masarautar Allah ko mulkin Allah, masarautar sama ko mulkin sama

Ma'ana

Kalmomin "masarautar Allah" da "masarautar sama" dukka na nufin mulkin Allah da hukuncinsa bisa mutanensa da bisa dukkan halitta.

Yawanci Yahudawa na amfani da kalmar "sama" da manufar Allah, domin su kaucewa faɗin sunansa kai tsaye.
A cikin Littafin Sabon Alƙawari da Matiyu ya rubuta, yana faɗin masarautar Allah da ma'anar "masarautar sama," watakila saboda yana rubutawa ne musamman ga al'ummar Yahudawa.
Masarautar Allah na nufin Allah yana mulkin mutane a ruhaniya yayin da yake kuma mulkin duniyar zahiri.
Annabawan Tsohon Alƙawari sunce Allah zai aiko da Almasihu domin ya yi mulki tare da adalci. Yesu, Ɗan Allah, shi ne Almasihun wanda zai yi mulki bisa masarautar Allah har abada.

Shawarwarin Fassara:

Dogara bisa ga nassin, "za a iya fassara "masarautar Allah" a matsayin "Allah na mulki (a matsayin sarki)" ko "sa'ad da Allah ke mulki a matsayin sarki" ko "Allah na mulki bisa komai."
Kalmar "masarautar sama" ita ma ana iya fassarawa "Allah na mulki daga sama a matsayin sarki" ko "Allah na sama yana mulki" ko "mulkin sama" ko "sama na mulki bisa komai." Idan baya yiwuwa a fassara wannan cikin sauƙi a sarari, furcin "masarautar Allah" shi za a fassara a maimako.
Wasu masu fassara zasu so su rubuta "Sama" da babban baƙi domin su nuna cewa ana ma'anar Allah. Wasu zasu haɗa da ɗan rubutu a nassin, kamar haka "masarautar sama (wato, 'masarautar Allah')."
Rubutun dake ƙasan shafin Littafi Mai Tsarki shima za a iya amfani dashi ayi bayani game da ma'anar "sama" a wannan wurin.

(Hakanan duba: Allah, sama, sarki, masarauta, Sarkin Yahudawa, mulki)

Wuraren da ake samunsa a Littafi Mai Tsarki: