Fri Jun 16 2017 12:51:06 GMT+0100 (W. Central Africa Standard Time)

01/01.txt

@@ -0,0 +1 @@
+\v 1 Bulus mawanak Masihu Yeso Dari nufi kakasǝku, Na Timotawus yaganawa, dayi i ekilisiya kakasku mi a kun  Korontus,duk Na yaganaucin mi a kun chidi Gagi Akaya.\v 2 Herr da dlaɓi i ɗakun na salam dari Kakasku afawa na kuru mugǝnyi yeso Masihu.

01/03.txt

@@ -0,0 +1 @@
+\v 3 giɗlib da dlaɓi i kakasku  na afik mugǝnyawa yeso masihu. acine  afik ki duk  ndak jigyayi,  na kakasǝku ki duk ndak impi gǝshi.\v 4 kakasǝku impa diwa gǝshawa da kun duk kabinewa gaɗa wampi gǝshi ndawa mi a kun kabine. wampi gǝshi ndawa mi  aci dlamiwa.

01/05.txt

@@ -0,0 +1 @@
+\v 5 Kalkal kaki bone wara Masihu sukunu gaɗawa , kasǝn ke mpi gǝshawa da sukuni gawa i kun Masihu. \v 6 Amman in Jasa bone gaɗa mpi gǝshakun na rra kun, nǝn kasinke ndampadija gǝshajan gaɗa mpi gǝsha kun.Mpi ĝǝshakun a wana kalkal sartu mi kwa dlam na kanadi na zada bone mi ja tǝka sau. \v 7 zam ɗawa aroja i kunakun kiske ne. gaɗa kwa ja zigadu kaki mi kwa ɗa gayi naja i kun sa bone,kasǝn ke kwa dlaɓ a ɗa gayi i kun mpi gǝshi 'u.

01/08.txt

@@ -0,0 +1 @@
+\v 8 gaɗa kwa jancu kwa dlaɓ na ayuwa aɗa bai 'yaganaucin,a ɗak bone mi baja i kun ɗa Asira.nda dirmisi naja cacak har kapa  ngum biwu ɗika na gawayuja, kai har kapa ngum ja da na mpi aro iɗa ja katu bai. \v 9 katanas,ja na kagala ki tǝk aɗaja bai. Amman sau wakatu gaɗa kada kar war i  i ɗawa bai se dai i ɗak kakasǝku , mi aci ne a tlatli ndak mutu.\v 10 dana ja da kun gaɓshi tǝk,zam a palta na ja wam. Ja padici  da i ɗagǝri  ga ɗa a dina ja wam.

01/11.txt

@@ -0,0 +1 @@
+\v 11 A dlam na sau sartu mi kwa banata ja i kun magitakun.Sartu ne, ndawa gawa a bar na gǝdlǝɓ.I surǝm ja gaɗa marǝm herr mi nda dlami ja da ri magita ndawa gawa.

01/12.txt

@@ -0,0 +1 @@
+\v 12 Ja fariya na kasǝn;su atune saida lamar gǝsha ja.Gaɗa na tuman blan ƙi ntu kakasǝku ja raƙini na lamarja i duniya.Ja dlam sǝn gaɗa zigaya duniya bai,amman da ri herr kakasǝku. \v 13 Gaɗa ja tarne kun be mi kwa dumu kiratu bai ko yakintau bai,na ɗawa aro kwa yakintadu gwǝɗ kun.\v 14 Kaki mi kwa yakintu ja disku -disku gususku,A sartu nǝn, a gafa mǝgǝnyi yesu ja dlama naja dǝvu pǝrɗai i kun kaki mi wara kwa dlama na kun kija.

01/15.txt

@@ -0,0 +1 @@
+\v 15 Gaɗa ɗawa gǝshi miwara iyu na atu gaɗa sǝn,na ntulu na nai na aɗaga i rikun,gaɗa kwa bi sukuna nya ga i rikun ki mashirin.\v 16 I nancu nye rikun i ɗa dǝvuga nye makadoniya zam na kalaktaiyi da ri kun gaɗa kwa wanyi ga i yahudiya.

01/17.txt

@@ -0,0 +1 @@
+\v 17 Sartu mi na zadak jajum tuku na wasiwasi bi?Be mi wara na kunu tuku ki nḍawa bi? Har wara na kasapi "Auwo Auwo"ko "oo"oo"duk a sartu gayi?\v 18 Amman kaki mi kakasǝku aci ne  baci jirewa amman,ja ramau "auwo" ko "oo"i sartu gayi bai.

01/19.txt

@@ -0,0 +1,2 @@
+\v 19 Gaɗa wǝm kakasǝku yesu masihu,wara iyu,na sila, na timoti mija wazig gǝri i rikun, aci Auwo na"oo
+ "bai ,amman aci fatanwake "Auwo".Gaɗa kwa duk alkawar kakasǝku l kungǝri Auwo ne.\v 20 Gaɗa sǝn zam, i kun gǝri ja rammau ma "Amin" i nye sasakta kakasǝku.

01/21.txt

@@ -0,0 +1 @@
+\v 21 Gususku dai kakasǝku ne dawu na ja kun i kun masihu ,zam dawu na wa.\v 22 Dawu na aikwak i ɗawa, zam bardiwa nǝnwa kakasǝku i kun gǝshiwa takanas be mi wara ceci a ye bariwa i kimangu.

01/23.txt

@@ -0,0 +1 @@
+\v 23 Gaɗo kasǝn,na ǝauǝ kakasǝku,da dlaɓ saida gaɗaga , be ɗamu mi wara na dew i kun karantos bai,gaɗa na cirupci kun ne.\v 24 Ja ɗawa kun i awayau i bar jirewa kun kaki a  dlaɓa bai ne.Gaɗa kasǝn, ja wana a ɗagayi na kun ne gaɗa perɗai kun i kun bar jirewa kun.

02/01.txt

@@ -0,0 +1,2 @@
+\v 1 Gaɗa kasǝn, na wudu na shawar 
+  i ɗaga,na ni rikun i kun tita lamar bai.\v 2 in na dlumdlitidikun aro kun nen, a ɗauzaga nǝn tai? aku nǝn na dlumtidici?.

