cor_2020_cua_clt_rom_book/rom/5.json

{
  "1": "nưq haay heq jah xưưng hyioh jăk nhơơ xuum tuuôq, ji jah <strong>hòa thuận</strong> di Kơy Plêêk, nhơơ Kơy Jê-xu Christ haay,",
  "2": "ji Plêêk heq dơơp ăm ka haay gơmưh kajưk xuum tuuôq muut đom vanoong neq ji vanoong di haay đong dưk kajưk; yôôych haay akwoe xak đom aduq varơuq gơmưh ka tađnah tađnaak Kơy Plêêk.",
  "3": "be aalq hloh đa nưq ‘leq, bơh haay kung akwoe xak đom varơuq pơơl hwơơl đnoyq, ji xet đaneq pơơl hwơơl pa iir vlôh xuum chiuq wêêt,",
  "4": "varơuq <strong>nhịn nhục</strong> ahleh varơuq <strong>rèn tập</strong>, varơuq <strong>rèn tập</strong> ahleh varơuq gơmưh kajưk.",
  "5": "nưq, gơmưh kajưk be dơơp ka kamưưl, ji varơuq xung xiaq ku Kơy Plêêk paraay loch đom xuum haay nhơơ Kơy Yaak heq jah kahniq ăm ka haay.",
  "6": "dik đanưq, tuôôy di haay măn iêuq đuôiq, Kơy Christ heq tyauq wat taveek chiuq kaxêêt ka khơl e kadrôp.",
  "7": "nưq, hiêêmq e khơl chiuq kaxêêt ka manih hyioh jăk; bơh kung e khơl chiuq kaxêêt ka manih hyioh jăk.",
  "8": "bơh Kơy Plêêk kahnoq xuum xung xiaq KaDraq truh ka haay, tuôôy haay ji manih măn e kadrôp, yôôych Kơy Christ di chiuq kaxêêt.",
  "9": "nưq juu neq haay heq nhơơ pahaap KaDraq jah xưưng hyioh jăk, hnoq nhơơ KaDraq jah wơt klơlh tôq jaraq ku Kơy Plêêk xet dong leq!",
  "10": "atoh nưq haay đong măn tachơơl di Kơy Plêêk, đơu heq jah <strong>hòa thuận</strong> ji KaDraq nhơơ varơuq kaxêêt ku Koot KaDraq, đanưq juu neq heq <strong>hòa thuận</strong> yôôych, haay hnoq nhơơ varơuq riilh ku Koot nưq đơu jah wơt xet đong leq!",
  "11": "be aalq đanưq heq, haay măn akwoe haay đom Kơy Plêêk nhơơ Kơy Giê-xu Christ haay, nhơơ KaDraq haay juu neq heq jah varơuq <strong>hòa thuận.</strong>",
  "12": "đa nưq, bơh ji muuyq dro đơu kadrôp maroh muut vari dêh, kung ji kadrôp maroh đơu e varơuq kaxêêt, nưq varơuq kaxêêt heq xalih dalơh tol dêq hloay koot manih đanưq, Ji dêq koot manih heq dơơp kadrôp…",
  "13": "adroyq ka tuôôy koq lưưp e gơnuun, kadrôp maroh heq e đom vari dêh neq yôôych, bơh koq lưưp e gơnuun, nưq kung be đnooy ji kadrôp maroh.",
  "14": "nưq xing A-đaam truh Mô-see, varơuq kaxêêt heq dưk xanưk dêq truh ka adro be dơơp kadrôp đa ji kadrôp ku A-đaam, ji manih dơơp long lơuq ku Kơy hnoq truh.",
  "15": "bơh kadrôp maroh be aalq đa ji varơuq kahniq ăm ku ân điênh. Atoh ji kadrôp maroh ku muuyq dro đơu dêq khơl droy kung hnoq kaxêêt, đanưq vanoong ku Kơy Plêêk ji varơuq kahniq ăm đom vanoong KaDraq kahnoq vlôh nhơơ muuyq dro ji Kơy Jê-xu Christ, glơh glaay pa dêq hloay khơl kadrơy xet dong leq!",
  "16": "ưnq kahniq ăm neq be aalq đa ji varơuq xalih truh muuyq dro dơơp kadrôp ‘leq: varơuq xadrah bơh ji muuyq kadrôp đơu dơơp vlôh xưưh xadrah; bơh varơuq kahniq ăm ku ân điênh ji atêq ka ngưưnq kadrôp yôôych, jarooy truh varơuq hyioh jăk.",
  "17": "nưq, atoh kadrôp ku muuyq dro đơu varơuq kaxêêt heqdưk xanưk nhơơ muuyq dro nưq, ji đanưq kaluh khơl nhonq ân điênh ji varơuq kahniq ăm ku varơuq hyioh jăk glơh glaay, oot hnoq nhơơ muuyq dro Kơy Jê-xu Christ đơu dưk xanưk đom varơuq riilh xet dong ‘leq!",
  "18": "Đanưq, muuyq kadrôp maroh heq đơu varơuq xưư xadrah loch dêq ka koot manih đa leq, nưq ji muuyq varơuq hyioh jăk đơu varơuq xưưng hyioh jăk, ji varơuq kahniq ăm varơuq riilh, kung paraay loch dêq ka koot manih đa nưq.",
  "19": "nưq, đa ji varơuq be tameen tyauq ku muuyq dro dơơp dêq khơl drơy vlôh e kadrôp, nưq kung muuyq đa nưq, nhơơ varơuq tameen tyauq ku muuyq dro dơơp dêq khơl kadrơy hnoq vlôh hyioh jăk. ",
  "20": "nưq, gơnuun heq axơơlq muut, xôq ăm kadrôp maroh ‘ngưưnq athêêp; bơh aduq leq kadrôp maroh heq ‘ngưưnq athêêp, nưq ân điênh kơn glơh glaay iaq đnoyq,",
  "21": "đanưq, kadrôp maroh heq xanưk dơơp vlôh varơuq kaxêêt đa leq, nưq ân điênh kung xanưk nhơơ varơuq hyioh jăk đanưq, xôq kahniq ăm varơuq riilh hloay hloay nhơơ Kơy Jê-xu Christ. Ji Lôôk ku haay. "
}