Wed Mar 27 2024 13:17:38 GMT-0600 (hora estándar central)

18/15.txt

@@ -0,0 +1 @@
+\v 15 Niini natsomita jliaji panti lriofalri niinio jliaji yempetitoa Levita, Micaía iipana lrico, njite natatjani. \v 16 Njite njaji seiciento atsianai Dan lricope irsocape nainoaca shopawa oowi rico, atsa neemawa pantinomajle.

18/17.txt

@@ -0,0 +1 @@
+\v 17 Njite njaji cinco atsianai yaacapem pia icapa naicao jliaji jiipai naa njépa jliaji njenapjiami nayoanda matsia, jliaji tsaayana, nadiote panti-ricopetsa, njite jliaji njenapjiami nanaitjanda tsipalra sho, aacadanatoa lriemawa jliaji sacerdote nacodapi njaji tsolrodaonai seicientodee irsocape nainoaca shopawa oowi-ricó pantinomajle. \v 18 Njite njeewa cadanacoa njaji Micaía iipana lricojle, njépa jliaji njenapjiami nayoanda matsia, jliaji tsaayana, nadiote panti-ricopetsa, njite jliaji njenapjiami nanaitjanda tsipalra sho, niini lriaco narso jliaji sacerdote, ''¿Coada inaitja cayoji?''

18/19.txt

@@ -0,0 +1 @@
+\v 19 Njite naaco lrirso, ''Maacotsa pjia, piita pinoma picaapisho, pino wainai pjia carroatsa icaite faa njite wa-sacerdoten-carro pjia warso. Matsia pjatoa sacerdoteca pjia papoco inaiki irso, Irael inakjoite perri irso, lrioya jliaji sacerdoca pjia pada atsia irsotsa lriipana lrico.'' \v 20 Icaamitsa catiimaca lricaolre jliaji sacerdote. Njite jlipa lridee njaji njenapjiami nayoanda matsia, jliaji tsaayana, nadiote panti-ricopetsa, njite jliaji njenapjiami nanaitjanda tsipalra sho njite lriawa nainai.

18/21.txt

@@ -0,0 +1 @@
+\v 21 Icaamitsa nacaboco naacarro. Nacadaa njaji yempetpe naacarro napjeya, coshoca nja nawacani njite pjiomi narsompe tsakja. \v 22 Njite teeco cádanacoena nawa Micaía iipana yooya, Micaía iwaketa njaji atsianai tsoomi perri lripana yooya, njite naa njepa njaji danitanai. \v 23 Nawana naikjaolre njaji danitanai, njite nacaboco nacapa naikjaolre, nacapa Micaía irso, njite naaco lrirso, ''¿Coada piwana waikjaolre?''

18/24.txt

@@ -0,0 +1 @@
+\v 24 Njite Micaía iaco narso: ''¡Ideeca njaji nodiotenai nonaitjaji, njite idee tsakja nosacerdoteni, njite corrinatsa coca pimaca norso, njite itatja mintoa coanca njoa!'' \v 25 Mitsa njaji danitanai naaco lrirso: ''Corrin pitaita caacoca pjia warso cayorra, wadetsantja pikerroataca pada wanakjoite, njitenantja lriino pjia njite njaji piipaneta.'' \v 26 Icaamitsa njaji danitanai naaca lrioya mayacan. Njite Micaía icapa capoa aimadan pjaaca lrioyana icaamitsa lridiaca naoya lriipana lricojle.

18/27.txt

@@ -0,0 +1 @@
+\v 27 Njaji Dan poco njepa njaji Micaía naitjji, njite jliaji lri-sacerdotenim tsakja, icaamina naocacawa Lais lricojle, naikjaolre njaji inaiki imaodacacapetsa yofaacawa, njite naoca nainona, namjaita jliaji yacaalre. \v 28 Corrin coca iyomjetana ima teecocana naoya njaji Sidón lricoperri, njite corrin tsakja narso pjaaca paana yajicape lrinaco jliaji jiipai. Jliaji jiipai paoketani jiipai yooyawaca tsoomi Bet Rejob ioya. Icatsa Dan poco inaitjaca nayacalreo naofaa-carro niinio. \v 29 Nacada lriipitanawa jliaji yacaalre, Dan; cayotsa naferrimi iipitanasho, pada nanakjoite njaji Irael yeenipenai. Mitsa Lais piatoa lriipitana jliaji yacaalre.

