cor_2020_cua_clt_rev_book/rev/2.json

32 lines
5.7 KiB
JSON
Raw Normal View History

2020-12-29 06:31:51 +00:00
{
"1": "“Dayh vlơk ka kơy yaak ku tayuup vah aduq Ê-phê-sôô đaneq: ' Kơy adrơk pơh poop xlok đom ti akoh Kadraq, laa Kơy tawaak hooy măn katuul pơh jôôk đeen bơơn vayang, xnoh luneq:",
"2": "“Gô xet kaluh varơuq dơơp ku koot, varơuq pơơl kung varơuq chiuq atuq xuum ku koot, Gô kungh xet đaneq koot be ik chiuq xôq adro xơơk. Koot heq atoh khơl adro kadih xưng laa khơl jah rơơlh đơu oot be aalq laa đanưq, ji koot heq 'yo xet oot laa pa ôôh;\n\n\\ts\\*",
"3": "koot kungh e varơuq wêêt kajưk, ji heq chiuq pơơl vii kơq yal Gô đơu leh gleh glơơl.",
"4": "Bơh, Gô e varơuq toaq koot, 'ngưq laa koot heq ka'lăk hlơp xuum xung xiaq kapatep ku koot.",
"5": "Vii anưq, dayh văch hlê koot heq gưlh talaalh xing leq, dayh wiit xuum ji dơơp kaluh varơuq kapatep. Măn atoh lup, Gô hno truh dii koot ji Gô hno deep ka'lăk jôôk đeen ku koot klơlh aduq ni - atoh koot leh wiit xuum.\n\n\\ts\\*",
"6": "Bơh koot e varơuq neq, 'ngưq laa koot yarơơ kaluh varơuq dơơp ku tayuup Ni-kô-laa, laa kaluh varơuq đơu Gô kungh yarơơ.\"",
"7": "Kơyq e tôôr, dayh tameen apok Kơy Phool Hiel xnoh kung kaluh tayuup vah. Đôôiq dii manih jah jaay, Gô hno ăm ka manih nưq xa plaay vlôh xing ưưk varơuq riilh măn đom Ba-ra-đii ku Kơy Plêêk'.\"\n\n\\ts\\*\n\\p",
"8": "\"Dayh vlơk ka kơy yaak ku tayuup vah aduq Si-miêk-nơơ đaneq:' Kơy adrooyq dik ji lôôch dik, Kơy heq chiuq kaxêêt ji heq riilh hlê, Kadraq xnoh luneq:",
"9": "\"Gô xet kaluh pơơl hwơơl ku koot ji varơuq adrah aduq koot ( đơu bơh, koot đong karoh e), kung apok đnooy pahniq truh xing khơl adro xưng jơq oot laa manih Jo Thaiq đơu oot be aalq, bơh laa hnhư tayuup ku Sa-taan.\n\n\\ts\\*",
"10": "Te yôq kajoq dêq đôôiq dii kaluh varơuq đơu koot jeq phayh chiuq. 'Yo hơơq, kamuuych jeq taweek to leq dro đom khơl koot muut tuu xôq ka khơl koot biq athưh, ji khơl koot hno chiuq pơơl dal đom kưl hngơy. Dayh jư xuum dong truh kaxêêt, yôôch Gô hno kahniq ka koot đoat ku varơuq riilh.\"",
"11": "Akơyq e tôôr, dayh tameen apok Kơy Phool Hiel xnoh kung kaluh tayuup vah. Manih jah jaay hno leh huq biq aleq xing varơuq kaxêêt yưk vaar.\"\n\n\\ts\\*\n\\p",
"12": "“Dayh vlơk ka kơy yaak ku tayuup vah aduq Bet-găăm đaneq:' Kơy e poop xieh vaar plaa mưưl xưưr xnoh luneq:",
"13": "“Gô xet aduq koot riilh, aduq nưq laa ngaai ku Sa-taan, đơu koot heq jư kajưk xok yal Gô, ji leh chôôiq ka'lăk xuum tuôq aduq Gô, hloay kaah đom kaluh hngơy ku An-tii-baa, manih xanưk ku Gô, manih muuyq xuum dii Gô, laa manih biq păk kaxêêt adrooyq kangưưr khơl koot, aduq đơu Sa-taan măn.\n\\ts\\*",
