Thu Apr 28 2022 11:24:51 GMT+0500 (Пакистан, стандартное время)

01/01.txt

@@ -0,0 +1 @@
+Йида сар пиро фук цара̄нг вудат, цара̄нг фук пеδо сут. Хуδойи хоɣ рӯзти оламат, арчӣз wи дарӯн ца, офарӣд чӯд. Йакум рӯзи Хуδой Зима̄δ офарӣд чӯд. Зима̄δ торикат холи вуд, ду̊ндҷа̄т Хуδойи ғал йичӣзаϑ йамти офарӣд начӯд. Хуδой Рӯйи ду̊нд х̇ац тартӣр аракат чӯд.

01/02.txt

@@ -0,0 +1 @@
+Та̄ми Хуδой лу̊д: «Ла̄к рух̇нойи су̊д». Рух̇нойи ба̄д сут. Хуδойи чӯх̇т, рух̇нойи баша̄ндху, wирди «меϑ» ну̊м δод. Ба̄ди Хуδой торики аз рух̇нойи сирудху, торикийарди «х̇а̄б» ну̊м δод. Йакум рӯзи офариних̇анди Хуδой Зима̄δат рух̇нойи офарӣд чӯд.

01/03.txt

@@ -0,0 +1 @@
+Дуйум офарӣних̇ меϑтийи Хуδой лу̊д: «Ла̄к аз х̇ац тӣр фазо вид»-ху, фазо ба̄д пеδо сут. Хуδойи wи ну̊м «осму̊н» δод.

01/04.txt

@@ -0,0 +1 @@
+Сейум меϑтийи Хуδой лу̊д: «Ла̄к х̇ацен йиҷойанд ҷа̄м сенху, хух̇ки пеδо су̊д». Йуйи хух̇кийард «зима̄δ» ну̊м δодат, х̇ацарди «ба̄р» ну̊м δод. Хуδойи тар Ху офарӣдчӯɣҷин чӯх̇тху, wӣнти иде̂, йид баша̄нд.

01/05.txt

@@ -0,0 +1 @@
+Даδи Хуδой лу̊д: «Ла̄к зима̄δти  дирахтенат аррақамаϑ растанийен ру̊й δийен». Ба̄д дисга сут.  Хуδойи тар Ху офарӣдчӯɣҷин  чӯх̇т иде̂, йид  баша̄нд.

01/06.txt

@@ -0,0 +1 @@
+Чорум офарӣних̇ меϑи  Хуδой лу̊д: «Ла̄к рухδа̄δӣҷен осму̊нти вийен». Даδен осму̊нти хӣрат, ме̂стат х̇ите̂рʒен пеδо сат. Wеви Хуδой диҷа̄т офарӣд чӯд иде̂, ла̄к wа̄δ зима̄δард рух δенат, ла̄к wев қати  х̇а̄бат, меϑенат соленат, фаслийен фарқчӣд бофт. Хуδойи тар Ху офарӣдчӯɣҷин чӯх̇т иде̂,  йид баша̄нд.

01/07.txt

@@ -0,0 +1 @@
+Панҷум меϑтийи Хуδой лу̊д: «Ла̄к х̇ац аз ҷу̊нwарен пур су̊дат,  ла̄к осму̊нва парандайен  риwа̄зен!» Дисгайи Хуδой фук айwу̊ненат, ар х̇ац зиндаги ца киненат, фук парандайенгайи офарӣд чӯд. Хуδойи тар wев чӯх̇тху, wӣнти иде̂, йид баша̄ндху, баракати wевард δод.

01/08.txt

@@ -0,0 +1,2 @@
+Шашум офарӣних̇ меϑтийи Хуδой лу̊д: «Ла̄к хух̇кити фук рақам
+айwу̊нен вийен»-ху, арра̄нги Йу ца лу̊д,  дисга сут. Йила̄в айwу̊ненен ху̊наги вадат, йилав wа̄ши, ата̄ йила̄вгайен ху қӣчти тойд. Хуδойи тар wев чӯх̇тху, wӣнти иде̂, йид баша̄нд.

01/09.txt

@@ -0,0 +1 @@
+Ба̄ди Хуδой лӯд : «Одамен ху ҷиноw офарид кина̄м. Wаδ лак заминат, фукаϑ айwу̊ненти укмру̊ни кинен».

01/10.txt

@@ -0,0 +1 @@
+Хуδойи сит зох̇тху, аз wиндийи одам сохта̄ чудху, wирди ҷу̊н да̄кчӯд. Wи ну̊ми Одам δод. Бади Хуδой ғулла̄ боғ мӣздху, Одами арам барҷой чуд, ла̄к йу wи боғ чост.

01/11.txt

@@ -0,0 +1 @@
+Хуδойи wи боғ мобайнанд δу дарахт не̂δд. Дарахти зиндагийат, дирахти фа̄мих̇и некийат бади. Хуδойи Одамард иҷозат δод иде̂, аз фук дирахтенти меwа̄ ха̄рттат, аз дирахти некийат бадити ма̄хӣрт. Йуйи Одамард лу̊д иде̂, дам меwа̄та ца ха̄ри, тута мари.

