cor_2020_cua_clt_2co_book/2co/13.json

{
  "1": "'Neq ji yưk thưq pe gô truh hlơq oh ay. \"Kaluh apok rôp kadrôk phayh jah hloq var long pe dro dơơp xanưk.\"",
  "2": "Varơuq neq Gô heq đnooy yôôych, tuôôy gô truh yưk thưq vaar, ju neq, bơh long gô be e mot, gô kung đnooy ka khơl adrooyq neq heq lôp kadrôp, đơu ji khơl kadrơơy, aneq atoh gô truh hlơq đnooyq, yôôych gô hnoq be xôq ka muuyq dro leq 'leq,\n\\ts\\*",
  "3": "vii oh ay trôôt hloq muuyq pahêêl Kơy Krist đong xnoh pato gô. Kadraq leh ravot ji oh ay, bơh thier kaalh paraat đom oh ay.",
  "4": "long Kadraq chiuq đonq đin tol gaay chrăk đom varơuq kuruu, bơh Kadraq đong riilh gmưh da uh di Kơy Plêêk. 'Wot kung kuruu đom Kadraq, bơh 'wot hnoq riilh ji Kadraq gmưh da uh di Kơy Plêêk xôq dơơp varơuq tul oh ay.\n\\ts\\*",
  "5": "Nưq oh ay dayh tưq 'yoo hlê oh ay ka dih xôq 'yoo oh ay e măn đom xuum tuuôq be. Dayh đnooy ka xak êêp kadih. Long oh ay be xet ik aneq Kơy Jê-xu Krist đong măn đom xak ih - bơh oh ay dong leh huq biq ka'lăk vlôh?",
  "6": "Ji gô trôông oh ay hnoq xek aneq 'wot be huq biq ka'lăk vlôh.\n\\ts\\*",
  "7": "Ju neq, 'wot apôôy vôôch Kơy Plêêk ăm ka oh ay te dơơp ka joq leh jơq, be aalq xôq 'wot dơơp đa ji heq jah trôôt, bơh ji xôq ka oh ay đơu ik dơơp varơuq jơq, long 'wot đa ji tolq biq ka'lăk vlôh.",
  "8": "Vii 'wot be ik dơơp kaluuh varơuq ka joq tachơơl hlê varơuq dik, nưq vơ dưk kon varơuq dik.\n\n\\ts\\*",
  "9": "Bơh 'wot hlah hlaak tuôôy 'wot kuruu ji oh ay kaalh paraat, 'wot kung apôôy xôq oh ay jah kôôt tok đom Kadraq.",
  "10": "Nưq, gô vlơk kaluh varơuq neq tuôôy be e mot, xôq tuôôy gô e mot yôôych gô hnoq be duh xok apok găk đnooy ka oh ay tyauq qwuyen di gô- bơh nưq ji taay yaak Lôôk ataq ăm ka gô xôq dơơp kôôt oh ay nưq be aalq xôq joaq pôôt oh ay.\n\\ts\\*\n\\p",
  "11": "Đnooy hlê, 'wơơy oh ay, dayh hlah hlaak yơu! Dayh wih truh kon varơuq heq yôôych, wak mamuuyq, tyauq muuyq xuum ji mamuuyq, xa măn taguu. Yôôych Kơy Plêêk di varơuq xung xiaq ji varơuq hrok hrol hnoq măn đơu oh ay.",
  "12": "Dayh vôôch hlơq mamuuyq ji kabin hip vah. Dêq hloay oh ay xatyauq vôôch hlơq oh ay. \n\\ts\\*\n\\p",
  "13": "Apôôy vôôch vanong kaxaay di Kơy Jê-xu Krist đơu ji xung xiaq di Kơy Plêêk ji varơuq athêêt di Yaak Kơy Plêêk măn ji dêq hloay oh ay.",
  "14": ""
}