Wed Mar 27 2024 13:48:36 GMT-0600 (hora estándar central)

01/01.txt

@@ -0,0 +1 @@
+\c 1 \v 1 Mayami cayami Josué, njaji inaiki aimadan natatjá njemio Dio iinai, naaco cayoji: ''¿Cocaotsa yaa inoacawa iniita nakjoete njaji cananeonai waikjaote? \v 2 Niinin Wa Minalri jiepana, lriaco narso: ''Judánai watsa. Ima nocadaaca njaa-carro iajíi lrinaco jliaji jiipai'' \v 3 Njite njaji atsianai Judá poco naaco narso njaji naweenai Simeón poco: ''Inoatsa wainai wainoacá-carro nakjoete njaji cananeonai lrikjaote jliaji jiipai Dio icadaalri warso. Cayo tskjaotsa faamaoca shaa, waawatsa wakitsindata shaa lrikjaote jliaji jiipi nacadaalriotsa irso.'' Niini njaji Simeon poco naaca nainai.

01/04.txt

@@ -0,0 +1 @@
+\v 4 Njaji atsianai Judá poco nainoacawa, njite Wa-Minalri icadaa njaamá carro njaji cananeonai njite njaji ferezeonai. Naino nanakjoite Die mil atsianai Besec rico. \v 5 Naoketa Adoni Bezec Bezec lrico, nainoacawa lrikjoete niini njameetaca njaji cananeonai njite njaji ferezeonai.

01/06.txt

@@ -0,0 +1 @@
+\v 6 Mitsa Adoni Bezec ipitoca naoya, niini napinietacani atee naa njépani, njite nayoá njaji lricapjiwida pamoshoewi njite njaji jlipjewida pamoshoewi tsakja. \v 7 Niini Adonia icaiteca cayoji: ''Setenta talricanaatinai, njaji noyoaji icaapjiwida njite njaipjewida pamoyoá perri, nawakeeta piaca naijawa noijaca idopem no-mesan iapjite. Cayoji nonaitja capishona, cayo tsakja Dio inaitjaca noapiya.'' Nadeen Jerosalén lricojle, icatsa mayamica niini.

01/08.txt

@@ -0,0 +1 @@
+\v 8 Njaji atsianai Judá lricope nainoacawa nakjoete njaji Jerosalén lricoperri atee njepa narsowao jliaji yacaalre. Nainona matseeta sho njite namjaita jliaji yacaalre. \v 9 Jliapomjite, njaji Judanai naa nainoacawa nakjoete njaji cananeonai iofacapewa awacada nacope, Neguev lricope, njite nakjoete njaji iofaacapewa jiipana itajida nacó jeeri jiewacawa ikjaolre. \v 10 Judá iawa nakjoete njaji cananeonai iofacapewa Hebrón lrico, jliaji Quiriat Arba dalri pia iipitana, icatsa njametaca njaji Sesai lricope, Ahimán lricope njite njaji Talmai lricope tsakja.

01/11.txt

@@ -0,0 +1 @@
+\v 11 Njité dalri, njaji Judánai naawa nakjoete njaji iofacapewa Debir lrico, jliaji Quiriat Séfer dalri pia iipitana. \v 12 Njite Caleb iaco: ''Coca cadaotsa inoacawa Quiriat Séfer ikjoete njite jlipa jliaji yacaalre, nocadaawatsa lriinowa noito Acsa.'' \v 13 Niini Otoniél, Quenaz irri, Caleb iwerri irri, jlipa jliaji yacaalre Debir, niini Caeb iaca lriito Acsa Otoniél iinowa.

01/14.txt

@@ -0,0 +1 @@
+\v 14 Niini Otoniel idee cádanaco shoaji lrino Acsa, lrinaa rotatjá carró shonirri iinaí njepaitewa lricodapitsa. Niini rórroco cádanaco roborrón ioya, Caleb iaco rosho: ¿Cocao pioma noinai? \v 15 Njite Acsa jiepani: ''Picadaa norso piaco matsiadalri, ima picadenina norso jiipai Neguev ricó, piaa tsakja norso njaji onipaokja''. Niini Caleb iaca rorso njaji onipaokja jiipana nacope njite tjewacajle ricope tsakja.

01/16.txt

@@ -0,0 +1 @@
+\v 16 Njite njaji ceneo inakjoité prri, Moisé ijawerrim, naawa lrioshete jliaji Yacaalre Yaawa coa dalri iipitana nainai njaji Judánai, jalrapocolri Judá lricoda, jliaminitsa jliaji nacaiterri Neguev, naofaa-carro nainai njaji Judá poco tsoomi Arad ioya. \v 17 Njite njaji atsianai Judánai naawa nainai njaji nakitsiñape atsianai Simeón poco iyaape, njite nainoacawa nakjoete njaji iofacapewa Sefat lrico atee nawayaketa pjiomina. Horma pia lriipitana jliaji yacaare.

01/18.txt

@@ -0,0 +1 @@
+\v 18 Njaji Judánai, njepa tsakja narsowao jliaji yacaalre Gaza, njite pjiomi jliaji jiipai lriwaida nacope, Ascalón tsakja, njite pjiomi njaji jiipai lriwaida nacope, Ecrón tsakja, njite pjiomi njaji jiipai lriwaida nacope. \v 19 Wa-Minalritsa ikitsindata njaji inaiki aimadan Judá lricope njepá-carro narsowao jliaji jiipai awacadacawa, mitsa corrin nataita njetaca njaji inaiki iofacapea malritsicoa lrico ima narsoca naoya njeco carrofia tsipalrafiape.

01/20.txt

@@ -0,0 +1 @@
+\v 20 Nacadaa Hebrón caleb irso, cayotsa Moisé icaite apisho pia, lrimotoita njiteo njaji madalrida Anac ienipenaipe. \v 21 Mitsa njaji aimadan Benjamín poco corrin namotoita njaji jebuseonai Jerosalén lrikjoite. Niini njaji jebuseonai naofaaca nainai njaji aimadan Benjamín poco Jerosalén lrico atee panashete.

01/22.txt

@@ -0,0 +1 @@
+\v 22 Njaji José iipaneta inakjoitepe namatsietaacawa nainoacá carroa nakjoete njaji inaiki iofaacapewa Betel rico, Njite Dio ikitsindatana. \v 23 Nameenaca atsianai iacape icapa naicao dawacalri ricotsa jliaji yacaalre Betel, jliaminitsa jliaji yacaalre najirri piatoa, Camarrai. \v 24 Njaji atsianai iacape icapa naicao, nacapa ape atsia imotocawa lrioya jliaji yacaalre, niini naaco lrirso: ''Pinaitja matsiacalri picañjata wacapa coanca pjewacawa lri-ricoda jliaji yacaalre njite corriotsa wanaitjá carroca pirso maatsi.''

