See in Reader
Загрузить файлы в «/»
This commit is contained in:
TimYancev
parent
4cf86b47bf
commit
eed38abd52
|
|
@ -0,0 +1,67 @@
|
|||
# 1. Dünyanın yaradılışı
|
||||
|
||||
|
||||
|
||||
Başlanğıcda hər şey belə idi və bu cür yaradılmışdı. Allah altı gün ərzində kainatı və orada olan hər şeyi yaratdı. Birinci gün Allah dünyanı yaratdı. Dünya boş və qaranlıq idi, çünki Allah hələ onun içində heç bir şey yaratmamışdı. Yalnız Allahın Ruhu suyun üzərində idi.
|
||||
|
||||
|
||||
|
||||
O zaman Allah dedi: “Qoy işıq olsun!” və işıq yarandı. Allah gördü ki, işıq yaxşıdır və onu “gün” adlandırdı. O, işığı zülmətdən ayırdı və onu “gecə” adlandırdı. Yaradılışın birinci günündə Allah dünyanı və işığı yaratdı.
|
||||
|
||||
|
||||
|
||||
Yaradılışın ikinci günündə Allah dedi: “Qoy su üzərində qübbə olsun!” – və qübbə yarandı. Allah onu “səma” adlandırdı.
|
||||
|
||||
|
||||
|
||||
Üçüncü gün Allah dedi: “Qoy sular bir yerə toplansın və quru yaransın!”. O, qurunu “yer”, suyu isə “dəniz” adlandırdı. Allah yaratdıqlarına baxaraq gördü ki, bu, yaxşıdır.
|
||||
|
||||
|
||||
|
||||
Sonra Allah dedi: “Qoy yer üzündə bütün növ ağaclar və bitkilər bitsin!” Belə də oldu. Allah yaratdığına baxaraq, gördü ki, bu yaxşıdır.
|
||||
|
||||
|
||||
|
||||
Yaradılışın dördüncü günü Allah dedi: “Qoy göy üzündə çıraqlar olsun!” Və göy üzündə Günəş, Ay və ulduzlar yarandı. Allah onları yer üzünü işıqlandırmaq üçün, həm də onların vasitəsilə günü gecədən ayırmaq, ili və fəsilləri müəyyən etmək üçün yaratdı. Allah yaratdığına baxaraq gördü ki, bu, yaxşıdır.
|
||||
|
||||
|
||||
|
||||
Beşinci gün Allah dedi: “Qoy su canlı məxluqlarla dolsun və göy üzündə quşlar uçsun!” Beləliklə, Allah bütün heyvanları, suda üzənləri və bütün quşları yaratdı. Allah onlara baxıb gördü ki, bu, yaxşıdır və onlara xeyir-dua verdi.
|
||||
|
||||
|
||||
|
||||
Yaradılışın altıncı günü Allah dedi: “Qoy yer üzündə hər növ heyvanlar olsun!” – və Allahın dediyi kimi oldu. Bəziləri ev heyvanları, başqaları vəhşi, digərləri isə yerdə sürünənlər idi. Allah onlara baxaraq gördü ki, bu, yaxşıdır.
|
||||
|
||||
|
||||
|
||||
Sonra Allah dedi: “Öz surətimizə bənzər insan yaradaq. Onlar bütün yer üzündə və bütün heyvanlar üzərində hökmranlıq etsinlər”.
|
||||
|
||||
|
||||
|
||||
Allah torpaqdan insan yaradıb ona həyat verdi və onu Adəm adlandırdı. Allah böyük bir bağ yaradaraq Adəmi oraya yerləşdirdi ki, o, bağa qulluq etsin.
|
||||
|
||||
|
||||
|
||||
Allah bu bağın mərkəzində iki qeyri-adi ağac yerləşdirdi: onlardan biri Həyat ağacı, digəri isə Xeyir və Şər bilmə ağacı idi. Allah Adəmə Xeyir və Şər bilmə ağacının meyvələrindən başqa, bağda olan bütün meyvələrdən yeməyə icazə verdi. O, Adəmə dedi ki, əgər həmin ağacın meyvəsindən yesə, öləcəkdir.
|
||||
|
||||
|
||||
|
||||
Allah dedi: “İnsanın tək olması yaxşı deyildir. Adəmə köməkçi lazımdır”. Və ona heyvanlardan köməkçi göndərdi və Adəm onların hər birinə ad verdi. Lakin onlar Adəmə köməkçi ola bilmədilər.
|
||||
|
||||
|
||||
|
||||
Beləliklə, Allah Adəmə dərin yuxu verdi və o yatarkən onun qabırğasından qadın yaratdı və qadını Adəmin yanına gətirdi.
|
||||
|
||||
|
||||
|
||||
Adəm qadını görub dedi: “Nəhayət ki! O mənə bənzəyir! Qoy onun adı qadın olsun, çünki o, kişinin qabırğasından yaradılmışdır”. Məhz buna görə də kişi öz ata və anasını tərk edir və öz qadını ilə birləşir.
|
||||
|
||||
|
||||
|
||||
Tanrı kişi ilə qadını Öz surətində yaratdıqdan sonra onlara xeyir-dua verərək dedi: “Qoy sizin çoxlu uşaqlarınız və nəvələriniz olsun! Yer üzərində artıb çoxalın!” Allah öz yaratdığına baxdı və gördü ki, etdiyi hər şey yaxşıdır və çox razı qaldı. Bunların hamısı yaradılışın altıncı günü baş verdi.
|
||||
|
||||
|
||||
|
||||
Sonda yeddinci gün Allah bütün işini bitirdi. O, yeddinci günə xeyir-dua verərək bu günü müqəddəs etdi. Ona görə ki, O, bu gün yaradılışı tamamladı. Kainat və orada olan hər şey belə yaradılmışdır.
|
||||
|
||||
_Müqəddəs Kitabdan hekayə. Yaradılış 1-2_
|
||||
|
|
@ -0,0 +1,51 @@
|
|||
# 2. Günahın dünyada yaranması
|
||||
|
||||
|
||||
|
||||
Adəm və onun arvadı Allahın onlar üçün yaratdığı bağda xoşbəxt həyat sürürdülər. Onlar çılpaq idilər və bundan utanmırdılar, çünki dünyada günah yox idi. Onlar bağda gəzişir və Allahla söhbət edirdilər.
|
||||
|
||||
|
||||
|
||||
Lakin bağda bir hiyləgər ilan var idi. O, qadından soruşdu: “Düzdür ki, Allah sizə bağdakı ağacların meyvəsindən yeməyə icazə vermir?”
|
||||
|
||||
|
||||
|
||||
Qadın cavab verdi: “Allah bizə Xeyir və Şər bilmə ağacından başqa, bütün ağacların meyvələrindən yeməyə icazə vermişdir. O bizə deyib ki, əgər biz həmin ağacın meyvəsindən yesək və hətta ona toxunsaq, öləcəyik.”
|
||||
|
||||
|
||||
|
||||
İlan qadına cavab verdi: “Bu, doğru deyildir! Siz ölməyəcəksiniz, Allah bilir ki, siz bu meyvədən yesəniz, Onun kimi olacaqsınız və xeyiri şərdən secməyə qadir olacaqsınız”.
|
||||
|
||||
|
||||
|
||||
Qadın meyvəyə baxıb onu çox gözəl və dadlı gördü. O, müdrik olmaq istədi və meyvəni dərib yedi. Sonra isə ərinə verdi, o da yedi.
|
||||
|
||||
|
||||
|
||||
Həmin anda Adəm və onun arvadı hər şeyi başqa cür gördülər. Onlar çılpaq olduqlarını anladılar. Onda onlar yarpaq tapıb çılpaqlıqlarını yarpaqla örtdülər.
|
||||
|
||||
|
||||
|
||||
Sərin yel əsdi. Adəm və arvadı Allahın bağda gəzişdiyini eşitdilər. Onlar Allahdan gizləndilər. Onda Allah insanı səslədi: “Haradasan, Adəm?” O cavab verdi: “Sənin bağda gəzişdiyini eşidib, çılpaq olduğuma görə qorxdum və gizləndim”.
|
||||
|
||||
|
||||
|
||||
Allah soruşdu: “Kim sənə dedi ki, çılpaqsan? Bəlkə Mən gadağa qoyduğum meyvədən yemisən?” Adəm cavab verdi: “Mənə verdiyin qadın bu meyvədən mənə yeməyə verdi”. Onda Allah qadından soruşdu: “Niyə belə etdin?” Qadın cavab verdi: “Məni ilan aldatdı”.
|
||||
|
||||
|
||||
|
||||
Onda Allah ilana dedi: “Lənətlənirsən! Bundan sonra qarnının üstündə sürünəcək və torpaq yeyəcəksən. Siz qadınla düşmən olacaqsınız. Həmçinin, övladlarınız da bir-birinə düşmən olacaqlar. Sən qadının övladını dabanından sancacaqsan, o isə sənin başını əzəcəkdir”.
|
||||
|
||||
|
||||
|
||||
Sonra Allah qadına dedi: “Sənin hamiləliyin çox əzablı, doğuşun isə çox ağrılı olacaqdır. Sən ərinə qarşı meyilli olacaqsan və ərin sənə ağalıq edəcəkdir”.
|
||||
|
||||
|
||||
|
||||
Allah kişiyə dedi: “Sən öz arvadına qulaq asdın və Mənə itaət etmədin. Buna görə də indi yer üzü lənətlidir və ondan bəhrə görməyin üçün çox çalışmalısan. Sonra isə sən öləcəksən və bədənin torpağa qayıdacaqdır”. Adəm öz arvadını Həvva adlandırdı, bu adın mənası “həyat verən” deməkdir. Çünki Həvva bütün gələcək insan nəslinin anası olmalı idi. Bundan sonra isə Allah Adəm və Həvvaya heyvan dərisindən geyim verdi.
|
||||
|
||||
|
||||
|
||||
Bundan sonra Allah dedi: “İndi isə insanlar bizim kimidirlər, xeyir və şərin nə olduğunu bilirlər. Buna görə də onların həyat ağacının meyvəsindən yeyib əbədi yaşamaqlarına izn vermək olmaz”. Bu səbəbdən Allah Adəm və Həvvanı bağdan qovdu və bağın girişində qüdrətli mələkləri qoydu ki, bir də heç kim həyat ağacının meyvəsindən yeyə bilməsin.
|
||||
|
||||
_Müqəddəs Kitabdan hekayə. Yaradılış 3_
|
||||
|
|
@ -0,0 +1,67 @@
|
|||
# 3. Daşqın
|
||||
|
||||
|
||||
|
||||
Əsrlər keçdi və dünyada insanlar çoxaldı. Onlar çox qəddar və zalım idilər. İnsanlar o qədər günaha batmışdılar ki, Allah daşqın vasitəsilə dünyanı məhv etmək qərarına gəldi.
|
||||
|
||||
|
||||
|
||||
Bütün insanlar arasında Allah yalnız Nuhdan razı idi, çünki o, günahkarlar arasında yeganə saleh adam idi. Allah Nuha dedi ki, dünyada daşqın etmək qərarına gəlib. Buna görə Nuh nəhəng bir gəmi tikməlidir.
|
||||
|
||||
|
||||
|
||||
Ağacdan olacaq bu nəhəng gəminin uzunluğu 140 metr, eni 23 metr və hündürlüyü 13,5 metr olmaqla, gəmi üç mərtəbəyə, çoxlu bölmələrə, tavan və pəncərəyə malik olmalı idi. Nuh, onun ailəsi və quruda yaşayan bütün növ heyvanlar bu gəmi vasitəsilə daşqından xilas olmalı idilər.
|
||||
|
||||
|
||||
|
||||
Nuh Allaha itaət etdi. O, üç oğlu ilə birlikdə gəmini, məhz Allah dediyi kimi tikdi. Bu gəminin tikilməsi uzun illər tələb etdi, çünki o çox böyük idi.
|
||||
|
||||
|
||||
|
||||
Allah Nuha əmr etdi ki, özünə, öz ailəsinə, heyvanlara yetərincə ərzaq götürsün. Hər şey hazır olduqdan sonra, Allah Nuha dedi ki, ona, arvadına, üç oğluna arvadları ilə birgə gəmiyə minmək vaxtı çatmışdır. Onlar cəmi səkkiz nəfər idi.
|
||||
|
||||
|
||||
|
||||
Allah, həmçinin, Nuha əmr etdi ki, daşqından xilas olmaq üçün yer üzündə olan bütün növ heyvan və quşların erkək və dişisindən, qurban üçün yararlı heyvanlardan isə yeddi cüt gəmiyə götürsün. Onlar hamısı gəmiyə daxil olduqdan sonra, Allah Özü gəminin qapısın bağladı.
|
||||
|
||||
|
||||
|
||||
Bundan sonra leysan başladı və qırx gün, qırx gecə dayanmadan yağdı. Həm də yeraltı sular yer səthinə qalxırdı. Su bütün yer üzünü bürüdü, hətta ən uca dağlar suyun altında qalmışdı.
|
||||
|
||||
|
||||
|
||||
Yer üzündə olan bütün canlılar məhv oldu. Lakin gəminin içində olanlar xilas oldu.
|
||||
|
||||
|
||||
|
||||
Yağış kəsildikdən sonra gəmi beş ay suyun üzərində üzürdü. Sonra su çəkilməyə başladı. Bir gün gəmi dağ başında dayandı, lakin yer üzü hələ də su ilə örtülmüşdü. Üç ay keçdikdən sonra dağların zirvələri göründü.
|
||||
|
||||
|
||||
|
||||
Daha qırx gün keçdi və Nuh gəmidən bir qarğa buraxdı, görsün ki, su quruyub, yoxsa yox. Qarğa ətrafı uçub dolaşdı, lakin özünə qonmaq üçün quru yer tapmadı.
|
||||
|
||||
|
||||
|
||||
Sonra Nuh bir göyərçin buraxdı, lakin o da quru yer tapmayıb Nuhun yanına geri döndü. Bir həftə sonra Nuh göyərçini yenidən buraxdı və o, dimdiyində bir zeytun yarpağı ilə geri döndü! Su çəkilirdi və yer üzündə yeni bitkilər bitməyə başladı!
|
||||
|
||||
|
||||
|
||||
Nuh bir həftə də gözlədi və göyərçini üçüncü dəfə buraxdı. Bu dəfə göyərçin özünə qonmaq üçün yer tapdı və geri dönmədi. Torpaq quruyurdu!
|
||||
|
||||
|
||||
|
||||
İki aydan sonra Allah Nuha dedi: “İndi sən gəmini ailən və bütün heyvanlarla birgə tərk edə bilərsən. Qoy sizin çoxlu övladlarınız və nəvələriniz olsun! Törəyib dünyanı doldurun!” Bundan sonra Nuh ailəsi ilə birlikdə gəmidən çıxdı.
|
||||
|
||||
|
||||
|
||||
Sonra Nuh qurbangah düzəltdi və qurban üçün istifadə edilə bilən hər növ heyvanlardan bir neçəsini qurban gətirdi. Allah bu qurbandan razı qaldı, Nuha və onun ailəsinə xeyir-dua verdi.
|
||||
|
||||
|
||||
|
||||
Həmçinin, Allah dedi: “Mən söz verirəm ki, insanların pis əməllərinə görə yer üzünü daha heç vaxt lənətləməyəcəyəm və insanların uşaqlıqdan günahlar etməsinə baxmayaraq, dünyanı daşqın ilə məhv etməyəcəyəm”.
|
||||
|
||||
|
||||
|
||||
Allah verdiyi vədin əlaməti olaraq ilk göy qurşağı yaratdı. O dedi ki, hər dəfə səmada göy qurşağı görünəndə verdiyi vədi yadına salıb, Yer üzündə bir daha daşqın etməyəcəkdir.
|
||||
|
||||
_Müqəddəs Kitabdan hekayə. Yaradılış 6-8_
|
||||
|
|
@ -0,0 +1,39 @@
|
|||
# 4. Allahın İbramla Əhdi
|
||||
|
||||
|
||||
|
||||
Daşqından sonra uzun illər keçdi və dünyada insanların sayı yenə də çoxaldı. Onlar hələ də qəddar idilər, Allaha və bir-birilərinə qarşı günah edirdilər. O zaman bütün insanlar bir dildə danışırdılar. Allahın onların dünyaya yayılmalarına əmr etməsinə baxmayaraq, onlar əksinə, bir yerə toplaşdılar və birlikdə şəhər tikməyə başladılar.
|
||||
|
||||
|
||||
|
||||
İnsanlar çox qürurlu idilər. Allaha itaət etmək və Onun tələb etdiyi kimi yaşamaq istəmirdilər. Hətta onlar öz adlarını izzətləndirmək və dünyaya yayılmamaq üçün səmalara qədər ucalan bir qüllə tikməyə başladılar. Allah gördü ki, əgər onlar öz çirkin məqsədlərinə davam etsələr, daha çox günah edəcəklər.
|
||||
|
||||
|
||||
|
||||
Onda Allah insanların danışdıqları ümumi dili müxtəlif dillərə dəyişdi və onları yer üzünə yaydı. İnsanların tikməyə başladıqları şəhər Babil adlandırıldı. Onun mənası “qarışmış” deməkdi.
|
||||
|
||||
|
||||
|
||||
Yüzilliklər keçdi. Allah İbram adlı bir insana müraciət etdi. Allah ona dedi: “Öz ölkəni və qohumlarını tərk et və sənə göstərəcəyim torpağa get. Mən sənə xeyir-dua verəcəyəm və səndən böyük bir xalq yaradacağam. Sənin adını yüksəldəcəyəm. Sənə xeyir-dua verənlərə xeyir-dua verəcəyəm, səni lənətləyənləri lənətləyəcəyəm. Sənin sayəndə bütün xalqlar xeyir-dualı olacaqlar”.
|
||||
|
||||
|
||||
|
||||
İbram Allaha itaət etdi. O öz arvadı Sarayı, bütün kənizlərini və sahib olduğu hər şeyi götürüb Kənana – Allahın ona göstərdiyi torpağa getdi.
|
||||
|
||||
|
||||
|
||||
İbram Kənana gəldikdə Allah ona dedi: “Ətrafına bax. Bütün bu torpağı sənə verəcəyəm və sənin nəslin əbədi olaraq ona sahib olacaqdır”. Onda İbram bu torpaqda məskunlaşdı.
|
||||
|
||||
|
||||
|
||||
Orada Melkisedeq adlı bir insan var idi. O, Uca Allahın kahini idi. Bir gün qardaşı oğlunu əsirlikdən azad etdiyi döyüşdən sonra İbram Melkisedeqlə görüşdü. O, İbrama xeyir-dua verdi və dedi: “Qoy, Uca Tanrı, yerin və göyün Sahibi İbrama xeyir-dua versin!” Bundan sonra İbram sahib olduğu hər bir şeyin onda bir hissəsini Melkisedeqə verdi!
|
||||
|
||||
|
||||
|
||||
Uzun illər keçdi, lakin İbramla Sarayın hələ də varisi yox idi. Allah yenə də İbrama müraciət etdi, ona oğul verəcəyinə və göydəki ulduzların sayı qədər nəsilləri olacağına vəd verdi. İbram Allahın vədinə inandı və Allah İbramı Onun vədinə iman etməsinə görə saleh elan etdi.
|
||||
|
||||
|
||||
|
||||
Bundan sonra Allah İbramla əhd bağladı. Adətən, əhd iki insan arasında müəyyən öhdəlikləri yerinə yetirmək üçün bağlanır. Lakin bu dəfə Allah Özü İbramla əhd bağladı, və ona, İbramın varisi olacaq oğlunun doğulacağını vəd etdi. Həmçinin, Allah İbramla bu əhdi bağladıqda Kənan torpağını onun nəslinə verdi. Bundan sonra Allah İbrama onun nəsli ilə nə baş verəcəyini yuxuda göstərdi. Bütün bu hadisələrdən sonra xeyli vaxt keçdi, lakin İbramın hələ də oğlu doğulmamışdı.
|
||||
|
||||
_Müqəddəs Kitabdan hekayə. Yaradılış 11-15_
|
||||
|
|
@ -0,0 +1,43 @@
|
|||
# 5. Vəd olunmuş oğul
|
||||
|
||||
|
||||
|
||||
İbram və Sarayın Kənan torpağına gəldiyi vaxtdan on il keçmişdi, lakin onların hələ də övladları yox idi. O zaman İbramın arvadı Saray ona dedi: “Mən artıq uşaq dünyaya gətirmək üçün qocayam, Allah isə mənə övlad verməmişdir. Sənə kənizim Həcəri verirəm. Onunla yaxınlıq et ki, mənim üçün bir övlad doğsun”.
|
||||
|
||||
|
||||
|
||||
İbram Saray dediyi kimi etdi. Həcər hamilə qaldı və özünü Saraydan üstün tutdu. Saray isə buna görə İbramı günahlandırırdı. Vaxt keçdikdən sonra Həcər bir oğul doğdu və İbram onun adını İsmail qoydu. İsmailin on üç yaşı olduqda Allah yenə də İbramla danışdı.
|
||||
|
||||
|
||||
|
||||
Allah dedi: “Külli-İxtiyar Allah Mənəm. Səninlə əhd bağlayacağam”. Bunu eşidən İbram ehtiramla üzüstə yerə uzandı. Allah davam etdi: “Sən bir çox xalqların atası olacaqsan. Mən Kənan torpağını sənə və sənin nəsillərinə verəcəyəm və onların Allahı olacağam. Sən ailəndə olan hər bir oğlan və kişini sünnət etməlisən”.
|
||||
|
||||
|
||||
|
||||
“Sənin arvadın Sara oğul doğacaqdır, o, Mən sənə vəd etdiyim oğul olacaqdır. Onun adını İshaq qoyarsan. Mən onunla Öz Əhdimi bağlayacağam və ondan böyük bir xalq törəyəcəkdir. İsmaildən da böyük xalq törəyəcəkdir. Lakin Əhdi İshaqla bağlayacağam”. Bundan sonra, Allah “İbram” adını “İbrahim”ə dəyişdi, yəni “millətin atası”. Allah, həmçinin, “Saray” adını “Sara”ya dəyişdi, yəni “şahzadə”.
|
||||
|
||||
|
||||
|
||||
Həmin gün İbrahim evində olan bütün oğlanları və kişiləri sünnət etdi. Təxminən bir il sonra, İbrahimin yüz yaşı, Saranın isə doxsan yaşı olanda, o, İbrahimə bir oğlan övladı dünyaya gətirdi. Onun adını, Allahın onlara dediyi kimi, İshaq qoydular.
|
||||
|
||||
|
||||
|
||||
İshaq uşaq ikən Allah İbrahimin imanını sınağa çəkmək qərarına gəldi. O, İbrahimə dedi ki, yeganə oğlu İshaqı götürsün və Ona qurban gətirsin. İbrahim yenə də Allaha itaət etdi və oğlunu qurban gətirməyə hazırlaşdı.
|
||||
|
||||
|
||||
|
||||
İbrahimlə İshaq qurbangaha tərəf getdikdə, İshaq soruşdu: “Ata, bizim qurban gətirmək üçün odunumuz var, bəs quzu hanı?” İbrahim cavab verdi: “Oğlum, Allah bizə qurban üçün quzu yetirəcəkdir.”
|
||||
|
||||
|
||||
|
||||
Onlar qurbangaha çatanda, İbrahim öz oğlu İshaqın əl-qolunu bağladı və onu qurbangahın üzərinə qoydu. O, öz oğlunu öldürməyə hazırlaşanda, Allah ona dedi: “Dayan! Oğlana əl vurma! İndi Mən bildim ki, sən Məndən qorxursan, çünki, yeganə oğlunu Mənim üçün əsirgəmədin!”
|
||||
|
||||
|
||||
|
||||
Həmin an İbrahim yaxınlıqdakı kolluğa ilişmiş qoçu gördü. Allah bu qoçu yolladı ki, onlar onu İshaqın yerinə qurban gətirsinlər. İbrahim qoçu sevinclə qurban gətirdi.
|
||||
|
||||
|
||||
|
||||
Onda Allah İbrahimə dedi: “Sən Mənə görə hər şeyini, hətta yeganə oğlunu qurban verməyə hazır olduğun üçün, Mən sənə xeyir-dua verəcəyimi vəd edirəm. Səmadakı ulduzların sayından da çox nəslin olacaqdır. Mənə itaətli olduğuna görə, dünyanın bütün xalqları sənin vasitənlə xeyir-dua alacaqlar!”
|
||||
|
||||
_Müqəddəs Kitabdan hekayə. Yaradılış 16-22_
|
||||
|
|
@ -0,0 +1,31 @@
|
|||
# 6. Allah İshaqın qayğısına qalır
|
||||
|
||||
|
||||
|
||||
İllər keçdi, İbrahim çox qocalmışdı, onun oğlu İshaq isə artıq yetkin kişi idi. Bir dəfə İbrahim nökərlərindən birini öz qohumları yaşadığı əraziyə göndərdi ki, İshaq üçün arvad seçsin.
|
||||
|
||||
|
||||
|
||||
Nökər uzun yol gedərək İbrahimin qohumlarının yaşadığı əraziyə çatdı və Allah onu Rivqanın yanına gətirdi. O, İbrahimin qardaşının nəvəsi idi.
|
||||
|
||||
|
||||
|
||||
Rivqa öz ailəsini tərk edib, nökərlə birlikdə İshaqın yanına getməyə razılıq verdi. O gəldikdən sonra, İshaq Rivqa ilə evləndi.
|
||||
|
||||
|
||||
|
||||
Uzun müddət keçdi. İbrahim öldü. Allah İbrahimlə bağladığı əhdə əsasən, İshaqa, İbrahimin oğluna, xeyir-dua verdi. Bu əhddə Allah söz vermişdi ki, İbrahimin saysız-hesabsız nəsli olacaqdır. Lakin İshaqın arvadı Rivqanın övladı olmurdu.
|
||||
|
||||
|
||||
|
||||
İshaq Rivqa üçün dua edirdi və Allah ona əkiz övlad verdi. Körpələr hələ ana bətnində ikən bir-biri ilə çarpışırdı. Onda Rivqa Allahdan nə baş verdiyini soruşdu.
|
||||
|
||||
|
||||
|
||||
Allah Rivqaya cavab verdi: “Sənin iki oğlun doğulacaqdır. Onların nəslindən iki fərqli xalq törəyəcəkdir. Bu xalqlar bir-biri ilə münaqişə aparacaqlar. Lakin böyük oğuldan törəyən xalq kiçik oğuldan törəyən xalqa tabe olmaq məcburiyyətində qalacaqdır.”
|
||||
|
||||
|
||||
|
||||
Vaxt çatanda Rivqa əkizləri dünyaya gətirdi. Böyük oğlu tüklü və dərisi qırmızı doğuldu. Onun adını Esav qoydular. Kiçik oğlu isə Esavın dabanından tutaraq onun dalınca doğuldu. Onun adını Yaqub qoydular.
|
||||
|
||||
_Müqəddəs Kitabdan hekayə. Yaradılış 24:1-25:26_
|
||||
|
|
@ -0,0 +1,43 @@
|
|||
# 7. Allah İshaqa xeyir-dua verir
|
||||
|
||||
|
||||
|
||||
Qardaşlar böyüyürdü. Esav ov ovlamağı, Yaqub isə evdə olmağı xoşlayırdı. İshaq Esavı, Rivqa isə daha çox Yaqubu sevirdi.
|
||||
|
||||
|
||||
|
||||
Bir dəfə Esav ovdan çox ac qayıtdı və Yaqubdan hazırladığı yeməyi ona verməyi xahiş etdi. Yaqub isə dedi: “Əvvəlcə söz ver ki, ilk oğulluq haqqını mənə bağışlayacaqsan”. Esav söz verdi ki, bu haqqı Yaquba bağışlayacaq və bundan sonra Yaqub yeməyi ona verdi.
|
||||
|
||||
|
||||
|
||||
İshaq öz xeyir-duasını Esava vermək istəyirdi, lakin bunun əvəzinə, xeyir-duanı Yaquba verdi, çünki Rivqa ilə Yaqub onu aldatmışdılar. Yaqub atasının yanına Esav kimi gəldi. O, Esavın geyimini geyib qollarına və boğazına keçi dərisi doladı. İshaq cox qocalmışdı, gözləri demək olar ki, görmürdü, buna görə yalanı hiss etmədi.
|
||||
|
||||
|
||||
|
||||
Yaqub İshaqın yanına gəldi və dedi: “Mən Esavam. Gəlmişəm ki, mənə xeyir-dua verəsən”. İshaq keçi dərisinə toxundu, geyiminin qoxusunu hiss edib Esav olduğuna inandı və Yaquba xeyir-dua verdi.
|
||||
|
||||
|
||||
|
||||
Esav Yaquba nifrət etməyə başladı, ona görə ki, Yaqub ona aid olan xeyir-duanı hiylə ilə almışdı. Buna görə Esav qərara gəldi ki, atasının ölümündən sonra, Yaqubu oldürsün.
|
||||
|
||||
|
||||
|
||||
Ancaq Rivqa Esavın niyyəti haqqında xəbər tutdu və o, İshaqla birgə Yaqubu uzaq diyara, Rivqanın qohumlarıgilə göndərdi.
|
||||
|
||||
|
||||
|
||||
Yaqub orada uzun illər yaşadı. Bu müddət ərzində o evləndi və onun on iki oğlu və bir qızı doğuldu. Allah onu çox zəngin bir insan etdi.
|
||||
|
||||
|
||||
|
||||
İyirmi il öz doğma evindən uzaqda yaşadıqdan sonra Yaqub öz ailəsi, nökərləri və özünə məxsus bütün heyvan sürüləri ilə Kənana qayıtmağa qərar verdi.
|
||||
|
||||
|
||||
|
||||
Yaqub Esavdan çox qorxurdu, çünki Esavın hələ də onu öldürmək istədiyini düşünürdü. Buna görə o, Esava hədiyyə olaraq böyük heyvan sürüləri göndərdi. Nökərlər bu heyvanları Esavın yanına gətirib dedilər: “Sənin qulun Yaqub bu heyvanları sənə hədiyyə verir. O özü də bir azdan gələcəkdir.”
|
||||
|
||||
|
||||
|
||||
Lakin Esav artıq Yaqubu öldürmək istəmirdi. Əksinə, onunla yenidən görüşməyə çox şad idi. Bundan sonra qardaşlar Kənan torpağında sülh içində yaşayırdılar. Sonra İshaq öldü, Yaqub və Esav onu basdırdılar. Allahın İbrahimə verdiyi əhd vədləri İshaqdan Yaquba keçdi.
|
||||
|
||||
_Müqəddəs Kitabdan hekayə. Yaradılış 25:27-33:20_
|
||||
|
|
@ -0,0 +1,63 @@
|
|||
# 8. Allah Yusifi və onun ailəsini xilas edir
|
||||
|
||||
|
||||
|
||||
Uzun illər keçdi. Yaqub qocalmışdı, onun övladları isə böyümüşdülər. Bir dəfə o, öz sevimli oğlu Yusifi sürüləri otaran böyük qardaşlarına baş çəkməyə göndərir.
|
||||
|
||||
|
||||
|
||||
Qardaşları Yusifə atalarının onu hamıdan çox sevdiyinə görə və yuxularında özünü hamının ağası gördüyünə görə nifrət edirdilər. Yusif qardaşlarının yanına gəldikdə, onlar onu tutub qul tacirlərinə satdılar.
|
||||
|
||||
|
||||
|
||||
Evə qayıtmazdan əvvəl, qardaşları Yusifin paltarlarını cırdılar və keçi qanına buladılar. Sonra onlar bu paltarı atalarına göstərdilər ki, Yusifi vəhşi heyvan parçaladığını düşünsün. Yaqub sevimli oğlunun ölməsinə görə çox kədərləndi.
