See in Reader
26 lines
4.3 KiB
JSON
26 lines
4.3 KiB
JSON
{
|
|
"1": "Anưq yôôych, haay hnoq đnooy đaleq? Haay e duh dơơp đnoyq đom kadrôp maroh xôq vanong kaxaay athêêp rah 'ngưưng be?",
|
|
"2": "Varơuq nưq leh xlih vlôh ik. Haay laa adro heq kaxêêt đôôiq dii kadrôp maroh yôôych dơơp aleq haay hnoq măn riilh đom ni?",
|
|
"3": "Long oh ay leh xet đaneq atoh kơyq heq chiuq baap-teem đom Lôôk Wơt Dêh Jê-xu laa heq jah Baap-teem muut đom varơuq kaxêêt ku Kadraq long aleq?",
|
|
"4": "Kơq nưq, haay heq jah up dii Kadraq gamưh pheep baap-teem muut đom varơuq kaxêêt, xôq ka dang đaji Lôôk Wơt Dêh gamưh tađnah tađnaak ku Vaq heq jah khienq riilh hlê xing aduq kaxêêt luleq, yôôych haay kung hnoq ik tawaak hooy đom varơuq riilh đơơu lunưq.",
|
|
"5": "Vii atoh haay heq vlôh jêêk anguk muuyq dii kung muuyq dang varơuq kaxêêt ku Kadraq, yôôych mot kadrơơy, haay kung hnoq laa đanưq aduq varơuq riilh hlê ku Kadraq;",
|
|
"6": "bơyh xet varơuq neq, đaneq koot manih duut ku haay heq biq đongq đin dii Kadraq, xôq xăk xamơk ku kadrôp maroh hnoq ik biq kaxêêt hlơơp, be măn khienq haay dơơp xapok ka kadrôp maroh đnoyq.",
|
|
"7": "Vii kơyq heq kaxêêt yôôych jah 'nhuôt ka'lăăk kaluh rôôp xadrah xing kadrôp maroh.",
|
|
"8": "Bơh atoh haay heq kaxêêt dii Lôôk Wơt Dêh, yôôych haay tuuôq đaneq haay kung hnoq riilh kung dii Kadraq,",
|
|
"9": "vii xet đaneq atêq katuôôy jah khienq riilh hlê xing aduq kaxêêt, Lôôk Wơt Dêh paq măn kaxêêt đnoyq; varơuq kaxêêt paq măn dưk xanok tol Kadraq.",
|
|
"10": "Vii varơuq kaxêêt đơu Kadraq heq chiuq, nưq laa Kadraq heq kaxêêt đôôiq dii kadrôp maroh muuyq yưk đuh dêq. Măn varơuq riilh đơu Kadraq riilh, nưq laa Kadraq riilh ka Kơy Plêêk.",
|
|
"11": "Kung tyauq trôôk nưq, tabơh oh ay pheq 'yo kadih oh ay laa adro kaxêêt đôôiq dii kadrôp maroh, bơh laa riilh ka Kơy Plêêk đom Lôôk Wơt Dêh Jê-xu.",
|
|
"12": "Anưq, te xôq kadrôp maroh dưk xanok đom xăk xamơk phuk 'lăălq varơuq kaxêêt ku oh ay, xôq yôôych tameen tyauq kaluh hmưch trôôch ku ni.",
|
|
"13": "Kung te atăq kaluh xăk xamơk ku haay ka kadrôp maroh đaji valong dơơp ku varơuq be hyioh jăk. Bơh dayh tơk tưp kadih haay ka Kơy Plêêk, đaji đong riilh hlê xing adro kaxêêt, ji kaluh xăk xamơk ku haay đaji valong dơơp ku varơuq hyioh jăk ka Kơy Plêêk.\n",
|
|
"14": "Bơyh kadrôp maroh hnoq be jah dưk xanok tol oh ay, vii oh ay leh măn 'lăălq ganuun, bơh laa 'lăălq vanong kaxaay.",
|
|
"15": "Anưq yôôych luleq? Haay e duh lôôp kadrôp vii haay be măn 'lăălq ganuun, đơu măn 'lăălq vanong kaxaay be? Varơuq nưq leh xlih vlôh ik.",
|
|
"16": "Oh ay leh xet đaneq oh ay atăq kadih oh ay ka varơuq kajoq đaji xapok đom varơuq tameen tyauq, yôôych oh ay vlôh jêêk xapok ka varơuq đơu oh ay tameen tyauq long aleq - paq kêê laa ku kadrôp maroh jarooy truh varơuq kaxêêt, long laa ku varơuq tameen tyauq jarooy truh varơuq hyioh jăk?",
|
|
"17": "Bơh kuh kwaay Kơy Plêêk vii oh ay 'miêh laa xapok ku kadrôp maroh, đơu oh ay heq xing aduq xuum klaak tameen tyauq đôôiq dii dơơp atôôlh trôôk pato đơu oh ay jah pato dayq.",
|
|
"18": "Măn atêq katuôôy jah luh vlôh klơlh kadrôp maroh, oh ay heq jah dơơp xapok ka varơuq hyioh jăk.",
|
|
"19": "Gô đnooy tyauq trôôk koot manih bơyh kơq ka varơuq ravoch ku xăk xamơk oh ay. Vii luleq oh ay heq atăq kaluh xăk xamơk ku oh ay đaji xapok ka varơuq klơl yêq ji ka varơuq xơk tauq neq truh varơuq xơk tauq hơq, yôôych juneq, kung đanưq, oh ay dayh tơk tưp kaluh xăk xamơk ku oh ay đaji xapok ka varơuq hyioh jăk jarooy truh varơuq vlôh vah.",
|
|
"20": "Vii tuôôy oh ay măn laa xapok ku kadrôp maroh, yôôych oh ay 'miêh jah rayơơh rayơơy đôôiq dii varơuq hyioh jăk.",
|
|
"21": "Yôôych anưq oh ay heq e raak plaay kajoq tuôôy nưq truh kaluh kajoq đơu juneq oh ay kadih hloq kamưưl? vii atêq lôôch ku kaluh varơuq nưq laa varơuq kaxêêt.",
|
|
"22": "Bơh juneq, atêq katuôôy jah luh vlôh klơlh kadrôp maroh ji jah dơơp xapok ka Kơy Plêêk, oh ay e raak plaay ku oh ay jarooy truh varơuq vlôh vah, đơu lôôch dik laa varơuq riilh đơơy đơơy.",
|
|
"23": "Vii jêêt hngơy ku kadrôp maroh laa varơuq kaxêêt, bơh kadrool ku Kơy Plêêk laa varơuq riilh đơơy đơơy đom Lôôk Wơt Dêh Jê-xu, Lôôk haay."
|
|
}
|