18/30.txt

@@ -0,0 +1 @@
+\v 30 Njaji inaiki aimadan Dan poco njepa narsowao jliaji idolo Micaía inaijanda, lriyoanda matsia. Njite Jonatán, Gersón irri, Moisé irri naapiya njaji lrienipe, icapiatsa sacerdotenaica narso njaji Dan poco atee kjerreca njepa pia pjiomina oowi ricó. \v 31 Niini naaca matsiadalri lrirso jliaji idolo Micaía inaitjanda, iyoanda matsia, njite cadana Silo rico lriemao jliaji DIo iipana.

19/01.txt

@@ -0,0 +1 @@
+\c 19 \v 1 Jliawajlia, corricaojli piatoa narso natalricanaawa njaji Iraelnai, niini pia pada atsia, pada Levi, lriofaa piatoa awacadacaawa nayada njaji Efraín poco. Jlita lriinoa yaamamashopa, apama inarro Belén darro Judá lricoda. \v 2 Mitsa rsoaji lriino yaamamashopa rorso ronapjerri roinirri ioya; romaca roinirri njite rodiawa lrioya rsonirri iipana lricojle Belén-rse Judá lrico. Roofa niini coatro-pi keerri.

19/03.txt

@@ -0,0 +1 @@
+\v 3 Njite roinirri yaawa rsoapodam lricaité-carro rorso rodiá-carro lriinai tsenakja. Lridee lrinaiwa pada lrirsodalri njite yaamada borro. Rsoaji iinarro rocoadatani njite rocada jliewao rsonirri iipana lricojle. Njite rsonirri rsoaji iinarro lricapa cádanaconi, catiimani pekirritsa. \v 4 Jliñjawerri, rsonirri rsoaji iinarro, lricaite lrirso lriofaa carrotoa lriinai lriipana lrico madalridaa jalredaoca. Naija, nairra nainai, njite nemaatoa nainai niini.

19/05.txt

@@ -0,0 +1 @@
+\v 5 Njite coatro jalredaoca naco nacafiawa piyompinacotoa njite namatsietacawa naacarroena, mitsa lriñawerri iaco lritsimarre irso, ''Iñja pjatoa wainai kjaida-carro shaa, njitenaotsa itaita yaacawa.'' \v 6 Niini njaji naofacawa yamadapewa naiñja-carro nairrá-carro tsakja. Njite lriñjawerri iaco lritsimarre irso, ''Piofaa pjatoa pimaa wainai, imaa carrotoa matsia.''

19/07.txt

@@ -0,0 +1 @@
+\v 7 Lricafia cadanacoenawa jliaji Levita lria carroenawa, lriñjawerri icaite lrirso lriofaa carro pjatoa, niini tecojle nakja lriwaopiakje jliaji lritsimarre niini lriofaa catoa nainai tsenakja. \v 8 Cinco jalredaoca naco, jliaji Levita icafiawa piyompinacotoa lria carroenawa, mitsa lriñawerri iaco lrirso, ''Piñjatoa wainai kjaida-carro pjia, njite dainojle naotsa piawa.'' Icaamitsa naiñjaca yamadape tsenakja.

19/09.txt

@@ -0,0 +1 @@
+\v 9 Levita icafia cadanaco, lriino tsakja njite jliaji lrirsodalri naacarroenawa, lriñjawerri iaco lrirso, ''Picapa, dainomakena iicao. Yofaatoa imaa carrotoa padeenatsa deepi, imaa carrotoa matsia. Tjewenaotsa icafiawa piyompinacotoa idia carroenawa iipana lricojle.''

19/10.txt

@@ -0,0 +1 @@
+\v 10 Mitsa jliaji Levita corrinatsa lrioma lriofaaca lrimaa niini, icaamitsa naacawa. Lriawa Jebús lricojle (Jerosalén panaya). Lrirso njaji lriborron yaamanade irsocape naofacarrona nanaco, njite rsoatsa lriinai rsoaji yaamamashopa lriino. \v 11 Njite tsoomi cadanacoena Jebus ioya, njite dainoma kena naicao, lrirsodalri iaco lrirso, ''Warsa waawa nayacalre ricojle njaji jebuseonai wemaa carro niini''

19/12.txt

@@ -0,0 +1 @@
+\v 12 Niini lriminalri yaaco lrirsodalri irso, ''Cotsa waa carroca nayacalre ricojle njaji apanatsa inaiki corriperritsa Iraelnaica. Warsa waawa mayacan Guibeá lricojle.'' \v 13 Njite jliaji Levita yaaco lrirso jliaji lrirsodalri yeepetitoa, ''Warsena waawa wemaacarro Guibeá rico o Ramá lrico.''