02/03.txt

@@ -0,0 +1 @@
+\v 3 Na tardekun kaki miwara na dlamu gaɗa in na de rikun nǝn na ba dheonatu aro bai i ri ndawa iru,kamatu da parakta aro.I na awayau gishi gaɗa kun,i ɗa perdai mi ina atu,atune kundikun na atu.\v 4 Gaɗa na tarne kun i kun bane na dlimut aro na saurai dawa .Na ntuta na dlam tikun aro kun wambai,amman nan ci kwa zigi na zadak zazibi ntau mi iyu na atu gaɗa kun.

02/05.txt

@@ -0,0 +1 @@
+\v 5 I ɗagai de nasanadi dlumt aro nen, gaɗa ga ru gabai aci de na dlumut aro gu amman da ri jigab gaɗa kar nda jumbali na aci tita i ɗakun mak.\v 6 Be mi ndawa wudidu i da warau batadu.\v 7 Amman sǝrumgu kwa wuduci se kwa tubdici kwa kwampici gǝshi gǝri.

02/08.txt

@@ -0,0 +1 @@
+\v 8 Gaɗa kasǝn,dauzata kun kwa tatikishi zadak ntau mi kun na atu gaɗa gǝri i patata.\v 9 Sane be mi ɗauru na tarnekun,gaɗa na kaktli kun,ko kwa ladab i kun tamkeu

02/10.txt

@@ -0,0 +1 @@
+\v 10 Duk nǝn mi kwa tubti dici nan, iye na tabtidici.Bemi na tabtidin -bi har na tabti na be dagai nǝn,nda tab ti dun gaɗa kun i kima masihu.\v 11 Su nda dlam kasǝn gaɗa kar lespir da gizata ta wa bai .Gaɗa wa magirab haligeri  ki munafik bai.

02/12.txt

@@ -0,0 +1 @@
+\v 12 Na bana mavgi da ruf ta dari mǝgǝnyi sartu mi na de i kun maslion ɗa Tarwasa na dlam waazik herr masihu i ritǝn.\v 13 duk na kasǝn,aro ga vicdu bai,gaɗa nai ka yaganaga Titus bai i riwu.Be nai va nakshi i riwu;na katenga i kun makadoniya.

02/14.txt

@@ -0,0 +1 @@
+\v 14 Amma na gode tu i kakasǝku mi aci ne i kun masihu;aya nawa i kun nasr fatawanke.Mida ri wa wayu na fonk zigigiri karak i rawan ke.\v 15 kaɗa wa i kun kakasǝku ton pe mi karak na masihu,na iheona gadava ndawa mi a ɗasu.

02/16.txt

@@ -0,0 +1 @@
+\v 16 I ndawa mi a ɗasu,fonk ne da ri mutu nye ri mutu.I dawa mi bar na raa,kuma fonk ne da ri aro i nye aro.Nǝn tanawan mi kalkal a bina bi tuku?\v 17 Gaɗa wa kaki gagshin ndawa bai, ndak ɗubiɗ na rama kakasǝku gaɗa da bi sukuna gawa.Ammana buri blan,ja rama i kun masihu,kaki mi kakasǝku wana ja,ja dlam ramau i kuma gǝri.

03/01.txt

@@ -0,0 +1 @@
+\v 1 Ja bandu gǝtliɓ aɗa bi? Jan wanyi taron  i ɗa ja da ri kun  ko ja ni i rikun kaki ndawa ɗagai, ko kasǝn bai?\v 2 Kun na aɗa kun ne kakadu a ɗa kun i rija.Mi wara nda tarnu kun gǝshaja, kasǝn ke a karantau.\v 3 Zan kwa tatku kun tarian ne da ri masihu ,mi ja dedikun.Nda tarnu  na kwankasak bai amman na nǝnwa kakasǝku babu aro.Mi nda tarnau duk guguyak bai amman i ɗa gǝshi ndawa.

03/04.txt

@@ -0,0 +1 @@
+\v 4 Sune awayau gǝshaja mi ja na atu i kun kakasǝku da ri masihu.\v 5 Jana zigaya  aɗa ja bai mi ja dlam gaɗa ra be dagai mi de da rija.Surum sǝn, zigayaja da ri kakasǝku ne\v 6 kakasǝku dawuja mi batadu da dlam nakshi guzab cin alkawar.Alkawar mi ki taran sǝku.Gaɗa taran shariya a tu a tǝk , amman Nǝnwasǝku a bar aro.

03/07.txt

@@ -0,0 +1 @@
+\v 7 To wana mutu mi nda tarnu i kun shariya i ɗa guguyak dew na zadak  saksakta har ndak israila a dumu  lawan da musa cacac bai.Su kwa gaɗa zadak saksakca mi a da  musa,saksakta mi a daman gara .\v 8 Balle ngum nǝnwa kakassǝku a ɗiki su bai i saksakta?

03/09.txt

@@ -0,0 +1,2 @@
+\v 9 To  in wana papiya na saksaktan,to balle wana adalci mi wara sukunungara nda saksakci.\v 10 Go shaka ba mi nda kata du bai saksaktǝa i waci,na gagǝhǝn saksakta bai irimu,gada zaɗak saksakta mi  
+ɗika na atu.\v 11 To in dai har mi dama nǝn,sǝn na saksakta;balle kuma zadak saksakta mi'a nadadigǝri bai?

03/12.txt

@@ -0,0 +1 @@
+\v 12 Tunda wana awayuk gǝshi tuku, wana awayuk gǝshi rankata.\v 13 Wa kaki musa bai,mi damu bargo da cim na da gǝri, su ne ,dabtina kutli israila da launyi dadigǝrik saksakta tun mi dama.

03/14.txt

@@ -0,0 +1,2 @@
+\v 14 Gaɗa kasǝn tuna nak shi da dlamingara da cuma.guski yaye cima na bargogu nda dlamau a lokwtu mi nda karam tata gamana alkawar nǝn.Ndai i vatuda rupta bai,gaɗa a kun masihu ne rigǝri nda jumbulu nasǝn.\v 15 Amman ko i gusku yaye duk sartu mi pda karata,kakadu musan,na bargo da cima a kun gǝshakshi\v 16 Amman in  
+nǝn mǝgǝnyi nǝn,nda ruptun bargogu da da gǝri.

03/17.txt

@@ -0,0 +1 @@
+\v 17 To mǝgǝnyi aci ne nǝnwa kakasǝku.Ri mi nǝnwa mǝgǝnyi a riwun, na dligda.\v 18 Duk wa gususku,na puska mi go bargo,lawan saksakta mǝgǝnyi.Wa bi zaɗa saksakta tuku,da mataki tuku ki saksakta i nye matake,kaki dai da ri mǝgǝnyi,mi aci ne nǝnwa kakasǝku.

