DMS_GL_en_ta/01.md at DMS-tc-create-1

13 KiB

Raw Permalink Blame History

ဖော်ပြချက်

ဆိုရိုးစကားများဆိုသည်မှာ အသက်ရှင်နေထိုင်ရာ ဘဝအတွက် အများအားဖြင့်မှန်ကန်လေ့ရှိသော အကြံဉာဏ်ကောင်း သို့မဟုတ် ဆုံးမချက် စကားတိုများဖြစ်သည်။ ဆိုရိုးစကားများသည် တိုတိုနှင့် ထိရောက်သော ဉာဏ်ပညာကို ပေးလေ့ရှိသည့်အတွက် လူအများက ၎င်းတို့ကို နှစ်သက်လက်ခံလေ့ ရှိကြသည်။ သမ္မာကျမ်းစာတွင်ပါဝင်သော ဆိုရိုးစကားများသည် အများအားဖြင့် တင်စားချက်များနှင့် အလားတူရေးသားချက်များ ဖြစ်တတ်ကြသည်။ ဆိုရိုးစကားများကို အပြီးသတ်မှန်ကန်၍ ပြောင်းလဲပြင်ဆင်ခြင်း မပြနိုင်သော ဥပဒေများကဲ့သို့ မမှတ်ယူသင့်ပေ။ ထို့ထက် ဆိုရိုးစကားများသည် လူတစ်ဦးအတွက် ၎င်းနေထိုင်ရသောဘဝတွင် ယေဘုယျဆန်သော အကြံဉာဏ်များကို ပေးနိုင်သော ဘဝလမ်းညွှန်ချက်များသာ ဖြစ်သည်။

မုန်းသောစိတ်သည်ရန်တွေ့ရာသို့ တိုက်တွန်း တတ်၏။ ချစ်သော စိတ်မူကား၊ ခပ်သိမ်းသော အပြစ်တို့ကို ဖုံးအုပ်တတ်၏။ (သုတ္တံ ၁၀:၁၂ ULT)

အောက်တွင် သုတ္တံကျမ်းမှ ဆိုရိုးစကား ဥပမာနောက်တစ်ခု ဖြစ်သည်။

အချင်းလူပျင်း၊ ပရွက်ဆိတ်ထံသို့သွား၍၊ သူ၏ အပြုအမူတို့ကို ဆင်ခြင်သဖြင့် ပညာရှိစေလော့။ ပရွတ်ဆိတ်သည်ဆရာမရှိ၊ ပဲ့ပြင်သောသူမရှိ၊ မင်းမရှိဘဲလျက်၊ နွေကာလနှင့် စပါးရိတ်ရာကာလ၌ မိမိ စားစရာအစာကို ရှာဖွေသိုထားတတ်၏။ (သုတ္တံ ၆:၆-၈ ULT)

ဘာသာပြန်ရာတွင် အခက်အခဲဖြစ်ရခြင်း အကြောင်းအရင်း

ဘာသာစကားတိုင်းတွင် ၎င်းတို့၏ ဟန်ပန်အတိုင်း ပြောဆိုရသော ဆိုရိုးစကားများရှိကြသည်။ သမ္မာကျမ်းစာတွင် ဆိုရိုးစကားများ အများအပြားပါဝင်သည်။ ၎င်းတို့အား သင်၏ဘာသာစကားတွင် ဆိုရိုးစကားများ ပြောဆိုသည့်ပုံစံဖြင့် ဘာသာပြန်ရန် လိုအပ်သည်။ သို့မှသာ ဖတ်ရှုသူများက ၎င်းတို့ကို ဆိုရိုးစကားများအဖြစ် သိကြပြီး ထိုဆိုရိုးများက မည်သည်ကို ဆုံးမသည်ကိုလည်း နားလည်နိုင်မည် ဖြစ်သည်။

သမ္မာကျမ်းစာပါ ဥပမာများ

ကောင်းသောအသရေကို များစွာသော ဥစ္စာ ထက်သာ၍ ရွေးစရာကောင်း၏။ သူတပါးစုံမက်ခြင်း ကျေးဇူးသည် ရွှေငွေထက်သာ၍ ကောင်း၏။ (သုတ္တံ ၂၂:၁ ULT)