19/14.txt

@@ -0,0 +1 @@
+\v 14 Ikena naacawa, mitsa deepiketsa naicao nacayao toa Gabaa lricojle, njepaite njaji Benjamín poco. \v 15 Naocawa Gabaa lrico nemaacarro niini. Naoca naofaawa Gabaa iyacalrecoa lrico, mitsa corrin pada yaa icoadatana nainai-carrontjana nemaacarro naapana lrico. 1

19/16.txt

@@ -0,0 +1 @@
+\v 16 Mitsa pada atsia pekirrina lridiacawa lridejicalre ioya dainomenatsa. Iofacada pia jiipana taji naco awacada cawa lrico njepaite rico njaji Efraín poco, lriofaa piatoa Guibeá lrico. Mitsa Benjamín poco inakjoité perrica njaji yoofalri niinio. \v 17 Niini jliaji pekirri jlirreta lricapa jliaji yaacadawa lriofacawa yacalrecoa lrico. Njite pekirri iaco lrirso, ''¿Kjaite ínoji? ¿Kjerre yaawa?

19/18.txt

@@ -0,0 +1 @@
+\v 18 Njite Levita yaaco lrirso, ''Wadiacawa Belén lrikjoite Judá lricoda, pikeetemrse cawajle awacadacawa lrico njepaite rico njaji Efraín poco, icatsa noaca nirse. Noa piawa Belén lricojle Judá lricoda, njite panaya noacawa Dio iipana lricojle, mitsa corrin pada icoadata njoa njoewá-carro lriipana lrico. \v 19 Warsoentsa naiñjao njaji waborron, njite warso tsakja waiñjaope. Cotsa coca canacai warso.''

19/20.txt

@@ -0,0 +1 @@
+\v 20 Ikena lritatjacana jliaji pekirri, ''¡Imaodaca catsawa! Njoawatsa icoadata shaa, wadee yofaacawa imaa ajíi yacalrecoa lricotsa.'' \v 21 Ikena lrideeca jliaji Levita lriipana lricojle njite lriá naiñjawa njaji lriborron. Nacotso njaipa lrico naiñjá-carro njite nairrá-carro tsakja.

19/22.txt

@@ -0,0 +1 @@
+\v 22 Nacatimataaca cadanatoa pjiomina, paana atsianai macadawanaitsa lri-ricodape yacaalreca, nadaanata pekirri iipana njite nañaaca pantinoma, naaco lrirso jliaji pekirri, ''Pimotoita pemajle jliaji atsia shewalri piipana lrico, wadakitaaca-carrro lriapiya.'' \v 23 Njite jliaji pekirri, panti iminalri imoto naikjaolre pemajle, lriaco narso: ''Corrina nokitsiñape, ¡Manaitjatsa warsowao jliaji imatsicanaati maatsidalri calretsa! Ima jliaji atsia imaacadaca catoa noopana lrico.

19/24.txt

@@ -0,0 +1 @@
+\v 24 Norso aapama noito mjeyapa cadarrotoa atsia iinai, atsakja aapama lriino jliaji atsia. Naapiya dekja itaita inaitjaca coancatsa yoomaca, Mitsa manaitjatsa jliaji imatsicanaati maatsidalri calretsa lriapiya jliaji atsia.'' \v 25 Niini jliaji Levita jipa jiidati rico rsoaji aapama lriino njite lripiajletano naikjaolre. Ikena njepajica rsoaji iinarro maatsicalri rico depjite, njite namacano jaalrekenani. \v 26 Jaalre cadanacoena rono rsoaji iinarro mitsa atsa rsowawa lripananoma lrico jliaji pekirri, lrimaalri niini jliaji roinaidalri, icatsa rorsowacawa niini akjerreca jaalreca roicao matsia.

19/27.txt

@@ -0,0 +1 @@
+\v 27 Jliada naco jlimoto jliaji Levita pantinomajle lria-carro pjawa. Njite lricapa niinimcatsa rorsoawa rsoaji aapama lriino pantinomajletsa. \v 28 Niini jliaji Levita iaco rorso, ''Pjinicoenao waa-carro.'' Mitsa corrin rsoepani. Jlirretano lriborron nacó, njite lrimatsietaacawa lriá carroenawa lriipana lricojle.

19/29.txt

@@ -0,0 +1 @@
+\v 29 Lrioca cádanacoena lriipana lricojle, jlipa paita malriye lricadowaa carrono doce-wajle, njite lrimeenaca naawa njaji rsopadapem piomi naofacawa lrico njaji Iraelitanai. \v 30 Njite njaji icapacape jliaji lrinaitjalri, naaco: ''Namota cayami Egipto lrikjoite njaji Iraelnai, corripiatoa paca caidalriji, atee panashete. Iwaopia lrinaco, njite icaite coanca wanaitjaca.''

