cor_2020_cua_clt_rev_book/rev/21.json

{
  "1": "Atêq nưq, gô hloq plêêk đơơu ji vari đơơu, vii plêêk thưq yưk ji vari thưq yưk heq dalơh hooy, đơu tahlii yôôych paq măn đnooyq.",
  "2": "Yôôch gô hloq theng vah,'ngưq laa Jê-ru-sa-lem đơơu, pôôt xing aduq Kơy Plêêk tol plêêk, jah ralauq 'meq đaji muuyq amưưy tadi rayoaa deng ka kanơu ni.\n\\ts\\*",
  "3": "Gô tek muuyq apok đnooy kôt xing ngaai, đaneq: \"'Yo hơơq! Raap đơơ ku Kơy Plêêk măn kung koot manih, ji Kadraq hno riilh dii oot, ji oot hno laa tamooi Kadraq, ji jơq Kơy Plêêk hno măn dii oot.\n\\f +\\ft Muuyq sôôq rahlăăp athêêp: \\fqa đaji Kơy Plêêk ku oot, \\fqa* bơh kaluh rahlăăp đanq tuuôq dik be e apok neq.\\f*",
  "4": "Kadraq hno chuuy dêq daak mot klơlh mot oot, ji varơuq kaxêêt hno paq măn đnooyq, kungh leh măn hlu rơu, long nhiim ook, long jiq jiêh. kaluh nưq hno paq măn đnooyq; vii kaluh varơuq adrooyq dik heq dalơh hooy.\n\\ts\\*",
  "5": "Yôôch Kơy 'ngôôy tol ngaai xnoh: \" 'Yo nee! Gô dơơp đơơu dêq hlê.\" Kadraq kungh đnooy dii gô: \" Dayh vlơk hlê vii kaluh apok neq laa đanq tuôq ji dong dik.\"",
  "6": "Kadraq kungh dach gô: \"Kaluh varơuq nưq heq pa'yôôch! Gô laa An-phaa ji Ô-mê-gaa, laa kapa tep ji lôôch dik. Manih leq thaal, Gô hno ăm hôôch hloh hloh xing alook daak varơuq riilh.\n\n\\ts\\*",
  "7": "Manih leq jaay hno jah nhonq kaluh varơuq neq, ji Gô hno laa Kơy Plêêk ku ni, măn ni hno laa koot Gô.",
  "8": "Bơh măn phoon khơl adro kamoo 'yôq, adro leh tuôq, adro thier ra'mêq, adro păk kaxêêt manih, adro puq atrap, adro dưk dơơp pheep, adro akuh vangưưl, kung khơl adro đnooy lar, yôôych aduq măn ku oot laa đom hlôôk jah vuh jaq bơơn ôôlh ji lưưu hwiinh, đơu nưq laa varơuq kaxêêt thưq vaar.\"\n\n\\ts\\*\n\\p",
  "9": "Yôôch muuyq đom pơh kơy yaak truh, laa xing khơl kơy e pơh poop dooy tađnưk viik pơh pơơl dal lôôch dik, ji kơy yaak nưq đnooy dii gô, đaneq: \"Dayh truh đneen, gô hno ăm ay hloq amưưy, kadrê ku Trưưu Koot.\"",
  "10": "Yôôch nưq, Kơy tawaay gô hooy đom Kơy Phool Hiel truh muuyq ngok đoot kôt ji yơơt, yôôch pato ka gô theng vah Jê-ru-sa-leem pôôt xing aduq Kơy Plêêk tol plêêk.\n\n\\ts\\*",
  "11": "Theng e tađnah tađnaak ku Kơy Plêêk, ji kaveh tađnah tađnưưn ku theng dang đaji kuk phơu quyq, đaji ngok thăăch aanh hlăng ploat đaji phaa lêê.",
  "12": "Theng e apưưt kôt ji yơơt, dii kưưl vaar 'mok kôt ji e kưưl vaar Kơy Yaak ka aduq kaluh 'mok kôt. E kaluh ơnơng jah vlơk tol 'mok kôt, 'ngưq laa ơnơng kưưl vaar adrơơk tamooi koot xaau I-sơ-ra-êl.",
  "13": "Măn pii mot hngơy vlok e pee 'mok kôt, măn pii băăk e pee 'mok kôt, măn pii naam e pee 'mok kôt, ji măn pii mot hngơy lôôp e pee 'mok kôt.\n\\ts\\*",
