cor_2020_cua_clt_rev_book/rev/10.json

{
  "1": "Atêq nưq, gô hloq muuyq kơy yaak kaalh praat kadrơơy xing tol plêêk pôôt. Kơy hlưưp tol xăk muuyq đuum kluk,  dii moo adreek tol akoq. Mot kơy yaak dang mot hngơy, măn jôôk yôôych dang đaji gok ôôlh.",
  "2": "Kadraq adrơk muuyq rahlăăp jơyq de heq luh vlôh tol tii. Kadraq xôq jôôk akoh tol tahlii ji jôôk akeen tol vari.\n\n\\ts\\*",
  "3": "Yôôych Kadraq taayh atok muuyq apok kôt dang đaji vomq ook. Tuôôy kadraq taayh kôt, yôôych pơơh hnưưm jaruu đnooy atok bơơn kadih hnưưm ku oot.",
  "4": "Tuôôy pơơh hnưưm jaruu atok apok luneq, yôôych gô xung vlơk hlê, bơh gô tek muuyq apok xing plêêk xanooh: \"Dayh jưư kadook kaluh kajoq pơơh apok jaruu đnooy, Te vlơk hlê.\"\n\n\\ts\\*",
  "5": "Yôôych kơy yaak đơu gô hloq dưk yaalh jôôk tol tahlii ji tol vari tơơk tii akoh kơy tok plêêk.",
  "6": "Kadraq tayh yal Kơy riilh đơơy đơơy, miek miek, nưq laa Kơy heq panưk jêêk plêêk kung kaluh kajoq tol plêêk, vari kung kaluh kajoq tol vari, ji tahlii kung kaluh kajoq đom tahlii, đơu paleek, đaneq: \"Hnoq be măn e kawat leq đnooyq.",
  "7": "Bơh muut kahngơy Kơu yaak thưq pơơh atok apok, tuôôy kơy nưq xung klôôp keen, yôôych varơuq kadook ku Kơy Plêêk hnoq jah xaleep, dang đaji Kadraq heq đnooy vlôh hêêl hlah nưq ka xapok Kadraq laa khơl hlit.\"\n\n\\ts\\*",
  "8": "Yôôych apok đơu gô tameen xing plêêk wiih xanooh dii gô, đaneq: \"Dayh hooy, xok rahlăăp jơyq heq luh vlôh măn tol tii Kơy Yaak đong dưk tol tahlii ji tol vari.\"",
  "9": "Lunưq gô truh Kơy Yaay ji dăk kơy ăm ka gô rahlăăp jơyq de. Kadraq đnooy dii gô: \"Dayh xok xa juu. Ni hnoq khienq klaak ay biq pahlăăk, bơh đom huuy ay yôôych ni hnoq ngưưm đaji hluut.\"\n\\ts\\*",
  "10": "Nưq, gô xok rahlăăp jơyq de tol tii Kơy Yaak ji xa. Ni ngưưm đaji hluut măn đom huuy gô, bơh atêq tuôôy xa yôôych, klaak gô wiih pahlăăk.",
  "11": "Yôôych e kơyq nưq đnooy dii gô: \"Ay wiih pheq đnooy hlit truh 'ngưưng tamooi, daak dêh, chưưh apok, ji vuua padrok đnoyq.\"\n\n\\ts\\*"
}