19/title.txt

@@ -0,0 +1 @@
+Capitulo 19

20/01.txt

@@ -0,0 +1 @@
+\c 20 \v 1 Niini njaji Iraelitanai nawacaacawa pjiomiwa pada capishotsa atsia, Dan nakjoite Beerseba nacojle, coshoca njaji yofacapewa Galaad lrico, nawacaacawa Wa Minalri ipeyajle Mizpa lrico. \v 2 Naapiyawalre njaji Iraelnai, njite naapiyawajle njaji Iraelnai iipaneta nacoamitsa, nawacaacawa Dio ipeyajle njaji lrinaikite, Coatrociento mil atsianai yeemawa, nawapaketsa namatsetan nainoacá carro.

20/03.txt

@@ -0,0 +1 @@
+\v 3 Njite njaji Benjamí poco njemi nanaco njaji nakitsiñape Iraelnai nawacaacacao Mizpa lrico. Njite njaji inaiki aimadan Iraelnai naaco: ''Picaite femi lrinaco jliaji maatsídalritsa jiyapalrio.'' \v 4 Niini jliaji Levita, roinirrim rsoaji iinarro yaaco narso, ''Noocawa Guibeá lricojle, njepaite rico njaji Benjamín poco, njoa, njite rsoaji yaamamashopa noino, wemaa carrotoa niini.''

20/05.txt

@@ -0,0 +1 @@
+\v 5 Njite deepi ricojlena, njaji Guibeá yaapiyawanai naoca nainó-carro njoa. Nadaanata jliaji panti nainó carrotja njoa. Nadee nooya jiidati rico rsoaji noinaidarro, njite oopi myamino. \v 6 Njite njopa nocadowá rodakim rsoaji noinaidarrom, njite nomeenaca njaji rsopadapem pjiomi naofacawa lrico njaji Iraelnai, ima nanaitjaca pada maatsidalri caretsa Irael lrico. \v 7 Pnaya shaa Iraelnai, icaitena panaya coanca icaiteca lrinaco.''

20/08.txt

@@ -0,0 +1 @@
+\v 8 Njite pjiomi njaji inaiki aimadan njenico nacaite pada capishotsa inaiki, naaco: ''Corriotsa pada wanakjoite idiacaotsa wapanaita lricojle, corriotsa pada idiacaotsa lriipana lricojle. \v 9 Njite cayoatsa wanaitjaca narso njaji Guibeá lricope: Waawatsa nakjoete coajicadaa lricañjataca wacapa jliaji wawiaca shopa.

20/10.txt

@@ -0,0 +1 @@
+\v 10 Waniwa caotsa die atsianai cien atsianai nakjoite nacoamitsa njaji Irael poco pjiomi, njite waniwacaotsa cien atsianai mil atsianai nakjoite, njite mil atsianai die mil atsianai nakjoite, nadee-carro naijao njaji inaiki aimadan, niini naacadanacoenaotsa Guibeá lricojle Benjamín lricoda, njerrapiteetá-carro njaji inaiki inaitjalri maatsi Irael lrico.'' \v 11 Niini pjiomi njaji oowinai Irael lricope nawacaacawa pada capishotsa atsia, lrikjoete jliaji yacaalre.

20/12.txt

@@ -0,0 +1 @@
+\v 12 Njaji Iraelnai nameenaca nanaikite naikjaolre pjiomi njaji Benjamín poco, naaco narso: ''¿Coandalrio jliaji imatsicanaati nanaitjalri njaji inakjoité-perri? \v 13 Panaya icadaa warso njaji atsianai maatsiperritsa Guibeá lricope wainí carrona, niiniotsa fetaca pjiomi jliaji imatsicanaati naoya njaji Iraelnai.'' Mitsa njaji Benjamín poconai corrin njemica narso njaji nakitsiñape iraelnai. \v 14 Njite njaji aimadan Benjamín poco naawa padenirri nayacalre Guibeá lrikjoite nainoacá-carro nakjoete njaji aimadan Iraelnai.

20/15.txt

@@ -0,0 +1 @@
+\v 15 Njaji Benjamín poco nawaketa pia jliawajli ventisiete mil atsianai nacanantaji nainoacá-carro matseetasho. Njite niini pja seteciento atsianai naniwaji Gubeá lricoperri. \v 16 Nanakjoite njaji atsianai niini pia seteciento tsolrodaonai naniwanaji caatoperri. Pjiomi njaji fiití-perri iocaca jiipada sho, corrin namatada.