04/01.txt

@@ -0,0 +1 @@
+\v 1 Kasǝn ke gaɗa jana wana tuku,kaki mi ja gǝn kanjino da gishaja bai,\v 2 Gaɗa kasǝn,jaivu duk duvu mi ki zhirau mi nda dlamau da dibsa,ja dlam mbasu rashik jirewa bai,zam ja bar martapa i rama kakasǝku.Gaɗa ja tatka jirewa,ja kuwa ja bar na aɗaja i kun hal blan i tike i kuma kakasǝku.

04/03.txt

@@ -0,0 +1 @@
+\v 3 Amman in waazaja da cuma nǝn,da cuma ne gaɗa ndawa mi a ɗasu.\v 4 I kun lamar shi,kakasǝku zaman tuku cim dukshi gishaki mi rashi bar jirewa;Gaɗa kasǝn,akshi duma lawan ɓayan ki labar herr ki masihu bai,mi aci ne wak sǝku.

04/05.txt

@@ -0,0 +1 @@
+\v 5 Gaɗa ja bar labar adaja bai,amman masihu yeso mi aci ne mǝgǝnyi zam guzabcin kun gaɗa yeso.\v 6 Kakasǝku ne rammaɓayan a pakai da kun ɗa ayuwa"da dlam parak na gishawa,gaɗa da bariwa,kada zigawa saksakta kakasǝku ikun yeso masihu.

04/07.txt

@@ -0,0 +1 @@
+\v 7 Amman jana birǝɗ tuku i kun vakinak riba mi a dlaɓa i patata mi ɗika du i marum kirmai kakasǝku ne kija bai.\v 8 Ja sa bone da duvu tawanke,nda damuja cacac bai.Hankal ja tlangara amman, gishaja tatulu bai, nda tatikija bone amman nda wayi ja bai.\v 9 nda tatikija bone amman,nda vurkija bai.Nda dadgija amman,da lalatu bai.\v 10 Ja dai i fatawanke ja mana mutu yeso i kun tikaja,gaɗa nda tatiki aro yeso i kunaja.

04/11.txt

@@ -0,0 +1 @@
+\v 11 Ja mi ja na aro fatawanke nda baraja i mutu gaɗa yeso da dlabi i  patata i kun tikaja ki nǝn gayuwa.\v 12 Gaɗa kasǝn,mutu a wana i gadavaja, amman aro a wana i kuna kun.

04/13.txt

@@ -0,0 +1 @@
+\v 13 Amman dai ja na nǝnwa sǝku ki bar jirewa kaki mi nda tarnu."Na bar na jirewa gaɗa kasin ja ramau ke"Ja ke ja barna jirewa jake zam ja rammau.\v 14 Ja na zigawa ma,nǝn mi  i tatla yeso da kun mutu,a sukuna na tlatla ja i ɗa gayi na aci.Ja zigdu a takkana ja na kun i kima geri.\v 15 Be tawawke gada ku gaɗa sarta mi nda tatku herr i ndawa gawan,giɗliɓ suku ,nǝn gara,sasksaktǝ kakasǝku.

04/16.txt

@@ -0,0 +1 @@
+\v 16 Kasǝn ke ja gishaja tatlu bai,ko gada kasin ki jijewa ja tika dlimatu i kun nǝnwa sǝku nda kacinaja karara fatanwanke.\v 17 Gaɗa sǝn,sabone ki sartu rab, a saparataja i nye saksakta mi go dadigǝri mi dukshi  mi dikana gawayu rama.g\v 18 Gaɗa ja zaga be mi nda lawangu bine ,amman be mi nda lawangu ,be mi a sukakaya bai amman be mi nda lawangu bai atune go dadigǝri.

05/01.txt

@@ -0,0 +1 @@
+\v 1 Ja zigadu i ɗa cewan in munduwa tuku mi ja dambasu i kunu rubungara nǝn, ja na zaka luma ɗagai da ri kaksǝku munduwa ne mi nda lumna aikwak nǝn gayuwa bai.\v 2 Gaɗa a kun tuka ja ngurgur,ja zagau nda cirupci ja na ri mbasaja ki disku.\v 3 Ja zaga sune gaɗa da ri curuptaja nda bi ja na tuka gaɗu bai.

05/04.txt

@@ -0,0 +1 @@
+\v 4 To sǝn go'yuwa, sartunǝn ja kun baga tuku,ja ngurgur gaɗa dukshi, gaɗa ma jancu nda cirupci ja,gaɗa aro danci na bi mi ƙi mutu.\v 5 Nǝn mi a saparata ja gaɗa sǝn aci ne kakasǝku ne mi bardija nǝnwa gǝri i miyak alkawar bi mi aye ni.

05/06.txt

@@ -0,0 +1 @@
+\v 6 Gaɗa sǝn ja na awayu gishi fatawnke.Jampi ankal i ɗa gafa mi ja dlam kawa I kun tǝkatukin ja puɗǝn na mǝgǝnyi.\v 7 Gada ja rakan ikun bar jirewa,amma dari lawan da bai.\v 8 Gaɗa sǝn jana awayuk gǝshi.Ngalgo ja bur na ja na tika tuku jam mbasu na mǝgǝnyi.

05/09.txt

@@ -0,0 +1 @@
+\v 9 Se ja kaci naaci buraja,ko ja kun tika ko ja piɗǝm,dlam be mi aci ancu.\v 10 Gaɗa katanas tike a akitta i kuma gwajere sheria ki masihu.Gaɗa tike da gǝn ladek wana gǝri kal_kal na be aci dlamu saturni mi aci kun tika tuku.Ko be  blan ne ,ko be gaɓshui.

05/11.txt

@@ -0,0 +1 @@
+\v 11 Gaɗa ja ziga na kalu mǝgǝnyi,ja iwa ankal ndawa.kakasǝku a lawan be wara wa kunu i patata,na tumangu kasǝngu ne a patatai kun kuraram kun.\v 12 Gaɗa ma jance ja i wi ankal kun gaɗa kwaki i dak ja ndak jirewa bai,amman ja bari kun auva dlam maɗe na ja.Gaɗa jabi amsa ml kwa bari ndawa mi fariya na wanakshi,mi a dlamau ammanvda kun gishakshi bai.

