cor_2020_cua_clt_rev_book/rev/22.json

{
  "1": "Atêq nưq, kơy yaak nưq pato ka gô tavook daak varơuq riilh, hlăng đaji Pha lêê, hoot vlôh xing ngaai ku Kơy Plêêk ji ku Trưưu Koot,",
  "2": "măn katuul trôôk kôt ku theng. Panưh gah neq ji gah hơơq ku daak laa ưưk varơuq riilh ăm vlôh kưl vaar raak plaay, vlôh plaay ku ưưk tyauq tong xiêk, măn hlaa ku ưưk deng ka varơuq paxêêk biinq ku kaluh daak dêh.\n\n\\ts\\*",
  "3": "Hno paq măn varơuq karooy axaap leq đnooyq, ji ngaai ku Kơy Plêêk ji ku Trưưu Koot hno măn đom theng, măn khơl xapok Kadraq hno hơu varơuq Kadraq.",
  "4": "Oot hno hloq mot Kadraq, ji yal Kadraq măn tol ngưưr oot.",
  "5": "Hno paq măn e klôôy đnooyq, oot paq e duh truh xaraal tađnah đeen long xaraal mot hngơy, vii Lôôk laa Kơy Plêêk hno a'nhee tađnah ka oot, ji oot hno dưk xakaq dong truh đơơy đơơy, miek miek.\n\n\\ts\\*\n\\p",
  "6": "Yôôch kơy yaak nưq đnooy dii gô: \"Kaluh apok neq laa đanq tuôq ji dong dik. Lôôk, laa Kơy Plêêk ku danưng kooy khơl kơy hlit, heq patăk kơy yaak Kadraq kahnoq ka khơl xapok Kadraq kaluh varơuq phayh xalih truh kach thier meel.\"",
  "7": "\" 'Yo hơơq! Gô đong truh kach thier talăng! Vanong ka manih tameen jư kaluh apok hlit ku rahlap neq.\"\n\n\\ts\\*\n\\p",
  "8": "Gô, laa Jăng, kungh laa adro hloq ji tameen kaluh varơuq neq. Tuôôy gô heq tameen ji hloq, gô kuu xăk pôôt xôq ayuuôt laat hloay ka jôôk ku kơy yaak, laa kơy kahnoq vlôh ka gô kaluh varơuq nưq,",
  "9": "Măn kơy yaak nưq đnooy dii gô: \"Te dơơp anưq! Gô laa manih kung dơơp xapok dii ay, ji dii khơl oh ay ku ay, laa khơl hlit, kung khơl leq tameen jưư kaluh apok ku rahlap neq. Dayh ayuuôt laat Kơy Plêêk!\"\n\\ts\\*\n\\p",
  "10": "Yôôch kơy dăch gô: \"Te jưư kadook kaluh apok hlit ku rahlap neq, vii kawat đong măn jeq yôôch.",
  "11": "Akơyq leh hyioh jăk, dayh kưq leh hyioh jăk, Akơyq a'moh nhơơy, dayh kưq a'moh nhơơy, Akơyq hyioh jăk, dayh kưq hyioh jăk. Akơyq hlăng vah, dayh kưq hlăng vah\n\n\\ts\\*",
  "12": "\" 'Yo hơq! Gô hnoq dayh truh, adrơk kadrool xatyauq dii Gô xôq blaa ka tôôy dro tyauq varơuq dơơp ku adro nưq.",
  "13": "Gô laa An-phaa ji Ô-mê-ga, laa adrooyq dik ji lôôch dik, laa kapa teep ji lôôch dik.\n\n\\ts\\*",
  "14": "Vanong ka adro arôôh auu ni xôq jah qwuyen xa plaay ku ưưk varơuq riilh ji jah hooy hlê kaluh 'mok kôt đơu muut theng.\n\\f + \\ft thêêq ka: \\fqa Vanong ka adro arôôh auu ni, \\fqa* muuyq sôôq rahlăăp hnu iaq đok: \\fqa Vanong ka adro dơơp tyauq kaluh ganuun Kadraq \\fqa*.\\f*",
  "15": "Pii gôk laa bơơy xoo, khơl đơơp pheep, adro apuq atrăp, adro păk kaxêêt manih, adro kuh kwaay vangưưl, kung khơl adro xiaq trôôch dơơp varơuq pa ôôh lar.\n\n\\ts\\*\n\\p   ",
  "16": "Gô, Jê-xu, heq patăk Kơy Yaak gô dơơp xanưk ka koot truh kaluh varơuq nưq xôq đnooy hlê ka kaluh tayuup vah. Gô laa ưưk ji koot xaau ku Đaa-viik, laa Xlok Maai tađnah tađnưưn.\"\n\n\\ts\\*\n\\p",
  "17": "Kơy Phool Hiel kung dii Amưưy đnooy: \"Dayh truh!\" Anưq kơyq tameen, kung dayh đnooy: \"Dayh truh!\" Adro leq thaal. dayh truh, ji adro leq trôôch, dayh nhonq xok daak varơuq riilh hloo hloh.\n\n\\ts\\*\n\\p",
  "18": "Gô dơơp xanưk ka tôôy dro tameen kaluh apok hlit đom rahlăăp neq, đaneq: Atoh kơyq athêêp kajoq muut đom nưq yôôych Kơy Plêêk hnoq athêêp ka adro nưq kaluh pơơl daal jah vlơk đom rahlăăp neq.",
  "19": "Atoh kơyq ka'lăăk đơh kaluh apok đom rahlăăp hlit neq yôôych Kơy Plêêk hnoq goch hooy phoon ku adro nưq đom ưưk varơuq riilh ji đom theng vah jah vlơk đom rahlăăp neq.\\p\n\\f +\\ft Muuyq sôoq rahlăăp đok: \\fqa Kơy Plêêk hnoq goch hơơp phoon manih nưq đom Rahlăăp Varơuq Riilh ji theng vah jah vlơk đom rahlăăp neq \\fqa*.\\f*\n\n\\ts\\*\n\\p",
  "20": "Kơy dơơp xanưk ka kaluh varơuq neq đnooy: \"Jơq! Gô hnoq dayh truh.\" Ameen! Kuh Lôôk Jê-xu, apôôy dayh truh!\n\\p",
  "21": "Apôôy vanong kaxaay ku Lôôk Jê-xu măn kung khơl vah. A-meen."
}