20/17.txt

@@ -0,0 +1 @@
+\v 17 Njawacatsa njaji Iraelnai, naoya njaji Benjamín poconai, coatrociento mil atsianai padenirri, nacanantaji inoacacawa matseetasho. Inoacacapewa oowi rico padeenirrina. \v 18 Ikeena naacawa njaji Iraelnai Betel lricojle, njite natatja njemio yaacoti naicao Dio iinai, naaco: ''Coandalriotsa wanakjoite iinitaotsa inoacawa nakjoete njaji Bemjamín poco?'' Njite Dio sheepana: ''Judá poco watsa njaji iinitalriotsa inoacawa nakjoete.''

20/19.txt

@@ -0,0 +1 @@
+\v 19 Ikena naacawa njaji Iraelnai piyompinacojletoa, njite naatoa naofawa tsoomi Guibeá ioya. \v 20 Ikena naacawa njaji Iraelnai nainoacá-carro Benjamín poco ikjoete. Naa nawapana, neema nawapana nacoadatá-carrona oowi-rico Guibeá lrico. \v 21 Namotoa njaji Benjamín poco njite naino venti do mil tsolrodaonai Iraelitanai jliadaa.

20/22.txt

@@ -0,0 +1 @@
+\v 22 Mitsa njaji Iraelitanai nakjaidataacawa nakjoetewaaca, niini neemacawa pkjaawa nakjoete neemacarromtsa nainita cadaa nainoacacawa. \v 23 Mitsa njaji Iraelnai neema naiya Dio ipeyajle dainoma nacojle. Naoma coanca Dio icaiteca narso, naaco: ''¿Capja wainoaca catsawa nakjoete njaji wakitsiñape Benjamín poco?'' Njite Dio icaite narso: ''Inoakena nakjoete.''

20/24.txt

@@ -0,0 +1 @@
+\v 24 Njite njaji Iraelnai naawa nakjoete njaji tsolrodaonai Benjamín poco iyaarrope yamadaa naco jalredaoca. \v 25 Yamadaa naco, njaji Benjamín poco nanao nakjoete Guibeá lrikjoite njite naino dieciocho mil atsianai iraelitanai. Pjiomi nacantaji piana nainoacá-carro matseetasho.

20/26.txt

@@ -0,0 +1 @@
+\v 26 Pjiomi njaji tsolrodaonai iraelitanai njite pjiomi njaji inaiki naawa Betel lricojle naiya-carro nirse, icatsa naofacawa niini Dio ipyajle, maijacaca niinina madalridaa jalredaoca atee dainoma naicao. Namjaita Lrirso ofrenda njite naa tsakja ofrenda imaodacakjeti naco Dio irso.

20/27.txt

@@ -0,0 +1 @@
+\v 27 Njaji Iraelnai natatja njemio naicao tsenakja Dio iinai, ima jliaji Dio iarcani, lriacoam iarroda Belén ricocani jliawajli, \v 28 Njite Finees, Eleazar irri, Aarón irri icatsa nasacerdotecani jliawajli, naaco Di irso, ''¿Capja warso catsenakja waaca wainoacawa nakjoete njaji wakitsiñape aimadan Benjamínai, o corritsa?'' Njite Dio sheepana, lriaco narso: ''Yeena inoacawa, ima tjewaotsa nokitsindata shaa shaamá carroatsana.''

20/29.txt

@@ -0,0 +1 @@
+\v 29 Njitedalri njaji Iraelnai namatsieta njaji tsolrodaonai nadawaaca-carro nawapa Guibeá iwaida nacó. \v 30 Ikena nainocacawa njaji Iraelnai nakjoete njaji Benjamín poco madalridaa nacojle tsenakja. Neema pakjaawa nacoadatá-carro njaji Guibeá lricope nainoacá-carro nakjoete cayotsa neemacaji manatsa napeyajle mana.

20/31.txt

@@ -0,0 +1 @@
+\v 31 Nano njaji aimadan Benjamín poco nainoacá-carro nakjoete njaji Iraelnai, njite njaji Iraelnai naawa napeyajle yacaalre ioya. Ikena nainita nainoacacawa oowi ricó njite nainopadapena iraelitanai. Naino trenta Iraelitanai nainoacalri niini njite inipolrico tsakja. Pakja inipo iawa Betel lricojle, njite pakja iawa Guibeá lricojle.