01/25.txt

@@ -0,0 +1 @@
+\v 25 Niini lri-cañjata nacapa papeco inipo pjewa carroda lrirso jliaji yacaalre. Naino njaji inaiki yacaalre ricope matseeta-sho, mitsa nacadaa lriawa jliaji atsia ikitsindatacadana pjiomi lrikitsiñape iapiya. \v 26 Jliaji atsia lriawa njepaite ricojle njaji Hititanai, lrinaitja pacoa yacaalre nirse njite lricadaa lriipitanao Camarrai, icatsa lriipitanaca atee panashete.

01/27.txt

@@ -0,0 +1 @@
+\v 27 Njaji aimadan Manasé poco corrin tsakja napeeco naawa njaji inaiki iofaacapewa nerricoda njaji yacaalre Bet Seán lricoperri , Tanac lricoperri, Dor lricoperri, Ibleam lricoperri, Meguido lricoperri njite njaji iofacapewa yacalreewape rico nanomapiana lrico njaji yaalre, ima njaji cananeonai nacadaacawa naofáa-carro nerricoda njaji jiipai. \v 28 Njaji Iraelnai nakjaidataacawa, niini nacadaa nadejíi-carro jiidati rico idejikjeti jamiñaperri iraelitanai irso, mitsa corrin napeeco naoyao nayacalre ioya.

01/29.txt

@@ -0,0 +1 @@
+\v 29 Njaji Efraín poco corrin tsakja napeeco njaji cananeonai iofacapewa Gezer ricó, niini njaji cananeonai naofaacatsawa nainai Gezeer lrico.

01/30.txt

@@ -0,0 +1 @@
+\v 30 Njaji Zabulón poco corrin tsakja napeeco njaji inaiki iofacapewa Quitrón lrico, corrin tsakja njaji iofaacapewa Naalal lrico, niini njaji cananeonai naofaacatsawa nainaitsa, mitsa njaji Zabulón poco nacadaa nadejíi-carro narso idenjikjeti jamiñaperri jidaati ricó.

01/31.txt

@@ -0,0 +1 @@
+\v 31 Njaji Aser poco corrin napeeco njaji inaiki iofaacapewa Aco lrico, corrin tsakja njaji iofaacapewa Sidón lrico, corrin tsakja njaji Ahelab lricoperri, Aczib, Helba, Afec, njite Rehob. \v 32 Niini njaji Aser poco naofaacawa napecolrico njaji cananeonai, njaji jiipai iminanai, ima corrin napeecona naoyawana.

01/33.txt

@@ -0,0 +1 @@
+\v 33 Njaji Neftalí poco corrin napeeco njaji iofacapewa Bet semes rico, corrin tsakja njaji Bete Anat lricoperri. Niini njaji Neftalí poco naofaacawa napecolricotsa njaji cananeonai, njaji njaji jiipai iminanaitsa. Mitsa njaji Neftalí poco nacadaa nadejica idejikjeti jamiñaperri jiidati rico njaji Bete Semes njite Bet Anat lricope, Neftalí irsoperricana.

01/34.txt

@@ -0,0 +1 @@
+\v 34 Njaji amorreonai napiajleta njaji Dan poco naofaa-carro awacada cawa lrico, corrin nacadaa naorrocowa malritsicoa lrico. \v 35 Niini njaji amorreo naofacawa Awacada Heres lrico, Ajalón lrico, njite Saalbin lrico, mitsa njaji José iipaneta itsolrodaonai nainoacawa nakjoete njite njaamana njepá-carro narsowao njaji yacaalre, njite nacadaa nadejica narso jiidati rico idenjikjeti jamiñaperri sho. \v 36 Njepaite jinaa njaji amorreonai lrinitawa jiipana itajida nakjoite Acrabim dalri Sela ricoda, lriocawa awacada cawa nacojle

01/title.txt

@@ -0,0 +1 @@
+Capítulo 1

02/01.txt

@@ -0,0 +1 @@
+\c 2 \v 1 Dio iangeleni íno Gilgal lrikjoite Boquim lricojle, lriaco cayoji: ''Njotana Egipto lrikjoite, njite nodeena lri-ricoda jliaji jiipai nocaiterri pia yaacoti ajádalri narso njaji jinirrinaipemi noacaotsa narso. Noaco tsakja narso: ''Corriotsa noyoaca ioya jliaji yacoti norsolri iinai.'' \v 2 Corriotsa inaitjá carroca yaacoti naainai njaji inaiki yofacape lri-ricoda jliaji jiipai. Irsotsa ipeecoca njewao njaji altar narsolri. Mitsa corrin jimica noaco. ¿Cocao jliaji inaitjalri?

02/03.txt

@@ -0,0 +1 @@
+\v 3 Niini cayo noaco panaya: ''Corrinatsa Nopeecó carroca ipeyajle njaji cananeonai, nocadaotsana irso cayoji doowrri itoda capisho paparrema naco, njite njaji nadio, cayocaotsa irsona tooda sho pacadaji copje ipiá.'' \v 4 Niini caaco cádanaco njaji yaacoti jliaji Dio iangele narso njaji Iraelnai pjiomi, njemata kjaida njaji inaiki aimadan, naiya tsakja. \v 5 Nacadaa lriipitanawa niini Boquim. icatsa nainoca maaficalri Dio irso niini.

02/06.txt

@@ -0,0 +1 @@
+\v 6 Njite Josué imeenaca cádanaco nadiawa njaji Iraelnai; nacoamitsa nadiawa akjerreca nacadaa njepaitewa naofaa carro, nayada carroena jliaji jiipai. \v 7 Njaji iraelitanai nadeji Dio irso Josué jiawajli caafi cádanacotoani, njite caafi cádanacotoa tsakja njaji pekipenai iofaalri pjatoa Josué shapodam, njaji icapacapem njaji manaitjacanaaperri Dio inaitjalri Iraelnai ikjaote. \v 8 Nun irri Josué, Dio irsodalri, mayamini 110 walria lripekirrica naco.

02/09.txt

@@ -0,0 +1 @@
+\v 9 Nadawani jlipaite ioyawaaca nacadanda lrirso Timnat Sera lrico, jiipai awacadacawa nayada lrico njaji Efraín poco, atsiakemjete lrirso jliaji Awacada Gaas. \v 10 Pjiomi njaji njaacoma, oopi mayamina nacayoshotsa njaji njanirrinaipemi. Niini pacomenakja njaji jinicolri njanirrinaipe jiapodam, njacomaca njaji corriperrinatsa ianjii Dio naco, corrin tsakja najíi njaji Dio inaitjalri Irael ikjaote.

02/11.txt

@@ -0,0 +1 @@
+\v 11 Njaji Iraelnai nanaitja maatsi Dio ipeyajle ima nadejica Baalnai irso. \v 12 Namaca naoyao na-Milri, njanirrinaipemi iDiote, Jliaji jitalri-piana Egipto lrikjoite. Naoma narsowao njaji paanatsa dionai, njaminitsa dioca narsolri njaji inaiki naofaji ipecolrico, niini nacoajacawa naikjaolre. Cayo carroena nakerroataca Dio naikjaolre \v 13 namaca capoa Dio naacarro matsiadalri Baal irso njite Astarot tsakja.