05/13.txt

@@ -0,0 +1 @@
+\v 13 To ko da ngum ja vernaja,gaɗa kun ankalja,gaɗa kakasǝku ne amman in ja kun ankalja to gaɗa kun ne.\v 14 Gaɗa ntu masihu katanas ne ija gȧɗa ja zigana sau ma:nda ramma,nǝn gayi mutu gaɗa tike,zam gaɗa sǝn duk nda mutu nakshi.\v 15 Gaɗa masihu mutu gaɗak tike,ndawa mi na aro akshi a aro gaɗa aɗakshi bai.sǝrum sǝn akshi na aro gaɗa aci mi mutu zam da tlingǝri.

05/16.txt

@@ -0,0 +1 @@
+\v 16 Gaɗa sen ne, da gususku ja sukuna hagata nǝn wambai i dak ka i dak kilado nǝngaiwa ko da waci i kau ja taɓatu lawan masihu na sǝn .Amman gususku,jaivu na hagata ta tike kasǝn.\v 17 gaɗa  kasǝn,duk nǝn mi akun masihu nǝn ,aci karakara dlama ne gamana wana duk na bai ɗasǝngara,nabi dlamnakshi karara gususǝku.

05/18.txt

@@ -0,0 +1 @@
+\v 18 Duk bi tuku da ri kakasǝku ne,mi aci salotuwa na aɗagǝri da ri masihu,dan  da bardiwa wanak dlam salo \v 19 Wato,i kun masihu,kakasǝku salotu duniya i nye ri gǝri,lambe gǝri bai na zadak aibabin nǝn gayuwa, sai aci da bardiwa wanak salo.

05/20.txt

@@ -0,0 +1 @@
+\v 20 Gaɗa kasǝn nda cikɗuwa i sǝrum dak wanyi masihu,ƙabe kakasǝku a wila ndawa  da riwa.Ja wilakun gaɗa masihu,"adlamina salo na kakasǝku"\v 21 Aci ƙata na masihu da dlam gǝri bik samsam gada aibawa,mi aci ngalte-dlam aipu bai gaɗa i kun masihu wa bi mbasu adalta kakasǝku.

06/01.txt

@@ -0,0 +1 @@
+\v 1 Gaɗa wa wana a ɗa gayi na wila kun,kwa waya herr sǝku bai.\v 2 Gaɗa aci ramma,"Lockutu herr na kirumtukun kun"zam gafa raa na batakun" gususku ne fa locwktu herr.Zam gusku yaye lockwtu̵ raa.\v 3 Ja ɗawa bi vugi i kima nǝn wanbai da kuna kun,gaɗa jancu wana ja da dlaɓai vatuku bai.

06/04.txt

@@ -0,0 +1 @@
+\v 4 A sǝrum sǝn, ja takki aɗaja da ri wana ja, i ɗak  ja guzabicin kakasǝku ne ja guzabcin gǝri dari gaw kamadaja ,na bone jiktu na bone.\v 5 Daak ,dilo,tltti ankal,wana go rankata,rashik yuwan,divid tawanke,na kun maya.\v 6 i kun be blan,zigaya,kanadi, hal blan ,i kun nǝnwa kakasǝku na intau ki  jirewa.\v 7Ja guzabcin gǝri i kun dlam jirewa i kun ƙǝrmai kakasǝku.wa na bizha a mata na matlawai.

06/08.txt

@@ -0,0 +1 @@
+\v 8 Ja wana ikun martapa ,na kun rashik martapa,ngufta na giɗliɓ.Nda nguftaja i dak ja dak gube, duk na kasǝn da ndak jirewa .\v 9 Ja wana kaki ndawa mi da zigakshi bai amma ja a zigakshi a  wana ka dawa mi a mutu gawa  har gususku jana aro Ja wana ka ndawa mi da hakagatinakshi amma hagata ki tǝk  bai.\v 10 Ja wana kaki ndawa mi na dlimit aro, amma fatawanke ja kun perrdai, ja wana ka ki ndaktluwa amman ja dawu ndawa gawa da dlam nakshi ndak birǝɗ. jawana kaki janabebai amman ja na tamke.

06/11.txt

@@ -0,0 +1 @@
+\v 11 Jarami kun jirewa duk ndak karantus,zan gishikja da rufta.\v 12 Ja tagsu gǝshaja bai,kun ne kwa tagsu nagǝshakun gaɗa ja \v 13 gususku na ramma,na kun kaki mamau a ruftineja gǝshakun.

06/14.txt

@@ -0,0 +1 @@
+\v 14 Kwa kabta aɗa kun na duk rashi bar jirewa bai kwaɓtu babu adaci  na babu kumangar nǝn tam?ko kwa gwaɓtu afa na divid nǝn tam?Akawar tawan a gadaavk masihu na lǝspǝr?kwa kwaɓtu dak bar jirewa na ndak rashik bar jirewan tam?\v 16Ko kwa alkawar tawan a gaɗavak susu magata kakasǝku na garǝm?Gaɗa wa susu magata kakasǝku mi na aro ,kaki ani kakasǝku ramma"Na mbasu ga ikunakshi ,na diam rakan i gaɗavakshi.Na dlamanga kakasǝku kakshi,akshi ki a dlananakshi nda ganai"

06/17.txt

@@ -0,0 +1 @@
+\v 17 Gaɗa kasǝn,"Avirina da kunakshi kwa ciripci aɗa kun"ramun magǝnyi."kwa linta be gashi bai,na gǝnnakun.\v 18 Nadlammanga a fik i kun,kun nye kwa dlaɓa naku kutli gamsak na amatau i riga ra mun mǝgǝnyi baci kirmai duk.

07/01.txt

@@ -0,0 +1 @@
+\v 1 Nda in tau,gaɗa wana zadak alkawar tuku,warɗa wa dlami aɗawa da kun duk be mi a dlimtadiwana nǝnwak suku mi akuna wa warɗa wa dlam mbasu blan i kun kalau kakasǝku.

07/02.txt

@@ -0,0 +1 @@
+\v 2 A bari na ja lokutu! ja diamtu gǝshi nǝn wam bai , ja cutati nǝn wan bai, ko ja zaɓatatu nǝn bai.\v 3 Na ran sau gaɗa na karɗa nǝn wambai,gaɗa na wurmu na randikun,ma kun kwa kun gishakaja.Ko mutu ko aro wa ɗa gayi.\v 4 I na awayau gishi ikuna kun,na fahari na kun .Iyu da niya wa jigyayi.Aro gishiga niyin gara pal duk na rasik awayukja.