20/32.txt

@@ -0,0 +1 @@
+\v 32 Njite naaco njaji aimadan Benjamín poco: ''Corriketsa nataita wakjoete niini napitoca waoya, cayotsa napitocajitsa waoya.'' Mitsa naaco njaji oowi Iraelita: ''Warsaotsa feeco naoya nanocarroatsa faapodam teeco lrioya jliaji yacaalre naikjaolre njaji inipo.'' \v 33 Pjiomi njaji aimadan Iraelnai nacarsawa neemacawa ioya neema-carro pakjaawa nacoadatá-carrona Baal Tamar lrico. Njite njaji tsolrodaonai Iraelita idawaacacapepiawa napianjenico neemawa Maareh Geba.

20/34.txt

@@ -0,0 +1 @@
+\v 34 Nano Guibeá lrikjoite die mil atsianai naniwanaji nanakjoite njaji Iraelnai, maatsinaa nainoacacawa jliadaa, njite njaji Benjamín poco corrin naajíi iñaakjeti itsoomitacana. \v 35 Wa-Minalri shaama njaji Benjamín poconai Irael ipeyajle. Jliadaa pia, njaji Iraelnai naino venti cinco mil cien atsianai Benjaminai. Pjiomi njaji mayamirri nacanantaji nainoacá-carro matseetasho.

20/36.txt

@@ -0,0 +1 @@
+\v 36 Nacapa cádanaco corriketsa nataita Irael ikjoete njaji Benjamín poco, ikeena naacawa njapodamrsewa, njite njaji Iraelnai nacadaacatsa naawa ima naajíi niinica paana idawaacacapewa nacadaaji napia Guibeá iwaida naco. \v 37 Njite njaji idawaacacapeo njenicoa njite kjeeyacalrim njeewawa yacaalre Guibeá lrico; njite naino matseeta sho pjiomi njaji yofacapea lri-ricoda yacaalreca. \v 38 Njite naaco narsowaaca njaji tsolrodaonai Iraelna naapiya njaji nakitsiñape idawaacacapewa nacapacaotsa iitacati imotocaotsa yacaalre rikjoite.

20/39.txt

@@ -0,0 +1 @@
+\v 39 Nacapa cadanaco jliaji iitacati nawacanda njaji tsolrodaonai Iraelnai, njaji nakitsiñape tsolrodaonai yaami nainoacacawa. Njite njaji Benjamín poco kjaida nainoacacawa nakjoete njaji Iraelnai, naaco njaji Benjamín poco: ''Faatsaotsa shaamana cayotsa faama capisho manana.''

20/40.txt

@@ -0,0 +1 @@
+\v 40 Mitsa iitacati imoto cádanaco yacaalre ioya, nacaboco nacapa njapodamrsewa njaji Benjamín poco, njite nacapa iitacati imotocawa yacaalre rikjoite. \v 41 Ikena njaji Iraelnai naaca naikjaolre tsenakja. Njaji atsianai Benjamín poco nafiowa pekirritsa, ima nacapaca coanca maatsirri ínoca naikjaolre.

20/42.txt

@@ -0,0 +1 @@
+\v 42 Niini njecoca napitó-carro naoya njaji Iraelnai, macada naacawa nerricoda njaji inipo yaacapewa jalrapocolri ricojle. Namoto pemajlewa njaji tsolrodaonai iraelitanai, njitetsa naino pjiomina. 43Nadaanata

20/43.txt

@@ -0,0 +1 @@
+\v 43 Nadaanata njaji Benjamín poco naacarro naikjaolre. Nadaanatana Noha lrico njite nainona inipolrico yaacadawa jeerri imotokema lrikjoite Guibeá irso. \v 44 Dieciocho mil atsianai njaji mayamirri nanakjoite njaji Benjamín poco, kjaidaperripia inoacacawa oowi rico.

20/45.txt

@@ -0,0 +1 @@
+\v 45 Nadia napitowa jalrapocolri ikjaolre lrinaco jliaji jiipada Rimón lricoda. Njaji Iraelitanai naino cinco mil atsianai nanakjoite nacaayao inipolrico. Napineta pjaana inipolrico Gidón lricojle, naino niini Do mil atsianai tsenakja. \v 46 Naino venticinco mil atsianai Benjamín poco nakjoitepe jliadaa, yajiccaperri pia inoacawa oowi rico.