  "14": "Apưưt theng e kưưl vaar poop kahnier, tol nưq ji kưưl vaar poop ơnơng ku kưưl vaar khơl jah rơơlh ku Trưưu Koot.",
  "15": "Kơy Yaak đnooy dii gô nưq e muuyq gaay woolh dơơp bơơn vayaang xôq woolh theng, 'mok kôt theng ji apưưt theng.\n\n\\ts\\*",
  "16": "Theng jah panưk dơơp tyauq hinh vuuông; trôôk yơơt ku theng sađong trôôk ranưh ku theng. Kơy Yaak xok gaay woolh nưq woolh theng yôôych tôôy panưk jah 12.000 êêt-ta-đơơ ( trôôk yơơt, trôôk ranưh ji trôôk yơơt atok sađong mamuuyq).",
  "17": "Kadraq kung woolh apưưt theng, ahmoon 144 ku-đê tyauq trôôk woolh ku koot manih (kung ji trôôk woolh đơu Kơy Yaak woolh).\n\n\\ts\\*",
  "18": "Apưưt theng jah xơơy bơơn ngok thăăch aanh, măn theng phôôq yôôych bơơn vayaang ăăh, dang đaji ramiil hlăng.",
  "19": "Kaluh kahnier ku vach apưưt jah dơơp bơơn đuh thưq phơu quyq. kahnier thưq yưk laa ngok thăăch aanh, kahnier thưq vaar laa ngok bich, kahnier thưq pee laa ngok mah naoh, kahnier thưq poot laa ngok luk baoh,",
  "20": "Kahnier thưq dăăp laa hôông mah naoh, kahnier thưq drơơu laa phơu hoang ngok, kahnier thưq pơơh laa ngok hoang bich, kahnier thưq thơơm laa ngok thuuy thương, kahnier thưq xiit laa ngok hôông bich, kahnier thưq kưưl laa ngok phih tuyq, kahnier thưq kưưl muuyq laa ngok hôông bưưuh, ji kahnier thưq kưưl vaar laa ngok tưh bưưuh.\n\n\\ts\\*",
  "21": "Măn kưưl vaar 'mok kôt laa kưưl vaar kalook chââu; tôôy 'mok kôt jah dơơp xing muuyq kalook chââu i apop. Trôôk kôt đom theng bơơn vayaang ăăh, dang đaji ramiil hlăng tađnaah.",
  "22": "Gô leh hloq e hnhư hơu leq đom theng, vii Lôôk laa Kơy Plêêk, Kơy Taay Yaak ji Trưưu Koot laa hnhư hơu ku theng.\n\n\\ts\\*",
  "23": "Theng leh duh mot hngơy long xiêk xôq a'nhee tađnah, vii tađnah tađnaak ku Kơy Plêêk a'nhee tađnah theng, măn Trưưu Koot laa gooy đeen ku theng.",
  "24": "Kaluh tamooi hnoq hooy hlê gơmưh xaraal tađnah ku theng nưq. Khơl vuua tol vari hnoq tawaay tađnah tađnaak oot muut đnư\n\\f + \\ft Muuyq sôôq rahlăăp hnu iaq đok: \\fqa Khơl tamooi heq jah wơơt hnoq hooy hlê gơmưh xaraal tađnah ku theng nưq \\fqa. \\f*",
  "25": "Tôôy hngơy, kaluh 'mok kôt theng hnoq be dong leq kađniit, ji kađnư be e klôôy.\n\\ts\\*",
  "26": "Khơl drơơy hnoq tawaay tađnah tađnaak ji varơuq vadoo ku kaluh tamooi muut đnư,",
  "27": "bơh kaluh kajoq a'moh nhơơy hnoq leh eh jah muut đom theng; khơl adro dơơp varơuq đanq 'yo kamưưl long pa ôôh aluut kung anưq, vơơ e khơl leq e ơnơơng jah vlơk đom rahlăăp varơuq riilh ku Trưưu Koot heq.\n\\ts\\*"
}