02/14.txt

@@ -0,0 +1 @@
+\v 14 Dio iirroa jinico nakjoete njaji Iraelnai, niini Lricadaacana nacaapi rico njaji inaiki iofaacape tsoomi njepaite ioya. Njaji jipacapemna oowi rico njatsa njaji iofacapetsa njepaite icodapita, Dio icadaa navendee carrona narsoperri carrona njaji apaana inaiki, niini corrinatsa nataita neemaca nacoema nakjoete. \v 15 Kjerrerse cadaa Irael iaawa inoacawa oowi rico, Dio iema manawa nakjoete wadee njamaca nacoema, cayotsa Lricaite capisho piatsa narso yaacoti ajádalri sho lrinaitja caotsa. Niini aima njerrapitaca pekirritsa.

02/16.txt

@@ -0,0 +1 @@
+\v 16 Ikeena Wa Minalri icadaa narso jueznai, ikena njaji imanacota mana njaji Iraelnai naoya njaji yofacape njepaite icodapi. \v 17 Cayo cadanatsa corrin njemica narso njaji jueznai. Icaamitsa nanaitja maatsi Dio irso njite nacadaacawa cawilreperrim-sho narso njaji apada dionai naacarro narso matsiadalri. Kjeyetsa namaca naoyao cayoji njanirrinaipemi iofaa capisho pia; njaji jiepacape pia njaji Dio icaite pialri narso lriaco lrico, mitsa njaji corrin nanaitja nacayosho.

02/18.txt

@@ -0,0 +1 @@
+\v 18 Dio icadaa cádanaco juez narso, Dio ikitsindata njaji jueznai lrimanacotá-carro njaji iraelitanai nacoema ioya caafi cádanco njaji jueznai Lricadaaji. Dio jimi narso njaji jueznai natatja cádanaco kjaida nama njaji jirrapitetacapena njite nainona kjaida-sho. \v 19 Mitsa mayami cádanaco jliaji juez, njaji iraelitanai, napieta tsenakja nanaitjaca namatsicanao matsinaa pjaa naoya njaji njanirrinaipemi inaitaji pia. Naaca njapodam njaji apaana dionai nadejí-carro narso njite naacarro narso matsiadalri. Corrin naoma namacaca naoyao jliaji nanaitjanda maatsi, tarra capoa nawaopiakje.

02/20.txt

@@ -0,0 +1 @@
+\v 20 Dio iirroa jinico nakjoete njaji Iraelnai, niini Lriaco cayoji: ''Corri capoa nanaitja njaji yacoti norsolri pia naapiya njaji inaiki, jliaji yacoti Nonaitjalri naapiya njaji njanirrinaipemi; corri capoa njeni noaco; \v 21 panaya nakjoite, corriotsa nopeeco carroca njaji apaana inaiki Josué imacaji mayamirri ioya. \v 22 Nonaitja cayo nocapá-carro njepacatsa noaco njaji Iraelnai njite nanaitjaca cayoji noaco icaite capisho cayoji njeepa capisho njaji njanirrinaipemi. \v 23 Cayoshopa Dio imaca njaji apaana inaiki, jlimotoita kjeya njitena njite lricadaacana Josué icaapi-rico

02/title.txt

@@ -0,0 +1 @@
+Capítulo 2

03/01.txt

@@ -0,0 +1 @@
+\c 3 \v 1 Dio icadaa njaji apaana inaiki lriwishopa njaji Iraelnai, najii corriperri inoaca-piawa oowi rico canaán lrico, najíiwatsa coanca oowicalri. \v 2 Dio inaitja cayo lricanantá carrona oowicalri naco narso njaji Iraelnai inakjoite perri corriperritsa ianjíi coanca oowicalri-naco. \v 3 Icatsa njaji apaana inaiki iofalriwa macacoepe rico yacaalre: njaji cinco talricanaatinai filisteo, pjiomi canaan lricope, sidonionai, heveonai njaji iofani piawa awacada naco Libano lrico, Baal Hermón iawacadate nakjoite Lebo Hamat nacojle.

03/04.txt

@@ -0,0 +1 @@
+\v 4 Dio-tsa icadaa njaji apaana inaiki nacodapitsa Lriwishopawa njaji Iraelnai, Lricapa carrocatsa njeepaca njaji lriaco Lricadaji narso njaji naferrinaipemi Moisé nakjoite. \v 5 Niini njaji Iraelnai naofacawa napecolrico njaji cananeonai, hititanai, amorreonai, ferezeonai, heveonai, njite jeboseonai. \v 6 Njeta naninaiwa iraelitanai itonaipe, njite nacadaa tsakja naitonaipe iraelitanai irrinonaiwa, njite nadeji pacoaca nadiote irso.

03/07.txt

@@ -0,0 +1 @@
+\v 7 Njaji iraelitanai nanaitja maatsi Dio irso, njite namaodaca na-Minalri Dio ioya. icaamitsa naaca matsiadalri Baalnai irso njite Asera irso tsakja. \v 8 Cayoshopa Dio iiroa ipojliawa Iraelnai ikjoete, niini lrivendena lrirso jliaji talricanaati Cusán Risataim, Aram Naharaim italricanaa. Njaji Iraelnai nadejica Cusán Risataim irso ocho walria icoa.

03/09.txt

@@ -0,0 +1 @@
+\v 9 Njiite nawana cádanaco Dio ikjaolre njaji iraelitanai, Dio icadaa-mana pada ikitsindatacada njaji iraelitanai, icatsa jliaji imanacotalri-mananaa: Otoniél, Quenaz irri, jliatsa jliaji Caleb iwerri. \v 10 Wa-Minalri Icaolrini ikitsindatani njite lricadaa lrirso lriajíi-carro coancarro naapiyalrecan, icatsa jliaji icaiterrica Iraelnai nacó, njite lriámanawa oowi ricó. Dio icadaa jliamá-carro Cusan Risataim, Aram italricanaa. \v 11 Coarenta walria naofawa namaodacatsa njepaite rico. Mitsa mayami naoya Quenaz irri, otoniél.

03/12.txt

@@ -0,0 +1 @@
+\v 12 Otoniél jiapodami, njaji iraelitanai napieta tsenakja nanaitjaca maatsi Dio irso, Njite Dio icadaa kjaidaca Eglón, Moab italricanaa, jlia-carro iajii nanaco njaji iraelitanai. \v 13 Eglón ioma lrikitsiñapewa njaji amonitanai njite njaji amalecitanai, niini naaca nainoacawa iraelitanai ikjoete njite njaamana, Njeta naoya pjiomi njaji Yacaalre Yaacoa lricoperri (Jericó). \v 14 Njaji Iraelnai nadeji Eglón irso, Moab italricanaa, dieciocho walria icoa.

