ادم ومرتو كانوا عايشين فرحانين في الجنة السمحة الله عملو ليهم. وكانوا عريانين وما خجلانين لانو كان مافي خطية في الدنيا وهم دايما بتمشوا في الجنة وبتكلمو مع الله.
بعداك الراجل و مرتو سمعوا صوت الله ماشى فى الجنة ، و اندسو من الله، الله نادى الراجل" انت وين؟" ، ادم قال" انا سمعتك ماشى فى الجنة و خفت و اندسيت عشان انا عريان " .
و بعداك الله سال ، منو القال ليك انت عريان ؟، هل انت اكلت من ثمر الشجرة الانا قلت ليك ما تاكل منها ؟" الراجل جا وب المراة لانت اديتنى ليها ، ادتنى من ثمرالشجرة وانا اكلت، بعداك الله سال المراة ده شنو العملتيهو؟" المراة قالت ،الدبيب غشانى" .
الله قال للدبيب " ، انت ملعون ! تزحف على بطنك وتاكل تراب، ويكون فى كراهية بينك وبين المراة ، وبين عيالك و عيالها كمان .و جناها يدوس را سك وانت تعضى رجلينو".
بعداك الله قال " هسع الانسان بقى زينا عارف الخير و الشر، عشان ما ياكلوا من ثمر شجرة الحياة و يعيشوا الى الابد"، والله طردهم من الجنة الجميلة و ختا اتنين من الملاك قويين فى باب الجنة عشان مافى زول ياكل من شجرة الحياة .
See in Reader