07/05.txt

@@ -0,0 +1 @@
+v 5 Sartu mi ja dew i kun make duniya tikaja bai futu bai gadak sǝn,ja tufi kun jiktu da duvu tawanke,tlatli ankal da vuda kalau da kwakunu.\v 6 Amman kakasǝku  bai dlam tazaiya na ndawa iri go awayau dlam dija tazaiya da rini Titus.\v 7 Da ri ni geri gara bai kakasǝku dlamija tazaiya bai,amma gaɗa zadak tazaiya mi Titus bau da ri kun.Aci ram di ja intau mi aci nati gaɗakun,dlimut gǝshakun,na zadak gazubur kulatakun gaɗa ga, na dlam na perrdai rankata.

07/08.txt

@@ -0,0 +1 @@
+\v 8 Ko gaɗa kak kadu ga dlam tidikun arokun,na dlam na zigaya ga bai,amma sartu mi na yakintu kakkadu dlimti dikun aro kun ten na dlam na da gafa.sai dai dlumut aro kun ƙi sartu rabɗagai ne.\v 9 Gususku kwa na perrɗai gaɗa dlumut aro kun bai,amma gaɗa d.lumut aro kun dena kun i tubi.Kwai ka na dlumut aro da rigi kakasǝku kun ke kwa buku be bai gaɗa ja.\v 10 Gaɗa dlumut aro da ri kakasǝku a ni na tubi mi a ni na raa, mi go da gafa.dlumut aro i kun duniya kwa ani na mutu.

07/11.txt

@@ -0,0 +1 @@
+\v 11 Akina zadak niya blan mi kakasǝku dlami kun da ri dlimut aro i kuna kun.Na zadak myakun mi a tatkun i dak kun go aibu,nana zadak marum dlumut arokun kalau kun,na ɗawa gishaka kun kwarokun na marmarakun ki lawan i dak adalci i kun tawanke,kwa tata aɗa kun dak hal blan i kun tamke.\v 12 Duk da na tarnekun,na tarnekun gaɗa babu aibu bi ne ko nǝn mi nda dlamici aipugu. Natarne ne gaɗa,ardaja gaɗa kun da dlaɓi ga zigayak i kǝma kakasǝku.

07/13.txt

@@ -0,0 +1 @@
+\v 13 Gadak  sǝn ne ja ba ɗauzuta.Zam na  kasǝn gaɗa jiba ami ja,ja dlam na rawi gǝshi Titus,gaɗa kararak nǝnwa sǝku ki gǝri da ri kun guniɗ.\v 14 Gaɗa kwa in na dlam fariya na kun i kǝma gǝrrin,na kǝmu zhirau bai amman kaki mi ja rami kun tamke jirewa ne.Fariya ja da ri Titus dlamun gara katanas.,

07/15.txt

@@ -0,0 +1 @@
+\v 15 Intau geri i ri kun tlapar, kaki mi aci a tunakun da ri ladab kun duk, kaki mi kwa gǝnashi na kalau na jiganta tǝka.\v 16 I na pǝrrɗai rankata,gada ina marum ɗawa gǝshi a kuna kun.

08/01.txt

@@ -0,0 +1 @@
+\v 1 Jan cu kwa zigidu,i yaganawun ga gamasak na gamaɗ gaɗa herr kakasǝku mi bari ndak ɗiga ki makadoniya.\v 2 A lawan marum kaktla kabe n,gawa perrɗaikshi na tita tluwakshi yaudikshi marum bǝriɗ bari go iyuwa aikwak.

08/03.txt

@@ -0,0 +1 @@
+\v 3 Gaɗa i na saida akshi a dumu na baru da kun ntu gǝshak shi.\v 4 Na wila gawa akshi da naceshi ma nda barikshi sartu akshi da dawi aikwak i kun marum wana tuku i ndawa mi barna jirewa.\v 5 Dlaɓu kasǝn kaki mi ja dlam tumangu bai i sǝrum sǝn akshi da ɓanji  barik aɗakshi i mǝgǝnyi. kuru barna aɗakshi i ja gaɗa intu rama sǝku.

08/06.txt

@@ -0,0 +1 @@
+\v 6 Sǝi akshi da dauzi Titus,mi baditu na wana bari tuku gaɗa da dlamu na wana bari tiku i kuna kun.\v 7 Amman kwa sukunu na kun i kun tamke i kun barjijewa i kun rama i kun zigaya,i kun wana rankata i kun intukun gaɗa ja kasǝn zam kwa sukana kun i kun wana ki bari go "yuwa aikwak.

08/08.txt

@@ -0,0 +1 @@
+\v 8 Na ram kasǝn ka ki mi na ɗawa kun i awayau bai i serum sǝn na ram kasǝn gaɗa na kaktli jirewa intukun da ri kakla amman kun na gagzhǝn ndawa.\v 9 Gaɗa kana zigana herr mǝgǝnyinyawa yeso masihu.Aci babu burǝd amman da dlamin gǝri tlatlawa gaɗa kun.Gaɗa da ri tluwa gǝri kwa dlam na ndak burǝd.

08/10.txt

@@ -0,0 +1 @@
+\v 10 I kun lamar tuku na bari kun shawar mi a banata na kun.Amman mi buntu,kwa ɓandu be ɗagci bi ne,amma kwa dlam kasǝn.Gususku a\v 11  dami adu kaki mi kwa ɗawi kuna kun i sartu a dlama wana kwa damu du i kun duk  be kwa dumu na dlamau.\v 12 In kwa dlam niya kwa dlam wanatukun,be blalan ne zam ga gǝnakwam.Katanas dlamun gara kalkal na be mi nǝn na atu amma be mi nǝn na bai ne.

08/13.txt

@@ -0,0 +1 @@
+\v 13 Gaɗa wana tuku gaɗa ndampi kun dukshi bai ne mi ndau jigab da bi rrama.A serum sǝn,dlam blan tamke da dlami gara kalkal.\v 14 Bayakun a sartu a dlaman  gara bi banatakshi.kasǝnke bayakshi da dlamun gara bi banatakun,gaɗa kasǝn se tamke da dlamun gara kalkal.  \v 15 Ari tun kaki mi nda tarnu mi nǝn na atu gawan,ba puluta bai ko funcik,zam nǝn mi na atu bai buku tamke bai"

08/16.txt

@@ -0,0 +1 @@
+\v 16 Amman gǝɗliɓ ikakasǝku,mi ɗawi kun gǝshi Titus intu hankal takun kaki mi i na atu gaɗa kun .\v 17 Gada aci gǝn wila ja jab bai, amma dlam na jirewa gaɗa kasǝn.Dew rikunne a ɗa intugǝri.

