cor_2020_cua_clt_rom_book/rom/7.json

{
  "1": "Nee oh ay (ji gô đnooy ji khơl xet gơnuun), nưq, oh ay be xet đa neq gơnuun ji dưk xanưk khơl drơy tuôôy măn riilh be aalq?",
  "2": "đa nưq, khơl kadrê e kanơu, nưq kanơu măn riilh dong leq, nưq gơnuun păch phayh tyauq kanơu truh dong nưq; bơh atoh kanơu kaxêêt, nưq manih kadrê jah luuh vlôh klơlh xing gơnuun heq păch mư ji kanơu.",
  "3": "Nưq atoh đong tuôôy kanơu măn riilh, đơu kadrê hooy xok kanơu kadrơy, nưq hnoq đnooy ji mư kadrê xa vik bơơyq; bơh atoh kanơu kaxêêt, nưq kadrê jah luuh klơlh vlôh xing gơnuun, atoh xok manih kadrơy kung be aalq ji manih mư kadrê xa vik bơơyq.",
  "4": "Nee oh ay gô, oh ay kung đa nưq, di xak xơmơk ku Kơy Christ, oh ay heq kaxêêt ka gơnuun, heq jêêk ku khơl drơy, ‘ngưq ji manih heq xing aduq kaxêêt riilh hlê, xôq ka haay jah vlôh plaay ka Kơy Plêêk.",
  "5": "ji tuôôy haay măn riilh tyauq xak xơmơk, kaluh xuum adrôp xâuuq gơơmq biq gơnuum păch ahluuk, varơuq dơơp đom xak xơmơk haay ji vlôh plaay ka varơuq kaxêêt.",
  "6": "bơh juu neq haay heq kaxêêt ka gơnuun, ji varơuq păch patăk haay, ji jah luuh kơlh vlôh xing gơnuun xôq hơu varơuq Kơy Plêêk tyauq trôôk đơu ku Kơy Yaak, be aalq tyuaq trôôk duut ku valơk vlôh.",
  "7": "nưq haay hnoq đnooy đa leq? Gơnuun ajơq ji kadrôp maroh be? Be aalq đa nưq! Bơ gô ji nhơơ gơnuun đơu xet kadrôp maroh; ji atoh gơnuun be đnooy: Êêp te tham lam, ji gô hnoq be xet varơuq tham lam.",
  "8": "‘ngưq ji kadrôp maroh heq xok kơq, xing đêêu răng đơu ahleh vlôh kaluh varơuq xuum trôôch đom xuum gô: ji be e gơnuun kadrôp maroh kaxêêt hlơơp.",
  "9": "hngơy hnuu gô be e gơnuun đơu gô riilh; bơh tuôôy đêêu răng truh, nưq kadrôp maroh đơu riilh,",
  "10": "măn gô ji kaxêêt; nưq biit đa neq đêêu răăn ‘miêh dơơp ka gô riilh, heq jarooy gô truh varơuq kaxêêt.",
  "11": "Ji kadrôp maroh heq xok kơq, xok đêêu răăn adôô luut gô ji đa nưq dơơp ka gô kaxêêt.",
  "12": "đa nưq, gơnuun ji hlăng vah, đêêu răăn kung hlăng vah, hyioh jăk ji tamaq kaxaay.",
  "13": "đa nưq varơuq kaxaay jêêk dơơp kơq ka kadrôp kaxêêt ih? Be aalq đa nưq! Bơh ‘ngưq ji kadrôp maroh heq dơơp ka gô kaxêêt, xôq ka tuôôy ni nhonq varơuq kaxaay dơơp kaxêêt gô, xôq kahnoq vlôh ni ji kadrôp maroh; dơơp ka kadrôp maroh xok kơq đêêu răăn jêêk vlôh thiêêt aak.",
  "14": "Nưq, haay xet gơnuun ji thiêng liêng; bơh gô ji xuum xak xơmơk heq biq tech ka kadrôp maroh.",
  "15": "ji gô be xet ik varơuq gô dơơp: gô be dơơp varơuq gô trôôch, bơh dơơp varơuq gô yarơơ.",
  "16": "yôôych gô dơơp varơuq gô be trôôch, nhơơ ka đnư đơu xet gơnuun ji tamaq kaxaay.",
  "17": "ju neq be aalq gô dơơp varơuq nưq đnoyq, bơh ‘ngưq ji kadrôp maroh măn đom gô.",
  "18": "nưq, gô xet varơuq tamaq kaxaay be măn đom gô ‘leq, bơh gô e iq xung dơơp varơuq kaxaay, yôôych be e qwuyên dơơp dong yôôych;",
  "19": "ji gô be dơơp varơuq tamaq kaxaay gô trôôch, yôôych dơơp varơuq xơơk gô be trôôch.",
  "20": "atoh gô dơơp varơuq gô be trôôch, ‘ngưq be aalq gô dơơp varơuq nưq đnoyq, bơh ji kadrôp maroh măn đom gô đa nưq.",
  "21": "nưq gô hloq e gơnuun neq đom gô: Tuôôy gô trôôch dơơp varơuq kaxaay, yôôych varơuq xơơk tagăăp tyauq gô.",
  "22": "Ji tyauq manih pi ‘lăp, gô kung xok gơnuun Kơy Plêêk dơơp kaxaay xuum;",
  "23": "bơh gô tameen hloq đom xak xơmơk gô e muuyq gơnuun kadrơyq tachơơl di gơnuun đom akoq gô, păch gô phayh dơơp xapok ka gơnuun ku kadrôp maroh, ‘ngưq ji gơnuun măn đom xak xơmơk gô đanưq.",
  "24": "ra ơơh ka gô! Akơyq hnoq wơt gô klơlh vlôh xing xak xơmơk hnoq kaxêêt neq?",
  "25": "kuh qwaay Kơy Plêêk, nhơơ Kơy Jê-xu Christ, ji Lôôk ku haay!Đa nưq, nưq ji gô xok akoq khôôk tameen tyauq gơnuun ku Kơy Plêêk, yôôych xok xak xơmơk tameen tyauq gơnuun kadrôp maroh."
}