DMS_GL_en_ta/01.md at 7e49bf6c5d7aa67f4917c5ae61df28acd629e7fc

17 KiB

Raw Blame History

ကျိုးကြောင်းသင့်သော ဆက်နွယ်မှု

အချို့ချိတ်ဆက်ပေးသောအရာများသည် ပုဒ်စုများ၊ ဝါကျပိုင်းများ၊ စာကြောင်းများနှင့် စာသား၏ အစိတ်အပိုင်းများ ကြား အချိန်ဆက်နွယ်မှုကို သက်သေပြသည်။

အကြောင်းပြချက်နှင့် ရလဒ် ဆက်နွယ်မှုများ

အဓိပ္ပါယ်ဖွင့်ဆိုချက်

အကြောင်းပြချက် နှင့် ရလဒ် ဆက်နွယ်မှုဆိုသည်မှာ အကြောင်းအရာတစ်ခုသည် အကြောင်းပြချက် သို့မဟုတ် နောက်ထပ် အကြောင်းအရာအား ဖြစ်စေသည့် ကျိုးကြောင်းသင့်သော ဆက်နွယ်မှုဖြစ်သည်။ ဒုတိယအကြောင်းအရာသည် ပထမအကြောင်းအရာ၏ အကြောင်းပြချက်ဖြစ်သည်။

ဘာသာပြန်ခြင်းကိစ္စဖြစ်ရသည့် အကြောင်းပြချက်

အကြောင်းပြချက် နှင့် ရလဒ် ဆက်နွယ်မှုသည် ရှေ့သို့ ကြည့်နိုင်သည် - “ X အား ဖြစ်စေလိုသောကြောင့် Yကို လုပ်ခဲ့သည်။” သို့သော် များသောအားဖြင့် ဤသည် နောက်ပြန် ကြည့်ခြင်းဖြစ်သည် - “ Yအား လုပ်ခဲ့သောကြောင့် X ဖြစ်ပေါ်ခဲ့သည်။” ထို့အတူ၊ ဤအရာသည် ရလဒ်၏ မတိုင်မီ သို့မဟုတ် ပြီးနောက် ဖြစ်သော အကြောင်းပြချက်အား ဖော်ပြရန်ဖြစ်နိုင်သည်။ များပြားသော ဘာသာစကားများသည် အကြောင်းပြချက် နှင့် ရလဒ် ဆက်နွယ်မှု အတွက် ရည်ရွယ်သော စီစဥ်ပုံ ရှိပြီး၊ အကယ်၍ ယင်းတို့သည် မတူညီသော စီစဥ်ပုံတွင်ရှိပါက စာဖတ်သူ များ အတွက် ရှုပ်ထွေးနိုင်သည်။ အင်္ဂလိပ်၌ အကြောင်းပြချက် နှင့် ရလဒ် ဆက်နွယ်မှု အား ညွှန်ပြသော အသုံးပြုသော အများဆိုင် စကားလုံးများမှာ “အဘယ်ကြောင့်ဆိုသော် “ ၊ “ ထိုမှသာ” ၊ “ ထို့ကြောင့် နှင့် “ အတွက်” ဟူ၍ ဖြစ်ကြသည်။ ထိုစကားလုံးအချို့အား ရည်မှန်းချက် ဆက်နွယ်မှုအား ညွှန်ပြရန်သုံးနိုင်ပြီး၊ ထို့မှသာ ဘာသာပြန်သူများသည် ရည်မှန်းချက်ဆက်နွယ်မှုနှင့် အကြောင်းပြချက်နှင့်ရလဒ် ဆက်နွယ်မှုတို့၏ ကွဲပြားမှုအား သတိထားမိမည်ဖြစ်သည်။ ဤအရာသည် ဘာသာပြန်သူများသည် အကြောင်းအရာနှစ်ခုတို့၏ ချိတ်ဆက်ပုံအား နားလည်ရန်နှင့် သူတို့၏ ဘာသာစကားတွင် ယင်းတို့အား ရှင်းလင်းစွာ ဆက်သွယ်ရန်မှာ အရေးကြီးသည်။

