DMS_GL_en_ta/01.md at dad38811f4565d65f0266baab0336e9fde21ae22

16 KiB

Raw Blame History

ဖော်ပြချက်

ဝါကျဆိုသည်မှာ အတွေးတစ်ခုလုံးကို ဖော်ပြပေး သော စကားလုံး အစုအဝေးဖြစ်သည်။ အခြေ ခံဝါကျ အမျိုးအစားများအား အောက်တွင် သူတို့၏အဓိကအသုံးပြုပုံနှင့်တွဲ၍ ဖော်ပြပေးထားသည်။

ကြေညာချက်များ - ဤအရာများကို အချက်အလက်ပေးရာတွင် အဓိက အသုံးပြုသည်။” ဤ အရာသည် အချက်အလက်ဖြစ်သည်။”
မေးခွန်းများ - ဤအရာများကို အချက်အလက်များအား မေးမြန်းရာတွင် အဓိက အသုံးပြုသည်။ “ သူ့အားသိပါသလား”
အမိန့်ပေးဝါကျများ - လိုချင်သည့်အရာ သို့မဟုတ် တစ်စုံတစ်ယောက်အား တစ်ခုခုလုပ်ခိုင်းခြင်း တို့ကို ပြရာတွင် အဓိကအသုံးပြုသည်။ “ထိုအရာကို ကောက်ပါ”
အာမေဍိတ်ဝါကျများ - ပြင်းထန်သောခံစားချက်များအား ဖော်ပြရာတွင် အဓိက အသုံးပြုသည်။ “အား! နာလိုက်တာ”

ဘာသာပြန်ခြင်းရာ၌ အခက်အခဲဖြစ်ရခြင်းအကြောင်းပြချက်များ

ဘာသာစကားများတွင် ဝါကျပုံစံအမျိုးမျိုး၏လုပ်ဆောင်ပုံ တစ်ခုချင်းစီအား အသုံးပြု ပုံ အမျိုးမျိုးရှိသည်။
ဘာသာစကားအများစု၌ ထိုဝါကျပုံစံများအား အသုံးပြုပုံ တစ်ခုထက်ပို၍ အသုံးပြကြသည်။
သမ္မာကျမ်းစာထဲမှဝါကျတစ်ခုစီတိုင်းတွင် တိကျသောဝါကျပုံစံတစ်ခုနှင့် တိကျသောအသုံးပြုပုံ တစ်ခု ပိုင်ဆိုင်သော်လည်း အချို့သောဘာသာစကားများတွင် ထိုဝါကျအမျိုးအစားအား ထိုအသုံးပြုပုံအတွက် အသုံးပြုမည်မဟုတ်ချေ။

သမ္မာကျမ်းစာထဲမှဥပမာများ

အောက်ပါဥပမာများတွင် ပုံစံတစ်ခုစီကို ၎င်းတို့၏အဓိက အသုံးပြုပုံဖြင့် ဖော်ပြထားသည်။

ကြေညာချက်များ

အစအဦး၌ ဘုရားသခင်သည် ကောင်းကင်နှင့် မြေကြီးကို ဖန်ဆင်းတော်မူ၏။ (ကမ္ဘာဦး ၁:၁ ULT)

ကြေညာချက်များတွင် အသုံးပြုပုံတစ်ခုထက်ပို၍ ရှိနိုင်သည်။ (Statements — Other Uses တွင်ကြည့်ပါ။)

မေးခွန်းများ

အောက်ပါ စကားပြောသူတို့သည် အချက်အလက်များအားသိရရန် မေးခွန်းများကို အသုံးပြုပြီး လူတို့သည် သူတို့၏မေးခွန်းများအား ပြန်ဖြေနေခြင်းဖြစ်သည်။

အိမ်သို့ ဝင်တော်မူလျှင်၊ မျက်စိကန်းသောသူတို့သည် အထံတော်သို့ ချဉ်းကပ်ကြ၏။ ကိုယ်တော်က လည်း၊ ဤအမှုကို ငါတတ်နိုင်သည်ကို ယုံသလောဟု မေးတော်မူလျှင်၊ ယုံပါ၏သခင်ဟု လျှောက်ကြ၏။ (မဿဲ ၉:၂၈ ULT)

ထောင်မှူးသည် သခင်တို့၊ အကျွန်ုပ်သည် ကယ်တင်ခြင်းသို့ ရောက်အံ့သောငှါ အဘယ်သို့ပြုရပါမည်နည်းဟု မေးလျှောက်လေ၏။ ထိုသူတို့ကလည်း၊ သခင်ယေရှုခရစ်ကို ယုံကြည်လော့။ ယုံကြည်လျှင် သင်နှင့်သင်၏အိမ်သူ အိမ်သား တို့သည် ကယ်တင်ခြင်းသို့ ရောက်ကြလိမ့်မည်ဟု ဆို၏။ (တမန်တော် ၁၆:၂၉-၃၁ ULT)