|
||||
|
||||
|
||||
|
||||
Qul tacirləri Yusifi Misirə apardılar. O dövrdə Misir Nil çayı sahilində yerləşən böyük və güclü bir dövlət idi. Tacirlər Yusifi qul kimi, Potifar adlı bir varlı misirli məmura satdılar. Lakin Allah Yusifə xeyir-dua verirdi. O, yaxşı nökər idi və öz ağası üçün etdiyi hər bir işdə uğurlu idi.
|
||||
|
||||
|
||||
|
||||
Yusif Potifarın arvadının xoşuna gəlmişdi. Qadın Yusifi yoldan çıxartmağa çalışdı, lakin o, Allaha qarşı bu cür günah etmək istəmədi. Qadın qəzəbləndi və Yusifə şər atıb onu yoldan çıxartmaqda günahlandırdı. Yusifi tutub zindana saldılar. Lakin Yusif zindanda belə, Allaha sadiq qalırdı və Allah ona xeyir-dua verirdi.
|
||||
|
||||
|
||||
|
||||
İki il keçdi. Yusif günahsız olsa da, hələ də zindanda qalırdı. Bir dəfə gecə firon (misirlilər öz padşahlarını belə adlandırırdılar) iki yuxu gördü və çox narahat oldu. Fironun məsləhətçilərindən heç biri onun yuxularını yoza bilmədi.
|
||||
|
||||
|
||||
|
||||
Allah Yusifə yuxu yozmaq bacarığı verdi. Buna görə firon əmr etdi ki, Yusifi zindandan çıxardıb onun yanına gətirsinlər. Yusif yuxuların mənasını izah etdi. О, firona dedi: “Allah yeddi məhsuldar, sonra isə yeddi aclıq ili göndərəcəkdir.”
|
||||
|
||||
|
||||
|
||||
Yusif fironda özü haqqında elə təəssürat yaratdı ki, firon onu bütün Misirdə özündən sonra ikinci adam etdi!
|
||||
|
||||
|
||||
|
||||
Yusif yeddi məhsuldar il ərzində Misirin şəhərlərində çoxlu taxıl tədarükü topladı, onlar taxılı bu şəhərlərin ətrafında olan tarlalardan yığırdılar. O, o qədər taxıl yığdı ki, taxılın sayı-hesabı yox idi. Və yeddi aclıq ili başladıqda Yusif bu taxılı camaata satmağa başladı və onların özlərinin də kifayət qədər azuqəsi var idi.
|
||||
|
||||
|
||||
|
||||
Şiddətli aclıq tək Misirdə deyil, həmçinin, Yaqub və ailəsinin yaşadığı Kənan torpağında da var idi.
|
||||
|
||||
|
||||
|
||||
Yaqub böyük oğullarını Misirə taxıl almağa göndərdi. Onlar taxıl almağa gələndə Yusif öz qardaşlarını görüb tanıdı, ancaq onlar onu tanımadılar.
|
||||
|
||||
|
||||
|
||||
Yusif qardaşlarının dəyişdiyinə əmin olmaq üçün onları sınağa çəkmək istədi. Qardaşlarının dəyişdiyini anlayanda, Yusif onlara dedi: “Mən sizin qardaşınız Yusifəm! Qorxmayın! Siz məni qul kimi satıb pislik etdiniz, amma Allah bu pisliyi yaxşılığa çevirdi! Misirə yaşamağa gəlin. Mən sizin və ailələrinizin qayğısına qalaram.”
|
||||
|
||||
|
||||
|
||||
Yusifin qardaşları evə qayıtdılar, onlar ataları Yaquba, Yusifin sağ olduğunu dedilər. Yaqub çox xoşbəxt oldu.
|
||||
|
||||
|
||||
|
||||
Yaqubun qoca olmağına baxmayaraq, o öz ailəsi ilə Misirə köçdü və onlar orada məskunlaşdılar. Yaqub ölümündən əvvəl hər bir oğluna xeyir-dua verdi.
|
||||
|
||||
|
||||
|
||||
Allahın İbrahimə verdiyi əhd vədləri İbrahimdən İshaqa, sonra Yaquba, ondan sonra isə Yaqubun on iki oğluna və onların ailələrinə keçdi. On iki oğulun nəsilləri İsrailin qəbilələri oldu.
|
||||
|
||||
_Müqəddəs Kitabdan hekayə. Yaradılış 37-50_
|
||||
|
|
@ -0,0 +1,63 @@
|
|||
# 9. Allah Musanı çağırır
|
||||
|
||||
|
||||
|
||||
Yusifin ölümündən sonra onun bütün qohumları Misirdə qaldılar. Onlar və nəsilləri uzun illər orada yaşayırdılar. Onların uşaqlarının sayı çox idi. Onları “israillilər” adlandırırdılar.
|
||||
|
||||
|
||||
|
||||
Yüzilliklər keçdi. İsraillilərin sayı çox artmışdı. Misirlilər artıq Yusifi və onun onlar üçün bütün etdiklərini xatırlamırdılar. İsraillilər o qədər artmışdılar ki, misirlilər onlardan qorxmağa başladılar. Beləliklə, həmin dövrdə hökmdarlıq edən firon israilliləri köləyə çevirdi.
|
||||
|
||||
|
||||
|
||||
Misirlilər israilliləri çoxlu bina və hətta şəhərlər tikməyə məcbur edirdilər. Ağır işə görə israillilərin həyatı çox dözülməz və əziyyətli idi. Lakin Allah onlara xeyir-dua verirdi və onların daha çox uşağı doğulurdu.
|
||||
|
||||
|
||||
|
||||
Firon gördü ki, israillilərin çoxlu uşağı olur. Buna görə öz xalqına əmr etdi ki, yeni doğulan israilli oğlan uşaqlarını Nil çayına ataraq öldürsünlər.
|
||||
|
||||
|
||||
|
||||
O vaxtlar bir israilli qadının oğlu doğuldu və o, uzun zaman körpəsini gizlədirdi.
|
||||
|
||||
|
||||
|
||||
Elə bir vaxt gəldi ki, daha körpəni gizlətmək mümkün deyildi. Ana oğlunu səbətə qoyub Nil çayının qırağındakı qamışların arasında gizlətdi ki, onu ölümdən xilas etsin. Körpənin böyük bacısı yaxınlıqda dayanıb nə baş verəcəyini izləyirdi.
|
||||
|
||||
|
||||
|
||||
Bu zaman fironun qızı Nil çayına çimməyə gəldi. Səbəti görüb içinə baxdı. Orada körpəni görüb ona rəhmi gəldi. Körpənin böyük bacısı yaxınlıqda idi, o, fironun qızına körpə üçün israilli süd anası tapmağı təklif etdi. Və fironun qızı bir israilli qadını süd anası kimi götürdü, lakin bu qadının körpənin doğma anası olduğunu bilmirdi. Körpə böyüdü və ana südünə ehtiyacı olmadıqda, anası onu fironun qızına qaytardı. Fironun qızı uşağı oğulluğa götürüb adını Musa qoydu.
|
||||
|
||||
|
||||
|
||||
Musa böyüdü. Bir gün o, bir misirlinin israilli nökərini döydüyünü gördü. Musa öz xalqından olan bir insanı xilas etməyə cəhd etdi.
|
||||
|
||||
|
||||
|
||||
Musa ətrafında heç kəsin olmadığını görəndə misirlini öldürdü və onun cəsədini qumda basdırdı. Lakin bu hadisə gizli qalmadı.
|
||||
|
||||
|
||||
|
||||
Musanın bu hərəkəti barədə hətta firon da xəbər tutdu. O əmr etdi ki, Musanı öldürsünlər, ancaq Musa Misirdən səhraya qaçdı. Fironun əsgərləri onu orada tapa bilmədilər.
|
||||
|
||||
|
||||
|
||||
Səhrada, Misirdən uzaq bir yerdə, Musa çoban oldu. Həmin yerdən olan bir qızla ailə qurdu və onların iki oğlu doğuldu.
|
||||
|
||||
|
||||
|
||||
Musa öz qayınatasının qoyunlarını otarırdı. Bir dəfə o, od içində kolun sönmədən yanmasını gördü. Musa kola yaxınlaşdı ki, ona nəzər salsın. O, yanan kola yaxınlaşanda Allah ona dedi: “Musa, çarıqlarını çıxart! Sən müqəddəs torpaqda dayanmısan!”
|
||||
|
||||
|
||||
|
||||
Sonra Allah dedi: “Mən Öz xalqımın əzabını gördüm. Mən səni fironun yanına göndərəcəyəm ki, israilliləri Misirdən, onların indi kölə olduğu yerdən çıxarasan. Mən onlara Kənan torpağını verəcəyəm – İbrahimə, İshaqa və Yaquba vəd verdiyim torpağı.”
|
||||
|
||||
|
||||
|
||||
Musa soruşdu: “Bəs xalq mənim kim tərəfindən göndərildiyimi bilmək istəsə? Mən onlara nə deyim?” Allah cavab verdi: “Var Olan Mənəm.” Onlara de: “Var Olan, məni sizin yanınıza göndərib”. Həmçinin onlara de: “Mən – Rəbb, əcdadlarınız İbrahim, İshaq və Yaqubun Allahıyam. Mənim adım əbədidir.”
|
||||
|
||||
|
||||
|
||||
Musa qorxdu, fironun yanına getmək istəmirdi, çünki o, səlis danışa bilmirdi. Buna görə Allah Musaya onun qardaşı Harunu kömək üçün yolladı.
|
||||
|
||||
_Müqəddəs Kitabdan hekayə. Çıxış 1-4_
|
||||
|
|
@ -0,0 +1,51 @@
|
|||
# 10. On bəla
|
||||
|
||||
|
||||
|
||||
Allah Musanı əvvəlcədən xəbərdar etdi ki, firon israillilərin Misirdən çıxmalarına izn verməyəcəkdir. Musa və Harun fironun yanına getdilər və ona dedilər: “İsrailin Allahı deyir ki, Onun xalqını buraxasan!” Lakin firon onları dinləmədi. O, İsrail xalqını azadlığa buraxmadı, hətta onları daha çox işləməyə məcbur etdi.
|
||||
|
||||
|
||||
|
||||
Musa və Harun bir-neçə dəfə fironun yanına gəldilər, lakin firon hər dəfə xalqı buraxmaqdan imtina edirdi. Buna görə Allah Misirin üzərinə on dəhşətli bəla göndərdi. Bu bəlalar vasitəsilə Allah fironu cəzalandırdı. Beləcə, ona və bütün Misirə göstərdi ki, O, firondan və bütün Misir allahlarından böyükdür.
|
||||
|
||||
|
||||
|
||||
Birinci bəla belə idi: Allah Nil çayının bütün sularını qana çevirdi. Lakin firon israilliləri buraxmadı.
|
||||
|
||||
|
||||
|
||||
Sonra Allah Misirin üzərinə boyük miqdarda qurbağalar göndərdi. Firon Musaya yalvardı ki, Misiri onlardan azad etsin. Lakin Musanın duasıyla bütün qurbağalar məhv olduqdan sonra, fironun ürəyi yenə də inadkar oldu və o, israilliləri Misirdən buraxmaq istəmədi.
|
||||
|
||||
|
||||
|
||||
Ona görə Allah Misiri mığmığa hücumu ilə cəzalandırdı. Ancaq firon israr etməkdə davam etdi. Sonra Allah Misiri mozalanlarla cəzalandırdı. Firon Musanı və Harunu çağırıb dedi ki, əgər onlar bu bəlanı dayandırsalar, israillilər Misiri tərk edə bilərlər. Musa dua etdi və mozalanlar Misiri tərk etdilər. Lakin firon ürəyində yenə də inadkarlıq edib israilliləri buraxmadı.
|
||||
|
||||
|
||||
|
||||
Onda Allah misirlilərin bütün ev heyvanlarına ölümcül xəstəlik göndərdi. Yenə də fironun ürəyi inadkar oldu və o, israilliləri buraxmadı.
|
||||
|
||||
|
||||
|
||||
Bundan sonra Allah Musaya dedi ki, külü fironun qarşısında havaya atsın. Musa bunu edəndə misirlilərin bədənində ağrılı xoralı yaralar əmələ gəldi, ancaq israillilərdə əmələ gəlmədi. Allah fironun ürəyini inadkar etdi və o yenə də İsrail xalqını buraxmadı.
|
||||
|
||||
|
||||
|
||||
Sonra Allah misirlilərin əkinlərinin çox hissəsini və açıq səma altında olan bütün canlıları məhv edən dolu yağdırdı. Firon Musa ilə Harunu yanına çağırıb dedi: “Mən günah etdim. Allaha dua edin ki, dolu dayansın və mən sizi buraxaram.” Musa dua etdi və dolu dayandı.
|
||||
|
||||
|
||||
|
||||
Ancaq firon yenə də günah etdi və ürəyini inadkarlaşdırdı. O, israilliləri buraxmadı.
|
||||
|
||||
|
||||
|
||||
Onda Allah Misirə çəyirtkələr göndərdi. Çəyirtkələr dolu yağdıqdan sonra qalan bütün məhsulu yedi.
|
||||
|
||||
|
||||
|
||||
Bundan sonra Allah üç gün davam edən zülmət yolladı. Elə qaranlıq idi ki, misirlilər evlərindən çıxa bilmirdilər. İsraillilərin yaşadığı ərazi isə işıqlı idi.
|
||||
|
||||
|
||||
|
||||
Hətta bu doqquz bəladan sonra, firon israilliləri Misirdən buraxmağa hələ də razı olmurdu. Firon Allahın sözünə qulaq asmaq istəmirdi, ona görə Allah daha bir, sonuncu bəlanı göndərmək qərarına gəldi. Bu bəla fironu israilliləri buraxmasına razı salmalı idi.
|
||||
|
||||
_Müqəddəs Kitabdan hekayə. Çıxış 5-11_
|
||||
|
|
@ -0,0 +1,35 @@
|
|||
# 11. Pasxa
|
||||
|
||||
|
||||
|
||||
Allah yenə Musanı və Harunu fironun yanına göndərdi ki, ondan İsrail xalqını buraxmasını istəsinlər. Onlar firona xəbərdarlıq etdilər ki, əgər o, israilliləri buraxmasa, Allah həm insanların ilk oğullarını, eləcə də heyvanların ilk erkək balalarını öldürəcəkdir. Bunu eşidən firon yenə də Allaha inanmadı və Ona itaət etmədi.
|
||||
|
||||
|
||||
|
||||
Misirliləri ağır bir cəza gözləyirdi. Lakin israillilərin ilk doğulmuş oğulları üçün Allah xilas yolu hazırlamışdı. Hər ailə qüsursuz bir quzu seçib onu kəsməli idi.
|
||||
|
||||
|
||||
|
||||
Allah israillilərə əmr etdi ki, bu quzunun qanını götürüb öz evlərinin qapı dirəklərinə çəksinlər, sonra isə quzunun ətini odun üstündə qızardıb mayasız çörəklə tez yesinlər. Həmçinin, Allah dedi ki, ət və çörəyi yedikdən sonra, Misirdən çıxmağa hazır olsunlar.
|
||||
|
||||
|
||||
|
||||
İsraillilər hər şeyi Allahın onlara dediyi kimi etdilər. Gecə yarısı Allah Misirdən keçdi və hər doğulmuş ilk oğulu öldürdü.
|
||||
|
||||
|
||||
|
||||
İsraillilərin hamısının evinin qapılarının dirəklərində qan var idi və Allah bu evlərdən yan keçdi. Bu evlərdə olan hamı təhlükəsizlikdə idi. Onlar quzunun qanı sayəsində xilas oldular.
|
||||
|
||||
|
||||
|
||||
Firon Allaha inanmadı və Ona itaət etmədi, buna görə də Allah bütün Misiri cəzalandırdı. O, misirlilərin doğulmuş ilk oğullarının hamısını öldürdü.
|
||||
|
||||
|
||||
|
||||
Zindanda olan məhbusun ilk oğlundan tutmuş, fironun ilk oğluna qədər hər bir misirlinin kişi cinsindən olan ilk övladı öldü. Bütün Misir xalqı ağır kədər içində fəryad etdi.
|
||||
|
||||
|
||||
|
||||
Həmin gecə firon Musanı və Harunu yanına çağırıb dedi: “Bütün israilliləri yığın və Misirdən dərhal çıxıb gedin!” Misirlilər də israillilərin dərhal çıxıb getməsini tələb edirdilər.
|
||||
|
||||
_Müqəddəs Kitabdan hekayə. Çıxış 11:1-12:32_
|
||||
|
|
@ -0,0 +1,59 @@
|
|||
# 12. Çıxış
|
||||
|
||||
|
||||
|
||||
İsraillilər sevinclə Misirdən çıxırdılar. Onlar artıq kölə deyildilər və Allahın Vəd etdiyi Torpağa gedirdilər! Misirlilər israillilərə bütün istədiklərini, hətta qızıl, gümüş və müxtəlif zinət əşyaları da verdilər. Digər xalqlardan olan bəzi insanlar Allaha inandılar və israillilər Misirdən çıxdıqda onlara qoşuldular.
|
||||
|
||||
|
||||
|
||||
Allah hər zaman onlarla idi və onların yolunu istiqamətləndirirdi. Onlar, sadəcə, Onun ardınca getməli idilər. Gün ərzində Allah bulud dirəyi, gecə isə alov dirəyi kimi israillilərin qarşısında gedirdi.
|
||||
|
||||
|
||||
|
||||
Bir neçə gün sonra firon və onun xalqı fikrini dəyişdilər. Onlar yenə də israillilərin kölə olmalarını istədilər. Buna görə israilliləri təqib etməyə başladılar. Bunu Allah etdi, hamı görsün ki, O, Rəbb, firon və bütün Misir allahlarından güclüdür.
|
||||
|
||||
|
||||
|
||||
İsraillilər misir ordusunun onlara doğru irəlilədiyini gördükdə başa düşdülər ki, Qırmızı dənizlə firon ordusunun arasında tələyə düşüblər. Onlar çox qorxdular və Musaya dedilər: “İndi səhrada ölməkdənsə, misirlilərin qulları olmaq bizim üçün daha yaxşı olardı”.
|
||||
|
||||
|
||||
|
||||
Musa israillilərə cavab verdi: “Daha qorxmayın! Bu gün Allah sizin üçün döyüşəcək və sizi xilas edəcəkdir!” Sonra Allah Musaya dedi: “Xalqa Qırmızı dənizə tərəf getməyi əmr et!”
|
||||
|
||||
|
||||
|
||||
Bu an israillilərin qarşısında gedən və onlara yol göstərən bulud dirəyi yerini dəyişdi, israillilərlə misirlilərin arasında dayandı. Gecə bu dirək od dirəyi oldu, buna görə misirlilər israillilərə yaxınlaşa bilmirdilər.
|
||||
|
||||
|
||||
|
||||
Allah Musaya əmr etdi ki, əlini dənizin üzərinə qaldırsın. Musa əlini qaldırdı və Allah külək göndərib dənizin sularını sola və sağa ayırdı. Dənizin ortasında quru yol açıldı.
|
||||
|
||||
|
||||
|
||||
İsraillilər dənizin ortasından quru yerdən keçdilər, sular onlar üçün hər iki tərəfdən divar oldu.
|
||||
|
||||
|
||||
|
||||
Misirlilər israillilərin onlardan qaçdığını görüb qərara gəldilər ki, onları təqib etməyə davam etsinlər.
|
||||
|
||||
|
||||
|
||||
Onlar israilliləri dənizdən keçən quru yol ilə təqib etdilər. Allah misirliləri təşvişə saldı. Onların döyüş arabaları palçığa batdı və onlar qışqırdılar: “Gəlin qaçaq! Allah Özü israillilərin tərəfində döyüşür!”
|
||||
|
||||
|
||||
|
||||
İsraillilərin hamısı dənizin digər sahilinə keçdikdə Allah Musaya dedi ki, o, əlini yenidən suyun üzərinə uzatsın. Musa belə də etdi, dəniz suyu öz adi yerinə qayıtdı və misirlilərin üzərinə çökdü. Bütün Misir ordusu suda batdı.
|
||||
|
||||
|
||||
|
||||
İsraillilər misirlilərin məhv olduqlarını görəndə Allaha inandılar və Musanı Allahın peyğəmbəri kimi qəbul etdilər.
|
||||
|
||||
|
||||
|
||||
İsraillilər Allahın onları ölümdən və köləlikdən xilas etməsinə çox sevinirdilər. İndi onlar Allaha tabe oldular və Ona sərbəst ibadət edə bilirdilər! İsraillilər əldə etdikləri azadlığı qeyd edərək həmd edirdilər və Misir ordusundan xilas olduqlarına görə Allahı izzətləndirirdilər.
|
||||
|
||||
|
||||
|
||||
Allah israillilərə misirlilərin üzərində verdiyi qələbəni və köləlikdən azad olmaqlarını hər il xatirə olaraq qeyd etməklərini buyurdu. Bu bayramı Pasxa adlandırdılar. İsraillilər Pasxa bayramına qüsursuz quzu kəsir və onu mayasız çörəklə yeyirdilər.
|
||||
|
||||
_Müqəddəs Kitabdan hekayə. Çıxış 12:33-15:21_
|
||||
|
|
@ -0,0 +1,63 @@
|
|||
# 13. Allahın İsrail ilə Əhdi
|
||||
|
||||
|
||||
|
||||
Allah israilliləri Qırmızı dənizdən keçirdikdən sonra onları səhradan apararaq Sina dağına gətirdi. Musa yanan kolu məhz bu dağın yanında görmüşdü. Xalq çadırlarını Sina dağının yamaclarında qurdu.
|
||||
|
||||
|
||||
|
||||
Allah Musaya və bütün İsrail xalqına dedi: “Əgər Mənə itaət etsəniz və sizinlə bağladığım əhdə riayət etsəniz, Mənim kahinlər padşahlığım, dəyərli və müqəddəs xalqım olacaqsınız.”
|
||||
|
||||
|
||||
|
||||
Allah Musaya üçüncü gündə Onunla görüş üçün xalqı hazırlamağı və təqdis etməyi buyurdu. Xalq iki gün bu görüşə hazırlaşırdı. Üçüncü gün Allah Sina dağının zirvəsinə gəldi. Onun gəlişi ildırım, şimşək, buxar və güclü şeypur səsləri ilə müşayiət olunurdu. Allah Musanı çağırdı və Musa dağa qalxdı.
|
||||
|
||||
|
||||
|
||||
Sina dağında Allah xalq ilə Əhd bağladı və onlara On Əmr verdi. O dedi: “Mən – Yahve, sizin Allahınızam. Mən sizi Misirdə köləlikdən xilas etdim. Başqa allahlara səcdə etməyin.”
|
||||
|
||||
|
||||
|
||||
“Bütlər düzəltməyin və onlara səcdə etməyin, çünki Mən, Yahve, sizin yeganə Allahınız olmalıyam! Mənim adıma hörmətsizlik etməyin! Yadınızdan çıxartmayın ki, Şənbə – müqəddəs gündür. Yəni, altı gün öz işlərinizi görün, yeddinci gün, Şənbəni isə istirahət edin və Mənim haqqımda düşünün.”
|
||||
|
||||
|
||||
|
||||
“Öz ata və ananıza hörmət edin. Öldürməyin. Nikah sədaqətini pozmayın. Oğurluq etməyin. Yalan danışmayın. Özgənin arvadını, özgənin mülkünü və başqalarına məxsus olan heç nəyi arzulamayın.”
|
||||
|
||||
|
||||
|
||||
Bütün xalq Allahın onlara verdiyi əmrləri yerinə yetirməyə razılaşdı. Hamı tək Allaha məxsus olmağa və Ona səcdə etməyə razı oldu.
|
||||
|
||||
|
||||
|
||||
Allah, həmçinin, israillilərə böyük bir çadır – Hüzur çadırı qurmağı əmr etdi. Allah onlara onu necə qurmağı və daxilinə nəyi yerləşdirməyi ətraflı başa saldı. Allah onlara çadırı iki otağa bölən boyük bir pərdə hazırlamağı əmr etdi. Allah dedi ki, O, pərdənin arxasındakı otağa gələcək və orada qalacaqdır. Bu otağa yalnız baş kahinə daxil olmağa icazə verilirdi.
|
||||
|
||||
|
||||
|
||||
Allah Musanın qardaşı Harunu və onun nəslini Özünə kahin seçdi. Xalq Hüzur çadırının qarşısında qurbangah tikməli idi. Allahın Qanununu pozan hər kəs bu qurbangaha bir heyvan gətirməlidir. Kahin heyvanı kəsib Allaha qurban kimi qurbangahda yandırmalı olacaqdır. Allah dedi ki, bu heyvanın qanı insanın günahını örtəcək və buna görə də O, bu günahı görməyəcəkdir. Qurban sayəsində insan Allahın gözündə pak olacaqdır.
|
||||
|
||||
|
||||
|
||||
Allah xalqa bir çox başqa qanunlar və davranış qaydaları verdi. Allah insanlara, əgər Onun qanunlarına əməl etsələr, xeyir-dua verəcəyini və onları qoruyacağını vəd etmişdir. Əgər bu qanunları yerinə yetirməsələr, Allah onları cəzalandıracağını vəd etdi. Allah iki daş lövhədə On Əmr yazdı və Musaya Sina dağına qalxmağı və onları götürməyi əmr etdi.
|
||||
|
||||
|
||||
|
||||
Musa Sina dağında uzun müddət qaldı və Allahla söhbət etdi. İnsanlar onun geri dönüşünü gözləməkdən yoruldular. Onlar Haruna qızıl gətirdilər və ondan xahiş etdilər ki, Allahın əvəzinə ibadət edə biləcəkləri bir büt düzəltsin. Beləliklə, onlar Allaha qarşı böyük günah işlətdilər.
|
||||
|
||||
|
||||
|
||||
Harun dana şəklində bir büt düzəltdi. Xalq dəlicəsinə bütə ibadət etməyə və ona qurbanlar kəsməyə başladı. Bu günaha görə Allah onlara çox qəzəbləndi. Musaya onları məhv etmək istədiyini söylədi. Musa isə Allaha dua etdi ki, onları öldürməsin. Allah onun duasını eşitdi və xalqı məhv etmədi.
|
||||
|
||||
|
||||
|
||||
Musa Sina dağından enəndə əlində Allahın On Əmri yazılmış iki lövhə var idi. Musa bütü gördükdə elə qəzəbləndi ki, əlindəki lövhələri sındırdı.
|
||||
|
||||
|
||||
|
||||
Sonra Musa bütü yandırdı və onu toza çevirdi. O, tozu suya tökdü və xalqı içməyə məcbur etdi. Allah insanlara bəla göndərdi və onlardan çoxu öldü.
|
||||
|
||||
|
||||
|
||||
Allah Musaya sındırdığı lövhələrin yerinə On Əmr üçün yeni daş lövhələr düzəltməyini əmr etdi. Musa belə də etdi. O yenə də dağa qalxdı və Allahın xalqı bağışlaması üçün dua etdi. Allah Musanı eşitdi, israilliləri bağışladı və yeni lövhələr üzərində On Əmr yazdı. Musa dağdan bu lövhələrlə qayıtdı. Bundan sonra Allah israilliləri Sina dağından Vəd edilmiş Torpağa apardı.
|
||||
|
||||
_Müqəddəs Kitabdan hekayə. Çıxış 19-34_
|
||||
|
|
@ -0,0 +1,63 @@
|
|||
# 14. İsraillilərin səhrada dolaşması
|
||||
|
||||
|
||||
|
||||
Allah israillilərə bütün qanunları verdikdən sonra onları Sina dağından apardı. İsraillilər Onunla olan əhdə görə bu qanunlara riayət etməli idilər. Allah xalqın qarşısında buxar dirəyi kimi gedirdi, xalq isə Onun ardınca gedirdi. O, onları Kənan adlanan Vəd edilmiş Torpağa gətirmək istəyirdi.
|
||||
|
||||
|
||||
|
||||
Allah İbrahim, İshaq və Yaquba vəd etmişdi ki, bu torpaqları onların nəsillərinə verəcəkdir, lakin həmin dövrdə bu ərazidə müxtəlif xalqlar yaşayırdı. Onları kənanlılar adlandırırdılar. Kənanlılar Allaha sitayiş etmirdilər və Ona itaətli deyildilər. Onlar yalan allahlara səcdə edirdilər və müxtəlif şər işlərlə məşğul idilər.
|
||||
|
||||
|
||||
|
||||
Allah israillilərə dedi: “Siz Vəd edilmiş Torpağa daxil olduqda bütün kənanlıları qovmalısınız. Onlarla əlaqəyə girməyin və nikah bağlamayın. Siz onların bütün bütlərini məhv etməlisiniz. Əgər Mən sizə dediyim kimi etməsəniz, Mənə deyil, onların bütlərinə səcdə etməyə başlayacaqsınız.”
|
||||
|
||||
|
||||
|
||||
İsraillilər Kənanın sərhədlərinə yaxınlaşdıqda, Musa İsrailin hər bir nəslindən bir nəfər olmaqla, on iki nəfər kişi seçdi. O, bu insanları həmin torpağa kəşfiyyata göndərdi ki, onlar bu torpaq haqqında məlumat toplasınlar. Onlar eləcə də kənanlılar haqqında, onların güclü və ya zəif olmaları barədə məlumat toplamalı idilər.
|
||||
|
||||
|
||||
|
||||
On iki kişi qırx gün Kənanı gəzdilər, sonra geri qayıtdılar. Onlar hamısı xalqa deyirdilər: “Oranın torpağı yaxşıdır və çoxlu məhsul verir!” Lakin onlardan on nəfəri təsdiqləyirdi: “Oranın şəhərləri möhkəmlənmiş, insanları isə çox nəhəngdir! Biz onlara hücum etsək, sözsüz, onlar bizi öldürəcəklər!”
|
||||
|
||||
|
||||
|
||||
Başqa iki kəşfiyyatçı – Kalev və Nun oğlu Yeşua dedilər: “Bu doğrudur, Kənanın insanları hündür və güclüdürlər. Lakin biz onlara qalib gələ biləcəyik! Rəbb bizim tərəfdə döyüşəcəkdir!”
|
||||
|
||||
|
||||
|
||||
Amma xalq Kalev və Nun oğlu Yeşuaya qulaq asmadı. İnsanlar Musa ilə Haruna qəzəbləndi və dedilər: “Bu dəhşətli yerə bizi niyə gətirdiniz? Kaş ki biz Misirdə qalardıq. Əgər biz bu torpağa girsək, döyüşdə məhv olacağıq, bizim arvad-uşaqlarımız isə kənanlıların qulu olacaqdır.” Xalq onları geriyə – Misirə aparacaq yeni rəhbər seçmək istədi.
|
||||
|
||||
|
||||
|
||||
İnsanların bu sözlərini eşidib Allah bərk qəzəbləndi. O, Hüzur Çadırına gəldi və dedi: “Mənə qarşı çıxdığınıza görə bütün xalq səhrada gəzib dolaşacaqdır. İyirmi və ondan yuxarı yaşda olan bütün insanlar orada qalıb öləcəklər və Mənim Vəd etdiyim Torpağa heç vaxt girməyəcəklər. Bu Torpağa yalnız Nun oğlu Yeşua və Kalev girəcəkdir.”
