5.8 KiB
الخليقة
دي الطريقة الله عمل بيها الدنيا من البداية . الله خلق الأرض من مافي، دي كل الحاجات الله عملو في الأرض و السماء, الظاهرة والماظهرة, فى ستة يوم . كانت الدنيا ظلمة وكانت الأرض مافيه اي حاجة ، الله كان ما خلق اي حاجة فى الدنيا و كان روح الله بحوم فوق الموية .
وبعد داك الله قال، "خلى يكون فى نور!" ويلا بقى فى نور، و الله شاف النور كويس وسماهو "نهار. وفرق النور من الظلام، سماه "ليل". الله خلق النور فى اليوم الاول من الخليقة .
في اليوم التاني من الخليقة، الله قال: "خلى يكون فى فسحة فوق الموية". وبقى فى فسحة. والله سمه فسحة "سماء".
فى اليوم التالت، الله قال: "خلى الموية تلم فى محل واحد ويظهر اليابسة". وسمه اليابسة "ارض"، وسمه الموية "بحار". والله شاف الحاجات العملوا كلها سمحة.
بعداك الله قال, "خلي الأرض تطلع كل انواع الأشجار و النباتات". ودا الحاجة الله عملوا. والله شاف الحاجات العملوا كلها سمحة.
في اليوم الرابع من الخليقة، الله قال : "خلى يكون فى انوار فى السماء." الشمس, القمر , و النجوم ظهروا. الله عمل الحاجات دي عشان يدي نور للارض و يوري الليل و النهار، المواسم و السنين. الله شاف الحاجات العملوا سمح .
في اليوم الخامس، الله قال : "خلى الاحياء تملا الموية ، و كل الطيوريطيرو فى السماء. " ودى الطريقة العمل بيه كل الحاجة البعوم فى الموية وكل الطيور. الله شاف ده كل سمح، و باركهم.
في اليوم السادس من الخليقة، الله قال، "خلي يكون فى الارض كل انواع الحيوانات البرية! " و حصل زى ما الله قال. و كان فى الحيوانات البعيش مع الناس، و الحيوانات البزحف على الارض، و حيوانات الخلا. و الله شاف دا كان حاجة سمح.
بعداك الله قال، "خلينا نعمل الانسان زى صورتنا و يكون زينا . و يكون مسؤول على الارض وكل الحيوانات."
و الله شال شوية تراب، وعمل منو انسان، ونفخ فيه روح الحياة. و راجل دا كان اسمو ادم. و الله عمل الجنة كبير وشال ادم وختاه فىها عشان ادم يعيش فيها، و يهتم بيها.
فى نص الجنة، الله عمل شجرتين خاص ، شجرة الحياة و شجرة معرفة الخير و الشر،الله قال لادم ياكل من اى شجرة فى الجنة الا شجرة معرفة الخير و الشر. ولو هو اكل من الشجرة ده حيموت.
بعداك الله قال، "ما كويس راجل يكون براه." لانو مافى اي حيوان بيقدر يساعد ادم.
عشان كده الله خلى ادم ينوم نوم تقيل. و بعداك الله شال واحد من ضلوع ادم وعمل منو مراة و جابها لادم.
لما ادم شافها، ادم قال، "اخيرا ! دي واحدة زيي! وسماها مراة؛ لانو اتعملت من الراجل." عشان كده الراجل بخلى ابوه و امو و يكون واحد مع مرتو.
الله عمل الراجل و المراة زي صورتو. و باركهم وقاليهم، "خلي يكون عندكم عيال كتير وعيال عيالكم واملوا الارض!" الله شاف كل الحاجات العمله كانت سمحة شديد، الله كان مبسوط بالحاجات العمله، و ده كل الحصل فى اليوم السادس من الخليقة.
لمن اليوم السابع جاء، الله كمل الشغل الكان بيعمل فوقو. و ارتاح من كل الحاجات الكان بيعمل فوقو، وهو بارك اليوم السابع وخلاه يوم مقدس، لانو فى اليوم ده هو ارتاح من شغلو. ودي الطريقة الله عمل بيها الدنيا واى حاجة فيها.
القصة ماخوذه من الكتاب المقدس سفر التكوين الاصحاح الاول والتانى.