01/12.txt

@@ -0,0 +1 @@
+Ба̄ди Хуδой лу̊д: Одам тоқа̄йа̄ϑ цавид, йид баша̄нд нист. Wирд йордамчи даркор. Хуδойи фук айwу̊нен тар одам хез вӯдху, йуйи wевард ну̊м δод. Амо айwу̊нен дарӯнанд wирд йордамчи пеδо насут.

01/reference.txt

@@ -0,0 +1 @@
+Китоби Муқадас нақл аз «Офарӣних̇и олам» 1-2 бобен

01/title.txt

@@ -0,0 +1 @@
+Офарӣних̇и олам

02/01.txt

@@ -0,0 +1 @@
+Одамат wи ɣинен йик wи хушрӯй боғанд, Хуδойи wи wевард офарӣд ца чӯд, хушбахтаϑ зиндаги чӯд. Wев питана̄ луқ навуд, амо х̇армӣнда̄йен мис wа̄δ насат, ду̊ндҷа̄т дунйоти гуно навуд. Wа̄δен аррӯз ди боғард сайл чӯдат, Хуδой қатийен нақл чӯд.

02/02.txt

@@ -0,0 +1 @@
+Амо ди боғанд дивӯск вад. Йа̄ лап ух̇йор вад. Йид дивӯски аз ɣиник пех̇цт: «Йикид росто, Хуδойи тамард аз боғ дирахтенти меwа̄ хӣдоw иҷозат наδод?»

02/03.txt

@@ -0,0 +1 @@
+Йа̄ ɣиник на̄ла: «Хуδойи ма̄шард аз фук дирахтенти меwа̄ хӣдоw иҷозат δод, ата̄ аз дирахти фа̄мих̇и некийат бадити ду̊нд най. Йуйи ма̄шард лу̊д иде̂, аз дам дирахтита меwа̄ ца хет, о ху δустаϑта дар дам ца δет, маретта!»

02/04.txt

@@ -0,0 +1 @@
+Дивӯски дам ɣиникард ҷаwоб δод: «Йид дирӯғ! Намаретта. Хуδой фа̄мт иде̂, тамата наw  дам меwа̄ хетат, Wи ҷиноwта сет. Ба̄дта фа̄мет неки чӣзат, бади чӣз».

02/05.txt

@@ -0,0 +1 @@
+Йа̄ ɣиники чӯх̇т иде̂,  йа̄ меwа̄ хушрӯйат хушхур дивест. Йа̄йи хойих̇ чӯд хирадманд су̊д, диҷа̄ти меwа̄ питидху, хӯди. Ба̄ди йа̄ ху чорардга  wам меwа̄ да̄кчӯдху, йуйи мис хӯд.

02/06.txt

@@ -0,0 +1 @@
+Йедандат, Одамат wи ɣинен фукчӣзаϑ йисохга wӣнтат, фа̄мтенгайи иде̂, шилакен.   Та̄мен, wа̄δ  па̄ркен wӣфтху, wев қатийен ху чуст чӯд.

02/07.txt

@@ -0,0 +1 @@
+Шамол сутху, Одамат Аwоен х̇уд иде̂, Хуδой ди боғард ноɣд. Wа̄δен аз Хуδой ху ҷой чӯд. Ба̄ди Хуδой аз Одам қӣwд: Одам тут ка̄данд? Йуйи ҷаwоб δод: «Wузум х̇уд Ту боғард ноɣи, wузум ба̄д ху ҷой чӯд, ду̊ндҷа̄т wузум шилак».

02/08.txt

@@ -0,0 +1 @@
+Хуδойи wи пех̇цт: Турди ча̄й лу̊д иде̂, тут шилак? Туйум бағер йик wам меwа хӣдоw ца налакчӯд, тут wам хӯд? Одам на̄ла тут йик мам ɣиник мурд ца да̄кчӯд, йами аз wам меwа мурд да̄кчӯд, ла̄к wуз wам ха̄м. Ба̄ди Хуδой аз ɣиник пех̇цт: «Тут чӣзард дисга чуд?»  Йа на̄ла: «Муйи дивӯск фа̄нд δод».

02/09.txt

@@ -0,0 +1 @@
+Хуδойи ба̄д дивӯскард лу̊д: Ла̄нат турд! Тута дига ху қӣчти тийийат, ситта ха̄ри. Тот ɣӣникта йакдига̄рард дух̇ман сет. Тама наслийента мис йакдигарард дух̇ман сен. Тута ɣиник насли пе̂рнакти жираɣийат, йута ту ка̄лард δӣд.

02/reference.txt

@@ -0,0 +1 @@
+Китоби Муқадас нақл аз «Офарӣних̇и олам»  3 боб

02/title.txt

@@ -0,0 +1 @@
+Дунйоти гуно пеδо сут

03/01.txt

@@ -0,0 +1 @@
+Фана̄ соленен наɣҷа̄д, Дунйоти одам лап сут. Wа̄δен лап ганда̄йат бера̄м вад. Одаменен ду̊ндард расwо сат иде̂, Хуδойи лу̊д хах̇ тӯфу̊н қатита фук ҷау̊н нест кинум.