03/15.txt

@@ -0,0 +1 @@
+\v 15 Nawana cádanaco Dio ikjaolre njaji iraelitanai, wa-Minalri icadaa narso ape ikitsindatacaodana, lricadaa Aod, Gera irri, pada nanakjoite-dalri njaji Benjamín poco, ape atsia caatódalri. Njaji Iraelitanai nameenacani Eglón iderse, Moab italricanaa, lridee njaji nacaoñaacashopawa lrirso jliaji talricanaati.

03/16.txt

@@ -0,0 +1 @@
+\v 16 Aod inaitja lri-matsetaniwa yameemá-dalri iema, irsocada yamaita pacaapi jliwalripaca; njite lripapini lricotsipa-nacó atsialriemjete lri tsayan iapjite. \v 17 Lriá njaji palraata nacaoñaaca shopawa lrirso jliaji Moab italricanaa Eglón, njite pekirri cadanetsakjani. \v 18 Aod iaa cayami jliaji palaraata nacaoñaca shopawa, lridia lrimoto nainai njaji ideecapem njaji palraata.

03/19.txt

@@ -0,0 +1 @@
+\v 19 Njite Aod ioca cádanaco nanaitjacawa njaji idolonai, tsoomi gilgal rico, icaamitsa lricabocowa jliapodamrsewa njite lriaco talricanaati irso cayoji: ''Norso pada iacoti pirsowalri corridalritsa coca itaita iajiica.'' Njite glón imacoitaca njaji lrinaiperri njite namotoca lrioya lriofacawa lrikjoite. \v 20 Icaamina Aod iawa lriderse. Jliwaketsa iofawa jliaji talricanaati lriofacarrotawaje rico jlipacawa japerri yamacoma naco lriipana. Aod iaco lrirso: ''Norso pada iacoti Dio inakjoite-dalri pirso.'' Niini jliaji talricanaati jinico yemawa lriofacarroda ioya.

03/21.txt

@@ -0,0 +1 @@
+\v 21 Aod jipa inarroema-sho lrimatsetan lricotsipa atsialriema nakjoite-dalri, njite lritoda talricanaati lrisho. \v 22 Lritoda kjaidani atee lricawana jiewani, niini lrimotoca jliaji lritodashopani jliawa pemajle, niinitsa lrimacan lrinaco. \v 23 Icaamina Aod imotoca njiteo, lriita taimi lripananoma lrimoto cádanaco njiteo.

03/24.txt

@@ -0,0 +1 @@
+\v 24 Aod idia cayamiwa, njaji talricanaati irsoperri nawa lriderse; njite nacapa taimica jliaji pantinoma, niini nawaopiaca: ''Paji matsiaca lriajíi jlipaca japerri lriwafeta carroda lrico yenon.'' \v 25 Mitsa wiaa cayamina, njetena caolre ima nacaite corrica nanaitja capisho nadejicalre, ima corricatoa talricanaati imjecoca jliaji lriwafetacarro tawajle ipananoma. Niini njepaca njaji tsaawi namjecó-carro jliaji pantinoma, namjeeco cádanaco, nacapa natalricanaa iorsoawa jiipai naco mayandalriminatsa.

03/26.txt

@@ -0,0 +1 @@
+\v 26 Nawapa cawiaca toa njaji lrirsoperrimi, natatjacawa coancaotsa nanaitjaca, Aod ipito naoya njite jliyapa njaji nanaitjacawa idolonai, jiipada nayoaji. Cayotsa lriptocawa, lriawa Seirat lricojle. \v 27 Lrioca cádanco nirseo, lripjia kjema trompeta awacada cawa lrico, njepaite njaji Efraín poco. Niini njaji Iraelnai iofacapewa jiipana taji nacó naaca lriinai, njite jliaca iajíi naapiya.

03/28.txt

@@ -0,0 +1 @@
+\v 28 Aod iaco narso: ''Íino njoapodam, ima icaminaotsa wa Minalri jiametacaotsa njaji icoema Moab lricope.'' Naawa jliapodam njite naawa Jordán yalrapi rico, moabitanai icoemjete, corrin nacadaa pada iyoetaca jliaji ooni. \v 29 Jliawajli pia wadeepe nainoca die mil atsianai moabitanai, pjiomi piacana atsianai kjaidaperri, mafiocaperritsa. Corrin yoomje pada nanakjoite. \v 30 Icapiena jliadaa, njaji Iraelnai yapirsetaca njaji moabitanai jiidati rico. Njite cochenta walria icoa lriwafetacawa jliaji njepaite.

03/31.txt

@@ -0,0 +1 @@
+\v 31 Njite Aod jiapodamdalri, Samgar nakja jliaji icaitecada Irael nacó, Anat irri, icatsa jliaji iinolri-piaca seiciento atsianai filisteonai jaico nawititashopa vaaca iipe. Lrimanaco tsakja Irael cafainadalri ioya

03/title.txt

@@ -0,0 +1 @@
+Capítulo 3

04/01.txt

@@ -0,0 +1 @@
+\c 4 \v 1 Mayami cayami Aod, njaji Iraelnai napieta tsenakja nanaitjaca maatsi Dio ipeyajle. \v 2 Niini Dio icadaana Jabin icaapi rico, Canaán italricana, italricanatacada Hazor rico. Sísara pia lriipitana jliaji lritsolrodaonai icapitamani, Sísara irsodalri, iofacada Haroset Goyim rico. \v 3 Njaji Iraelnai nawana kjaida Dio ikjaolre lrikitsindatá-carrona, ima Sísara irso piaca noveciento carretafiape nanaitjaji tsipalrasho minitsa, njite jlirrapitetapiena aimatsa njaji iraelitanai vente walria icoa.

04/04.txt

@@ -0,0 +1 @@
+\v 4 Njite cadana Dévora, apama inoparrotacada, Lapidot iino, icapiatsa rsoaji icaitecada iapiwalreca nanaco njaji Iraelnai jliawajli. \v 5 Dévora ipeyo mana iofacawa yaaawapi iapjite rocadanda iipitanao Dévora tsakja, iemalriwa Ramá njite Betel ioyawaaca, awacada cawa nayacalre rico njaji Efraín poco. Njaji Iraelnai naamanawa roikjaolre matsietá-carro iacoti narsonda nakjoetewaca.

04/06.txt

@@ -0,0 +1 @@
+\v 6 Romeenaca naacarro naoma rorso Barac, Abinoam irri, Cedes irri Neftalí rico. Njite roaco lrirso cayoji: ''Cayo lrinaa pinaitjaca jliaji wa-Minalri, na-Diote njaji Iraelnai, ''Piawa lrinacojle jliaji Awacada Tabor, pideotsa pikitsiñapewa die mil atsianai Neftalí poco inakjoite-perri njite zabulón inakjoité-perri tsakja. \v 7 Ima Nodeecaotsa Sísara, Jabín itsolrodaonai icomandanteni, lriá-carroatsa pikjoete, njite ioketaacacaotsawa ooni Kishon naco, lrideewatsa njaji carretafiape njite njaji lritsolrodaonai aimadan, mitsa nocadacaotsa pjiácarro shamani.''