|
||||
|
||||
|
||||
|
||||
İnsanlar Allahın bu sözlərini eşidib günah etdiklərinə görə peşman oldular. Onlar Kənan əhalisinə qarşı döyüşmək qərarına gəldilər. Musa onlara xəbərdarlıq etdi ki, Kənana qarşı müharibə etməsinlər, çünki Allah onlarla getməyəcəkdir, lakin onlar Musaya qulaq asmadılar.
|
||||
|
||||
|
||||
|
||||
Allah israillilərlə birlikdə bu döyuşə getmədi və buna görə də kənanlılar onları məğlub edib çoxlarını öldürdülər. Onda israillilər Kənandan geri çəkildilər. Bundan sonra onlar qırx il səhrada gəzib dolaşdılar.
|
||||
|
||||
|
||||
|
||||
Səhrada olduqları bu qırx il ərzində Allah onların qayğısına qaldı. O, onlara göydən “manna” adlı çörək verdi. Bütün bu müddət ərzində Allah onların geyimlərini və çarıqlarını qoruyub saxladı, onlar köhnəlmirdi.
|
||||
|
||||
|
||||
|
||||
Allah onlara möcüzəvi şəkildə qayadan su verirdi. Lakin bütün bunlara baxmayaraq, İsrail xalqı Allahdan və Musadan gileylənirdi və deyinirdi. Allah isə yenə də Öz vədlərinə sadiq qaldı. O, İbrahimin, İshaqın və Yaqubun nəsli ilə vəd etdiyi kimi davranırdı.
|
||||
|
||||
|
||||
|
||||
Bir gün xalqın suyu qurtardı. Allah Musaya dedi: “Bu qayaya de ki, sənə su versin və qayadan su axacaqdır”. Lakin Musa bütün xalqın qarşısında Allaha itaətsizlik etdi. O, qayaya: “Su ver” demədi, bunun əvəzinə, əsası ilə iki dəfə qayaya vurdu. Qayadan su axdı və hamı içdi, lakin Allah Musaya qəzəbləndi və dedi: “Sən bu cür hərəkət etdiyinə görə Vəd edilmiş Torpağa girməyəcəksən!”
|
||||
|
||||
|
||||
|
||||
Qırx il səhrada dolaşdıqdan sonra, Allaha qarşı üsyan edən hər kəs öldü. Onda Allah xalqını yenə də Vəd edilmiş Torpağın sərhədinə gətirdi. Musa artıq qocalmışdı və Allah Nun oğlu Yeşuanı xalqın rəhbəri seçdi. Musaya isə söz verdi ki, O, bir gün insanlar üçün Musa kimi başqa peyğəmbər yollayacaqdır.
|
||||
|
||||
|
||||
|
||||
Allah Musaya əmr etdi ki, Vəd edilmiş Torpağı görmək üçün dağın başına qalxsın. Musa Vəd edilmiş Torpağı gördü, lakin Allah onun ora girməsinə icazə vermədi. Bundan sonra Musa öldü və israillilər otuz gün yas tutdular. Nun oğlu Yeşua xalqın yeni rəhbəri oldu. O, Allaha inandığı və itaət etdiyi üçün xalqı yaxşı idarə edirdi.
|
||||
|
||||
_Müqəddəs Kitabdan hekayə. Çıxış 16-17; Saylar 10-14; 20; 27; Qanunun Təkrarı 34
|
||||
|
|
@ -0,0 +1,55 @@
|
|||
# 15. Vəd edilmiş Torpaq
|
||||
|
||||
|
||||
|
||||
Nəhayət, israillilərin Allahın Vəd etdiyi Torpağa – Kənana daxil olmalarının vaxtı gəlib çatdı. Həmin yerdə Yerixo adlanan şəhər var idi. O, qala divarları ilə qorunurdu. Nun oğlu Yeşua Yerixoya iki kəşfiyyatçı göndərdi. Həmin şəhərdə Raxav adlı fahişə qadın yaşayırdı. O, kəşfiyyatçıları öz evində gizlətdi və daha sonra onlara şəhərdən qaçmağa yardım etdi. O, israillilərin Allahının qüdrətinə inandığına görə belə etdi. Kəşfiyyatçılar söz verdilər ki, israillilər Yerixonu dağıtdıqları zaman, onlar Raxav və onun ailəsini müdafiə edəcəklər.
|
||||
|
||||
|
||||
|
||||
Vəd edilmiş Torpağa girmək üçün israillilər İordan çayını keçməli idilər. Allah Yeşuaya dedi: “Qoy birinci kahinlər getsinlər.” Kahinlər İordan çayına ayaq basan kimi, su axını dayandı və israillilər çayın o biri sahilinə quru ilə keçə bildilər.
|
||||
|
||||
|
||||
|
||||
Xalq İordanı keçən kimi, Allah Nun oğlu Yeşuaya əmr etdi ki, əzəmətli Yerixo şəhərinə hücum etmək üçün hazır olsunlar. Allah Yeşuaya dedi ki, kahinlər və döyüşçülər altı gün ərzində şəhərin ətrafına gündə bir dəfə dolansınlar. Kahinlər və döyüşçülər Allahın əmrini yerinə yetirdilər.
|
||||
|
||||
|
||||
|
||||
Həmçinin, Allah dedi ki, yeddinci gün israillilər şəhərin ətrafına yeddi dəfə dolanmalıdırlar. Bundan sonra kahinlər şeypur çalmalı, xalq isə möhkəm qışqırmalıdır. Bu məqamda Yerixonun divarları çökəcəkdir və onlar şəhəri ala biləcəklər. İsraillilər elə də etdilər.
|
||||
|
||||
|
||||
|
||||
Onlar əmri yerinə yetirən kimi Yerixonun divarları çökdü! İsraillilər, Allah onlara əmr etdiyi kimi, şəhərdə olan hər kəsi məhv etdilər. Onlar tək Raxavı və onun ailəsini sağ buraxdılar, daha sonra Raxav İsrail xalqının arasında yaşadı. Kənanda qalan sakinlər Yerixonun israillilər tərəfindən məhv olmasını eşidib qorxdular ki, onlara da hücum edəcəklər.
|
||||
|
||||
|
||||
|
||||
Allah israillilərə əmr etdi ki, Kənanda olan heç bir xalqla əhd bağlamasınlar. Lakin Kənanda olan bir xalq Nun oğlu Yeşuanı aldatdı. Bu, giveonlar idı. Onlar dedilər ki, Kənandan çox uzaqda yaşayırlar və Nun oğlu Yeşuadan onlarla əhd bağlamağını xahiş etdilər. Nun oğlu Yeşua və İsrailin digər rəhbərləri Allahdan məsləhət almayıb giveonlarla əhd bağladılar.
|
||||
|
||||
|
||||
|
||||
Üç gün sonra israillilər xəbər tutdular ki, giveonlular, əslində, Kənanda yaşayırlar. İsraillilər, onları aldatdıqları üçün, giveonlulara qəzəbləndilər. Bununla belə, israillilər onlarla bağladıqları sülh əhdinə əməl etdilər, çünki bunu Allah qarşısında söz vermişdilər. Bir müddət sonra Kənanda yaşayan, başqa bir xalq olan emorluların padşahları giveonluların israillilərlə əhd bağladığını eşitdilər. Bu padşahlar ordularını birləşdirdilər və hamısı birlikdə Giveona hücum etdilər. Onda giveonlular kömək üçün Nun oğlu Yeşuaya müraciət etdilər.
|
||||
|
||||
|
||||
|
||||
Yeşua İsrail ordusunu topladı. Onlar bütün gecəni giveonluların yaşadığı yerə yol getdilər. Səhər tezdən, emorluların ordusunun gözləmədiyi anda, onlara hücum etdilər.
|
||||
|
||||
|
||||
|
||||
O gün Allah İsrailin tərəfində vuruşurdu. O, emorluların arasında çaxnaşma yaratdı və onların üzərinə çoxlarını məhv edən iri dolu yağdırdı.
|
||||
|
||||
|
||||
|
||||
Bundan əlavə, Allah göydə günəşi dayandırdı ki, İsrailin emorluları tamamilə məğlub etmək üçün kifayət qədər vaxtı olsun. Həmin gün Allah İsrailə böyük bir qələbə qazandırdı.
|
||||
|
||||
|
||||
|
||||
Allah bu orduları məğlub etdikdən sonra, Kənanın bir çox başqa xalqları İsrailə hücum etmək üçün bir yerə toplaşdılar. Lakin israillilər Nun oğlu Yeşuanın rəhbərliyi altında onlara hücum edərək məhv etdilər.
|
||||
|
||||
|
||||
|
||||
Bu döyüşdən sonra Allah İsrailin hər qəbiləsinə Vəd edilmiş Torpaqdan onlara məxsus olan hissəni bəxş etdi və İsrailin bütün sərhədlərində yerləşən xalqlarla sülh verdi.
|
||||
|
||||
|
||||
|
||||
Nun oğlu Yeşua qocalmışdı, o, İsrail xalqını bir yerə çağırdı. O, israillilərə xatırlatdi ki, onlar Sina dağında Allahın onlarla bağladığı əhdə əməl edəcəklərinə vəd ediblər. Xalq Allaha sadiq qalacağına və Onun əmrlərini yerinə yetirəcəyinə söz verdi.
|
||||
|
||||
_Müqəddəs Kitabdan hekayə. Yeşua 1-24_
|
||||
|
|
@ -0,0 +1,75 @@
|
|||
# 16. Hakimlər
|
||||
|
||||
|
||||
|
||||
Nun oğlu Yeşuanın ölümündən sonra israillilər Allaha itaətsizlik etməyə və Onun qanunlarını pozmağa başladılar. İsraillilər Kənanda qalmış xalqları qovmadılar və həqiqi Allahın – Rəbbin əvəzinə Kənan allahlarına itaət etməyə başladılar. İsraillilərin padşahı yox idi və buna görə hər kəs öz gözündə doğru olanı edirdi.
|
||||
|
||||
|
||||
|
||||
İsraillilər Allaha uzun müddət ərzində itaətsizlik edəndə, Allah onları düşmənlərinə, qonşu xalqlara təslim edərək cəzalandırırdı. Düşmənlər israilliləri məğlub edirdilər, mülklərini talan edib məhv edirdilər və bir çoxlarını öldürürdülər. Nəhayət, uzun illər təqibdən sonra israillilər tövbə edirdilər və Allahdan onları düşmənlərindən azad etməyi diləyirdilər. Bu, dəfələrlə təkrarlanırdı.
|
||||
|
||||
|
||||
|
||||
İsraillilər hər dəfə tövbə edəndə Allah onları xilas edirdi. Allah onlara düşmənlərinə qarşı çıxaraq, xalqı xilas edən hakim verirdi. O zaman ölkədə sülh bərqərar olurdu və hakim xalqı ədalətlə idarə edirdi. Allah israillilərin köməyinə bir çox hakim göndərmişdi. Belə hakimlərdən birini, Allah israillilərə midyanlılar onların üzərində qələbə çaldıqdan sonra göndərdi. Midyanlılar qonşuluqda yaşayan düşmən bir xalq idi və bu qələbəni onlara Allah vermişdi.
|
||||
|
||||
|
||||
|
||||
Yeddi il ərzində midyanlılar israillilərdən bütün məhsulu alırdılar. İsraillilər qorxu içində yaşayırdılar və mağaralarda gizlənirdilər ki, midyanlılar onları tapmasınlar. Nəhayət, onlar Allaha müraciət etdilər və Ondan xilas dilədilər.
|
||||
|
||||
|
||||
|
||||
Həmin dövrdə Gideon adlanan bir israilli yaşayırdı. Bir dəfə o midyanlılardan gizlənərək buğda üyüdən zaman, ona Allahdan olan bir mələk görünür və deyir: “Güclü döyüşçü, Allah səninlədir! Get və İsraili midyanlılardan xilas et.”
|
||||
|
||||
|
||||
|
||||
Gideonun atasının bütə həsr olunmuş qurbangahı var idi. Allah Gideona əmr etdi ki, bu qurbangahı dağıtsın və Yahve Allaha qurbangah düzəltsin. Lakin Gideon insanlardan qorxurdu, ona görə gecənin olmasını gözlədi, sonra gedib qurbangahı dağıtdı və bütü sındırdı. Dağıdılmış qurbangahın yerində Gideon Allaha qurbangah düzəltdi və onun üzərində qurban gətirdi.
|
||||
|
||||
|
||||
|
||||
Səhər insanlar dağıdılmış qurbangahı görüb qəzəbləndilər və Gideonu öldürmək üçün evinə tərəf getdilər. Amma Gideonun atası onlara dedi: “Niyə siz öz allahınızı müdafiə etməyə çalışırsınız? Əgər o, allahdırsa, qoy özünü müdafiə etsin!” Bunu eşidən insanlar Gideonu öldürmək fikrindən əl çəkdilər.
|
||||
|
||||
|
||||
|
||||
Tez bir zamanda, midyanlılar yenidən israilliləri qarət etməyə gəldilər. Midyanlılar o qədər çox idilər ki, saymaq mümkün deyildi. Gideon düşmənlə döyüşmək üçün israilliləri topladı. O, Allahdan iki əlamət istədi ki, həqiqətən Allahın onu israilliləri midyanlılardan azad etmək üçün çağırdığına əmin olsun.
|
||||
|
||||
|
||||
|
||||
Birinci dəfə Gideon torpağın üzərinə qoyundan qırxılmış yun qoydu və Allahdan istədi ki, səhər şehi yalnız yunu islatsın, torpaq isə quru qalsın. Allah bunu etdi. O biri gecə Gideon istədi ki, torpaq islansın, yun isə quru qalsın. Allah bunu da etdi. Bununla Gideon əmin oldu ki, həqiqətən Allah onu İsraili midyanlılardan azad etmək üçün çağırmışdır.
|
||||
|
||||
|
||||
|
||||
Gideon əsgərləri yanına çağırdı və 32 min nəfər onun yanına gəldi. Amma Allah ona bunun çox olduğunu söylədi. Onda Gideon döyüşməkdən qorxan 22 min nəfəri evlərinə göndərdi. Allah Gideona dedi ki, onun hələ də adam sayı çoxdur. Sonra Gideon Allahın ona göstərdiyi 300 əsgər seçdi və qalanlarını evə göndərdi.
|
||||
|
||||
|
||||
|
||||
Həmin gecə Allah Gideona dedi: “Midyanlıların ordugahına en və onların nə danışdıqlarına qulaq as. Onların nə barədə danışdıqlarını eşidəndə artıq onlara hücum etməkdən qorxmayacaqsan.” Gecə Gideon ordugaha endi və bir midyanlı əsgərin başqa birinə yuxusunu danışdığını eşitdi. Yuxuda yumru arpa çörəyi midyanlıların ordugahından yuvarlanaraq keçib çadırı dağıdır. İkinci əsgər dedi: “Bu yuxu Gideonun ordusunun bizim midyan ordusunu məğlub edəcəyi deməkdir!” Bunu eşidən Gideon Allaha səcdə etdi.
|
||||
|
||||
|
||||
|
||||
Sonra Gideon əsgərlərinin yanına qayıdıb dedi ki, Allah midyanlıları onlara təslim edir. Bundan sonra Gideon hamısının əlinə şeypurlar, boş dolçalar və dolçanın içində məşəllər verdi. Onlar gedib midyanlıların yatdığı ordugahı mühasirəyə aldılar. Gideonun üç yüz əsgəri, midyanlılar onların işığını görməsin deyə, yandırılmış məşəlləri dolçaların içində tutdular.
|
||||
|
||||
|
||||
|
||||
Sonra Gideonun bütün əsgərləri eyni vaxtda dolçaları sındırdılar. Birdən bütün ətraf məşəl alovu ilə işıqlandı. Döyüşçülər şeypur çalıb qışqırdılar: “Rəbbin və Gideonun qılıncı!”
|
||||
|
||||
|
||||
|
||||
Allah midyanlıları elə təlaşa saldı ki, onlar bir-birlərinə hücum edib öldürməyə başladılar. Gideon dərhal qasidlər göndərdi ki, mümkün qədər çox israilli gəlib midyanlıları təqib etməyə kömək etsin. İsraillilər onların çoxunu öldürdülər, qalanlarını isə öz torpaqlarından qovdular. Həmin gün 120 min midyanlı həlak oldu və Allah İsraili xilas etdi!
|
||||
|
||||
|
||||
|
||||
Xalq Gideonu özlərinə padşah qoymaq istədi. Lakin Gideon razı olmadı, bunun əvəzinə o, xalqdan midyanlardan aldıqları üzükləri istədi. Xalq Gideona çoxlu qızıl gətirdi.
|
||||
|
||||
|
||||
|
||||
Gideon bu qızıldan kahinlərin geyiminə bənzər xüsusi geyim düzəltdi və onu doğma şəhərində saxladı. Lakin xalq bu geyimə büt kimi itaət etməyə başladı. Gideon qocalıb öldükdən sonra israillilər yenə də bütlərə itaət etməyə başladılar. Buna görə Allah İsraili cəzalandırdı və onları düşmənə təslim etdi. Nəhayət israillilər yenə də Allahdan kömək istədilər və Allah onlara başqa bir hakim yolladı.
|
||||
|
||||
|
||||
|
||||
Bu, dəfələrlə təkrarlanırdı: israillilər günah edirdilər – Allah onları cəzalandırırdı, onlar tövbə edirdilər – və Allah onların xilası üçün yeni hakim yollayırdı. Uzun illər Allah israillilərin düşməndən xilası üçün, onlara müxtəlif hakimlər yollayırdı.
|
||||
|
||||
|
||||
|
||||
Nəhayət, israillilər Allahdan başqa xalqlarda olduğu kimi onlara da padşah verməsini istədilər. Onların döyüşünə rəhbərlik edə bilən padşah istəyirdilər. Xalqın bu xahişi Allaha xoş gəlməsə də O, yenə də israillilərə istədikləri kimi padşah verdi.
|
||||
|
||||
_Müqəddəs Kitabdan hekayə. Hakimlər 1-3; 6-8_
|
||||
|
|
@ -0,0 +1,60 @@
|
|||
# 17. Allahın Davud ilə Əhdi
|
||||
|
||||
|
||||
|
||||
İsrailin birinci padşahı Şaul idi. O, hündür və yaraşıqlı idi, bütün xalqın xoşuna gəlirdi. İsrail üzərində padşahlığının ilk illərində Şaul yaxşı padşah idi. Lakin daha sonra o qəddar oldu və Allaha itaətsizlik etməyə başladı. Buna görə Allah onun əvəzinə padşah olmaq üçün başqa adam seçdi.
|
||||
|
||||
|
||||
|
||||
Allah Davud adlı gənc israillini seçdi və onu Şauldan sonra padşah olması üçün hazırladı. Davud Bet-Lexemli bir çoban idi. Davud atasının qoyun sürülərini otardığı zaman sürüyə hücum edən aslan və ayını öldürməli olurdu. Davud həlim və saleh bir adam idi. O, Allaha sadiq idi və Ona itaət edirdi.
|
||||
|
||||
|
||||
|
||||
Davud hələ gənc ikən Qolyat adlı bir cəngavər ilə vuruşmuşdu. Qolyatın boyu təxminən üç metr idi və çox güclü və təcrübəli cəngavər idi. Lakin Allah Davuda Qolyatı öldürməyə və İsraili xilas etməyə yardım etdi. Bundan sonra Davud İsrailin düşmənləri üzərində bir çox qələbə çaldı. O, güclü bir döyüşçü oldu və dəfələrlə İsrail ordusunu döyüşə apardı. Davud israillilərin xoşuna gəlirdi və xalq ona tərif söyləyirdi.
|
||||
|
||||
|
||||
|
||||
Xalqın Davudu çox sevməyi Şaulda paxıllıq hissi yaratdı. O, Davudda öz rəqibini görürdü və onu öldürmək fikrinə düşdü. Onda Davud səhraya qaçıb Şaul və onun döyüşçülərindən orada gizləndi. Bir dəfə Şaul öz döyüşçüləri ilə Davudu axtarırdı. O, Davud gizləndiyi mağaraya girdi, lakin onu görmədi. Davud arxadan Şaula yaxınlaşıb paltarının ətəyindən bir parça kəsdi. Şaul mağaradan çıxıb bir qədər uzaqlaşandan sonra, Davud onu səslədi və ətəyindən kəsilən parçanı ona göstərdi. Beləliklə, Şaul başa düşdü ki, Davudun əlinə fürsət düşsə də, o,padşahlığı əldə etmək üçün onu öldürmək istəmirdi.
|
||||
|
||||
|
||||
|
||||
Bir müddət sonra Şaul savaşda həlak oldu, Davud isə İsrailin padşahı oldu. Allah ona xeyir-dua verdi və uğurlu etdi. O, müdrik padşah idi və xalq onu çox sevirdi. Davud çox döyüşlər aparmışdı və Allah ona İsrailin düşmənlərini məğlub etməkdə kömək edirdi. Davud Yerusəlim şəhərini fəth etdi və onu paytaxt edib orada yaşayır və ölkəni idarə edirdi. Davud 40 il padşahlıq etdi. Onun hakimiyyətdə olduğu illərdə İsrail qüdrətli və zəngin ölkəyə çevrilmişdi.
|
||||
|
||||
|
||||
|
||||
Davud bir məbəd tikmək istəyirdi ki, bütün israillilər orada Allaha səcdə edib qurban gətirsinlər. Ona görə ki, son 400 il ərzində xalq Musanın tikdiyi Hüzur çadırında Allaha səcdə edir, qurban gətirirdi.
|
||||
|
||||
|
||||
|
||||
Həmin dövrdə Natan adlı bir peyğəmbər yaşayırdı. Allah onu Davudun yanına bu sözləri söyləmək üçün yollayır. “Bu Məbədi mənim üçün sən tikməyəcəksən, çünki sən çox döyüşmüsən. Sənin oğlun onu tikəcəkdir! Lakin Mən sənə bol-bol xeyir-dua verəcəyəm! Sənin nəslindən olan biri Mənim xalqımı əbədi olaraq idarə edəcəkdir!”
|
||||
Davudun əbədi hökmranlıq edə biləcək yeganə varisi – Məsihdir. Məsih – Allahın Seçilmişidir, o, dünyada yaşayan bütün insanları onların günahlarından azad edəcəkdir.
|
||||
|
||||
|
||||
|
||||
Davud Natanın sözlərini eşidəndə, ona belə böyük şərəf və bol xeyir-dua verdiyinə görə, Allaha şükür və həmd etdi. Davud Allahın bu vədləri nə vaxt yerinə yetirəcəyini bilmirdi. Lakin biz bilirik ki, israillilər Məsihin gəlişini uzun müddət – təxminən 1000 il gözləməli oldular.
|
||||
|
||||
|
||||
|
||||
Davud uzun illər öz xalqına ədalətlə hökmranlıq edirdi. O, Allaha itaət edirdi və Allah ona xeyir-dua verirdi. Lakin sonradan Davud Allaha qarşı böyuk bir günah işlətdi.
|
||||
|
||||
|
||||
|
||||
Bir gün Davud öz sarayından çölə baxır və yuyunan gözəl bir qadın görür. Davud onu tanımırdı, amma xidmətçilərindən bu qadın barəsində xəbər alır və onlar deyirlər ki, onun adı Bat-Şevadır.
|
||||
|
||||
|
||||
|
||||
Davud üzünü çevirmək əvəzinə xidmətçilərini onun dalınca yolladı. O, qadınla yaxınlıq etdi və sonra onu evinə geri göndərdi. Bir müddət sonra Bat-Şeva hamilə olduğu haqqında Davuda xəbər göndərdi.
|
||||
|
||||
|
||||
|
||||
Bat-Şeva Uriya adlı bir kişidə ərdə idi. O, Davudun ən yaxşı döyüşçülərindən biri idi. Uriya döyüşdə iştirak edirdi. Davud Uriyanı döyüşdən geri çağırdı və ona arvadının yanına getməyi əmr etdi. Lakin o biri döyüşçülər vuruşarkən Uriya evə qayıdıb dincəlməkdən imtina etdi. Onda Davud Uriyanı döyüşə yenidən yolladı və ordu başçısına əmr etdi ki, onun öldürülməsi üçün onu qızğın döyüş nöqtəsinə göndərsin. Belə də oldu: Uriya döyüşdə həlak oldu.
|
||||
|
||||
|
||||
|
||||
Uriyanın ölümündən sonra Davud Bat-Şeva ilə evləndi. Sonra Bat- Şeva ona oğul doğdu. Allah Davudun belə hərəkətinə görə çox qəzəbləndi. O, Davudun yanına Natan peyğəmbəri yolladı ki, onun ağır günah etdiyini söyləsin. Davud tövbə etdi və Allah onu bağışladı. Bundan sonra Davud hətta çətin vaxtlarında belə, ömrünün axırına qədər Allaha itaət etdi.
|
||||
|
||||
|
||||
|
||||
Lakin Davudun oğlu hələ körpə ikən öldü. Allah Davudu belə cəzalandırdı. Bundan başqa Davudun bəzi ailə üzvləri ona qarşı çıxdı və bu onun ömrünün axırına qədər belə davam etdi. Onun hökmranlığı çox zəiflədi. Davudun Allahın sözündən çıxmasına baxmayaraq, Allah ona sadiq qaldı və verdiyi vədi yerinə yetirdi. Sonra Davudla Bat-Şevanın yenə də oğlu oldu və onun adını Süleyman qoydular.
|
||||
|
||||
_Müqəddəs Kitabdan hekayə. 1 Şamuel 10; 15-19; 24; 31; 2 Şamuel 5; 7; 11-12_
|
||||
|
|
@ -0,0 +1,56 @@
|
|||
# 18. Bölünmüş padşahlıq
|
||||
|
||||
|
||||
|
||||
Davud İsrail üzərində 40 il padşahlıq etdi. Davudun ölümündən sonra onun oğlu Süleyman padşahlıq etməyə başladı. Allah Süleymana müraciət etdi və ondan ən böyük istəyini soruşdu. Süleyman Allahdan xalqı idarə etmək üçün hikmət istədi. Bu, Allaha xoş gəldi və O, Süleymanı dünyada ən müdrik insan etdi. Allah Süleymana müdrikliklə yanaşı, çoxlu var-dövlət verdi.
|
||||
|
||||
|
||||
|
||||
Süleyman Yerusəlimdə atası Davudun tikmək istədiyi məbədi tikdi. Hələ sağ ikən Davud məbədin tikilməsi üçün bütün ləvazimatları toplamışdı. Artıq xalq Allaha Hüzur Çadırında deyil, məbəddə sitayiş edir və qurban gətirirdi. Allahın hüzuru məbəddə, Öz xalqının arasında idi.
|
||||
|
||||
|
||||
|
||||
Süleyman, müdrik olmasına baxmayaraq, Allaha itaətsizlik etdi. O, Allahın qadağan etməsinə baxmayaraq, yad xalqlardan olan qadınlarla nikah bağladı. Bu qadınların çoxu özləri ilə birgə allahlarını da gətirmişdilər və onlara sitayiş edirdilər. Süleyman qocalanda, o da həmin allahlara sitayiş etməyə başladı.
|
||||
|
||||
|
||||
|
||||
Buna görə Allah Süleymana qəzəbləndi və dedi ki, İsrail xalqını iki padşahlığa bölməklə onu cəzalandıracaqdır. Bu, Süleymanın ölümündən sonra baş verəcəkdir.
|
||||
|
||||
|
||||
|
||||
Süleymanın ölümündən sonra, onun oğlu Rexavam padşah oldu. Bütün İsrail xalqı onu padşah qəbul etmək üçün bir yerə toplaşdı. İnsanlar Rexavama şikayət etdilər ki, Süleyman onları çox ağır işlər görməyə və böyük vergilər odəməyə məcbur edirdi. Onlar Rexavamdan xahiş etdilər ki, işlərini yüngülləşdirsin.
|
||||
|
||||
|
||||
|
||||
Lakin Rexavam onlara çox sərt cavab verdi: “Siz deyirsiniz ki, mənim atam Süleyman sizə çox ağır iş gördürürdü. Mən isə sizə daha da ağır iş verəcəyəm və daha da ağır cəzalandıracağam!”
|
||||
|
||||
|
||||
|
||||
Xalq bu sözləri eşidəndə onlardan çoxu Rexavama qarşı üsyan etdi. İsrailin on qəbiləsi Rexavamın hakimiyyəti altında qalmaq istəmədi və onu öz padşahı hesab etməkdən imtina etdi. Rexavamın yanında Yəhuda padşahlığı və ya Yəhuda kimi tanınan yalnız iki qəbilə qaldı.
|
||||
|
||||
|
||||
|
||||
Digər on qəbilə Yarovam adlı bir adamı padşah seçdi. Bu on qəbilə ölkənin şimal hissəsində yaşayırdı. Onlar İsrail padşahlığı adlandırıldı.
|
||||
|
||||
|
||||
|
||||
İsrail padşahı Yarovam pis padşah oldu. O, Allaha qarşı itaətsizlik etdi və insanlara günah içində yaşamağı öyrətdi. Yarovam öz xalqı üçün iki büt düzəltdi və xalq daha Yəhuda ərazisində olan Yerusəlimə getmədi və
|
||||
məbəddə Allaha ibadət etmədi.
|
||||
|
||||
|
||||
|
||||
Yəhuda və İsrail düşmənçilik edirdilər və öz aralarında tez-tez vuruşurdular.
|
||||
|
||||
|
||||
|
||||
Yeni İsrail padşahlığında bütün padşahlar çox pis hökmdar idilər. Onların yerinə padşah olmaq istəyən digər israillilər bir çoxunu öldürdülər.
|
||||
|
||||
|
||||
|
||||
İsrail padşahlığının sakinlərindən çoxu və bütün padşahları bütlərə sitayiş edirdilər. Çox vaxt onların ibadətləri pozğunluqla müşayiət olunurdu, hətta onlar bəzən övladlarını da bütlərə qurban gətirirdilər.
|
||||
|
||||
|
||||
|
||||
Yəhuda padşahları Davudun nəslindən idi. Onlardan bəziləri yaxşı adam idi, düzgün hökmdarlıq edirdi və Allaha itaət edirdi. Yəhuda padşahlarının əksəriyyəti isə pis hökmdarlar idi və bütlərə sitayiş edirdi. Bu padşahların bəziləri öz övladlarını yalançı allahlara qurban gətirirdi. Yəhuda sakinlərinin çoxu da başqa allahlara sitayiş edirdi və bununla Allaha qarşı çıxırdılar.
|
||||
|
||||
_Müqəddəs Kitabdan hekayə. Birinci Padşahlar 1-6; 11-12_
|
||||
|
|
@ -0,0 +1,75 @@
|
|||
# 19. Peyğəmbərlər
|
||||
|
||||
|
||||
|
||||
Allah dəfələrlə israillilərə peyğəmbərlər göndərirdi. Peyğəmbərlər Allahın sözlərini eşidirdilər və onları xalqa ötürürdülər.
|
||||
|
||||
|
||||
|
||||
Axav İsrailin padşahı olduğu zaman İsraildə İlyas adlı peyğəmbər yaşayırdı. Axav pis insan idi. O, xalqı Baal adlı yalançı allaha sitayiş etməyə çağırırdı. İlyas Axava dedi: “Bütlərə sitayiş etdiyinizə görə, mən yağışın yağmasına əmr etməyincə, İsraildə nə yağış yağacaq, nə də şeh düşəcəkdir.” Bunu eşidən Axav İlyasa elə qəzəbləndi ki, onu öldürmək qərarına gəldi.
|
||||
|
||||
|
||||
|
||||
O zaman Allah İlyasa vadiyə gedib Axavdan gizlənməyi əmr etdi. İlyas Allah onu yönləndirdiyi çayın yanına getdi. Hər səhər və axşam qarğalar İlyasa çörək və ət gətirirdi. Bu müddət ərzində Axav və onun ordusu İlyası axtarırdı, lakin tapa bilmirdi.
