cor_2020_cua_clt_rev_book/rev/18.json

{
  "1": "Atêq kaluh varơuq nưq gô hloq muuyq Kơy Yaak Kadrơơy xing plêêk pôôt. Kơy e da uuh qwuyen kôt, ji tađnah tađnaak kơy a'nhee tađnah tol vari.",
  "2": "Kadraq kaalh apok đnooy kôt đaneq: \\q “Baa-by-lôôn kôt hrưưp lalaak yôôych! \n\\q2 \nNi heq vlôh jêêk aduq măn ku kaluh kamuuych, \n\\q\naduq tapu ku kaluh kamuuych a'mooh, \n\\q2\nji aduq tapu ku kaluh prooh xêêpq a'moh 'nhơơy ji 'yo ramêq.\\f +\\ft  Muuyq sôôq rahlăăp đok: \\i hrưưp lalaak yôôych, hrưưp lalaak yôôych \\fqa*.\n\\q",
  "3": "Vii tôôy tamooi heq hôôt lok apuq atrăp tôq jaraq ku ni. \n\\q2 \nKhơl vuua tol vari heq lôôp kadrôp apuq atrăp dii ni. \n\\q\nKhơl tabôôt xa tol vari heq karoh tok gơmưh karoh kaalh gamưh trôôk riilh xagưưt ku ni.”\n\n\\ts\\*\n\\q",
  "4": "Yôôych gô tek muuyq apok kadrơơy xing plêêk xanooh: \\q2  “Tamooi gô lơơy, dayh vlôh klơlh ni, \n\\q3\nxôq êêp koot leh huq tajinq muut kaluh kadrôp maroh ku ni, \n\\q2\nji xôq êêp koot leh huq pheq chiuq kưk nanq leq kahrôôq tol ni.\n\\q",
  "5": "Vii kadrôp ku ni heq pahloot tok truh tol plêêk, \n\\q2 \nji Kơy Plêêk heq văch hlê varơuq dơơp xơơk aak ku ni.\n\\q",
  "6": "Dayh blaa hlê ka ni varơuq ni heq dơơp vlôh, \n\\q2 \nji blaa hlê ka ni gôôp đôôy kaluh kajoq ni heq dơơp; \n\\q2\nđom dooy đơu ni heq phaa, dayh phaa ka ni 'ngưưng gôôp đôôy.\n\n\\ts\\*\n\\q",
  "7": "Ni heq 'yo tơk ni ji riilh xagưưt đaleq,\n\\q2\nyôôych kung dayh khienq ni pheq jiq jiêh ji hluu rơu đanưq. \n\\q\nVii ni đnooy đom xuum, đaneq: \\q2 ‘Ni xaa măn đaji muuyq mo vuua; \n\\q\nni be aalq laa mo valơu, \n\\q2\nji hnoq leh e 'leq pheq aloo nhiim.’\n\\q",
  "8": "Vii anưq, vơơ đom muuyq hngơy, kaluh kưk nanq ku ni hnoq ka ôôp truh: \n\\q2\nnee laa kaxêêt hlơơp, aloo nhiim, pangoot hrah. \n\\q\nNi hnoq biq ôôlh vuh ka'lăăk, \n\\q2\nvii Lôôk laa Kơy Plêêk thier taay yaak, ji Kadraq laa Kơy xưh xadrah ni.”\n\n\\ts\\*\n\\m",
  "9": "Khơl vuua tol vari laa khơl adro lôôp kadrôp apuq atrăp ji riilh xagưưt dii ni hnoq aloo nhiim, aloo ook truh ni tuôôy oot hloq 'nhuuy vuh jaq ni khuul tok.",
  "10": "Vii 'yôq pheq chiuq hmơơt dook đaji ni, lunưq oot hnoq dưk xing xangưưr atok apok, đaneq: \\q “ Paraa ơơh, paraa ơơh \n\\q2\nka theng kôt Baa-by-lôôn, ji theng kôt kaalh! \n\\q\nVii vơơ đom muuyq wat đơu varơuq xưh dook ni heq truh.”\n\n\\ts\\*\n\\m",
  "11": "Yôôych khơl tabôôt xa tol vari nhiim ook ji 'yo alaay ni, vii paq măn ekơyq root haang hoaq ku ni đnoyq -",
  "12": "haang bơơn vayaang, baak, phơu quyq, ngok traai, vayh wooy miim, vayh tiaq, tơơ luaq, vayh dôôp lơơkq, kaluh gaay kahlơơu, kuluh đôô bơơn ngaa ôôq kông, kaluh đôô bơơn gaay thier quyq, bơơn đôông, bơơn maan, bơơn kââmh thach,",