အကယ်၍ အကြောင်းပြချက်နှင့်ရလဒ် ဆက်နွယ်မှုသည် မတူညီသော ပုဒ်စုများတွင် ဖော်ပြခြင်း ခံထားရပါက၊ ယင်းတို့အား အခြား စီစဥ်ပုံ တွင် ထားရန်မှာ ဖြစ်နိုင်သည်။ အကယ်၍ သင်သည် ပုဒ်စုများ၏ စီစဥ်ပုံအား ပြောင်းလဲပါက၊ ပုဒ်စုနံပါတ်များအား ပြောင်းလဲစီစဥ်ခြင်း ခံရသော ပုဒ်စုအဖွဲ့များ ၏ အစတွင် ၁-၂ ကဲ့သို့ အတိုင်း တူတူထားပါ။ ဤသည်ကို ပုဒ်စု တံတား ဟုခေါ်သည်။

OBS နှင့် သမ္မာကျမ်းစာမှ ဥပမာများ

ဆောလု သည် ကိုးကွယ်သူများအား သတ်ရန် ကြိုးပမ်းခဲ့သော်လည်း ယခုတွင်သူသည် ဘုရားသခင် အား ယုံကြည်နေသောကြောင့် ဂျူးလူမျိုးတို့ အံ့အားသင့်ခဲ့ကြသည်။ (Story ၄၆ Frame ၆ OBS)

အကြောင်းပြချက် သည် ဆောလု ၏ပြောင်းလဲ ခြင်း - သူသည် ယေရှုအား ကိုးကွယ်သူများအား သတ်ရန် ကြိုးပမ်းခဲ့ ပြီး ယခုတွင် သူကိုယ်တိုင်ပင် ယေရှုအား ယုံကြည်နေခြင်းကြောင့်ဖြစ်သည်။ ရလဒ် သည် ဂျူးလူမျိုးများ အံ့အားသင့်ခဲ့ကြခြင်း ဖြစ်သည်။ “သောကြောင့်” သည် စိတ်ကူးနှစ်ခုအား ချိတ်ဆက်ပေးပြီး နောက်တွင်ပါသောအရာသည် အကြောင်းပြချက်ဖြစ်ကြောင်း ညွှန်ပြသည်။

ကြည့်ပါ၊ ပင်လယ်ထဲ၌ လှိုင်းတံပိုးပြင်းစွာ ထသောကြောင့် လှေသည် လှိုင်းများဖြင့် ဖုံးလွှမ်းခြင်းကိုခံရသည်။ (မဿဲ ၈:၂၄ ULT)

အကြောင်းပြချက် သည် ပြင်းထန်သော လှိုင်းဖြစ်၍ ရလဒ် သည် လှေသည် လှိုင်းများဖြင့် ဖုံးလွှမ်းခြင်းကို ခံရခြင်း ဖြစ်သည်။ အကြောင်းအရာနှစ်ခုအား “သောကြောင့်” ဖြင့် ချိတ်ဆက်ထားသည်။ “သောကြောင့်” ဟူသော အသုံးအနှုန်းသည် တစ်ခါတစ်ရံတွင် ရည်မှန်းချက် ဆက်နွယ်မှု အတွက် အသုံးပြုသော်လည်း ဤ ဆက်နွယ်မှုသည် အကြောင်းပြချက် နှင့် ရလဒ် ဖြစ်သည်ကို သတိပြုပါ။ ဤသည်မှာ ပင်လယ် သည် ရည်မှန်းချက် မရှိသဖြင့် မစဥ်းစားနိုင်သောကြောင့် ဖြစ်သည်။

ထိုသတ္တမနေ့ကို ဘုရားသခင်သည် ကောင်းကြီးပေး၍ သန့်ရှင်းစေတော်မူ၏။ အကြောင်းမူကား၊ ဖန်ဆင်းပြုပြင်တော်မူသော ထိုအမူအရာအလုံးစုံတို့သည် ပြီးစီးသောကြောင့် ထိုနေ့ရက်၌ ငြိမ်ဝပ်စွာနေတော်မူ၏။(ကမ္ဘာဦး ၂:၃ ULT)

