See in Reader
26 lines
4.0 KiB
JSON
26 lines
4.0 KiB
JSON
{
|
||
"1": "Mot kadrơơy, dayh đnoq nhonq manih ravoch đom xuum tuuôq, leh jarooy truh varơuq xưh xadrah kaluh woan điêmh.",
|
||
"2": "Long muuyq dro leq nưq e xuum tuuôq xôq xa tôôy thưq, bơh dro ravoch yôôych vơơ xa ka xeq.\n\\ts\\*",
|
||
"3": "Adro xa te khiin liq adro leh xa, măn adro leh xa te xưh xadrah adro xa. Vii Kơy Plêêk heq đonq nhonq dro nưq.",
|
||
"4": "Adro xưh xadrah xapok đom hnhư ku khơl drơơy, ay laa kơyq? Adro nưq dưk long gưưlh laa đôôiq dii kôôch ku kadih dro nưq. Bơh adro nưq hnoq jah khienq ăm dưk kajưk, vii Lôôk e qwuyen da uuh khienq ay nưq dưk kajưk.\n\\ts\\*",
|
||
"5": "Tabơh dro neq 'yo đinq hngơy neq dii hngơy hơq, bơh dro kadrơơy yôôych biit tôôy hngơy laa tamaq kaxaay. Tôôy dro dayh tuuôq kajưk đom akoq biit haay.",
|
||
"6": "Adro jưư hngơy laa jưư vii Lôôk, adro xa laa xa vii Lôôk, vii dro nưq kuh kwaay Kơy Plêêk, dro leh xa laa leh xa vii Lôôk, dro nưq kung kuh kwaay Kơy Plêêk.\n\n\\ts\\*",
|
||
"7": "Kơq leh ekơyq đom haay riilh vii kadih haay, ji leh ekơyq kaxêêt vii kadih haay.",
|
||
"8": "Bơh hloay katuôôy haay riilh, laa riilh vii Lôôk, hloay katuôôy haay kaxêêt, laa kaxêêt vii Lôôk. Anưq, hloay katuôôy haay riilh hloay katuôôy haay kaxêêt, yôôych haay raay thuôk xuq Lôôk.",
|
||
"9": "Vii xôq jarooy truh varơuq neq, Lôôk Wơt Dêh heq kaxêêt ji heq riilh hlê, xôq Kadraq dơơp Lôôk vơơ ku adro kaxêêt, vơơ ku adro riilh.\n\n\\ts\\*",
|
||
"10": "Bơh ay neq, aleq ay xưh xadrah oh ay haay? Long ay hơq, aleq ay 'yo khiin oh ay haay? Vii dêq hlaoy haay hnoq dưk kangưưl ngôôi xưh xadrah ku Kơy Plêêk.",
|
||
"11": "Đaji apok heq jah vlơk: \\q\n “Lôôk xanoh đaneq: ‘ Đaji Gô hloay riilh, tôôy takuul hnoq kuul apôôt kangưưl Gô, \n\\q \nji tôôy kapiek hnoq xưưng nhonq kangưưl Kơy Plêêk.’”\n\n\\ts\\*\n\\m",
|
||
"12": "Lunưq, tôôy dro đom haay hnoq kahnoq vlôh apok đnooy vlôh truh kadih haay dii Kơy Plêêk.\n\\p",
|
||
"13": "Kơq nưq, haay te liq đnooy xadrah mamuuyq, wih hlê, dayh 'yo đinq luneq măn iaq; leh klook kuuk phơu klơl đơơ long ka kơq xatôôlh gưưlh ka oh ay haay.\n\n\\ts\\*",
|
||
"14": "Gô xet ji tuuôq kajưk đom Lôôk Jê-xu, đaneq be valong kajoq kadih xing ni laa klơl yêq, đêh vlôh dro leq 'yo hlê thưq kajoq nưq laa klơl yêq, yôôych ni laa klơl yêq đôôiq dii dro nưq.",
|
||
"15": "Vii atoh dro oh ay haay biq dơơp ăm jiq xuum kakơq tuôông xa, yôôych oh ay paq măn tawaak hooy tyauq xung xiaq đnoyq. Te kơq tuôông xa ku haay dơơp kaxêêt hlơơp dro oh ay nưq, nưq laa dro đơu Lôôk Wơt Dêh heq kaxêêt thêq.\n\\ts\\*",
|
||
"16": "Nưq, te xôq varơuq kaxaay tamaq ku oh ay biq đnooy laa xơơk.",
|
||
"17": "Vii daak dêh ku Kơy Plêêk leh aalq măn ka tuôông xa ji tuôông hôôch, bơh laa varơuq hyioh jăk ji hrok hrol kung varơuq hlah hlaak đom Lôôk Phool Hiel.\n\n\\ts\\*",
|
||
"18": "Vii kơyq hơu varơuq Lôôk Wơt Dêh tyauq trôôk neq yôôych kaxaay xuum Kơy Plêêk ji jah 'yo nhonq xing koot manih.",
|
||
"19": "Lunưq, haay duh chrơơk tyauq kaluh varơuq tagu hlê ji kaluh varơuq wăk hmưk nhăk jeen ka mamuuyq.\n\\ts\\*",
|
||
"20": "Te phaq ka'lăk varơuq dơơp ku Kơy Plêêk vii ka varơuq tuôông xa. Tabơh tôôy vâk laa vah xarêh, bơh laa kadrôp maroh đôôiq dii adro xa tyauq trôôk dơơp kơq gưưlh lôôp.",
|
||
"21": "Varơuq tamaq kaxaay laa leh xa ôôq kung leh hôôch lok long paq kêê varơuq kajoq đơu gamưh đnư khienq dro oh ay ku haay xatôôlh gưưlh, long biq gưưlh lôôp, long laa vlôh ravoch.\n\\ts\\*",
|
||
"22": "Kadih oh ay e xuum tuuôq luleq, dayh jưư xok ka kadih oh ay kangưưl Kơy Plêêk. Vanong hloay laa adro leh kadih atok xadrah ni đom varơuq ni 'yo nhonq laa jơq.\n",
|
||
"23": "Bơh muuyq dro heq biq đinq kadrôp atoh dro nưq heq xa đong tuôôy biit ravơq, vii leh vlôh xing xuum tuuôq. Mot kadrơơy, tôôy varơuq đơu leh vlôh xing xuum tuuôq yôôych laa kadrôp.\n\\ts\\*"
|
||
}
|