03/02.txt

@@ -0,0 +1 @@
+Фук мардум дарӯн Хуδой аз Нӯ пайғумбар ду̊нд хух̇нӯд вуд, ду̊ндҷа̄т фук гина̄кор мардӯм дарӯн йу росткор одам вуд. Хуδойи wирд лу̊д иде̂, зима̄δти Йу хах̇ тӯфу̊н чи сент, диҷа̄т Нӯ бойад ғулла̄ ких̇тӣ мозд.

03/03.txt

@@ -0,0 +1 @@
+Дам ғулла̄ δоргин ких̇тӣ дарози бойад 140 метр, дам ба̄р 23 метр, дам биланди 13,5 метр вид. Арай қабат бойад даманд вид, дам дарӯн ҷӣʒакен вийенат, дишӣдат тоқга даманд вид. Нӯйат wи ху̊нwода̄йат, фук намӯд айwу̊ненгайен хух̇кити ца вад, бойад ар дам ких̇тӣ дарӯн аз тӯфу̊н наҷот вирийен.

03/04.txt

@@ -0,0 +1 @@
+Нӯйи Хуδой га̄п ниғух̇т. Арра̄нги Хуδой wирд ца лу̊д, йуйи ху пацен қати дам ких̇тӣ йикwити мӣзд. Дам ких̇тӣ мӣздоwард лап сол тӯйд, ду̊ндҷа̄т йа̄ лап ғулла̄ вад.

03/05.txt

@@ -0,0 +1 @@
+Хуδойи Нӯ римод хуб лап хӣдоwард хурдат, ху ҷама̄тардат, айwу̊ненард зезд. Та̄м фук чӣз тайора̄ ца вуд, Хуδойи Нӯйард лу̊д иде̂, йуйат wи ɣинат, wи арай пуцат, wев ɣинен ар ких̇тӣ деδен. Wа̄δен фукаки wах̇т нафар вад.

03/06.txt

@@ -0,0 +1 @@
+Хуδойи Нӯ римод ху қати ар ких̇тӣ йи  ҷуфти аз ар айwу̊нат, ар  паранда̄, нӣрат ситиреʒ зе̂зд. Ата̄ wӯвд ҷуфт нӣрат ситиреʒга йик аз wев  айwу̊нен зе̂зд иде̂, қурбу̊ни чӣдоw wев мӯмкин ца вуд, ла̄к wа̄δ аз тӯфу̊н наҷот вирийен. Та̄мен wа̄δ фукаϑ ар ких̇тӣ ца дед, Хуδойи Хубаϑ диви тар wев чуст чӯд.

03/07.txt

@@ -0,0 +1 @@
+Даδи бору̊н сар чӯдху, чил х̇абат раме̂ϑ  йик дити δод, Бору̊н δодху, δод. Аз зимаδ бӣранд мис х̇ац сел ҷиноw нах̇тойд. Таму̊ми ҷау̊нат, сар биланд  кӯйенен мис х̇ац дарӯн вад.

03/08.txt

@@ -0,0 +1 @@
+Аз одам тар айwу̊нен зима̄ϑти зиндаги ца чӯд, нестен сат, Амо арча̄йен ар ких̇тӣ ца вад, аз ма̄рген наҷот вирӯд.

03/09.txt

@@ -0,0 +1 @@
+Ба̄д аз бору̊н қарорчӣд, ких̇тӣ  пӣнʒ ме̂стга мис  ғал х̇ацти тойд. Х̇ац па̄ст дараw сит сат. Йа̄ ких̇тӣ кӯ ну̊лти гӣр сат,  амо замӣн ғал х̇ац пибӣр вуд .Ба̄д аз ара ме̂ст кӯен ну̊лак от сут.

03/10.txt

@@ -0,0 +1 @@
+Чӣл рӯзга наɣҷӣдат, Нӯйи хӯрн аз ких̇тӣйанд ла̄кчӯд, ку фа̄мти иде̂,  х̇ац қоқ сато най. Хӯрни гирд δодат, хух̇кийи х̇икӯд, амо навирӯди.

03/11.txt

@@ -0,0 +1 @@
+Ба̄ди Нӯ чибу̊д ла̄кчӯд, амо йа̄йи мис хух̇ки навирудху, тар Нӯ хези гах̇т чӯд. Ба̄ди йи афта̄йи Нӯ вога мис чибу̊д ла̄кчӯд, йа̄йи ба̄д зайтӯн хе̂х̇чак ху ну̊л қати зох̇тху, гах̇т чӯд. Х̇ац па̄ст сатат, зима̄δтийенво растанийен дараw ру̊йδе̂д сат.

03/12.txt

@@ -0,0 +1 @@
+Нӯ во йи афта̄га гӣр сутху, сейум пӣδи чибу̊д ла̄кчӯд. Мам пӣδи чибу̊д хурд нӣстоwард ҷой вирӯдху, гах̇т начӯд. Зима̄δ қоқ сут!