ဆိုလိုသည်မှာ ငွေကြေးအမြောက်အမြား ပိုင်ဆိုင်သည်ထက်စာလျှင် ကောင်းသောသူတစ်ယောက်ဖြစ်ပြီး ကောင်းသောဂုဏ်သတင်းရှိခြင်းက ပို၍ကောင်းသည်ဟူ၍ ဖြစ်သည်။

ပုံးရည်သည်သွား၌၎င်း၊ မီးခိုးသည် မျက်စိ၌ ၎င်း ဖြစ်သကဲ့သို့၊ ပျင်းရိသောသူသည် စေလွှတ်သော သူ၌ဖြစ်၏။ (သုတ္တံ ၂၂:၁ ULT)

ဆိုလိုရင်းမှာ ပျင်းရိသောသူတစ်ဦးသည် တစ်စုံတစ်ခုပြုလုပ်ရန် စေလွှတ်လိုက်သူအပေါ်တွင် အလွန်စိတ်အနှောင့်အယှက် ဖြစ်ရသည်ဟူ၍ ဖြစ်သည်။

ထာဝရဘုရား၏ တရားလမ်းသည် ဖြောင့်မတ် သောသူ ခိုင်ခံ့ခြင်းအကြောင်း ဖြစ်၏။ မတရားသဖြင့် ကျင့်သောသူတို့မူကား၊ ပျက်စီးခြင်းသို့ ရောက်ရကြလိမ့်မည်။ (သုတ္တံ ၁၀:၂၉ ULT)

ဆိုလိုရင်းမှာ ဘုရားရှင်သည် မှန်ကန်သောသူများကို ကာကွယ်မည် ဖြစ်သော်လည်း မကောင်းမှုပြုသူများအား ဖျက်ဆီးလိမ့်မည်ဟူ၍ ဖြစ်သည်။

ဘာသာပြန်ခြင်းနည်းပရိယာယ်များ

အကယ်၍ ဆိုရိုးတစ်ခုအား မူရင်းဘာသာအတိုင်း ပြန်ဆိုရာတွင် အဓိပ္ပာယ်ပြောင်းလဲခြင်း မရှိပဲ မှန်ကန်သော ဆိုလိုရင်းအား ပေါ်လွင်စေပါက ၎င်းအတိုင်း ပြန်ဆိုပါ။ အကယ်၍ ထိုသို့မဟုတ်ပါက အောက်ပါအတိုင်း ရွေးချယ်ရေးသာနိုင်ပါသည်။

(1) သင်၏ဘာသာစကားတွင် ဆိုရိုးများ ရေးသားကြပုံကို လေ့လာ၍ ၎င်းအတိုင်းရေးသားပါ။

(2) အကယ်၍ ဆိုရိုးတွင်ပါဝင်သော အရာတ္ထုတစ်ခုခုကို သင်တို့ ဘာသာစကားပြောသူ လူမျိုးအများစု နားမလည်ကြပါက ထိုလူအများနားလည်နိုင်ပြီး ဆိုရိုးတွင်ပါဝင်သော အရာနှင့်လည်း သဘောတရားတူညီသည့် အရာတစ်ခုခုနှင့် အစားထိုးပါ။

(3) မူရင်းဘာသာမှ ဆိုရိုးကို သင်၏ ဘာသာစကားတွင်ရှိသော အဓိပ္ပာယ်တူညီသည့် ဆိုရိုးတစ်ခုနှင့် အစားထိုးပါ။

(4) ဆိုရိုးစကားများ အသုံးမပြုပဲ တူညီသော ဆုံးမစကားကို ရေးသားပေးပါ။

ဘာသာပြန်ခြင်းနည်းပရိယာယ်များကို အသုံးချသည့် ဥပမာများ

(1) သင်၏ဘာသာစကားတွင် ဆိုရိုးများ ရေးသားကြပုံကို လေ့လာ၍ ၎င်းအတိုင်းရေးသားခြင်း။

ကောင်းသောအသရေကို များစွာသော ဥစ္စာ ထက်သာ၍ ရွေးစရာကောင်း၏။

သူတပါးစုံမက်ခြင်း ကျေးဇူးသည် ရွှေငွေထက်သာ၍ ကောင်း၏။ (သုတ္တံ ၂၂:၁ ULT)