08/18.txt

@@ -0,0 +1 @@
+\v 18 Ja wane aci i ɗagayi na yagana mi da gǝɗliɓgeri kun ndak diga mak gaɗa wana gǝri ki wazik.\v 19 Gaɗa sǝn jab bai,amman ndak ɗiga ne cikɗaci dayi naja i ɗa gayi i kun wana marum tuku.Sune gasaksakta mǝgǝnyi na dagǝri zam gaɗa aniyaja ki banata.

08/20.txt

@@ -0,0 +1 @@
+\v 20 Ja rawau gaɗa kar tike dampi aipu bai gaɗa be blan mi ja na atu.\v 21 Niya ja ne iɗa ja dlam be blan,ba i kuma magǝnyi rugǝri bai, amman i kima ndiwa ke.

08/22.txt

@@ -0,0 +1 @@
+\v 22 Zam ja wana yagana ɗagai ida gayi na kashi.Ja sa kaktla gori,ja baci na kokari a kun wana gǝri duk.Gususku kwa sukunu na himma gaɗa marum yarda gǝri i ri kun.\v 23 Idak Titus,aci manga babu rakan aɗa gayi,zam manga  wana ga gaɗa ku.Idak yaganaucin wa,nda wane akshi ne da ri ndak ɗiga,akshi kwa dak martaba ne i masihu.\v 24 Gaɗa kasǝn a tatkinenshi intau,a tatkine dak ɗiga tsababi mi na arɗtinga na kun.

09/01.txt

@@ -0,0 +1 @@
+\v 1 I gaɗa wana intu seku,dlam, katanas bai na tarni kun .\v 2 Na zaga na muradakun,miwara na atu i kuma ndak makadoniya.Na ramdikshi akaya akshi hagata tinakshi tun madafun.wanakun ɗawuna gawakshi tufu nakshi, i  dlam wana.

09/03.txt

@@ -0,0 +1 @@
+\v 3 In na wane di kun yaganaucin gaɗakar wana ja da dlabi vatuku bai,gaɗa kunke kwa dlabi na shiri,kaki mi na rami kun kwa dlami.\v 4 In kasǝn bin,in na ɗagai da kun makadoniya ɗi go i yin,tase kun kwa dlam bin,wa kumu na zhirau,na rama tanke bai gaɗa kun,gaɗa i na katanas i aɗa kun.\v 5 sei naiki dlam blan na dabe yaganaucin da nai i ri kun dede sartu da dlami akshi da dlam saparata i dak bari mi kwa dlam alkawari gu dlam kasǝn ne gaɗa na saparaci  sǝrum bari,da kun gǝshakun gayi,gaɗa na ɗawa kun i bari i awayau bai.

09/06.txt

@@ -0,0 +1 @@
+\v 6 Biwu ata ne nǝn mi zigimu damak nǝn,a karma funcik,nǝn mi zigimu gaɗa dabi barkan a bina barka.\v 7 ndaiva tike da bara kaki mi aci dlam niya i kun gǝshi gǝri kar da bari kaki aci anci baru bai.Ko kabe nda ɗawaci dole.Gaɗa kakasǝku ancu   bari na arawi gǝshi.

09/08.txt

@@ -0,0 +1 @@
+\v 8 Kakasǝku dumana tamke aci a ɗawau kwa sukuni ikun barka,gaɗa fatawanke,i kun be tawanke,kun na duk be mi kwancu,gaɗa kwa sukuni i kun wana blan tawanke.\v 9 Kaki mi nda tarnu ma,aciɓur na birǝɗ gǝri da tarɓu di ndak tluwa,adalta gǝri dam mbasu gara har dumaro.

09/10.txt

@@ -0,0 +1 @@
+\v 10 Aci mi abar zadak i babu zǝgim na sinasin gaɗa bikta,aci ne abaru zada kun da sukuningara gaɗa zǝgim zam da ɗawi karam adalta da sǝkunungara.\v 11 Kwa bina  birǝd da duvu tawanke gaɗa kwadlam dak bari,su kwa a ɗawu nda dlami kakasǝku sambarka darija.

09/12.txt

@@ -0,0 +1 @@
+\v 12 Gaɗa wanatuku a ngumu jiktu ndawa mi go aipu jab bai,amma a sukuna,na "yayu gawa bar sambarka i kakasǝku.\v 13 Gaɗa na kaktliku nda ziganakun i ɗa wanatku.Kwa gidliɓ kakasǝku da ri ladab kun i kun dlam rama labar herr ki masihu.Na gawa bari kun i rikshi na tike duk\v 14 Zam akshi ancu lawan kun sartu mi akshi a ta kimana dlamekun magita gaɗa gawa marum herr kakasǝku mi a ɗa kun.\v 15 Gdliɓ i kakasǝku gaɗa bar gǝri mi ɗika na bik rama!.

10/01.txt

@@ -0,0 +1 @@
+\v 1 Iyu Bulus na aɗaga na wila kun dari suna aɗa na ankal zada ki masihu ina gauɗak aɗa bai sartu mi na kǝmakun,amman ina awayau sartu mi na aɗa gayi na kun bai.\v 2 Na wila kun sartu mi na kǝma kun,nancu na dlaɓa baci hal bai.Amman i awayau ne na dlabi baci gauɗak aɗa iɗak ndawa mi a tuman ja mbasu i ɗak hal nǝn gayuwa.

10/03.txt

@@ -0,0 +1 @@
+\v 3 Ko da ja raƙan i datǝka,ja dlam zha zada ki tǝka bai.\v 4 Gaɗa kare zha mi ja zha na atu baigu,zada ki tǝka bai,i sǝrum sǝn,bikzha ki sǝku mi na kǝrmai kǝn rǝbga kǝrmai kǝn lǝsper.A rǝbguna na duk tlatli ankal mi anina dlagad.

10/05.txt

@@ -0,0 +1 @@
+\v 5 Ja rǝbga na duk be mi a ni na kuri zigaya sǝku.Ja jiba zadak kuraram tawanke i nye ladab i masihu.\v 6 Ja saparatu naja ja hagati zadak wana tawanke na kur ladab,sartu mi ladabkun mbasungara nǝn.

