"4":"Nữn la Vual-vơla Is-ra-el. La vual-vơla hũ grơhiã la anàq, kaya gơhluh, dơgrữq pơnuaĩq hẽ sigơuq, kaya voh-va, kaya duh tơlơvàt sì dơgrữq pơnuaĩq hẽ vơguãt. ",
"5":"La vual-vơla hũ pơjơc mưng dơgrữq ung-kõq, sì tui vơnah rồp-rlo, mưng Vual-vơla nữn vơjơc Pitao Krist, nữn la Pitao pãq dlòc avih dơgrữq kaya, nữn la Yàc Pô Lơngĩq iơuq sơuôt mơyòp gãm gãm. A-men.",
"6":"Nữn ôh iơuq pơnuaĩq Yàc Pô Lơngĩq la ôh kwơ ôh. mưng dơgrữq mơnuĩh tơviãq mưng Is-ra-el ôh iơuq avih dơgrữq mơnuĩh nữn la mơnuĩh Is-ra-el ôh, ",
"7":"Kung ôh iơuq mưng pơnõq nhũ la pơjẽh pơtiàt Abra-ham nữn avih dơgrữq pơnõq nhũ la anàq tacho nhũ ôh. Mưng song wãq laìq; nữn la mưng I-sac nữn nhũ ròq hũ sa pơjẽh pơtiàt hũ angãn tui angãn nhũ. ",
"8":"Pơnuaĩq gơtha kaya nữn la ôh iơuq la anàq tacho gah rlo-rồp la anàq tacho Yàc Pô Lơngĩq, yơu nữn anàq tacho gah pơnuaĩq hẽ pơguãt nữn hũ grơhiã la pơjẽh pơtiàt Abra-ham. ",
"9":"Mưng nĩ la pơnuaĩq grữh laìq: Kung iơuq di harơi nĩ kơu ròq mai wơq, Sa-ra ròq hũ sa aràc anàq lakơi. ",
"22":"Mơyah-laìq Yàc Pô Lơngĩq ưng akhàt tơviãq kaya anõc mvai sì ngãq ga thơu ganuar-chơnuãq pitrai, sì mãq hatai ãt-ơn prong sì ãt dơgrữq kadoh iơuq mvai rchãc lơih ga kaya lơhiãq thit. ",
"23":"Pitrai kung ưng akhàt tơviãq kaya mơda-ganãp kaya gahluh Pitrai pơweh sì dơgrữq kalõq iơuq khiãng-anĩt sì Pitrai song rchãc hlơu ga kaya gahluh, ",
"24":"Dơgrữq kalõq nữn la pơnõq drơi, la mơnuĩh Pitrai song duãt rơwah, ôh iơuq mưng mĩn dơgrữq mơnuĩh Ju-đa soh ôh, yơu nữn kung mưng dơlãp vual-vơla lơniao mĩn, ",
"25":"Yơu Pitrai song đơp dơlãp s'rãq Ô-se laìq: Kơu ròq angãn mơnuĩh ôh iơuq vual-vơla kơu la vual-vơla kơu hũ, mơnuĩh ôh hũ khiãng-anĩt la mơnuĩh khiãng-anĩt. ",
"26":"Pãq anĩh song đơp sì pơnõq nhũ laìq: Pơnõq hã ôh iơuq la vual-vơla kơu ôh, kung pãq anĩh nữn, pơnõq nhũ ròq hũ angãn la anàq Yàc Pô Lơngĩq dòq hadiuq gãm. ",