အောက်ပါတို့သည် ၎င်းဆိုရိုးစကားကို ဘာသာစကား အသီးသီးအလျောက် ပြောဆိုကြမည့် ပုံစံအချို့ဖြစ်သည်။

နာမည်ကောင်းတစ်ခုသည် များစွာသော ဥစ္စာတို့ထက် ပို၍ကောင်း၏၊ လူအများ၏ နှစ်သက်ခံရခြင်းသည်လည်း ရွှေငွေတို့ပိုင်ဆိုင်ရခြင်းထက် ပို၍ကောင်း၏။

ဉာဏ်ပညာရှိသူများသည်ဥစ္စာကြွယ်ဝမှုထက် နာမည်ကောင်းတစ်ခုကို ရွေးချယ်ကြ၏။ လူအများနှစ်သက်ခံရခြင်းကိုလည်း ရွေငွေတို့ထက် ပို၍ရွေးချယ်ကြသည်။

လူအများ၏ နှစ်သက်ခံရခြင်းသည်လည်း ရွှေငွေတို့ပိုင်ဆိုင်ရခြင်းထက် ပို၍ကောင်း၏။

လူအများနှစ်သက်ခံရခြင်းကိုလည်း ရွေငွေတို့ထက် ပို၍ရွေးချယ်ကြသည်။

ဥပမာ - “နွေဥတုတွင် နှင်းကျသကဲ့သို့” ဆိုသည်ကို “ကောက်ရိတ်ချိန်တွင် မိုးရွာသကဲ့သို့” ဟူ၍အစားထိုးခြင်း

သူရူးတစ်ယောက်အား ဂုဏ်သရေတင်ခြင်း (သုတ္တံ ၂၆:၁ ULT)

ပူသောရာသီတွင် လေအေးများတိုက်ခြင်း သို့မဟုတ် ကောက်ရိတ်သိမ်းခြင်းတွင် မိုးရွာခြင်းသည် သဘာဝမဟုတ်သကဲ့သို့ မိုက်မဲသူတစ်ဦးအားလည်း ဂုဏ်တင်ခြင်းသည်လည်း သဘာဝမကျပါ။

(3) မူရင်းဘာသာမှ ဆိုရိုးကို သင်၏ ဘာသာစကားတွင်ရှိသော အဓိပ္ပာယ်တူညီသည့် ဆိုရိုးတစ်ခုနှင့် အစားထိုးခြင်း

နက်ဖြန်နေ့ကို အမှီပြု၍ မဝါကြွားနှင့်။

တရက် အတွင်းတွင် အဘယ်သို့ ဖြစ်လိမ့်မည်ကို မသိနိုင်။ (သုတ္တံ ၂၇:၁ ULT)

ဥမပေါက်ခင် ကြက်ကောင်ရေကို မတွက်နှင့်

(4) ဆိုရိုးစကားများ အသုံးမပြုပဲ တူညီသော ဆုံးမစကားကို ရေးသားပေးခြင်း

အဘကိုကျိန်ဆဲ၍

အမိကိုလည်း ကောင်းကြီး မပေးတတ်သောလူတမျိုး၊

ငါသည် စင်ကြယ်၏ဟု မိမိကိုယ်ထင်သော်လည်း၊

မိမိအညစ်အကြေးမှ မဆေးကြောသေးသော လူတမျိုး။ (သုတ္တံ ၃၀:၁၁-၁၂ ULT)

မိမိတို့၏ မိဘများကို မရိုသေသောသူများသည် သူတို့ကိုယ်သူတို့ မှန်ကန်သည်ဟု အထင်ရောက်နေပြီး အပြစ်ပြုခြင်းကို မစွန့်လွှတ်တတ်ကြပေ။

13 KiB Raw Permalink Blame History