3.5 KiB
عهد الله مع ابرهيم
مرت سنين كتير بعد الطوفان ، و بقي في ناس كتار في الدنيا, وهم اخطاوا للمرة التانية ضد الله وضد انفسهم ، و كانوا بتكلموا لغة واحدة, بدل ما يتشتتوا و يملوا الأرض زي ما الله و راهم اتلموا في محل واحد وبنوا مدينة.
كانوا متكبرين شديد ، وما مهتمين بكلام الله, و بدوا يبنوا عمارة طويل عشان يصلوا السماء. الله شاف انوا لو خلاهم مع بعضهم في الشر حيعملوا خطايا أكثر .
بعداك الله غير لغتهم إلى اللغات كتيرة و شتتهم في كل الدنيا , و المدينة الكان بدو يعملوها ا سموا بابل و معناه "بلبل السنتهم" لان الله غير لغتهم الى لغات مختلفة.
بعد مئات السنين ، الله تكلم مع راجل اسمو ابرام، و قال ليهو، "خلي بلدك و اسرتك و امشي للأرض اللي انا بوريك ليهو، و انا بباركك و يكون منك امة عظيمة، و بخلي اسمك عظيم، و ببارك البباركوك ، و بلعن البلعنوك، و كل الناس في الأرض بيتباركوا بسببك ".
أبرام سمع كلام الله. و شال مرتو ،ساراي معاه، و كلوا عبيده و الحاجات العندو و مشى للأرض الللي الله و راه له، ارض كنعان.
لما أبرام وصل ارض كنعان ، الله قال ليه،" شيف كل الأراضي الحوالينك, و انا بديها ليك انت ولعيالك و عيال عيالك و يكون حقكم "،و ابرام سكن هناك.
كان فى رجال اسمو ملك صادق كاهن الله العلي، فى يوم لمن ابرام رجع من الحراب قابل ملك صادق وهو بارك ابرام و قال ليه مبارك الله ملك السماء و الأرض, ابرام ادي عشورلملكى صادق من كل الحاجات الجابو من الحراب
مرت سنين كتيرة ، ولكن أبرام ومرتو ساراي لسع ماكانوا عندهم جنى. الله اتكلم لأبرام و وعدو بانوا حيكون عنده جنى وعيال عياله يكون كتير زي نجوم في السماء. ابرام صدق وعد الله, الله اعلن انو ابرام كان صالح ومستقيم لانو صدق وعد الله ليه.
و بعداك الله عمل عهد مع ابرام, و العهد ده كان اتفاق بين نفرين بعمل شئي معين. الله قال لأبرام انا بديك ولد من جسمك وبدي ارض كنعان لعيال عيالك لكن ابرام لسع ما عندو جنى
القصة ماخوذة من الكتاب القدس سفر تكوين 11 و 15