03/reference.txt

@@ -0,0 +1 @@
+Китоби Муқадас нақл аз «Офарӣних̇и олам» 6-8 бобен

03/title.txt

@@ -0,0 +1 @@
+Тӯфу̊н

04/01.txt

@@ -0,0 +1 @@
+Ба̄ди тӯфу̊нен фана̄ солен наɣҷа̄дат, зима̄δти во одам лап сутху,  пироки ра̄нгтийен wа̄δ бадкор вадат, зидди Хуδойат, зидди йакдигарен гуно чӯд. Wи даwра̄йи фук мардум йи зивти га̄п δод.  Хуδойи wев ага ца римод мис иде̂, фук замӣнард тихӣрм сет, wа̄δен баракс йакҷо ҷа̄м сатху, х̇а̄рен дараw мӣзд сат.

04/02.txt

@@ -0,0 +1 @@
+Одаменен лап катаҷу̊н вад. Wа̄δен Хуδой ниғих̇тоwат, арра̄нги Йу талаб ца чӯд, зиндаги чӣдоw хойих̇ начӯд. Тӣр аз дийенга wа̄δ то пи осму̊нец биланд бурҷ дараw мӣзд сат, ла̄к ху ну̊м не̂δенат, фук замӣнард тихӣрм ма̄сен. Хуδойи wӣнт иде̂, ага wа̄δта ху бад нийат даwу̊м ца δен, лапдига гунота кинен.

04/03.txt

@@ -0,0 +1 @@
+Мардуми йи зивти га̄п δод, ба̄ди Хуδой wев зивен алалаш чӯдху, мардуми   фук ҷау̊нард тихӣрм чӯд. Wи х̇а̄рен wа̄δ мӣздоw сар ца чӯд, Бобил ну̊м вуд, йа̄ни wи ма̄ни «алалаш».

04/04.txt

@@ -0,0 +1 @@
+Ба̄ди сад соли Хуδой Ху пӣц тар Ибром ну̊м одам чӯд. Хуδойи wирд лу̊д: «Ху мулкат, ху қаwмийот ла̄кху, йик тар wи замӣн са иде̂, Wузта wи турд ца дивесум. Wузта турд баракат δа̄мху, аз тундита бузург халқ пеδо кинум. Wузта ту ну̊м бузург кинум. Wузта йик wевард баракат δа̄м иде̂, арча̄йта турд баракат ца δӣдат, йик wевта ла̄нат кинум иде̂, арча̄йта ту ла̄нат ца ких̇т. Фук  Замӣн халқента ту ҷа̄т баракат вирийен».

04/05.txt

@@ -0,0 +1 @@
+Ибройими Хуδой га̄п ниғух̇т. Йуйи ху ɣин Соройат ху фукаϑ хизматгоренат, ар чӣзга мис wинд ца вуд зох̇тиху тар Канон сут, тар wи замӣн иде̂, Хуδойи wи wирд ца дивих̇т.

04/06.txt

@@ -0,0 +1 @@
+Та̄м Ибройим тар  Канон ца фирӣпт, Хуδойи wирд лу̊д: Ху гаргинӯх̇а чис, Узта йик ми замӣн фукаϑ турд да̄кум,  йам та фук wах̇т ту наслиенард ме̂рос рист. Ба̄д Ибройим йик ди замӣнанд барҷой сут.

04/07.txt

@@ -0,0 +1 @@
+Йаманд Малкисодақ ну̊м одам вуд. Wийи Хуδой Таоло робари руу̊ни не̂δд. Йи рӯз ба̄ди δе̂д, Ибройими ху хе̂р аз асӣри халос ца чӯд, йу Малкисодақ қати дучор сут. Йуйи Ибройимард баракат δодху, лу̊ди: «Ла̄к Хуδой иде̂ сойиби замӣнат осму̊н ца, Ибройимард баракат δӣд». Ба̄д аз ди Ибройиманд ар чӣз ца вуд, йи қисми wийи Малкисодақард да̄кчӯд.

04/reference.txt

@@ -0,0 +1 @@
+Китоби Муқадас нақл аз «Офарӣних̇и олам» 11-15 бобен

04/title.txt

@@ -0,0 +1 @@
+Хуδой а̄д Ибром қати

05/01.txt

@@ -0,0 +1 @@
+Ибромат Сорайен тар Канон замӣн ца йат, δис сол наɣҷӣд, амо wеванд ғалаϑ зирйот навуд. Δа̄δи Абром ɣин Сорай wирд лу̊д: «Хуδойи мурд зирйот нада̄кчӯдат, wузум мис зирйотвӣдард пӣри зор, йида турд му канӣʒак Оҷар. Х̇офц дам қатиху,  йид ла̄к зирйот мурд вӣрт».

05/02.txt

@@ -0,0 +1 @@
+Иброми мис wам га̄пти чӯд. Оҷар омиладор сатху, аз Сорай ху биландди дараw фа̄мт сат. Сорайи динди Ибром айбдор чӯд. Ба̄ди йичанд wахти Оҷар пуц вӯдху, Иброми wи ну̊м Исмоӣл δод. Исмоӣл сездасола̄ ца сут, Хуδой вога Ху пӣц тар Ибром чӯд.