မေးခွန်းများတွင်လည်း အခြားအသုံးပြုပုံများရှိတတ်သည်။ ( Rhetorical Question တွင်ကြည့်ပါ။)

အမိန့်ပေးဝါကျများ

အမိန့်ပေးဝါကျများတွင် အမျိုးအစား အမျိုးမျိုးရှိသည်: အမိန့်ပေးခြင်း၊ ညွှန်ကြားချက်များ၊ အကြံပေးချက်များ၊ ဖိတ်ကြားချက်များ၊ခွင့်တောင်းခြင်းများ နှင့် ဆုတောင်းများ ပါဝင်သည်။

အမိန့်ပေးခြင်း ဖြင့်၊ ပြောဆိုသူသည် သူ၏ သြဇာအာဏာဖြင့် တစ်စုံတစ်ယောက်အား တစ်ခုခု စေခိုင်းရန် အသုံးပြုသည်။

ထိုအခါ ဗာလမ်သည်၊ ပရောဖက်စကားအား ဖြင့် မြွက်ဆိုသည်ကား၊ အိုဇိဖေါ်သား ဗာလက်မင်း၊ ထလော့။ ငါ့စကားကို စေ့စေ့နားထောင်လော့။ (တောလည်ရာ ၂၃:၁၈ ULT)

ညွှန်ကြားချက် ဖြင့်၊ ပြောဆိုသူသည် တစ်စုံတစ်ယောက်အား တစ်ခုခုကို လုပ်ကိုင်ရန်ပုံစံအား ပြောဆိုသည်။

အသက်ရှင်ခြင်းသို့ ဝင်စားလိုလျှင်ပညတ်တော်တို့ကို စောင့်ရှောက်လော့ဟု မိန့်တော်မူ၏။ယေရှုကလည်း၊ သင်သည်စုံလင်ခြင်းသို့ ရောက်လိုလျှင်သွားလော့။ ကိုယ်ဥစ္စာများကိုရောင်း၍ ဆင်းရဲသောသူတို့အား ပေးလော့။ ထိုသို့ပြုလျှင် ကောင်းကင်ဘုံ၌ ဘဏ္ဍာကိုရလိမ့်မည်။( မဿဲ ၁၉:၁၇,၂၁ ULT)

အကြံပေးချက် ဖြင့်၊ ပြောဆိုသူသည် လူတစ်ယောက်အား ကူညီနိုင်မည်ဟုယူဆသောကြောင့် တစ်စုံတစ်ခုအား လုပ်သင့်၊ မလုပ်သင့် ပြောဆိုသည်။ အောက်ပါဥပမာတွင် မျက်စိမမြင်သူနှစ်ယောက် အတွက် သူတို့အချင်းချင်း မဦးဆောင်လျင် အကောင်းဆုံးဖြစ်သည်။

လူကန်းသည် လူကန်းကို လမ်းပြနိုင်သလော။ နှစ်ဦးတို့သည် တွင်းထဲသို့ကျလိမ့်မည် မဟုတ်လော။ (လုကာ ၆:၃၉ UST)

ပြောဆိုသူများသည် အကြံပေးချက်အတိုင်းလုပ်ဆောင်သည့် အဖွဲ့၏ အစိတ်အပိုင်း ဖြစ်ရန် ရည်ရွယ်သည်။ ကမ္ဘာဦး ၁၁ တွင် လူတို့သည် အုတ်ခဲများအား တူတူပြုလုပ်ရန်မှာ သူတို့အားလုံး အတွက် ပို၍ကောင်းသည် ဟုပြောနေကြခြင်းဖြစ်သည်။

သူတို့ကလည်း လာကြ။ အုတ်လုပ်၍ ခိုင်မာစွာ ဖုတ်ကြကုန်အံ့ဟု၊ တယောက်ကို တယောက် ပြောကြ၏။(ကမ္ဘာဦး ၁၁:၃ ULT)

ဖိတ်ကြားချက် ဖြင့်၊ ပြောဆိုသူသည် တစ်စုံတစ်ယောက် တစ်ခုခုလုပ်သောအခါ အကြံပေးရာတွင်ညယဥ်ကျေးမှူ သို့မဟုတ် ခင်မင်မှူတို့အား သူလိုချင်သည့်အခါတွင် ပြသခြင်း ဖြစ်သည်။ ဤအရာသည် ပြောဆိုသူက နားထောင်သူတို့ နှစ်သက်လိမ့်မည်ဟု ထင်သော အရာတစ်ခုဖြစ်သည်။

ငါတို့နှင့် အတူလိုက်၍လာပါ။ ငါတို့သည် ကျေးဇူးပြုပါမည်။ (တောလည်ရာ ၁၀:၂၉)