|
||||
|
||||
|
||||
|
||||
Yağış yağmadığına görə, bir müddət sonra çay qurudu. O zaman İlyas Allahın əmri ilə qonşu ölkəyə getdi. Orada öz oğlu ilə yaşayan kasıb bir dul qadın var idi. Onların yeməyi, demək olar ki, bitmişdi, çünki ölkədə quraqlıq idi. Ancaq onlar İlyasın qayğısına qaldılar və Allah onları yemək ilə təmin edirdi: Allah yağış göndərənə qədər, qablarında un və yağ tükənmirdi. Buna görə, ölkədə quraqlıq və aclıq olmasına baxmayaraq, onların hər zaman yeməyi var idi. Bu, təxminən, üç il davam etdi.
|
||||
|
||||
|
||||
|
||||
Nəhayət, Allah İlyasa dedi ki, yenə də yağış verəcəkdir. Allah İlyasa əmr etdi ki, İsrailə qayıtsın və Axavın yanına getsin. İlyas padşahın yanına getdi. Padşah Axav onu gördükdə dedi: “Budur, İsrailə bəla gətirən gəldi.” İlyas onun cavabında dedi: “İsrailə bəlanı sən gətirmisən. Sən Rəbbi – həqiqi Allahı qoyub, Baala səcdə edirsən. İsrailin bütün sakinlərini və yalançı allahların peyğəmbərlərini Karmel dağına yığ!”
|
||||
|
||||
|
||||
|
||||
Axav elə də etdi. İsrailin bütün sakinləri Karmel dağına yığışdı. Baalın adından danışan insanlar da gəldilər. Bunlar Baalın peyğəmbərləri idi. İlyas insanlara dedi: “Nə vaxta qədər siz tərəddüd edəcəksiniz? Əgər Rəbb Allahdırsa, Rəbbə səcdə edin! Əgər Baal allahdırsa, Baala səcdə edin!”
|
||||
|
||||
|
||||
|
||||
Bundan sonra İlyas Baalın peyğəmbərlərinə dedi: “Buğanı kəsin, hissələrə doğrayın və qurbangahın üzərinə qoyun, lakin alovu yandırmayın. Sonra mən də eyni şeyi edəcəyəm və heyvanı Allah üçün düzəldilmiş qurbangahın üzərinə qoyacağam. Qurbangaha alov göndərən Allah – həqiqi Allahdır!” Baalın peyğəmbərləri qurbanı hazırladılar,lakin alovu yandırmadılar.
|
||||
|
||||
|
||||
|
||||
Sonra onlar öz allahlarına dua etməyə başladılar: “Ey Baal, bizi eşit!” Onlar bütün günü dua edirdilər, qışqırırdılar, hətta özlərini bıçaqla kəsirdilər,lakin Baal cavab vermirdi və alov göndərmirdi.
|
||||
|
||||
|
||||
|
||||
Baalın peyğəmbərləri bütün günü ona dua etdilər, axşama yaxın duanı dayandırdılar. Onda İlyas qurbanı Allahın qurbangahına qoydu. O, əmr etdi ki, su ilə dolu on iki iri səhəng götürüb qurbanın üzərinə dayanmadan su töksünlər. Və qurban özü, odunlar, hətta qurbangahın ətrafında olan torpaq tam islanana qədər bunu davam etsinlər.
|
||||
|
||||
|
||||
|
||||
Sonra İlyas dua etdi: “Ey İbrahimin, İshaqın və İsrailin Allahı Rəbb! Qoy bu gün bilinsin ki, İsraildə Sən Allahsan və mən Sənin qulunam. Səsimi eşit, ya Rəbb, mənə cavab ver. Qoy bu xalq bilsin ki, Sən həqiqi Allahsan.”
|
||||
|
||||
|
||||
|
||||
Həmin anda göydən od düşdü, yandırma qurbanını, odunları, daşları, torpağı yandırıb-yaxdı və hətta qurbangahda olan suyu yandırdı. Bütün xalq bunu gördü və onlar üzüstə düşüb dedilər: “Rəbb, həqiqətən, Allahdır! Rəbb, həqiqətən, Allahdır!”
|
||||
|
||||
|
||||
|
||||
Bundan sonra İlyas dedi ki, Baal peyğəmbərlərindən heç birinin qaçmasına imkan verilməsin! Camaat Baal peyğəmbərlərini tutdu, onları oradan aparıb öldürdü.
|
||||
|
||||
|
||||
|
||||
İlyas padşah Axava dedi: “Dərhal evə qayıt, çünki yağış yağacaqdır.” Tezliklə göy qaraldı və güclü leysan başladı, çünki Rəbbin əmri ilə quraqlıq başa çatdı. Bu, Onun həqiqi Allah olduğunun təsdiqi idi.
|
||||
|
||||
|
||||
|
||||
İlyas yer üzündəki xidmətini başa vurduqda, Allah Elişa adlı bir adamı Öz peyğəmbəri seçdi. Allah Elişa vasitəsilə çoxlu möcüzələr etdi. Möcüzələrdən biri düşmən ordusunun başçısı Naamanın başına gəldi. Naaman ağır dəri xəstəliyindən əziyyət çəkirdi. O, Elişa haqqında eşidəndə onun yanına gedib, ona şəfa verilməsini dilədi. Lakin Elişa Naamanın qarşısına çıxmadı, nökəri vasitəsilə ona xəbər göndərdi ki, o, yeddi dəfə İordan çayında yuyunsun.
|
||||
|
||||
|
||||
|
||||
Əvvəlcə Naaman qəzəblənib bunu etmək istəmədi, çünki Elişa hətta onun qarşısına belə çıxmadı. Lakin sonra o, fikrini dəyişdi, İordan çayına getdi və orada yeddi dəfə yuyundu. O, sudan çıxanda Allah ona şəfa verdi.
|
||||
|
||||
|
||||
|
||||
Allah İsrail xalqına Elişadan sonra çoxlu peyğəmbərlər yollayırdı. Onlar hamısı insanları bütlərə sitayiş etməməyə, başqaları ilə ədalətli və mərhəmətli davranmağa çağırırdılar. Peyğəmbərlər insanlara xəbərdarlıq edirdilər ki, əgər pislikdən əl çəkməsələr və Allaha itaət etməyə başlamasalar, Allah onları mühakimə edəcək və günahlarına görə cəzalandıracaqdır.
|
||||
|
||||
|
||||
|
||||
Lakin insanlar çox vaxt Allaha itaət etmirdilər, peyğəmbərlərə qarşı sərt davranırdılar. Beləliklə, Yeremya adlı peyğəmbərlərdən birini boş quyuya atdılar ki, orada qalıb ölsün. O, quyunun dibində palçığın içində oturmuşdu. Lakin padşahın ona yazığı gəlir və nökərlərinə əmr edir ki, nə qədər ki ölməyib, onu oradan çıxartsınlar. İnsanlar Allahın peyğəmbərlərinə nifrət edir, hətta onlardan bəzilərini öldürürdülər.
|
||||
|
||||
|
||||
|
||||
Bu nifrətə baxmayaraq, peyğəmbərlər Allahın sözlərini insanlara çatdırmağa davam edirdilər. Onlar insanlara xəbərdarlıq edirdilər ki, tövbə etməsələr, Allah onları məhv edəcəkdir və insanları Allaha itaət etməyə çağırırdılar. Həmçinin,peyğəmbərlər insanlara xatırladırdılar ki, Allah onlara Məsihi göndərəcəyini vəd etmişdir.
|
||||
|
||||
_Müqəddəs Kitabdan hekayə. 1 Padşahlar 16-18; 2 Padşahlar 5; Yeremya 38_
|
||||
|
|
@ -0,0 +1,55 @@
|
|||
# 20. Sürgün və qayıdış
|
||||
|
||||
|
||||
|
||||
Hər iki padşahlıq – İsrail və Yəhuda Allaha qarşı günah edirdilər. Allahın onlarla Sina dağında bağladığı Əhdini pozurdular. Allah dəfələrlə peyğəmbərlər göndərirdi ki, insanlar tövbə etsinlər və yenidən Ona səcdə etsinlər, lakin onlar Allahı dinləmək istəmirdilər.
|
||||
|
||||
|
||||
|
||||
Allah bu iki padşahlığı, itaətsizlik etdiklərinə görə, düşmənlərin onları məhv etmələrinə izn verməklə cəzalandırırdı. Bu dövrdə qüdrətli dövlətlərdən biri Aşşuriya idi. Aşşurlular digər xalqlarla çox qəddarcasına rəftar edirdilər. Onlar İsrailə hücum etdilər və padşahlığı ələ keçirdilər. Aşşurlular İsrail padşahlığında bir çox adamı öldürdülər, qiymətli əşyalarını apardılar və ölkənin böyük hissəsini yandırdılar.
|
||||
|
||||
|
||||
|
||||
Bundan savayı, aşşurlular bütün rəhbər şəxsləri, bütün bacarıqlı insanları, eləcə də zəngin adamları Aşşuriyaya apardılar. İsraildə yalnız çox yoxsul insanlar qaldı.
|
||||
|
||||
|
||||
|
||||
Sonra aşşurlular, əvvəllər İsrail padşahlığı olan torpaqda başqa xalqları məskunlaşdırdılar. Bu xalqlar dağıdılmış şəhərləri yenidən tikdilər. Onlar orada qalan israillilərlə nikaha girirdilər. Başqa xalqlarla nikaha girən İsrail nəslindən olanlar samariyalı adlanırdılar.
|
||||
|
||||
|
||||
|
||||
Yəhuda sakinləri Allahın İsrail sakinlərini inamsızlıq və itaətsizlik etdiklərinə görə necə cəzalandırdığını görmüşdülər. Buna baxmayaraq, onlar bütlərə və kənanlıların tanrılarına səcdə etməyə davam edirdilər. Onları xəbərdar etmək üçün, Allah peyğəmbərlər göndərirdi, lakin onlar qulaq asmırdılar.
|
||||
|
||||
|
||||
|
||||
Aşşurlular İsraili dağıtdıqdan təxminən 100 il sonra, Allah Yəhuda ölkəsinə Babil padşahı Navuxodonosoru göndərdi. O vaxtlar Babil qüdrətli imperiya idi. Yəhuda padşahı Navuxodonosora tabe olmağa və hər il ona vergi verməyə məcbur oldu.
|
||||
|
||||
|
||||
|
||||
Lakin bir neçə il sonra Yəhuda padşahı Babilə qarşı üsyan etdi. Onda babillilər qayıdıb Yəhudaya hücum etdilər. Onlar Yerusəlimi zəbt etdilər, Məbədi dağıtdılar, şəhərin və Məbədin bütün xəzinələrini götürüb apardılar.
|
||||
|
||||
|
||||
|
||||
Üsyanın cəzası olaraq, Navuxodonosorun əsgərləri Yəhuda padşahının oğullarını onun gözü qarşısında öldürdülər, sonra da onun gözlərini çıxartdılar. Padşahı Babilə apardılar və o, zindanda öldü.
|
||||
|
||||
|
||||
|
||||
Navuxodonosor və ordusu, demək olar ki, bütün Yəhuda xalqını Babilə apardı, yalnız ən yoxsulları torpaq becərmək üçün orada saxladı. Allahın xalqının Vəd edilmiş Torpaqdan kənarda yaşamağa məcbur olduğu dövr Babil sürgünü adlanır.
|
||||
|
||||
|
||||
|
||||
Allah Öz xalqını günahlarına görə cəzalandırsa da, onların sürgün edilməsinə izn versə də, O Öz xalqına verdiyi vədlərə sadiq qaldı. Allah Öz xalqının qayğısına qalmaqda davam etdi və peyğəmbərləri vasitəsilə onlarla danışdı. Allah vəd etdi ki, 70 ildən sonra israillilər yenidən Vəd edilmiş Torpağa qayıdacaqlar.
|
||||
|
||||
|
||||
|
||||
Təxminən 70 il sonra fars padşahı Kir Babili talan etdi. Bundan sonra Babil imperiyasının əvəzinə bir çox xalqları fars imperiyası idarə etməyə başladı. O dövrdə israillilər yəhudi adlanmağa başladılar. Onların əksəriyyəti ömürlərinin axırına qədər Babildə yaşadılar. Öz torpağını xatırlayan yalnız bir neçə yaşlı yəhudi qalmışdı.
|
||||
|
||||
|
||||
|
||||
Fars imperiyası güclü idi, lakin farslar fəth edilmiş xalqlarla yaxşı davranırdılar. Kir fars padşahı olduqdan bir müddət sonra, fars şəhərini tərk etmək istəyən bütün yəhudilərin Yəhuda torpağına qayıtmasına icazə verən bir əmr verdi. Hətta onlara məbədin bərpası üçün lazım olanları verdi! Beləliklə, 70 il əsirlikdən sonra yəhudilərin kiçik bir hissəsi Yerusəlim şəhərinə qayıtdı.
|
||||
|
||||
|
||||
|
||||
Yəhudilər Yerusəlimə çatdıqda, Məbədi və şəhərin ətrafındakı divarı bərpa etdilər. Farslar hələ də onların üzərində hökmranlıq etsələr də, yəhudilər vəd edilmiş torpaqda yenidən yaşamağa və Allaha məbəddə ibadət etməyə başladılar.
|
||||
|
||||
_Müqəddəs Kitabdan hekayə. 2 Padşahlar 17; 24-25; 2 Salnamələr 36; Ezra 1-10; Nehemya 1-13_
|
||||
|
|
@ -0,0 +1,63 @@
|
|||
# 21. Allahın Məsihin gəlişi barədə vədi
|
||||
|
||||
|
||||
|
||||
Allah dünyanı yaratdıqda artıq bilirdi ki, uzaq gələcəkdə dünyaya Məsihi göndərəcəkdir. Allah bunu Adəmə və Həvvaya vəd etmişdi. O, demişdi ki, Həvvanın nəslindən olan övlad ilanın başını əzəcəkdir. Bu ilan iblis idi. O, ilan kimi gələrək Həvvanı aldatmışdı. Allah, bu övladın ilanın başını əzəcəyi barədə dedikdə, O, gələcək Məsihin iblisi tamamilə məğlub edəcəyini nəzərdə tuturdu.
|
||||
|
||||
|
||||
|
||||
Allah İbrahimə söz vermişdi ki, nəslindən biri olan vasitəsilə bütün xalqlar xeyir-dua alacaqlar. Allah bu vədi gələcəkdə Məsihi göndərdiyi zaman həyata keçirəcəkdir. Məsih bütün xalqlardan olan insanları günahdan xilas edəcəkdir.
|
||||
|
||||
|
||||
|
||||
Allah Musaya vəd edir ki, gələcəkdə Musaya bənzər başqa bir peyğəmbər göndərəcək. Beləcə, Allah növbəti dəfə Məsihi göndərəcəyi barədə vəd verir.
|
||||
|
||||
|
||||
|
||||
Eyni zamanda, Allah Davud padşaha da söz vermişdi ki, onun nəslindən olan biri Məsih olacaqdır. Allah demişdi ki, O, Padşah olacaq və əbədi olaraq Allahın xalqına hökmranlıq edəcəkdir.
|
||||
|
||||
|
||||
|
||||
Allah Yeremya peyğəmbərə dedi ki, insanlarla Yeni Əhd bağlayacaqdır. Allahın Sina dağında İsrail ilə bağladığı Köhnə Əhddən fərqli olaraq, Yeni Əhddə insanlar Allahı yaxından tanıyacaqlar. Allah dedi ki, Öz qanunlarını insanların qəlblərinə qoyacaqdır və bu qanunları onların ürəklərində həkk edəcəkdir. Hər belə bir insan Allahı sevəcəkdir və Onun qanunlarına tabe olmağı arzulayacaqdır. O, onların Allahı olacaqdır, onlar isə Onun xalqı adlanacaqlar. Çünki Allah insanların günahlarını bağışlayacaqdır və heç bir vaxt yada salmayacaqdır. Bu Yeni Əhdi insanlarla Məsih bağlayacaqdır.
|
||||
|
||||
|
||||
|
||||
Həmçinin, Allahın peyğəmbərləri deyirdilər ki, Gələcək Məsih Peyğəmbər, Kahin, Padşah olacaqdır. Allahın sözlərini eşidən və xalqa çatdıran insanlara peyğəmbər deyilirdi. Allahın vəd etdiyi Məsih kamil peyğəmbər olacaqdır. O, Allahın sözlərini mükəmməl eşidəcək, dərk edəcək və insanlara çatdıracaqdır.
|
||||
|
||||
|
||||
|
||||
İsrail kahinləri xalq üçün Allaha dua edirdilər və xalqın adından Allaha qurbanlar gətirirdilər. Bu qurbanlar, Allahın insanları günahlarına görə cəzalandırmaması üçün gətirilirdi. İnsanlar kahinlərə qüsursuz heyvanlar gətirirdilər, kahinlər isə onları Allaha qurban kimi təqdim edirdilər. Məsih özünü Allaha qüsursuz qurban verən, kamil baş kahin olmalı idi. Bu o deməkdir ki, Məsih günahsız olacaqdır və Özünü qurban verəcəkdir. Və bu qurbandan sonra günahlara görə gətirilən başqa heç bir qurban lazım olmayacaqdır.
|
||||
|
||||
|
||||
|
||||
Hər xalqın öz padşahları və rəhbərləri var idi. Onlar Allaha hər zaman itaət etmirdilər və səhvlərə yol verirdilər. Əgər Davud yalnız israillilər üzərində hökmranlıq edirdisə, o zaman Davudun nəslindən olan Məsih bütün dünyada hökm sürəcəkdir. Onun hakimiyyəti ədalətli, müdrik və əbədi olacaq!
|
||||
|
||||
|
||||
|
||||
Allahın peyğəmbərləri Məsihin necə olacağını söyləyirdilər. Beləliklə, Malaki peyğəmbər Məsihin gəlişindən əvvəl İlyas peyğəmbərin gələcəyini söylədi. Onun xidməti xüsusi əhəmiyyət kəsb edəcək. Yeşaya peyğəmbər yazırdı ki, Məsih bakirə qızdan doğulacaq. Mikeya peyğəmbər isə Məsihin Bet-Lexem şəhərində doğulacağını söylədi.
|
||||
|
||||
|
||||
|
||||
Yeşaya peyğəmbər deyirdi ki, Məsih Qalileyada yaşayacaqdır. Kədərlilərə təsəlli verəcəkdir, əsirləri azad edəcəkdir. Məsih, hətta eşitməyən, görməyən, danışa bilməyən və yeriyə bilməyən xəstələrə də şəfa verəcəkdir.
|
||||
|
||||
|
||||
|
||||
Həmçinin, Yeşaya peyğəmbər söyləmişdir ki, Məsihə səbəbsiz yerə nifrət edəcəklər və Onu qəbul etməkdən imtina edəcəklər. Peyğəmbərlər bildirmişdilər ki, Məsihə məhz yaxın adamı tərəfindən xəyanət ediləcəkdir. Zəkəriyyə peyğəmbər isə dedi ki, bu adam xəyanətə görə 30 gümüş pul alacaqdır. Həmçinin, bəzi peyğəmbərlər deyirdilər ki, insanlar Məsihi öldürəcəklər və qatillər Onun paltarına görə püşk atacaqlar.
|
||||
|
||||
|
||||
|
||||
Peyğəmbərlər Məsihin nə cür öləcəyini söyləyirdilər. Yeşaya peyğəmbərlik etdi ki, xalq Ona tüpürəcək, ələ salacaq və Onu döyəcəkdir. Onlar Məsihi nizə ilə deşəcəklər və O, günahsız olduğu halda, dəhşətli əzab-əziyyət içində öləcəkdir.
|
||||
|
||||
|
||||
|
||||
Peyğəmbərlər, həmçinin, Məsihin günahsız bir insan olacağını deyirdilər. O, kamil insan olacaqdır. Lakin Məsih öləcəkdir, çünki Allah Onu bütün insanların günahlarına görə cəzalandıracaqdır. Onun ölümü Allahla insanlar arasına sülh gətirəcəkdir. Beləliklə, Allahın təyinatına əsasən, Məsih ölməli idi.
|
||||
|
||||
|
||||
|
||||
Peyğəmbərlər, həmçinin, Allahın Məsihi ölülər arasından diriltməsini söyləyirdilər. İsanın ölümü və dirilməsi Yeni Əhdin bağlanması üçün Allahın təyinatının bir hissəsi olduğunu təsdiq edir. İsa – Məsihə doğulduğu zaman veriləcək addır. Beləliklə, Allah Ona qarşı günah etmiş insanları xilas etmək istəyirdi.
|
||||
|
||||
|
||||
|
||||
Allah peyğəmbərlərə Məsih haqqında çoxlu həqiqətlər açırdı, lakin onların heç biri sağlığında Məsihi görmədi. Bu peyğəmbərliklərin sonuncusundan sonra 400 ildən çox keçdi və Allah təyin etdiyi vaxtda, Məsihi dünyaya göndərdi.
|
||||
|
||||
_Müqəddəs Kitabdan hekayə. Yaradılış 3:15; 12:1-3; Qanunun Təkrarı 18:15; İkinci Şamuel 7:12 - 14; Yeremya 31; Yeşaya 7:14; 9:1-17; 35:3-5; 50:6; 53;61; Daniel 7:9;10:13; Malaki 4:5; 5:2; Zəkəriyyə 11:12-13; Zəbur 22:18; 41:9; 35:19;_
|
||||
|
|
@ -0,0 +1,31 @@
|
|||
# 22. Yəhyanın doğulması
|
||||
|
||||
|
||||
|
||||
Əvvəllər Allah öz peyğəmbərləri ilə danışırdı və onlar Allahın sözlərini xalqa çatdırırdılar. Lakin sonra 400 il ərzində sükut dövrü oldu və bu vaxt ərzində O, insanlara danışmadı. Bir dəfə O Öz mələyini Zəkəriyyə adlı kahinin yanına göndərdi. Zəkəriyyə və onun arvadı Elizavet Allaha ehtiram edirdilər. Onlar hər ikisi yaşlı idi və onların övladları yox idi.
|
||||
|
||||
|
||||
|
||||
Zəkəriyyə məbəddə xidmət edərkən, onun yanına mələk gəldi və dedi: “Sənin arvadın bir oğul doğacaqdır, onun adını Yəhya qoyacaqsan. Allah onu Müqəddəs Ruh ilə dolduracaqdır və Yəhya insanları Məsihin gəlişinə hazırlayacaqdır”. Zəkəriyyə cavab verdi: “Bunun olacağını mən necə bilim? Mən və arvadım uşaq dünyaya gətirmək üçün artıq çox yaşlıyıq!”
|
||||
|
||||
|
||||
|
||||
Allahın mələyi Zəkəriyyəyə dedi: “Sənə bu xoş xəbəri çatdırmaq üçün mən Allah tərəfindən göndərilmişəm. Mənə inanmadığına görə, uşaq doğulana qədər sən danışa bilməyəcəksən.” Həmin an Zəkəriyyə danışıq qabiliyyətini itirdi. Allahın mələyi yox oldu, Zəkəriyyə isə evə qayıtdı. Yaxın bir zamanda onun arvadı hamilə oldu.
|
||||
|
||||
|
||||
|
||||
Elizavet altı aylıq hamilə olanda, həmin mələk gözlənilmədən Elizavetin qohumu olan Məryəmin yanına gəldi. Məryəm Yusif adlı bir kişiyə nişanlanmış bakirə qız idi. Mələk dedi: “Sən hamilə olub bir Oğul doğacaqsan! Onun adını İsa qoyarsan. O, Külli-İxtiyar Allahın Oğlu adlanacaqdır və əbədi hökmranlıq edəcəkdir.”
|
||||
|
||||
|
||||
|
||||
Məryəm mələyə dedi: “Bu necə olacaqdır? Mən axı bakirəyəm.” Mələk cavabında ona dedi: “Müqəddəs Ruh sənin üzərinə enəcəkdir, Haqq-Taalanın qüdrəti üstünə kölgə salacaqdır. Buna görə də doğulacaq müqəddəs Övlad Allahın Oğlu adlanacaqdır.”Məryəm mələyin dediklərinə inandı.
|
||||
|
||||
|
||||
|
||||
Az sonra Məryəm Elizavetə baş çəkməyə getdi. Məryəm Elizaveti salamlayanda bətnindəki körpə sevinclə tərpəndi. Müqəddəs Ruh Elizavetin üzərinə endi və o, anladı ki, qarşısında gələcək Məsihin anası dayanmışdır. Qadınlar Allaha, onlar üçün etdiklərinə görə, sevinclə şükr etdilər. Məryəm Elizavetin yanında üç ay qalıb sonra evinə qayıtdı.
|
||||
|
||||
|
||||
|
||||
Bir müddət sonra Elizavet bir oğlan uşağı dünyaya gətirdi. Zəkəriyyə və Elizavet mələyin əmr etdiyi kimi körpəyə Yəhya adını verdilər. Allah yenə Zəkəriyyəyə danışıq qabiliyyətini qaytardı. Zəkəriyyə dedi: “Allaha həmd olsun ki, Öz xalqının yanına gəlib onlara kömək etdi! Sən, oğlum, Uca Allahın peyğəmbəri olacaqsan. Sən insanlara günahlarının bağışlanmasını necə əldə edə biləcəklərini söyləyəcəksən!”
|
||||
|
||||
_Müqəddəs Kitabdan hekayə. İncil. Luka 1_
|
||||
|
|
@ -0,0 +1,44 @@
|
|||
# 23. İsanın doğulması
|
||||
|
||||
|
||||
|
||||
Məryəm Yusif adlı saleh bir insan ilə nişanlı idi. O, Məryəmin hamilə olduğunu bildikdə ona yazığı gəldi və onu rüsvay etməmək üçün gizlincə nişanı qaytarmaq qərarına gəldi. Lakin o bunu etməzdən əvvəl, ona yuxuda bir mələk göründü və onunla danışdı.
|
||||
|
||||
|
||||
|
||||
Mələk dedi: “Yusif, Məryəm ilə evlənməkdən qorxma. Onun bətnində olan körpə Müqəddəs Ruhdandır. O, bir Oğul doğacaqdır, Onun adını İsa qoyarsan (mənası “Rəbb xilas edir” deməkdir), çünki O, insanları günahlarından xilas edəcəkdir.”
|
||||
|
||||
|
||||
|
||||
Yusif Məryəm ilə evləndi, lakin onun Övladı doğulana qədər onunla yatmadı.
|
||||
|
||||
|
||||
|
||||
Həmin ərəfələrdə Roma hökmdarı İsraildə olan bütün insanları siyahıya almaq qərarına gəldi. O əmr verdi ki, hər kəs öz əsli-nəsli olan yerə getsin. Yusif və Məryəm Davudun nəslindən idilər və buna görə Davudun doğulduğu Bet-Lexem şəhərinə getdilər. Onlar orada olarkən Məryəmın doğuş vaxtı çatdı.
|
||||
|
||||
|
||||
|
||||
Bet-Lexemdə Məryəm və Yusif tövlədən başqa qalmağa bir yer tapmadılar. Orada Məryəm Oğlunu doğdu. Məryəm Onu axura qoydu, çünki başqa bir yer yox idi. Məryəm və Yusif körpənin adını İsa qoydular.
|
||||
|
||||
|
||||
|
||||
Həmin gecə bir neçə çoban yaxınlıqdakı tarlada sürülərini qoruyurdu. Birdən Rəbbin bir mələyi onların qarşısında zühur etdi və Rəbbin ehtişamı onların üzərinə nur saçdı. Çobanları böyük qorxu bürüdü. Mələk onlara dedi: “Qorxmayın! Mən sizə bütün xalqı çox sevindirəcək bir xəbər gətirmişəm. Bu gün Bet-Lexemdə sizin üçün Xilaskar doğuldu. Bu, Rəbb Məsihdir!
|
||||
|
||||
|
||||
|
||||
Siz axurda yatan bələnmiş Körpə tapacaqsınız.” Qəflətən səma mələklərlə doldu. Onlar Allaha həmd edib belə deyirdilər: “Ən ucalarda Allaha izzət,
|
||||
Yer üzündə Onun razı olduğu insanlara sülh olsun!”
|
||||
|
||||
|
||||
|
||||
Sonra mələklər gözdən itdilər. Çobanlar öz qoyunlarını qoyub Körpəyə baxmaq üçün yola düşdülər. Tezliklə onlar İsanın olduğu yerə gəldilər və mələyin dediyi kimi Onu axurda yatan tapdılar. Çobanlar çox həyəcanlı idilər. Onlar Yusif və Məryəmə bu Körpə haqqında mələklərdən eşitdiklərini söylədilər. Çobanlar bütün gördükləri və eşitdiklərinə görə Allahı izzətləndirib həmd edərək öz sürülərinin yanına geri qayıtdılar.
|
||||
|
||||
|
||||
|
||||
Uzaq Şərqdə müdrik adamlar yaşayırdılar. Onlar ulduzları tədqiq edirdilər. Bir dəfə müdrik adamlar səmada qeyri-adi bir ulduz gördülər. Onlar bunun xüsusi bir yəhudi Padşahının doğulmasına işarə etdiyini başa düşdülər. Beləliklə, onlar Ona ibadət etmək üçün yola düşmək qərarına gəldilər. Uzun bir səyahətdən sonra müdrik adamlar Bet-Lexemə gəldilər, İsanın və valideynlərinin yaşadığı evi tapdılar.
|
||||
|
||||
|
||||
|
||||
Müdrik adamlar İsanı və Onun anasını görəndə yerə qapanıb Ona səcdə etdilər. Sonra onlar İsaya bahalı hədiyyələr bəxş edib evlərinə qayıtdılar.
|
||||
|
||||
_Müqəddəs Kitabdan hekayə. İncil. Matta 1; Luka 2_
|
||||
|
|
@ -0,0 +1,39 @@
|
|||
# 24. Yəhya İsanı vəftiz edir
|
||||
|
||||
|
||||
|
||||
Zəkəriyyə və Elizavetin oğlu Yəhya böyüyüb peyğəmbər oldu. O, səhralıq yerlərdə yaşayır, çöl balı və çəyirtkə yeyirdi, özü də dəvə yunundan libas geyinirdi.
|
||||
|
||||
|
||||
|
||||
Bir çoxları Yəhyanı dinləmək üçün səhralıq yerlərə gəlirdilər. O, belə vəz edirdi: “Tövbə edin! Çünki Səmavi Padşahlıq yaxınlaşmışdır!”
|
||||
|
||||
|
||||
|
||||
Yəhyanın sözlərini eşidən bir çox insan tövbə edirdi və Yəhya onları İordan çayında vəftiz edirdi. Bir çox ruhani rəhbərlər də vəftiz olmağa gəlirdilər, lakin onlar öz günahlarını qəbul etmir və tövbə etmirdilər.
|
||||
|
||||
|
||||
|
||||
Yəhya ruhani rəhbərlərə deyirdi: “Siz – gürzələr nəsli! Tövbə edin və layiqli bəhrə verin! Allah yaxşı bəhrə verməyən hər ağacı kəsəcək və oda atacaqdır.” İnsanların çoxu Yəhyanı Allahdan gələn peyğəmbər sayırdı və ona hörmət edirdi. Yəhya peyğəmbərlərin dediklərini həyata keçirtdi: “Budur, Sənin önündə Öz elçimi göndərirəm. O, Sənin yolunu hazırlayacaqdır. Qoy bütün dərələr dolsun, dağlar ensin, dolama yollar düz olsun, əyri yollar hamar olsun.”