04/08.txt

@@ -0,0 +1 @@
+\v 8 Njite Barac iaco Dévora irso: ''píno cadaotsa noinai, noawatsawa, mitsa corricadatsa píno noinai, cotsa noá carrocawa.'' \v 9 Niini roaco lrirso, ''ajádalri noacaotsa piinai, mitsa corriotsa pjiá carrocaotsa idee jliaji matsiadalri lrikjaote jliaji wanaitjalriotsa, ima jliaji wa-Minalri lricadaaca Sísara inarro icaapi rico.'' Ikena Dévora jinico iawa Barac iapiya Cades ricojle.

04/10.txt

@@ -0,0 +1 @@
+\v 10 Barac iwana atsianai Zabulón poco inakjoite-perri njite Neftalí inakjoite perri naa-carro pacoacawa Cadaes ricojle. Die mil atsianai iawa lriinai njite Dévora iawa lriinai.

04/11.txt

@@ -0,0 +1 @@
+\v 11 Njite Heber, Quenita-dalri, jlienaca naoya njaji Quenita ricope, icaóiatsa njaji Hobab inakjoite-perri, Moisé iñjawerri; lrinaitja lripanaitawa apana jaico macani icodapi Zaanain rico, tsoomi Cades ioya.

04/12.txt

@@ -0,0 +1 @@
+\v 12 Njite nacaite cádanaco Sísara jimio opica Barac, Abinoam irri iawa Awacada Tabor lricojle, \v 13 Sísara iwaketa pjiomi njaji lricarren tsípalra fiape, noveciento namaimaca padenirri, njite pjiomi njaji tsolrodaonai lrinaiperri, Horoset Goyin nakjoite atee Ooni Cisón nacojle.

04/14.txt

@@ -0,0 +1 @@
+\v 14 Dévora iaco Barac irso: ''¡Warsena piawa! Ima icatsa jliadaaca jliaji wa- Minalri icadaacawa pirso pjiamá-carro Sísara.'' ¿Capja corrica piajíi wa-Minalri catsa jliaji waapiyawalri?'' Ikena Barac iorrocowa Awacada Tabor nakjoite njite die mil atsianai iawa jliapodam.

04/15.txt

@@ -0,0 +1 @@
+\v 15 Wa-Minalri imanalrieta nawaopiakje njaji Sísara itsolrodaonai, cayo tsakja njaji carreta tsipalra fiape nacope, cayo minitsa pjiomi njaji Sísara itsolrodaonai iacape njaipa shotsa. \v 16 Mitsa Barac ipineta njaji carreta tsipalra fiape, njite njaji tsolrodaonai aimadan Haroset Goyin nacojle, njite pjiomi njaji Sísara itsolrodaonai aimadan, Barac iinona matsetasho, corrin caafi pada nanakjoite.

04/17.txt

@@ -0,0 +1 @@
+\v 17 Njite Sísara ipitowa jlipashotsa Jael ipanaita lricojle, Heber, Quinitadalri iino iderse, ima corripiaca maatsi naapiyawaaca Jabin, Hazor italricanaa, Heber, Quinita dalri iipaneta iapiya. \v 18 Jael imotoa rocoadatá-carro Sísara, roaco lrirso: ''Pinoena noderse, pjia icanantacaita njoa, mafiotsa pinoca.'' Ikena lriacawa roderse, jliewa ropanaita lrico, njite roñampani pamaca pájleti sho.

04/19.txt

@@ -0,0 +1 @@
+\v 19 Sísara iaco rorso, ''Pinaitja matsiacari, pia noirrawa ooni, ima meetaca nocaolre.'' Niini romjeco rodejicarroda vaaca inia maaficalri iyam rico roá-carro lrirrawa, njite rodia tsenakja roñampani. \v 20 Njite lriaco rorso: ''Piemaotsa piwapa pipanaita ipananoma lrico. Pada ínocadaa, njite lritatja jlimio aacada pada piinai, picaiteotsa corrica pacapa pada.''

04/21.txt

@@ -0,0 +1 @@
+\v 21 Njite rsoaji Heber iino Jael, rsopa apapo jaico ropanaita nacoda, pada martillo rocaapi rico njite roawa dawacalri ricotsa Sísara ikjaolre, ima Sísara imaaca daimi, ikena roñaca martillo-sho jaicoapo jiwida naco jliewa-carro Sísara jiwida-lrico, jliyapa pemajle, niinitsa mayamini. \v 22 Barac ipineta cadana Sísara, niini Jael imoto icoadatan, roaco lrirso: ''Pino noinai nocañjatá-carro picapa jliaji atsia piajirri pioma.'' Icaamitsa Barac iacawa roinai, njite lricapa Sísara mayam-dalrimitsa lrisho jliaji jaico sheewalri jliwida lrico.

04/23.txt

@@ -0,0 +1 @@
+\v 23 Jliadaa pia Dio shameta Jabin, Canaán italricanaa, nacapatsa njaji iraelnai. \v 24 Ikena kjaida pjaaca njaji Iraelnai Jabin ioya, Canaán italricanaa, atee naa nataitani.

04/title.txt

@@ -0,0 +1 @@
+Capítulo 4

05/01.txt

@@ -0,0 +1 @@
+\c 5 \v 1 Jliadaa pia jalredaoca Dévora njite Barac, Abinoam irri, nacanta pia jliaji canción: \v 2 ''Matsiadalrica pjia wa-Diote ima njaji Iraelnai iapiyawalre nacaite nainoacacaotsawa, njite njaji iraelitanai pomena naaca nainoacawa nainai.

05/03.txt

@@ -0,0 +1 @@
+\v 3 Jimi shaa talricanaatinai, iwapa jimi matsia shaa iwapacape yacaalre. Nocantaca wa Minalri irso; noaca matsiadalri no-Minalri irso, Iraelnai iDiote. \v 4 No-Minalri, oopi pia Pimoto píno Awacada Seir lrikjoite, Pino caojli pia njepaite rikjoite njaji edomitanai. Jliawajli pia canani jliaji jiipai, canani tsakja njaji eenocoma; njite ooni yarrowa iyadaoca yooya.

05/05.txt

@@ -0,0 +1 @@
+\v 5 Cananica njaji jiipana nacapa cádanaco Dio yeecoa; canani tsakja jliaji jiipana Sinaí lricapa cádanaco Dio yeecoa, na Diote njaji Iraelnai. \v 6 Samgar jiawajli pia, Anat irri, Jael jiawajli pia, namaca njaji inipo njeyapacawa pjiomi, njite njaji aimadan yaajicapewa-mana corritsa naaca lri ricoda icaamitsa naacawa inipokjape rico nayofiá-carro lrioya.

05/07.txt

@@ -0,0 +1 @@
+\v 7 Tsopienatsa njaji oowinai Irael rico, njite nocaketsawa, njoa Dévora, njoá-carro iajii nanaco, cayoca njoa narso njaji iraelitanai njadoa sho. \v 8 Njite naniwa cádanaco narsowao pada nadiotewa njaji iraelitanai, ikena niinica oowi yacaalre ipananoma lricotsa, njite corrin lricoaca narso nadanaita njite namolroconiwa njaji coarenta mil iraelitanai.

