ceb_tn/isa/51/04.md

Kinatibuk-ang Kasayoran:

Nakigsulti si Yahweh ngadto sa katawhan sa Israel.

Patalinghogi ako ... paminawa ako

Kining duha ka grupo sa mga pulong nagpasabot sa samang butang. Kining duha nagpalig-on nga paminawon ang sugo.

himoon kong masayon ang hustisya alang sa kanasoran

Ang hustisya dinhi sa Dios nagpaila sa iyang balaod, ug ang kahayag nagpaila sa kahibalo kung unsa ang husto. Nagpasabot kini nga makasabot ang katawhan sa kanasoran ug motuman sa balaod sa Dios. Ang ubang paagi sa paghubad: "magtudlo ang akong balaod sa kanasoran kung unsa ang husto" o "mahibaloan sa kanasoran ang akong balaod"

Haduol na ang akong pagkamatarong

Ang pulong nga "haduol" nagpasabot nga "sa dili madugay." Ang pagkamatarong sa Dios nga haduol na nagpasabot nga hapit na niya ipakita ang iyang pagkamatarong. Buhaton niya kini pinaagi sa pagtuman sa iyang mga saad ug sa pagluwas sa katawhan. Ang ubang paagi sa paghubad: "Sa dili madugay ipakita ko ang akong pagkamatarong"

mogula na ang akong kaluwasan

Nagsulti ang Dios mahitungod sa pagluwas sa katawhan nga daw ang iyang kaluwasan sama sa usa ka butang nga moabot ngadto kanila. Ang ubang paagi sa paghubad: "Luwason ko ang akong katawhan"

ang akong mga bukton magahukom sa kanasoran

Ang bukton dinhi sa Dios nagpaila sa iyang gahom, ug ang paghukom nagpaila sa pagmando. Ang ubang paagi sa paghubad: "Akong dumalahan ang kanasoran pinaagi sa akong gahom"

ang baybayon

Nagtumong kini sa katawhan nga nagpuyo sa baybayon sa halayo nga mga kayutaan atbang sa dagat. Ang ubang paagi sa paghubad: "ang mga tawo nga nagpuyo sa baybayon" o "ang katawhan nga nagpuyo sa kayutaan tabok sa dagat"

ang akong mga bukton magtinguha sa pagpaabot kanila

Ang bukton sa Dios nagpaila dinhi kung unsa ang iyang pagabuhaton. Nagpasabot kini sa pagluwas niya sa katawhan. Ang ubang paagi sa paghubad: "Matinguhaon sila nga maghulat nga aduna akoy buhaton" o "matiguhaon sila nga nagpaabot kanako nga moluwas kanila"