20/47.txt

@@ -0,0 +1 @@
+\v 47 Mitsa seiciento atsianai nadiá napitowa jalrapocolri ikjaolre, tsoomi lrioya jliaji jiipada Rimón-dalri. Icatsa naofacawa niinio coatropi keerri. \v 48 Njaji tsolrodaonai iraelitanai nadia tsenakja naino njaji Benjamín poco iyacalre ricope, naino pjiomina, navacan, njite pjiomi njaji nacapaji. Namjaita tsakja pjiomi njaji yacaañre nacapaji naacayao.

20/title.txt

@@ -0,0 +1 @@
+Capitulo 20

21/01.txt

@@ -0,0 +1 @@
+\c 21 \v 1 Njaji atsianai iraelitanai nanaitja pia pada yaacoti Mizpa lrico: ''Corriotsa pada wanakjoite yaawatsa iito nainoa njaji Benjamínai.'' \v 2 Njite naawa njaji inaiki Betel lricojle, naofawa niinio Dio ipeyajle atee dainomalje, njite naiyaca niini kjaida iinonaacalri rico. \v 3 Naaco nawanaca: ''¿Wa-Minalri, na-Diote njaji Iraelnai; coada cayo jliyapacao cayoji iraelitanai iinai, ima pada wanakjoite poco iñaaca waoya?''

21/04.txt

@@ -0,0 +1 @@
+\v 4 Tjewaijlena piyompinacotoa njenicoa njaji inaiki aimadan njite njerreta apana altsr niini, njite namjaita maaficalri lrinaco, naa tsakja ofrenda imaodacakjeti naco. \v 5 Naaco njaji inaiki iraelitanai: ¿''Coanperri nanakjoite njaji Irael poco corrin íno iwacaacawa wainai Dio ipeyajle Mizpa lrico?'' Ima nanaitja piaca pada yaacoti nanaco tjaji corriperi yáa iwawaacawa nainai Dio ipeyajle Mizpa lrico. Naaco cayoji: ''Wainocaotsa jliaji corridalri íno iwacaacawa wainai Dio ipeyajle Mizpa lrico.''

21/06.txt

@@ -0,0 +1 @@
+\v 6 Njaji Iaelnai, kjenaa nacapaca narso njaji nakitsiñape Benjamínnai. Naaco cayoji: ''Oopica wayoa papoco nanakjoite njaji Irael poco.'' \v 7 ¿Cocaotsa yáa naninaiwa njaji wamacajim, ima wanaitjaca pada yaacoti Dio ipeyajle wacaitecawa corricaotsa waacarroca naninaiwa waitonaipe nakjoite?''

21/08.txt

@@ -0,0 +1 @@
+\v 8 Naaco cayoji: ¿''Coanperri nanakjoite njaji Irael poco corrin íno iwacaacawa wainai Dio ipeyajle Mizpa lrico?'' Njite nacapa corrica pada nanakjoite njaji Jabes Galaad lricoperri yaa iwacaacawa nainai. \v 9 Ima namatsietaaca cádanacoa nemao oowi icaona corrin nacapa pada nanakjoite njaji Jabes Galaad lricoperri. \v 10 Niini njaji iwacaacalrio nameenaca doce mil atsianai yajícape inoacawa, nacaite narso naacarro naino njaji Jabes Galaad lricope, nanaapja nainó-carro njaji inaitjepe njite njaji yempetipe tsakja.

21/11.txt

@@ -0,0 +1 @@
+\v 11 Nacaite tsakja narso, nainícarro pjiomi atsianai njite njaji inaitjepe jiyapacapemina atsia iinai. \v 12 Niini njaji atsianai nameenacaji Jabes Galaad lricojle naoketa coatrociento inaitjepe walridarrope toa, corripetoa yaajíi atsia, njite nadeenana napanaitape lricojle Silo lrico, Cannan lricoda.

21/13.txt

@@ -0,0 +1 @@
+\v 13 Pjiomi njaji iwacaacacapewa nameenaca yaacoti narso njaji Benjaminai idawaacacapeo jiipada rimón lrico namaodaca carroenawa. \v 14 Niini njaji Benjaminai namotoa nadawaacalri njiteo njite njaji nakitsiñape iraelitanai naaca nainoa njaji inaitjepe Jabes Galaad lricope, mitsa corrim lricoaca narso pjiomi. \v 15 Njite njaji inaiki kjena nacapaca narso njaji Benjamín poco lrikjaote jliaji njeyapalrio, ima Dio jienitaca naoyawaaca njaji Iraelnai.