05/09.txt

@@ -0,0 +1 @@
+\v 9 Catiima nocapaca narso njaji comandantenai Irael lricope, njite njaji icadaaca capewa njawacatsa, wacaite matsia Dio irso nanaco. \v 10 Iwaopia nanaco njaji nocaiterri, pjia iajicadawa borro jaalreni naco, pjia yofacadawa yamacatiita nacotsa, njite pjia iajicadawa pjiipa shotsa inipo lrico.

05/11.txt

@@ -0,0 +1 @@
+\v 11 Jimi coanca nacantaca njetacawa lrico ooni njetanda naoya. Nacaiteca coanca Dio inaitjaca narso matsia, coanca njamaca nacoema njaji kjenaperritsa Iraelnai ikjaote. Njaji Dio inaikite aimadan naorrocoa yacaalre ipananoma lricojle.

05/12.txt

@@ -0,0 +1 @@
+\v 12 ¡Picafiawa, picafiawa, Dévora! ¡Picafiawa, picafiawa, picanta apapeco canción! Pjinicoa Barac, pjipá-carro pirsowao njaji picoema, pjia Abinoam irri. \v 13 Icamina naorrococawa njaji Iraelnai nainoacá-carro nakjoete njaji kjaidaperri; naawa noikjaote njaji aimadan Dio irsoperri nainoacá carro nakjoete njaji atsianai kjaidáérri oowinai.

05/14.txt

@@ -0,0 +1 @@
+\v 14 Náno Efraín lrikjoite njaji iofacapewa Amalec lrico; njaji Benjamín poco naawa shapodam. Naawa Maquir lrikjoite njaji picomandantenaipe, njite Zabulón nakjoite naawa njaji iwapacaperri yacalre.

05/15.txt

@@ -0,0 +1 @@
+\v 15 Njite njaji caconaperri Isacar lricope naawa Dévora iinai, njite nja paana Isacar nakjoitepe naawa tsakja Barac iinai, naawa lriinai jiipai yoyawaaca cawa njite jliaca iajíi nanaco.¡ Ajádalri! Niinica tsolrodaonai kjaidaperri oowi icaona nanakjoite njaji Roben poco corri perritsa ifiowa.

05/16.txt

@@ -0,0 +1 @@
+\v 16 ¿Njite coada corrin iawa ikitsindata faa? Ima iofaa catsa waoya jimí-carrotsa coanca nawanaca na ovejan njaji iwapacapena. Njaji atsianai kjaidaperri Robén poco inakjoitepe corrin naa nakitsindatana, icaamitsa naofacawa naapana lrico njemí-carro icantacape.

05/17.txt

@@ -0,0 +1 @@
+\v 17 ¿Njaji Galaad poco, atsa naofawa Jordán pemajletsa; njite njaji Dan poco, naofawa nawaopiakje inonadalri yaapiyatsa natan icodapitsa? Njaji Aser poco, atsa naofawa ooni yaalrapi ricotsa, njite naofawa tsoomi inipjioda ioya. \v 18 Njaji Zabulón poco, icadaacacapewa corri-perritsa ifiowa atee naino cadantjana, cayo tsakja njaji Neftalí poco, naacadanaco nainoacawa oowi rico.

05/19.txt

@@ -0,0 +1 @@
+\v 19 Naocawa njaji talricanaatinai nainoacá-carro; njaji talricanaatinai Canaán lricope nainoacawa Tanac lrico ooni Meguido icodapi. Mitsa corrin nadee narsowao napalraatani. \v 20 Naorrocowa eeno lrikjoite njaji jiwirsida nainoacá-carro, naapowa lrikjoitetsa eenolrikjoite nainoacawa Sísara ikjoete.

05/21.txt

@@ -0,0 +1 @@
+\v 21 Jliaji Ooni opikaitsa Cisón, oopi lripiyona, jliaji Ooni Cisón. Noaco nocafica irso, warsa pikjaidatacawa piá carro pipeyajle. \v 22 Njite icaamitsa kjemaca njaipacoda njaji caballo ipitocape, njaji caballo kjaidaperri, Sísara iyaape oopi napitowa.

05/23.txt

@@ -0,0 +1 @@
+\v 23 ¡Caaco maatsi Meroz inaikite ikjoete! lriaco jliaji wa-Minalri iangeleni, ima corrica naoma Dio ikitsindatana, Lrikitsindatá carromtjana nainoacá carroa nakjoete njaji oowinai kjaidáperri.

05/24.txt

@@ -0,0 +1 @@
+\v 24 Matsiadarro dekja rsoaji Jael naoya njaji apjetsida inaitjepe, Jael, Heber Querinita dalri iino, icatsa rsoaji maatsiadarro pjaaca naoya njaji apetsida inaitjepe nanakjoite njaji iofaacapewa pantita lrico. \v 25 Jliaji atsia lritatja roinai ooni njite roaca lrirso iniati; rodee lrirso mantequilla parrato lrico, naijácarroapi rico njaji caconaaperri.

05/26.txt

@@ -0,0 +1 @@
+\v 26 Rsopa rocaapi sho jliaji jaicoapo ropanaita lricoda, njite royekema-sho rsopa lri-martillon jliaji idejicaa; lrisho jliaji martillo roñaa Sísara jiwida naco njite romatsiketaca jliwida. Robolrontaca jliwida paitapena roñaa cádanaco jliwida iparrema naco. \v 27 Lria daimini rsoipa icodapi, icatsa jliwaca lriorsoawa niini. Jliwa pokjonwa rsoipa icodapi. Jliwacawa daimi, icatsa mayamica niini jliaji roinonda.

05/28.txt

@@ -0,0 +1 @@
+\v 28 Pemajle ventana ioya rocapa, Sísara jidoa icapa panti idanaita ipecolrico njite rowanaca inonacalri rico, ''¿Coadapa wiacalretsa lrinoca Sísara yaapiya jliaji lriajicarrofia? ¿Coada corrin kjeya lriocawa panti ricojle?

05/29.txt

@@ -0,0 +1 @@
+\v 29 Njite njaji inaitjepe cajikjeperri icaitecape iacoti narso, naaco njeepacano cayotsa rocaite capisho: \v 30 ¿Corricapa naoketa nanaanipem cacoadaperri naacarro narsowaca? ¿Apama, o yaamama inaitjepe nacoanaa narso njaji atsianai, njite Sísara irso njaji yamacati nadatanda matsia, njaji yamacati nadatanda matsia naoconda matsia inomaakja, njite yamapoco yamacati nadatanda matsia naoconda inomaakja narsowajle njaji iñaitocapena napapí-carro nawedalrico?

