ha_tw/bible/kt/nazirite.md

Banaziri, Nazirawa, wa'adin Nazirinci

Ma'ana

Wannan furci "Banaziri" na nufin wani mutum da ya ɗauki "wa'adin keɓewa." Yawancin lokaci maza ne ke ɗaukar wannan wa'adin, amma mata ma suna iya ɗauka.

• Mutumin da ya ɗauki wa'adin Nazirinci ya yarda kenan ba zai ci abinci ko ya sha abin da aka yi daga 'ya'yan inabi ba har zuwa cikar tsawon lokaci da aka sa akan wa'adin. A wannan lokaci ba zai yi aski ba ko ya kusanci gawa.
• Sa'ad da ƙayyadadden lokacin ya cika, kuma an cika wa'adin, Banazirin zai tafi wajen firist ya bada baiko. Wannan zai haɗa da yin aski sa'an nan a ƙona gashin. Duk wasu 'yanci da dã aka hana shi za a ɗauke.
• Samson sanannen mutum ne a cikin Tsohon Alƙawari wanda ya kasance ƙarƙashin wa'adin Nazirinci.
• Mala'ikan daya sanar da haihuwar Yahaya Mai Baftisma ya gaya wa Zakariya cewa ɗansa ba zai sha ruwan barasa ba, wannan zai nuna Yahaya ya kasance a ƙarƙashin "wa'adin Nazirinci."
• Bisa ga wani nassi a littafin Ayyukan Manzanni manzo Bulus mai yiwuwa a wani lokaci ya ɗauki wannan wa'adi.

(Hakanan duba: Yahaya (mai Baftisma), hadaya, Samson, wa'adi, Zakariya (Tsohon Alƙawari))

Wuraren da ake samunsa a Littafi Mai Tsarki:

• Ayyukan Manzanni 18:18-19
• Amos 02:11-12
• Littafin Alƙalai 13:05
• Littafin‌ Lissafi 06:1-4