21/16.txt

@@ -0,0 +1 @@
+\v 16 Njite naapiyawanai njaji iwacaacalrio naaco cayiji: ''¿Coajiotsa wanaitja waoketá carroatsa naninaiwa njaji Benjamín poco corriperritoa irso iino, ima opica naino njaji naninai?'' \v 17 Njite naaco: ''Lrirsotsa niinica pada nayaadape njaji namacaji Benjamín poconai, wadeentja nawayacacao naoya njaji Irael poco. Corrin wataita waaca nainoa waitonaipe, ima njaji Iraelnai nanaitja piaca pada yaacoti, Maatsidalrica jliaji aatsia yaacada Benjamín iinoa.''

21/18.txt

@@ -0,0 +1 @@
+\v 18 Corrin wataita waaca nainoa waitonaipe, ima njaji Iraelnai nanaitja piaca pada yaacoti, Maatsidalrica jliaji aatsia yaacada Benjamín iinoa.'' \v 19 Niini naaco cayoji: ''Yajintsa niinica pada wacatimataaca carroda Dio naco pawalria icoamdalri-mana wanaitjaca, silo rico, inarroemjete-dalri Betel irso, jeerri imoto kema lrirso jliaji inipo yaacadawa Betel lrikjoite Siquem lricojle, inarroemajle Lebona irso

21/20.txt

@@ -0,0 +1 @@
+\v 20 Nanaa njaji atsianai Benjamín poco, naaco narso: ''Warsa yaawa idawaacawa matjinaatsa iwapá carroatsa oowapi rico. \v 21 Iwapaotsa icapa namoto cadanacoatsa narrapa njaji inaitjepe Silo ricope, njite kjeyapenatsa imototsa naikjaolre idawaacalri njiteo niiniotsa jipaca aapama iimarro Silo ricoda iinoa, njiteotsa idiawa Benjamínai jipaite ricojle.

21/22.txt

@@ -0,0 +1 @@
+\v 22 Njite njanirrinai o napjenaipe inocadaaotsa natatja wainai nanaco, wacaiteotsa narso cayoji: ''Kjenaa icapaca narso njaji Benjaminai! Njite corrin coaji waoketaca nainowa oowi rico cádanacotoa faa. Njite corrin yaaca nainoa matsiacalri rico niini coicarron catoa jliaji yaacoti inaco, corritoa coca imatsicanaa.''

21/23.txt

@@ -0,0 +1 @@
+\v 23 Njite njaji inaiki aimadan Benjamín poco nanaitja cayo. Njepa neñaito nainowa nacoanamtsa nanakjoite njaji inaitjepe irrapacaperri. Ikena nadeecana njepaite ricojle; njerreta tsenakja nayacalrem naofaa-carro tsenakja niini. \v 24 Ikeena nadiaca njiteo njaji Iraelitanai nayacalre ricojle, njepaite ricojle, naapana lricojle.

21/25.txt

@@ -0,0 +1 @@
+\v 25 Jlaiwalri pia corri piatoa narsoca natalricanaa njaji Iraelnai. Niini njaji inaiki nanaitjaca cocacatsa matsia capisho narso.

21/title.txt

@@ -0,0 +1 @@
+Capitulo 21

manifest.json

@@ -33,7 +33,9 @@
 	],
 	"parent_draft": {},
 	"translators": [
-		"jose"
+		"jose",
+		"CARLA",
+		"Carla Abarza"
 	],
 	"finished_chunks": [
 		"10-title",
@@ -138,6 +140,67 @@
 		"18-07",
 		"18-09",
 		"18-11",
-		"18-13"
+		"18-13",
+		"18-15",
+		"18-17",
+		"18-19",
+		"18-21",
+		"18-24",
+		"18-27",
+		"18-30",
+		"19-title",
+		"19-01",
+		"19-03",
+		"19-05",
+		"19-07",
+		"19-09",
+		"19-10",
+		"19-12",
+		"19-14",
+		"19-16",
+		"19-18",
+		"19-20",
+		"19-22",
+		"19-24",
+		"19-27",
+		"19-29",
+		"20-title",
+		"20-01",
+		"20-03",
+		"20-05",
+		"20-08",
+		"20-10",
+		"20-12",
+		"20-15",
+		"20-17",
+		"20-19",
+		"20-22",
+		"20-24",
+		"20-26",
+		"20-27",
+		"20-29",
+		"20-31",
+		"20-32",
+		"20-34",
+		"20-36",
+		"20-39",
+		"20-40",
+		"20-42",
+		"20-43",
+		"20-45",
+		"20-47",
+		"21-title",
+		"21-01",
+		"21-04",
+		"21-06",
+		"21-08",
+		"21-11",
+		"21-13",
+		"21-16",
+		"21-18",
+		"21-20",
+		"21-22",
+		"21-23",
+		"21-25"
 	]
 }