cor_2020_cua_clt_rom_book/rom/9.json

{
  "1": "Gô đnooy dik đom Kơy Christ, gô be athêêk pa ôôh, ji xuum klaak gô dơơp xanưk ka gô đom Lôôk Yaak Plêêk,",
  "2": "đaneq xuum gô thiek hlu rơu ji jiq areh leh hlơơp.",
  "3": "Bơyh gô hnoq ik ươk gô biq axaap ji aklah vlôh klơlh Kơy Christ, vii kơq ay oh gô, ji manih dêh gô tyauq xak vahaap.",
  "4": "Oot laa manih I-sơ-ra-el. Oot jah dơơp koot Lôôk, jah varơuq tađnaah tađnaak, e apok taveek, jah kahniq ăm gơnuun, varơuq kacheeu ayuuôt Kơy Plêêk, kung kaluh apok taveek.",
  "5": "Vaq kơy ku oot ji mo kơy tyauq xak xơmơk ku Lôôk Wơt Dêh - Plêêk ji Kơy Plêêk kôt glơơh dêq. apôôy Kadraq jah kacheeu ayuuôt hloay hloay. A men.",
  "6": "Bơh be aalq apok taveek ku Kơy Plêêk ji be e ich. Vii be aalq akơyq xing I-sơ-ra-el pa iir vlôh dêq hloay laa manih I-sơ-ra-el.",
  "7": "Kung be aalq dêq hloay adrơơk ku Ap-raa-haam dêq hloay dik laa koot xauu ku Kơy, đơu \"bơyh Y-xăk đơu pa iir vlôh adrơơk jah taayh tyauq ơnơơng koot.\"",
  "8": "iq đa neq be aalq koot xauu ku xak xơmơk ji koot xauu Kơy Plêêk, bơh koot xauu ku apok taveek ‘ngưq jah ‘yo ji adrơơk Ap-ra-haam đa nưq.",
  "9": "nưq, apok neq dik ji muuyq apok taveek: kung kawat nưq gô hnoq truh hlê, sa-ra hnoq e muuyq dro koot kanơu.",
  "10": "be aalq đa nưq heq, ka phoon Rê-bê-ka, tuôôy mo nưq ji xing ma kơy haay ji Y-xăk đơu e boonq pa iir đôôi kung đa nưq.",
  "11": "ji, tuôôy vaar dro koot koq lưưp paiir vlôh, koq lưưp dơơp varơuq kajoq kaxaay long xơơk- xôq ji ik jưư xuum kaal paraat trôôk  Kơy Plêêk, ji iq đinq ‘miêh heq rơơlh ku KaDraq, be aalq kơq varơuq dơơp, bơh ji kơq Kơy heq taayh-",
  "12": "ji e apok xanooh ka miq vaar dro koot đa neq: adro kôt hnoq dơơp xapok ka adro de;",
  "13": "đa ji e vlơk đa neq: Gô xung xiaq Gia-kôp ji yarơơ Ê-xaau. ",
  "14": "nưq, haay hnoq đnooy đa leq? E varơuq be hyioh jăk đom Kơy Plêêk aleq? Be e đa nưq!",
  "15": "ji KaDraq đnooy di Môôi-se đa neq: Gô hnoq dơơp vanoong ka adro gô dơơp vanoong, gô hnoq biit angơuq adro gô biit angơuq.",
  "16": "nưq varơuq nưq be aalq manih leq ao ươk long manih leq akhiim đơu jah, ‘ngưq ji xing Kơy Plêêk biit angơuq.",
  "17": "đom rahlaap apok Kơy Plêêk kung e đnooy ji Pha-ra-ôn đa neq: neq ji kơq aleq gô heq xanưk kơy tok, ‘ngưq ji xôq kahnoq qwuyên pheep gô vlôh đom kơy, xôq ka Yal gô jah padooh taboon vlôh loch varii.",
  "18": "đa nưq, KaDraq trôôch biit angơuq kơyq KaDraq biit angơuq, ji trôôch dơơp khăăk xuum kơyq KaDraq dơơp.",
  "19": "nưq êêp hnoq vôôch gô đa neq: a’leq KaDraq măn xanooh? Ji e kơyq tachơơl hlê iq trôôk xuum ku KaDraq ik be?...",
  "20": "wơơy, nee xak, xak ji akơyq, ji hôôk athêêk tachơơl hlê di Kơy Plêêk? E jơq be ji voklok ji varii sek yôôych athêêk tachơơl hlê ji khơl vanool vlôh xak đa neq: a’leq Kơy heq dơơp vlôh gô đa nưq?",
  "21": "manih dơơp huu varii be aal e qwuyên tol varii sek, kung đom nưq dơơp vlôh ngưưng huu xôq dơơp varơuq kôt glơơh, yôôych huu kadrơy xôq dơơp varơuq be kôt glơơh ih?",
  "22": "ayoh Kơy Plêêk trôôch kahnoq vlôh tôôq jaraq ji dơơp ăm xet qwuyên pheep KaDraq, heq xok xuum hmưưt kôt chiuq kaluh huu xưưng jaraq ‘miêh ka varơuq hưư hlơơp,",
  "23": "xôq kung dơơp ăm xet karoh e ku tađnaah tađnaak KaDraq ku kaluh huu xưưnq biit angơuq di KaDraq heq xanưk ‘miêh ka varơuq tađnaah tađnaak, nưq măn đnooy ka joq ik ih?",
  "24": "‘ngưq gô đnooy ka haay, ji adro KaDraq heq taayh, be aalq xing đom manih Jiu-đa, kung xing đom manih ngoai đnoyq.",
  "25": "đa ji KaDraq đnooy đom rahlaap Ô-xê đa neq:Gô hnoq taayh adro be aalq manih gô ji manih gô, Khơh be aalq jah xung xiaq ji xung xiaq; ",
  "26": "yôôych xalih vlôh đom aduq KaDraq xanooh ji oot đaneq: êêp be aalq ji manih gô ‘leq,Kung ka aduq nưq oot hnoq jah xưưng ji koot ku Kơy Plêêk riilh hloay hloay.  ",
  "27": "măn Ê-sai đnooy ka manih I-sơ-ra-el đa ji choah pa’lăl daak tahlii, ji muuyq phoon măn hlê hnoq jah wơt hlê heq;",
  "28": "ji Lôôk hnoq dơơp pa jêêk apok KaDraq dong yuôôl ji paxưk daayh tol varii.",
  "29": "yôôych Ê-sai heq đnooy Hlit đa neq: Atoh Lôôk vạn kuun hnoq be xôq hlê muuyq langooy ku roong nooy haay, nưq haay heq dang đa ji theng Xô-đôôm ji dang đa ji theng Gô-mô-rơ nưq. ",
  "30": "",
  "31": "",
  "32": "",
  "33": ""
}