|
||||
|
||||
|
||||
|
||||
Bəzi ruhani rəhbərlər Yəhyadan soruşdular: “Sən Məsihsənmi?” Yəhya cavab verdi: “Mən Məsih deyiləm. O, Məndən sonra gələcəkdir və Məndən daha qüdrətlidir. Mən əyilib Onun çarıqlarının bağını açmağa belə layiq deyiləm.”
|
||||
|
||||
|
||||
|
||||
Ertəsi gün İsa vəftiz olunmaq üçün Yəhyanın yanına gəldi. Yəhya Onu görəndə dedi: “Baxın! Dünyanın günahını üzərinə götürən Allahın Quzusu budur.”
|
||||
|
||||
|
||||
|
||||
Sonra Yəhya İsaya dedi: “Mən Səni vəftiz etməyə layiq deyiləm. Məni vəftiz etməli olan Sənsən”. Amma İsa dedi: “Xeyr. Sən Məni vəftiz etməlisən, çünki Allahın iradəsi yerinə yetəcəkdir.” İsa heç vaxt günah etməsə də, Yəhya Onu vəftiz etdi.
|
||||
|
||||
|
||||
|
||||
İsa vəftiz olduqdan sonra sudan çıxdı, Allahın Ruhu göydən göyərçin şəklində İsanın üzərinə endi. Elə həmin an göylərdən Allahın sədası gəldi: “Bu, Mənim Oğlumdur! Mən Onu sevirəm və Ondan çox razıyam!”
|
||||
|
||||
|
||||
|
||||
Allah hər şeyin belə olacağını Yəhyaya öncədən söyləmişdi: “Müqəddəs Ruh vəftiz edəcəyin bir İnsanın üzərinə gələcəkdir. Həmin İnsan Allahın Oğlu olacaqdır.” Bu hekayə üç şəxsdə bir Allahın olduğunu göstərir. Yəhya İsanı vəftiz edəndə Ata Allahı eşitdi, Oğulu və Müqəddəs Ruhu gördü.
|
||||
|
||||
_Müqəddəs Kitabdan hekayə. Matta 3; Mark 1:9-11; Yəhya 1:6-34 və Luka 3:1-23_
|
||||
|
|
@ -0,0 +1,35 @@
|
|||
# 25. İblis İsanı sınağa çəkir
|
||||
|
||||
|
||||
|
||||
Vəftiz olunan kimi Müqəddəs Ruh İsanı səhraya apardı. İsa orada qırx gün - qırx gecə qaldı. Bütün bu vaxt ərzində O, oruc tuturdu və bu günlərin sonunda bərk acıdı. O zaman iblis İsaya yaxınlaşıb Onu sınağa çəkməyə başladı.
|
||||
|
||||
|
||||
|
||||
İblis İsaya dedi: “Əgər Sən Allahın Oğlusansa, bu daşları çörəyə döndər ki, onları yeyə biləsən!”
|
||||
|
||||
|
||||
|
||||
Lakin İsa iblisə belə cavab verdi: “Allahın Kəlamında belə yazılmışdır: “İnsan yalnız çörəklə deyil, Allahdan gələn hər bir kəlmə ilə yaşayar!””
|
||||
|
||||
|
||||
|
||||
Sonra iblis İsanı Məbədin ən yüksək qülləsinə gətirdi və dedi: “Əgər Sən Allahın Oğlusansa, Özünü aşağı at, çünki yazılıb: “Allah Öz mələklərinə əmr edər ki, Səni əlləri üstündə aparsınlar, ayağın daşa dəyməsin.””
|
||||
|
||||
|
||||
|
||||
Lakin İsa iblisin Ondan istədiyini etmədi. O dedi: “Allah hamıya deyir: “Allahın olan Rəbbi sınama.””
|
||||
|
||||
|
||||
|
||||
Sonra iblis İsanı çox yüksək bir dağa gətirdi və Ona dünyanın bütün padşahlıqlarını, onların qüdrətini və sərvətini göstərdi. İblis İsaya dedi: “Əgər Sən yerə qapanıb mənə səcdə etsən, bütün bunları Sənə verəcəyəm.”
|
||||
|
||||
|
||||
|
||||
Amma İsa cavab verdi: “Rədd ol, şeytan! Allahın Kəlamında Allah Öz xalqına əmr edir: “Allahınız Rəbbə səcdə edin və yalnız Ona ibadət edin.”
|
||||
|
||||
|
||||
|
||||
İsa iblisin sınaqlarına təslim olmadı və iblis Onu tərk etdi. Bundan sonra mələklər İsanın yanına gəlib Ona xidmət etdilər.
|
||||
|
||||
_Müqəddəs Kitabdan hekayə. Matta 4:1-11; Mark 1:12-13 və Luka 4:1- 13_
|
||||
|
|
@ -0,0 +1,43 @@
|
|||
# 26. İsa xidmətinə başlayır
|
||||
|
||||
|
||||
|
||||
İsa iblisin sınaqlarına qalib gəldikdən sonra yaşadığı Qalileya bölgəsinə qayıtdı. Müqəddəs Ruh Ona böyük güc verirdi. İsa Qalileyada bir şəhərdən digərinə, müxtəlif yerlərə gedərək insanlara nəsihətlər verirdi. Hamı Onun haqqında xoş sözlər deyirdi.
|
||||
|
||||
|
||||
|
||||
Bir dəfə İsa uşaqlığını keçirdiyi Nazaret şəhərinə yola düşdü. Şənbə günü İsa sinaqoqa, dua evinə getdi. Orada Ona Yeşaya peyğəmbərin sözləri olan tumar verdilər ki, bu kitabdan bir parçanı ucadan oxusun. İsa tumarı açdı və oxumağa başladı.
|
||||
|
||||
|
||||
|
||||
O, ucadan oxudu: “Allah Mənə Öz Ruhunu verdi ki, Mən Xoş Xəbəri yoxsullara bəyan edim. O Məni məhbusları azad etməyə, korların gözünü açmağa və zülmdə olanları azadlığa buraxmağa göndərib. Bu, Allahın Bizə mərhəmət göstərəcəyi və kömək edəcəyi vaxtdır.”
|
||||
|
||||
|
||||
|
||||
Sonra İsa oturdu. Orada olan hər kəs diqqətlə Ona baxırdı. Onlar bilirdi ki, İsanın Müqəddəs Kitabdan oxuduğu ayə Məsih haqqındadır. İsa dedi: “Mənim sizin üçün oxuduğum indi icra olunur.” Hamı çox təəccübləndi. Onlar deyirdilər: “Məgər bu, Yusifin oğlu deyilmi?”
|
||||
|
||||
|
||||
|
||||
Sonra İsa dedi: “Doğrudur, insanlar onun böyüdüyü şəhərdə peyğəmbəri heç vaxt qəbul etmirlər. İlyas peyğəmbərin dövründə İsraildə çoxlu dul qadın var idi. Amma üç il yarım yağış yağmayanda Allah İlyası İsraildən olan dul qadının yanına deyil, başqa millətdən olan dul qadının yanına göndərdi.”
|
||||
|
||||
|
||||
|
||||
İsa davam etdi: “Elişa peyğəmbərin dövründə İsraildə dəri xəstəliklərindən əziyyət çəkən çoxlu insan var idi. Lakin Elişa onların heç birinə şəfa vermədi. O, yalnız İsrailin düşmənlərinin ordu başçısı Naamanın dəri xəstəliyini sağaltdı.” İsanı dinləyən insanlar yəhudi idi. Ona görə də Ondan belə sözləri eşidəndə qəzəbləndilər.
|
||||
|
||||
|
||||
|
||||
Nazaret sakinləri İsanı tutub sinaqoqdan çıxartdılar. Onu qayadan atıb öldürmək üçün uçurumun kənarına gətirdilər. Lakin İsa izdihamın arasından keçib Nazaretdən çıxıb getdi.
|
||||
|
||||
|
||||
|
||||
Bundan sonra İsa Qalileya şəhərində gəzirdi və Onun yanına çoxlu insan gəlirdi. Onun yanına çoxlu xəstə, görmə, eşitmə qabiliyyəti olmayan, danışa bilməyənləri və şikəstləri gətirirdilər. İsa onlara şəfa verirdi.
|
||||
|
||||
|
||||
|
||||
Həmçinin, İsanın yanına cinə tutulmuş insanları da gətirirdilər. İsa cinlərə insandan çıxmağı əmr edirdi və onlar çıxırdılar. Çox vaxt cinlər çığırırdı: “Sən – Allahın Oğlusan!” Amma İsa onlara Onun kim olması barədə danışmağı qadağan edirdi. Bütün camaat heyrətə gəlib İsanın belə gücü və hökmü olmasına görə Allaha həmdlər edirdilər.
|
||||
|
||||
|
||||
|
||||
İsanın ardınca çoxlu insan gedirdi və onlardan bəziləri Onun şagirdi olurdu. İsa şagirdlərinin arasından 12 nəfər seçdi, onlar Onun xüsusi nümayəndələri oldu. İsa onları “həvari” adlandırdı. Həvarilər İsanın ardınca gedirdilər və Ondan öyrənirdilər.
|
||||
|
||||
_Müqəddəs Kitabdan hekayə. Matta 4:12-25; Mark 1:14-15; 35-39 3:13-19 və Luka 4:14-30; 38-44_
|
||||
|
|
@ -0,0 +1,47 @@
|
|||
# 27. Xeyirxah samariyalı haqqında məsəl
|
||||
|
||||
|
||||
|
||||
Bir dəfə İsanın yanına bir qanunşünas yaxınlaşdı. Onun məqsədi İsanın təliminin səhv olmasını insanlara sübut etmək idi. Buna görə o dedi: “Müəllim, əbədi həyatı qazanmaq üçün mən nə etməliyəm?” İsa cavabında soruşdu: “Bəs, Allahın qanununda nə yazılmışdır?”
|
||||
|
||||
|
||||
|
||||
Həmin insan cavab verdi: “Orada yazılıb: “Allahın Rəbbi bütün qəlbinlə, bütün varlığınla, bütün gücünlə və bütün düşüncənlə sev” və: “Yaxınını özün kimi sev.”” İsa dedi: “Sən düz cavab verdin! Buna əməl etsən əbədi həyata malik olacaqsan.”
|
||||
|
||||
|
||||
|
||||
Qanunşünas ətrafda olan adamlara göstərmək istəyirdi ki, onun həyat tərzi düzgündür. Buna görə İsadan soruşdu: “Bəs mənim yaxınım kimdir?”
|
||||
|
||||
|
||||
|
||||
Onun cavabında İsa qanunşünasa bir əhvalat danışdı: “Bir dəfə bir yəhudi Yerusəlimdən Yerexoya gedirdi.
|
||||
|
||||
|
||||
|
||||
Yolda quldurlar ona hücum etdilər. Əlində olanın hamısını aldılar və döyüb ölümcül hala saldılar, sonra isə qaçdılar.
|
||||
|
||||
|
||||
|
||||
Bir az sonra həmin bu yoldan yəhudi kahin keçirdi. Yolda uzanan adamı görüb, yolun o biri tərəfinə keçdi və adama heç bir köməklik göstərməyib yoluna davam etdi.
|
||||
|
||||
|
||||
|
||||
Sonra bir levili yoldan keçirdi. Levililər məbəddə xidmət edən Levi qəbiləsindən olan yəhudilərdir. O, yaxınlaşıb bu döyülən adama baxdı və ona yardım etmədən yoluna davam etdi.
|
||||
|
||||
|
||||
|
||||
Levilinin ardınca bir samariyalı da həmin yol ilə gedirdi. O zaman samariyalılar və yəhudilər bir-birlərinə nifrət edirdilər və hətta ünsiyyət belə qurmurdular. Samariyalı yolda döyülmüş bir adam gördü. Həmin adamın yəhudi olduğunu başa düşsə də, ona rəhmi gəldi. Samariyalı döyülən adama yaxınlaşdı və onun yaralarını sarıdı.
|
||||
|
||||
|
||||
|
||||
Sonra onu qaldırıb öz eşşəyinə mindirdi və yol kənarında yerləşən mehmanxanaya apardı. Orada samariyalı onun qayğısına qalmağa davam etdi.
|
||||
|
||||
|
||||
|
||||
Səhəri gün samariyalı yoluna davam etməli idi. O, mehmanxana sahibinə pul verib dedi: “Bu adamın qayğısını çək. Əgər bundan da çox xərcin çıxsa, mən geri qayıdanda sənə ödəyərəm.””
|
||||
|
||||
|
||||
|
||||
İsa qanunşünasdan soruşdu: “Necə düşünürsən, o üç nəfərdən döyülən və qarət edilən insana kim daha yaxın oldu?” Qanunşünas cavab verdi: “Ona mərhəmət göstərib, köməklik edən.” İsa ona dedi: “Get, sən də elə et.”
|
||||
|
||||
_Müqəddəs Kitabdan hekayə. Luka 10:25-37_
|
||||
|
|
@ -0,0 +1,44 @@
|
|||
# 28. Zəngin və nüfuzlu gənc
|
||||
|
||||
|
||||
|
||||
Bir dəfə bir zəngin və nüfuzlu gənc İsaya yaxınlaşdı və soruşdu: “Ey yaxşı Müəllim, mən nə etməliyəm ki, əbədi həyata malik olum?” İsa ona dedi: “Mənə niyə yaxşı deyirsən? Tək Allahdan başqa yaxşısı yoxdur. Əgər əbədi həyata malik olmaq istəyirsənsə, Allahın əmrlərinə riayət elə.”
|
||||
|
||||
|
||||
|
||||
“Məhz hansı əmrlərinə riayət etməliyəm?” deyə, gənc soruşdu. İsa cavab verdi: “Qətl etmə. Zina etmə. Oğurluq etmə. Yalan danışma. Ata-anana hörmət et və öz yaxınını özün kimi sev.”
|
||||
|
||||
|
||||
|
||||
Gənc dedi: “Bütün bu qanunlara mən lap uşaqlıqdan riayət edirəm. Əbədi yaşamaq üçün mən daha nə etməliyəm?” İsa ona dərin məhəbbətlə baxdı və Öz cavabını verdi.
|
||||
|
||||
|
||||
|
||||
İsa dedi: “Əgər sən kamil olmaq istəyirsənsə, get və bütün var-dövlətini sat və əldə etdiyin pulu yoxsullara payla. Onda göylərdə xəzinən olacaqdır. Sonra qayıt və ardımca gəl.”
|
||||
|
||||
|
||||
|
||||
Gənc İsanın ona dediklərini eşidəndə çox təəssüfləndi və İsadan ayrıldı. Axı o, çox zəngin insan idi və malik olduğu hər şeyi başqalarına vermək istəmirdi.
|
||||
|
||||
|
||||
|
||||
İsa şagirdlərinə dedi: “Varlıların Allahın Padşahlığına daxil olması çox çətindir! Dəvənin iynə gözundən keçməsi, varlı adamın Allahın Padşahlığına daxil olmasından asandır.”
|
||||
|
||||
|
||||
|
||||
Şagirdlər İsanın bu sözlərini eşidəndə təəccübləndilər.
|
||||
Onlar soruşdular: “Elə isə kim xilas ola bilər?”
|
||||
|
||||
|
||||
|
||||
İsa şagirdlərinə baxıb onlara cavab verdi: “İnsanların özlərini xilas etməsi qeyri-mümkündür. Amma Allah üçün qeyri-mümkün olan heç bir şey yoxdur.”
|
||||
|
||||
|
||||
|
||||
Onda Peter İsadan soruşdu: “Biz, Sənin şagirdlərin, hər şeyi atıb Sənin ardınca gəlmişik. Bəs bizim mükafatımız nə olacaqdır?”
|
||||
|
||||
|
||||
|
||||
İsa cavab verdi: “Mənə görə evini, qardaş-bacılarını, ata-anasını, uşaqlarını və ya bütün mülkünü tərk edən hər kəs 100 qat artıq əvəzini alacaqdır. Həmçinin, əbədi həyata malik olacaqdır. Bir çox birincilər axırıncı, axırıncılar isə birinci olacaqdır.”
|
||||
|
||||
_Müqəddəs Kitabdan hekayə. Matta 19:16-30; Mark 10:17-31 və Luka 18:18-30_
|
||||
|
|
@ -0,0 +1,39 @@
|
|||
# 29. İnsafsız qul məsəli
|
||||
|
||||
|
||||
|
||||
Bir dəfə Peter İsadan soruşdu: “Müəllim, mənə qarşı günah işlətmiş qardaşımı neçə dəfə bağışlamalıyam? Yeddi dəfəmi?” İsa cavab verdi: “Yeddi dəfə yox, yetmiş dəfə yeddi!” İsa nəzərdə tuturdu ki, biz hər zaman bağışlamalıyıq. Daha sonra İsa belə bir məsəl danışdı:
|
||||
|
||||
|
||||
|
||||
“Səmavi Padşahlıq qulları ilə hesablaşmaq istəyən bir padşaha bənzəyir. Bir qulun 200 000 illik əmək haqqı həcmində, çox böyük borcu var idi.
|
||||
|
||||
|
||||
|
||||
Qul bu borcu ödəyə bilmədiyinə görə padşah əmr etdi: “Bu adamı ailəsi ilə birlikdə borcu ödəmək üçün köləliyə satın!”
|
||||
|
||||
|
||||
|
||||
Onda qul diz çöküb padşaha yalvardı: “Xahiş edirəm, bir az gözlə. Mən sənə olan borcumun hamısını ödəyəcəyəm!” Padşahın o qula rəhmi gəldi və onun bütün borcunu bağışlayıb azadlığa buraxdı.
|
||||
|
||||
|
||||
|
||||
Qul padşahın yanından çıxanda ona borclu olan başqa bir qul ilə qarşılaşdı. Bu borc dörd aylıq əmək haqqına bərabər idi. Qul borclunu tutub dedi: “Mənə borclu olduğun pulu qaytar!”
|
||||
|
||||
|
||||
|
||||
Borclu diz çöküb yalvarmağa başladı: “Xahiş edirəm, bir az da səbr et, borcumun hamısını qaytaracağam”. Amma borcunu ödəyənə qədər qul onu zindana saldırdı.
|
||||
|
||||
|
||||
|
||||
Digər qullar baş verənləri gördü və bu, onları kədərləndirdi. Onlar padşahın yanına gedib ona hər şeyi danışdılar.
|
||||
|
||||
|
||||
|
||||
O zaman Padşah qulu yanına çağırıb dedi: “Ey pis qul! Bütün borcunu sənə bağışladım, çünki mənə yalvarırdın. Sən də belə etməli idin.” Padşah elə qəzəb içində idi ki, pis qulu bütün borcunu qaytarana qədər zindana atdı.”
|
||||
|
||||
|
||||
|
||||
İsa dedi: “Hər biriniz qardaşlarınızı ürəkdən bağışlamasanız, Səmavi Atam da sizə elə edər.”
|
||||
|
||||
_Müqəddəs Kitabdan hekayə. Matta 18:21-35_
|
||||
|
|
@ -0,0 +1,39 @@
|
|||
# 30. İsa beş min nəfəri doydurur
|
||||
|
||||
|
||||
|
||||
İsa Öz həvarilərini müxtəlif kəndlərə göndərdi ki, onlar insanlara Səmavi Padşahlıq haqqında vəz etsinlər. Şagirdlər İsanın yanına qayıtdıqda, Ona bütün etdiklərini danışdılar. İsa onlara Onunla birgə gölün qarşı tərəfində sakit bir yerə getməyi təklif etdi. Onlar qayığa mindilər və digər sahilə yola düşdülər.
|
||||
|
||||
|
||||
|
||||
Bir çox insan İsa və Onun şagirdlərinin qayıq ilə yola düşdüyünü gördü. Bu adamlar digər sahilə İsadan qabaq çatmaq üçün gölün qırağı ilə qaçdılar. Buna görə İsa və onun şagirdləri sahilə çatdıqda, onları artıq böyük bir izdiham gözləyirdi.
|
||||
|
||||
|
||||
|
||||
Bu izdihamda qadın və uşaqlardan savayı, 5000-dən çox kişi var idi. İsanın ürəyi bu insanlara qarşı şəfqətlə doldu. İsa üçün onlar çobansız qoyunlar kimi idi. Buna görə O, onlara çox şeylərin təlimini keçdi və xəstə olanlara şəfa verdi.
|
||||
|
||||
|
||||
|
||||
Axşam şagirdlər İsaya dedilər: “Artıq gecdir. İnsanları burax, qoy gedib yaxın kəndlərdə özlərinə yemək alsınlar.”
|
||||
|
||||
|
||||
|
||||
Lakin İsa şagirdlərinə dedi: “Onlara yeməyi siz verin!” Şagirdlər soruşdular: “Biz bunu necə edə bilərik? Cəmi beş çörək və iki balaca balığımız vardır.”
|
||||
|
||||
|
||||
|
||||
Onda İsa şagirdlərinə tapşırdı ki, insanları çəmənin üstündə əlli nəfərlik qruplarla oturtsunlar.
|
||||
|
||||
|
||||
|
||||
Bundan sonra İsa beş çörək və iki balıq götürdü, göyə baxdı və yemək üçün Allaha şükür duası etdi.
|
||||
|
||||
|
||||
|
||||
Sonra İsa balıq və çörəkləri hissələrə bölüb şagirdlərə verdi ki, onlar bunu camaata paylasınlar. Şagirdlər yeməyi paylayırdılar amma yemək qurtarmırdı. Yemək hamıya çatdı, hamı doyunca yedi və hətta artıq qaldı.
|
||||
|
||||
|
||||
|
||||
Bundan sonra şagirdlər artıq qalan hissələrdən 12 dolu zənbil yığdılar. Bütün bu yeməklər möcüzəvi şəkildə beş çörək və iki balıqdan alındı.
|
||||
|
||||
_Müqəddəs Kitabdan hekayə. Matta 14:13-21; Mark 6:31-44; Luka 9:10-17; Yəhya 6:5-15_
|
||||
|
|
@ -0,0 +1,35 @@
|
|||
# 31. İsa suyun üstü ilə yeriyir
|
||||
|
||||
|
||||
|
||||
İsa insanları yedirdikdən sonra şagirdlərinə dedi ki, qayığa minib gölün digər sahilinə keçsinlər. İsa insanları evə buraxdı, Özü isə dua etmək üçün dağa qalxdı. O, orada tək qalıb gecə saatlarına qədər dua etdi.
|
||||
|
||||
|
||||
|
||||
Bu vaxt şagirdlər qayıqla gölün digər sahilinə gedirdilər. Qarşı külək əsdiyindən, onlar gecənin yarısına qədər yalnız gölün ortasına çatmışdılar.
|
||||
|
||||
|
||||
|
||||
Bu arada İsa dua etməyi bitirdi və şagirdlərin yanına getdi. O, suyun üstü ilə onların qayıqlarına tərəf gedirdi.
|
||||
|
||||
|
||||
|
||||
Şagirdlər Onu görəndə bərk qorxdular, çünki elə bildilər ki, bu, kabusdur. İsa onların qorxduqlarını gördü və buna görə dedi: “Qorxmayın, bu Mənəm!”
|
||||
|
||||
|
||||
|
||||
Peter cavabında İsaya dedi: “Ya Rəbb, əgər bu Sənsən, mənə əmr et ki, suyun üstü ilə yanına gəlim.” İsa “Gəl!” dedi.
|
||||
|
||||
|
||||
|
||||
Peter də qayıqdan çıxıb suyun üstü ilə İsaya tərəf getdi. Lakin bir az getdikdən sonra o, İsadan nəzərini çəkdi və güclü küləyin əsdiyini, ətrafda böyük dalğaların olduğunu gördü.
|
||||
|
||||
|
||||
|
||||
Peter qorxdu və batmağa başladı. O qışqırdı: “Ya Rəbb, məni xilas et!” İsa dərhal əlini uzadıb onu tutdu. O, Peterə dedi: “Sənin imanın çox azdır! Nə üçün şübhələndin?”
|
||||
|
||||
|
||||
|
||||
Bundan sonra Peterlə İsa qayığa mindilər. Külək dərhal dayandı, su isə sakitləşdi. Şagirdlər təəccüb içində idilər. Onlar İsaya səcdə qılıb dedilər: “Həqiqətən, Sən Allahın Oğlusan!”
|
||||
|
||||
_Müqəddəs Kitabdan hekayə. Matta 14:22-33; Mark 6:45-52; Yəhya 6:16-21_
|
||||
|
|
@ -0,0 +1,67 @@
|
|||
# 32. İsa cinə tutulmuş insana və xəstə qadına şəfa verir
|
||||
|
||||
|
||||
|
||||
İsa və Onun şagirdləri qayıqla qerasalılar yaşadığı diyara yola düşdülər. Onlar sahilə çatıb qayıqdan endilər.
|
||||
|
||||
|
||||
|
||||
Orada cinə tutulmuş bir insan yaşayırdı.
|
||||
|
||||
|
||||
|
||||
O elə güclü idi ki, onu heç kəs sakitləşdirə bilmirdi. İnsanlar neçə dəfə onun əllərini və ayaqlarını zəncirləmişdilər, lakin o, zəncirləri qırırdı.
|
||||
|
||||
|
||||
|
||||
Bu insan qəbiristanlıqda yaşayırdı. O, gecə-gündüz bağırır və özünü daşlarla yaralayırdı.
|
||||
|
||||
|
||||
|
||||
O, İsaya tərəf qaçdı və qarşısında diz çökdü. O adamın içindəki cin bağırdı: “Ey Uca Allahın Oğlu İsa, məndən nə istəyirsən? Yalvarıram, mənə əzab vermə!”
|
||||
|
||||
|
||||
|
||||
İsa cinə dedi: “Bu adamdan çıx!” Sonra İsa cindən soruşdu: “Sənin adın nədi?” O, cavab verdi: “Mənim adım Qoşundur, çünki biz çoxuq.”
|
||||
|
||||
|
||||
|
||||
Cinlər İsaya yalvarmağa başladılar: “Yalvarırıq, bizi bu yerlərdən uzaqlaşdırma!” Yaxınlıqdakı dağın yamacında bir donuz sürüsü otlayırdı. Cinlər İsaya yalvardılar: “Xahiş edirik, bu donuzların içinə girməyə bizə izin ver!” İsa onlara icazə verdi.
|
||||
|
||||
|
||||
|
||||
Bu sürüdə 2000-ə yaxın donuz var idi. Cinlər insandan çıxıb donuzların içinə girdilər. Sürü özünü uçurumdan gölə atdı və boğuldu.
|
||||
|
||||
|
||||
|
||||
Donuz otaranlar baş verənləri görəndə şəhərə qaçdılar və İsanın etdiklərini hamıya danışdılar. Şəhərdən camaat gəldi və əvvəlcə cinə tutulmuş adamı gördü. O, sakit idi, əyninə paltar geyinmişdi və özünü adi insan kimi aparırdı.
|
||||
|
||||
|
||||
|
||||
Camaatı böyük qorxu bürümüşdü və onlar İsadan bölgələrini tərk etməsini xahiş etdilər. Ona görə İsa qayığa mindi və əvvəlcə cinə tutulmuş adam İsadan xahiş etdi ki, Onunla getməsinə izn versin.
|
||||
|
||||
|
||||
|
||||
Amma İsa ona cavab verdi: “Xeyr, Mən istəyirəm ki, sən evə gedib Allahın sənin üçün etdiklərini hamıya danışasan. Hər kəsə Onun sənə necə mərhəmət göstərdiyini söylə.”
|
||||
|
||||
|
||||
|
||||
Adam gedib İsanın onun üçün etdiklərini hamıya danışdı. Onun hekayəsini eşidən hər kəs çox heyrətlənirdi.
|
||||
|
||||
|
||||
|
||||
Həmin vaxt İsa gölün o biri sahilinə keçdi. O, sahilə çatanda Onun ətrafında böyük izdiham yığıldı. İsanın ətrafında o qədər insan var idi ki, Onu sıxışdırırdılar. Bu izdihamda 12 il qanaxmadan əziyyət çəkən bir qadın var idi. Qadın bütün varını həkimlərə xərcləmişdi ki, onu sağaltsınlar, lakin vəziyyəti daha da ağırlaşmışdı.
|
||||
|
||||
|
||||
|
||||
Qadın eşitmişdi ki, İsa xəstələrə şəfa verir və öz-özünə fikirləşdi: “Mən əminəm ki, heç olmasa İsanın geyiminə toxunsam, sağalacağam!” Buna görə o, İsaya arxadan yaxınlaşıb, Onun geyiminə toxundu. Ona toxunan kimi qanaxması dayandı.
|
||||
|
||||
|
||||
|
||||
Həmin an İsa, Ondan qüvvə çıxdığını hiss etdi. O, arxaya çevrildi və soruşdu: “Mənə kim toxundu?” Şagirdlər cavab verdilər: “Sənin ətrafında çoxlu insan toplaşmışdır. Onlar daim Sənə toxunurlar. Sənə kimin toxunduğunu nə üçün soruşursan?”
|
||||
|
||||
|
||||
|
||||
Onda qadın İsanın qarşısında diz çökdü və qorxudan titrəyərək, nə etdiyini və necə şəfa tapdığını danışdı. İsa cavabında qadına dedi: “İmanın səni xilas etdi. Sülhlə get.”
|
||||
|
||||
_Müqəddəs Kitabdan hekayə. Matta 8:28-34; 9:20-22; Mark 5:1-20; 5:24-34; Luka 8:26-39; 8:43-48_
|
||||
|
|
@ -0,0 +1,39 @@
|
|||
# 33. Əkinçi barədə məsəl
|
||||
|
||||
|
||||
|
||||
Bir dəfə İsa gölün sahilində idi. O, böyük izdihamı öyrədirdi. İsanı dinləmək üçün çoxlu insan gəlmişdi. Buna görə O, qayığa minib sahildən aralandı ki, adamlar Onu yaxşı görsün və eşitsinlər. O, qayığa minib insanları öyrətməyə başladı.
|
||||
|
||||
|
||||
|
||||
İsa onu dinləyən insanlara belə bir məsəl danışdı: “Bir əkinçi toxum səpməyə çıxdı. O, toxumları səpərkən, toxumların bəzisi təsadüfən yol kənarına düşdü. Quşlar gəldi və bu toxumları dənlədi.
|
||||
|
||||
|
||||
|
||||
Digərləri torpağı az olan daş-kəsəkli yerə düşdü. Toxumlar daş-kəsəkli torpaqda tez cücərdi, lakin kökləri torpağın dərinliyinə çata bilmədi. Günəş çıxıb yer üzünü qızdıranda, cücərtilər quruyub məhv oldular.
|
||||
|
||||
|
||||
|
||||
Elə toxumlar da var idi ki, tikanlı kolların arasına düşdü. Bu toxumlar cücərməyə başladı, lakin tikanlar onları boğdu. Buna görə, tikanlar arasında böyüyən bitkilər heç bir bəhrə vermədi.
|
||||
|
||||
|
||||
|
||||
Münbit torpağa düşən toxumlar da var idi. Onlar böyüyüb artdı, otuz, altmış və hətta yüz qat artıq səmərə verdi. Allahın ardınca getmək istəyənlər Mənim dediklərimə diqqət yetirsinlər!”
|
||||
|
||||
|
||||
|
||||
Şagirdlər bu məsəli başa düşmədilər, lakin onlar İsa ilə tək qalanda O, məsəlin mənasını izah etdi. “Toxum – Allah Kəlamıdır. Yol – Allah Kəlamını eşidən, lakin onu anlamayan insandır. İblis gəlib ondan Kəlamı oğurlayır ki, həmin insan iman etməsin və xilas olmasın.
