See in Reader
1.6 KiB
Wala bay propeta dinhi ni Yahweh, nga mahimo kitang makapangutana kang Yahweh pinaagi kaniya?
Dinhi migamit si Jehoshafat ug pangutana nga wala nagkinahanglan ug tubag aron sa pagsulti nga sigurado siya nga adunay propeta ug aron sa pagpangita kung asa siya. Mahimo kining isulat ingon nga pamahayag. Ang ubang paagi sa paghubad: "Nakasiguro ako nga adunay propeta ni Yahweh dinhi! Sultihi ako kung si kinsa, aron makapangutana kita kang Yahweh pinaagi kaniya." (Tan-awa: rc://*/ta/man/translate/figs-rquestion)
Safat
Ngalan kini sa lalaki. (Tan-awa: rc://*/ta/man/translate/translate-names)
nga nagbubo ug tubig sa mga kamot ni Elias
Kini nga idioma nagpasabot nga katabang siya ni Elias. Ang hugpong sa mga pulong nga "nagbubo ug tubig sa mga kamot" mao ang paghulagway sa usa sa mga paagi nga gialagaran niya si Elias. Ang ubang paagi sa paghubad: "nga usa ka katabang ni Elias. "(Tan-awa: rc://*/ta/man/translate/figs-idiom)
Anaa kaniya ang pulong ni Yahweh
Nagpasabot kini nga propeta siya ug nagsulti si Yahweh kaniya kung unsa ang isulti. Ang ubang paagi sa paghubad: "Nagsulti siya kung unsa ang ipasulti ni Yahweh kaniya" (UDB) (Tan-awa: rc://*/ta/man/translate/figs-explicit)
milugsong ngadto kaniya
Milakaw sila aron sa pagpakigkita kang Elias ug aron sa pagpangutana kaniya kung unsa ang angay nilang buhaton. Ang kinatibuk-ang pasabot niini nga pamahayag mahimong ipaklaro. Ang ubang paagi sa paghubad: "nakigkita kang Eliseo aron sa pagpangutana kaniya kung unsa ang angay nilang buhaton" (Tan-awa: rc://*/ta/man/translate/figs-explicit)