05/03.txt

@@ -0,0 +1 @@
+Хуδойи лу̊д: «Wузум Пурқудрат Хуδой. Ту қатита Wуз а̄д кинум». Иброми урмат ҷа̄т зима̄δти ху чи пӣц пите̂wд. Хуδойи вога лу̊д: «Тута фана̄ халқенанд wев та̄т са̄wи. Wузта Канон замӣн тот ту наслийард да̄кумат, wев Хуδойта са̄м. Ту бойад фук ғиδайенат, фук чорикен ху ху̊наwода̄йанд ху̊насӯр кини».

05/04.txt

@@ -0,0 +1 @@
+«Ту ɣин Сора̄йанта пуц су̊д,  йу йику пуц иде̂, Wузум турд wа̄да̄ ца δод. Wи ну̊м Исоқ δа̄. Ху а̄дта wи қати кинумат, аз wиндита бузург халқ пеδо кинум. Аз Исмоӣландта мис бузург халқ пеδо кинум, амо Ху а̄дта Исоқ қати кинум». Даδи Хуδой «Ибром» ну̊м «Ибройим» гарδент, йа̄ни ди ма̄ни «фана̄йанд wев та̄т». Хуδойи «Сорай» ну̊м мис тар «Соро» гарδент, йа̄ни ди ма̄ни «шодухтар».

05/05.txt

@@ -0,0 +1 @@
+Wам меϑи Ибройим  фук ғиδайенат чорикен ху чӣданд ху̊насӯр чӯд. Қарӣб ба̄ди йи сол, та̄м Йибройим садсола̄ ца вудат, Соро наwадсола̄ ца вад, йа̄йи Ибройимард пуц вӯд. Wа̄δен wи ну̊м Исоқ δод, арра̄нги Хуδой ца лу̊д.

05/06.txt

@@ -0,0 +1 @@
+Та̄м Исоқ ғал кӯдак ца вуд, Хуδойи Ибройим ему̊н озимӯд чӯд. Йуйи лу̊д: «Ху йӣwаϑ пуц Исоц зиху, Му ҷа̄т wи қу̊рбу̊ни кин». Ибройими вога Хуδой ниғух̇тху, ху пуци қурбу̊ни чӣдоwард тайора̄ чӯд.

05/07.txt

@@ -0,0 +1 @@
+Ибройимат Исоқен тар қурбу̊ниҷой хез раwу̊н сатат, Исоқи пех̇цт: Та̄т, ма̄шанд қурбу̊ни чӣдоwард жӣз йастат, йу wа̄ргбуц ка̄йи? Ибройим на̄ла: «Пуцик, Хуδойта қурбу̊ниwа̄рг хубаϑ ма̄шард  да̄ких̇т».

05/08.txt

@@ -0,0 +1 @@
+Та̄мен wа̄δ тар wи ҷой иде̂, йа̄манд қурбу̊ни ца кинен,  фирӣптху, Ибройими ху пуц Исоқ вӣстху, қурбу̊ниҷойтийи wи рибӯд. Йу ху пуц чи зӣд  сутат, Хуδойи wирд лу̊д: Гӣр са! Пи ди ғе̂δабуц ма̄раф! Шичум уз фа̄мт иде̂, ту аз Му х̇оҷ δе̂ри, ду̊ндҷа̄т тут ху йӣwикаϑ пуц мурд даре̂ғ начӯд!

05/reference.txt

@@ -0,0 +1 @@
+Китоби Муқадас нақл аз «Офарӣних̇и олам» 16-22

05/title.txt

@@ -0,0 +1 @@
+Wа̄даδоδҷин пуц

06/01.txt

@@ -0,0 +1 @@
+Соленен наɣҷа̄д. Ибройим пӣри зор сутат, wи пуц Исоқ ғулла̄ сут. Йи рӯзи Ибройим ху хизматгор бох̇т тар Канон замӣн, тарамен wи қаwмийот зиндаги ца чӯд, ла̄к йу Исоқард тарам ɣин виред.

06/02.txt

@@ -0,0 +1 @@
+Ди хизматгор пу̊нд тар Ибройим қаwмийот замӣн δа̄р вудат, ца фирӣпт тарам Хуδойи wи тар Ривқо хез вуд. Ривқо Ибройиманд wи вирод нибе̂с  вад.

06/03.txt

@@ -0,0 +1 @@
+Ривқо розӣ сат иде̂, ху ху̊наwода̄ ла̄ких̇тху, wи хизматгор қати тар Исоқ хез су̊д. Йа̄ наw йатат, Исоқи wитийаϑ wам вӯд.

06/04.txt

@@ -0,0 +1 @@
+Дароз wахт наɣҷӣд. Ибройим мӯдат, Хуδойи Ибройим пуц Исоқард аз рӯйи wам а̄д баракат δод иде̂, Ибройим қатийи wам  ца чӯд. Хуδой wам а̄данд wа̄да̄ δод иде̂, Ибройимандта wи насл беисоб су̊д. Амо Исоқ ɣин Ривқойанд зирйот насут.

06/05.txt

@@ -0,0 +1 @@
+Исоқи Ривқо ҷа̄т дуо чӯдху, Хуδойи пидйемен wам омиладорийанд насӣб чӯд. Да̄δ δу кӯдакен ар ху на̄н қӣчаϑ йакдигар қати δе̂д дараwчӣд сат. Ди wахти Ривқо аз Хуδой пех̇цт, йид ку чӣз га̄п вид.

