cor_2020_cua_clt_php_book/php/1.json

33 lines
4.7 KiB
JSON
Raw Normal View History

2020-12-29 06:31:38 +00:00
{
"1": "Phao-lôô baalq Tii-môô-thêê, xpok kua Lôôk Wơơl Dêh Jêê-Xuu, ataq ka dêq hloay kaluh manih jah rơơrh vlôôh đom Lôôk Wơơt Dêh Jêê-Xuu đom theng Phii-liip,kung ăm khơl xakaq 'yoo ji oh ay dơơp varơuq.",
"2": "Apôôy vanong kaxaay ji varơuq hrok hror jah kahnii ăm ka oh ay xing Kơy Plêêk, Vaq haay, ji Lôôk Wơơt Dêh Jê-Xuu.\n\n\\ts\\*\n\\p",
"3": "Gô kuh kway Kơy Plêêk kua gô ajơơ tuôôy vach truh oh ay,",
"4": "đom tôôy apok apôôy ka dêq hloay oh ay, gô hloay apôôy dong rayơơh rayơơy,",
"5": "Vii varơuq kông adơơp kua oh ay đom varơuq padoh taboon Hêêl Kaxaay xing kapa tep don truh jơu neq.",
"6": "Gô tuuôq kajưk aneq Kơy heq xarôp dơơp varơuq kaxaay đom oh ay hnoq athêêp đnooyq dơơp yuôôr dong truh hngơy kua Lôôk Wơơt Dêh Jêê-Xuu.\n\n\\ts\\*",
"7": "Tyauq nưq, varơuq biit truh đanưq truh dêq hloay oh ay dik jơq, vii gô e oh ay măn đom xuum. Oh ay hloay rapa laa manih dơơp varơuq kua gô đom vanong kaxaay, hloay tuôôy gô măn đom varơuq rôp karuk hloay đom apok đnooy bin ji varơuq dơơp xnưk ka Hêêl Kaxaay.",
"8": "Bơh Kơy Plêêk ji apok xnưk di gô, gô dik trôôt jah tavơh dêq hloay oh ay đom xung xiaq di Kơy Jê-xu Krist.\n\\ts\\*",
"9": "Yôôych nưq varơuq gô apôôy ji vôôch xuum xung xiaq di oh ay hngơy leq kung jah athêêp đnooyq đom hiêuh xet baalq ji kaluh varơuq 'yoo hlolh,",
"10": "xôq oh ay 'yoo xet varơuq tơơl yưk, xing nưq oh ay vlôh xarêh ji be e aduq đnooy ik pa truh hngơy di Kơy Krist,",
"11": "jah glơh glaay raak plaay di varơuq hyioh jăk xing Kơy Jê-xu Krist, dơơp tađnah yal ji varơuq ado vnê Kơy Plêêk.\n\n\\ts\\*\n\\p",
"12": "Bơh, gô xung oh ay xet aneq, oh ay lơy, ưưng ka joq heq xlih truh ka gô dik heq dơơp tabla vlôh ranưh varơuq dơơp kôôt Hêêl Kaxaay.",
"13": "Đa nưq varơuq kaal talơy looy tooy di gô vii Lôôk Jê-xu Krist jah xet truh hlolh dong dik đom khơl kuun dưk 'yoo hnhư khơl xưh xadrah đơu ji khơl ka drơy.",
"14": "Bơh 'ngưưng dro đom oh ay xet gô biq kaal looy tooy đơu e xuum tuuôq thier kôôt đom Kơy Krist, hôôk padoh taboon apok Kơy Plêêk be yôq ka joq.\n\n\\ts\\*",
"15": "Dik e toleq dro vii xuum 'ya rơ ji tayaat đơu padoh taboon Kơy Krist, bơh kung e manih xok xuum kaxaay đơu padoh taboon.",
"16": "Kaluh khơl neq dơơp vii xuum xung xiaq xet aneq gô jah dưk tok xôq bin Hêêl Kaxaay.",
"17": "Bơh măn khơl hơq, oot padoh taboon Kơy Krist vi xuum kamuk ji leh dong dik. Oot biit hnoq dơơp gô athêêp pơơl dal đom hnhư karuk.\n\n\\ts\\*",
"18": "Nưp aleq? Long ji đa leq đnooyq - Long dơơp bôô, long dong dik - bơh Kơy Krist kung jah padoh taboon, yôôych nưq ji varơuq gô hlah hlaak, ji hnoq măn hlah hlaak đnooyq,",
"19": "Vii gô xet varơuq neq hnoq tawaay hlê varơuq wơơt ka gô, e apok apôôy di oh ay ji varơuq wak xing Yaak Kơy Plêêk di Kơy Jê-xu Krist.\n\\ts\\*",
"20": "Xuum takôô ji biit e di gô neq, nưq ji hnoq leh e varơuq gô kamưưl, nưq gô hnoq athêêt tưq jo, dong leq kung đa nưq, bơh gô riilh long kaxêêt, Kơy Krist hnoq jah adoo vnê đom xak gô.",
"21": "Vii Kơy Krist ji varơuq riilh di gô, yôôych varơuq kaxêêt nưq ji varơuq yuôôl ka gô.\n\n\\ts\\*",
"22": "Bơh atoh gô măn riilh đom xak neq, nưq varơuq dơơp gô kung măn vlôh raak plaay. Yôôych gô be xet duh rơơlh xok varơuq leq.",
"23": "Bơh gô biq kateep vaar panưh. Gô thier trôôch vlôh hooy xôq jah, măn đơu Kơy Krist, ji varơuq yơu iaq thier 'ngưưng.",
"24": "Bơh gô măn hlê đom xak xmơk ji varơuq duh yơu iaq ka oh ay.\n\\ts\\*",
"25": "Vii tuuôq kajưk đa nưq, yôôych gô xet gô hnoq măn riilh ji hnoq măn đnooyq ji dêq hloay oh ay, xôq wak oh ay kôôt tok baalq hlah hlaak đom xuum tuuôq.",
"26": "Đa nưq, oh ay hnoq kaang e kơq xôq kahnoq vlôh gô đom Kơy Jê-xu Krist tuôôy gô tavơh hlê oh ay.",
"27": "Vơ e varơuq oh ay phayh riilh aleq dong jơq ji Hêêl Kaxaay di Kơy Jê-xu Krist, xôq long gô truh hlơq oh ay long leh e mot, yôôych gô kung jah tameen oh ay dưk ka jưk, tyauq muuyq xuum dưk tok vi xuum tuuôq di Hêêl Kaxaay.\n\n\\ts\\*",
"28": "Kung te varaal adrooyq ka khơl tachơơl hlê dêq kaluh varơuq ka joq. 'Ngeq ji hlêêl xôq oot hloq oot hnoq biq păk kaxêêt, bơh oh ay hnoq jah wơơt - 'ngưq ji xing Kơy Plêêk. ",
"29": "Nưq e xing Kơy Krist, oh ay jah kahniq ăm vanong xôq leh aalq vơ tuuôq muuyq dro Kadraq heq, bơh kung chiuq pơơl hwơơl vi Kadraq,",
2021-09-22 07:40:21 +00:00
"30": "Tuôôy wak muut muuyq tahmot jăk bơh oh ay heq hloq aduq gô, yôôych ju neq măn tameen e aduq gô.\n\n\\ts\\*"
2020-12-29 06:31:38 +00:00
}