10/07.txt

@@ -0,0 +1 @@
+\v 7 Ai ki be mi nda ɗawu i patata i kimakun .In zam ɗagikun, aci ki masihun nǝn,aci da tana kaki mi aci ki masihu  jake kasǝn.\v 8 Na dlam fahariya da ri kǝrmai mi mǝnyi dlamija gaɗa ja jauzi kun,bama ja rǝbgǝnakun bai,na kimu zhǝrau bai.

10/09.txt

@@ -0,0 +1 @@
+\v 9 Nancu da dlama ka,na tlatlikun ankalkun na kakadu mina tarnukun bai.\v 10 Gaɗa ndau jigab a rammau ma,kakadu mi aci tarna na kǝrmai ki tlatli ankal,amma in kaikacin ga mawayak .Tilam gǝri bi kǝrumta bai".

10/11.txt

@@ -0,0 +1 @@
+\v 11 Ndangu da ziga ma be mi ja ramau i kun tilam kakada mi ja tarnu sartu mi ja riwu bai,ja dlamau kasǝn in ja riwun.\v 12 Janibki ada ja na nǝn wambai,ko ja kaktli aɗaja na dak gǝdliɓ aɗakshi.Amman sartu mi nǝn,akshi kaktli aɗakshi gatukshi nǝn,akshi da tatki aɗakshi gatukshin akshi na zigaya bai.

10/13.txt

@@ -0,0 +1 @@
+\v 13 Duk na kasǝn ja dai ja dlam fariya da ɗaki kaki mi dlam kalkal bai.Sǝrum sǝn,ja dlamu kalkal kaki mi sǝku mpeja akwaja.Akwagu nǝn kun.\v 14 Gaɗa ja dikakun bai lokartu mi ja dew i ri kun.Jadadi kun labar herr ki masihu sǝkun nǝn ja.

10/15.txt

@@ -0,0 +1 @@
+\v 15 Ja fahariya gawa bai gaɗa wana ndau bariwa kun da sǝkunyi gaɗa pala wana ja da tlipapunyi lapar bar dadigǝri gara.\v 16 Jancu kasǝn,gaɗa jayi na labar herr i nye chidi mi a kǝma na ku kun.Dlam fahariya na wana minda dlami i chidi ɗagi bai.

10/17.txt

@@ -0,0 +1 @@
+\v 17" Amman nǝn tawanke a dlam fahariya nǝn,da dlamatu i kun mǝgǝnyi".\v18 Gaɗa nǝn dlam saida aɗagǝri nǝn atune jire bai,sǝrum sǝn,sǝi dai nǝn mi ba saida dari mǝgǝnyi nǝn.

11/01.txt

@@ -0,0 +1 @@
+\v 1 Natumangu kwa ardata na kun na iyu i kun dlibgǝnu rab.na zigadu kwa ardatu na yu!\v 2 Gaɗa na guru gaɗa kun.guruga ni zadak kǝ sǝku gaɗa kun.Tun da na dlam na alkawar ziba gǝmsǝk gayi na kun .Na dlam na alkawar tatkakun kaki dabaku mi go aipu i masihu.

11/03.txt

@@ -0,0 +1 @@
+\v 3 Gaɗa na gafaka i ɗakun da wana nge kaki mi mbikɗa,luvatu Hauwa'u da ri papiya da dlamingara i  kuraram  da dlagjingara,da ɗa jirewa go aipu ki dlam nakwana i masihu.\v 4 bi misal,in ɗagai de na labar wagirma rama yeso dama na mi ja dlami kun wa'azigǝri nǝn,ko kwa gǝn na nǝnwa sǝku dama na mi wara wa ramun wagǝrmau  nǝn,ko kwa gǝn labar herr dama na mi wara  ja gǝn nǝn.Arɗa kun mi kwa dlamijandau batadubi?

11/05.txt

@@ -0,0 +1 @@
+\v 5 Gaɗa na tumangu,iyu ki aku bai i kun ndawa mi nda ɗarau ma marumamin,mawanaucin. \v 6 Ko da nda gagza bai  i dak dlam waazi, na buku gugza zigaya bai.da duvu tawanke ja ram di kun tamke idak sǝn.

11/07.txt

@@ -0,0 +1 @@
+\v 7 Na dlam aipu bi gaɗa na katana aɗaga be bai gaɗa nda getliɓi kun?gaɗana dlam dikun waazik herr sǝku gaɗau.\v 8 Na gumbu be bi da rik nɗak ɗiga gaɗa na dlami kun wana.\v 9 Sartu mi na ɗa gayi na kun na ba aɗaga i kun jiktu,nanpe nǝn wam dukshi bai ,Gaɗa yaganancinga mi dew da makadoniya ngum da duk jituga.Ikun tamke na iyu na aɗaga nampa dukshi i ɗa kun bai.Zam nata kǝma na kasǝn.

11/10.txt

@@ -0,0 +1 @@
+\v 10 Ka ki mi jirewa masihu a kun ga nai,na dlam shiru bai na fariya na sau zam na ta kima kasǝn i kun lardi akaya.\v 11 Gaɗa gǝmo?Gaɗa nan ci kun bai?sǝku zigadu.

11/12.txt

@@ -0,0 +1 @@
+\v 12 Amman be mi na dlamau,na ta kima na dlamau.Na dlam kasǝn gaɗa na giji na sartu ndawa mi ancu dabi sartu kaki wa idak be mi akshi a fahari na atu.\v 13 Gaɗa zadak ndawa tuku mawanaucin papiya dak jirekǝn.Akshi a dayu na gǝnawa gaɗa ndamakshi i ɗa akshi mawanaucin masihu.

11/14.txt

@@ -0,0 +1 @@
+\v 14 Su bi ajab bai,gaɗa lǝspir ke a ɗayu na gǝnawa da vǝrai kaki malaika ɓayan \v 15 Su bi maram ajab bai in guzabcingǝri ɗayu na gǝnawakshi,gaɗa ndamakshin ka akshi guzabcin adalta.Dadigǝrakshi a dlaɓan be mi akshi dlamu.

11/16.txt

@@ -0,0 +1 @@
+\v 16 Na sǝkuna ramau: Nǝn wam da dlama tuman bai ma iyu kakaɓu.\v 17 Be mi na ramau i dak dlam fahariya go kalaugu gaɗa intu mǝgǝnyi bai amman na ramau i miyak kakabu.\v 18 Gaɗa ndawa gawa a fariya ikun tǝka,iyu ye na dam fariya.