06/06.txt

@@ -0,0 +1 @@
+Хуδойи Ривқойард ҷаwоб δод: «Тундта δу пуц сен. Аз wев наслийандта δу рақам халқ пеδо сен. Да̄δ халқента йакдигар қати δе̂д кинен. Амо йику халқта аз ди хидӣр пуцанд ца су̊д,  wи халқардта итоат ких̇т  иде̂, аз ди ʒулди пуцандта ца су̊д».

06/07.txt

@@ -0,0 +1 @@
+Та̄м  wахт ца йат, Ривқойанден  пидйемен сат. Йу хидӣр рӯшт азна̄н сутат, лап δох̇цин вуд.Wирден Есов ну̊м δод. Ата̄ йу ʒулди пуц wитийаϑ ба̄ди Есов азна̄н ца сутат, wи пе̂рнакард анҷӯвҷин вуд. Wи ну̊мен Йа̄қӯб δод.

06/reference.txt

@@ -0,0 +1 @@
+Киӣоби Муқадас нақл аз «Офарӣних̇и олам»  24:1-25:26 бобен

06/title.txt

@@ -0,0 +1 @@
+Хуδойта Исоқ чост

07/01.txt

@@ -0,0 +1 @@
+Да̄δ вирода̄рен ғулла̄ сат. Есовард ɣеwчӣд хуш вудат,  Йа̄қӯбард чӣданд нӣстоw. Исоқи Есов жӣwҷ чӯд, ата̄ Ривқо Йа̄қӯб жӣwҷ вад.

07/02.txt

@@ -0,0 +1,2 @@
+Йи рӯз Есов аз ɣеw маɣʒу̊нҷи зор йат. Йуйи Йа̄қӯбард лу̊д: 
+«Аwқотат ца пе̂хч, ку да̄к мурд». Йа̄қӯб на̄ла: «Пиро wа̄да̄ δа иде̂,  ху сарфарзанди ақта мурд да̄ки». Есови wа̄да̄ δод иде̂, ди ақта Йа̄қӯбард да̄ких̇т. Ба̄ди дийи Йа̄қӯб wирд аwқот да̄кчӯд.

07/03.txt

@@ -0,0 +1 @@
+Йа̄қӯби хойих̇ чӯд, ху баракат Есовард δӣд, амо ба ҷойи дийи йу  Йа̄қӯбард баракат δод, ду̊ндҷа̄т Ривқойат Йа̄қӯбен wи абрат δод. Йа̄қӯб тар ху та̄т хез йат, гуйо йу Есов. Йуйи Есов луқен пинӯйдху, ху ма̄кат δустенарди ваз пу̊стак печу̊нт. Исоқ пӣр вудху, ду̊нд баша̄нди наwӣнт, диҷа̄т аз ди wев фа̄ндат фиреб хабар насут.

07/04.txt

@@ -0,0 +1 @@
+Йа̄қӯб тар Исоқ хез йатху, лу̊ди: «Wузум Есов. Wузум йат, ла̄к ту мурд баракат δа». Исоқи тар wи ваз пу̊стак ху дуст δодат, wев луқен бу̊йи ис чӯдху, гуму̊ни чӯд иде̂, йид Есовху, Йа̄қӯбарди баракат δод.

07/05.txt

@@ -0,0 +1 @@
+Есов Йа̄қӯб қати бад сут, диҷа̄т иде̂, йу баракат Есованд ца вуд, Йа̄қӯби фа̄ндат фиреб қати wи зох̇т. Диҷа̄ти Есов лу̊д иде̂, ба̄ди ху та̄т мӣдоwта Йа̄қӯб зӣнт.

07/06.txt

@@ -0,0 +1 @@
+Амо Ривқойи Есов нийат фа̄мтху, ба̄ден йа̄йат Исоқ аз Йа̄қӯб тар δар мамлакат, тар Ривқо қаwмийот хез бох̇т.

07/07.txt

@@ -0,0 +1 @@
+Йа̄қуби йаманд фана̄ сол зиндаги чӯд. Ди wахтанди йу ɣин вӯдху, wинден дуwозда̄ пуц сатат, йи ризӣн. Хуδойи wи  бойат бадаwлат чӯд.

07/08.txt

@@ -0,0 +1 @@
+Йа̄қӯби бист сол  δар аз ху чӣд зиндаги чӯдху,  лу̊ди иде̂, ху ху̊наwода̄йат, ху хизматгоренат, ху айwу̊нен қати тар Канон гах̇т ких̇т.

07/09.txt

@@ -0,0 +1 @@
+Йа̄қӯби аз Есов лап хах̇ х̇оҷ δӯйд, ду̊ндҷа̄т фикрийи чӯд иде̂, йу ғалаϑ мис wи зӣдоw хойих̇ ких̇т. Диҷа̄ти йу Есовард фана̄ айwу̊нен тӯфа̄ бох̇т. Хизматгоренен дев айwу̊нен Есовард вӯдху, лу̊ден: «Дев айwу̊нени ту ғулу̊м Йа̄қӯб турд тӯфа̄ чӯд. Ба қарӣбита йу мис хубаϑ йоδд».