|
||||
|
||||
|
||||
|
||||
Daş-kəsəkli yer – bu, Allahın Kəlamını eşidən və sevinclə onu qəbul edən insandır. Ancaq həmin insan əziyyətə düşən kimi və başqa insanların təqibinə məruz qalan kimi Allahdan uzaqlaşır və artıq Ona etibar etmir.
|
||||
|
||||
|
||||
|
||||
Tikanlı torpaq – Allahın Kəlamını eşidən insandır. Lakin o, dünyanın qayğılarını çəkməyə başlayır, daha çox pul qazanmağa, varını artırmağa çalışır. Bir müddətdən sonra o, daha Allahı sevməyə qadir olmur. Allahın Kəlamından öyrəndikləri Allahı razı salmaq üçün daha ona yardım etmir. Belə insan dənsiz sünbülə bənzəyir.
|
||||
|
||||
|
||||
|
||||
Ancaq münbit torpaqda olan toxumlar - Allahın Kəlamını eşidib Ona iman edən və bunun sayəsində bəhrə gətirən insandır.”
|
||||
|
||||
_Müqəddəs Kitabdan hekayə. Matta 13:1-8; Mark 4:1-20 Luka 8:4-15_
|
||||
|
|
@ -0,0 +1,43 @@
|
|||
# 34. İsa insanlara müxtəlif hekayələr danışaraq təlim verirdi
|
||||
|
||||
|
||||
|
||||
İsa Allahın Padşahlığı haqqında çoxlu müxtəlif hekayələr danışırdı. Misal üçün, O dedi: “Allahın Padşahlığı bir adamın götürüb öz tarlasında əkdiyi xardal toxumuna bənzəyir. Siz bilirsiniz ki, xardal toxumu bütün toxumların ən xırdasıdır.
|
||||
|
||||
|
||||
|
||||
Lakin xardal toxumu böyüdükdə bütün bostan bitkilərindən hündür, lap ağac boyda olur. O qədər böyük olur ki, hətta quşlar gəlib onun budaqlarında yuva qurur.”
|
||||
|
||||
|
||||
|
||||
İsa başqa bir məsəl də danışdı: “Allahın Padşahlığı xəmir mayasına bənzəyir. Qadın onu xəmirə qatır və maya bütün xəmiri acıdır.
|
||||
|
||||
|
||||
|
||||
Həmçinin, Allahın Padşahlığı tarlada gizlədilən xəzinəyə bənzəyir. Bir adam bu xəzinəni tapdı və ona sahib çıxmaq istədi. Buna görə, heç kəs tapmasın deyə, o, xəzinəni yenidən gizlətdi. Sonra isə tapıntısına sevinərək getdi və bütün varını satıb xəzinə olan tarlanı aldı.
|
||||
|
||||
|
||||
|
||||
Bir də Allahın Padşahlığı saf mirvari axtaran tacirə bənzəyir. O, həmin dəyərli mirvarini tapandan sonra getdi və bütün varını satıb onu aldı.”
|
||||
|
||||
|
||||
|
||||
İsanın ardınca gedən izdiham arasında yaxşı əməllərinə görə özlərinin saleh olduğuna güvənən insanlar var idi. Bu insanlar yaxşı əməllər etməyənlərə təkəbbürlə baxırdılar. İsa onlar üçün belə bir məsəl çəkdi: “İki nəfər dua etmək üçün məbədə gəldi. Onlardan biri vergiyığan, digəri isə farisey idi.
|
||||
|
||||
|
||||
|
||||
Farisey belə dua edirdi: “Ya Allah, Sənə şükürlər olsun ki, mən başqaları kimi günahkar, soyğunçu, haqsız, zinakar, ya da bu vergiyığan kimi deyiləm.
|
||||
|
||||
|
||||
|
||||
Həftədə iki dəfə oruc tuturam, bütün pul və gəlirimin onda birini Sənə verirəm.”
|
||||
|
||||
|
||||
|
||||
Vergiyığan isə fariseydən uzaqda durmuşdu. O, gözlərini göyə qaldırmağa belə, cəsarət etmirdi, amma sinəsinə vurub yalvarırdı: “Ya Allah, mən günahkara rəhm et.””
|
||||
|
||||
|
||||
|
||||
İsa dedi: “Sizə deyirəm ki, Allah fariseyi deyil, vergiyığanı saleh sayacaqdır. Çünki özünü yüksəldən hər kəs aşağı tutulacaq, özünü aşağı tutansa yüksəldiləcəkdir.”
|
||||
|
||||
_Müqəddəs Kitabdan hekayə. Matta 13:31-33; Mark 4:30-32; Luka 13:18-21; 18:9-14_
|
||||
|
|
@ -0,0 +1,56 @@
|
|||
# 35. İtmiş oğul haqqında məsəl
|
||||
|
||||
|
||||
|
||||
Bir dəfə İsa Onu dinləmək üçün toplanmış izdihama təlim verirdi. İzdihamda günahkar sayılan vergiyığanlar və Musanın qanununa riayət etməyən digər insanlar da var idi.
|
||||
|
||||
|
||||
|
||||
Fariseylər və qanunşünaslar gördülər ki, İsa bu insanlarla dost kimi rəftar edir. Buna görə narazılıq edib aralarında belə danışırdılar: “O, düzgün etmir, günahkarlarla danışır, hətta onlarla yemək yeyir.” İsa bunu eşitdi və onlara belə bir hekayə danışdı:
|
||||
|
||||
|
||||
|
||||
“Bir adamın iki oğlu var idi. Bir dəfə kiçik oğul atasına dedi: “Ata, mənə düşən miras payımı elə indi almaq istəyirəm!” O zaman ata öz varını iki oğul arasında böldü.
|
||||
|
||||
|
||||
|
||||
Bundan sonra kiçik oğul, mirasdan ona düşən payını alıb uzaq diyara getdi, pozğun bərbad həyat sürüb, var-dövlətini israf etdi.
|
||||
|
||||
|
||||
|
||||
Tezliklə həmin ölkədə şiddətli aclıq başladı. Onun isə yeməyə belə pulu qalmadı. Buna görə o, donuzları otarmağa razı oldu. Bu, onun tapdığı yeganə iş idi. O, elə ac idi ki, donuzların yemləndiyi ilə də qarnını doldurmağa şad olardı, lakin ona heç bunu da icazə vermirdilər.
|
||||
|
||||
|
||||
|
||||
Nəhayət, kiçik oğul özü-özünə dedi: “Mən nə edirəm? Mənim Atamın çoxlu qulları var, hamısının da doyunca yeməyə çörəyi var. Mən isə burada acından ölürəm. Atamın yanına qayıdıb ona yalvaracağam ki, məni qul kimi qəbul etsin.”
|
||||
|
||||
|
||||
|
||||
Kiçik oğul atasının evinə qayıtdı. Oğul hələ uzaqda ikən atası onu gördü və ona rəhmi gəldi. O, oğluna tərəf qaçdı, onu qucaqlayıb öpdü.
|
||||
|
||||
|
||||
|
||||
Oğul dedi: “Ata! Mən Allaha və sənə qarşı günah etdim. Mən sənin oğlun adlanmağa layiq deyiləm.”
|
||||
|
||||
|
||||
|
||||
Atası isə öz qullarının birinə dedi: “Tez ol get, ən gözəl paltarı gətir və oğlumu geyindir! Barmağına üzük və ayaqlarına çarıq tax. Sonra kökəldilmiş dananı kəs. Biz yeyib-içib şadlanaraq, bayram edəcəyik! Çünki mənim oğlum ölmüş idi, ancaq yenə həyata qayıtdı! O itmiş idi, indi isə tapıldı!”
|
||||
|
||||
|
||||
|
||||
Beləliklə, hamı şadlıq etməyə başladı. Az sonra
|
||||
böyük oğul işlədiyi tarladan evə qayıtdı. O, çalğı və rəqs səsləri eşitdi, nökərlərdən birini yanına çağırıb ondan orada nə baş verdiyini soruşdu.
|
||||
|
||||
|
||||
|
||||
Böyük oğul qardaşının qayıtmasına görə evdə bayram olduğunu biləndə, çox hirsləndi, hətta evə girmədi. Atası çıxıb ona yalvardı ki, evə gəlib oğulun qayıtmasını onlarla qeyd etsin, lakin o, etiraz etdi.
|
||||
|
||||
|
||||
|
||||
Böyük oğul atasına dedi: Mən uzun illərdir ki, sənin üçün vicdanla işləmişəm. Mən həmişə sənin sözünə qulaq asmışam, amma sən mənə bir çəpiş belə vermədin ki, dostlarımla şadlıq edim. Lakin bu oğlun, ona verdiyin bütün varını pozğunçuluğa sərf etmişdir. Amma indi evə qayıdıb və sən onun üçün bayram edib kökəldilmiş dananı kəsdin!”
|
||||
|
||||
|
||||
|
||||
Ata cavab verdi: “Oğul, sən həmişə mənim yanımdasan və bütün varım sənindir. Bayram təşkil etməklə düzgün iş görürük. Çünki qardaşın ölmüş idi, ancaq yenə həyata qayıtdı. O itmiş idi, indi isə tapıldı!”
|
||||
|
||||
_Müqəddəs Kitabdan hekayə. Luka 15:11-32_
|
||||
|
|
@ -0,0 +1,31 @@
|
|||
# 36. İsanın görünüşü dəyişir
|
||||
|
||||
|
||||
|
||||
Bir dəfə İsa dua etmək üçün hündür dağa qalxdı. O Özü ilə üç şagirdini – Peter, Yaqub və Yəhyanı götürdü. Özü ilə götürdüyü Yəhya, Onu vəftiz edən Yəhya deyil, şagirdi idi.
|
||||
|
||||
|
||||
|
||||
İsa dağda dua etdikdə Onun üzü günəş kimi parlaq oldu. Onun libası göz qamaşdırıcı ağ rəng aldı, yer üzündə heç bir insan onu belə ağarda bilməzdi.
|
||||
|
||||
|
||||
|
||||
Həmin an yüz illər bundan əvvəl yaşamış Musa və İlyas peyğəmbər peyda oldular. Dağın üzərində görünərək, onlar İsa ilə onun ölümü haqqında və tezliklə Yerusəlimdə öləcəyi barədə danışırdılar.
|
||||
|
||||
|
||||
|
||||
Musa və İlyas İsa ilə danışan zaman Peter İsaya dedi: “Nə yaxşı ki, biz buradayıq! Gəlin, üç çadır quraq: biri – Sənin üçün, biri – Musa üçün, biri isə – İlyas üçün.” Peter qorxu və həyəcan keçirdiyindən belə danışırdı.
|
||||
|
||||
|
||||
|
||||
Peter hələ danışan zaman parlaq bir bulud gəldi və onları əhatə etdi. Buluddan bir səs gəldi: “Bu Mənim sevimli Oğlumdur! Ondan razıyam! Ona qulaq asın!” Şagirdlərin üçünü də böyük dəhşət bürüdü və onlar üzüstə yerə qapandılar.
|
||||
|
||||
|
||||
|
||||
Onda İsa onlara toxunaraq dedi: “Qorxmayın! Qalxın!” Onlar ətrafa baxdılar,lakin yanlarında İsadan başqa kimsəni görmədilər.
|
||||
|
||||
|
||||
|
||||
Bundan sonra İsa üç şagirdi ilə dağdan endi. İsa onlara dedi: “Burada nə baş verdiklərini heç kəsə söyləməyin. Tezliklə Mən öləcəyəm, sonra isə həyata qayıdacağam. Bundan sonra siz bu hadisəni insanlara danışa bilərsiniz.”
|
||||
|
||||
_Müqəddəs Kitabdan hekayə. Matta 17:1-9; Mark 9:2-9; Luka 9:28-36_
|
||||
|
|
@ -0,0 +1,48 @@
|
|||
# 37. İsa Lazarı ölülərdən dirildir
|
||||
|
||||
|
||||
|
||||
O zaman Lazar adlı bir insan yaşayırdı. Onun iki bacısı var idi – Marta və Məryəm. Lazar, Marta və Məryəm İsanın yaxın dostları idi. Bir dəfə İsaya dedilər ki, Lazar çox bərk xəstələnmişdir. İsa bu barədə eşitdikdə dedi: “Bu xəstəlik Lazarın ölümü ilə bitməyəcəkdir. Lakin onun vasitəsilə insanlar Allahı izzətləndirəcəklər.”
|
||||
|
||||
|
||||
|
||||
İsa dostlarını sevirdi, buna baxmayaraq, Lazarın xəstəliyi haqqında xəbər tutsa da, həmin yerdə əlavə iki gün də qaldı. Bundan sonra Öz şagirdlərinə dedi: “Gəlin Yəhudeyaya qayıdaq.” Lakin şagirdləri cavab verdilər: “Müəllim, bu yaxınlarda Yəhudeyada yaşayanlar Səni öldürmək istəyirdilər!” İsa dedi: “Dostumuz Lazar yuxuya gedib və Mən onu oyatmalıyam.”
|
||||
|
||||
|
||||
|
||||
Şagirdlər İsaya dedilər: “Müəllim, əgər Lazar yuxuya gedibsə, deməli, sağalacaqdır.” Onda İsa onlara açıq dedi: “Lazar ölmüşdür. Mən sevinirəm ki, orda deyildim, çünki indi Mənə olan imanınız artacaqdır.”
|
||||
|
||||
|
||||
|
||||
İsa dostları yaşadığı kəndə gəldikdə, Lazar artıq dörd gün idi ki, ölmüşdü. Marta İsanı qarşılamağa çıxdı və dedı: “Ya Rəbb, Sən burada olsaydın, mənim qardaşım ölməzdi. Ancaq inanıram ki, Sən Allahdan nə istəsən, O, Sənə verəcəkdir.”
|
||||
|
||||
|
||||
|
||||
İsa dedi: “Dirilmə və həyat Mənəm. Mənə iman edən ölsə də, yaşayar. Mənə iman edən hər kəs heç vaxt ölməz.
|
||||
Buna inanırsanmı?” Marta cavab verdi: “Bəli, ya Rəbb! İnanıram ki, Sən – Allahın Oğlu Məsihsən!”
|
||||
|
||||
|
||||
|
||||
Sonra Məryəm gəldi. O, İsanın ayaqlarına düşüb dedi: “Ya Rəbb, əgər Sən burada olsaydın, qardaşım ölməzdi.” İsa bacılardan: “Lazarı haraya qoymusunuz?” – deyə, soruşdu. Onlar Ona: “Məzara. Get, bax.” – dedilər. İsa ağladı.
|
||||
|
||||
|
||||
|
||||
Məzar bir mağara idi və girişi böyük bir daş ilə bağlanırdı. İsa məzara yaxınlaşanda dedi ki, daşı götürsünlər. Amma Marta dedi: “Lazar dörd gündür ki, ölmüşdür. Artıq cəsədi iylənmişdir.”
|
||||
|
||||
|
||||
|
||||
İsa dedi: “Məgər Mən sənə söyləmədimmi, Mənə iman etsən, Allahın qüdrətini görəcəksən?” Camaat isə məzarın girişindəki daşı götürdü.
|
||||
|
||||
|
||||
|
||||
İsa göyə baxıb dedi: “Ata, Məni eşitdiyin üçün Sənə minnətdaram. Mən bilirəm ki, Sən həmişə Məni eşidirsən. Amma Mən bütün bunları ona görə deyirəm ki, burada duran insanlar Mənim Sən tərəfindən göndərildiyimə iman etsinlər.” Sonra İsa ucadan söylədi: “Lazar, məzardan çıx!”
|
||||
|
||||
|
||||
|
||||
Lazar məzardan çıxdı! O, kəfənə bürünmüş idi. İsa camaata dedi: “Kəfəni açıb Lazarı azad edin!” Bu möcüzəni görən yəhudilərin çoxu İsaya iman etdi.
|
||||
|
||||
|
||||
|
||||
Amma yəhudi kahinləri və fariseylər qorxdular ki, bütün xalq İsaya Məsih kimi iman etməyə başlayar. Buna görə onlar İsa ilə Lazarı necə öldürəcəklərini müzakirə etmək üçün bir yerə toplaşdılar.
|
||||
|
||||
_Müqəddəs Kitabdan hekayə. Yəhya 11:1-47_
|
||||
|
|
@ -0,0 +1,64 @@
|
|||
# 38. İsaya qarşı xəyanət
|
||||
|
||||
|
||||
|
||||
Üç il idi ki, İsa xalqa vəz edib təlim verirdi. Bir çox şəhərlər gəzərək, İsa öz şagirdləri ilə Yerusəlimə gəldi. Pasxa bayramı yaxınlaşırdı və İsa onu Öz şagirdləri ilə qeyd etmək qərarına gəldi. Hər il yəhudilər Pasxanı qeyd etməklə, yüz illər əvvəl Allahın onların əcdadlarını Misir köləliyindən çıxarmaqla xilas etməsini yad edirdilər. Bayramqabağı İsa şagirdlərinə dedi ki, tezliklə Onu öldürəcəklər.
|
||||
|
||||
|
||||
|
||||
İsanın həvarilərindən biri, Yəhuda adlı bir nəfər idi. Yəhuda toplanan ianələrə cavabdeh idi və tez-tez oradan pul oğurlayırdı. İsa və Onun şagirdləri Yerusəlimə gəldikdən sonra, Yəhuda başçı kahinlərin yanına getdi. O, pul əvəzinə İsanı onlara təslim etməyi təklif etdi. Yəhuda bilirdi ki, başçı kahinlər İsanı Məsih saymırdılar və Onu öldürmək istəyirdilər.
|
||||
|
||||
|
||||
|
||||
Başçı kahinin rəhbərliyi ilə qanunşünaslar və yəhudi nəsillərinin ağsaqqalları Yəhudaya 30 gümüş pul verdilər ki, İsanı onlara təslim etsin. Bu hadisələr məhz Müqəddəs Kəlamda peyğəmbərlərin yazdığı kimi oldu. Yəhuda pulu götürüb getdi. Həmin andan etibarən o, İsanı təslim etmək üçün fürsət axtarmağa başladı.
|
||||
|
||||
|
||||
|
||||
İsa şagirdləri ilə Pasxa bayramı keçirirdi. Şam yeməyi zamanı O, çörəyi götürüb böldü və dedi: “Alın, yeyin. Bu, sizlər üçün qurban verdiyim Mənim bədənimdir. Bunu həmişə Məni xatırlamaq üçün edin.” Bununla İsa şagirdlərinə bildirdi ki, Öz Bədənini qurban verib onlar üçün öləcəkdir.
|
||||
|
||||
|
||||
|
||||
Sonra İsa bir kasa götürdü və dedi: “Alın və için. Bu, Allahın sizin günahlarınızı bağışlaması üçün tökülən Mənim Yeni Əhd Qanımdır. Bunu, həmişə Məni xatırlamaq üçün edin.”
|
||||
|
||||
|
||||
|
||||
Sonra İsa şagirdlərinə dedi: “Sizlərdən biri Mənə xəyanət edəcəkdir.” Şagirdlər təəccübləndilər və bunu kimin edəcəyini soruşdular. İsa dedi: “Bu çörəyi verəcəyim adam mənə xəyanət edəcəkdir.” O, çörəyi Yəhudaya verdi.
|
||||
|
||||
|
||||
|
||||
Yəhuda çörəyi götürdüyü zaman onun qəlbinə iblis girdi. Onda İsa Yəhudaya dedi: “Nə etmək istəyirsənsə, tez et.” Yəhuda İsanı təslim etmək üçün başçı kahinlərin yanına getdi. Gecə yaxınlaşırdı.
|
||||
|
||||
|
||||
|
||||
Şam yeməyindən sonra İsa şagirdləri ilə Zeytun dağına getdi. Orada İsa dedi: “Bu gecə hamınız Məni atıb gedəcəksiniz. Kəlamda deyildiyi kimi:
|
||||
“Çobanı vuracağam, sürünün qoyunları pərən-pərən olacaqdır.””
|
||||
|
||||
|
||||
|
||||
Peter cavab verdi: “Hamı Səni atıb getsə də, mən heç vaxt belə etməyəcəyəm!” Onda İsa Peterə dedi: “Şeytan hamınıza sahib olmaq istəyir, amma mən sənin üçün dua etdim ki, Peter, imanın zəifləməsin. Ancaq buna baxmayaraq bu gecə xoruz banlamazdan əvvəl sən üç dəfə Məni tanımadığını deyəcəksən.”
|
||||
|
||||
|
||||
|
||||
Onda Peter İsaya dedi: “Hətta ölməyim lazım olsa belə, mən Səni heç vaxt inkar etməyəcəyəm!” Bütün şagirdlər də belə dedilər.
|
||||
|
||||
|
||||
|
||||
Bundan sonra İsa şagirdləri ilə Getsemani adlanan bir yerə getdi. Orada İsa şagirdlərinə dedi ki, sınağa düşməmək üçün dua etsinlər. Sonra O, onlardan bir az kənara çəkilib təklikdə dua etdi.
|
||||
|
||||
|
||||
|
||||
İsa üç dəfə belə dua etdi: “Ata, əgər mümkündürsə, qoy bu kasa Məndən yan keçsin. Amma insanların günahlarını bağışlamaq üçün başqa yol yoxdursa, qoy hər şey Sənin istədiyin kimi olsun!” İsa böyük həyəcan içində idi və Onun təri yerə düşən qan damlalarına bənzəyirdi. Allah Onu qüvvətləndirmək üçün bir mələk göndərdi.
|
||||
|
||||
|
||||
|
||||
İsa hər dəfə duadan qayıdanda şagirdlərini yatmış görürdü. O, üçüncü dəfə qayıdanda dedi: “Oyanın! Mənə xəyanət edən artıq buradadır.”
|
||||
|
||||
|
||||
|
||||
Həmin an Yəhuda baş kahinlər, xalqın ağsaqqalları, məbəd mühafizəçilərinin başçıları, əsgərlər və böyük izdiham ilə gəldi. Onlar qılınc və dəyənəklərlə silahlanmışdılar. Yəhuda İsaya yaxınlaşıb: “Salam, Müəllim” – deyərək, Onu öpdü. Yəhuda onunla gələnlərə, kimi tutmaq lazım olduğunu göstərmək üçün belə etdi. İsa soruşdu: “Yəhuda, sən məni bir öpüşləmi satırsan?”
|
||||
|
||||
|
||||
|
||||
Əsgərlər İsanı tutanda, Peter qılıncını çıxarıb baş kahinin qulunun qulağını vurub qopartdı. Lakin İsa dedi: “Qılıncı yığışdır! Mən Atamdan, Məni qorumaqları üçün mələk ordusu istəyə bilərəm, amma Mən Atama itaətli olmalıyam.” Bundan sonra İsa qulun qulağını sağaltdı. Beləliklə, İsanı tutub apardılar, Onun şagirdləri isə dağılışdılar.
|
||||
|
||||
_Müqəddəs Kitabdan hekayə. Matta 26:14-56; Mark 14:10-50; Luka 22:1-54; Yəhya 12:6; 18:1-14_
|
||||
|
|
@ -0,0 +1,51 @@
|
|||
# 39. İsa Ali Şuranın önündə
|
||||
|
||||
|
||||
|
||||
Gecənin yarısı əsgərlər İsanı başçı kahinin evinə gətirdilər, çünki o, İsanı sorğu-sual etmək istəyirdi. Peter məsafə saxlayaraq onların ardınca gedirdi. Əsgərlər İsanı başçı kahinin yanına gətirdikdə, Peter həyətdə qalıb tonqala yaxınlaşdı. Bu tonqalın ətrafında nökər və mühafizəçilər isinirdilər.
|
||||
|
||||
|
||||
|
||||
Elə bu vaxt yəhudi nəsillərinin başçıları və qanunşünaslar başçı kahinin evində İsanı ittiham etməyə başladılar. Onlar İsanı mühakimə edən çoxlu yalançı şahidlər tapdılar. Lakin onların ifadələri bir-birinə uyğun gəlmirdi, buna görə İsanın günahını isbat edə bilmədilər. İsa isə Özünü müdafiə etmək üçün heç bir şey demirdi.
|
||||
|
||||
|
||||
|
||||
Nəhayət, başçı kahin İsadan birbaşa soruşdu: “Allahın Oğlu Məsih Sənsənmi?”
|
||||
|
||||
|
||||
|
||||
İsa cavab verdi: “Hə, Mən Məsihəm, siz Məni Allahın yanında oturan və buludların üzərində göydən gəldiyimi görəcəksiniz.” İsanın bu sözlərindən bərk qəzəblənən başçı kahin əynindəki paltarını cırdı. O, ucadan qışqırdı: “Artıq bizə bu adamın nə etdiyini bilən şahidlər lazım deyildir! Onun Özünü Allahın Oğlu saydığını siz eşitdiniz. Ona qarşı qərarınız nə olacaqdır?”
|
||||
|
||||
|
||||
|
||||
Orada olan hər kəs başçı kahinin cavabında: “O, ölüm cəzasına layiqdir!” – deyə, qışqırdılar. Onlar İsanın gözlərini bağlayıb üzünə tüpürməyə, döyməyə, lağ etməyə başladılar.
|
||||
|
||||
|
||||
|
||||
O zaman Peter həyətdə gözləyirdi. Onu kənizlərdən biri gördü. O, Peterə dedi: “Sən də İsa ilə birlikdə idin.” Peter bunu inkar etdi. Bir az sonra başqa qız eyni sözü dedi. Lakin Peter yenə də bunu inkar etdi. Nəhayət, başqa adamlar da dedilər: “Biz bilirik ki, sən İsa ilə birlikdə idin, çünki, hər ikiniz Qalileyadansınız.”
|
||||
|
||||
|
||||
|
||||
Peter and içərək deyirdi ki, İsanı tanımır. O deyirdi: “And olsun, mən bu Adamı tanımıram və dediklərinizi anlamıram.” Onda İsa dönüb Peterə baxdı və o, İsanın: “Bu gecə xoruz banlamazdan əvvəl sən Məni üç dəfə inkar edəcəksən.” sözünü yadına saldı.
|
||||
|
||||
|
||||
|
||||
Peter həyətdən çıxıb hönkür-hönkür ağladı. O zaman Yəhuda öyrəndi ki, xəyanət etdiyi İsanı edam etmək istəyirlər. O, peşman olaraq pulu baş kahinlərə və ağsaqqallara qaytardı, sonra isə gedib özünü asdı.
|
||||
|
||||
|
||||
|
||||
O zamanlar Pilat Yəhudeyada Roma valisi idi. Başçı kahinlər və ağsaqqallar İsanı Pilatın yanına gətirdilər. Onlar Roma valisinin İsanı mühakimə etməsini və Onu ölümə məhkum etməsini istəyirdilər. Pilat İsadan soruşdu: “Sən – Yəhudilərin Padşahısan?”
|
||||
|
||||
|
||||
|
||||
İsa cavab verdi: “Sən doğru söylədin. Amma Mənim Padşahlığım yer üzündə deyildir. Əgər belə olsaydı, onda Mənim qullarım Mənə görə burada mübarizə aparardılar. Mən Allah haqqında həqiqəti söyləmək üçün yer üzünə gəldim. Həqiqəti sevən hər kəs Mənim sözümə qulaq asır.” Pilat Ondan soruşdu: “Bəs onda həqiqət nədir?”
|
||||
|
||||
|
||||
|
||||
İsa ilə danışdıqdan sonra Pilat xalqın qarşısına çıxaraq dedi: “Bu adamın ölümə layiq olduğuna heç bir səbəb tapmadım.” Lakin baş kahinlər, ağsaqqallar və xalq qışqırmağa başladı: “Onu çarmıxa çək!” Pilat cavab verdi: “Sizin ittihamlarınızda Onun heç bir təqsiri yoxdur.” Amma onlar daha da ucadan qışqırmağa başladılar. Onda Pilat üçüncü dəfə dedi: “Onun heç bir təqsiri yoxdur!” Lakin izdiham daha da ucadan qışqırdı: “Onu çarmıxa çək!”
|
||||
|
||||
|
||||
|
||||
Xalqın üsyan edəcəyindən qorxaraq, Pilat onların tələbləri ilə razılaşdı və əsgərlərə İsanı çarmıxa çəkməyi əmr verdi. Roma əsgərləri İsanı qamçı ilə döydülər. Bundan sonra lağ edərək, əyninə bahalı libas geyindirib, başına tikandan hörülmüş çələng qoydular. Onlar deyirdilər: “Baxın, Yəhudilərin Padşahı budur!”
|
||||
|
||||
_Müqəddəs Kitabdan hekayə. Matta 26:57-27:37; Mark 14:53-15:18; Luka 22:54-23:38; Yəhya 18:12-19:16_
|
||||
|
|
@ -0,0 +1,39 @@
|
|||
# 40. İsa çarmıxa çəkilir
|
||||
|
||||
|
||||
|
||||
İsanı qamçılarla döydükdən və təhqir etdikdən sonra əsgərlər onu çarmıxa çəkməyə apardılar. Onlar İsanı öz çarmıxını daşımağa məcbur etdilər.
|
||||
|
||||
|
||||
|
||||
İsanı Qolqota adlanan yerə gətirdilər, Qolqota adının mənası “Kəllə” deməkdir. Orada Onun əllərini və ayaqlarını mismarlayaraq çarmıxa çəkdilər. İsa səmaya baxdı və dedi: “Ata, onları bağışla, çünki nə etdiklərini bilmirlər.” Əsgərlər İsanı çarmıxa çəkərək, Onun başı üzərində bir lövhə bərkitdilər. Bu lövhənin üzərində, Pilat əmr etdiyi kimi “Yəhudəlilərin Padşahı” yazılmışdı.
|
||||
|
||||
|
||||
|
||||
İsanın paltarlarını öz aralarında bölmək üçün əsgərlər püşk atdılar. Beləliklə, Müqəddəs Yazıdakı: “Aralarında paltarlarımı bölüşdürdülər, geyimim üçün püşk atdılar” peyğəmbərliyi yerinə yetdi.
|
||||
|
||||
|
||||
|
||||
Əsgərlər İsanın sağında və solunda iki qulduru çarmıxa çəkdilər. Quldurlardan biri, İsaya istehza edib lağa qoyurdu, o birisi isə ona dedi: “Sən qorxmursan ki, Allah səni cəzalandırar? Biz öz cinayətlərimizdə günahkarıq, lakin bu İnsan günahsızdır.” Sonra o, İsaya dedi: “Xahiş edirəm, Öz Səltənətində olanda, məni də yada sal.” İsa ona cavab verdi: “Sən elə bu gün mənimlə cənnətdə olacaqsan.”
|
||||
|
||||
|
||||
|
||||
Başçı kahinlər, ilahiyyatçılar, ağsaqqallar və həmçinin, izdihamda olan insanlar İsanı ələ salaraq deyirdilər: “Əgər Sən Allahın Oğlusansa, çarmıxdan düş və Özünü xilas et! Biz də Sənə iman edək.”
|
||||
|
||||
|
||||
|
||||
Günorta olmasına baxmayaraq birdən səma qaraldı. Bu qaranlıq üç saat davam etdi.
|
||||
|
||||
|
||||
|
||||
İsa uca səslə nida edərək dedi: “Tamam oldu! Ata, Ruhumu Sənin əlinə verirəm.” Sonra O, başını əyib ruhunu tapşırdı. Qəflətən zəlzələ başladı. Məbəddə isə insanları Allahın hüzurundan ayıran qalın pərdə yuxarıdan aşağıya qədər iki yerə parçalandı.
|
||||
|
||||
|
||||
|
||||
Beləliklə, İsa Öz ölümü ilə insanlara Allaha gəlmələri üçün yol açdı. İsaya nəzarət edən əsgər baş verənləri görəndə dedi: “Bu İnsan doğrudan da günahsız idi! O – Allahın Oğludur.”