  "13": "Quêq, bôôt pa nhưưm, jơu kahlơơu, jarơơu, kahlơơu, lok, jơu, bôôt qwaai miim, vaa aqwaay, boo kapêu, trưưu kưưu, ôô ahleh ji xee, kung xapok ji phool hiel khơl drơơy.\n\n\\ts\\*",
  "14": "Plaay dôôp, varơuq đơu phool hiel ni ươk trôôch, heq chuh xangưưi ni. Kaluh varơuq karooh e ji tađnah tađnưưn heq chuh ka'lăăk ni, ji oot hnoq be dong leq axek hlê ik.\n\n\\ts\\*",
  "15": "Khơl tabôôt xaa kaluh đôô haang nưq 'miêh gơmưh ni jah karoh tok vơơ dưk xing xangưưi kôt apok aloo nhiim, biit alaay vii 'yôq pheq chiuq hmơơt dook đaji ni.\n\\m",
  "16": "Oot hnoq đnooy: \\q “ Paraa ơơh, paraa ơơh ka theng kôt\n\\q2 \nhmưưq hlưưp vayh wooy miim, \n\\q3 \nvayh tiaq, vayh dôôp rưưk, \n\\q2 \nji kook 'nhuuk vayaang, \n\\q3 \nphơu quiq, ngok traai!\n\\q2",
  "17": "Vơơ đom muuyq wat đơu varơuq karoh e tađnah tađnưưn đanưq biq vuh ka'lăăk.\n\\p\nKaluh khơl charơk taau, khơl manih hooy taau, khơl đonq taau, kung khơl adro riilh bơơn varơuq hooy tahlii kung dưk xing xangưưi.\n\n\\ts\\*\n\\m",
  "18": "Oot laa ook tuôôy 'yo hloq 'nhuuy ku ôôlh vuh jaq ni. Oot đnooy: \"E theng leq dang đaji ni theng kôt?\"",
  "19": "Oot praai thuul vari tol akoq, ji alo ook, nhiim tarook, biit alaay, đaneq: \\q “ Paraa ơơh, paraa ơơh theng kôt, \n\\q2 \naduq khơl adro e taau gee \n\\q2\nhooy tahlii kung gơmưh garuh anôôp ni đơu karooh tok. \n\\q \nVii vơơ đom muuyq wat đơu ni biq vuh hlơơp.”\n\\q",
  "20": "“Lơơy plêêk, dayh hlah hlaak truh ni, \n\\q2\nkung khơl hlăng vah, khơl jah rơơlh ji hnhư hlit đnoyq, \n\\q\nvii Kơy Plêêk heq kông bôq varơuq hmơơt dook tol ni!”\n\n\\ts\\*\n\\p",
  "21": "Yôôych muuyq Kơy Yaak kaalh praat tơk kuk phơu dang đaji apal xaay kôt tok ji week ni pôôt tahlii, đnooy \\q\n“Theng kôt Baa-by-lôôn \\qq2\nhnoq biq week kaalh pôôt đaji luneq, \\q2\nji hnoq paq măn jah hloq đnoyq.\n\\q",
  "22": "Hnoq paq măn ekơyq tek ahlôôk manih agưưt varo hak, agưưt nhaak, \n\\q3 \nAdro klôôp taliaq, ji manih klôôp keen aduq maay đnoyq. \n\\q2 \nhnoq paq măn axek hloq dro leq \n\\q\nthơy rơơt tii leq aduq maay đnoyq. \n\\q2\nHnoq paq măn ekơyq tek ahlôôk apal xaay măn aduq maay đnoyq.\n\n\\ts\\*\n\\q",
  "23": "Xaraal tađnah đeen\n\\q2\nhnoq paq măn a'nhee tađnah aduq maay đnoyq. \n\\q\nKhơl drơơy hnoq paq măn tameen tek\n\\q2\napok ok ji amưưy măn aduq maay đnoyq, \n\\q\nvii khơl tabôôt xa ku maay laa khơl kơy lôôk tol vari, \n\\q2\nji kaluh daak heq biq pa ôôh aluut xing đơơp pheep ku maay.\n\\q",
  "24": "Măn aduq ni, khơl drơơy hloq vahaap ku khơl hnhư hlit ji khơl vah,\n\\q2\nkung dii vahaap ku khơl adro heq biq pok kaxêêt tol vari.”\n\n\\ts\\*"
}