07/10.txt

@@ -0,0 +1 @@
+Амо Есови ачга Йа̄қӯб зӣдоw хойих̇ начӯд. Баракс, йу тар wи wӣнтоw хуш вуд. Ба̄ди дийен да̄δ виродард Канонанд осойах̇аϑ зиндаги чӯд. Ба̄д Исоқ мӯдху, Есоват Йа̄қӯбен wи бахок чӯд. Йик wев а̄д wа̄да̄йени Хуδой Ибройимард ца да̄кчӯд, аз Исоқен тар Йа̄қӯб наɣҷа̄д.

07/reference.txt

@@ -0,0 +1 @@
+Китоби Муқадас нақл аз «Офарӣних̇и олам» китобти 25:27-33:20 бобен

07/title.txt

@@ -0,0 +1 @@
+Хуδойта Йа̄қӯбард баракат δӣд

08/01.txt

@@ -0,0 +1 @@
+Фана̄ соленен наɣҷа̄д, Йик та̄м Йа̄қу̊б пӣр сутат, wи зирйотенен мис ғулла̄ ца сат, йакбори йу ху нозийу̊н пуц Йӯсуф тар wи хидӣр вирода̄р хез бох̇т, wаδен молпе̂йданд вад.

08/02.txt

@@ -0,0 +1 @@
+Йӯсуф ху вирода̄рард бад вӯд, ду̊ндҷа̄т wев та̄т аз фукаϑ wи лапди живҷ вудат, wи хуδменҷатга иде̂, wеванди Йӯсуф ху вирода̄рти ху хуҷайӣн wӣнт. Йӯсуф тар ху вирода̄р хез ца йат, wаδен wи анҷӯвдху, ғулу̊мпарδаδӣҷенард парδод.

08/03.txt

@@ -0,0 +1 @@
+Пиро аз тар чӣд  йатоw, виродарен Йӯсуф луқен цуғ δодху, ваз хӯнен wевард молт. Баден wев луқен ху та̄тард дивих̇т, гуйо йу ла̄к фикр ких̇т иде̂, Йусуфи wа̄ши айwу̊н тук тукак чӯҷ. Йа̄қӯб хафайи зор сут, wи нозийу̊н пуц ца мӯд.

08/04.txt

@@ -0,0 +1 @@
+Ғулу̊мпарδа̄δӣҷенен аз Йӯсуф тар Миср йод. Wи даwра̄йанд Миср ғулла̄ бақуwат мамлакат вуд, Йу Нӣл дарйо па̄линди  вуд. Ғулу̊мпарδаδӣҷенен Йӯсуф  ғулу̊м ра̄нгти йи бой мисри хӯҷайӣнард парδод, wи ну̊м Фу̊тифар вуд. Амо Хуδойи Йӯсуфард баракат δод. Йу баша̄нд ғулу̊м вудат, ар чизи ху хӯҷайӣнард ца чӯд, фукаϑ бариwоҷ вуд.

08/05.txt

@@ -0,0 +1 @@
+Йӯсуф Фу̊тифар ɣинард хуш йат. Йайи фук кор чуд иде̂, wи аз ро δӣд, амо йуйи дисга гуно бар зидди Хуδой начӯд. Wам қа̄р лап хах̇ сифӣдху,  Йӯсуфи бардирӯғаϑ айбдор чӯд иде̂, гуйо йуйи wам аз ро δоδҷ. Wийен анҷӯвдху, ар зинду̊нен wи пите̂wд. Ат ар зинду̊н мис Йусуф Хуδойард wафодор вудат, Хуδойи wирд баракат δод.

08/06.txt

@@ -0,0 +1 @@
+Δу сол наɣҷӣд. Йусуф арцу̊нд беайб мис ца вуд, ғалаϑ  ар зинду̊н вуд. Йи рӯз х̇а̄бинди фираwн (дисгайи миср мардум ху потх̇о лу̊д) δу х̇уδм wинтху, йид wирд зақах̇ сут. Йи чиду̊м аз wи муслатга̄ренен wирд дев хӯδмен ма̄ни δе̂доw нава̄рδод.

08/07.txt

@@ -0,0 +1 @@
+Хуδойи Йӯсуфард силе̂қа̄ дакчӯд иде̂, йу хуδм ма̄ни δӣд. Диҷа̄т фираwни амр δод иде̂, Йӯсуф ла̄к аз зинду̊нанд пи wи хез wен. Йӯсуфи дев хуδмен ма̄ни δе̂доw ва̄рδод. Йуйи фираwнард лу̊д: «Хуδойта wӯвд сол осил баша̄нд да̄ких̇тат, wӯвд сол та моɣʒ су̊д».

08/title.txt

@@ -0,0 +1 @@
+8. Хуδойи Йусуфат wи ху̊наwода̄ наҷот δод

09/01.txt

@@ -0,0 +1 @@
+Ба̄ди Йӯсуф мӣдоw фукаδ wи қаwменен  Мисрийанд ред. Wа̄δат wев наслийенен арам фана̄ солен зиндаги чӯдат, wеванд лап зирйот вуд. Wевен исроӣлийен лу̊д.