|
||||
|
||||
|
||||
|
||||
Bundan sonra iki nəfər – ali şuranın üzvü Yusif və Nikodim adlı farisey Pilatın yanına gəlib, İsanın cəsədini ondan istədilər. Onlar İsanın Məsih olduğuna inanırdılar. Nikodim ilə Yusif İsanın cəsədini kəfənə bürüyüb, qayada qazılmış bir məzarın içinə qoydular. Sonra onlar məzara girişi bağlamaq üçün böyük bir daşı yuvarlayıb qoydular.
|
||||
|
||||
_Müqəddəs Kitabdan hekayə. Matta 27:27-60; Mark 15:16-47; Luka 23:26-53; Yəhya 19:17-42_
|
||||
|
|
@ -0,0 +1,35 @@
|
|||
# 41. Allah İsanı ölülərdən dirildir
|
||||
|
||||
|
||||
|
||||
Əsgərlər İsanı çarmıxa çəkdikdən sonra, başçı kahinlər və fariseylər Pilatın yanına gəldilər və dedilər: “Bu yalançı hələ sağ ikən deyirdi ki, üç gündən sonra ölülərdən diriləcəkdir. Onun məzarının qarşısına üç gün ərzində gözətçilər qoy ki, şagirdləri Onun cəsədini oğurlayıb xalqa deməsinlər ki, O ölüb dirildi.”
|
||||
|
||||
|
||||
|
||||
Pilat dedi: “Gözətçi götürün və Onun məzarını istədiyiniz kimi mühafizə edin.” Onlar getdilər və məzarın girişində olan daşı möhürlədilər və qarşısına gözətçilər qoydular ki, heç kəs İsanın cəsədini oğurlamasın.
|
||||
|
||||
|
||||
|
||||
İsanın ölən gününün səhəri şənbə günü idi. Bu gündə işləmək və başqa işlərlə məşğul olmaq qadağan olunmuşdu. Buna görə İsanın şagirdləri Onun məzarına gedə bilmədilər. Şənbə günü keçəndən sonra, bir neçə qadın səhər tezdən İsanın məzarına getmək qərarına gəldilər. Qadınlar Onun bədəni üçün ətirli məlhəm və yağlar hazırladılar.
|
||||
|
||||
|
||||
|
||||
Qadınlar məzara çatmamış möhkəm zəlzələ başladı. Bu vaxt göydən bir mələk endi. Məzarın girişini bağlayan daşı qırağa çəkib üstündə oturdu. Mələk ildırım kimi işıq saçırdı. Məzarın gözətçiləri onu görüb qorxdular və yerə ölü kimi düşdülər.
|
||||
|
||||
|
||||
|
||||
Qadınlar məzara gələndə bir mələk gördülər. O, onlara dedi: “Məndən qorxmayın. Bilirəm ki, siz İsanı axtarırsınız, amma O, burada deyildir. O, dediyi kimi, ölülərdən dirildi! Məzarın içinə baxın və özünüz görəcəksiniz”. Qadınlar məzarın içinə baxıb İsanın qoyulduğu yeri gördülər. Onun cəsədi orada yox idi!
|
||||
|
||||
|
||||
|
||||
Mələk qadınlara dedi: “Gedin və şagirdlərə deyin ki, İsa ölülər arasından dirildi və sizi Qalileyada qarşılayacaqdır.”
|
||||
|
||||
|
||||
|
||||
Qadınlar çox təəccübləndilər və sevindilər. Onlar bu xoş xəbərlə bölüşmək üçün İsanın şagirdlərinin yanına qaçdılar.
|
||||
|
||||
|
||||
|
||||
Qadınlar yolda gedərkən İsa qəflətən onların qarşısına çıxdı. Onlar diz çöküb İsanın ayaqlarına sarıldılar. İsa dedi: “Qorxmayın. Gedin, Mənim şagirdlərimə deyin ki, Qalileyaya getsinlər. Məni orada görəcəklər.”
|
||||
|
||||
_Müqəddəs Kitabdan hekayə. Matta 27:62-28:15; Mark 16:1-8; Luka 24:1-12; Yəhya 20:1-18_
|
||||
|
|
@ -0,0 +1,47 @@
|
|||
# 42. İsa göylərə qayıdır
|
||||
|
||||
|
||||
|
||||
Allah İsanı ölülərdən diriltdiyi gün Onun iki şagirdi qonşu şəhərə gedirdi. Yolda onlar İsa ilə baş verənləri müzakirə edirdilər. Onlar İsanın İsraili azad edəcək həmin Məsihin olduğuna ümid etdiklərini, ancaq bunun əvəzinə Onun öldürüldüyü barədə danışırdılar. Lakin qadınlar dedilər ki, O yenə sağdır və indi şagirdlər nəyə inanacaqlarını bilmirdilər.
|
||||
|
||||
|
||||
|
||||
Bu iki şagird söhbət edərək gedən zaman İsa onlara yaxınlaşdı və onlar bir yerdə yollarına davam etdilər. O, onlardan nə barədə danışdıqlarını soruşdu. Onlar isə elə düşündülər ki, O, Yerusəlimdəki hadisələrdən xəbərdar olmayan yadellidir və son bir neçə gün ərzində İsa ilə baş verənləri Ona nəql etdilər.
|
||||
|
||||
|
||||
|
||||
O zaman İsa onlara Allahın Kəlamında Məsih barədə yazılanları izah etməyə başladı. Qədimdən peyğəmbərlər deyirdilər ki, qəddar insanlar Məsihə əzab verib Onu öldürəcəklər. Eləcə də, peyğəmbərlər deyirdilər ki, üçüncü gün Məsih diriləcəkdir.
|
||||
|
||||
|
||||
|
||||
Şagirdlər qalacaqları şəhərə çatanda artıq axşam idi. Buna görə, onlar İsanı gecələməyə dəvət etdilər. İsa onlarla bərabər evə daxil oldu. Şam yeməyinə oturanda İsa çörəyi götürüb, Allaha minnətdarlıq bildirib böldü. Bu vaxt onlar başa düşdülər ki, bu, İsa idi. Lakin həmin an İsa gözəgörünməz oldu.
|
||||
|
||||
|
||||
|
||||
Onda bu şagirdlər bir-birinə dedilər: “Bu, İsa idi! Məhz buna görə O, Müqəddəs Yazıları izah edəndə biz böyük sevinclə qulaq asırdıq.” Onlar dərhal Yerusəlimə qayıtdılar. Şəhərə gəldikdən sonra qalan şagirdlərə dedilər: “İsa sağdır! Biz Onu gördük!”
|
||||
|
||||
|
||||
|
||||
Şagirdlər hələ bu barədə danışarkən, birdən İsa otaqda göründü. O dedi: “Sizə sülh olsun!” Şagirdlər elə bildilər ki, bu ruhdur, lakin İsa dedi: “Siz niyə qorxdunuz ki? Niyə inanmırsınız ki, bu, Mənəm? Mənim ayaqlarıma və əllərimə baxın. Ruhların bədəni olurmu?” Və ruh olmadığını onlara sübut etmək üçün, İsa şagirdlərindən yemək istədi. Şagirdlər Ona balıq gətirdilər və O yedi.
|
||||
|
||||
|
||||
|
||||
Bundan sonra İsa dedi: “Mən sizə demişdim ki, Allahın Kəlamında mənim haqqımda yazılanların hamısı yerinə yetməli idi və yerinə yetdi”. Sonra İsa, onlar anlasın deyə, Allahın Kəlamını onlara izah etdi. O dedi: “Qədim zamanlarda peyğəmbərlər yazmışdılar ki, Mən – Məsih əzab çəkib öləcəyəm və üçüncü gün diriləcəyəm.
|
||||
|
||||
|
||||
|
||||
Peyğəmbərlər həmçinin yazırdılar ki, Mənim şagirdlərim Allahın Müjdəsini təbliğ edəcəklər. İnsanları tövbəyə çağıracaqlar. O zaman Allah insanların günahlarını bağışlayar. Şagirdlərim bu müjdəni hər yerdə və Yerusəlimdən başlayaraq bütün millətlərə vəz edəcəklər. Siz – dediklərimin, etdiklərimin və başıma gələn hadisələrin şahidisiniz.”
|
||||
|
||||
|
||||
|
||||
Növbəti 40 gün ərzində İsa şagirdlərinə dəfələrlə göründü. Bir gün O, 500-dən çox adamdan ibarət olan izdiham qarşısında göründü! İsa şagirdlərinə sağ olduğunu daha bir neçə dəfə sübut etdi və onlara Allahın Padşahlığı haqqında öyrətdi.
|
||||
|
||||
|
||||
|
||||
İsa Öz şagirdlərinə dedi: “Allah göydə və yer üzündə bütün səlahiyyəti Mənə vermişdir. Buna görə Mən sizə deyirəm ki, gedib bütün millətləri Mənim şagirdim edin. Onları Ata, Oğul və Müqəddəs Ruh adı ilə vəftiz edin. Sizə əmr etdiyim hər şeyə riayət etməyi onlara öyrətməlisiniz. Bilin, Mən hər zaman sizinləyəm.”
|
||||
|
||||
|
||||
|
||||
İsanın ölülər arasından dirilməsindən qırx gün sonra, O Öz şagirdlərinə dedi: “Mənim Atamdan qüvvət alana qədər Yerusəlimdə qalın. O bunu sizə Müqəddəs Ruhu göndərməklə edəcəkdir.” Bundan sonra İsa göyə qalxdı və bir bulud İsanı götürüb onlardan gizlədi. İndi İsa Allahın sağında taxtda oturaraq, mövcud olan hər şey üzərində hökmranlıq edir.
|
||||
|
||||
_Müqəddəs Kitabdan hekayə. Matta 28:16-20; Mark 16:12-20; Luka 24:13-53; Yəhya 20:19-23; Həvarilərin İşləri 1:1-11_
|
||||
|
|
@ -0,0 +1,56 @@
|
|||
# 43. İmanlılar cəmiyyətinin yaranması
|
||||
|
||||
|
||||
|
||||
İsa göylərə qayıtdıqdan sonra, Onun şagirdləri O əmr etdiyi kimi Yerusəlimdə qaldılar. Onlar dua etmək üçün daim bir araya gəlirdilər.
|
||||
|
||||
|
||||
|
||||
Hər il Pasxa bayramından 50 gün sonra yəhudilər Əllinci Gün adlanan məhsul bayramını qeyd edirdilər. Bütün dünyada olan yəhudilər bayramı bir yerdə qeyd etmək üçün Yerusəlimdə yığışırdılar. İsa çarmıxa çəkilib və sonra ölülərdən dirildiyi il, Əllinci Gün bayramı Onun göylərə qayıtmasından təxminən bir həftə sonraya təsadüf etmişdi.
|
||||
|
||||
|
||||
|
||||
Əllinci gün bayramı zamanı bütün imanlılar bir yerə yığılmışdı. Birdən güclü külək uğultusu kimi göydən bir səs gəlib, onlar olduqları evin hər tərəfini bürüdü. Qəfildən onların başı üzərində alov dillərinə bənzər nə isə peyda oldu. İmanlılar hamısı Müqəddəs Ruhla doldu və Allahı müxtəlif dillərdə izzətləndirməyə başladılar. Onlar bu dilləri bilmirdilər, lakin bu dillər Müqəddəs Ruhun onlara danışmaq üçün verdiyi dillər idi.
|
||||
|
||||
|
||||
|
||||
Yerusəlimdə yaşayan insanlar bu səsləri eşidib bir yerə yığışdılar. Nə baş verdiyini hamı görmək istəyirdi. Bura yığışan adamlar müxtəlif ölkələrdən idilər və müxtəlif dillərdə danışırdılar. İsanın şagirdləri isə Qalileyadan idilər və yalnız aramey və yunan dilində danışa bilirdilər. Lakin bu gün İsanın şagirdləri müxtəlif dillərdə danışırdılar və insanlar çox təəccübləndilər, cünki izdihamda olan hər bir insan Allahın əzəmətli işləri haqqında xoş xəbəri öz doğma dilində eşidirdi.
|
||||
|
||||
|
||||
|
||||
İzdihamda olan bəzi insanlar istehza edib dedilər ki, şagirdlər şərab içiblər və sərxoşdurlar. Lakin Peter onlara ucadan dedi: “Mənə qulaq asın! Bu insanlar sərxoş deyillər! Amma sizin gördükləriniz Yoel peyğəmbərin əvvəlcədən dediyi hadisədir: “Allah dedi ki, axır zamanda bütün insanların üzərinə Öz Ruhundan bol-bol tökəcəkdir.”
|
||||
|
||||
|
||||
|
||||
Ey israillilər, qulaq asın! İsa Kim olduğunu göstərmək üçün bir çox əlamətlər və möcüzələr yaradan bir Şəxs idi. Allahın gücü ilə O, bir çox möcüzə yaratmışdır. Və sizin bundan xəbəriniz vardır, çünki bunun hamısını siz görmüsünüz. Lakin siz Onu çarmıxa çəkdiniz!
|
||||
|
||||
|
||||
|
||||
Siz İsanı öldürsəniz də, Allah Onu ölülər arasından diriltdi. Beləliklə, peyğəmbərlik yerinə yetdi və orada yazılmışdı: “Sən, Müqəddəsinin qəbirdə çürüməsinə imkan verməyəcəksən.” Biz də şahidik ki, Allah İsanı diriltdi.
|
||||
|
||||
|
||||
|
||||
Ata Allah İsaya sağında oturmaq şərəfini verdi. İsa vəd etdiyi kimi, bizə Müqəddəs Ruhu göndərdi. Hal-hazırda gördüyünüz və eşitdiyiniz hər şeyi edən Müqəddəs Ruhdur.
|
||||
|
||||
|
||||
|
||||
Siz İsa adlı bu Şəxsi çarmıxa çəkdiniz. Ancaq bilin ki,
|
||||
Allah sizin çarmıxa çəkdiyiniz bu İsanı mövcud olan hər şeyin üzərində həm Rəbb, həm də Məsih təyin etmişdir.”
|
||||
|
||||
|
||||
|
||||
Peteri dinləyənlər onun sözlərindən çox təsirləndilər. Onlar Peterdən və şagirdlərdən soruşdular: “Qardaşlar, bəs biz nə edək?”
|
||||
|
||||
|
||||
|
||||
Peter cavab verdi: “Hamınıza Allahdan günahlarınızın bağışlanması lazımdır. Beləliklə, qoy hər biriniz tövbə etsin və İsa Məsih ismi ilə vəftiz olunsun. Onda Allah sizə bəxşiş olaraq Müqəddəs Ruhu göndərəcəkdir.”
|
||||
|
||||
|
||||
|
||||
Həmin gün 3000 nəfər Peterin dediklərinə inandı. Onlar öz günahlarına görə tövbə edib vəftiz oldular və İsanın şagirdləri olub imanlılar cəmiyyətinə qoşuldular.
|
||||
|
||||
|
||||
|
||||
İmanlılar tez-tez birlikdə yığışırdılar. Onlar həmişə həvarilərin öyrətdiklərinə qulaq asırdılar, dua edirdilər və Allahı izzətləndirirdilər. Onlar birlikdə yemək yeyir və sahib olduqları hər bir şey ilə bir-biri ilə bölüşürdülər. Şəhərdə hamı onlar haqqında yaxşı fikirdə idi. Hər gün iman edənlərin sayı artırdı.
|
||||
|
||||
_Müqəddəs Kitabdan hekayə. Həvarilərin İşləri 2_
|
||||
|
|
@ -0,0 +1,39 @@
|
|||
# 44. Peter və Yəhya şikəst insana şəfa verir
|
||||
|
||||
|
||||
|
||||
Bir dəfə Peter və Yəhya Məbədə getdilər. Məbədin girişində bir şikəst insan oturub dilənirdi.
|
||||
|
||||
|
||||
|
||||
Peter şikəst insana baxdı və dedi: “Mənim sənə verməyə pulum yoxdur. Ancaq məndə olanı sənə verəcəyəm. İsanın ismi ilə, qalx və gəz!”
|
||||
|
||||
|
||||
|
||||
Həmin an Allah şikəst insana şəfa verdi. O, gəzib tullanaraq Allahı izzətləndirməyə başladı. Məbədin həyətində olan insanlar çox təəccübləndilər.
|
||||
|
||||
|
||||
|
||||
Sağalmış insanı görmək üçün tezliklə bir izdiham yığıldı. Peter dedi: “Bu insanın sağlam olmağına təəccüblənməyin! Biz bunu öz gücümüzlə, ya da salehliyimizlə etməmişik. İsa Özü onu Öz qüdrəti ilə sağaltmışdır, çünki biz Ona inanırıq.
|
||||
|
||||
|
||||
|
||||
Roma hökmdarından İsanı öldürməyi siz tələb etdiniz. Hamıya həyat verəni siz öldürdünüz. Lakin Allah Onu ölülərdən diriltdi. Siz nə etdiyinizi başa düşmürdünüz, lakin siz bütün bunları edəndə peyğəmbərlərin dedikləri yerinə yetirdi. Onlar isə deyirdilər ki, Məsih əzablardan keçəcəkdir və Onu öldürəcəklər. Allahın izni ilə bütün bunlar baş verdi. Beləliklə, tövbə edin və Allaha üz tutun ki, O sizin günahlarınızı yusun.”
|
||||
|
||||
|
||||
|
||||
Kahinlər və məbəd mühafizəçilərinin başçıları Peterlə Yəhyanın sözlərini eşidəndə qəzəbləndilər. Onlar həvariləri tutub zindana atdılar. Lakin çox adam Peterin dediklərinə inandı və həmin gün İsaya iman edənlərin sayı 5000-ə qədər çatdı.
|
||||
|
||||
|
||||
|
||||
Ertəsi gün baş kahinlər, ilahiyyatçılar və ağsaqqallar toplandı. Peterlə Yəhyanı, eləcə də həmin şikəst adamı onların yanına gətirdilər. Onlar Peter və Yəhyadan soruşdular: “Bu şikəst adama hansı qüdrət ilə şəfa verdiniz?”
|
||||
|
||||
|
||||
|
||||
Peter onlara dedi: “Qarşınızda duran bu adam İsa Məsihin qüdrəti ilə şəfa aldı. Siz İsanı çarmıxa çəkdiniz, lakin Allah Onu diriltdi! Siz Ondan imtina etdiniz, amma xilas yalnız İsadadır, başqa yol yoxdur!”
|
||||
|
||||
|
||||
|
||||
Orada olan hər kəs Peterin və Yəhyanın inamla danışdıqlarından heyrətlənirdilər. Onlar qarşılarında duran Peter və Yəhyanın sadə, savadsız insan olduqlarını görürdülər. Sonra isə onları İsa ilə birgə gördüklərini yada saldılar. Onda kahinlər və ağsaqqallar Peterlə Yəhyaya dedilər: “Siz İsa adlı İnsan haqqında vəz etməyə davam etsəniz, sizi cəzalandıracağıq”. Belə hədələrlə onlar Peterlə Yəhyanı azadlığa buraxdılar.
|
||||
|
||||
_Müqəddəs Kitabdan hekayə. Həvarilərin İşləri 3:1-4:22_
|
||||
|
|
@ -0,0 +1,55 @@
|
|||
# 45. Stefan və Filip
|
||||
|
||||
|
||||
|
||||
İmanlılar cəmiyyəti böyüyürdü və həvarilər cəmiyyəti idarə etmək üçün özlərinə köməkçilər seçmişdilər. Onlardan biri hamının hörmət etdiyi Stefan adlı bir adam idi. O, Müqəddəs Ruhun qüdrəti və müdrikliyi ilə dolu idi və çoxlu möcüzələr edirdi. Bir çoxları Stefanın vəzlərindən sonra İsanın şagirdi olurdu.
|
||||
|
||||
|
||||
|
||||
Bir dəfə Stefan İsa haqqında öyrədərkən, digər vilayətlərdən olan yəhudilər onunla mübahisə etdilər, lakin onun müdrikliyinə qarşı dura bilmədilər. O zaman onlar şaiyələr yaymağa başladılar ki, guya Stefan Musa və Allaha qarşı təhqiredici sözlər demişdir. Bu şaiyələr rəhbərləri və qanunşünasları qəzəbləndirdi. Onlar Stefanı tutaraq başçı kahinin yanına gətirdilər. Bura eləcə də yalançı şahidlər də gəlib, Stefan haqqında yalan danışırdılar.
|
||||
|
||||
|
||||
|
||||
Başçı kahin Stefandan soruşdu: “Bu insanların sənin haqqında dedikləri həqiqətdir?” Stefan İbrahimdən başlamış İsaya qədər olan müddət ərzində, Allahın İsrail xalqı üçün etdiyi möcüzələri haqqında danışmaqla ətraflı cavab verdi. Lakin insanlar Allahı dinləmək istəmirdilər və Onun iradəsinə qarşı hərəkət edirdilər. Stefan dedi: “Siz inadkar və Allaha itaət etməyən insanlarsınız! Sizin əcdadlarınız Allahı inkar edib Onun peyğəmbərlərini öldürdükləri kimi, siz də Müqəddəs Ruhu inkar edirsiniz! Lakin siz daha da pis etdiniz! Siz Məsihi öldürdünüz!”
|
||||
|
||||
|
||||
|
||||
Orada olan insanlar bunları eşidib çox bərk qəzəbləndilər, qulaqlarını tutub haray qopardılar və Stefanın üstünə hücum etdilər. Onu tutub şəhərdən kənara çıxartdılar və daş-qalaq edib öldürdülər.
|
||||
|
||||
|
||||
|
||||
Stefan daş-qalaq edilən vaxt deyirdi: “Rəbb İsa, ruhumu qəbul et!” Sonra diz çöküb ucadan nida etdi: “Ya Rəbb, bunu onlara günah sayma!” Bu sözlərdən sonra o, gözlərini bu dünyaya yumdu.
|
||||
|
||||
|
||||
|
||||
Həmin günlərdə Yerusəlimdə olan çox adam İsanın şagirdlərini təqib etməyə başladı. Buna görə imanlılar Yəhudeya və Samariyanın hər tərəfinə qaçdılar. Lakin təqiblərə baxmayaraq, onlar hara getsələr, İsa haqqında təbliğ edirdilər.
|
||||
|
||||
|
||||
|
||||
Həvarilərin köməkçilərindən biri də Filip adlı bir adam idi. O, digər şagirdlərin çoxu kimi Yerusəlimdən qaçdı. Filip Samariyaya getdi və orada İsa haqqında vəz edirdi. Çox adam ona inandı və xilas oldu. Bir gün Allahın mələyi Filipin yanına gəldi və ona müəyyən bir yolla səhraya getməyi tapşırdı. Filip belə də etdi. O, səhraya getdi və yolda arabada gedən bir adam gördü. Həmin adam Həbəşdən olan mühüm bir məmur idi. Müqəddəs Ruh Filipə dedi ki, o adama yaxınlaşıb onunla danışsın.
|
||||
|
||||
|
||||
|
||||
Filip arabaya yaxınlaşdı və həbəşlinin Allahın Kəlamını oxuduğunu eşitdi. Bu, Yeşaya peyğəmbərin kitabından olan sözlər idi: “Onu quzu kimi kəsməyə apardılar. Quzu susduğu kimi O da bir söz demədi. Onu alçaltdılar, haqsız yerə məhkum etdilər və canını Ondan aldılar.”
|
||||
|
||||
|
||||
|
||||
Filip həbəşlidən soruşdu: “Nə oxuduğunu başa düşürsən?” Həbəşli ona belə cavab verdi: “Xeyr. Kimsə mənə izah etməsə, başa düşə bilməyəcəyəm. Zəhmət olmasa, qalx və yanımda otur. Yeşaya kimdən bəhs edir, özündən, yoxsa başqasından?”
|
||||
|
||||
|
||||
|
||||
Filip arabaya minib həbəşliyə izah etdi ki, Yeşaya bu peyğəmbərliyi İsa haqqında yazır. Filip həm də Allahın Kəlamındakı bir çox başqa ayələrdən danışaraq, həmin insana İsa haqqında Xoş Xəbəri çatdırdı.
|
||||
|
||||
|
||||
|
||||
Həmin vaxt Filip və həbəşli suyun yanından keçirdilər. Həbəşli soruşdu: “Bax, budur su. Mən burada vəftiz ola bilərəm?” Filip ona cavab verdi: “Əgər bütün qəlbinlə iman edirsənsə, ola bilərsən. Həbəşli cavabında dedi: “Bəli, mən iman edirəm ki, İsa Allahın Oğludur.” Bundan sonra o, arabanın dayanmasını əmr etdi.
|
||||
|
||||
|
||||
|
||||
Onlar suya girdilər və Filip həbəşlini vəftiz etdi. Onlar sudan çıxandan sonra Müqəddəs Ruh, birdən Filipi göturüb başqa yerə apardı. Orada Filip İsa haqqında insanlara vəz etməyə davam etdi.
|
||||
|
||||
|
||||
|
||||
Həbəşli yoluna davam etdi. O, İsaya iman etdiyinə görə çox xoşbəxt idi.
|
||||
|
||||
_Müqəddəs Kitabdan hekayə. Həvarilərin İşləri 6:8-8:5; 8:26-40_
|
||||
|
|
@ -0,0 +1,43 @@
|
|||
# 46. Paul İsanın şagirdi olur
|
||||
|
||||
|
||||
|
||||
Həmin dövrdə Şaul adlı bir insan yaşayırdı. O, İsanın təliminə qarşı idi. Şaul Stefanın daşqalaq olunduğu vaxt da orada idi və onu öldürən insanların geyimlərini qoruyurdu. Daha sonra Şaul imanlıları təqib etməyə başladı. O, Yerusəlimdə evdən-evə gəzir, kişi və qadınları tutaraq zindana atırdı. Bir dəfə Şaul başçı kahinin yanına gəlib ondan Dəməşqdə olan sinaqoqlara ünvanlanmış məktublar istədi ki, orada olan İsanın ardıcıllarını həbs edib, Yerusəlimə göndərmək hüququ olsun.
|
||||
|
||||
|
||||
|
||||
Belə məktublar alıb Şaul Dəməşqə yola düşdü. O, şəhərə yaxınlaşdıqda, səmadan gələn parlaq nur ətrafı işıqlandırdı və Şaul yerə yıxıldı. O, Kiminsə onunla danışdığını eşitdi: “Şaul! Şaul! Nə üçün Məni təqib edirsən?” Şaul soruşdu: “Ey Ağam, Sən kimsən?” Səs cavab verdi: “Mən sənin təqib etdiyin İsayam!”
|
||||
|
||||
|
||||
|
||||
Şaul yerdən qalxdı, amma heç nə görə bilmirdi. Şaulla birlikdə yola çıxanlar onu Dəməşqə apardılar. Üç gün ərzində o nə yedi, nə də içdi.
|
||||
|
||||
|
||||
|
||||
Dəməşqdə Xananya adlı bir şagird yaşayırdı. Allah ona dedi: “Şaul qaldığı evə get. Əllərini onun üzərinə qoy ki, o, yenidən görə bilsin.” Xananya dedi: “Ya Rəbb! Bu insanın imanlıları təqib etməyindən çox eşitmişəm.” Allah ona cavab verdi: “Get! Mən onu seçmişəm ki, yəhudilərə və başqa xalqlardan olan insanlara Mənim haqqımda danışsın. O, Mənim uğrumda çoxlu əzablardan keçməli olacaqdır.”
|
||||
|
||||
|
||||
|
||||
Xananya Şaulun yanına getdi, əllərini onun üzərinə qoydu və dedi: “Bura gələrkən yolda sənə görünən İsa məni bura göndərdi ki, sən yenidən görə biləsən və Müqəddəs Ruhla dolasan.” Həmin an Şaul görməyə başladı və Xananya onu vəftiz etdi. Sonra Şaul bir az yemək yedi və taqətə gəldi.
|
||||
|
||||
|
||||
|
||||
Şaul bir neçə gün Dəməşqdə İsanın şagirdləri ilə qaldı və sinaqoqlarda yəhudilərə vəz etdi. O deyirdi: “İsa – Allahın Oğludur!” Yəhudilər çox təəccübləndilər, çünki Şaul əvvəl şagirdləri təqib edirdi, indi isə o özü də İsaya inanmağa başladı! Şaul yəhudilərlə mübahisə edərək onlara İsanın Məsih olduğunu sübut edirdi.
|
||||
|
||||
|
||||
|
||||
Aradan xeyli gün keçdi. Yəhudilər Şaulu öldürmək qərarına gəldilər və sui-qəsd hazırladılar. Onu öldürmək üçün adamları şəhər darvazalarının qarşısında gözləməyə göndərdilər. Amma onların bu qəsdi haqqında xəbər Şaula çatdı və dostları ona qaçmağa kömək etdilər. Gecə onu götürüb bir səbətin içinə qoyaraq şəhər divarlarından aşağı endirdilər. Şaul Dəməşqdən qaçdıqdan sonra İsa haqqında təbliğ etməyə davam etdi.
|
||||
|
||||
|
||||
|
||||
Şaul həvarilərlə görüşmək üçün Yerusəlimə getdi, lakin hamı ondan qorxurdu və onun İsanın davamçısı olduğuna inanmırdılar. Onda Barnaba adlı bir imanlı Şaulu həvarilərin yanına gətirdi. O, Şaulun Dəməşqdə İsanın adını necə cəsarətlə bəyan etdiyini onlara danışdı. Bundan sonra həvarilər Şaulu qəbul etdilər.
|
||||
|
||||
|
||||
|
||||
Yerusəlimdəki təqiblərdən qaçmış bəzi imanlılar uzaq Antakya şəhərinə yollandılar və orada İsa haqqında vəz edirdilər. Antakyada yaşayan əhalinin çoxu yəhudi deyildi, amma İsanın şagirdlərinin vəzlərini eşitdikdən sonra imanlı oldular. Onlar İsanın Allahın Oğlu olduğuna inanan, ilk yəhudi olmayan insanlar idi. Barnaba ilə Şaul yeni şagirdlərə İsa haqqında daha da çox danışmaq və imanlı cəmiyyətinin ruhani böyüməsi üçün Antakyaya yollandılar. İsaya iman edənlər ilk dəfə olaraq məhz Antakyada “məsihçi” adlandırıldılar.
|
||||
|
||||
|
||||
|
||||
Bir dəfə İsanın şagirdləri Antakyada oruc tutub dua edərkən, Müqəddəs Ruh onlara dedi: Barnaba ilə Şaulu Mənim üçün ayırın ki, onlar üçün təyin etdiyim işləri görsünlər. Antakyada olan imanlılar əllərini Barnaba və Şaulun üzərinə qoyub, onlar üçün dua etdilər. Bundan sonra Barnaba ilə Şaul Antakyadan çıxıb getdilər. Onlar başqa millətlərə vəz edirdilər və onlardan çoxları İsaya iman etdi.
|
||||
|
||||
_Müqəddəs Kitabdan hekayə. Həvarilərin İşləri 8:3; 9:1-31; 11:19-26; 13:1-3_
|
||||
|
|
@ -0,0 +1,60 @@
|
|||
# 47. Paul və Sila Filipidə
|
||||
|
||||
|
||||
|
||||
Şaul Roma imperiyasında səyahət edib Məsih haqqında vəz etdiyi zaman, onu roma adı ilə “Paul” olaraq çağırmağa başladılar. Bir dəfə Paul və onun dostu Sila İsa Məsih haqqında vəz etmək üçün Filipiyə yollandılar. Onlar şəhərdən kənara, imanlıların dua etmək üçün yığışdığı çay sahilinə getdilər. Toplananlar arasında bahalı parçaların ticarəti ilə məşğul olan Lidiya adlı bir qadın var idi. Lidiya Allahı sevir və Ona itaət edirdi.