ရလဒ် သည် သတ္တမနေ့အား ဘုရားသခင် ကောင်းချီးပေး၍ သန့်ရှင်းစေတော်မူခြင်း ဖြစ်သည်။ အကြောင်းပြချက် သည် သတ္တမနေ့၌ သူ၏ အလုပ်မှ အနားယူသောကြောင့် ဖြစ်သည်။

"ဘုရားသခင်၏ နိုင်ငံတော်သည် သင်တို့၏နိုင်ငံဖြစ်သည့် အတွက် ဆင်းရဲသူတို့သည် မင်္ဂလာရှိကြ၏။" (လုကာ ၆:၂၀ ULT)

ရလဒ် သည် ဆင်းရဲသူတို့ မင်္ဂလာရှိခြင်း ဖြစ်သည်။ အကြောင်းပြချက် သည် ဘုရားသခင်၏ နိုင်ငံတော်သည် သူတို့၏ နိုင်ငံဖြစ်သည့်အတွက် ဖြစ်သည်။

သူတို့ကိုယ်စား ဖြစ်စေတော်မူသော သူတို့၏ သားများတို့သည်၊ လမ်း၌ အရေဖျားလှီးမင်္ဂလာကို မခံရသေးသောကြောင့်၊ ယောရှုသည် အရေဖျားလှီးမင်္ဂလာကို ပေးလေ၏။(ယောရှု ၅:၇ ULT)

ရလဒ်သည် ယောရှု သည် တောထဲ၌ ကြီးပြင်းလာသော ကောင်လေးများနှင့် လူကြီးများအား အရေဖျားလှီးမင်္ဂလာ လုပ်ပေးခဲ့ခြင်းဖြစ်သည်။ အကြောင်းပြချက် သည် သူတို့သည် လမ်း၌ အရေဖျားလှီးမင်္ဂလာ ကို မခံရသေးသောကြောင့်ဖြစ်သည်။

ဘာသာပြန်ခြင်းနည်းစနစ်များ (ဥပဒေသများ)

အကယ်၍ သင်၏ ဘာသာစကားသည် အကြောင်းပြချက်နှင့်ရလဒ် ဆက်နွယ်မှုအား စာထဲတွင် ပါသည့်အတိုင်း အသုံးပြုပါက၊ ယင်းတို့အား ထိုအတိုင်း အသုံးပြုပါ။

(1) အကယ်၍ ဝါကျပိုင်းများ၏ စီစဥ်ပုံသည် စာဖတ်သူများအတွက် ရှုပ်ထွေးစေပါက၊ စီစဥ်ပုံအား ပြောင်းလဲပါ။

(2) အကယ်၍ ဝါကျပိုင်းများကြား ဆက်နွယ်မှုသည် မရှင်းလင်းပါက၊ ပို၍ရှင်းလင်းသော စကားလုံးဆက်အး အသုံးပြုပါ။

(3) အကယ်၍ စကားလုံးဆက်အား စကားလုံးဆက်မပါရှိသော ဝါကျပိုင်းတွင် ထည့်ရန်မှာ ပို၍ ရှင်းလင်းပါက၊ ထိုအတိုင်းပြုလုပ်ပါ။

ဘာသာပြန်ခြင်းနည်းစနစ်များအား အသုံးပြုထားသည့် ဥပမာများ

ထိုသတ္တမနေ့ကို ဘုရားသခင်သည် ကောင်းကြီးပေး၍ သန့်ရှင်းစေတော်မူ၏။ အကြောင်းမူကား၊ ဖန်ဆင်းပြုပြင်တော်မူသော ထိုအမူအရာအလုံးစုံတို့သည် ပြီးစီးသောကြောင့် ထိုနေ့ရက်၌ ငြိမ်ဝပ်စွာနေတော်မူ၏။ (ကမ္ဘာဦး ၂:၃ ULT)

(1) ဘုရားသခင်သည် ဖန်ဆင်ပြုတော်မူသော ထိုအမူအရာအလုံးစုံတို့သည် ပြီးစီးသောကြောင့် သတ္တမနေ့၌ နားနေတော်မူ၏။ ထို့ကြောင့် သူသည် သတ္တမနေ့အား ကောင်းကြီးပေး၍ သန့်ရှင်းစေတော်မူခြင်း ဖြစ်သည်။