11/19.txt

@@ -0,0 +1 @@
+\v 19 Gaɗa kwa perɗai i ɗa gayi na kakaɓucin kun dak asǝmbi! \v 20 Zam kwa dlamna kanadi na nǝn mi dew a dawakun i kun gusapuna in dena ɓura-ɓura i gadavakun nǝn a paida na kun gaɗa sukuna aɗagǝri,in mana aɗagǝri aci ɗika na tika nǝn,ko da maskalati kun i gunshakun.\v 21 Na rama sau na zhirau,wa laratu nawa rakata idak dlam sau.

11/22.txt

@@ -0,0 +1 @@
+\v 22 Akshi yahudanci bi? iyu ke kasǝn,Akshi kadugu Ibrahim bi? Iyu ke kasǝn.\v 23 Akshi guzabcin masihu bi? narama kabena kun ankalgabai,na ɗika na akshi ngum.Na dlama na wana akshi duk i  tife dilo na ɗika tike, i nye devu mutu zigir gawa.

11/24.txt

@@ -0,0 +1 @@
+\v 24 Da aikwak yahudancin na sa lakodi zigir vaɗ."gumu fuɗu na bi gayi"\v 25 Nda dlakata 'yu zigir kwan na zawa.Nda vǝrka 'yu zigir gayi na guguwayayin.Na dlam hatsari na sawu am zigir kwan.Na dlam yuwan gayi na nawa gayi ikun gadak anku.\v 26 Na sa raƙina i kun hatsari ankwakwin,i kun hatsari ki dak pashi,ikun ndaganai,i kun ndawa mi ziga sǝku bai,ikun alkariya,i kun pata,na kun anku,i kun hatsari yaganaucin duk papiya.

11/27.txt

@@ -0,0 +1 @@
+\v 27 Na ba aɗaga i kun wana rankata,i kun hal mi tita,i kun diviɗ go yuwan,i kun maya na giji,i kun dlam asham,i kun mama na tǝka gaɗau.\v 28 Daku jandau mak na dukshi a ɗaga fatawanke gaɗa jiktiwa i dak ndak ɗiga mak.\v 29 Ga mbotak nǝn tai mi na adlci i mbotu bai?dawa dagai nǝn tai i dlam aibu mi, baka iyu bai?

11/30.txt

@@ -0,0 +1 @@
+\v 30 In na dlam fahari nǝn,na dlam fahari idak be mi a tatika rashik gawayuga.\v 31 kakasǝku.Afǝkmǝgǝnyawa yeso,mi bata na gǝdliɓ har dumaro,zigadu na dlam papiya bai.

11/32.txt

@@ -0,0 +1 @@
+\v 32 i kun damadka Gwamna mi a gawa i diɗa Aritas dawa nda dlam ɗumar i kunalkariya Damasku,gaɗa nda jiɓaiyu.\v 33 Amman nda ɗawe iyu da window ikun daɓur nda rafke iyu dak garu ɗagu,na gumbunga da aikwak gǝri.

12/01.txt

@@ -0,0 +1 @@
+\v 1 Jibin gara na dlam fariya, ko da na riba bai;Amman na ta kǝma na wahayi ruyayin da ri mǝgǝnyi.\v 2 Na ziga  na nǝn dagai i kun masihu,mi dlamman guma ayawa fudu,mi buntu,ko i kun tǝka,ko i kun tǝka bai,wa ziga bai,sǝku zigadu nda mana aci i nye disku ma kwan.

12/03.txt

@@ -0,0 +1 @@
+\v 3 Zam na ziga na warau ko i kun tǝka ko i vǝda,na ziga bai sǝku zigadu.\v 4 Nda mana aci i nye janna Kuma bi saksakta lamar mi go nǝn a dumu da rami.\v 5 Na dlam fariya i zadak nǝn tunu.Amman i sǝrum ga na dlam fariya bai.Sai dai na dlam gaɗa tatlu ga.

12/06.txt

@@ -0,0 +1 @@
+\v 6 In nancu na dlam maɗe nǝn,a dlaɓ dliɓgǝnu  bai,gaɗa na jiba rama jirewa.Amman na dlam ruwa  fariya,gaɗa  dau jigab da kuna kun dami iyu da ɗikina be akshi kǝmau ko i kun i ɗaga.\v 7 Na ruwa dlam fariya gaɗa be mi ɗika na ginawa ruyayin,gaɗa na dlaɓa baci gauɗak aɗa bai,nda bar da jijm mi dukshi i tǝka ga mi a dlapiga.Mawak gu ga tikai di ri lǝspir,gaɗa da ravinyi iyu gaɗa kar na dlaɓi baci gaɗak  aɗa.

12/08.txt

@@ -0,0 +1 @@
+\v 8 Na tabtli mǝgǝnyi herr zǝgǝr kwan,gaɗa da iyu da nai bitiku.\v 9 Amman da ra mma,."herr ga nai bata na ci gaɗa da ri rashik awayau ga a miya".Gaɗa kasǝn na kasuktinga na maɗe ga gaɗa kasataga,gaɗa kǝrmai masihu da dam mbashi l kunuga.\v 10 Gaɗa kasǝn i sanadik masihu na kumu karak,ikun gangam kwinaga.Ko mowa,ko jiktu,na jaraba, na dukshi.Gaɗa fatawanke na kumu tita i na awayau zam.

12/11.txt

@@ -0,0 +1 @@
+\v 11 Na dlamunga kakaɓu!Amman kun ne kwa ɗawa 'yu kasǝn.Ca da kwa gǝtleɓaga gaɗa na mbotu bai, i dak ndawa mi na ɗauraikshi ma marumamin muwanaucin bai koda 'yu be wam bai.\v 12 na  cacak alamak za -man wakatu i gadava kun,na cacak kanadi,alama na bi ajab na marumamin wana.\v 13 Dlam nana kwa dlam nakun go paida i ɗak gagzhǝn dak ɗiga,sai gaɗa na dlamga bik jiktu i rikun bi?a tubti na iyu i dak aipu tuku.

12/14.txt

@@ -0,0 +1 @@
+\v 14 'yu na niya ni i rikun ki zigir makwan.Na intutau na dlam dukshi bai i ɗakun  nancu karekun bai,nancu kun gaɗa mamune a dlam tanadi i ma 'yawakshi bai saidai ma 'yawakshi da dlamikshi tandi. \v 15 Na dlam pǝrɗai na ngum  jikta kun,ko a dlaman gara na bar aro ga .In na intutu kun rankata nǝn sai 'yu ne nda intutau fincik?