|
||||
|
||||
|
||||
|
||||
Allah Lidiyanın ürəyini Paulun vəzlərini anlamaq üçün hazırladı və o, İsaya iman etdi. Paul və Sila Lidiyanı və onun ailəsini vəftiz etdilər. Bundan sonra o, həvariləri öz evinə dəvət etdi və orada qalmalarına təklif elədi. Onlar razılıq verdilər.
|
||||
|
||||
|
||||
|
||||
Paul və Sila tez-tez dua yerində imanlılarla görüşürdülər. Bir dəfə onlar həmin yerə getdikləri zaman qarşılarına baxıcılıq etməyi bacaran, şər ruha tutulmuş bir kəniz çıxdı. Kəniz falçılıq edərək, öz ağaları üçün külli miqdarda pul qazanırdı.
|
||||
|
||||
|
||||
|
||||
Hər gün bu kəniz Paul və Silanın arxasınca düşərək qışqırırdı: “Bu insanlar Allah-Taalanın qullarıdır. Onlar sizə xilas yolunu göstərirlər!” O bunu günbəgün təkrar edirdi və Paul bundan bezdi.
|
||||
|
||||
|
||||
|
||||
Günlərin biri, həmin kəniz yenə qışqırmağa başlayanda, Paul ona tərəf dönüb ondakı şər ruha dedi: “İsa Məsihin ismi ilə sənə əmr edirəm, o qızdan çıx!” Ruh dərhal qızdan çıxdı.
|
||||
|
||||
|
||||
|
||||
Kənizin ağaları bərk qəzəbləndilər. Onlar başa düşdülər ki, bu şər ruh olmadan onların kənizi daha falçılıq edə bilməyəcəkdir. Bu isə o demək idi ki, onlar qazanclarını itirəcəklər.
|
||||
|
||||
|
||||
|
||||
Kənizin ağaları Paulla Silanı Roma hökmdarlarının yanına gətirdilər və şəhərdə qarışıqlıq salmaqlarında ittiham etdilər. Bu ittihamlara çoxlu insanlar da qoşuldular. Hakimlər həvariləri dəyənəklə döyüb, sonra zindana atmağı əmr etdilər.
|
||||
|
||||
|
||||
|
||||
Paul və Silanı zindanın ən çox mühafizəçilər olduğu hissəyə yerləşdirdilər və onların ayaqlarını kündəyə saldılar. Gecə yarısına yaxın Paul və Sila Allaha həmd edərək ilahilər oxumağa başladılar.
|
||||
|
||||
|
||||
|
||||
Birdən güclü zəlzələ oldu. Zindanın bütün qapıları
|
||||
açıldı və məhbusların üzərindən zəncirlər töküldü.
|
||||
|
||||
|
||||
|
||||
Mühafizəçi oyanıb zindanın qapılarını açıq gördü. Elə bildi ki, məhbusların hamısı qaçıb. Məhbusların qaçdığına görə edam olunacağından qorxaraq canına qəsd etmək istədi. Paul bunu görəndə bərkdən qışqırıb dedi: “Dayan! Canına qıyma, hamımız buradayıq!”
|
||||
|
||||
|
||||
|
||||
Mühafizəçi qorxudan titrəyə-titrəyə Paul və Silaya yaxınlaşdı və onları zindandan çıxardı. Sonra o sual verdi: “Mən xilas olmaq üçün nə etməliyəm?“ Paul cavab verdi: “Rəbb İsaya iman et, sən də, ev əhlin də xilas olarsınız.” Mühafizəçi Paul və Silanı evinə aparıb onların yaralarını yudu. Orada Paul bütün ev əhlinə İsa haqqında danışdı.
|
||||
|
||||
|
||||
|
||||
Mühafizəçi ailəsi ilə birgə İsaya iman etdi və Paul onları vəftiz etdi. Bundan sonra mühafizəçi Paulla Sila üçün süfrə açıb onları yedizdirdi, ev əhli Allaha iman etdiklərinə görə şad idilər. Paulla Sila isə zindana qayıtdılar.
|
||||
|
||||
|
||||
|
||||
Ertəsi gün hakimlər Paulun Roma vətəndaşı olduğunu bildilər, Paul və Silanın zindandan azad olunmasına əmr verdilər və onların Filipidən çıxıb getməsini xahiş etdilər. Paulla Sila Lidiya və başqa dostları ilə görüşdülər və bundan sonra şəhərdən çıxıb getdilər. İsa haqqında təlim yayılırdı və imanlılar cəmiyyəti böyüyürdü.
|
||||
|
||||
|
||||
|
||||
Paul və imanlılar cəmiyyətinin başqa rəhbərləri bir çox şəhərləri gəzir və orada İsa haqqında vəz edərək insanları öyrədirdilər. Onlar imanlıların təlimi və təşviqi üçün müxtəlif imanlı cəmiyyətlərinə çoxlu məktub yazdılar. Bu məktublardan bəziləri Müqəddəs Kitabın yazıları oldu.
|
||||
|
||||
_Müqəddəs Kitabdan hekayə. Həvarilərin İşləri 16:11-40_
|
||||
|
|
@ -0,0 +1,59 @@
|
|||
# 48. İsa – vəd edilmiş Məsihdir
|
||||
|
||||
|
||||
|
||||
Allah dünyanı yaratdıqda hər şey kamil idi. Günah mövcud deyildi. Adəm və Həvva Allahı və bir-birini sevirdilər. Dünyada xəstəliklər və ölüm yox idi. Allah dünyanın məhz belə olmasını düşünürdü.
|
||||
|
||||
|
||||
|
||||
Lakin iblis ilan vasitəsilə danışaraq Həvvanı aldadır və Adəmlə Həvva Allaha qarşı günah işlədirlər. Onlar günah işlətdikləri üçün dünyaya ölüm gəldi və indi hər bir insanın həyatı ölümlə bitir.
|
||||
|
||||
|
||||
|
||||
Bu günaha görə Adəm və Həvva Allahın iradəsinə itaətsizlik edən Allah düşməninə çevrildilər. Həmin andan Adəm və Həvvanın nəslindən olan hər kəs günahkar olaraq dünyaya gəlir. O, Allaha və Onun iradəsinə qarşı itaətsizlik edir. Allah və insanlar arasında sülh pozulmuşdur. Lakin Allah hər zaman Onunla insanlar arasında əvvəldə olan münasibətləri qaytarmaq istəyirdi.
|
||||
|
||||
|
||||
|
||||
Allah vəd etmişdi ki, Həvvanın nəslindən olan Biri iblisin başını əzəcəkdir, iblis isə Onu dabanından çalacaqdır. Bu o demək idi ki, iblis Məsihi öldürəcəkdir, lakin Allah Onu yenə də həyata qaytaracaqdır. Məsih iblisin hakimiyyətini əbədi olaraq dağıdacaqdır. Uzun illərdən sonra Allah bəşəriyyətə vəd edilmiş Məsihi göndərir. Bu Məsih İsa idi.
|
||||
|
||||
|
||||
|
||||
İsanın doğulmasından çox əvvəl, Allah Nuha bir gəmi qurmağı əmr etdi. Çünki Allah istəyirdi ki, Onun Yer üzünə göndərəcəyi daşqından Nuhun ailəsi xilas olsun. Allah günahkar insanları daşqının sularında məhv etməklə cəzalandırmaq istəyirdi. Nuh Allaha inandı və gəmini qurdu. Yalnız Nuh və onun ailəsi xilas oldular. Eləcə də bu günlərdə, hər bir insan ölümə layiqdir, çünki o, günahkardır və Allahın düşmənidir. Lakin Allah İsanı göndərdi ki, Ona inanan hər kəsi xilas etsin.
|
||||
|
||||
|
||||
|
||||
Yüz illərlə kahinlər günahlardan təmizlənmək üçün Allaha qurbanlar gətirirdilər. Qurbanlar gətirmək insanlara onların günah etmələrini və Allahın cəzasına layiq olduqlarını dərk etməyə kömək edirdi. Lakin qurbanlar insanları günahdan birdəfəlik azad edə bilmirdi. Kahinlərin edə bilmədiklərini İsa etdi. O öz həyatını qurban verdi və hər bir insanın günahını tamamilə məhv etməyə qadir olan yeganə qurban oldu. Bizim öz günahlarımıza görə alacağımız cəzanı, İsa öz üzərinə götürdü. Buna görə İsa – qüdrətli Baş Kahindir.
|
||||
|
||||
|
||||
|
||||
İbrahim Yer üzündə yaşadığı zaman Allah ona demişdi: “Sənin vasitən ilə Yer üzündə olan bütün xalqlara xeyir-dua verəcəyəm.” İsa İbrahimin nəslindən idi. Bu gün də Allah İbrahimin vasitəsilə İsaya iman edən bütün xalqlardan olan insanlara xeyir-dua verir. Allah onları günah cəzasından azad edir və onları İbrahimin ruhani nəsli hesab etməyə başlayır.
|
||||
|
||||
|
||||
|
||||
Bir gün Allah İbrahimə oğlu İshaqı qurban verməyi əmr etdi. Lakin İbrahimin itaətini görən Allah ona İshaqın yerinə qurbanlıq üçün bir qoç göndərdi. Biz hamımız günah etdiyimizə görə ölümə layiqik, lakin Allah İsanı bizim yerimizə ölmək üçün qurban verdi. Buna görə də biz İsanı Allahın Quzusu adlandırırıq.
|
||||
|
||||
|
||||
|
||||
Allah Misirə son cəzanı göndərəndə, hər bir israilli ailəyə bir quzu kəsməyi əmr etdi. Bu, israillilərə Misirə görə cəzadan – hər bir ailənin böyük oğlunun ölümündən qurtarmağa kömək etdi. Qurbanlıq quzunun heç bir qüsuru olmamalı idi. Yəhudilər qapı dirəklərinə quzunun qanını vurmalı idilər. Allah bu qanı görüb yan keçirdi və bu evə cəza gəlmirdi. Allah bu hadisəni Pasxa adlandırdı.
|
||||
|
||||
|
||||
|
||||
İsa heç vaxt günah etmədi və heç bir şeydə günahkar olmadı. O, Pasxa bayramında öldürülmüş Pasxa Quzusuna bənzəyir. İnsan İsaya iman etməyə başlayanda öz günahlarından İsanın Qanı bahasına qurtulur və Allah onu cəzalandırmır. Sanki Allah bu adamın cəzasını ondan yan keçirir.
|
||||
|
||||
|
||||
|
||||
Allah israillilərlə əhd bağladı, çünki Allah bu xalqı Özü üçün seçmişdir. Amma Allah Yeni Əhdi bütün xalqlar üçün bağladı. İndi hər kəs Allahla Yeni Əhd bağlayıb Allahın xalqı ola bilər. Bu, İsaya iman etməyin sayəsində baş verir.
|
||||
|
||||
|
||||
|
||||
Musa Allahın Kəlamını böyük hökmranlıq ilə vəz edən əzəmətli peyğəmbər idi. Amma İsa – bütün peyğəmbərlərdən ən əzəmətlisi idi. O – Allahdır, buna görə də Onun bütün dedikləri və gördükləri işlər Allahın işləri və sözləridir. Məhz buna görə Müqəddəs Kəlamda İsa Allahın Kəlamı adlandırılmışdır.
|
||||
|
||||
|
||||
|
||||
Allah Davuda söz vermişdi ki, onun nəslindən bir Şəxs Allahın xalqı üzərində əbədi hökmranlıq edəcək. İsa Davudun nəslindən olan həmin Şəxsdir. O, əbədi hökmranlıq edəcəkdir Allahın Oğlu və Məsihdir.
|
||||
|
||||
|
||||
|
||||
Davud İsrailin padşahı idi, İsa isə bütün Kainatın Padşahıdır! O yenə gələcəkdir və Öz Padşahlığında sülh və ədalətlə əbədi hökmranlıq edəcəkdir.
|
||||
|
||||
_Müqəddəs Kitabdan hekayə. Yaradılış 1-3; 6; 15; 22; Çıxış 12; 20; İkinci Şamuel 7; İbranilərə 3:1-6; 4:14-5:10; 7:1-8:13; 9:11-10:18; Vəhy 21_
|
||||
|
|
@ -0,0 +1,75 @@
|
|||
# 49. Allahın yeni Əhdi
|
||||
|
||||
|
||||
|
||||
İsanın doğulmasından əvvəl mələk Məryəm adlı bir qızın yanına gələrək, onun Allah Oğlunu dünyaya gətirəcəyini dedi. Məryəm bakirə idi, lakin Müqəddəs Ruh onun üzərinə endi və o, hamilə qaldı. Məryəm bir Oğul doğdu və adını İsa qoydu. Buna görə, İsa həm Allah, həm də İnsandır.
|
||||
|
||||
|
||||
|
||||
İsa Onun Allah olduğunu göstərən bir çox möcüzələr etmişdi. O, suyun üzərində gəzir və fırtınaları sakitləşdirirdi. O, xəstələrə şəfa verirdi və şər ruhları qovurdu. İsa ölüləri dirildirdi və beş çörək və iki kiçik balıqla 5000-dən çox adamı yedirdə bilirdi.
|
||||
|
||||
|
||||
|
||||
İsa dahi Müəllim idi. Onun bütün təlimi Həqiqət idi. Buna görə biz İsanın əmr etdiklərinə riayət etməliyik, çünki O, Allahın Oğludur. İsanın əsas təlimlərindən biri başqalarını özümüz kimi sevmək idi.
|
||||
|
||||
|
||||
|
||||
O, eləcə də öyrədirdi ki, Allahı hər şeydən çox, hətta malik olduqlarından da çox sevməyimiz vacıbdir.
|
||||
|
||||
|
||||
|
||||
İsa demişdir ki, bütün dünyanın var-dövlətinə malik olmaqdansa, Allahın Padşahlığına daxil olmaq daha yaxşıdır. Onun Padşahlığına daxil olmağın üçün, Allah səni etdiyin günahların nəticəsi olan cəzadan xilas etməlidir.
|
||||
|
||||
|
||||
|
||||
İsa dedi ki, Onu qəbul edən insanlar olacaqdır və Allah onları xilas edəcəkdir. Lakin elə insanlar da olacaqdır ki, Onu qəbul etməyəcəklər. İsa dedi ki, bəzi insanlar münbit torpaq kimidirlər. Allahın Kəlamı toxum kimi bu torpağa düşür və cücərir. Belə insanlar İsanı qəbul edir və Allah onları xilas edir. Lakin digər insanlar yol qırağında olan daş-kəsəkli torpağa bənzəyir. Allahın Kəlamı toxum kimi bu torpağa düşür, lakin cücərmir. Belə insanlar İsanı inkar edirlər. Onlar Onun Səltənətinə girməkdən imtina edirlər.
|
||||
|
||||
|
||||
|
||||
İsa öyrədirdi ki, Allah bütün insanları, hətta günahkarları da çox sevir. O, hamını bağışlamaq və Öz övladları kimi qəbul etmək istəyir.
|
||||
|
||||
|
||||
|
||||
Adəm və Həvva günah işlədəndən sonra, onların bütün nəsilləri günahkar doğulur. Bütün insanlar günah edir və Allahdan uzaq olur. Hər bir insan doğulan gündən Allaha və Onun iradəsinə qarşı çıxır.
|
||||
|
||||
|
||||
|
||||
Lakin Allah insanları elə sevdi ki, Öz yeganə Oğlunu qurban verdi. İsaya iman edənləri Allah cəzalandırmayacaqdır və bütün imanlılar Onunla əbədi yaşayacaqdır.
|
||||
|
||||
|
||||
|
||||
Sən ölümə layiqsən, çünki sən günahkarsan. Allah üçün səni cəzalandırmaq düzgün olardı. Lakin sənin günahlarına görə sənin əvəzinə İsa cəza çəkmişdir. Allah sənin cəzanı, İsanı çarmıxa çəkəndə Onun üzərinə qoydu.
|
||||
|
||||
|
||||
|
||||
İsa heç vaxt günah etməmişdir. Lakin O, çarmıxda dəhşətli ölümü ilə günahın cəzasını çəkdi. İsa sənin günahlarını və bu dünyada hər bir insanın günahlarını götürmək üçün kamil qurban oldu. İsa Özünü günahlara görə qurban etdi və buna görə də Allah İsaya iman edən hər kəsin ən ağır günahını belə bağışlayacaqdır.
|
||||
|
||||
|
||||
|
||||
Hətta çoxsaylı yaxşı əməllər belə səni günahın cəzasından xilas edə bilməz. Allahla barışmaq və Onun dostu olmaq üçün təkbaşına heç nə edə bilməzsən. Amma sən İsanın Allahın Oğlu olduğuna, sənin əvəzinə çarmıxda öldüyünə və Allahın Onu yenidən həyata qaytardığına inanmalısan. Əgər buna inansan, Allah bütün günahlarını bağışlayar.
|
||||
|
||||
|
||||
|
||||
Allah İsaya iman edən və Onu öz Rəbbi kimi qəbul edən hər kəsi xilas edəcəkdir. Lakin Allah Ona iman gətirməyənləri xilas etməyəcəkdir. Sənin varlı və ya kasıb, kişi və ya qadın, yaşlı və ya gənc olmağından, yaşadığın yerdən asılı olmayaraq Allah səni sevir və O istəyir ki, sən İsaya iman gətirəsən və O sənin Dostun olsun.
|
||||
|
||||
|
||||
|
||||
İsa səni Ona iman etməyə və vəftiz olunmağa çağırır. İsanın Məsih və Allahın vahid Oğlu olduğuna inanırsanmı? Sən günahkar olduğuna və günahlarına görə Allahın cəzasına layiq olduğuna inanırsanmı? İnanırsanmı ki, İsa sənin günahlarını üzərinə götürmək üçün çarmıxa çəkilmişdir?
|
||||
|
||||
|
||||
|
||||
Əgər sən İsaya iman etsən, Onun sənin üçün etdikləri barədə danışıb açıq şəkildə etiraf etsən, onda sən İsanın davamçısı olacaqsan. İblis bir daha səni idarə edə bilməyəcəkdir və şər səltənətinin sənin üzərində hökmranlığı olmayacaqdır. Allah Öz salehlik səltənətindən sənə yol göstərəcəkdir. Allah sənə həyatda günaha qarşı durmağa güc verəcəkdir. Allah sənin həyat tərzini dəyişdirib yeniləşdirəcəkdir.
|
||||
|
||||
|
||||
|
||||
Əgər sən İsaya iman etdinsə, deməli, Allah sənin bütün günahlarını İsanı qurban gətirməklə bağışladı. İndi Allah səni Özünə düşmən deyil, yaxın dost sayır.
|
||||
|
||||
|
||||
|
||||
Əgər sən indi Allahın dostusansa və İsa sənin Rəbbin, sən isə Onun qulusansa, onda sən İsanın sənə öyrətdiklərini yerinə yetirmək istəyəcəksən. Amma sən İsaya iman etsən belə, iblis səni günah etməyə vadar edəcəkdir. İblis səni sövq edəcəkdir ki, İsaya sadiq şagird olmayasan. Ancaq Allah həmişə vədinə əməl edir. O söz vermişdi ki, əgər sən öz günahlarını etiraf edib onları Allaha söyləsən, onda O səni bağışlayıb günaha qarşı durmağına güc verəcəkdir.
|
||||
|
||||
|
||||
|
||||
Allah istəyir ki, sən Allahın Kəlamını oxuyasan və dua edəsən. O həmçinin istəyir ki, sən İsanın davamçıları ilə birgə ona ibadət edəsən. Eləcə də sən başqa insanlara Allahın sənin üçün nə etdiyini danışmalısan. Əgər sən Allahın bütün dediklərini yerinə yetirsən, onda sənin Allahla dostluğun daha da möhkəmlənəcəkdir.
|
||||
|
||||
_Müqəddəs Kitabdan hekayə. Romalılara 3:21-26; 5:1-11; Yəhya 3:16; Mark 16:16; Kolosselilərə 1:13-14; 2 Korinflilərə 5:17-21; 1Yəhya 1:5-10_
|
||||
|
|
@ -0,0 +1,71 @@
|
|||
# 50. İsa qayıdacaqdır
|
||||
|
||||
|
||||
|
||||
Təxminən 2000 il ərzində daha çox insan İsa Məsih haqqında Xoş Xəbəri eşidir və İmanlılar Cəmiyyəti böyüməyə davam edir. İsa vəd etmişdi ki, bu dünyanın sonu çatmazdan əvvəl O, qayıdacaqdır. İsa hələ qayıtmasa da, O mütləq Öz vədinə sadiq qalacaqdır və yenə gələcəkdir.
|
||||
|
||||
|
||||
|
||||
Biz İsanın yenidən gəlişini gözləyənə qədər Allah istəyir ki, biz müqəddəs yaşayaq və Ona ehtiram edək. O, eləcə də istəyir ki, Onun Padşahlığı haqqında digər insanlara da danışaq. İsa dünyada yaşayarkən belə demişdi: “Mənim şagirdlərim Allahın Padşahlığı haqqında Xoş Xəbəri dünyada olan bütün insanlara danışacaqdır və bundan sonra dünyanın sonu gələcəkdir.”
|
||||
|
||||
|
||||
|
||||
Bir çox xalqlar hələ də İsa haqqında eşitməyiblər, buna görə İsa səmalara qayıtmazdan əvvəl Öz şagirdlərinə Xoş Xəbəri heç vaxt eşitməyən insanlarla bölüşməyi əmr etdi. O dedi: “Gedin və bütün millətləri Mənim şagirdim edin!” Eləcə də O demişdi: “Tarlalarda məhsul yetişmişdir. Məhsul çoxdur, işçilər isə azdır. Buna görə də Allaha yalvarın ki, Öz məhsulunu yığmaq üçün işçilər göndərsin.” Bu o deməkdir ki, Xoş Xəbərlə bölüşən şagirdlərin sayı çox olmalıdır.
|
||||
|
||||
|
||||
|
||||
Eləcə də İsa demişdir: “Qul ağasından üstün deyildir. Bu dünya Mənə nifrət edir. İnsanlar Mənə görə sizə də nifrət edəcəklər, sizə əzab verib öldürəcəklər. Bu dünyada əziyyət çəksəniz belə, güclü olun, çünki Mən bu dünyanı idarə edən iblisə qalib gəldim! Əgər sona qədər Mənə sadiq qalsanız, Allah sizi xilas edəcəkdir!”
|
||||
|
||||
|
||||
|
||||
İsa Öz şagirdlərinə dünyanın sonu gələndə insanları nə gözlədiyini izah edərək bir hekayə danışdı. O dedi: “Bir adam öz tarlasında yaxşı toxumlar əkdi. O yatan vaxt düşmən gəlib buğdanın arasına dəlicə səpdi və qaçıb gizləndi.
|
||||
|
||||
|
||||
|
||||
Bitkilər cücərəndə həmin adamın nökərləri ondan soruşdular: “Ağa, sənin bu tarlanda yaxşı toxumlar əkilmişdi. Bəs bu dəlicə hardandır?” Ev sahibi cavab verdi: “Bunu mənim düşmənlərımdən biri etmişdir.”
|
||||
|
||||
|
||||
|
||||
İşçilər sahiblərindən soruşdular: “Bəlkə biz bu dəlicələri çıxaraq?” Ev sahibi cavab verdi: “Yox. Dəlicələri çıxardan vaxt buğdaları da qopara bilərsizniz. Məhsul yığılan vaxtını gözləyin, dəlicələri bir yerə yığıb yandırarsınız. Buğdanı isə mənim taxıl ambarıma yığarsınız.””
|
||||
|
||||
|
||||
|
||||
Şagirdlər bu məsəlin mənasını başa düşmədilər və İsadan xahiş etdilər ki, onlara bunu izah etsin. İsa dedi: “Yaxşı toxumları əkən adam – Məsihdir. Tarla – dünyadır. Yaxşı toxumlar – Allahın Padşahlığına mənsub olan xalqdır.”
|
||||
|
||||
|
||||
|
||||
Dəlicələr şeytana məxsus insanları təmsil edir. Dəlicə səpən insanın düşmənidir – bu, şeytandır. Məhsul – dünyanın sonu, məhsulu yığan işçilər isə Allahın mələklərinin rəmzidir.
|
||||
|
||||
|
||||
|
||||
Dünyanın sonu gəldikdə mələklər şeytana itaət edən bütün insanları bir yerə toplayaraq, alovlu oda atacaqlar. Orada günahkarlar dəhşətli əzab içində ağlayacaqlar və dişlərini qıcayacaqlar. İsanın ardınca gedən saleh insanlar isə Öz Ataları olan Allahın Padşahlığında günəş kimi parlayacaqlar.”
|
||||
|
||||
|
||||
|
||||
İsa vəd etdi ki, bu dünyanın sonu gəlməzdən öncə yer üzünə qayıdacaqdır. O, getdiyi kimi gələcəkdir: fiziki bədənə sahib olacaqdır və göydən buludlar üzərində enəcəkdir. İsanın yer üzünə təkrar gəlişindən əvvəl vəfat edən imanlıların hamısı ölülər arasından diriləcəkdir və İsa ilə səmada görüşəcəklər.
|
||||
|
||||
|
||||
|
||||
Bu dünyada hələ də yaşayan İsaya iman edənlər isə göyə qalxacaqlar və ölülər arasından dirilmiş digər imanlılara qoşulacaqlar. Onlar hamısı birlikdə İsa ilə olacaqlar, O Öz xalqı ilə əbədi yaşayacaqdır. İnsanlar əbədi sülh əldə edəcəklər, çünki İsa onlarla olacaqdır.
|
||||
|
||||
|
||||
|
||||
İsa ona iman edən hər kəsə tac verəcəyini vəd etdi. Belə insanlar həmişə Allahla birlikdə mövcud olan hər şey üzərində hökmranlıq edəcəklər. Onlar tam sülh içində yaşayacaqlar.
|
||||
|
||||
|
||||
|
||||
Lakin Allah İsaya iman etməyən hər bir adamı mühakimə edəcəkdir. Allah onları cəhənnəmə atacaqdır. Orada onlar dişlərini qıcırtıb ağlaşacaqlar. Onların işgəncələri əbədi olacaq və sönməyən yanar od onları yandıracaqdır, qurdlar isə onları daim gəmirəcəkdir.
|
||||
|
||||
|
||||
|
||||
İsa qayıdanda iblisi və onun səltənətini tamamilə məhv edəcəkdir. İsa iblisi cəhənnəmə atacaqdır. Orada şeytan ona itaət edən, lakin Allahı inkar edən insanlarla əbədi yanacaqdır.
|
||||
|
||||
|
||||
|
||||
Beləliklə, Adəm ilə Həvva Allaha itaətsizlik etdiklərinə görə bu dünyaya günahı gətirdilər. Buna görə Allah Yer üzünü lənətlədi və onun sonu gələcəkdir. Ancaq vaxt gələcəkdir ki, Allah kamil olan yeni Yer üzü və göy yaradacaqdır.
|
||||
|
||||
|
||||
|
||||
İsa Öz xalqı ilə yeni Yer üzündə yaşayıb hər şey üzərində əbədi hökmranlıq edəcəkdir. İsa insanların göz yaşlarını siləcəkdir. Daha heç kəs ağlayıb, əzab çəkib kədərlənməyəcəkdir. Heç kəs xəstələnib ölməyəcəkdir. Pislik daha olmayacaqdır. İsa Öz səltənətində sülh və ədalətlə hökmranlıq edəcəkdir. O əbədi olaraq Öz xalqı ilə olacaqdır.
|
||||
|
||||
_Müqəddəs Kitabdan hekayə. Matta 24:14; 28:18; Yəhya 15:20; 16:33; Vəhy 2:10; Matta 13:24-30; 36-42; 1 Saloniklərə 4:13-5:11; Yaqub 1:12; Matta 22:13; Vəhy 20:10; 21:1-22:21_
|
||||
|
|
@ -0,0 +1,12 @@
|
|||
### Bizə qoşulun!
|
||||
|
||||
Biz bu əyani kiçik Müqəddəs Kitabı _dünyanın bütün dillərində_ əlçatan etmək istəyirik və siz bizə yardımçı ola bilərsiniz! Bu mümkündür! Əgər Məsihin bütün bədəni bu resursun tərcüməsi və yayılması üçün birlikdə çalışarsa, biz buna nail ola bilərik.
|
||||
|
||||
### Təmənnasız paylaşın!
|
||||
|
||||
Bu hekayələrin nüsxələrini heç bir məhdudiyyət olmadan paylaya bilərsiniz. Bütün rəqəmsal versiyaları onlayn olaraq heç bir vəsait ödəmədən əldə etmək mümkündür və istifadə etdiyimiz açıq lisenziya sayəsində siz Müqəddəs Kitabdan Hekayələri hətta kommersiya məqsədləri üçün heç bir ödəniş etmədən yenidən dərc edə bilərsiniz! Təfərrüatlar üçün [openbiblestories.org](https://openbiblestories.org) saytında baxın.
|
||||
|
||||
### Yayın!
|
||||
|
||||
Müqəddəs Kitabdan Hekayələrin digər dillərdə olan video versiyalarını və mobil tətbiqlərini [openbiblestories.org](https://openbiblestories.org) saytında tapa bilərsiniz. Bu saytda siz, həmçinin, Müqəddəs Kitabdan Hekayələrin _öz_ dilinizə tərcümə edilməsinə kömək edə bilərsiniz.
|
||||
|
||||
|
|
@ -0,0 +1,47 @@
|
|||
dublin_core:
|
||||
conformsto: 'rc0.2'
|
||||
contributor:
|
||||
- qutabJA
|
||||
- qutabAZ
|
||||
- qutabZH
|
||||
- qutabRE
|
||||
- qutabTZ
|
||||
- TimYancev
|
||||
creator: 'Door43 World Missions Community'
|
||||
description: "\u041E\u0442\u043A\u0440\u044B\u0442\u044B\u0435 \u0411\u0438\u0431\
|
||||
\u043B\u0435\u0439\u0441\u043A\u0438\u0435 \u0418\u0441\u0442\u043E\u0440\u0438\
|
||||
\u0438"
|
||||
format: text/markdown
|
||||
identifier: obs
|
||||
issued: '2023-02-06'
|
||||
language:
|
||||
direction: ltr
|
||||
identifier: az
|
||||
title: "az\u0259rbaycan dili"
|
||||
modified: '2023-02-06'
|
||||
publisher: 'Door43 World Missions Community'
|
||||
relation:
|
||||
- 'en/obs'
|
||||
rights: CC BY-SA 4.0
|
||||
source:
|
||||
- identifier: obs
|
||||
language: ru
|
||||
version: '7.2'
|
||||
subject: 'Open Bible Stories'
|
||||
title: "\u041E\u0442\u043A\u0440\u044B\u0442\u044B\u0435 \u0411\u0438\u0431\u043B\
|
||||
\u0435\u0439\u0441\u043A\u0438\u0435 \u0418\u0441\u0442\u043E\u0440\u0438\u0438"
|
||||
type: book
|
||||
version: '1'
|
||||
checking:
|
||||
checking_entity:
|
||||
- 'unfoldingWord'
|
||||
checking_level: '3'
|
||||
|
||||
projects:
|
||||
-
|
||||
categories:
|
||||
identifier: 'obs'
|
||||
path: '.'
|
||||
sort: 0
|
||||
title: 'unfoldingWord® Open Bible Stories'
|
||||
versification:
|
||||
Loading…
Reference in New Issue