ခွင့်တောင်းခြင်း ဖြင့်၊ ပြောဆိုသူသည် တစ်စုံတစ်ယောက်အား တစ်ခုခုလုပ်စေချင်ကြောင်း ပြောသည့်အခါ ယဥ်ကျေးမှူ အားအသုံးပြုသည်။ ဤသည်မှာ ခွင့်တောင်းခြင်းဖြစ်၍ အမိန့်ပေးခြင်း မဟုတ်ကြောင်း ရှင်းလင်းစေရန် “ ကျေးဇူးပြု၍ “ ဟူသော စာလုံးပါဝင်တတ်သည်။ ဤသည်မှာ ပြောဆိုသူအတွက် အကျိုးရှိစေမည့် အရာဖြစ်သည်။

အသက်မွေးလောက်သောအစာကို အကျွန်ုပ်တို့အား ယနေ့ပေးသနားတော်မူပါ။ (မဿဲ ၆:၁၁ ULT)

အကျွန်ုပ်ကို လွှတ်ပါဦးလော့။ ( လုကာ ၁၄:၁၈ ULT)

ဆုတောင်းခြင်း ဖြင့်၊ လူတို့သည် ဖြစ်စေချင်သောအရာများအား ဖော်ပြသည်။ အင်္ဂလိပ်စာ၌ ထိုစာကြောင်းများသည် “ နိုင်ပါစေ “ သို့မဟုတ် “ပါစေ” ဟူသော စကားလုံးများဖြင့်စလေ့ရှိသည်။

ကမ္ဘာဦး ၂၈ တွင်၊ ဣဇာတ်သည် ဘုရားသခင်မှ သူ့အတွက်လုပ်ပေးစေချင်သောအရာအကြောင်း ယာကုပ် အားပြောပြသည်။

အနန္တတန်ခိုးရှင် ဘုရားသခင်သည် ကောင်းကြီး ပေး၍ တိုးပွားစေသဖြင့်၊ သင်သည် အမျိုးကြီးဖြစ်မည် အကြောင်းနှင့် များပြားစေတော်မူစေသတည်း။ (ကမ္ဘာဦး ၂၈:၃ ULT)

ကမ္ဘာဦး ၉ တွင်၊ နောဧ သည် ခါနာန်ပြည် အားဖြစ်သွားစေချင်သည့်အရာအား ပြောသည်။

ခါနာန်သည် ကျိန်ခြင်းကို ခံပါစေ။ အစ်ကိုတို့၏ ကျွန်တို့၌ ကျွန်ဖြစ်ပါစေ ဟုဆို၏။ (ကမ္ဘာဦး ၉:၂၅ ULT)

ကမ္ဘာဦး ၂၁ တွင် ဟာဂရသည် သူ၏သား သေဆုံးခြင်းကို မမြင်လိုသော ပြင်းထန်သည့် ဆန္ဒအား ဖော်ပြ၍ သူ့သား သေဆုံးခြင်းကိုမမြင်လိုသောကြောင့် အဝေးအား ထွက်သွားခဲ့သည်။

ငါသည်သူငယ်သေသည်ကို မမြင် လိုဟုဆို၏။ ( ကမ္ဘာဦး ၂၁:၁၆ ULT)

အမိန့်ပေးဝါကျများတွင် အခြား အသုံးပြုပုံများလည်း ရှိနိုင်သည်။( Imperatives — Other Uses ကြည့်ပါ။)

အာမေဍိတ်ဝါကျများ

အာမေဍိတ်ဝါကျများ သည် ပြင်းထန်သော ခံစားချက်ကိုဖော်ပြသည်။ ULT နှင့် UST တို့တွင် စာကြောင်း၏ အဆုံး၌ အာမေဍိတ်အမှတ်အသား ပါလေ့ရှိသည်။

သခင်၊ အကျွန်ုပ်တို့သည် ပျက်စီးခြင်းသို့ ရောက်ပါ၏။ ကယ်မတော်မူပါဟု လျှောက်ကြ၏။ (မဿဲ ၈:၂၅ ULT)

အာမေဍိတ်ဝါကျများ ၏ အခြားပုံစံများနှင့် ဘာသာပြန်ရန် နည်းလမ်းများအား Exclamations တွင် ကြည့်ပါ။)

ဘာသာပြန်ခြင်းနည်းစနစ်များ (ဥပဒေသများ)

(1) ဝါကျတစ်ခုစီတွင် သူ၏ အသုံးပြုပုံ တစ်ခုစီ ရှိကြောင်းပြသရန် သင့်ဘာသာစကား၏ နည်းလမ်းအား အသုံးပြုပါ။

(2) သမ္မာကျမ်းစာထဲတွင်ပါဝင်သော ဝါကျတစ်ကြောင်း၏ ဝါကျပုံစံသည် သင်၏ဘာသာစကားရှိ ထိုဝါကျ၏ အသုံးပြုပုံအတိုင်း အသုံးမပြုထားသောအခါ၊ အောက်ပါစာမျက်နှာများတွင် ဘာသာပြန်ခြင်းနည်းစနစ်များ ကိုကြည့်ပါ။

16 KiB Raw Blame History