09/02.txt

@@ -0,0 +1 @@
+Садсолайенен наɣҷа̄д. Исроӣлийен шумора̄ лапаδ зийод сут. Миср мардуманд дига Йӯсуф wев байоδ навуд , арчӣз коренгаи мис wевард ца чӯд. Исроӣлийенен  ду̊ндард зийод сат иде̂, миср мардуми аз wев х̇оҷ δӯйд. Фираwни wи wахтанд Мисрити укмру̊ни ца чӯд, исроӣлийени ғулу̊м чӯд.

09/03.txt

@@ -0,0 +1 @@
+Мисрйенен аз исроӣлийен маҷбӯр чӯд иде̂, лапаϑ ма̄лайенат, софаϑ ғула̄ х̇аренга мозен. Аз рӯи ди wазмин кор исроӣлийен зиндаги лап хах̇ қӣн сут. Амо Хуδойи wевард баракат δодху, wеванд аз ди мис лапди зирйот сут.

09/04.txt

@@ -0,0 +1 @@
+Фираwни чӯх̇т иде̂, исроӣлийенанд лап зирйот сут. Йуйи ба̄д ху халқард фарму̊н δод иде̂, фукаϑ наwсуδҷин исроӣл мардӣнабачаен ар Нӣл дарйо пите̂wен, ла̄к wа̄δ марен.

09/05.txt

@@ -0,0 +1 @@
+Ди wахтанд йи исройӣли ɣиниканд пуц сутху, йа̄йи wи кӯдак дарозец ҷой чӯд.

09/06.txt

@@ -0,0 +1 @@
+Та̄м ачга wи ғиδабуц ҷойчӣд  ца набӣфт, wи на̄ни wи ар сабад рибӯдху, ар На̄л дарйо палочен дарӯнанди wи ла̄кчӯд, ла̄к аз зӣдоw wи халос ких̇т. Wи ғулла̄ йах ди кор да̄мти ност иде̂, ку чӣзта бар wи су̊д.

09/07.txt

@@ -0,0 +1 @@
+Ди wахтанд фираwн ризӣн тар Нӣл хез х̇иноwари йат. Йа̄йи  wам сабад wӣнтху, ар wам дарӯни чӯх̇т. Wи кӯдаки wинтху, wамард аз wи ра̄м йат. Wи кӯдак ғулла̄ йах йаманд ца вад, фираwн ризӣнарди лу̊д иде̂, wи кӯдакард аз исройӣли ɣиникенанд дойа̄ зе̂зд. Фираwн ризӣни йи ɣиник дойа̄ зох̇тат,  нафа̄мти иде̂, йа̄ wи кӯдак ақу̊ни на̄н вад. Йу кӯдак дусаϑ ғула̄ ца сутат,  дигайи на̄н х̇ӯвд хӣдоw ба̄с ца чӯд, wи на̄ни wи фираwн ризӣнард вӯдху, йа̄йи wи хурд пуц зохтат, wи ну̊ми Мусо δод.

09/reference.txt

@@ -0,0 +1 @@
+Китоби Муқадас  нақл аз «Нах̇тӣдоw» китобти 1-4 бобен

09/title.txt

@@ -0,0 +1 @@
+9. Хуδойи Мӯсо да̄wат чӯд

10/01.txt

@@ -0,0 +1 @@
+Хуδойи Мӯсо ғу̊ɣ хабар чӯд иде̂, фираwнта исроӣлийен аз Миср зиwе̂стоw розӣ насу̊д . Му̊сойат Орӯнен тар фираwн хез сатху лу̊ден wирд: « Исройӣл Хуδойта лу̊вд: "Му халқ халос ки!» Ат фираwни wев наниғух̇т. Йуйи  исройӣлийен ачаϑ халос начӯдат, тӣр аз дийи wев маҷбур чӯд иде̂, вога лапди кор кинен.

10/02.txt

@@ -0,0 +1 @@
+Мӯсойат Орӯнен йичанд пӣδ тар фираwн хез сат, ат  фираwн дойимаϑ халқ  ла̄кчӣд розӣ насут. Диҷа̄ти Хуδой Мисрити δӣс са̄маҷин офат бох̇т. Дев офатен қатийи Хуδой фираwн ҷазо δодат wирдат таму̊ми Мисриайарди дивих̇т иде̂,  Йу аз фираwнат фукаϑ Миср хуδойен бақуwатди.

10/03.txt

@@ -0,0 +1 @@
+Йакум ҷазо дизга вуд: Хуδойи Нӣл дарйо х̇ац  хӯн гарδент. Ат фираwни исройӣлийен нала̄кчӯд.

10/04.txt

@@ -0,0 +1 @@
+Ба̄ди Хуδой тар Миср лапи зор х̇ирбӣҷен бох̇т. Фираwни Мӯсора зорги чӯд иде̂,  Миср аз wев халос ких̇т. Ат бади Мӯсо дуочиден фук х̇ирбӣҷен ца мод, фираwн дил соф хах̇ди сутху, исройӣлийени аз Миср ла̄кчидоw хойих̇ начӯд.