05/31.txt

@@ -0,0 +1 @@
+\v 31 Niini mayamicaotsa pjiomi njaji picoema, ¡NOMINLRI! Mitsa njaji pikitsindaji cayocana irrirriapji-sho kjaidaperri cádanacoena-na'' Njite jliaji jiipai naofaa namaodaca coarenta walria icoa.

05/title.txt

@@ -0,0 +1 @@
+Capítulo 5

06/01.txt

@@ -0,0 +1 @@
+\c 6 \v 1 Njaji inaiki Irael lricoperri nanaitja maatsi Dio ipeyajle njite lricadaana madianitanai icaapi rico siete walria icoa. \v 2 Kjaidaperrica njaji Madian lricoperri niini namatsiketa aimatsa njaji Iraelnai. Njaji Iraelnai, nafio capoa naiwana njaji madianitanai nanaitja nadawaaca arrodawa jiipana taji naco, pjiomi jalraacawa lrico nini njite coancawajle catsa tsakja.

06/03.txt

@@ -0,0 +1 @@
+\v 3 Njite naapana cádanco mana napania njaji Iraelna, njaji amalecitanai, njaji madianitanai njite njaji inaiki inaiki iofacape jerri imotokemjete namatsica mana naoya njaji iraelitanai. \v 4 Nacadaa natsolrodaonai Iraelnai jipaite rico niiní namatsiketa napania iinaca naoya, cayo minitsa nanaitjaca atee lriocawa Gaza lricojle. Corrin nacadaa naijao njaji Iraelnai, corrin nacadaa naovejaniwa, navacaniwa o naorronwa.

06/05.txt

@@ -0,0 +1 @@
+\v 5 Nanoca icoami njaji madianitanai Iraelnai jipaite lricojle, navacan iapiya njite nadee naplasticon napanaita icaona, nacapa mana nanoca aimasho cayoji tacaapa aimadan iaacape sho, corrinatsa pataita paniweetaca njaji inaiki njite nacamellon tsakja. Njepa narowao jliaji jiipai namatsiketá-carron. \v 6 Madianitanai imjaidata matsiapee njaji Iraelnai, niini nawanaca Dio ikjaolre njaji Iraelnai.

06/07.txt

@@ -0,0 +1 @@
+\v 7 Nawana cádanco Dio ikjaolre njaji Iraelnai madianitanai ikjaote, \v 8 wa-Minalri imeenaca pada inoparrotacada iraelitanai irso: ''Cayo lricaiteca irso jliaji wa-Minalri, naDiote njaji Iraelnai: 'Njota shaa Egipto lrikjoite, njerrapitetacawa lrikjoite pia shaa.

06/09.txt

@@ -0,0 +1 @@
+\v 9 Nomanacota shaa Egiptonai icaapi rikjoite, naoya tsakja njaji jirrapitetacape shaa pekirritsa. Njotana njepaite ioya nocadaa-carro irso njepaitemi. \v 10 Noaco pia irso: ''Icatsa Iminalri Dioca njoa; nonaa piaca shaa wadee iaca matsiadalri nadiote irso njaji amorreonai, njaji iofaji iinai njepaite rico.'' Mitsa corrim jiepa noaco.''''

06/11.txt

@@ -0,0 +1 @@
+\v 11 Jliapodamjite lrino lriofawa jaico macani iapjite Ofra lrico jliaji wa Minalri iangeleni. Jliaji jaico, Joás, Abiezer lricoda lriyada piacani, njite cadana Gedeón, Joás irri, lriñaaca trigo jiipai nacojle lricakjaa carrona, anjí napitsioca cawa lrico jaico tjeda nanaitjashopa vino, lridawá carrona naoya njaji madianitanai. \v 12 Niini wa-Minalri iangeleni imoto lrikjaolre, lriaco lrirso: ''¡Pinai catsa wa-Minalri, pjia oowi kjaidete.''

06/13.txt

@@ -0,0 +1 @@
+\v 13 Niini Gedeón iaco lrirso: ''Pjia, no-Minalri; wainai cadaa wa-Minalri, ¿Coada tsakja cayo faaji? ¿Kjrrena njaji pjiida inaitjacape manaitja canaaperri, nacaiteji nama femio njaji fanirrinaipemi? Nacaite cádanaco cayoji: 'Wa-Minalri jita pia faa Egipto lrikjoite.' Mitsa panaya oopi Lrimaca faa njite Lricadaaca faa madianitanai icaapi rico.''

06/14.txt

@@ -0,0 +1 @@
+\v 14 Wa-Minalri icapa lrirso njite lriaco lrirso: ''Warsena piawa lrisho jliaji jiidati pirsorina. Pinacota Iraelnai naoya njaji madianitanai. Njoa imeenaca pjia.'' \v 15 Njite Gedeón iaco lrirso: ''¿Coajetja No Minalri notaita noyomjetaca njaji Iraelnai? Picapa, njaji nopaneeta nanakjoite njaji Manasenai ikatsa njaji mjaidaperri pjaaca naoya, njite midalrim catsa njoa njonirri ikitsiñape nakjoite.''

06/16.txt

@@ -0,0 +1 @@
+\v 16 Njite wa-Minalri iaco Gedeón irso: ''Njoa tsaotsa piinai, njite pjiametacaotsa njaji tsolrodaonai aimadan Madian lricope cayoji pada capishotsa tsolrodao.'' \v 17 Gedeón iaco lrirso: ''Matsia cadatsa pjimica norso no-Minalri, picadaa peda noajii-carro pjiaca jliaji caalri norso. \v 18 Pinaitja matsiacalri, maatsaotsa ajaiteji, atee kjerreca nodia noocawa piderse njite nodeecaotsa noinai paana inaaniti macoadaperritsa nocadaa-carro pirsona.'' Niini wa-Minalri iaco lrirso, lriwapacaotsani atee kjerreca lridia lriocawa liderse.

06/19.txt

@@ -0,0 +1 @@
+\v 19 Njite Gedeón iawa lrimatsietá-carro lrijao apana cabra ienipe, njite apana tambor ioya irsocada vetido kilo icoa harina, lrinaitja peetje meewidalritsa. Lricadaa lriipe walrayaita lric, lricadaa lriana palangana lrico njite lrideena wa-Minalri irso lriwapalri niini jaico macani iapjite. \v 20 Njite wa-Minalri iangeleni iaco lrirso: ''Pjipa nja ipeti, njite jliaji peete mewitetsa picadaa carrona lrinaco jliaji jiipada macani, njite piarroatsa lrianaa nanaco.'' Njite Gedeón inaitja cayo.

06/21.txt

@@ -0,0 +1 @@
+\v 21 Niini jliaji wa-Minalri Iangeleni imawatacana jaicoapo jiwidana sho jlipanda lricaapi rico. Lrisho jliaji jaicoapo linota njaji ipeti njite jliaji peete meewitetsa; ikena tiyee imotocawa jiipada lrikjoite lrimjaitá-carro njai ipeti njite jliaji peete meewitetsa. Icaamitsa wa-Minalri Iangele iawa Gedeón ioya njite corrinatsa lripieta lricapacani.