"14": "Bơh, Gô e taleq varơuq toah koot, nưq laa kađnư, koot e taleq jư xok trôôk pato ku Ba-la-aam, laa adro heq pato Ba-laak xôq kuk phơu dơơp xatôôl jôôk adrooyq kangưưl koot xau I-sơ-ra-êl xôq xa tuuông heq đơơp ka vangưưl ji dơơp varơuq puq atrap.",
"15": "tyauq kach dang đanưq, koot kungh e taleq dro jư xok trôôk pato ku tayuup Ni-kô-laa.\n\n\\ts\\*",
"16": "Lunưq, dayh wiit xuum juu! măn Atoh lup, Gô hno talăng truh dii koot, ji hno hmot tagoa tachơơl dii oot bơơn xieh ku huuy Gô.\"",
"17": "Akơyq e tôôr, dayh tameen apok Kơy Phool Hiel xnoh dii kaluh tayuup vah. Đôôiq dii manih jah jaay, Gô hno kahniq ka ni ma-naa kadook paduu, ji Gô hno kahniq ka ni muuyq kuk phơu koo đơu tol kuk phơu nưq, muuyq anưng đơơu heq jah vlơk. Laa anưng đơu be akơyq xet vơ e adro nhonq jah ni'.\"\n\n\\ts\\*\n\\p",
"18": "“Dayh vlơk ka kơy yaak ku tayuup vah aduq Thi-a-ti-rơơ đaneq: \\p\n Koot Kơy Plêêk, Kơy e mot đaji gooy ôôlh ji jôôk đaji đôông tađnah, xnoh luneq:",
"19": "“Gô xet kaluh varơuq ku koot, xung xiaq, xuum tuuôq, hơu varơuq, ji xuum atuq ku koot. Bơh varơuq dơơp ku koot atêq neq măn glơơh iaq kaluh varơuq koot heq dơơp tuôôy adrooyq.\n\n\\ts\\*",
"20": "Bơh Gô e varơuq neq treek koot, đaneq koot măn chiuq xôq mo Jêê-saa-bêên, adro kadih 'yo ni laa mo hlit. Bơơn trôôk pato ku ni, ni aluut khơl xapok ku Gô lôôp kadrôp apuq atrăp ji xa tuuông heq đơơp ka vangưưl.",
"21": "Gô heq xôq ka mo kawah xôq wiit xuum, bơh mo leh trôôch wiit xuum ka varơuq apuq atrăp ku ni.\n\\ts\\*",
"22": "'Yo nee! Gô hnoq qweek mo tok ravaak jiq jiêh, ji khienq khơl adro kung lôôp kadrôp apuq atrăp dii mo chiuq pơơl daal kôt, atoh oot leh wiit xuum truh kaluh varơuq dơơp ku mo.",
"23": "Gô hnoq hmơơt kaxêêt koot xauu mo, ji dêq hloay kaluh tayuup vah hnoq xet đaneq Gô laa Kơy 'yo hloq xuum biit ji xuum klaak. Gô hnoq blaa hlê ka tôôy dro đom khơl koot tyauq kaluh varơuq dơơp ku khơl koot.\n\n\\ts\\* ",
"24": "Bơh khơl măn hlê đom khơl manih aduq Thii-a-tii-rơơ, 'ngưq laa paq kêê kơyq leh tyauq trôôk pato nưq ji leh xet varơuq đơu muuyq sôôq adro tayh laa kaluh varơuq jaruq ku Saa-taan - Gô đnooy dii khơl adro nưq, đaneq: ' Gô leh xa'măk athêêm ka êêp koot pơq parêq leq đêh.'",
"25": "Bơh pheq jưư kajưk xok kaluh kajoq êêp koot e dong truh tuôôy Gô truh.\n\\ts\\*\n\\m",
"26": "Manih leq jaay ji kưq jưư xok varơuq dơơp ku Gô dong truh lôôch dik, yôôych Gô hnoq kahniq ka manih nưq e qwuyen tol kaluh daak dêh.\n\\q",
"27": " Adro nưq hnoq dưk xakaq oot bơơn muuyq gaay katôôl man, \n\\q\nji hnoq kaxup padaah oot dang kaluh huu vari.\n\\m",
"28": "Gô kung hnoq ăm ka manih nưq xlok maai, đaji Gô heq nhonq jah xing Vaq Gô.”",
"29": "Kơyq e tôôr, dayh tameen apok Kơy Phool Hiel xanooh kung kaluh tayuup vah.”\n\n\\ts\\*"
}