "adalci" za a iya fassarawa da kalma ko faɗar da ke ma'anar "nagarta" ko "zama cikacce a gaban Allah" ko "aiki cikin hanya mai kyau ta wurin biyayya da Allah" ko "yin abu dai-dai sosai."
• Wasu lokuta "adalai" ana amfani da shi a misali kuma da nufin "mutanen da suke tsammani su nagari ne" ko "mutanen da suke ganin su masu adalci ne."
• " Kalmar "marar adalci" za a fassara a taƙaice "wanda bai da adalci."
• Ya danganta da nassin, wasu hanyoyin fassara wannan zasu haɗa da "miyagu" ko "ƙazantattu" ko "mutanen da suka yiwa Allah tawaye" ko "masu zunubi."
• Faɗar "marasa adalci" za a iya fassarawa haka "mutane marasa adalci."
• Kalmar "rashin adalci" za a iya fassarawa haka "zunubi" ko "miyagun tinane-tinane da ayyuka" ko "mugunta."
• Idan mai yiwuwa ne, zai fi kyau a fassara wannan a hanyar da zata nuna dangantakar ta da "adalai, adalci."
• Hanyoyin da za a fassara "sahihi" zai haɗa da "aikata dai-dai" ko "wanda ke aikata dai-dai" ko "bin shari'un Allah" ko "biyayya da Allah" ko "tafiyar da kai ta hanyar dake dai-dai."
• Kalmar "sahihanci" za a iya fassarawa haka "halin tsarki" ko "halin tsabtar rai" ko "sahihin hali."
• Faɗar "sahihai" za a iya fassarawa haka "mutanen da suke sahihai" ko "sahihan mutane."

(Hakanan duba: mugunta, aminci, mai kyau, mai tsarki, mutunci, dai-dai, doka, biyayya, mai tsabta, mai adalci, zunubi, abin da ya saɓawa doka)

Wuraren da ake samunsa a Littafi Mai Tsarki:

• Maimaitawar Shari'a 19:16
• Ayuba 01:08
• Zabura 037:30
• Zabura 049:14
• Zabura 107:42
• Wakar Suleman 12:10-11
• Ishaya 48:1-2
• Ezekiyel 33:13
• Malakai 02:06
• Matiyu 06:01
• Ayyukan Manzanni 03:13-14
• Romawa 01:29-31
• 1 Korintiyawa 06:09
• Galatiyawa 03:07
• Kolosiyawa 03:25
• 2 Tasalonikawa 02:10
• 2 Timoti 03:16
• 1 Bitrus 03:18-20
• 1 Yahaya 01:09
• 1 Yahaya 05:16-17