06/22.txt

@@ -0,0 +1 @@
+\v 22 Niini Gedeón iajíi wa Minalri Iangele-cani. Njite Gedeó icaite, \v 23 ''¡Pjia No-Minalri! ¡Nocapjen dekja jliaji wa-Minalri Iangeleni notjisho catsa!'' Niini wa-Minalri iaco lrirso: ''¡Pimaodacatsao! Mafiotsawa, corriotsa mayam carroca pjia.'' \v 24 Gedeón inaitja apana altar wa Minalri irso niini. Lricadaa lriipitanawa niini, ''Imaodaca kjetica jliaji wa-Minalri.'' Panashete toa niini catoa jliaji altar Ofra lrico, icatsa naofacawa njaji Abiezer ikitsiñape.

06/25.txt

@@ -0,0 +1 @@
+\v 25 Jliadaa deepica Dio icaite lrirso: ''Pjipa pjinirri itoron, njite jliaji yaamanashopa toro irsocada siete walria, njite pipeecoatsa jliwao jliaji Baal ialtarni pjinirri irsolri, njite piyoawatsa jliwao jliaji jaico iemalri lricodapi naacarrona matsiadalri rorso rsoaji nadiote Asera. \v 26 Pinaitjaotsa apana altar pi-Minalri Dio irso lri-ricodatsa jliaji nadawaaca-carroda lrico, pinaitjaotsa matsiani. Njite jliaji yaamanashopa vaaca atsiana pjipa pimjaitani matsia ofrenda sho nashotsa njaji jaico piyoaji Aasera iyapepem.''

06/27.txt

@@ -0,0 +1 @@
+\v 27 Niini Gedeón idee die lrirsoperri njite lrinaitjatsa cayoji wa-Minalri inaa capishoni. Mitsa lrifio capoa naiwana njaji lrikitsiñape jlinirri iipaneta, njite naoya njaji inaiki lriyacalre ricope corrin lrideji jaalrewerrico, mitsa lrideji deepi rico.

06/28.txt

@@ -0,0 +1 @@
+\v 28 Piyompinacojlena nacafia cádanaco njajii inaiki yacaalre ricope, nacapa jiwacadamitsa Baal ialtarni, njite acapa naocanamitsa jliaji jaico Asera iyarrona yemalri pia lricodapitsa, njite nacapa jliaji vaaca atsiana yaamana shopa namjaitanda lrinaco jliaji altar nanaitjanda. \v 29 Niini njaji inaiki yacaalre ricope naaco narsowaaca: ''¿Cocapa jliaji inaitjalri cayoji?'' caaco cayami naapiyawaacana najíi-carro kjaiterrica jliaji inaitjalri cayo, naaco. ''Gedeón, Joás irri jliaji inaitjalri cayo.''

06/30.txt

@@ -0,0 +1 @@
+\v 30 Njite njaji inaiki yacaalre ricope naaco Joás irso: ''Pimotoita pienipe wainí carroni, ima lripeecoca jliwao jliaji Baal ialtarni, lrioca tsakja Asera jiecolre yemalriwa lricodapitsa.''

06/31.txt

@@ -0,0 +1 @@
+\v 31 Mitsa Joás iaco narso njaji yaalri lrikjoete: ''¿Capja inoacacaotsa Baal ikjaote? ¿Capja shaa caotsa iyomjetani? Coca cadaa iawa Baal iinai, mayamicaotsana lripjetoatsa jaalrecani. Ajádalri cadaa Dioca jliaji Baal, icadaa jliwaca carrotsa idanataacawa ima pada ipeeco lri altarni jiwao.'' \v 32 Niini jliadaa pia nacadaa Gedeón iipitanao ''Jerobaal,'' ima lriaco cayoji: Gedeón ipeeco capoa Baal ialtarni, icadaa Baal carrotsa inoacawa Gedeón ikjoete.

06/33.txt

@@ -0,0 +1 @@
+\v 33 Niini pjiomi njaji madianitanai, amalecitanai, njite njaji inaiki iofacapewa jeerri imotokemjetewa nayoeta jliaji ooni Jordán njite naatoa naofawa jiipai ioyawaaca cawa Jezreel-dalri.

06/34.txt

@@ -0,0 +1 @@
+\v 34 Mitsa Dio Icaolrini iorroco Gedeón naco. Gedeón ipjia trompeta lriwaná-carro njaji Abiezar iipaneta naacarro lriinai. \v 35 Lrimeenaca atsianai nacaitecarro njaji Manasenai pjiomi naacarro tsakja lriinai, njite naaca lriinai. Lrimeenaca tsakja yaacoti Aser poco irso, Zabolón poco irso, njite Neftaló poco irso tsakja naacarro lriinai, niini nacawa lrikjoete naacarro lriinai.

06/36.txt

@@ -0,0 +1 @@
+\v 36 Njite Gedeón yaaco Dio irso cayoji: ''Piomacadaa pimanacotaca njaji Iraelnai nonakjoite, cayoji picaite capisho njoa, \v 37 niini norsoeta caotsa oveja iyami irsocada aima lriiyo jiipai rico. Niini piyompinacojle nocapa cadaa potsiaca jliaji oveja iiyo tsa, njite corrin potsiaca jiipai, nini noajiwatsa piomaca njoa nomanacotá-arro njaji Iraelnai cayoji picaite capisho njoa.''

06/38.txt

@@ -0,0 +1 @@
+\v 38 Njite cayotsa jliyapacawa lricaite capishotsa. Tjewaijle piyompinacotoa Gedeón icafiawa, niini jlipa lripitsioca jliaji oveja iyam keyomaki, niini deepi itiñajleca imotaca lrioya wadeepe lripakjantaca paapi palangana.

06/39.txt

@@ -0,0 +1 @@
+\v 39 Njite Gedeón iaco Dio irso tsenakja: ''Merroa tsenaotsa pjia nokjoete, ima caacoca tsenakja njoa pirso. Picadaa nocapa carro papienatsa oveja iyam sho tsenakja noajíi-carro matsia. Mitsa panaya corriotsa potsiá carroca tiñajli sho deepi rico jliaji oveja iyam keeyomaki, mitsa potsiacaotsa dekja pjomi jiipai lriwaida naco. \v 40 Dio inaitja lrirso jlia deepicani cayoji lritatjá capisho Lriinai. Corrin potsiaca jliaji oveja iyam keeyomaki, mitsa potsiaca jliaji jiipai lriwaida nacó.

06/title.txt

@@ -0,0 +1 @@
+Capitulo 6

07/01.txt

@@ -0,0 +1 @@
+\c 7 \v 1 Njite Jerobaa, jliaminitsa Gedeón icafiawa deepitoa, nacafia tsakjawa njaji inaiki lriinaiperri, njite naatoa naofawa onipaokja jiwidapa icodapi Harod-dalri. Njite cadana njaji madianitanai, naofatoawa napanaitape rico atsiajliemajle lrirso jliaji jiipai yoyawaca rico tsoomi awacada More ioya.