ဘုရားသခင်၏ နိုင်ငံတော်သည် သင်တို့၏နိုင်ငံဖြစ်သည့် အတွက် ဆင်းရဲသူတို့သည် မင်္ဂလာရှိကြ၏။ (လုကာ ၆:၂၀ ULT)

(1) သင်နှင့် သက်ဆိုင်သော ဘုရားသခင် ၏ နိုင်ငံတော်သားများသည် ဆင်းရဲကြ၏။ ထို့ကြောင့် ဆင်းရဲသူတို့သည် မင်္ဂလာရှိကြ၏။

(2) မင်္ဂလာရှိသော သူတို့သည် ဆင်းရဲသူတို့ဖြစ်ကြသည်။ အဘယ်ကြောင့်ဆိုသော် ဘုရားသခင်၏နိုင်ငံတော်သည် သင့်၏ နိုင်ငံ ဖြစ်သောကြောင့် ဖြစ်သည်။

(3) ဆင်းရဲသူတို့ မင်္ဂလာရှိကြသော အကြောင်းပြချက်သည် ဘုရားသခင်၏ နိုင်ငံတော်သည် သင်၏နိုင်ငံဖြစ်သောကြောင့်ဖြစ်သည်။

ကြည့်ပါ၊ ပင်လယ်ထဲ၌ လှိုင်းတံပိုးပြင်းစွာ ထသောကြောင့် လှေသည် လှိုင်းများဖြင့် ဖုံးလွှမ်းခြင်းကိုခံရသည်။ (မဿဲ ၈:၂၄ ULT)

(1) ကြည့်ပါ၊ လှေသည် လှိူင်းများ၏ ဖုံးလွှမ်းခြင်းကိုခံရ၏။ အဘယ်ကြောင့်ဆိုသော် ပင်လယ်ထဲ၌ လှိုင်းတံပိုးပြင်းစွာ ထသောကြောင့် ဖြစ်သည်။

(2) ကြည့်ပါ၊ ပင်လယ်ထဲ၌ လှိုင်းတံပိုးပြင်းစွာထနေခြင်း၏ ရလဒ်အနေဖြင့် လှေသည် လှိူင်းများ၏ ဖုံးလွှမ်းခြင်းကိုခံရ၏။

(3) ကြည့်ပါ၊ ပင်လယ်ထဲ၌ လှိုင်းတံပိုးပြင်းစွာ ထနေ သောကြောင့် လှေသည် လှိူင်းများ၏ ဖုံးလွှမ်းခြင်းကို ခံရ၏။

အသံများသောကြောင့်၊ စစ်သူကြီးသည် အမှန်ကိုမသိနိုင်သဖြင့်၊ ပေါလုကိုရဲတိုက်ထဲသို့ ဆောင်သွားစေခြင်းငှါ စီရင်ပြန်လေ၏။ ( တမန်တော် ၂၁:၃၄ ULT)

(1) စစ်သူကြီးသည် ပေါလုအား ရဲတိုက်ထဲသို့ ဆောင်သွားစေခြင်းငှာ စီရင်ပြန်၏။ အဘယ်ကြောင့်ဆိုသော် အသံများကြောင့် သူသည် အမှန်ကိုမသိနိုင်သောကြောင့် ဖြစ်သည်။

(2) အသံများကြောင့် စစ်သူကြီးသည် အမှန်ကိုမသိနိုင် သောကြောင့်၊ ပေါလုကို ရဲတိုက်ထဲသို့ ဆောင်သွားစေခြင်းငှာ စီရင်ပြန်၏။

(3) စစ်သူကြီးသည် အသံများကြောင့် အမှန်ကိုမသိနိုင်ဖြစ်၏။ ထို့ကြောင့် သူသည် ပေါလုကိုရဲတိုက်ထဲသို့ဆောင်သွားစေခြင်းငှာစီရင်ပြန်၏။

17 KiB Raw Blame History Unescape Escape